Te Kōhanga Reo o Ngāti Hangarau

Te Aromātai

1 Te Horopaki

E tū ana Te Kōhanga Reo o Ngāti Hangarau ki te marae o Ngāti Hangarau ki Peterehema, i Tauranga. E whakahaere ana te marae i tētahi pakihi tāpoi, ā, ka whai wāhi atu te kōhanga reo ki te whakatau me te manaaki i ngā tūruhi. He mātātoa hoki te whai wāhi atu o ētahi o te whānau o te kōhanga reo ki te komiti o te marae, ā, ka whai hua te hononga ki waenga i a rātou. He maha ngā whiringa hei mātauranga kōhungahunga ki tēnei takiwā, engari e whai whakaaro ana te whānau mō ngā tūmomo rautaki ka whakapiki ake i te tatauranga tamariki.

2 Ngā Whakaaturanga o te Arotake

He pēhea rawa te tūmāia, te harikoa hoki o ngā tamariki hei ākonga?

He ākonga tūmāia, he ākonga harikoa hoki ngā tamariki.

Ngā Taumata Whakahirahira

Ka noho matua te reo Māori ki te taiao akoranga o ngā tamariki. Ka kitea tō rātou mōhiotanga ki ngā karakia me ngā waiata. Ka kōkiri ngā tamariki i ngā whakawhitinga kōrero, ā, ka pātai i ngā pātai māmā. Ka arotahi ngā kaimahi ki te whakawhānui ake i ngā kupu a ngā tamariki mā te whakapuaki i ngā kupu hou. Ka rongo ngā tamariki ki te tino tauira o te reo Māori e kōrero ana i ngā pōhiri. Ka kitea te tūmāia o ngā tamariki i a rātou e whakawhiti kōrero ana mā te reo Māori.

He pārekareka ki ngā tamariki te ako mā te whānuitanga o ngā tūmomo wheako. Ka akiaki ngā kaimahi i ngā tamariki ki te whakatau i ngā whiringa me te whai wāhi atu ki te kōkiri i ā rātou ake tākaro. E wātea ana ki a rātou te whānuitanga o ngā rauemi. E whakawhanake ana ngā tamariki i tō rātou māramatanga ki tō rātou tūnga hei tangata whenua. Ka whai wāhi nui te marae ki te hōtaka akoranga o te kōhanga reo. He ākonga pakari ngā tamariki ki te ao Māori.

Kua whakataungia e ngā tamariki ngā hononga atawhai ki ngā pākeke me ō rātou hoa. He pākiki rātou ki ētahi atu me tō rātou tūnga i te kōhanga reo. Ka hāpai ngā kaimahi i ngā tamariki ki te āta taunekeneke ki ētahi atu mā te whānuitanga o ngā tūmomo horopaki. Ka toro atu ngā tamariki ki te tautāwhi o ngā pākeke, ā, he whakaute, he tūturu hoki ō rātou taunekeneke. He ngāwari te whakawhiti haere a ngā tamariki, ā, he tika hoki ā rātou taunekeneke ki ētahi atu i te kōhanga reo, i te marae, i te hapori hoki. Ka rongo ngā tamariki i ngā hononga e ahu mai ana i te whanaungatanga.

Te Whakamahere me te Aromātai

Kua whakaritea ngā tukanga e pā ana ki te whakamahere. Ka whakamahi ngā kaimahi i ngā mahere ā-tau hei ārahi i tā rātou whakamahere ā-wāhanga, me te āta tāutu i ngā kaupapa ako. Ka ārahi ngā mahere i te whakapuakitanga o te hōtaka akoranga. Ka whakamahia ngā pūkete hei aromatawai i te ahu whakamua o te ako a ngā tamariki. He mārama ngā kōrero o roto e pā ana ki te whanaketanga ako o ngā tamariki. He pai te whakamōhio i te whānau mō te ahu whakamua o ā rātou tamariki.

Kei te kōhanga reo tētahi komiti matua. Ka whakatau tēnei komiti i ngā take katoa e pā ana ki te tuku mahi. Ka kawe te kaiako me ngā kaimahi i ngā pūnaha whakahaere tari, ā, ka ārahi hoki i te whakawhanaketanga me te whakatinanatanga o te marautanga.

