Otewa Road, RD 5, Otorohanga
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Iti a Rata ki Ōtorohanga. E tū ana ki te taha o te marae o Hokinga Mai ki Te Nehenehenui. I tautuhia ki te pūrongo o mua, ko te aromātai o roto tētahi āhuatanga hei whakawhanake ake. Kua mahi nahanaha te whānau ki te whakatairanga tonu. E noho ngākau nui ana te whānau hou ki te whakapiki ake i tā rātou whai wāhi atu, me te kawe mātātoa atu i ā rātou kawenga ki te kōhanga reo.
Ka kitea ki ngā mokopuna tō rātou tino māramatanga ki te whanaungatanga, mā roto mai i ā rātou taunekeneke ki ētahi atu.
Ka whai wāhi atu ngā mokopuna ki ngā akoranga kua pou herea ki ngā uara o te whanaungatanga. Ka whakatauira ngā kaimahi i ngā taunekeneke e tohu ana i ngā uara o te aroha me te awhi. Ka kitea ki ngā tuākana te whakaute me te manaakitanga mō ō rātou tēina. Ko te noho tahi mai o ngā kaumātua ki te kōhanga reo tētahi āhuatanga motuhake. E hāpaitia ana te whai wāhi atu a ngā mokopuna ki ngā karakia Pai Mārire, me ngā hīmene, ngā waiata, ngā mihimihi, me te kori tinana. Ka tautoko mātātoa ngā kaimahi i te ako a ngā mokopuna i tō rātou tūrangawaewae, mā te ārahi i a rātou ki te taki i ō rātou pepeha. I ngā wā katoa, ka whakamihi, ka whakanui, ka whakakoia hoki ngā kaimahi i ngā whakapuakitanga a ngā mokopuna. Ka rongo ngā mokopuna i ngā hanganga reo ōpaki me ngā hanganga reo ōkawa. Ka rongo rātou i ngā karanga me ngā whaikōrero e whai pānga ana ki tō rātou hapū me tō rātou iwi, i a rātou e whakatau manuhiri ana. Mā tēnā, ka ako ngā mokopuna i ngā tikanga me ngā kawa o tō rātou kōhanga reo. E whai māramatanga ana ngā mokopuna ki ō rātou hononga ā-tāngata, ā-wāhi hoki.
E whakatairanga ana te taiao i ngā whai wāhitanga maha mō ngā mokopuna ki te tūhonohono ki te ao e noho nei rātou. Kei te wāteatea te kōhanga reo, ā, kua āta whakaritea. E hāpai ana te wāhi o waho i te taha tūhura, ā, ka taunekeneke ngā mokopuna ki waenga i a rātou anō mā te tangongitanga o ngā taumahi. Ka toro atu tō rātou papa tākaro ki te marae, ki tua atu i te kōhanga reo. Kua taunga ngā mokopuna ki ō rātou wāhi ako, ā, ka āta kapo atu i ngā whai wāhitanga ki te kōkiri i ngā akoranga me te mahi auaha. Ka āta whakatau ngā kaimahi kia māmā te toro atu a ngā mokopuna ki te tangongitanga o ngā rauemi e whakaongaonga ana i tō rātou whakawhanaketanga me ō rātou ngākau nuitanga. He ngākau titikaha ō ngā mokopuna ki te ako.
Ka mahi ngātahi ngā kaimahi ki te whakamahere i te hōtaka akoranga. He mahere ā-tau, ā-wāhanga, ā-wiki hoki e ārahi ana i ngā kaimahi, ā, e āta whakatau ana i te whai aronga me te whai pūtaketanga o te hōtaka. Ka arotahi ngā taumahi i whakamaheretia ai ki te ako ā-rōpū, ā, ka whakatairanga hoki i ngā taunekeneke papai ki waenga i ngā mokopuna. Kua wāhi pānga hoki ngā wawata o te whānau ki ngā mahere. Kua whakatakotohia ngā whakaritenga aromatawai. Ka kapo atu, ka whakaatu hoki i ngā huarahi ako ake o ia mokopuna ki roto i ngā kōnae me ngā mātai mokopuna. Ka whakapuakihia ki te taha o ngā whānau, ā, he whai wāhitanga mō rātou ki te kōrero urupare mō te ahu whakamua a ngā mokopuna. E whai hua ana ngā mokopuna nā ngā whakaritenga ngātahi kua pou herea ki te whanaungatanga.
