38 Scotia Glen, Putaruru
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
“He tīpare mō tōku whānau, hei kākano mō taku mokopuna, kia tū ki te tautoko, kia pūmau te wana”
E tū ana Te Kōhanga Reo o Ruru Te Tupuna ki Putāruru, ki Waikato. Kei te kaha toro atu te whānau ki te whakapiki ake i te tatauranga o ngā mokopuna ki te kōhanga reo. Ko tētahi tino wawata o te whānau mō ngā mokopuna, kia rumakina ki te reo Māori, ki ngā tikanga Māori, me te ao o Ngāti Raukawa.
Ka kitea ki ngā mokopuna te tupu haere o tō rātou māramatanga me tō rātou mōhiotanga ki a rātou anō, mā te aronga nui o te hōtaka akoranga ki te reo, ki ngā tikanga tuku iho, ki ngā waiata, ā, ki ngā kōrero anō hoki o Raukawa.
Ka rumakina ngā mokopuna ki ngā akoranga e whakamana ana i ngā pūmanawa ake o Raukawa. Ka whakatairanga ngā kaimahi i te tūhura haere a ngā mokopuna i ō rātou hononga ā-whakapapa mā ngā waiata, mā ngā mōteatea o te takiwā, me ngā rotarota. E hāpaitia ana te whakawhanaketanga reo o ngā mokopuna mā te tangongitanga o ngā mahi a ngā kaimahi, pērā i te whāngai kupu, te tohu ā-ringa, me ngā kōrero akiaki e hāpai ai i te ako i ngā pepeha, tae atu hoki ki te tāruarua, te tohutohu, me te whakatauira i te reo e whakapiki ake ai i tō rātou reo kōrero. Ka waihanga ngā kaimahi i ngā tūmomo horopaki kia ako ai ngā mokopuna i ngā kōrero tuku iho e pā ana ki Te Kīngitanga, tae atu ki ngā karakia tuku iho, ngā hīmene, ngā mihimihi, me ngā pao. Ka ako ngā mokopuna i te reo Māori ki tētahi taiao e aro nui ana ki te reo o Raukawa. Ka hāpai ngā kuia i taua tūāhuatanga mā te whakatauira i te reo ā-iwi ki ngā mokopuna. Kei te taiao ako ngā whai wāhitanga mō ngā mokopuna ki te tūhura me te whai wāhi atu ki tō rātou taiao i ia te wā, hei wāhi tūhura, hei wāhi tākaro hoki. He ngāwari noa te whakapā atu a ngā mokopuna ki te tangongitanga o ngā rauemi whakaongaonga e poipoi ana i ngā ngākau nuitanga ake o ia tamaiti. Ka whakatauira ngā kaimahi me ngā whānau i ngā uara o te manaaki, te aroha, me te tiaki i roto i te hōtaka akoranga. Ka āta whakatau rātou kia whai manaakitanga ngā taunekeneke katoa, ā, kia whai pūtaketanga ngā hononga. Ka arotahi ngā akoranga a ngā mokopuna ki ngā whakareretanga o ō rātou tīpuna. E whanake ana rātou hei uri o Ngāti Raukawa.
He tukanga ā te whānau mō te whakamahere, te aromatawai, me te aromātai hōtaka. E whai kiko ana ngā mahere, ā, e hāngai ana hoki ki Te Whāriki a Te Kōhanga Reo. He mahere ā-tau, ā-wāhanga, ā-wiki hoki hei ārahi i ngā mahi a ngā kaimahi, hei āta whakatau hoki i te whai pūtaketanga o te hōtaka. Ka whakamahi ngā kaimahi i te tangongitanga o ngā rautaki ki te tuhi haere i te ako me te ahu whakamua a ngā mokopuna, tae atu ki te Mātai i te Mokopuna me ngā pūkete e pā ana ki ia tamaiti. He pai te whakatakotoranga o aua tuhinga, ā, ka whakaatuhia ki ngā whānau i ia te wā. Ka whakamahi ngā kaimahi i te aromātai hōtaka hei tautuhi i ngā whakaritenga matua ka whai ake ki te whakapai ake i te hōtaka akoranga kia tautoko ake ai i te ako a ngā mokopuna. Ka whai hua ngā mokopuna nā te whakatinanatanga o ngā whakaritenga ngātahi a ngā kaimahi.
He pūnaha, he tukanga hoki ā te whānau mō te whakahaeretanga i ngā whakaritenga ki te kōhanga reo. He hou tonu ētahi o ngā mema o te whānau ki te kōhanga reo. Tū ai ngā hui i ia marama, kia whakawhiti kōrero ai, kia whakatutuki tahi ai hoki te whānau i ngā take e pā ana ki ō rātou tūranga me ā rātou kawenga mahi. He pai ngā mōhiohio o roto i ngā meneti o ngā hui. Ka arotake te whānau i ngā kaupapa here me ngā tukanga. Nā tēnā, kei te mārama te ārahitanga ki ngā kaimahi me te whānau. Whakatutukihia ai i ia te wā ngā akoako hōneatanga ohotata e pā ana ki te ahi me te rū whenua, ā, ka whakatutuki haere i ngā rēhita hei āta whakatau i te aronga matua ki te hauora, te haumaru, me te waiora o ngā mokopuna.
