Te Kōhanga Reo o Pukewa

1 Te Horopaki

E tū ana Te Kōhanga Reo o Pukewa ki te taha o te marae ā-hapori o Waihī. E ahu mai ana te ingoa o te kōhanga reo i te maunga o Pukewa, ā, kāhore te maunga e kitea ana hei pou whenua i te rohe i tēnei wā. He mātātoa te whai wāhi atu a te whānau ki ngā kaupapa a te purapura, hei hāpai i ngā tamariki me ā rātou akoranga.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou mauritau ki tō rātou taiao ako?

Ka kitea ki ngā tamariki tō rātou aroha, tō rātou manaaki, me tō rātou pārekareka i roto i ngā akoranga.

Ngā Taumata Whakahirahira

E arohaina ana, e whakamanahia ana hoki ngā tamariki i tō rātou kōhanga reo. Ka tautāwhi, ka whakatau hoki ngā kaimahi me te whānau i ngā tamariki i ngā wā e tika ana. He mātātoa te whai wāhi atu a ngā tamariki ki te hōtaka ōkawa o ngā karakia, ngā hīmene, me ngā mōteatea. Kua whakaritea e ngā kaimahi ngā mahinga i ahu mai ai i ngā tikanga, hei hāpai i ngā tamariki ki te whakawhiti ki waenga i ngā mahinga o ia rā me ngā taumahi ako. Ka kitea te manaaki o ngā tamariki i ētahi atu, i te taiao hoki, nā tā rātou whakahoki atu i ngā rauemi, me tā rātou whakapaipai hoki i ia rā. He pai ngā hononga o ngā kaimahi ki ngā tamariki, ā, ki waenga hoki i a rātou anō. Ka kitea te wanea o ngā tamariki i roto i ā rātou tākaro me ā rātou akoranga.

E rumakina ana ngā tamariki ki ngā tikanga, ā, e poipoia ana hoki tō rātou tuakiri. Ka whakarato ngā kaimahi i ngā whai wāhitanga mō ngā tamariki ki te ako i ngā mōteatea o te takiwā, hei whakahōhonu ake i ō rātou māramatanga ki ō rātou pepeha me ngā hītori tuku iho o te hapū me te iwi. He ngākau titikaha tō ngā tamariki tuākana i a rātou e taki ana i ō rātou pepeha me ngā hononga ā-whānau. E hāpaitia ana te ako a ngā tamariki tēina me ngā pēpi i ō rātou pepeha me ō rātou tātai whakapapa mā te tāwhai, te whakaari, me te whakamahi anō hoki i ngā mahi ā-ringa. E akiaki ana ngā kaimahi i ngā tamariki ki te whakawhanake i ngā pūkenga ki te ārahi i ngā karakia me ngā waiata. Ka whakatauira te whānau me ngā kaimahi i ngā tūnga me ngā kawenga hei tangata whenua, mā te whai wāhi atu ki te whakatau i ngā manuhiri. He aronga toi whenuatanga tō ngā tamariki.

E rongo ana ngā tamariki i te pai o te whakawhanaungatanga. Ka whakatauira te whānau me ngā kaimahi i te whakaute, te manaaki, me te aroha i roto i te hōtaka o ia rā, hei poipoi i te taha whatumanawa o ia tamaiti. Ka whakapuakihia e ngā kaimahi te āhua o ngā matea ako o ngā tamariki, hei hāpai tonu i te hōtaka o ia rā. Ko ngā tamariki e mau nei i ngā matea ako ake, e hāpaitia ana e te whānau i te kōhanga reo, ki te nui o te atawhai me te poipoi e tika ana mō rātou. He whai wāhitanga mō ngā tamariki ki te taunekeneke hei tuakana, hei teina i roto i ngā kaupapa kori tinana. Ka hāpai ngā kaimahi i te whakawhanaketanga o ngā tamariki i ngā pūkenga ki te tiaki i a rātou anō, ā, ki te kōkiri anō hoki i tāna ake ako. E whanake ana te ngākau titikaha o ngā tamariki tuākana ki te whakahaere i ētahi o ngā āhuatanga o tō rātou atawhai. Ka whakapuaki rātou i ā rātou akoranga ki te taha o ngā pēpi i ngā taumahi tākaro. He pārekareka ki ngā tamariki te taunekeneke ki waenga i a rātou anō.