Kua āta whakaritea ngā pūnaha a te whānau mō te whakahaeretanga i ngā whakaritenga ki te kōhanga reo. Ka āta ārahi, ka tohutohu hoki te tūtohinga i te whānau, ā, ka ahu mai i ngā mātāpono o Te Korowai. Tū ai ngā hui ā-whānau i ia te wā, ā, he kaha te taetae atu. He tino mōhiohio o roto i ngā meneti. Ka aro wawe te whānau ki ngā whai wāhitanga, ngā take, me ngā āwangawanga ka pupū ake. Pūrongohia ai ngā take pūtea i ia te wā. Ka arotakengia ngā kaupapa here me ngā tukanga e pā ana ki te hauora, te haumaru, me ngā kaimahi, kia hāngai ai ērā ki ngā herenga ā-ture. Ka whakapūmau te whānau i te haumaru me te pakari o te wāhi mō ngā mokopuna. Kei te mahere rautaki a te whānau, ko te tirohanga me ngā wawata o te whānau mō ngā mokopuna. E mōhio ana te whānau ki ā rātou kaupapa matua me ngā whāinga mō te pae tawhiti o te kōhanga reo. Ka pūrongo rātou i ngā whakaritenga me ngā mahi, ka aroturuki i te ahu whakamua, ā, ka whakatakoto ā-tuhi nei i ā rātou whakatutukitanga.
Ka whakahaerehia ngā take kaimahi. Ka whakamāramahia ngā kawenga e tūmanakohia ana, ki ngā kirimana mahi me ngā tuhinga tūranga. Kua whakatutukihia te arowhai i te haumaru o ngā kaimahi. Ka arotahi ngā arohaehae whaiaro ki te whakatairanga i ngā pūkenga me ngā mōhiotanga o ngā kaimahi. He pai te whakatakotoranga o te mahere ā-tau, ā, ka whakaraupapa i ngā mahi whakahaere matua me ngā wā hoki e tika ana kia whakatutukihia. Ko ngā mokopuna kei te pūtake o ngā whakaritenga e whakatau ngātahitia ai e te whānau.
He ōpaki te aromātai i te hōtaka. Ahakoa ka kōrero ngā kaimahi i tēnā e whai hua ana, i tēnā rānei kāhore e whai hua ana i roto i te hōtaka akoranga, kāhore aua kōrerotanga e tuhia ana. He mea nui kia whakaōkawatia e ngā kaimahi taua tukanga, kia kounga ai te hōtaka e whakaratohia ana, kia aro pū ai anō hoki ki ngā matea ako o ngā mokopuna katoa. Ka whai hua ngā mokopuna mā te whakapiki ake i te mōhiotanga o ngā kaimahi ki te aromātai hōtaka mō te whakapai tonutanga.
E mōhio ana te whānau me ngā kaimahi, e tika ana kia hakune ā rātou mahi ki te whakatairanga tonu i tō rātou mōhiotanga me tō rātou māramatanga ki te Children's Act 2014. E whakatau ana hoki Te Tari Arotake Mātauranga, e tika ana kia whai wāhi atu te whānau ki ētahi atu wānanga me ētahi atu whakangungu, kia mōhio ai, kia mārama ai rātou ki ā rātou kawenga e whakatutuki ai i ngā takohanga o te ture, i te aronga pū hoki ki te haumaru me te waiora o ngā mokopuna.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
E taunaki ana Te Tari Arotake Mātauranga me te whānau o te kōhanga reo, kia mahi te whānau ki te taha o te tari ā-rohe o Te Poari Matua o Ngā Kōhanga Reo, kia whai tautoko ki te whakatairanga ake i te mōhiotanga ki ngā takohanga i raro i te Children's Act 2014, me te whakaōkawa i te aromātai hōtaka.
Darcy Te Hau
Toka ā Nuku
Te Uepū-a-Motu – Māori Services
05 Poutūterangi, 2024
| Te tūwāhi | Kei Ōtorohanga, ki Waikato |
| Te tau a te Tāhuhu o te Mātauranga | 35012 |
| Te tau tohu o Te Kōhanga Reo | 04D035 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 29 ngā tamariki, kia tokowaru ki raro i te rua o ngā tau |
| Te tokomaha kei runga i te rārangi ingoa | 27 ngā tamariki, tokowaru kei raro i te rua o ngā tau |
| Ngā hononga ā-iwi | Māori 27 |
| Te wā i te kōhanga reo te rōpū arotake | Whiringa-ā-rangi 2023 |
| Te wā o tēnei pūrongo | 5 March 2024 |
| Ngā pūrongo o mua a Te Tari Arotake Mātauranga | Arotake Mātauranga, Whiringa-ā-rangi 2019; Arotake Tāpiri, Whiringa-ā-rangi 2016; Arotake Mātauranga, Hakihea 2014 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Iti a Rata is located in Ōtorohanga. It is situated alongside Te Marae o Hokinga Mai ki Te Nehenehenui. The previous report identified internal evaluation required further development. The whānau have worked diligently toward improvement. New whānau are dedicated to increasing their engagement and actively taking on responsibilities within the kōhanga reo.
Mokopuna demonstrate a good understanding of whanaungatanga through their interactions with others.