Kua whakatinanahia te mahere rautaki a te whānau ki Te Ara Tūāpae. Ka tautuhi i ngā kaupapa matua o tēnei wā tonu, o anamata hoki e whai wāhi atu ana ki te tupu me te whakawhanaketanga o te kōhanga reo mō meāke nei. Kei te mahere ā-tau te tirohanga whānui ki ngā mahi whakahaere me ngā wā hoki e tika ana kia whakatutukihia. Ka whakahaerehia ngā take kaimahi. Kei ngā tuhinga mahi, ko ngā kirimina whiwhi mahi a ia tangata, ko ngā tuhinga tūranga mahi, me ngā tuhinga e arowhai ai i te haumaru o te kaimahi. Nō nā noa nei ngā kaimahi i whakatutuki ai i te ako ngaio me te whakawhanaketanga ngaio e pā ana ki te ārai tamariki. Ka kitea tō rātou māramatanga me tā rātou ū pūmau ki ngā tukanga i whakaraupapahia ai. Ko ngā mokopuna kei te pūtake o te whakatau ngātahi a te whānau i ngā whakaritenga.
E mōhio ana te whānau, he mea nui ki te whakapiki ake i te whai wāhi atu a ngā mokopuna. E tautoko ana Te Tari Arotake Mātauranga i tēnei kaupapa hei whakaritenga matua ka whai ake, mō te whakapai tonutanga. Ka whai hua ngā mokopuna nā ngā aronga i āta whakahāngaitia ai.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
E taunaki ana Te Tari Arotake Mātauranga kia arotahi te whānau ki te whakapiki ake i te tatauranga o ngā mokopuna ki te kōhanga reo, ā, kia whakatairanga tonu i te aromātai o roto hei hāpai ake i ngā putanga e whai hua ana ki ngā mokopuna.
Darcy Te Hau
Toka ā Nuku
Te Uepū-a-Motu – Māori Services
09 Huitanguru, 2024
| Te tūwāhi | Kei Putāruru, ki Waikato |
| Te tau a te Tāhuhu o te Mātauranga | 35073 |
| Te tau tohu o Te Kōhanga Reo | 04E061 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 23 ngā tamariki, kia tokoono ki raro i te rua o ngā tau |
| Te tokomaha kei runga i te rārangi ingoa | 11 ngā tamariki, tokowhā kei raro i te rua o ngā tau |
| Ngā hononga ā-iwi | Māori 11 |
| Te wā i te kōhanga reo te rōpū arotake | Whiringa-ā-rangi 2023 |
| Te wā o tēnei pūrongo | 9 Huitangaru 2024 |
| Ngā pūrongo o mua a Te Tari Arotake Mātauranga | Arotake Mātauranga, Hōngongoi 2018; Arotake Mātauranga, Here-turi-kōkā 2015; Arotake Mātauranga, Pipiri 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
“He tipare mō toku whānau, hei kakano mō taku mokopuna, kia tū ki te tautoko, kia pūmau te wana”
Te Kōhanga Reo o Ruru Te Tupuna is in Putāruru, Waikato. Whānau are actively seeking to increase the number of mokopuna enrolments at the kōhanga reo. A shared aspiration whānau hold is for mokopuna to be immersed in te reo Māori, tikanga Māori and te ao o Ngāti Raukawa.
Mokopuna show they are growing their understanding and knowledge of who they are through a learning programme that has a strong focus on the language, traditions, waiata and stories of Raukawa.
Mokopuna are immersed in learning that affirms the unique attributes of Raukawa. Kaimahi promote mokopuna exploration of their whakapapa connections using waiata, local mōteatea and rotarota. Mokopuna language development is supported by a range of kaimahi practices including prompting, using hand signals and encouraging feedback to learn pepehā and repetition, instructions, and language modelling to improve their spoken language. Kaimahi create various contexts for mokopuna to learn about the narratives of Te Kīngitanga including traditional karakia, hīmene, mihimihi and pao. Mokopuna learn te reo Māori in an environment where the dialect of Raukawa is a priority. Kuia support this by modelling the local dialect for mokopuna. The learning environment provides frequent opportunities for mokopuna to explore and engage with their taiao through exploration and play. Mokopuna have easy access to a range of stimulating resources that cater to their individual interests. Kaimahi and whānau model values of manaaki, aroha and tiaki in the learning programme. They ensure all interactions are caring and relationships are meaningful. Mokopuna learning is focused on the legacies of their tūpuna. They are developing as descendants of Ngāti Raukawa.
