Te Kōhanga Reo ki Papatoetoe Whānau

1 Te Horopaki

E tū ana Te Kōhanga Reo ki Papatoetoe Whānau ki te hapori o Papatoetoe, i Tāmaki-makau-rau. E toru tekau tau ki muri te kōhanga reo i whakatūngia ai, ā, kei Middlemore Park. He tokoiti tonu ngā tamariki ki te rārangi ingoa. Kei raro tēnei kōhanga reo i te maru o te tari a-rohe a Tainui o te Poari Matua o Ngā Kōhanga Reo, ā, kei Kirikiriroa taua tari e tū ana.

2 Ngā Whakaaturanga o te Aromātai

He pēhea rawa te taunekeneke a ā tātou tamariki ki ētahi atu tāngata?

He pai te nuinga o ngā taunekeneke a ngā tamariki ki ētahi atu.

Ngā Taumata Whakahirahira  

E ako ana ngā tamariki ki tētahi taiao ako pai. He maha ngā whai wāhitanga mō ngā tamariki ki te whakawhanake i tō rātou māramatanga ki te whanaungatanga. Ka ako te whānau ki te taha o ā rātou tamariki, i a rātou e mahi ana, ā, e tākaro ana hoki. Ka rongo ngā tamariki i te aroha, te manaaki, me te āwhina hoki o ngā pākeke. E hāpai ana aua āhuatanga i ngā tamariki ki te āta taunekeneke me te āta whakawhanaunga hoki ki ētahi atu. Ka tūmāia ngā tamariki ki te kōhanga reo.

He mauritau ngā tamariki i roto i ā rātou akoranga me ā rātou tākaro. He mārama ngā mahinga, ngā taumahi, me ngā kaupapa i āta whakaritea ai, ā, he ngāwari anō hoki te rere o aua tūāhuatanga. He harikoa, he mauritau hoki ngā tamariki ki te taha o ō rātou pākeke e noho ngākau nui ana ki tō rātou waiora. Kei ngā tamariki te whānuitanga o ngā tūmomo rauemi hei tūhura i roto i ngā akoranga. Puta noa i te rā, he maha ngā wā e āhei ana ngā tamariki ki whiriwhiri i ā rātou ake taumahi ako. Kei te tino mōhio ngā tamariki ki ō rātou taiao, a, kua waia hoki ki ngā rauemi. He maha ngā wā ka āta kitea tō rātou tino ngākau nui ki te whiriwhiri me te kōkiri tonu i ā rātou ake akoranga. He ākonga tākare ngā tamariki.

He pai te aro nui o ngā tamariki ki ngā tohutohu i roto i te reo Māori. Ka ārahi, ka aroturuki hoki te kuia i te whakamahinga a ngā kaimahi, ngā tamariki, me te whānau i te reo Māori. Ka akiaki ngā kaimahi i ngā whakawhitinga kōrero i ngā wā tākaro me ngā wā ako. Ka patapatai, ka kōrerorero hoki rātou ki ngā tamariki tuākana, ā, ka hāpai anō hoki rātou i te whakautu kōrero a ngā pēpi mā te reo ā-tinana. He pakari ngā tamariki tuākana ki te whai wāhi atu ki te whānuitanga o ngā tūmomo karakia me ngā tūmomo waiata, ā, ka hāpai tēnei i te whakawhanaketanga reo. E noho kipakipa ana te whānau ki te ako i te reo Māori, i tā rātou rongo i ā rātou tamariki e kōrero ana i te reo Māori. E whanake ana ngā tamariki ki te kōrero i te reo Māori.

Te Whakamahere me te Aromātai 

E āta whakaarohia ana, e āta whakamaheretia ana hoki ngā ngākau nuitanga o ngā tamariki. Ka kitea ki ngā mahere hōtaka, te noho o te whakawhanaketanga reo Māori hei aronga matua, me te whakawhanaketanga anō hoki o ngā tamariki hei ākonga tūmāia. Ka whakamahia te whānuitanga o ngā tūmomo huarahi aromatawai, hei whakatakoto haere i ngā wheako ako a ngā tamariki i te kōhanga reo, me te whakapuaki anō hoki i aua tūāhuatanga ki ngā whānau. He aronga ngātahi tō te tukanga whakamahere, ā, ka whai wāhi mai te whānau. E whai pūtake ana ngā mahi ki te whakamahere i ngā hōtaka akoranga, ā, ka whakahāngaitia anō hoki ki ngā matea o ngā tamariki.

Ngā Whakaritenga Matua ka Whai Ake

Tērā ētahi āhuatanga o te whakahaeretanga i te kōhanga reo hei whakawhanake ake. Kāhore te tūtohinga e hāngai ana ki te wā nei, ā, kāhore hoki e whai pānga ana ki te āhua o te whānau i tēnei wā tonu. Kāhore i te rawaka ētahi o ngā whakaritenga e pā ana ki te hauora me te haumaru. Kei te tari ā-rohe tonu o te Poari Matua o Ngā Kōhanga Reo te whakahaeretanga o ngā pūtea. Kāhore anō kia oti te arohaehae i ngā kaimahi. Me mārama ngā hononga ki waenga i ngā tuhinga tūranga mahi me ngā arohaehae ā ngā kaimahi, hei tātari i ngā matea me ngā whai wāhitanga ako ngaio, whakawhanaketanga ngaio hoki o ngā kaimahi.

