Te Kōhanga Reo o Parikino - 28/11/2017

1 Te Horopaki

E tū ana Te Kōhanga Reo o Parikino ki te taha o te marae o Parikino, e pā tata atu ana ki Whanganui. Nō ngā hapū o Ngāti Tuera rāua ko Ngāti Hinearo te whānau.

Whai muri i te pūrongo o mua a Te Tari Arotake Mātauranga i te tau 2014, kua whakatūngia ētahi kaimahi hou. He rautaki reo tā te whānau, hei whakapakari i te reo o Ngāti Tuera rāua ko Ngāti Hinearo. Kua whakahāngaitia anō hoki e rātou Te Korowai o Te Kōhanga Reo ki ā rātou kaupapa rautaki matua.

2 Ngā Whakaaturanga o te Aromātai

He pēhea rawa te kite i te whakawhanaketanga o ngā tamariki i tō rātou māramatanga ki tō rātou whai wāhi nui ki te whānau?

E tīmata ana ngā tamariki ki te whakahonohono haere i ō rātou hononga ki a Ngāti Tuera rāua ko Ngāti Hinearo, mā te whakapapa.

Ngā Taumata Whakahirahira

E ako ana ngā tamariki i ngā pūkenga ki te whakawhitiwhiti whakaaro mā te reo Māori. Ka whakamahi ngā kaimahi i ngā karakia, ngā pepeha, ngā waiata, ngā mihimihi, me te ruruku ki te hāpai i te whakawhanaketanga reo o ngā tamariki i ngā horopaki ōkawa. Ka whakamahia ngā pātai, ngā kōrero akiaki, me ngā tohu ā-ringa hei akiaki i ngā tamariki ki te kōrero i ngā akoranga i a rātou e tākaro ana. Ka whakamahi ngā pēpi i ngā nekehanga ā-tinana e tohu ana i ō rātou māramatanga. E whakawhanake ana ngā tamariki ki te kōrero i te reo Māori.

Ka ako ngā tamariki ki tētahi taiao e poipoi ana i a rātou. Ka whakatairanga ngā kaimahi i ngā uaratanga o te awhi, te manaaki, te tautoko, me te aroha i roto i te hōtaka o ia rā. Ka whakatauira rātou i aua whanonga hei hāpai i ngā tamariki ki te āta taunekeneke ki ētahi atu. Ka tautoko ngā kaimahi i ngā tuākana ki te whakawhanake i ō rātou pūkenga ārahi i roto i ngā tūmomo taumahi ki te taha o ō rātou hoa me ngā tēina. He harikoa te āhua o ngā tamariki.

E ako ana ngā tamariki i ō rātou tuakiri. Ka kawe atu ngā kaimahi i ngā tamariki ki te kite i ō rātou whanaunga, huri noa i te hapori. Ka whakarato rātou i ngā whai wāhitanga mō ngā tamariki ki te noho me te āta whakarongo ki ngā whakapapa o ngā whānau, me ngā kōrero tuku iho e pā ana ki ngā hapū o Ngāti Tuera rāua ko Ngāti Hinearo. E hāpaitia ana te whakapuaki a ngā tamariki i tō rātou pepeha, me ō rātou hononga ā-hapū, ā-iwi hoki. Ka whai wāhi atu ngā kaimahi ki te marae hei whakatairanga i te ako a ngā tamariki i ō rātou tuakiri. E mōhio ana ngā tamariki ki ō rātou tuakiri me ō rātou tūrangawaewae.

E whakawhanake ana ngā tamariki i tō rātou ngākau titikaha ki te tūhura haere. Ka whakarato ngā kaimahi i ngā taumahi mā ngā tamariki, ā, e whakatairanga ana ēnei i te tūhura haere o ngā akoranga. Ka akiaki rātou i ngā tamariki ki te tiaki i te māra kai me ngā kararehe i te kōhanga reo. He whai wāhitanga ki te tūhura i te taiao māoriori, tūturu hoki. Ko te whānuitanga o ngā tūmomo rauemi e whai wāhi ana ki te hāpai i te taha auaha o ngā tamariki. He mauritau te āhua o ngā tamariki ki te taiao ako.