Whanau have in place processes for planning, assessment and programme evaluation. Planning is detailed and aligns to Te Whāriki ā Te Kōhanga Reo. This includes annual, term, and weekly plans to guide kaimahi practice and ensure the programme is purposeful. Kaimahi use a range of strategies to record mokopuna learning and progress, including Mātai i te mokopuna and individual profile books. These are well presented and regularly shared with whānau. Kaimahi use programme evaluation to identify key next steps for improving the learning programme to better support mokopuna learning. Mokopuna benefit from the implementation of collaborative kaimahi practices.
Whānau have systems and processes in place to manage the kōhanga reo operations. Some whānau members are relatively new to the kōhanga reo. Regular hui are organised each month for whānau to discuss and collaboratively address matters related to their roles and responsibilities. Hui minutes provide good information. Whānau review policies and procedures. These establish transparent guidance for both kaimahi and whānau. Emergency evacuation drills for fire and earthquake are carried out frequently and registers are complete to ensure mokopuna health, safety and wellbeing is proritised.
The whānau strategic plan is informed by Te Ara Tūāpae. This identifies both immediate and future priorities that contribute to future growth and development of the kōhanga reo. An annual plan provides an overview of operational tasks along with the specified completion dates. Personnel matters are managed. All employment documentation includes individual employment agreements, position descriptions and completed kaimahi safety checks. Kaimahi have recently completed professional learning and development for Child Protection. They exhibit an understanding and commitment to the procedures outlined. Mokopuna are at the centre of whānau collective decision making.
Whānau acknowledge the importance of increasing mokopuna participation. ERO supports this as key next step for further improvement. Mokopuna benefit from focussed approaches.
During the evaluation, ERO looked at systems for managing the following areas:
ERO recommends that whānau focus on increasing the number of enrolled mokopuna and continue to enhance internal evaluation to further support positive outcomes for mokopuna.
Darcy Te Hau
Toka-ā-Nuku – Director
Te Uepū ā-Motu – Māori Review Services
9 February 2024
| Location | Hamilton |
| Ministry of Education profile number | 35073 |
| Kōhanga Reo Identification Number | 04E061 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 23 children, including up to 6 aged under 2 |
| Service roll | 11 children, including up to 4 aged under 2 |
| Ethnic composition | Māori 11 |
| Review team on site | November 2023 |
| Date of this report | 9 February 2024 |
| Most recent ERO report(s) | Education Review, July 2018; Education Review, August 2015; Education Review, June 2012 |
E tū ana Te Kōhanga Reo o Ruru Te Tupuna ki Putāruru. E noho pūmau ana te whānau ki te hāpai i te kōhanga reo. He mātātoa ngā kuia i te hapori, ā, ka tautoko tonu rātou i te whānau me te purapura. Nō nā tata tonu nei tētahi komiti whakahaere hou a te whānau i whakatūngia ai, ā, kei te pai tā rātou tau haere ki ō rātou tūranga me ā rātou kawenga.
Ka kitea ki ngā tamariki tō rātou whai whakaaro nui, tō rātou whakaute hoki i roto i ō rātou hononga ki ētahi atu.
E ako ana ngā tamariki ki tētahi taiao e whakamana ana i te reo Māori. Ka akiaki ngā kaimahi i ngā tamariki ki te āta whakahua kōrero i a rātou e whakapuaki ana i ō rātou whakaaro. Ka rongo ngā tamariki i ngā kuia, te whānau, me ngā kaimahi e kōrero ana i te reo Māori i ngā wā katoa. He tino pai te reo Māori e whakatauirahia ana, ā, e hāpai ana tēnei i te whakawhanaketanga reo o ngā tamariki. Ka taea e ngā tamariki tuākana, e ngā tamariki pakari anō hoki te whakawhitiwhiti kōrero ki waenga i a rātou anō me ngā kaimahi. He ngāwari, he pakari anō hoki tā rātou ārahi i ngā horopaki ōkawa, pērā i te wā whāriki, ngā karakia, ngā pātere, ngā pepeha, me ngā waiata. Ka mōhio ngā pēpi ki tēnā e pātaihia ana, ā, ka whai wāhi atu ki ngā kōrero mā te kori tinana. Ka taea e ngā tamariki tuākana te whakawhiti kōrero mā te reo Māori, i ngā tamariki tēina e whakapakari tonu ana i ō rātou pūkenga, ō rātou mōhiotanga, me tā rātou whakamahinga i te reo Māori.
