Te Kōhanga Reo o Pōmāria

Te Aromātai

E tū ana Te Kōhanga Reo o Pōmāria ki ngā papa o te kura tuatahi o Pōmāria ki Henderson, i Tāmaki-makau-rau ki te uru. Kei kitea te mārama o ngā tamariki ki te whanaungatanga, mā te pai o ā rātou taunekeneke me ā rātou hononga. Ka whakamana ngā kaimahi i ngā tamariki ki te kawe ake i ā rātou akoranga. He harikoa, he pakari hoki ngā tamariki, ā, e āta manaakitia ana ki te kōhanga reo.

Ka arotake anō Te Tari Arotake Mātauranga i Te Kōhanga Reo o Pōmāria i roto i te toru o ngā tau.

1 Te Horopaki

E tū ana Te Kōhanga Reo o Pōmāria ki ngā papa o te kura tuatahi o Pōmāria, ki Henderson i Tāmaki-makau-rau ki te uru. Ka ngākaunui te whānau, ngā kaimahi, me ngā tamariki ki tō rātou wāhi ako. Ka noho te hauora, te haumaru, te waiora me te atawhai o ngā tamariki hei kaupapa matua. Ka whakamana ngā kaimahi i ngā tamariki ki te kōkiri me te kawe ake i ā rātou akoranga. E tīmata ana ngā tamariki ki te kōrero i te reo Māori.

2 Ngā Whakaaturanga o te Arotake

He pēhea rawa tā ngā tamariki whakaatu i tō rātou māramatanga ki te whanaungatanga?

Ka kitea te mārama o ngā tamariki ki te whanaungatanga mā te pai o ngā taunekeneke me ngā hononga.

Ngā Taumata Whakahirahira

Ka ako ngā tamariki ki tētahi tino taiao o te reo Māori. Ka rongo, ka whakamahi hoki rātou i te reo Māori ki ngā horopaki ōkawa me ngā horopaki ōpaki. Ka whakatauira ngā kaimahi i te whakamahinga reo e tika ana, hei hāpai ake i te āheinga o ngā tamariki i roto i te reo Māori. Ka whakamahi rātou i ngā waiata me ngā waiata ā-ringa hei whakawhānui ake, hei whakatairanga ake hoki i te whakawhanaketanga reo o ngā tamariki. He maha ngā wā ka pānui, ka whakapuaki pakiwaitara hoki ngā kaimahi ki te taha o ngā tamariki. E tīmata ana ngā tamariki ki te kōrero i te reo Māori.

He pakari ngā tamariki ki tō rātou wāhi ako. Ka akiaki ngā kaimahi me te whānau i ngā tamariki ki te whai wā ki te mahi i ngā taumahi e ahu mai ana i ngā tākaro. Ka whakamana ngā kaimahi i ngā tamariki ki te kōkiri me te kawe ake i ā rātou akoranga. He pārekareka ki ngā tamariki te whai wāhi atu ki te kori tinana me ngā tākaro o waho. E tino tautokona ana ngā tamariki hei ākonga ki te kōhanga reo.

E mōhio ana ngā tamariki ki tō rātou taiao māoriori, tūturu hoki. He pārekareka ki a rātou te tūhura i tō rātou papa tākaro. Ka ako ngā tamariki i ngā mea e ora ana, inā koa i ngā kai Māori. He māra kai tā rātou, ā, nā tēnei e āhei ana rātou ki te kite i te whenua hei wāhi kai. Ka akiaki ngā kaimahi i ngā tamariki ki te mōhio ki ngā mahi hauora me ngā kai pai. E whakawhanake ana ngā tamariki i tō rātou mōhiotanga ki te ao māoriori me te ao tūturu e noho nei rātou.

Ka rumakina ngā tamariki ki tētahi taiao e poipoi ana i a rātou, ā, e whakatairanga ana hoki i ngā uaratanga o te whakaute, te waiora, me te manaaki. Kei te mōhio rātou, kei te pā hoki ki a rātou te koa, te pārekareka, te atawhai, te manaaki, me te wairua aroha. Ka whiwhi ngā tamariki i ngā whai wāhitanga ki te ārahi, puta noa i te hōtaka akoranga o ia rā. Ka ako ngā tamariki i ō rātou hononga ki ētahi atu. Ka ako rātou i ō rātou hononga-ā-whakapapa mā ngā waiata me ngā pepehā. E whakawhanake ana ngā tamariki i te aronga toi whenuatanga.