Mokopuna experience learning that is underpinned by values of whanaungatanga. Kaimahi model interactions that reflect values of aroha and awhi. Tuākana demonstrate respect and care for their teina. The presence of kaumatua is a distinctive attribute of the kōhanga reo. Mokopuna are supported to participate in karakia paimārire, himene, waiata, mihimihi and kori tinana. Kaimahi actively support mokopuna in learning about their tūrangawaewae by guiding them to recite their pepehā. Kaimahi consistently praise, acknowledge, and affirm mokopuna contributions. Mokopuna are exposed to language structures that is used on both formal and informal occasions. They hear karanga and whaikōreo that relate to their hapū and iwi as they participate in welcoming manuwhiri. Through this, mokopuna learn ngā tikanga and kawa of their kōhanga reo. Mokopuna are growing in their understanding of how they relate to people and places.
The environment promotes frequent opportunities for mokopuna to make connections to their surroundings. The kōhanga reo is spacious and well-organised. The outdoor area encourages exploration and allows mokopuna to interact with each other through a range of activities. Their papa tākaro extends beyond the kōhanga reo to the marae. Mokopuna are familiar with their learning spaces and make the most of opportunities provided to initiate learning and being creative. Kaimahi ensure mokopuna can easily access a wide range of resources to stimulate their development and interest. Mokopuna are confident learners.
Kaimahi work collaboratively to plan the learning the programme. This includes annual, term and weekly plans to guide kaimahi to ensure the programme is focussed and purposeful. Planned activities are focused on group learning and promote positive interactions among mokopuna. Whānau aspirations are incorporated into planning. Assessment practices are established. Mokopuna individual learning journeys are captured and presented in kōnae and mātai mokopuna. These are shared with whānau who have opportunities to comment and provide feedback on mokopuna progress. Mokopuna benefit from collaborative practices underpinned by whanaungatanga.
Whānau have established systems to manage the kōhanga reo operations. The Tūtohinga provides clear guidance and direction for whānau and is based on the principals of Te Korowai. Whānau hui are held regularly and well attended. Minutes provide valuable information. Whānau attend to emerging opportunities, issues and concerns promptly. Financial matters are regularly reported. Health, safety and personnel policies and procedures are reviewed to reflect legislative requirements. Whānau maintain a safe and secure environment for mokopuna. The whānau strategic plan includes the vision and aspirations whānau hold for mokopuna. Whānau know their priorities and goals for the future direction of the kōhanga reo. They report on actions and tasks, monitor progress and record their achievements.
Personnel matters are managed. Employment contracts and position descriptions provide clarity of expected responsibilities. Kaimahi safety checks are completed. Self-appraisals focus on enhancing kaimahi skills and knowledge. The annual plan is well presented and outlines key operational tasks when these are to be completed. Mokopuna are the centre of collective whānau decision making.
Programme evaluation is informal. While kaimahi talk about what is working, or not working in the learning programme, these are not documented. It is important that kaimahi formalise this process to provide a quality programme that responds to the learning needs of all mokopuna. Mokopuna would benefit from increasing kaimahi knowledge of programme evaluation for ongoing improvement.
Whānau and kaimahi acknowledge the need to be intentional in their ongoing efforts to enhance awareness and understanding of the Children’s Act 2014. ERO agree that it is essential the whānau engage in further wananga and training to recognise and understand their commitment in fulfilling the obligations of the Act and prioritise mokopuna safety and wellbeing.
During the evaluation, ERO looked at systems for managing the following areas:
ERO and the Kōhanga reo whānau recommends that whānau work alongside the district office for support to enhance awareness of the obligations under the Children’s Act 2014 and formalise programme evaluation.
Darcy Te Hau
Toka-ā-Nuku – Director
Te Uepū ā-Motu – Māori Review Services
5 March 2024
| Location | Ōtorohanga, Waikato |
| Ministry of Education profile number | 35012 |
| Kōhanga Reo Identification Number | 04D035 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 29 children, including up to 8 aged under 2 |
| Service roll | 27 children, including up to 8 aged under 2 |
| Ethnic composition | Māori 27 |
| Review team on site | November 2023 |
| Date of this report | 5 March 2024 |
| Most recent ERO report(s) | Education Review, November 2019; Supplementary Review November 2016; Education Review, December 2014 |
E tū ana Te Kōhanga Reo o Iti a Rata ki te marae o Te Hokinga Mai ki Te Nehenehenui, ki Ōtorohanga. Ko Ngāti Maniapoto te iwi. Whai muri i te arotake o mua a Te Tari Arotake Mātauranga, kua whakarerekēhia te raihana kia rahi ake ai te tatauranga o ngā tamariki e whakauru ana ki te kōhanga reo. Kua takohatia e te marae tētahi atu whare hei poipoi i te tupu haere o te kōhanga reo. E noho pūmau ana te whānau ki te mātauranga rumaki reo Māori.
Kei te ako ngā tamariki i te marae me ō rātou hononga.