E whai wāhi nui ana ngā tamariki ki ngā hononga me ngā taunekeneke papai ki te taha o ō rātou hoa, me ētahi atu. Ka rongo rātou i te awhi, te manaaki, te whakanui, me te aroha e puāwaitia ana e ngā pakeke. Ka āta whakarite ngā kaimahi kia rongo ai ngā tamariki i ngā hononga e pou herea ana ki te whanaungatanga. Ka kitea te whai whakaaro nui o ngā tamariki tuākana ki ngā pēpi. Ka whakanuia tō rātou tū hei tuākana, i a rātou e ū ana i ngā wā katoa ki te reo Māori ki ō rātou tēina. He tino whakaute ngā tamariki tuākana ki ngā kaumātua. He tika te āhua o tō rātou whanonga ki te taha o ngā kaumātua. He pakari anō hoki te whakautu kōrero a aua tamariki ki te kuia, i a ia e kōrero ana i te reo Māori ki a rātou. He aroha tō ngā hononga e rangona ana e ngā pēpi. Ka āta whakarite ngā kaimahi ki te poipoi i ia pēpi tonu mā te manaaki me te atawhai nui. Ko te āhua o ngā mahinga e āta whakatau ana i te riterite me te mauritau mō ngā tamariki katoa, puta noa i te rā. Ka āta whakarite ngā kaimahi kia whakanuia ngā tamariki katoa mō ā rātou whakatutukitanga. He mauritau te āhua o ngā tamariki.
E whai wāhi atu ana ngā tamariki ki ngā akoranga e poipoi ana i ō rātou tuakiri. Ka āta whakahua ake ngā tamariki tuākana i ō rātou pepeha me ō rātou hononga ki ētahi atu. Ka whakamahere ngā kaimahi i ngā wheako kia āhei ai ngā tamariki ki te taetae atu ki ngā noho marae. Ka kite rātou i ngā tikanga me ngā kawa o Ngāti Raukawa i te marae. Kei ngā pōhiri te whai wāhitanga mō ngā tamariki ki te rongo i te matatau o ngā kaumātua ki te reo Māori i a rātou e whaikōrero ana. Ka tūmāia ngā tamariki ki te kōrero i te wā ka taetae mai te manuhiri ki te kōhanga reo. Ka taki hoki rātou i ngā waiata tautoko, ā, ka harirū hoki rātou i te kapinga o ngā whakaritenga. E ako ana ngā tamariki i tō rātou tū hei tangata whenua.
Ka whai wāhi atu ngā tamariki ki ngā akoranga e hāpai ana i ō rātou matea. Ka whakarato ngā kaimahi i te whānuitanga o ngā tūmomo rauemi ki ngā tamariki, hei poipoi i te auaha, te hīraurau hopanga, me te tūhura. He pārekareka ki ngā tamariki ngā wā e whakawātea ana i a rātou ki te whai i ō rātou ake ngākau nuitanga. Ko ngā wāhi o waho e whai hua ana ki te whakawero i te kori tinana o ngā tamariki. Ka whakarite ngā kaimahi kia tae atu ngā tamariki ki ngā huihuinga e whai pānga nui ana ki a Waikato, pērā i te Koroneihana, te rīketa, me ngā poukai. E tautāwhi ana te marautanga i Te Kīngitanga, ā, ka ako ngā tamariki i ngā take tuku iho e hāngai ana ki a Waikato. E whanake ana ngā tamariki hei ākonga tūmāia, hei ākonga mātātoa hoki.
Kua āta whakaritea ngā tukanga ki te whakamahere me te aromātai i te hōtaka. Kua āta tuhia ngā wheako ako me ngā rautaki e pā ana ki te whakatinanatanga. Kei ngā mahere ngā tini wāhanga katoa e tika ana ki te ārahi i te whakatinanatanga o te hōtaka akoranga. E whai hua ana te aromātai i te hōtaka, ā, kua āta whakatōngia anō hoki ngā whakaritenga. Ka aromātai te kaiako i te hōtaka akoranga i ia wāhanga. E hāngai ana ngā whakaaro huritao ki te hōtaka whānui tonu, ā, ka hāpai anō hoki i ngā whakapaitanga. E whai hua ana ngā tamariki i te wā e whakatutuki ana te hōtaka me ngā mahi aromātai i ō rātou matea ako.
E whakahaere ana te whānau i te kōhanga reo hei painga mō ngā tamariki. Kua arotakengia te tūtohinga, ngā kaupapa here, me ngā tukanga. Kua whakaritea tētahi mahere rautaki me tētahi mahere mahi. E hāngai ana ngā rehita ki te wā, ki ngā tukanga anō hoki mō te hauora me te haumaru. Kua whakamanahia ngā kaimahi ki te whakahaere i tētahi pūtea, me te hoko i ā rātou rauemi, ā rātou taumahi ako rānei. E whai kawenga ana te whānau o te kōhanga reo hei kaituku mahi. E hāngai ana te katoa o ngā tuhinga tūranga mahi ki te wā, ā, kua āta whakaritea. Kua oti te arohaehae i ngā kaimahi. He rawaka te arotake whaiaro. Ka whiwhi te whānau i ngā pūrongo auau e pā ana ki ngā āhuatanga matua o ngā whakahaeretanga, ki ngā hui ā-whānau.
