8 Caenarvon Drive, Flaxmere, Hastings
View on mapKo Te Kōhanga Reo o Mere Kārena tētahi kōhanga reo noho kāinga ki te hapori o Pāharakeke, ā, kāhore anō kia rua tau te roanga o tōna whakahaeretanga. Koia nei te arotake mātauranga tuatahi I te kōhanga reo nei. Kua whai wāhi nui ngā kaiwhakaū ki te whakatūnga o tēnei kōhanga reo. I tēnei wā, e whakawhānui ana te whānau i tō rātou whare, hei whakatutuki i te hiahia o te tini tāngata ki te whai wāhi mai ki te kōhanga reo.
He pai te whakawhiti kōrero a ngā tamariki i roto i te reo Māori, i a rātou e mahi ana, e taunekeneke ana hoki ki te taha o ētahi atu.
Ko te waiora o ngā tamariki kei te pūtake o ngā whakaritenga katoa. He ngākau titikaha, he ngākau nui hoki ō ngā tamariki ki te whai wāhi mai ki ngā akoranga. Ka whakapau kaha te whānau ki te akiaki i ngā taunekeneke ki waenga i ngā tamariki e poipoi ai i te noho ngātahi, te manaaki, me te aroha. Ka whakatauira ia kaimahi i te āhua o te whakaute o te tangata ki a ia anō, ā, ki ētahi atu. He pai te atawhai i ngā tamariki. Nō nā tata tonu ngā tūmanako me ngā mahinga i whakaritea ai, ā, e hāpai ana ēnei i te whakawhanaketanga o ngā tamariki i te whanonga e tika ana me ngā hononga papai. E ako ana ngā tamariki i te āhua e tika ana i ngā wā karakia. E hāpaitia ana te ako a ngā tamariki i ngā hononga ki waenga i ngā atua Māori me te taiao. Ka whakamahi ngā kaimahi i ngā mihi me ngā rautaki papai ki te whakatairanga i te ngākau titikaha, te whakawhirinakitanga, me te atawhai. He harikoa, he mauritau hoki te āhua o ngā tamariki.
E whai wāhi nui ana ngā tamariki ki tētahi taiao e poipoi ana i ō rātou tuakiri. Ka āta whakarite ngā kaimahi kia taetae atu ngā tamariki ki ngā pōhiri i te marae. Ka whai wāhi anō hoki rātou ki ngā tikanga me ngā kawa o Ngāti Kahungunu. Nō Ngāti Kahungunu ngā kaimahi me te nuinga o ngā whānau. E whakawhanake ana ngā tamariki i tō rātou māramatanga ki tō rātou tū hei tangata whenua. E hāpaitia ana te taki a ngā tamariki i ā rātou mihimihi me ō rātou pepeha. E hāpaitia ana te whakawhanake o ngā tamariki i ō rātou pūmanawa hei kaiārahi, i a rātou e hautū ana i ētahi o ngā wāhanga o te hōtaka i te kōhanga reo, pērā i ngā karakia me ngā hīmene. Ka tito te whānau i ngā waiata e hāngai pū ana ki tō rātou kōhanga reo me tō rātou rohe. E rumakina ana ngā tamariki ki te whanaungatanga.
He tino puna rauemi tō ngā tamariki kia ako rātou i te reo Māori. Ka rongo rātou i te reo o tō rātou iwi. He tino tauira o te reo Māori i roto i te whānau, ā, ka taunekeneke ngā tamariki ki aua tāngata i ia rā. Ka hāpai ngā waiata me ngā karakia o te hāhi Ringatū i te whakawhanaketanga o te reo o ngā tamariki. Ka whakamahi ngā kaimahi i te reo rotarota me ngā tohu ā-ringa hei akiaki, hei hāpai hoki i ngā tamariki. Ka aro atu rātou ki ngā whakawhitinga kōrero a ngā tamariki mā te atawhai me te aroha. Ka ārahi, ka tautoko hoki ngā kaimahi hei whakapiki ake i te māramatanga me te whakamahinga o ngā tamariki i te reo Māori. Kei ngā kaupapa mahi hou ngā whai wāhitanga mō ngā tamariki me te whānau ki te rongo i te reo Māori ki te whānuitanga o ngā tūmomo horopaki. E whanake ana ngā tamariki ki te kōrero i te reo Māori.
He ngākau titikaha tō ngā tamariki i a rātou e tūhura haere ana i tō rātou taiao. E whakarato ana te whānau i tētahi taiao haumaru e akiaki ana i ngā pūkenga ki te tūhura me te āta whakamātau. E whakawhanake ana ngā kaimahi i tō rātou mōhiotanga ki te ārahi me te akiaki i te tūhura haere a ngā tamariki i te taiao. He ngohengohe, he ngāwari hoki te aro atu a ngā kaimahi ki ngā tūmomo whakamahinga o te wāhi iti e wātea ana ki a rātou. Ka whakahihiritia ngā tamariki ki ngā whai wāhitanga ki te whakaari haere i te āhua o ngā pōhiri, ngā waiata, me ngā haka. Ko ngā whai wāhitanga ki te tākaro me te ako i te taiao māoriori e āta tuituia ana ki te hōtaka. E whanake ana te ngākau titikaha o ngā tamariki ki te ako.