E ako ana ngā tamariki i tō rātou reo ā-iwi. Ka rongo rātou i te reo Māori puta noa i te whānuitanga o ngā tūmomo horopaki o te hapori nei, tae atu ki te marae, ki ngā kaupapa a te iwi, ā, ki ngā pou whenua whakahirahira. Ka whai wāhi atu ngā tikanga me ngā kawa ki ngā akoranga a ngā tamariki. E mōhio ana te tamaiti ki te whānuitanga o ngā tūmomo waiata o te takiwā nei, ā, e whakamārama ana ēnei i ngā whakapapa o Ngāti Maniapoto. Ko te kaha taetae atu o ngā kaimahi ki ngā wānanga reo i ia te wā e whakatairanga mārika ana i ngā wheako ako a ngā tamariki. Ka whakapūmautia e ngā kaimahi te reo o Tainui. E whanake ana te māramatanga o ngā tamariki, tā rātou whakamahinga ana hoki i te reo Māori e tika ana ki ngā horopaki maha.
E ako ana ngā tamariki i tō rātou tuakiri mā te whānui o ngā wheako ako. Ka ngākau nui rātou ki ngā wā ako ōkawa, ā, ka noho pūmau ki aua wā, ko ngā karakia, ngā hīmene, me ngā waiata. Ka whai hononga ngā tamariki ki ētahi o ngā atua me ngā tūpuna i roto i ā rātou mahi, puta noa i te rā. Ka toro atu ngā kaimahi ki te marae ki te whakawhānui ake i ngā māramatanga o ngā tamariki ki ō rātou hononga ki te whare tupuna, te marae ātea, me te urupā. E whakaatuhia ana ngā tukutuku i waihanga ai ngā tamariki. Ko aua kaupapa katoa e whakapūmau ana i te māramatanga o ngā tamariki ki ngā hītori me ngā whakapono hoki o te marae. E whanake ana tō rātou whakaute, tō rātou whai whakaaro nui hoki ki ngā āhuatanga katoa o tō rātou taiao, tae atu ki te ao kikokiko me te ao wairua. E ako ana ngā tamariki i tō rātou tū ki te marae, ā, ki te hapori whānui hoki.
E whai wāhi mātātoa ana ngā tamariki ki ngā tini āhuatanga katoa o te marae. E whakatairanga ana ngā kaimahi i te tū a te tangata whenua mā ngā taumahi ako me ngā mahinga o ia rā. Ka whai wāhi mai ko te karanga, ko ngā karakia ā-whānau, ko ngā waiata tautoko, ā, ko te whai kōrero hoki ki ngā whakaritenga o ia ata, hei whakatau i ngā tamariki, otirā, hei tūhonohono i a rātou ki tō rātou whenua me tō rātou whānau. Ka whai wāhi atu ki te tūhuratanga o te marae i ia rā, ko te tū hei kaitiaki i te whenua. Ka whakanuia e ngā tamariki ngā kararehe me ngā taonga i tō rātou taiao, me tō rātou tūnga hei kaitiaki. E whanake ana tō rātou tino hononga ki te whenua.
E whiwhi ana ngā tamariki i ngā taunekeneke me ngā hononga e manaaki ana, e whai pūtake ana hoki. He hononga whakaute e paiheretia ana ki waenga i ngā tamariki. Ka whakatauira ngā tuākana i te tiaki me te manaaki ki ngā tēina. E pou here ana te manaakitanga me te whanaungatanga i ngā hononga, ā, ka whakatairanga hoki i ngā akoranga a ngā tamariki. Kei te mauritau, kei te harikoa hoki rātou.
Kei te pūtake o ngā mahi whakahaere a te whānau, ko ō rātou wawata tonu mō ngā tamariki. E arotahi ana te whānau ki te whai i ngā kaupapa matua, tae atu ki te whakarahi ake, te tauatanga, me ngā rawa. Ka āta aroturukitia, ka āta whakahaerehia hoki ngā akoranga a te whānau, ā, nā tēnei kua tokomaha ake ngā mema e mau ana i ngā tohu mātauranga e whakamanahia ai e te Poari Matua o Ngā Kōhanga Reo. Nō nā noa nei ngā kaupapa here katoa o te tūtohinga i arotakengia ai, ā, nā taua mahi, he pai te tūnga o te kōhanga reo ki te ahu whakamua tonu me ētahi atu o ngā kaupapa matua, ngā whāinga hoki e whai pānga ana ki ngā tamariki. Kua piki ake te noho ngākau nui o te whānau, me te tautoko i a rātou ki te whai wāhi atu ki ngā whakaritenga me ngā whakahaeretanga i te kōhanga reo. E whakatairangatia ana ngā hononga o ngā tamariki.