E tino tautokona ana te ako a ngā tamariki i te reo Māori. Ka whakatauira ngā kaimahi i te reo Māori ki ngā tamariki me te whānau i roto i te hōtaka akoranga. Ka whakamahia te whānuitanga o ngā tūmomo taumahi ako hei hāpai i te whanaketanga reo o ngā tamariki. Ka rongo ngā tamariki i te whānuitanga o ngā tūmomo whakamahinga o te reo Māori, pērā i ngā waiata, ngā karakia, te whāngai kōrero, te patapatai, ngā tohutohu, me te whakapuakitanga o ngā kōrero paki. Ka whakamahi ngā tamariki tuākana i ngā rerenga kōrero māmā hei whakapuaki i ō rātou whakaaro. Ka kōrero, ka waiata hoki ngā kaimahi ki ngā pēpi, ā, ka kitea tō rātou aro nui mā ō rātou kanohi me tō rātou reo ā-tinana. Ka whakamahia ngā rautaki whakatika reo kōrero ki te taha o ngā tamariki e mau ana i ngā matea ako ake. E ngākau nui ana te whānau ki te ako i te reo Māori hei hāpai i ngā tamariki me te kaupapa o te kōhanga reo. E whanake ana ngā tamariki ki te kōrero i te reo Māori.

Te Whakamahere me te Aromātai

Kei te mārama te whānau i ō rātou tūranga me ā rātou kawenga mahi, hei tautoko i te whakatau ngātahi i ngā whakaritenga. He pakari ā rātou pūnaha e hāpai ana i te whakatutukitanga o ngā herenga ā-ture me te aroturukitanga o ngā whakahaeretanga o ia rā. Ko te waiora ā-whatumanawa, ā-tinana o ngā tamariki, ko tō rātou atawhai anō hoki, e noho matua ana. E whakarato ana, e whakatauira ana hoki tētahi rōpū matua o ngā mema o te whānau i te ārahitanga pai. Arohaehaengia ai ngā kaimahi i ia te wā, ā, kua whakaritea hoki tētahi hōtaka whakangungu hei hāpai i tō rātou whakawhanaketanga. Ka whai pānga nui te āhua o ngā putanga ki ngā tamariki.

Kua tāutuhia e te whānau ngā kaupapa matua mā te angamahi o Te Ara Tūāpae. E ārahi ana aua kaupapa matua i ngā mahi ki te whakamahere mō meāke nei, mā te arotahi anō hoki ki ngā tino painga mō ngā tamariki, me te whakapai tonutanga i ia te wā. Kua whakamahia e te whānau ngā hononga ki Ngā Taumata Whakahirahira, hei hāpai i te ahu whakamua ki te whakatutuki i ngā whāinga ake o te whānau. Whakapuakihia ai ngā pūrongo i ia te wā ki te taha o te whānau, puta noa i te tau. Ka whakamahi te whānau i aua mōhiohio hei hāpai i ngā mahi ki te aroturuki, te pūrongo, me te haere tonu anō hoki i te arotake whaiaro.

E whai wāhi atu ana ngā matea ako o ngā tamariki ki te kounga o te whakapuakitanga. Kua whakatinanahia e ngā kaimahi ngā pūnaha ka ārahi i te whakamaheretanga o te hōtaka, te aromatawai, me ngā whakaritenga aromātai hōtaka. Ka whakamahi rātou i Te Whāriki a Te Kōhanga Reo hei ārahi i te whakamaheretanga o te hōtaka me ngā mahi aromatawai. Hui ai ngā kaimahi i ia te wā ki te whakawhiti whakaaro me te whakapuaki anō hoki i ngā rautaki, hei whakapai tonu i te kounga o te whakapuakitanga. E tāutu ana ngā mōhiohio aromatawai i ngā taumata ako ka whai ake, me ngā ngākau nuitanga o ia tamaiti. Ka mahi ngātahi ngā kaimahi ki te whakarato i te kounga o ngā whai wāhitanga ako mō ngā tamariki. Kei te harikoa ngā tamariki i te hōtaka akoranga.