He pai te whakahaere i ngā mahi ki te whakamahere i te hōtaka. E ākina ana te whai wāhi mai o te whānau ki te waihanga o te hōtaka akoranga. E whakawhanake ana ngā kaimahi i tō rātou māramatanga ki ō rātou tūranga me ā rātou kawenga mahi. Kua tāutuhia e rātou ā rātou kaupapa whakangungu matua. E noho pūmau ana te whānau ki te āta whakarite i te whai wā o ngā kaimahi ki te whakangungu tonu. He tino puna mōhio te kaiako hou ki te kaupapa o te kōhanga reo. E arotakengia ana ngā mahere, ngā tuhinga e pā ana ki te hōtaka, me te tuhi haere hoki i te ahu whakamua a ngā tamariki. E whakawhanakehia ana te hōtaka akoranga hei whakatutuki i ngā matea me ngā ngākau nuitanga o ngā tamariki. E whiwhi ana ngā tamariki i ngā painga ka ahu mai i ngā whakataunga e aro matua ana ki a rātou.
He pai ngā mahi a te whānau ki te whakahaere i tō rātou kōhanga reo. Ka whai wāhi mātātoa rātou ki ngā whakataunga, puta noa i ngā whakahaeretanga katoa. He mārama tā rātou tirohanga rautaki mō ngā tau kei te heke mai. Ko tō rātou ngākau nuitanga ki te kaupapa, ko tā rātou aronga ngātahi ki te whakarauoratanga o te reo Māori, e kōkiri ana i ō rātou whakawhanaketanga. Ka whakamanahia, ka whakaaro nuitia hoki tā rātou whai wāhi mai. Ka kawe ngātahi rātou i ngā mahi e pā ana ki te hauora me te haumaru, ngā pūtea, ngā kaimahi, me te whakahaeretanga o te tari. I te whakaurutanga mai o ia whānau ki te kōhanga reo, ka whakamōhiotia ā rātou kawenga kia whai wāhi nui mai rātou ki te ako a ā rātou tamariki, me tō rātou waiora hoki. He mauritau, he whakaute hoki te āhua o te whakawhanaungatanga. E puāwai ana ngā tamariki nā ngā painga i tētahi taiao ā-whānau e hāpai ana i a rātou.
Me whai whakaaro te whānau ki ngā huarahi ka whakapakari ake i te tukanga arohaehae a ngā kaimahi. Ka ārahi tēnei i te whakapā atu o ngā kaimahi ki ngā akoranga ngaio me ngā whakawhanaketanga ngaio ka whakapiki ake ai i te whai huatanga o ā rātou mahi ki te taha o ngā tamariki. Ka whai hua rātou i ngā akoranga e pā ana ki te whakahaeretanga me te whakaritenga o ngā tamariki me te hōtaka akoranga.
Kua tāutuhia e ngā kaimahi tētahi wāhanga hei whakawhanake wawe. Kua tāutuhia e te whānau e tika ana kia rapu rātou i te tautoko ka hāpai i ngā kaimahi ki te whakahaere i te whanonga uaua. Ahakoa ka whakapau kaha rātou ki te ū tonu ki te mauritau, ka āta whakamātau rawatia ō rātou mōhiotanga me ō rātou tautōhito. E mahi ngātahi ana ngā kaimahi me te whānau ki te rapu i ngā rongoā me te tautoko e tika ana.
Kāhore ngā kaupapa here me ngā tukanga matua o te hauora me te haumaru e hāngai ana ki Te Ture Oranga Tamariki o te tau 2014. Hei āta whakapūmau i te hauora me te haumaru o te taiao ako, me hāngai ngā kaupapa here katoa ki ngā herenga ā-ture o te wā. Ko te haumaru o ngā tamariki te aronga matua.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga te wāhanga e whai ake nei, kāhore e tutuki ana e ai ki te ture. Kia tutukihia ai e te whānau o te kōhanga reo ngā herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Mere Kārena i roto i te toru o ngā tau.
Lynda Pura-Watson
Kaiurungi Whakaturuki Arotake Māori
27 Paengawhāwhā, 2018
|
Te tūwāhi |
Kei Pāharakeke, ki Heretaunga |
|
|
Te tau a te Tāhuhu o te Mātauranga |
47114 |
|
|
Te tau tohu o Te Kōhanga Reo |
08E116 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
23, kia tokowhā ki raro i te rua o ngā tau |
|
|
Te tokomaha kei te rārangi ingoa |
23, tokowhā kei raro i te rua o ngā tau |
|
|
Te ira tangata |
Kōtiro 12 Tama 11 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Hui-tanguru 2018 |
|
|
Te wā o tēnei pūrongo |
27 Paengawhāwhā, 2018 |
|
|
Ngā pūrongo o mua a Te Tari Arotake Mātauranga |
NA |
|
Te Kōhanga Reo o Mere Kārena is a home-based kōhanga reo located in Flaxmere, and has been operating for less than two years. This is the first education review of this kōhanga reo. The founders of this kōhanga reo have made significant contributions to its establishment. The whānau is in the process of extending their facilities to accommodate the growing demand for places in this kōhanga reo.