Me whakapakari ake i te aromatawai i ngā tamariki. E taunaki ana Te Tari Arotake Mātauranga kia whakahāngai ake ngā kaimahi i ngā pūkete o ngā tamariki ki ia tamaiti tonu, hei tāutu i tā rātou ako, i ō rātou ngākau nuitanga, me tā rātou ahu whakamua i roto i te roanga o te wā. Ka whai hua ia tamaiti i te wā e aromatawaihia ana, e aroturukitia ana hoki tāna ake ako.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Ruru Te Tupuna i roto i te toru o ngā tau.
Lynda Pura-Watson
Kaiurungi Whakaturuki Arotake Māori
30 Hōngongoi, 2018
|
Te tūwāhi |
Kei Putāruru |
|
|
Te tau a te Tāhuhu o te Mātauranga |
35073 |
|
|
Te tau tohu o Te Kōhanga Reo |
04E061 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
23, kia tokoono ki raro i te rua o ngā tau |
|
|
Te tokomaha kei te rārangi ingoa |
20, tokoono kei raro i te rua o ngā tau |
|
|
Te ira tangata |
Kōtiro 7 Tama 13 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
20 - 21 Pipiri 2018 |
|
|
Te wā o tēnei pūrongo |
30 Hōngongoi, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Hereturikōkā 2015 Pipiri 2012 Hui-tanguru 2009 |
Te Kōhanga Reo o Ruru Te Tupuna is in Putāruru. The whānau is committed to supporting the kōhanga reo. The kuia who are active in the community continue to support the whānau and the purapura. A new whānau management committee was recently appointed and they are settling into their roles and responsibilities well.
Children show that they are considerate and respectful in their relationships with others.
Children learn in an environment where te reo Māori is valued. Kaimahi encourage children to express themselves clearly as they speak. Children hear the kuia, whānau and kaimahi speaking te reo Māori at all times. This provides them with good models of te reo Māori to support their language development. The older and more able children are able to engage in conversation with each another and with kaimahi. They can also lead formal situations such as wā whāriki, karakia, pātere, pepeha and waiata with ease and confidence. Pēpi recognise what is being asked of them and respond using physical gestures. Older children can communicate in te reo Māori while young children continue to grow their skills, knowledge and use of the Māori language.
Children enjoy positive relationships and interactions with their peers and others. They experience awhi, manaaki, whakanui and aroha from adults. Kaimahi ensure children experience relationships underpinned by whanaungatanga. Older children show careful considerations for the babies. Their role as tuākana is highlighted as they speak Māori continuously to their teina. The older children are very respectful of kaumātua. They behave appropriately when kaumātua are around. These children respond confidently when the kuia speak to them in te reo Māori. Babies experience loving relationships. Kaimahi ensure they have one to one care and attention. Familiar routines ensure that all children experience consistency and stability throughout the day. Kaimahi ensure all children are praised for their successes. Children appear secure and settled.
Children experience learning where their identity is nurtured. Older children can clearly talk about their pepeha and their relationship to others. Kaimahi plan experiences where children are able to attend noho marae. They observe tikanga and kawa specific to Ngāti Raukawa while on the marae. Pōhiri provide children with opportunities to hear the fluency of kaumātua as they do their whaikōrero. Children confidently stand to speak when manuhiri arrive at the kōhanga reo. They also lead waiata tautoko and participate in harirū to complete the formalities. Children are learning about their role as tangata whenua.
Children participate in learning that supports their needs. Kaimahi provide children with a range of resources to foster children’s creativity, problem solving and exploration. Children enjoy times when they are able to follow their interests. The outdoor areas enable children to be physically challenged. Kaimahi plan for children to attend celebrations that are relevant to Waikato such as the Koroneihana, regatta and poukai. The curriculum embraces Te Kīngitanga where children learn about historical issues that are significant to Waikato. Children are developing as confident and active learners.
Programme planning and programme evaluation processes are well established. Learning experiences and strategies for implementation are well documented. Planning has all the appropriate elements to guide the implementation of the learning programme. Programme evaluation is effective, and practices are embedded. The kaiako evaluates the learning programme term by term. Reflections are based on the overall programme and leads to improvement. Children benefit when the programme and evaluation meets their learning needs.
The whānau manage the kōhanga reo in the interests of children. The charter, policies and procedures have been reviewed. A strategic plan and action plan are in place. Registers are current and align with health and safety procedures. Kaimahi have preapproval budget authority to manage and purchase their resources or learning activities. Children benefit from efficient and effective purchasing of resources. The whānau of the kōhanga reo are responsible employers. All employee documentation is current and in place. Kaimahi appraisals are complete. Self-review is adequate. The whānau receive regular reports about key aspects of operations at whānau hui.