Kua āta whakaritea ngā tukanga whakamahere. E whakatinana ana ngā wawata o te whānau i ngā mahere. Ko te angamahi o Te Whāriki – tae atu ki ngā pou e whā – e āta kitea ana ki ngā mahere, puta noa i te tau. E whiwhi ana ngā tamariki i ngā wheako i āta whakaarohia ai, ā, e tino whai pānga nui ana hoki ki a rātou. E āta tohu ana ngā kaupapa whānui me ngā kaupapa whāiti i ngā akoranga a ngā tamariki. He tuhinga anō hoki e whakaatu ana i te āhua o ngā mahi a ngā kaimahi ki te whakahono i ngā tamariki ki ngā akoranga mā ngā kaupapa i whakamaheretia ai.
Me titiro ki te aromātai o roto. Ka taea te aroturuki ake ngā ngākau nuitanga o te whānau me ngā mahi whakahaere. He ruarua noa ngā wā e tuhia ana ngā hui ā-whānau. He maha ngā wā ka whakatakotohia ā-waha noa ngā pūrongo a ngā kaiako me ngā kaimahi. He maha ngā wā kāhore e āta whakamāramahia ana te kiko o ngā akoranga a ngā tamariki. Ahakoa kua whakatakotohia ngā kaupapa here, kāhore e āta tuhia ana i ia te wā ko te taipitopito o ngā kōrero mō ngā rehita e pā ana ki te hauora me te haumaru – tae atu ki te taima o ngā maiki, me ngā mahi hoki e tiaki ai i te taiao o ngā tamariki. Ko te whakapakari ake i ngā mauhanga tuhi, ka hāpai ake anō hoki i te tirohanga a te whānau ki te āhua o ngā mahi ki tō rātou kōhanga reo, tae atu hoki ki ngā whakatutukitanga me ngā āhuatanga matua hoki hei whakapai ake.
He ngoikore ngā mahi aromatawai. Ahakoa kei te mōhio ngā kaimahi e tika ana kia whakapaitia ngā mōhiohio aromatawai me ngā whakaritenga aromatawai, kāhore e māramahia ana e rātou me pēhea te whakatakoto haere i te ako me te ahu whakamua a ngā tamariki. Tāpiri atu ki tēnā, kāhore he aromātai hōtaka. He whāiti noa ngā tuhinga e pā ana ki ngā hui kaimahi. Kāhore aua tūāhuatanga e hāpai ana i ngā kaimahi ki te whakaaro huritao me te pūrongo hoki ki ngā hui ā-whānau mō ngā whakarerekētanga ki ngā hōtaka me ngā whakaritenga i whakatutukihia ai e rātou hei whakatairanga ake i ngā akoranga mō ngā rōpū tamariki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. I te wā o te arotake, i tāutuhia e Te Tari Arotake Mātauranga ētahi herenga ā-ture kāhore e whakatutukihia ana. Me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Iti a Rata i roto i te toru o ngā tau.
Gloria Takuira
Toka ā-nuku Whakakapi
Te Uepū-ā-Motu - Māori Review Services
25 Whiringa ā-rangi, 2019
Te tūwāhi | Kei Ōtorohanga | |
Te tau a te Tāhuhu o te Mātauranga | 35012 | |
Te tau tohu o Te Kōhanga Reo | 04D035 | |
Te tūmomo whare | He kōhanga reo | |
Te raihana | Ngā Ture Mātauranga (Ratonga Kōhungahunga) 2008 | |
Te tokomaha mō te raihana | 29, kia tokowaru ki raro i te rua o ngā tau | |
Te tokomaha kei runga i te rārangi ingoa | 26, tokowaru kei raro i te rua o ngā tau | |
Te ira tangata | Kōtiro 7 Tama tāne 19 | |
Ngā hononga ā-iwi | Māori | 100% |
Te wā i te kōhanga reo te rōpū arotake | Whiringa-ā-nuku 2019 | |
Te wā o tēnei pūrongo | 25 Whiringa ā-rangi, 2019 | |
Ngā pūrongo o mua a Te Tari Arotake Mātauranga | Arotake Tāpiri Arotake Mātauranga Arotake Tāpiri | Whiringa-ā-rangi 2016 Hakihea 2014 Mahuru 2010 |
Te Kōhanga Reo o Iti a Rata is located at Te Hokinga Mai ki Te Nehenehenui Marae, Otorohanga. Ngāti Maniapoto since the last ERO review, the licence has amended to allow for more enrolments. An additional whare was gifted by the marae to cater for the expansion. Whānau are committed to Māori immersion education.
Children learn about the marae and their connections.
Children learn their local language and dialect. They are exposed to te reo Māori across a range of local contexts, including the marae, local iwi events and important landmarks. Tikanga and kawa are part of children’s learning. Individual’s know a range of local waiata that tell of the whakapapa of Maniapoto. Kaimahi attendance at regular wananga reo impact positively on language experiences that children receive. Kaimahi reinforce the dialect of Tainui. Children are developing in their understanding and use of te reo Māori that is specific to different situations.