Ngā Whakaritenga Matua ka Whai Ake

Ka taea te whānuitanga o ngā tūmomo wheako ako o ngā tamariki te whakawhānui tonu. Ahakoa e whakarato ana ngā kaimahi i ngā taumahi e poipoi ai i ngā matea whakawhanaketanga o ia tamaiti, he whai wāhitanga anō hoki ki te whakatairanga ake i te kounga o ngā akoranga a ngā tamariki, mā te hāpai ake i te kōkiri a te tamaiti i tāna ake tākaro, mā te whakarato i ngā whai wāhitanga mō rātou ki te whakatau i ā rātou ake whiringa ako, ā, mā te poipoi anō hoki i te tākaro auaha.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. I te wā o te arotake, kāhore he take i tāutuhia ai i roto i ngā āhuatanga e whai pānga ana ki ngā herenga ā-ture.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Pukewa i roto i te toru o ngā tau.

Lynda Pura-Watson

Kaiurungi Whakaturuki Arotake Māori

28 Pipiri, 2018

Ngā kōrero e pā ana ki te kōhanga reo

1 Context

Te Kōhanga Reo o Pukewa is situated beside the Waihi community marae. The kōhanga reo takes its name from the tribal mountain of Pukewa, which is no longer recognisable as a landmark in the area. The whānau actively participate in the local purapura activities to support children and their learning.

2 The Evaluation Findings

How well do children show they are secure in their learning environment?

Children show love, care and enjoyment in learning.

Ngā Taumata Whakahirahira

Children learn in an environment where they are loved and valued. Kaimahi and whānau comfort and reassure children as needed. Children actively participate in formal programme of karakia, hīmene and mōteatea. Kaimahi have established routines based on tikanga to help children transition between daily practices and learning activities. Care for others and the environment is displayed by children returning resources and tidying up each day. Kaimahi have positive relationships with children and each other. Children show they have a sense of satisfaction in their play and in their learning.

Children are immersed in tikanga and their identity is nurtured. Kaimahi provide children with opportunities to learn mōteatea from the local area to add meaning to pepeha and histories of the hapū and iwi. Older children confidently recite their pepeha and whānau links. Young children and babies are supported to learn their pepeha and whakapapa links through mimicking, role modelling and using hand actions. Kaimahi encourage children to develop skills of leadership for karakia and waiata. The whānau and kaimahi model the roles and responsibilities as tangata whenua by participating in welcoming manuhiri. Children have a sense of belonging.

Children experience positive relationships. The whānau and kaimahi model respect, care and aroha in the daily programme to respond to emotional needs of individual children. Specific learning needs are shared with kaimahi to help with the daily programme. Children with additional learning needs are supported in the kōhanga reo by the whānau because of the level of care and attention they require. There are opportunities for children to interact with each other as tuakana and teina in physical activities. Kaimahi support children to develop the skills of self-care to become independent learners. Older children are developing confidence to manage aspects of their own care. They share their learning with babies during play activities. Children enjoy interacting with each other.

Children are well supported learn te reo Māori. Kaimahi model te reo Māori for children and whānau in the learning programme. A range of language activities are used to support children with their language development. Children hear te reo Māori use a variety of ways such as in waiata, karakia, prompts, questions, instructions and sharing stories. Older children use simple sentences to express themselves. Kaimahi talk and sing to babies who respond using facial expressions and body language. Speech therapy techniques are used to children with additional learning needs. The whānau is committed to learning te reo Māori to support children and the kaupapa of kōhanga reo. Children are developing as speakers of te reo Māori.

Planning and Evaluation

The whānau understand their roles and responsibilities to support collective decision making. They have robust systems in place to assist with fulfilling legislative requirements and monitoring daily operations. Children’s emotional and physical wellbeing, and care is a priority. A core group of whānau members provide and model positive leadership. Kaimahi are regularly appraised and a programme of training is in place to support their development. Outcomes for children are important.