Kua whakaritea ngā kaupapa here me ngā tukanga e pā ana ki te hauora me te haumaru. Ka whakamahi te whānau i aua kaupapa here hei ārahi i ngā whakaritenga ki tō rātou kōhanga reo. Ka whiwhi ngā tamariki i tētahi taiao e whakatairanga ana i tō rātou waiora.

Kua whakaritea ngā pūnaha e pā ana ki te pūtea. Ko te pūrongo i ngā pūtea ki ngā hui ā-whānau e āta whakarite ana i te māramatanga. He pai ngā tohu ki te pūrongo a te kaitātari kaute. He rahi te tohatoha pūtea mō ngā rauemi a ngā tamariki. He pai te tūnga pūtea o te kōhanga reo.

Ngā Whakaritenga Matua ka Whai Ake

He whāiti te aromātai hōtaka. Kāhore ngā kaimahi e arotahi ana ki ngā huarahi ka whakapai ake i te hōtaka hei painga mō ngā tamariki. Tāpiri atu ki tēnei, me whakawhanake rātou i tētahi pūnaha ka aroturuki i te whai pānga o ngā whakarerekētanga ki ngā tamariki.

I ētahi wā, ka tahuri kē atu ngā kaimahi i te hōtaka akoranga, nā te iti noa o te tautoko i roto i ngā mahi whakahaere tari. Kāhore he kaiwhakahaere tari ō te whānau, kāhore rānei he pūnaha ā rātou ki te whakahaere i ngā mahi whakarite e tika ana hei hāpai ake i te kōhanga reo.

Me whakapai ake i te whakahaeretanga o ngā kaimahi. Kāhore anō te whānau kia whakahou ake i ngā tuhinga e pā ana ki te tuku mahi ki ngā kaimahi. Kāhore i ētahi o ngā kaimahi ngā kirimana mahi, kāhore hoki he pūnaha arohaehae.

Kua whakaritea ngā kaupapa here me ngā tukanga e pā ana ki te hauora me te haumaru, engari kāhore anō ēnei kia arotakengia, whai muri i te tau 2012. Ka hāngai ēnei ki te tūkino tamariki me te whakahaere kaimahi, pērā i te arowhai a ngā pirihimana, ā, ko te tikanga ka whai wāhi tēnei ki te tukanga e pā ana ki te whakatū kaimahi. Me whakahou ake i te kaupapa here e pā ana ki ngā aituā me ngā maiki, me ngā tukanga hoki e pā ana ki te arowhai i ngā āhuatanga mōrearea.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

Me tahuri te whānau ki te:

• arotake me te whakahou ake i ngā kaupapa here me ngā tukanga e pā ana ki te hauora me te haumaru, kia hāngai ai ēnei ki ngā tikanga herenga ā-ture o tēnei wā[R46 Ture Mātauranga (Kōhungahunga) 2008]
• whakapau kaha ki te whakarato i te rawaka o te tautoko ngaio, ngā whai wāhitanga whakawhanaketanga ngaio, me ngā rauemi ki ngā kaimahi me ngā tāngata e whai wāhi ana ki te kōhanga reo.[R47ECS2008/GM1-12]

4 Ngā Taunakitanga

E mōhio ana Te Tari Arotake Mātauranga me te whānau o te kōhanga reo, e tika ana kia whakapaingia ngā whakaritenga arotake whaiaro, puta noa i te kōhanga reo.

Te Whakarāpopototanga

E tū ana Te Kōhanga Reo o Ngāti Hangarau ki Tauranga. Ka kitea te tūmāia, te harikoa hoki o ngā tamariki hei ākonga i roto i ā rātou akoranga ki te kōhanga reo. He pakari tā rātou taunekeneke ki ngā pākeke katoa e whai wāhi atu ana ki te kōhanga reo. E noho ngākau nui ana ngā kaimahi ki ā rātou mahi ki te taha o ngā tamariki, ki te kaupapa hoki o te kōhanga reo.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Ngāti Hangarau i roto ngā tau e rua.