Children learn about their identity through a range of learning experiences. They enjoy the formal learning times where karakia, himene and waiata are compulsory. Children make connections to specific ātua Māori and tūpuna during the day. Kaimahi use the marae to extend children’s understanding of their connections to specific domains including the whare tupuna, marae ātea and urupa. Tukutuku completed by children are displayed. These kaupapa reinforce children’s understanding of the local marae history and beliefs. They are developing respect and consideration for all things in their environment including the living and non-living worlds. Children are learning about their place on the marae and the wider community.
Children are active participants in the wider marae environment. Kaimahi promote the roles of tangata whenua in daily learning activities and routines. These include karanga, whānau karakia, waiata tautoko and whaikorero. The morning includes these components to help settle and connect children to their whenua and whānau. Daily exploration of the marae includes the role of kaitiaki to the whenua. Children acknowledge the animals and the taonga in their environment and their role as kaitiaki. They are developing a strong affinity to the whenua.
Children experience caring and meaningful interactions and relationships. Respectful relationships are formed between children. Tuakana role model tiaki and manaaki to teina. Manaakitanga and whanaungatanga underpin connections, enhance children’s learning. They are settled and happy.
Whānau aspirations for children are central to whānau management. Whanau are focused on pursuing key priorities, including expansion, succession and property. Well monitored and managed whanau learning has resulted in more members with recognised TKRNT qualifications. The recent review of all tūtohinga policies places the kōhanga reo well to move forward with other priorities and goals for children. Whānau commitment and support to be involved in the management and operations of the kōhanga reo has heightened. Children’s connections are enhanced.
Planning processes are well established. Whānau aspirations inform planning. Te Whāriki framework, including ngā pou e whā are strongly reflected in all plans throughout the year. Children receive well considered and relevant experiences. Kaupapa whānui and whāiti provide clear sign posts for children’s learning. There is supporting documentation to show how kaimahi connect children to learning through planned kaupapa.
Internal evaluation requires attention. Whānau interests, and management, can be better monitored. Whānau hui are not often documented. Kaiako/kaimahi reports at whanau hui are often verbal. The detail about learning for children is often be missed. While policies are in place, specific detail on health and safety registers, including times of accidents, and regular property maintenance of the children’s environment are not consistently kept. Stronger record keeping can give the whānau greater insight into the performance of their kōhanga reo, including achievements and key areas for improvement.
Assessment practice is lacking. While kaimahi understand they need to improve assessment information and practice, they lack an understanding of how children’s learning and progress can be recorded. In addition, programme evaluation is absent. Records of kaimahi hui are limited. This does not help kaimahi reflect on and report to whānau at hui on the changes to programmes and practices they have made to enhance learning for groups of children.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements. During the review, ERO identified areas of non-compliance. The whānau must:
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Iti a Rata will be in three years.
Gloria Takuira
Acting Toka ā-nuku
Te Uepū ā-Motu - Māori Review Services
25 November 2019
| Location | Otorohanga | ||
| Ministry of Education profile number | 35012 | ||
| Kōhanga Reo Identification Number | 04D035 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 29 children, including up to 8 aged under 2 | ||
| Kōhanga Reo roll | 26 children, including up to 8 aged under 2 | ||
| Gender composition | Girls 7 Boys 19 | ||
| Ethnic composition | Māori | 100% | |
| Review team on site | October 2019 | ||
| Date of this report | 25 November 2019 | ||
| Most recent ERO report(s) | Supplementary Review Education Review Supplementary Review | November 2016 December 2014 September 2010 | |
Ka whakahaeretia tētahi arotake tāpiri i runga o te whakataunga ā te Kaiurungi Whakaturuki Arotake Māori i Te Tari Arotake Mātauranga.
E aromātai ana te arotake tāpiri i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te arotake mātauranga o mua atu i tēnei, me ētahi atu wāhanga rānei kua tāutuhia whai muri o taua arotake.
Ko ngā whakataunga mō ngā whakapuakitanga e pā ana ki tēnei arotake, ko:
E tū ana Te Kōhanga Reo o Iti a Rata ki te taha o te marae o Te Hokinga Mai ki Te Nehenehenui, i Ōtorohanga. I tāutu te pūrongo o mua, ko te aromātai o roto me te whakamahere rautaki ētahi āhuatanga hei whakawhanake ake. Mai i taua wā, kua whakapau kaha te whānau hou ki te whakatutuki haere i ngā whakapaitanga e tika ana. Nō te marama o Whiringa-ā-rangi i te tau 2015, te komiti hou me ngā kaiako hou i whakatūngia ai.