Te Whakamahere me te Aromātai

E whai hua ana ngā mahere. E whakamahi ana ngā kaimahi i ngā mahere hōtaka e tāutu ana i ngā kaupapa ako, ngā taumahi, me ngā rauemi, hei hāpai i ngā akoranga a ngā tamariki. Ka whakaemi rātou i ngā mōhiohio e pā ana ki ngā akoranga a ngā tamariki, mā te whakamahi i ngā whakaahua, mā te tuhi hoki i ngā kitenga, ā, ka whakatakoto katoatia ki te pūkete a ia tamaiti. Ka whakapuaki ngā kaimahi i ngā akoranga a ngā tamariki ki te taha o ngā mātua, ā, ka whakamahi i te aromatawai hei whakamōhio i ngā mahere ka whai ake.

Ngā Whakaritenga Matua ka Whai Ake

Me āta titiro ki ngā whakaritenga e pā ana ki te aromātai o roto. Me toro atu te whānau me ngā kaimahi ki te tautoko o waho, ki te whakawhanake me te whakatinana i ngā tukanga ka whakapakari i te kounga o te whakapuakitanga me te whakahaeretanga. Me whai i tētahi aronga ngātahi e arotahi ana ki te:

  • auau me te ōkawa o te aromātai hōtaka, hei whakapai i ngā akoranga a ngā tamariki
  • whakaoti i ngā mahi arohaehae o ngā kaimahi katoa, hei whakapai ake i te ako ngaio me te whakawhanaketanga ngaio
  • arotake me te whakahou ake i te katoa o ngā kaupapa here me ngā tukanga e pā ana ki te haumaru ā-whatumanawa, ā-tinana hoki o ngā tamariki
  • arotake, te tuhi haere, me te aroturuki hoki i ngā whakaritenga e pā ana ki te moe o ngā tamariki, te arowhai i ngā āhuatanga mōrearea, me ngā akoako hōneatanga inā he ahi, he rū whenua hoki, ā, kia āta whakaritea hoki hei whakatutuki katoatia ngā herenga ā-ture
  • whakawhanake, te whakatinana, me te aroturuki i te mahere rautaki a te whānau, hei whakamōhio i ngā whāinga ā-tau
  • whakapakari i ngā mōhiotanga e pā ana ki te aromātai o roto, hei whakapai i te kounga o ngā putanga mō ngā tamariki, me ngā whakahaeretanga hoki o te kōhanga reo.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ngā wāhanga e whai ake nei, kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:

  • whakarite i tētahi tukanga ki te aromātai i te whai huatanga o te hōtaka akoranga
    [R 43 (1) (a) (i) (ii) Ture Mātauranga (Kōhungahunga) 2008; C1-4 me C7-10 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • arotake me te whakahou ake i te katoa o ngā kaupapa here me ngā tukanga e pā ana ki te hauora me te haumaru, hei āta whakarite i te whakatutukitanga me te noho pūmau hoki o ngā tikanga e pā ana ki ngā akoako hōneatanga, te moe, ngā aituā me ngā maiki, ngā āhuatanga mōrearea, te ārai tamariki, me te whakahaeretanga i te whanonga, hei painga mō ngā tamariki
    [R 46 Ture Mātauranga (Kōhungahunga) 2008; HS1, 8, 12, 25, 28 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • whakatinana i tētahi pūnaha mō te arohaehae a ngā kaimahi i ia te wā, me te whakatakoto haere i whakawhanaketanga ngaio e āta tautuhitia ai, ā, e whai pānga matua ana hoki ki a rātou
    [R 47 Ture Mātauranga (Kōhungahunga) 2008; GMA5 ki te GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • whakatutuki i tētahi mahere ā-tau ka ārahi i ngā whakahaeretanga o te kōhanga reo
    [GMA8 Ture Mātauranga (Kōhungahunga) 2008; Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • āta whakarite i te whakatutukitanga auau o ngā tukanga me ngā mahi e pā ana ki te ahi me te rū whenua, tae atu hoki ki ngā akoako hōneatanga i ia te wā, ā, me whakaatu anō hoki i ngā mahere ohorere.
    [R 46 (1) (2) Ture Mātauranga (Kōhungahunga) 2008; HS4 ki te HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