Me whakapakari ake te arotake o roto. Ahakoa ka whakawhiti kōrero te whānau i ngā tino take i ngā hui o ia marama, he whāiti tonu te pūrongo mā ngā āhuatanga matua o ngā whakahaeretanga i te kōhanga reo. I tēnei wā, ka whakahaere te kaiako i te tari, ā, ka mahi anō hoki ki te taha o ngā tamariki. Ka āwhina ētahi atu mema o te whānau i ngā wā e taea ana e rātou. Kāhore i te whānau tētahi kaiwhakahaere hei āta whakarite i te auau me te pūmau o ngā pūnaha i te tari.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. 

I te wā o te arotake, i tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutukihia ai e te whānau ngā herenga ā-ture, me tahuri rātou ki te: 

• whakatinana i tētahi pūnaha kia tutukihia ai te arohaehae i ia te wā
  [R46 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

• whakarite i tētahi tukanga arotake whaiaro ka haere tonu i ia te wā, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai e whakawhiwhia ana e ngā tamariki. 
  [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakatinanahia ngā arohaehae mā ngā kaimahi katoa
• whakapakarihia ngā whakaritenga e pā ana ki te aromātai o roto, tae atu ki te arotake me te whakahou ake i te tūtohinga me ngā kaupapa here.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo ki Papatoetoe Whānau i roto ngā tau e rua.

Lynda Pura-Watson

Kaiurungi Whakaturuki Arotake Māori 

24 Paengawhāwhā, 2018

Ngā kōrero e pā ana ki te kōhanga reo 

1 Context

Te Kōhanga Reo ki Papatoetoe Whānau is in Papatoetoe, Auckland. The kōhanga reo was established 30 years ago and is situated on Middlemore Park. The whānau continue to face low roll numbers. This kōhanga reo is under the umbrella of the Te Kōhanga Reo National Trust Tainui district office based in Hamilton.

2 The Evaluation Findings

How well do our tamariki interact with others?

Tamariki have mostly positive interactions with others.

Ngā Taumata Whakahirahira

Children learn in a positive learning environment. There are many opportunities for children to develop an understanding of whanaungatanga. Whānau learn beside their children as they work and play. Children experience aroha, manaaki and āwhina from adults. These support children to interact and relate to others positively. Children are confident in the kōhanga reo.

Children are contented as they learn and play. Clear routines, activities and events are well established and flow smoothly. Children are happy and settled with familiar adults that are committed to their wellbeing. Children have a range of resources for exploration and learning. There are many instances throughout the day where children can choose their own learning activities. Children know their environments well and are familiar with the resources. They often show a strong interest in selecting and managing their own learning. Children are keen learners.

Children respond positively to instruction in te reo Māori. The kuia guides and monitors the use of te reo Māori by kaimahi, children and whānau. Kaimahi encourage dialogue during play and learning. They use questions and conversations with the older children and support babies to respond using body language. Older tamariki confidently participate in a wide range of karakia and waiata to support language development. Whānau are motivated to learn te reo Māori when they hear their children speaking. Children are developing as speakers of te reo Māori.

Planning and Evaluation

Children’s interests are well considered and planned for. Programme plans reflect te reo Māori development as priority, and children’s development as confident learners. A range of assessment practices are used to record children’s learning experiences at kōhanga reo and share these with whānau. A collaborative planning process includes whānau input. Planning programmes of learning is meaningful and tailored to children’s needs.

Key Next Steps

There are some aspects of the kōhanga reo operations that need developing. The charter is out of date and does not reflect the current whānau context. Some health and safety practices are inadequate. Financial management is still with the local Te Kōhanga Reo National Trust Office. Kaimahi appraisals have not been completed. There should be clear links between job descriptions and kaimahi appraisals to determine professional learning and development needs and opportunities for kaimahi.

Internal review requires strengthening. While the whānau discuss important issues at the monthly hui, reporting against key aspects of kōhanga reo operations are limited. Currently, the kaiako has a dual role managing administration in office and also working with the children. Other whānau members help out when they can. The whānau does not have a kaiwhakahaere to ensure that there is consistency and maintenance of office systems.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements, they need to:

• implement a system of regular appraisal
  [R46 Education (Early Childhood Services) Regulations 2008, GMA7 Licensing Criteria for Kōhanga Reo affiliated with Te Kōhanga Reo National Trust 2008]

• ensure there is an ongoing process of self-review to help the kōhanga reo to improve the quality of education and care that children receive.
  [R47 Education (Early Childhood Services) Regulations 2008, GMA6 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendations

ERO and the Kōhanga Reo whānau developed the following recommendations:

• implement appraisals for all kaimahi
• strengthen internal evaluation practices including charter and policies review and updates.

When is ERO likely to evaluate the kōhanga reo again?

The next ERO evaluation of Te Kōhanga Reo ki Papatoetoe Whānau will be within two years.

Lynda Pura-Watson

Deputy Chief Review Officer Māori 

24 April 2018 

Information about the Kōhanga Reo