Ahakoa te maha o ngā wero, e āhei ana te whānau i nāianei ki te whakarite i ngā pūnaha ka āta whakatau i te noho mārama o ngā whakahaeretanga ki te kōhanga reo, ā, ka tino ārahi anō hoki i te whānau. Ka kōrerohia ngā wāhanga whakahaere katoa o te whānau, ka āta tuhia ngā whakataunga, ā, ka arotakengia te ahu whakamua i ia te wā. Kua whakatūngia tētahi komiti, ā, ka whakarato rātou i ngā pūrongo ki ngā hui ā-whānau i ia te wā. Ka whakarato hoki te kaiwhakahaere me ngā kaiako i ngā pūrongo i ia te wā.
Kua tāutuhia e te whānau tā rātou tirohanga pae tawhiti mō te whakawhanaketanga o te kōhanga reo. Kua whakapakarihia te hononga ki te marae, ā, ka whai hua mō rātou katoa. Kua tono atu rātou ki Te Tāhuhu o te Mātauranga, ki te whakapiki ake i te tatauranga tamariki ki tā rātou raihana, hei hāpai ake i ērā e noho tonu ana ki te rārangi tatari. Nā tēnei, kei te rapu pūtea hoki ki te whakawhanake i ngā wāhi ako o roto, o waho hoki mō te whakapikitanga ake o te tatauranga tamariki.
Nā te kawenga takohanga ki te whakahaeretanga pūtea, kua ea te whānau i ngā nama ki te marae me te Tari Tāke. E mahi ana te whānau ki te taha o ngā kaimahi o Te Poari Matua o Ngā Kōhanga Reo, ki te whakapakari ake i te māramatanga o te whānau ki te kaupapa o te kōhanga reo, te tūtohinga, me te arotake kaupapa here. E noho wātea ana ngā tuhinga katoa ki te whānau, ā, kua whakakotahingia te whakaputu. E noho pūmau ana te whānau ki te kōhanga reo, hei āta whakarite i ngā hua mō ngā tamariki.
I tāutu te whānau, e tika ana kia whakapaingia tō rātou māramatanga ki Te Whāriki. Kua pai ake te whakamahere hōtaka. Kua tae atu te whānau ki ngā wānanga i hāngai ai ki ngā mahere, ā, ka whakamahere ngātahi rātou i ngā kaupapa ako. Ka hāngai ngā mahere ki tēnā e whakaakona ana, me ngā rautaki whakaako, ngā rauemi anō hoki e tika ana. Kua whakaritea e te whānau te taiao hei whakatutuki i ngā hiahia o ngā pēpi me ngā tamariki tuākana. Kua āta tuhia ngā whakawhitinga kōrero e pā ana ki te hōtaka akoranga. Ka whakaaro huritao ngā kaimahi hou mō ngā āhuatanga katoa o ā rātou mahi. Ka whakamātau rātou i ngā rautaki, hei āta whakarite i ngā painga mō ngā tamariki. Ka noho ngākau nui ngā tamariki ki tētahi hōtaka akoranga e āta whakahaerehia ana, e āta whakaritea ana hoki hei whakatutuki i ō rātou matea.
Me whakawhanake ake i te aromatawai o ngā akoranga a ngā tamariki. Kāhore i te riterite, kāhore hoki i te auau ngā tuhinga ki ngā pūkete a ngā tamariki. E toro atu ana tonu ngā kaimahi ki te tautoko o waho, hei whakarite i tētahi tukanga aromatawai ka kapo atu i tēnā e mōhiotia ana e ngā tamariki, me tēnā i ākona ai e rātou. E mōhio ana ngā kaimahi, ko te whakawhiti kōrero i ia te wā mō ngā kaupapa ako e hono ana ki ngā mahere, hei whakapakari ake i te aromātai.
Kei te whakawhanake tonuhia te whakamahere rautaki. Kua whakawhiti kōrero te whānau mō tā rātou tirohanga pae tawhiti, ā, he mārama ā rātou kaupapa matua ki a rātou. Kua oti kē ētahi o ngā kaupapa mahi. Kāhore anō te whānau kia whakawhanake i tētahi mahere ā-tau e mau ana i te wātaka, hei hāpai ake i tā rātou aronga hou. Ko te pakari o ngā pūnaha, te pai o ngā hononga, me te tino māramatanga ki te kaupapa, ka hāpai i te whānau ki te whakatutuki i ō rātou wawata.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
E tū ana Te Kōhanga Reo o Iti a Rata ki te tapa o Ōtorohanga. He nui te ahu whakamua a te whānau hou ki te whakatutuki i ngā wāhanga i tāutuhia ai ki te pūrongo o mua. He pai tā rātou mahi tahi ki te āta whakarite i te kounga o ngā painga mō ngā tamariki, ā, i te whai huatanga o ngā mahi mō te kōhanga reo mō te wā kei te heke mai.
Ka arotake anō Te Tari Arotake Mātauranga i Te Kōhanga Reo o Iti a Rata i roto i te toru o ngā tau.