Children’s assessments require strengthening. ERO recommends that kaimahi personalise children’s profiles to identify their learning, interests and progress over time. Children benefit when their learning is individually assessed and monitored.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendations
strengthen assessment practices.
The next ERO evaluation of Te Kōhanga Reo o Ruru Te Tupuna will be in three years.
Lynda Pura-Watson
Deputy Chief Review Officer Māori
30 July 2018
|
Location |
Putāruru |
||
|
Ministry of Education profile number |
35073 |
||
|
Kōhanga Reo Identification Number |
04E061 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
23 children including up to 6 aged under 2 |
||
|
Kōhanga Reo roll |
20 children, including up to 6 aged under 2 |
||
|
Gender composition |
Girls 7 Boys 13 |
||
|
Ethnic composition |
Māori |
100% |
|
|
Review team on site |
20 - 21 June 2018 |
||
|
Date of this report |
30 July 2018 |
||
|
Most recent ERO report(s) |
Education Review Education Review Education Review |
August 2015 June 2012 February 2009 |
|
E tū ana Te Kōhanga Reo o Ruru Te Tupuna ki Putāruru. I ahu mai te ingoa o te kōhanga reo i tētahi tupuna a Ruru, ā, ko ia te kaitiaki o Korekore, te hoa wahine o tētahi tino rangatira o tēnei rohe, a Raukawa. Tokomaha ngā tamariki o te kōhanga reo nō tēnei wāhi, ā, ko Ngāti Raukawa tō rātou iwi. Nō iwi kē anō ētahi atu o ngā tamariki.
I te kōhanga reo tonu ētahi o te whānau i tōna whakatuwheratanga i te tau 1982. Ka noho pūmau te whānau ki te kōhanga reo.
Ka tūmāia ngā tamariki hei ākonga, ā, ka kitea tō rātou tino aronga toi whenuatanga, tō rātou whanaungatanga hoki.
Ka ako ngā tamariki ki tētahi taiao e whakanui ana i te reo Māori hei kaupapa matua. He pakari ngā tamariki tuākana ki te kōrero i te reo Māori. Ka whakapuaki kōrero rātou ki waenga i a rātou anō, ki ngā pākeke hoki. Ka whakamahi ngā kaimahi i ngā rautaki ako reo e tika ana hei hāpai, hei whakawhānui hoki i ngā tamariki. Kei te tika haere te whakamahinga a ngā tamariki i te reo Māori. He pārekareka ki a rātou te kōrero me te taunekeneke ki waenga i a rātou anō.
He tau ngā tamariki i runga i tō rātou mōhiotanga ki tō rātou tuakiri. Ka ako rātou i ō rātou hononga ā-whānau, ā-hapū, ā-iwi hoki. Ka kitea te tikanga me te kawa o Tainui puta noa i te kōhanga reo. Ko Te Kīngitanga te aronga nui o ngā akoranga. E whanake ana ngā tamariki i tō rātou māramatanga ki te āhua e tika ana i a rātou e whai wāhi atu ana ki ngā kaupapa o te marae. Ko tētahi kaupapa matua ki te whānau, ko te āta whakatau i te mōhiotanga o ngā tamariki ki ō rātou whakapapa me ō rātou hononga ki ētahi atu marae. He kaha te aronga toi whenuatanga o ngā tamariki.
Kua whakaritea e ngā tamariki ngā hononga e whai pūtake ana ki te taha o ō rātou hoa, ki ngā pākeke hoki o te kōhanga reo. He tino tauira ngā tuākana mō ngā tēina. He kaha tā rātou kawe i ētahi āhuatanga o te hōtaka akoranga. Ka whai hua ngā tamariki nā tētahi hōtaka e mau nei i te whanaungatanga hei whakapakari i tō rātou whakapono ki a rātou anō hei ākonga.
He mārie te tau wawe a ngā tamariki i waenga i ngā akoranga me ngā mahinga. He riterite te hōtaka akoranga, ā, e mōhiotia ana. Ka whakamōhiotia ngā tamariki i mua i te mahinga. He pai te whakaritenga me te whakahaeretanga o te hōtaka. Ka ngana ngā tamariki i roto i ngā mahi mō te wā roa. Ka ū pūmau tō rātou ngākau nui ki ā rātou mahi. He harikoa, he tau hoki ngā tamariki hei ākonga, ā, ka ako rātou ki tētahi taiao e āta akiaki ana i te awhi, te aroha, me te tautoko.