Ngā Whakaritenga Matua ka Whai Ake

Kāhore ngā kaimahi e aromātai ana i te whai huatanga o te whakawhanaketanga reo Māori o ngā tamariki. E mōhio ana te kuia me ngā kaimahi, e tika ana kia mahi ngātahi rātou ko te whānau, ki te whakawhanake, ki te whakamahere, me te whakatinana i ngā whai wāhitanga ako reo ka whakaongaonga, ka whakawhānui, ā, ka whakatairanga anō hoki i te whakawhanaketanga reo o ngā tamariki.

Te Whakamahere me te Aromātai

Ka whai hua ngā tamariki nā ngā taumahi ako i āta whakamaheretia ai. Ka whai wāhi atu ngā whānau ki ngā mahi whakamahere. Ka whai hua ngā mahere i āta whakawhanakehia ai, ā, ka āta ārahi ēnei i ngā whakaritenga a ngā kaimahi. He whai wāhitanga mō ngā pēpi ki te whai i ō rātou ake ngākaunuitanga. E whiwhi ana ngā tamariki i ngā wheako akoranga e tino whai hua ana.

Ka puritia ki ngā pūkete a ia tamaiti, ko ngā mōhiohio e pā ana ki tana ahu whakamua me tōna whakawhanaketanga. Ka mātakitaki ngā kaimahi i ngā tamariki e tākaro ana, hei hāpai i ā rātou whakataunga aromatawai. Ka kitea ki ngā mōhiohio te ahu whakamua a ngā tamariki me tō rātou whakawhanaketanga anō hoki i roto i te reo Māori me ngā kaupapa ako. E āhei ana ngā mātua ki te pānui i aua mōhiohio me te kōrero ki ngā kaimahi mō te ahu whakamua o ā rātou ake tamariki. He pai te aroturuki i te ako a ngā tamariki.

He pai te whakawhanaketanga o te aromātai nō roto. Pūrongotia ai ia te wā ngā pūtea o te kōhanga reo me ngā take hauora, take haumaru hoki. Ka arotakengia ngā kaupapa here, ngā tukanga ia te wā. Kua oti i te whānau tētahi mahere rautaki hei taunaki i Te Ara Tūāpae me Te Korowai. Ko ngā mātāpono arataki ka kitea ki te tūtohinga te aronga o ngā whakataunga a te whānau. Ko ngā tamariki kei te pūtake o ngā whakataunga whakahaere.

Kua āta whakaritea, kua āta tuhia hoki te whakahaeretanga o ngā kaimahi. Kua oti i ngā kaimahi ā rātou arohaehae. He mahere-ā-tau tā rātou e aru ana i te haere tonutanga o ā rātou mahi whakangungu. Ka whai hua ngā tamariki nā ngā mahi a te whānau hei kaituku mahi pai.

Ngā Whakaritenga Matua ka Whai Ake

Kāhore te whānau e aromātai ana i te whai huatanga o te hōtaka akoranga. Ahakoa ka kōrerorero ngā kaimahi i ngā hōtaka akoranga hei whakapai ake i te whakapuakitanga, kāhore rātou e tuhi ana i ngā whakataunga hei whakarerekē haere i ngā mahi. Ka pai ake ngā putanga ako a ngā tamariki mā te whakapai ake i ngā whakaritenga aromātai a ngā kaimahi.

Kāhore he mahere-ā-tau tā te whānau, hei ārahi, hei aroturuki hoki i te āhua o ngā mahi me ngā putanga, i runga anō i te āhua o ā rātou kaupapa rautaki matua.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakawhanake, kia whakamahere, kia whakatinana hoki i ngā whai wāhitanga ako mā ngā tamariki
• pūrongo ia te wā ki ngā mātua ngā akoranga me te ahu whakamua a ngā tamariki
• whakawhanake, kia whakatinana hoki i ngā tukanga ka whakapai ake i te aromātai hōtaka
• whakaōkawa te whānau i tētahi mahere-ā-tau ka aroturuki i ngā putanga, i runga anō i te āhua o ā rātou kaupapa rautaki matua.

Te Whakarāpopototanga

E tū ana Te Kōhanga Reo o Pōmāria ki ngā papa o te kura tuatahi o Pōmāria ki Henderson, i Tāmaki-makau-rau ki te uru. Kei kitea te mārama o ngā tamariki ki te whanaungatanga, mā te pai o ā rātou taunekeneke me ā rātou hononga. Ka whakamana ngā kaimahi i ngā tamariki ki te kawe ake i ā rātou akoranga. He harikoa, he pakari hoki ngā tamariki, ā, e āta manaakitia ana ki te kōhanga reo.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Pōmāria i roto i te toru o ngā tau.