The whānau have identified priorities based on the framework of Te Ara Tūāpae. These priorities guide forward planning with a focus on positive outcomes for children and ongoing improvement. The whānau have used links to Ngā Taumata Whakahirahira to support progress towards meeting whānau specific goals. Regular reports are shared with the whānau throughout the year. The whānau use this information to assist monitoring, reporting and ongoing self-review practices.

Children’s learning needs informs the quality of delivery. Kaimahi have implemented systems to guide programme planning, assessment and programme evaluation practices. They use Te Whāriki a Te Kōhanga Reo to guide programme planning and assessment. Kaimahi regularly meet to discuss and share strategies to improve the quality of delivery. Assessment information identifies next learning steps and interests for individual children. Kaimahi work collaboratively to provide children with quality learning opportunities. Children are happy in the learning programme.

Key Next Steps

The range of learning experiences for children can be extended. Although kaimahi provide activities to cater to individual developmental needs, there are opportunities to enhance the quality of learning for children by enabling more independent play, offering opportunities to make choices in their learning, and fostering creative play.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements. There were no issues of non-compliance identified during the review.

When is ERO likely to evaluate the kōhanga reo again?

The next ERO evaluation of Te Kōhanga Reo o Pukewa will be in three years.

Lynda Pura-Watson

Deputy Chief Review Officer Māori

28 June 2018

Information about the Kōhanga Reo

1 Te Horopaki

Ko Pukewā te maunga
Ko Ōhinemuri te awa
Ko Hauraki te whenua
Ko Ngāti Waihīnui te marae Ko Pukewā te kōhanga reo

E tū ana Te Kōhanga Reo o Pukewa ki te rohe o Hauraki, ki te hapori maina o Waihī. E pā tata atu ana te kōhanga reo ki te marae ā-hapori o Ngāti Waihīnui. Ka ahu mai te ingoa o te kōhanga reo i te maunga o Pukewa, ā, he rua maina tino rahi tēnei ināianei. He mātātoa te whānau o Te Kōhanga Reo o Pukewa ki roto i te purapura.

He āhua rangatahi tonu ngā mātua o te whānau, ā, e ngākau nui ana rātou ki te kaupapa o te kōhanga reo me te ako, te waiora anō hoki o ā rātou tamariki. He mātātoa tā rātou whai wāhi atu ki ngā whakahaeretanga, ngā whakaritenga anō hoki o te kōhanga reo. Ka whai hua ngā tamariki nā te pai o te whakariterite, te whakahaere anō hoki o te kōhanga reo.

He tau rawa ngā tamariki ki tētahi taiao ako wāteatea kua āta whakaritea ai. Nā te whakatakotoranga o ngā mahinga me te hōtaka akoranga, ka whai wāhi ngā tamariki ki te kawe i ngā mahinga me ngā taumahi o ia rā. E āhei ana ngā tamariki ki te whakawhanake i tō rātou tū takitahi, tā rātou kōkiri i a rātou anō, me tā rātou ārahi. He harikoa ngā tamariki ki te kōhanga reo.

2 Ngā Whakaaturanga o te Arotake

He pēhea rawa te kite i ngā uaratanga o te whanaungatanga, te aroha, te manaakitanga, te whakaute, me te manaaki hoki o ngā tamariki ki te taha o ngā pākeke me ō rātou hoa?

Ka tino kitea ngā uaratanga o te whanaungatanga, te aroha, te manaakitanga, te whakaute me te manaaki o ngā tamariki ki te taha o ngā pākeke me ō rātou hoa.

Mana Atua

Ka whai wheako ngā tamariki i tētahi taiao kōhanga reo e atawhai ana, e poipoi ana hoki i a rātou. Ka kawe ngā tamariki i ngā mahi e pā ana ki ō rātou ake wāhi, mā te horoi, te whakapai, me te whakahoki i ngā rauemi whai muri i ngā taumahi. Ka whai wāhi rātou ki ngā taumahi ōkawa, ōpaki hoki e whakahihiri ana i a rātou puta noa i te hōtaka akoranga. He pakari tō rātou māia, tō rātou māramatanga ki te whakamahi i tētahi īpapa. Whakatūtuki ngātahi ai ngā tamariki i ngā mahi.