Ka whai hua te whakahaeretanga a te whānau i te kōhanga reo, hei āta whakarite i te whakatutukitanga o tā rātou pūtake me tā rātou tirohanga. He mārama ō rātou tūmanako kia whakarato te kōhanga reo i te tino mātauranga mō ā rātou tamariki. Ka whai wāhi mai ētahi kuia, ā, ka hāpai rātou i te kōhanga reo. Ka āta whakapuaki rātou i ngā kōrero o mua e pā ana ki te whakatūnga o te kōhanga reo, me ngā momo hītori o te takiwā nei. He ākonga harikoa, he ākonga tūmāia hoki ngā tamariki ki te taiao o te kōhanga reo.
Kua arotakengia te tūtohinga, ā, e hāngai ana ki te rā. Ka āta hāpai ngā tūmanako me ngā whāinga o te tūtohinga i te tirohanga mō te kōhanga reo. Ka hāngai hoki ki te rā, ko ngā kaupapa here me ngā tukanga o te hauora me te haumaru. Ka whakapau kaha te whānau hei āta whakarite i te tū o te kōhanga reo hei wāhi hauora, hei wāhi haumaru hoki mō ngā tamariki. Ka āta whakapūmautia, ka noho mārama hoki ngā tukanga pūtea e pā ana ki te aroturuki me te pūrongo. He tau te taha pūtea o te kōhanga reo, ā, ka aro matua hoki ki ngā rauemi ka hāpai i ngā akoranga a ngā tamariki. Ka kitea te pai o te whānau hei kaituku mahi. Ko ngā tuhinga kaimahi- tae atu ki ngā tuhinga tūranga mahi me ngā kirimana – e hāngai ana ki te rā, ā, kua waitohungia hoki. Kua whakatinanahia e te whānau ngā arohaehae, ā, kua whai pānga ēnei ki te āhua o te whakawhanaketanga ngaio o ngā kaimahi. Ko te whakapau kaha ngātahi o te whānau e whai pānga ana ki ngā putanga hua mō ngā tamariki.
He pai te nui o ngā pūrongo ki te whānau mō te nuinga o ngā āhuatanga e pā ana ki te whakahaeretanga o te kōhanga reo. Ka hāpai te arotake o roto i tēnei. E mōhio ana te whānau ki tēnā e whakatutukihia ana ki te kōhanga reo, inā koa, ki ngā hua ka puta ki ā rātou tamariki.
Kua āta whakaritea ngā tukanga e pā ana ki te whakamahere, te aromatawai, me te aromātai. Ko ngā tamariki te aronga o ngā mahere hōtaka. Ka kitea ki ngā mahere, ko ngā ariā e whakatairanga ana i te whanaungatanga, te tuakiri, ngā atua, me te aronga toi whenuatanga. Ka whakamahi ngā kaimahi i ngā whakaritenga aromatawai ka aroturuki i te ako a ngā tamariki me tā rātou ahunga whakamua. Ka whakaaro huritao ngā kaimahi i roto i te whānuitanga o ā rātou mahi. Ka whakahāngai rātou i ā rātou mahi, kia whai hua ake ai ngā tamariki.
He whāiti noa te whakamahere rautaki. Kāhore anō te whānau kia whai whakaaro ki ngā whāinga me ngā tūmanako o te pae tawhiti ka whakapakari i te kōhanga reo hei ngā tau maha ka whai ake. Me hāngai ngā kaupapa matua o te pae tawhiti ki Te Ara Tūāpae, ā, me āta tohu hoki i te wā me ngā mahi ka whakatinana i ā rātou kaupapa mahi.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakaae Te Tari Arotake Mātauranga me te whānau kia toro atu rātou ki te tautoko e tika ana mō te whakawhanake i te mahere rautaki o te pae tawhiti, hei āta whakarite i te whanake tonutanga o te kōhanga reo i roto i ngā tau kei te heke mai.
E tū ana Te Kōhanga Reo o Ruru Te Tupuna ki Putāruru. Ko Ngāti Raukawa te iwi o tēnei rohe. He ākonga tūmāia ngā tamariki, ā, ka kitea te kaha o tō rātou aronga toi whenuatanga, tō rātou whanaungatanga hoki. Ka whakahaere te whānau i te kōhanga reo hei āta whakarite i te whakatutukitanga o tā rātou pūtake me tā rātou tirohanga. He harikoa, he tau hoki ngā tamariki ki te kōhanga reo.
Ka arotake anō Te Tari Arotake Mātauranga i Te Kōhanga Reo o Ruru Te Tupuna i roto i te toru o ngā tau.
Lynda Pura-Watson
Kaiurungi Whakaturuki Arotake Māori
24 Here-turi-kōkā, 2015
|
Te tūwāhi |
Kei Putāruru |
|
|
Te tau a te Tāhuhu o te Mātauranga |
35073 |
|
|
Te tau tohu o Te Kōhanga Reo |
04E061 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
23, kia tokowhā ki raro i te rua o ngā tau |
|
|
Te tokomaha kei runga i te rārangi ingoa |
20, tokowhā kei raro i te rua o ngā tau |
|
|
Te ira tangata |
Kōtiro 12 Tama tāne 8 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Pipiri 2015 |
|
|
Te wā o tēnei pūrongo |
24 Here-turi-kōkā 2015 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Pipiri 2012 Hui-tanguru 2009 Kohi-tātea 2005 |
Te Kōhanga Reo o Ruru Te Tūpuna is in Putāruru. The kōhanga reo takes its name from an ancestor Ruru, who was the guardian of Korekore, the wife of Raukawa, a distinguished chief of the area. Many of the children attending the kōhanga reo are from the local area and affiliate to the iwi of Raukawa. There are some children who attend kōhanga reo and are from other iwi.