Children communicate well in te reo Māori as they work and interact with others.
Children’s wellbeing is at the centre of all practices. Children are confident and willing participants. Whānau strive to encourage interaction between children that fosters sharing, caring and aroha. Kaimahi model respect of self and others. Children are managed positively. The newly established expectations and routines help to support children to develop positive behaviour and relationships. Children are learning to respond appropriately during karakia. Children are supported to learn about the relationship between atua Māori and the environment. Kaimahi use praise and positive strategies to promote confidence, trust and a sense of nurture. Children appear to be happy and settled.
Children enjoy an environment where their identity is nurtured. Kaimahi ensure children attend pōhiri on the marae. They are exposed to tikanga and kawa of Ngāti Kahungunu. Kaimahi and most whānau affiliate to Ngāti Kahungunu. Children are developing their understanding of their role as tangata whenua. Children are supported to recite their mihimihi and pepeha. Children are supported to develop their leadership qualities within the kōhanga reo environment as they lead aspects of the programme such as karakia and hīmene. Whānau write waiata that are specific to their kōhanga reo and the area. Children are immersed in whanaungatanga.
Children are well resourced to learn te reo Maori. They hear the dialect specific to their iwi. Whānau have strong Māori speaking role models who children interact with daily. Waiata and Ringatū karakia support children’s language development. Kaimahi use sign language and hand signals to prompt and support children. They respond to children’s communication with warmth and love. Kaimahi provide guidance and support to increase children’s understanding and use of te reo Māori. New kaupapa mahi will provide regular opportunities for children and whānau to hear te reo in a range of contexts. Children are developing as speakers of Māori.
Children explore their environment with confidence. Whanau provide a safe and secure environment that encourages exploration and risk taking. Kaimahi are developing their knowledge of how to guide and encourage exploration of the environment. Kaimahi are flexible and adaptive in the small space available. Children are excited by the opportunities to role play pōhiri, waiata and haka. Opportunities to play and learn in the local natural environment are integrated into the programme. Children are developing as confident learners.
Programme planning is well managed. The whanau is encouraged to contribute to the design of the learning programme. Kaimahi are developing their understanding of their roles and responsibilities. They have identified their priorities for training. The whānau is committed to ensuring kaimahi have the time to upskill. The new kaiako has knowledge and experience in the kōhanga reo kaupapa. Planning, programme documentation and recording children’s progress is being reviewed. The learning programme is developing to meet the needs and interests of the children. Children benefit from responsive decision making.
The whānau manage the operations of their kōhanga reo well. They are involved and proactive decision makers across all operations. They have a clear strategic vision for the future. Their collective commitment to the kaupapa and revitalisation of te reo Māori drives their development. Their input is valued and respected. Health and safety, finances, personnel and administrative requirements are shared responsibilities. The whānau is informed, during enrolment, of their responsibility to contribute to their children’s learning and well-being. Relationships are positive and respectful. Children thrive in a supportive and positive whānau environment.
Whānau should consider ways to strengthen the appraisal process for kaimahi. This will guide kaimahi to access professional learning and development that is going to increase the effectiveness of their work with children. They would benefit from learning that will focus on the management and organisation of children and the learning programme.
Kaimahi have identified an urgent area for development. The whānau has identified the need to seek support for kaimahi to manage challenging behaviour. While they work hard to remain positive, their lack of knowledge and experience is tested to its limits. Kaimahi and whānau are working together to find solutions and support.
Key health and safety policies and procedures do not align with the Vulnerable Children’s Act 2014. In order to ensure a safe and healthy learning environment is sustained, all policies should align to current legislation. Children’s safety is a priority
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified areas of non-compliance. In order for the kōhanga reo whānau to meet compliance requirements they need to:
review and update child protection and behaviour management policies and procedures to align with the Vulnerable Children’s Act 2014.
[Regulation 46 (Early Childhood Services) Regulations 2008; HS31-33 Licensing Criteria for Kōhanga Reo affiliated with Te Kōhanga Reo National Trust 2008]
ERO and the Kōhanga Reo whānau developed the following recommendation:
Continue to build internal evaluation across all areas of the kōhanga reo for sustainability and quality of the learning programme for children.
The next ERO evaluation of Te Kōhanga Reo o Mere Kārena will be in three years.
Lynda Pura-Watson
Deputy Chief Review Officer Māori
27 April 2018
|
Location |
Flaxmere, Hastings |
|
|
Ministry of Education profile number |
47114 |
|
|
Kōhanga Reo Identification Number |
08E116 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
23 children, including up to 4 aged under 2 |
|
|
Kōhanga Reo roll |
23 children, including up to 4 aged under 2 |
|
|
Gender composition |
Girls 12 Boys 11 |
|
|
Ethnic composition |
Māori |
100% |
|
Review team on site |
February 2018 |
|
|
Date of this report |
27 April 2018 |
|
|
Most recent ERO report(s) |
NA |
|