Lynda Pura-Watson

Kaiurungi Whakaturuki Arotake Māori

04 Hui-tanguru, 2016

5 Ngā kōrero e pā ana ki te kōhanga reo

1 Context

Te Kōhanga Reo o Ngāti Hangarau is based on Ngāti Hangarau marae in Bethlehem, Tauranga. The marae operates a tourism business and the kōhanga reo participates in the welcome and hosting of tourists. Members of the kōhanga reo whānau are also active marae committee members and there is a mutually beneficial relationship. There are a number of early childhood options in the immediate district but the whānau are looking at strategies to increase their roll numbers.

2 The Review Findings

How well do children show that they are confident, happy learners?

Children are confident and happy learners.

Ngā Taumata Whakahirahira

Children are exposed to a learning environment where te reo Māori is prioritised. They demonstrate knowledge of karakia and waiata. Children initiate conversations and ask simple questions. Kaimahi focus on building children’s vocabulary by introducing kupu hou. Children are exposed to models of te reo Māori through pōhiri. Children display confidence when communicating in te reo Māori.

Children enjoy learning through a range of experiences. Kaimahi encourage children to make choices and engage in independent play. They have access to a range of resources. Children are developing their understanding about their role as tangata whenua. The marae is an integral part of the kōhanga reo learning programme. Children are confident learners in te ao Māori.

Children have established caring relationships with adults and their peers. They are curious about others and their place in the kōhanga reo. Kaimahi support children to interact positively with others in a wide variety of contexts. Children seek comfort from adults and their interactions are respectful and genuine. Children move comfortably and interact appropriately with others in the kōhanga reo, on the marae and in the community. Children experience relationships that is based on whanaungatanga.

Planning and Evaluation

Planning processes are established. Kaimahi use annual plans to guide their term planning and clearly identify kaupapa ako. Planning guides the delivery of the learning programme. Profiles are used to assess children’s learning progress. These provide clear messages about children’s learning development. Whānau are well informed of their children’s progress.

The kōhanga reo have in place an executive committee. They make decisions about all employment issues. The kaiako and kaimahi take responsibility for administration systems and lead curriculum development and implementation.

Health and safety policies and procedures are in place. The whānau use these policies to guide the practice in their kōhanga reo. Children experience an environment where their wellbeing is promoted.

Financial systems are in place. Financial reporting at whānau hui shows transparency. The Auditor’s report is positive. Budgets for children’s resources are generous. The kōhanga reo is in a financially viable position.

Key Next Steps

Programme evaluation is limited. Kaimahi do not focus on how to improve the programme to benefit children. In addition they need to develop a system to monitor how well these changes impact on children’s learning.

At times kaimahi are distracted from the learning programme due to the lack of administration support. Whānau do not have an administrator or systems for managing the operational tasks required to support the kōhanga reo.

Personnel management needs to be improved. Whānau have yet to update kaimahi employment documentation. Some kaimahi do not have employment contracts neither is appraisal in place.

Health and safety policies and procedures have not been reviewed since 2012. These include child abuse and personnel management such as police vetting which should be included in their recruiting and employment process. Update the accident and incident policy including hazard safety checks.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

Whānau need to ensure that:

• health and safety policies and procedures are reviewed and updated to reflect current legislative requirements(Regulation 46 of the Education (Early Childhood Services) Regulations 2008]

• reasonable steps are taken to provide staff employed or engaged in the service with adequate professional support, professional development opportunities, and resources.(R47ECS2008/GM1-12)

4 Recommendation

ERO and the Kōhanga Reo whānau recognise the need to improve self-review practice throughout the kōhanga reo.

Conclusion

Te Kōhanga Reo o Ngāti Hangarau is in Tauranga. Children show they are confident, happy learners in their learning at kōhanga reo. They confidently interact with all adults involved in the kōhanga reo. The kaimahi are committed to working with the children and the kaupapa of the kōhanga reo.

When is ERO likely to review the kōhanga reo again?

The next ERO review of Te Kōhanga Reo o Ngāti Hangarau will be within two years.

Lynda Pura-Watson

Deputy Chief Review Officer Māori

4 February 2016

5 Information about the Kōhanga Reo