He manaakitanga tō ngā hononga o ngā tamariki ki waenga i a rātou anō, ki ngā kaimahi, ki te whānau hoki. Ka kitea ngā whanonga papai o ngā tamariki i te pōwhiri me te whakatau. E ako ana rātou i ngā tūmomo mahi, ngā kawenga mahi hoki a te tangata whenua me te manuhiri. Kua whakapūmautia ngā tikanga, ngā uaratanga, me ngā whakapono ki ngā whakaritenga o ia rā. He matakana, he pākiki, he puakawa hoki te āhua o ngā tamariki hei ākonga.

Ka whakamihia ngā tamariki i ia te wā mō te whanonga pai, ngā whakamātau, me ngā whakatutukitanga. Ka toro atu rātou ki ngā kaimahi, te whānau, me ō rātou hoa hei atawhai, hei whakatau anō hoki i a rātou. He aronga nui tō ngā kaimahi ki ngā matea o ngā tamariki katoa, ā, ka whai wāhi atu ko ngā pēpi hoki. Ka kitea te koa me te hari o ngā tamariki ki tētahi taiao e āta tautokona ana e te whānau.

Rongo ai ngā tamariki i te reo Māori e kōrerohia ana i ngā wā katoa. He aronga nui kia rumaki ai ngā tamariki ki te reo Māori, me te whakawhitiwhiti kōrero ki a rātou. Ka whakamahi ētahi o ngā tamariki i ngā kupu māmā, ā, e āhei ana ētahi atu ki te whakamahi i ngā kīanga me te whai wāhi atu ki ngā kōrerorero māmā. He mātātoa ngā kaimahi ki te whakatauira me te akiaki hoki i ngā tamariki ki te kōrero i te reo Māori. Ka whakamahi rātou i ngā taumahi hihiri kia tahuri ai ngā tamariki ki te kōrerorero, te patapatai, me te aro nui atu ki ngā pātai me ngā akiaki. Nā te matatau o ētahi o ngā kaikōrero o te reo Māori, ka rongo ngā tamariki i ētahi o ngā tūmomo reo ā-iwi. Ko te reo Māori te reo taketake o tētahi o ngā kaimahi, ā, ka tino whakamanahia ia me tōna tautoko nui i te whānau, ngā kaimahi, me ngā tamariki. Kei te puāwai haere ngā tamariki ki tētahi taiao e whakatairanga ana i tō rātou mana.

Te Whakamahere me te Aromātai

Ko te ako, te waiora, me te atawhai o ngā tamariki ngā kaupapa matua ki te whānau. He mārama ngā pūnaha me ngā aratohu e pā ana ki te whakahaeretanga ka whai hua. Ka whakakotahi te kōhanga reo, ā, ka whakatairanga hoki i te māramatanga o ngā tūmanako me ngā tukanga. Nā te riterite o ngā mahi whakawhiti kōrero ka noho mōhio te whānau ki ngā kaupapa me ngā tino mōhiohio. Ko te tino mōhiotanga ki ngā kaupapa me ngā whakawhanaketanga ki te kōhanga reo e hāpai ana i te whānau ki te whakatau i ngā whakaritenga. He manawa whakahī tō te whānau mō ā rātou tamariki, ngā kaimahi, me te kōhanga reo.

Ka whakanuia e ngā mema o te whānau te whai wāhitanga nui, te kaha poipoi anō hoki o ngā kaimahi i ngā tamariki. Ka whakarato e ngā kaimahi he hōtaka akoranga i āta maheretia mā ngā tamariki. He matawhānui ā rātou mahere mō te wā roa me te wā poto. E whakawhanake ana ngā kaimahi i ngā whakaaturanga matihiko e pā ana ki ngā akoranga a ngā tamariki, hei rautaki ki te whakatakoto me te aroturuki i te ahunga whakamua o ia tamaiti. Ka whakanuia e te whānau ngā kōrero urupare me ngā kōrero akiaki i ia te wā, ka whakawhiti haere i te kāinga me te kōhanga reo. Ka āta whakamōhiotia rātou mō te ako, te whakawhanaketanga anō hoki o ā rātou tamariki.