Lynda Pura-Watson
Kaiurungi Whakaturuki Arotake Māori
04 Whiringa-ā-rangi, 2016
| Te tūwāhi | Kei Ōtorohanga | |
| Te tau a te Tāhuhu o te Mātauranga | 35012 | |
| Te tau tohu o te kōhanga reo | 04D035 | |
| Te tūmomo whare | He kōhanga reo | |
| Te raihana | Nga ture Mātauranga (Rātonga Kohungahunga) 2008 | |
| Te tokomaha mō te raihana | 12, kia tokorua ki raro i te rua o ngā tau | |
| Te tokomaha kei runga i te rārangi ingoa | 12, tokorua kei raro i te rua o ngā tau | |
| Te ira tangata | Kōtiro 4 Tama tāne 8 | |
| Ngā hononga ā-iwi | Māori | 100% |
| Te wā i te kōhanga reo te rōpū arotake | 19 Mahuru 2016 | |
| Te wā o tēnei pūrongo | 04 Whiringa-ā-rangi, 2016 | |
| Ngā pūrongo o mua a Te Tari Arotake Mātauranga | Arotake Mātauranga Arotake Tāpiri | Hakihea 2014 Pipiri 2010 |
A supplementary review is undertaken at the discretion of the Deputy Chief Review Officer Māori in the Education Review Office (ERO).
A supplementary review evaluates the extent and effectiveness of actions a kōhanga reo has taken towards addressing issues specified in its previous ERO review and/or any additional areas identified since that review.
The terms of reference for this review are:
Te Kōhanga Reo o Iti a Rata is beside Te Hokinga Mai ki Te Nehenehenui Marae, in Otorohanga. The previous report identified internal evaluation and strategic planning required further development. Since that time there is a new whānau who have worked diligently to create the improvements required. The new committee and kaiako have been in place since November 2015.
Despite several challenges, the whānau are now able to establish systems that will ensure that kōhanga reo operations are transparent and provide clear guidance for the whānau. All areas of whānau management are discussed, decisions are clearly recorded and progress is regularly reviewed. A komiti has been established who provide regular reports at whānau hui. The kaiwhakahaere and kaiako also provide regular reports.
The whānau have identified their long term vision for the development of the kōhanga reo. The relationship with the marae has been restored and is mutually beneficial. They have made application to the Ministry of Education to increase the number of children on their licence to alleviate the waiting list. Consequently funding is being sought to develop the indoor and outdoor learning spaces to accommodate an increase in the roll.
Responsible financial management has enabled the whānau to clear debts to the marae and IRD. The whānau is working with NTKR staff to strengthen whānau understanding of the kaupapa of te kōhanga reo, the charter and policy review. All documentation is easily accessible to whānau and is stored in a central place. Whānau are committed to the kōhanga reo and to ensure positive outcomes for children.
Whānau identified the need to improve their understanding of Te Whāriki. Programme planning has improved. Whānau have attended planning wānanga and plan kaupapa for learning together. Planning includes what is being taught, teaching strategies and required resources. The whānau have organised the environment to cater for the babies and the older children. Discussions around the learning programme are well documented. New kaimahi reflect on all aspects of their work. They trial strategies to establish positive outcomes for children. Children enjoy a learning programme that is well managed and organised to meet their needs.
Assessment of children’s learning requires further development. Entries in children’s portfolios are inconsistent and irregular. Kaimahi continue to seek external support to establish an assessment process that will capture what children know and what they have learned. Kaimahi acknowledge that regular discussion on kaupapa ako, linked to planning will strengthen evaluation.
Strategic planning is still developing. Whānau have discussed their long term vision and are clear about their priorities. Some projects have already been completed. Whānau are yet to develop an annual plan with timelines to support their new direction. Robust systems, positive relationships and a sound understanding of the kaupapa will support the whānau to achieve their aspirations.
ERO and the kōhanga reo whānau developed the following recommendations:
Te Kōhanga Reo o Iti a Rata is located on the outskirts of Otorohanga. The new whānau have made significant progress with the areas identified in the previous report. They are working well together to ensure quality outcomes for children and a positive future for the kōhanga reo.
The next ERO review of Te Kōhanga Reo o Iti a Rata will be in three years.
Lynda Pura-Watson
Deputy Chief Review Officer Māori
4 November 2016
| Location | Otorohanga | ||
| Ministry of Education profile number | 35012 | ||
| Kōhanga Reo Identification Number | 04D035 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 12 children, including up to 2 aged under 2 | ||
| Kōhanga Reo roll | 12 children, including up to 2 aged under 2 | ||
| Gender composition | Girls 4 Boys 8 | ||
| Ethnic composition | Māori | 100% | |
| Review team on site | 19 September 2016 | ||
| Date of this report | 4 November 2016 | ||
| Most recent ERO report(s) | Education Review Supplementary Review | December 2014 June 2010 | |