  • whakawhanakehia tētahi mahere rautaki, kia ahu whakamua tonu ai ngā kaupapa matua ā-tau a te whānau
  • arotakengia, kia whakahoungia hoki te katoa o ngā kaupapa here me ngā tukanga e pā ana ki te hauora me te haumaru
  • āta whakarite i ngā huarahi tuhinga, huarahi pūrongo hoki o ngā mahi ki te arowhai i ngā āhuatanga mōrearea, me te whakatutukitanga i ia te wā i ngā tukanga me ngā whakaritenga e pā ana ki te ahi me ngā rū whenua, ā, kia tū auau hoki ngā akoako hōneatanga, ā, me whakaatu hoki i ngā mahere ohorere
  • whakawhanakehia tētahi kaupapa here me ngā tukanga e pā ana ki te arohaehae, hei whakatutuki i ngā mahi ki te arohaehae i ngā kaimahi
  • whakawhanakehia, kia whakatinanahia hoki e ngā kaimahi tētahi tukanga mō te aromātai hōtaka, hei whakapai ake i te kounga o te whakapuakitanga.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Parikino i roto ngā tau e rua.

Lynda Pura-Watson

Kaiurungi Whakaturuki Arotake Māori

28 Whiringa ā-rangi, 2017

Ngā kōrero e pā ana ki te kōhanga reo

Te tūwāhi

Kei Whanganui

Te tau a te Tāhuhu o te Mātauranga

52732

Te tau tohu o Te Kōhanga Reo

07F018

Te tūmomo raihana

He Kōhanga Reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

20, kia tokowaru ki raro i te rua o ngā tau

Te tokomaha kei te rārangi ingoa

14, tokorima kei raro i te rua o ngā tau

Te ira tangata

Kōtiro 5

Tama 9

Ngā hononga ā-iwi

Māori

100%

Te wā i te kōhanga reo te rōpū arotake

Mahuru 2017

Te wā o tēnei pūrongo

28 Whiringa ā-rangi, 2017

Ngā pūrongo o mua a Te Tari Arotake Mātauranga

Arotake Tāpiri

Arotake Tāpiri

Arotake Tāpiri

Hakihea 2014

Haratua 2013

Whiringa-ā-nuku 2010

1 Context

Te Kōhanga reo o Parikino situated on Te Marae o Parikino near Whanganui. The whanau affiliate to the hapū of Ngāti Tuera and Ngāti Hinearo.

Since the last ERO report, 2014, new kaimahi have been appointed. Whānau have a language strategy to strengthen te reo o Ngāti Tuera and Ngāti Hinearo. They have also aligned Te Korowai o Te Kōhanga Reo to their strategic priorities.

2 The Evaluation Findings

To what extent do children show they are developing an understanding of their place in the whānau?

Children are beginning to build their links to Ngāti Tuera and Ngati Hinearo through whakapapa.

Ngā Taumata Whakahirahira

Children are learning skills to communicate in te reo Māori. Kaimahi use karakia, pepeha, waiata, mihimihi, ruruku to support children’s language development in formal situations. Questions, prompts and hand signs are used to encourage children to talk about learning in play. Babies use non-verbal gestures to express their understanding. Children are developing as speakers of te reo Māori.

Children learn in a nurturing environment. Kaimahi promote values of awhi, manaaki, tautoko and aroha in the daily programme. They model these behaviours to help children interact positvely with others. Kaimahi support tuākana to develop leadership roles in different activities with peers and tēina. Children appear happy.