Some of the current whānau were present when the kōhanga reo was established in 1982. Whānau are committed to the kōhanga reo.
Children are confident learners and demonstrate a strong sense of belonging and whanangatanga?
Children learn in surroundings where te reo Māori is a priority. The older children confidently speak Māori. They initiate conversations with one another and adults. Kaimahi use appropriate language learning strategies to support and extend children. Children use te reo Māori with increasing accuracy. They enjoy talking and interacting with each other.
Children are secure in their identity. They learn about their whānau, hapū and iwi connections. Tainui tikanga and kawa is reflected throughout the kōhanga reo. The Kingitanga is a main focus of learning. Children are developing an understanding of how to behave when participating in marae activities. A priority for whānau includes making sure children know their whakapapa and connections to other marae. Children have a strong sense of belonging.
Children have established meaningful relationships with their peers and adults at the kōhanga reo. The older children are good role models for the younger children. They lead aspects of the learning programme with confidence. Children benefit from a programme where whanaungatanga strengthens their belief in themselves as learners.
Children settle quickly and calmly between learning and routines. The learning programme is consistent and familiar. Children are informed in advance of what is happening. The programme is well organised and managed. Children persist in tasks for extended periods of time. They maintain a genuine interest in their work. Children are happy and contented learners and learn in an environment that encourages awhi, aroha and tautoko.
The whānau manage the kōhanga reo effectively to ensure their purpose and vision is achieved. They have clear expectations that the kōhanga reo will provide the best possible education for their children. There is a group of kuia who support the kōhanga reo. They readily share historical information on the establishment of the kōhanga reo and what has happened in the area. The kōhanga reo is an environment where children are happy and confident learners.
The charter has been reviewed and is up to date. The charter goals and aims clearly support the vision for Te Kōhanga Reo. Health and safety policies and procedures are current. Whānau take all reasonable steps to ensure the kōhanga reo is a healthy and safe place for children. Financial processes for monitoring and reporting are well maintained and transparent. The kōhanga reo is financially sound and resourcing of children’s learning is a priority. Whānau show that they are fair employers. Personnel documents including job descriptions and employment contracts are up to date and signed. Whānau have implemented appraisals which have led to professional development for kaimahi. The collective efforts of whānau impact positively on outcomes for children.
There is a good level of reporting to whānau on most aspects of kōhanga reo operations. Internal review is helpful. Whānau know what is happening in the kōhanga reo particularly, the benefits this has for their children.
Planning, assessment and evaluation processes are well established. Children are the focus of programme planning. Concepts that promote whanaungatanga, identity, ngā atua and belonging are reflected in planning. Kaimahi use appropriate assessment practices to monitor children’s learning and progress. Kaimahi are reflective about all aspects of their work. They adapt their planning in order to make positive changes for the children.
Strategic planning is limited. Whānau have yet to consider long term goals and objectives that will strengthen the kōhanga reo in to the future and beyond. The long term priorities should align to Te Ara Tūāpae and clearly show when and how their priorities will be implemented.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the whānau agreed that they will seek support to develop a long term strategic plan to ensure the future development of the kōhanga reo.
Te Kōhanga Reo o Ruru Te Tūpuna is based in Pūtaruru. Ngāti Raukawa is the local iwi. Children are confident learners and demonstrate a strong sense of belonging and whanaungatanga. The whānau manage the kōhanga reo effectively to ensure their purpose and vision is achieved. Children are happy and settled at kōhanga reo.
The next ERO review of Te Kōhanga Reo o Ruru Te Tupuna will be in three years.
Lynda Pura-Watson
Deputy Chief Review Officer Māori
24 August 2015
|
Location |
Pūtaruru |
|
|
Ministry of Education profile number |
35073 |
|
|
Kōhanga Reo Identification Number |
04E061 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
23 children, including up to 4 aged under 2 years old |
|
|
Kōhanga Reo roll |
20 children, including up to 4 aged under 2 |
|
|
Gender composition |
Girls 12 Boys 8 |
|
|
Ethnic composition |
Māori |
100% |
|
Review team on site |
June 2015 |
|
|
Date of this report |
24 August 2015 |
|
|
Most recent ERO report(s) |
Education Review Education Review Supplementary Review |
June 2012 February 2009 January 2005 |