He tau ngā tukanga arotake whaiaro ā te whānau. E mārama pai ana ngā pūrongo e pā ana ki te taha pūtea. He pakari ngā whakahaeretanga o-roto. Aroturuki ai, arotake ai, pūrongo ai hoki te whānau i ia te wā, i ngā whakahaeretanga me ngā whakawhanaketanga ki te kōhanga reo. He mātau tā rātou kawe i ngā take e pā ana ki te hauora, te haumaru, me ngā rawa. He mārama te ārahitanga me ngā kawenga mahi ki waenga i ngā mema o te whānau, ā, ka whai hua hoki. I tēnei wā, he tino aronga ki te whakapakari i te āheinga o te whānau ki te whakatutuki i ngā tūranga me ngā kawenga mahi e pā ana ki te whakaritenga me te whakahaeretanga o te kōhanga reo.

Ngā Whakaritenga Matua ka Whai Ake

Ko te aromātai hōtaka me te aromatawai i ngā akoranga a ngā tamariki tētahi āhuatanga hei whakawhanake ake. E mōhio ana ngā kaimahi, e tika ana kia arotake ngā whakaritenga o tēnei wā mō te aroturuki, te aromatawai, me te pūrongo i ngā akoranga a ngā tamariki me tō rātou whakawhanaketanga. Kei te ahu whakamua rātou ki te whakawhanake i te māramatanga ake ki te pūtake me te whakatinanatanga o te aromātai hōtaka.

Me arotake, me whakahou ake hoki i Te Ara Tūāpae, ā, me whakauru hoki i ngā taumata rautaki a te whānau.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo, ngā taunakitanga e whai ake nei, arā, kia:

• whai whakaaro ki ngā whakaritenga ka whai ake, me te whai pānga ki ngā whakaritenga a te whānau me ngā kaimahi, ki ngā tamariki hoki
• whakatinana i ngā whakawhitinga kōrero i ia te wā e hāngai pū ana ki te whakapuakitanga o te hōtaka, te aromātai, te aromatawai, me te pūrongo, ā, kia arotahi ki ngā mōhiohio hihiri e whai pānga nui ana ki ngā tamariki.

Te Whakarāpopototanga

E tū ana Te Kōhanga Reo o Pukewa ki Waihī, ki te rohe o Hauraki. Ka kitea ki ngā tamariki tō rātou tino whanaungatanga me ngā uaratanga o te aroha, te manaakitanga, te whakaute, me te manaaki, mō ngā pākeke me ō rātou hoa. Ka whakamanahia te whai wāhi mai o ngā tamariki ki tēnei kōhanga reo. Ka whai whakaaro nui te whānau ki te ako, te waiora, me te atawhai o ngā tamariki.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Kōhanga Reo o Pukewa i roto i te toru o ngā tau.

Lynda Pura-Watson

Kaiurungi Whakaturuki Arotake Māori

24 Paenga-whāwhā, 2015

1 Context

Ko Pukewā te maunga
Ko Ohinemuri te awa
Ko Hauraki te whenua Ko Ngāti Waihinui te marae
Ko Pukewā te kōhanga reo

Te Kōhanga Reo o Pukewa is located in the Hauraki district mining settlement of Waihī. It is near the community marae of Ngāti Waihinui. The kōhanga reo takes its name from the tribal mountain of Pukewa, which is now an enormous mining pit. The whānau of Te Kōhanga Reo o Pukewa are active members of the local purapura.

The whānau are relatively young parents who are committed to the kaupapa of kōhanga reo and their children’s learning and wellbeing. They are active in the management and operations of the kōhanga reo. Children benefit from a well organised and well managed kōhanga reo.