Lynda Pura-Watson

Kaiurungi Whakaturuki Arotake Māori

01 Hōngongoi, 2016

Ngā kōrero e pā ana ki te kōhanga reo

Evaluation

Te Kōhanga Reo o Pōmāria is on the grounds of Pōmāria Primary School, Henderson in West Auckland. Children show their understanding of whanaungatanga through positive interactions and relationships. Kaimahi empower children to take responsibility for their learning. Children are happy, confident and cared for well at kōhanga reo.

The next ERO review of Te Kōhanga Reo o Pōmāria will be in three years.

1 Context

Te Kōhanga Reo o Pōmāria is on the grounds of Pōmāria Primary school in Henderson, West Auckland. Whānau, kaimahi and children enjoy their learning environment. The health, safety, wellbeing and care of children is paramount. Kaimahi empower children to initiate and take responsibility for their learning. Children are beginning speakers of te reo Māori.

2 The Review Findings

How well do children demonstrate their understanding of whanaungatanga?

Children demonstrate their understanding of whanaungatanga well through positive interactions and relationships.

Ngā Taumata Whakahirahira

Children learn in a rich te reo Maori environment. They hear and use te reo Māori in both formal and informal contexts. Kaimahi model correct language use to support children’s capability in te reo Māori. They use waiata and waiata-ā-ringa to extend and enrich children’s language development. Kaimahi often read to and share stories with children. Children are beginning speakers of te reo Māori.

Children are confident in their learning environment. Kaimahi and whānau encourage children to spend time in productive play based activities. Kaimahi empower children to initiate and take responsibility for their learning. Children enjoy participating in kori tinana and playing outdoors. Children are well supported as learners at kōhanga reo.

Children are aware of their natural and physical environment. They enjoy exploring their adventure playground when playing on their papa takaro. Children learn about living things especially kai Māori. They have a maara kai that enables them to link the whenua as a food source. Kaimahi encourage children to know healthy habits and nutrition. Children are developing their knowledge of the natural and physical worlds around them.

Children are immersed in a nurturing environment where values of respect, wellbeing and care are promoted. They know and experience koa, parekareka, atawhai, manaaki and wairua aroha. Children experience leadership opportunities throughout the daily learning programme. Children learn about their connections and relationships to others. They learn about their whakapapa links through waiata and pepehā. Children are developing a sense of belonging.

Key Next Steps

Kaimahi do not evaluate the effectiveness of children’s te reo Māori development. The kuia and kaimahi acknowledge the need to work with whānau to develop, plan and implement language learning opportunities to stimulate, extend and enrich children’s language development.

Planning and Evaluation

Children benefit from well-planned learning activities. Whānau are involved in planning. Plans are effective, well developed and useful for guiding kaimahi practice. Babies have opportunities to follow their own interests. Children enjoy rewarding learning experiences.

Information about children’s progress and development is kept in their individual profiles. Kaimahi observe children at play to support their assessment judgements. Information shows children’s progress and development in te reo Māori and kaupapa learning. Parents are able to view this information and talk with kaimahi about their children’s progress. Children’s learning is well monitored.

Internal evaluation is developing well. There is regular reporting about kōhanga reo finances and health and safety matters. Policies and procedures are regularly reviewed. Whānau have completed a strategic plan that is informed by Te Ara Tūāpae and Te Korowai. The guiding principles reflected in the charter provides the focus for whānau decision making. Children are at the heart of management decisions.

Personnel management is well established and documented. Kaimahi have completed their appraisals. They have an annual plan that tracks their ongoing training. Children benefit from whānau who are responsible employers.

Key Next Steps

Kaimahi do not evaluate the effectiveness of the learning programme. Whilst kaimahi informally discuss learning programmes to improve delivery, they do not record decisions to bring about change. Children’s learning can lead to better outcomes by improving kaimahi evaluation practices.

Whānau do not have an annual plan to guide and monitor performance and outcomes against their strategic priorities.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendations to:

• develop, plan and implement language learning opportunities for children
• regularly report to parents about children’s learning and progress
• develop and implement processes to improve programme evaluation.
• whānau formalise an annual plan to monitor outcomes against their strategic priorities.

Conclusion

Te Kōhanga Reo o Pōmāria is on the grounds of Pōmāria Primary School, Henderson in West Auckland. Children show their understanding of whanaungatanga through positive interactions and relationships. Kaimahi empower children to take responsibility for their learning. Children are happy, confident and cared for well at kōhanga reo.

When is ERO likely to review the kōhanga reo again?

The next ERO review of Te Kōhanga Reo o Pōmāria will be in three years.

Lynda Pura-Watson

Deputy Chief Review Officer Māori

1 July 2016 

Information about the Kōhanga Reo