Children are learning about who they are. Kaimahi take children to visit whanaunga in the local community. They provide opportunities for children to site and listen to whānau whakapapa, their stories related to the hapū of Ngāti Tuera and Ngāti Hinearo. Children are supported to share pepeha about their hapū and iwi connections. Kaimahi use the marae to enhance children’s learning of identity. Children know who they are and where they belong.

Children are developing confidence to explore. Kaimahi provide children with activities that promote exploration in learning. They encourage children to care for the maara kai and animals around the kōhanga reo. There are opportunities to explore the natural physical environment. A range of resources help to support children’s creativity. Children appear comfortable in the learning environment.

Planning and Evaluation

Planning is purposeful. Kaimahi use programme planning identifies kaupapa ako, activities and resources to support children’s learning. They gather information related to children’s learning by using photos, recording observations that are placed into individual profile books. Kaimahi share children’s learning with parents and use assessment to inform forward planning.

Key Next Steps

Internal evaluation practices needs attention. Whānau and kaimahi need to seek external support to develop and implement processes to strengthen the quality of delivery and management. A collective approach that focuses on:

  • Regular and formal programme evaluation to improve children’s learning

  • Completer appraisal for all kaimahi to improve professional learning and development

  • Review and update all policies and procedures related to children’s emotional and physical safety

  • Review, record and monitor practices of sleeping children, hazard checks and emergency fire and earthquake drills are in place and fulfil legislative requirements

  • Develop, implement and monitor the whānau strategic plan to inform annual goals

  • Build internal evaluation knowledge to improve the quality of outcomes for children and kōhanga reo operations.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

  • establish a process for evaluating the effectiveness of the learning programme
    [R43 (1) (a) (i) (ii) Education (ECS) Regulations 2008; C1-4 and C7-10]

  • review and update all health and safety policies and procedures to ensure requirements for emergence evacuation drills, sleeping, accidents and incidents, hazards, child protection and behaviour management are met and maintained for children
    [R46ECS2008/HS1,8,12,25,28]

  • implement a system of regular appraisal of kaimahi and provide well defined and targeted professional development
    [R47 Education (ECS) Regulations 2008 GMA5 to GMA7]

  • complete an annual plan to guide the kōhanga reo operation
    [GMA8 Early Childhood Services Regulations 2008, Licensing Criteria for Kōhanga Reo affiliated with Te Kōhanga National Trust 2008]

  • ensure that evacuation procedures and practices for fire and earthquake including evacuation drills occur at regular intervals and emergency plans displayed.
    R46 (1)(2) Education (Early Childhood Services) Regulations 2008; HS4-8) criteria Licensing Criteria for Kōhanga Reo affiliated with Te Kōhanga Reo National Trust 2008]

4 Recommendations

ERO and the Kōhanga Reo whānau developed the following recommendations:

  • Develop a strategic plan to progress whānau annual priorities

  • review and update all health and safety policies and procedures

  • ensure recording and reporting hazard checks are in place, and evacuation procedures and practices for fire, earthquake and evacuation drills occur at regular intervals, and emergency plans are displayed

  • develop an appraisal policy and procedures to complete kaimahi appraisal

  • kaimahi develop and implement a process of programme evaluation to improve the quality of delivery.

When is ERO likely to evaluate the kōhanga reo again?

The next ERO evaluation of Te Kōhanga Reo o Parikino will be within two years.

Lynda Pura-Watson

Deputy Chief Review Officer Māori

28 November 2017

Information about the Kōhanga Reo

Location

Whanganui

Ministry of Education profile number

52732

Kōhanga Reo Identification Number

07F018

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

20 children, including up to 8 aged under 2

Kōhanga Reo roll

14 children, including up to 5 aged under 2

Gender composition

Girls 5

Boys 9

Ethnic composition

Māori

100%

Review team on site

September 2017

Date of this report

28 November 2017

Most recent ERO report(s)

Supplementary Review

Supplementary Review

Supplementary Review

December 2014

May 2013

October 2010