Children are well settled in an organised, spacious learning environment. Structured routines and the learning programme allow children to take responsibility for daily tasks and activities. Children are able to develop independence, initiative and leadership roles. Children are happy at the kōhanga reo.

2 The Review Findings

How well do children demonstrate the values of whanaungatanga, aroha, manaakitanga, respect and care for adults and their peers?

Children demonstrate the values of whanaungatanga, aroha, manaakitanga, respect and care for adults and peers very well.

Mana Atua

Children experience a warm and nurturing kōhanga reo environment. Children take responsibility for their spaces by cleaning, tidying and packing away after activities. They participate in exciting formal and informal activities throughout the learning programme. They use an ipad with confidence and understanding. Children accomplish shared tasks together.

Children have caring and responsive relationships with each other, with kaimahi and whānau. Children demonstrate appropriate behaviours during pōwhiri and whakatau. They are learning the roles and responsibilities of tangata whenua and manuhiri. Tikanga, values and beliefs are embedded in daily practices. Children are observant, curious and attentive learners.

Children regularly receive praise for positive behaviours, effort and achievement. They seek comfort and reassurance from kaimahi, whānau and their peers. Kaimahi are attentive to the needs of all children including the babies. Children show joy and happiness in an environment where whānau support is positive.

Children hear te reo Māori spoken around them at all times. There is a strong focus on immersing and engaging children in te reo Māori. Some children use basic, familiar words while others are able to use phrases and engage in simple conversations. Kaimahi actively model and encourage children to speak te reo Māori. They use interesting activities to engage children in dialogue, to ask and respond to questions and prompts. Fluent speakers of te reo Māori enable children to hear different tribal dialects. One kaimahi is a native speaker who is highly respected and provides invaluable support for whānau, kaimahi and children. Children thrive in a mana-enhancing environment.

Planning and Evaluation

Children’s learning, wellbeing and care are key priorities for whānau. There are clear systems and guidelines for effective management. The kōhanga reo is inclusive and promotes transparent and clear expectations and processes. Consistent communication keeps whānau up to date with events and important information. A sound knowledge of kōhanga reo activities and developments helps to inform whānau decision making. Whānau are proud of their children, kaimahi and kōhanga reo.

Whānau members value the commitment and nurturing ways of kaimahi with children. Kaimahi provide well planned learning programmes for children. They have comprehensive long and short term plans. Kaimahi are developing digital presentations of children’s learning as a method of recording and monitoring each child’s progress. Whānau value regular feedback and feed forward between the home and kōhanga reo. They are well informed about their children’s learning and development.

Whānau have sound self review processes. Financial reporting is clear and transparent. Internal controls are robust. Whanau regularly monitor, review and report on kōhanga reo operations and developments. They are diligent with health, safety and property matters. Leadership roles and responsibilities among whānau members are clear and efficient. Currently, there is a strong focus on building whānau capability around the roles and responsibilities for kōhanga reo operations and management.

Key Next Steps

Programme evaluation and assessment of children’s learning is an area for development. Kaimahi acknowledge the need to review current practices for monitoring, assessing and reporting on children’s learning and development. They are working towards developing a better understanding of the purpose and practice of programme evaluation.

Review and update Te Ara Tūāpae and incorporate whānau strategic targets.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendations:

• consider the key next steps and the implications for whānau and kaimahi practice, and the impact on children
• implement regular, focussed professional conversations around programme delivery, evaluation, assessment and reporting with a focus on high interest, exciting information about children.

Conclusion

Te Kōhanga Reo o Pukewa is located in Waihī, in the Hauraki District. Children demonstrate whanaungatanga and the values of aroha, manaakitanga, respect and care for adults and peers very well. Children are valued members of this kōhanga reo. Children’s learning, wellbeing and care are important to whānau.

When is ERO likely to review the kōhanga reo again?

The next ERO review of Te Kōhanga Reo o Pukewa will be in three years.

Lynda Pura-Watson

Deputy Chief Review Officer Māori

24 April 2015

Information about the Kōhanga Reo