63 Ford Road, Fordlands, Rotorua
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Rangimārie Kōhanga Reo ki Rotorua, ki te hapori o Fordlands. Kua raihanatia ki te whakarato i te mātauranga me te atawhai mō te rā katoa, ki ngā mokopuna 35, me te 12 o rātou ki raro i te rua o ngā tau te pakeke. Whai muri i te arotakenga o mua a Te Tari Arotake Mātauranga i te Pipiri o te tau 2018, kua whakatūngia tētahi kaiako, ā, kei a ia Te Tohu Whakapakari. He hononga ā-whakatupuranga ō te whānau ki te kōhanga reo, ā, kei waenga i ngā mātua me ngā kaimahi o tēnei wā, te tini o ngā manu pīrere o te kaupapa o te kōhanga reo, me ngā raukura o te kura kaupapa Māori.
Ka kitea ki ngā mokopuna tō rātou harikoa me tā rātou whai wāhi nui.
E āta poipoia ana ngā matea me ngā ngākau nuitanga o ngā mokopuna mā te hōtaka akoranga whakahihiri. Ko te whakapapa kei te tūāpapa o ngā hononga papai ki waenga i ngā mokopuna, ngā kaimahi, me te whānau. Ka paiheretia te whanaungatanga mā ngā mahinga o ia rā, me te whai wāhi atu a ngā mokopuna ki ngā karakia, ngā mōteatea me ngā waiata o Te Arawa. Ka whakarato ngā kaimahi i te tangongitanga o ngā taumahi hei whiringa mā ngā mokopuna, ā, he taumahi ērā ka poipoi i te whakawhanaketanga o te reo Māori, ka whakahono hoki i a rātou ki ngā tikanga Māori. Ka tohungia ki te āhua o ngā kanohi o ngā mokopuna, ki ā rātou kōrero urupare hoki tō rātou māramatanga ki ngā whakawhitinga kōrero me ngā tohutohu. Ka whakamahi hoki ngā kaimahi i te reo rotarota kia whai māramatanga ngā mokopuna ki te reo turi, ā, kia whakamahia hoki e rātou. Kua āta whakaritea te taiao, ā, he rangimārie hoki. Kei te manahau, kei te mauritau hoki ngā mokopuna ki tō rātou kōhanga reo.
E whai wāhi nui ana ngā mokopuna ki tētahi hōtaka akoranga e ahu mai ana i ngā ariā o te ao Māori. Hui ai ngā kaimahi i ia te wā ki te whakawhiti kōrero mō te whakamahere hōtaka, te aromatawai, me te aromātai. Ka whai whakaaro rātou ki ngā wawata o te whānau, ā, ka whakarite anō hoki i ngā taumahi me ngā rauemi e hāpai ai i te whakawhanaketanga o ngā mokopuna ki te kōrero i te reo Māori. E hāngai ana ngā mahere ki ngā atua Māori, ki ngā kaupapa o Te Arawa, me ngā kaupeka o te tau. Ka kapo atu ngā hononga ki Te Whāriki a Te Kōhanga Reo i tēnā e hiahia ana ngā kaimahi me te whānau kia ākona e ngā mokopuna. Ka tuhia ngā whakatutukitanga, te ako, me te ahu whakamua a ia mokopuna ki tāna ake pūkete, ā, he ngāwari noa mā ngā whānau te whakapā atu ki aua mōhiohio. Ka hāngai ngā whakawhitinga kōrero aromātai ki tēnā i whai hua ai ki ngā wheako ako, ki tēnā hoki kīhai i whai hua. Nā aua tūāhuatanga, ka puta ngā whakarerekētanga ki te hōtaka akoranga, me te aronga o aua whakarerekētanga ki te whakatairanga ake i te whai wāhi atu a ngā mokopuna, i tō rātou waiora hoki. E puāwai ana ngā mokopuna ki tētahi taiao e tūhonohono ana i a rātou ki te ao Māori.
E ako ana ngā mokopuna ki tētahi taiao e pupuri nei i te whanaungatanga ki te pūtaketanga o ngā mahi whakahaere a te whānau. Kei te whai wāhi mātātoa ngā whānau ki ngā whakataunga, mā te taetae atu ki ngā hui ā-whānau i ia te wā. Ko te hauora, te haumaru, te waiora, me te ako o ngā mokopuna kei te aronga o ngā whakawhitinga kōrero. He rārangi arotake kaupapa here e hono ana ki Ngā Pou e Whā, ā, ka āta ārahi i ngā kaimahi i roto i ngā wā e tika ana kia kawea te arotakenga o ngā kaupapa here. He āhuatanga tēnei e āta whakatau ana i te noho haepapa o te whānau me ngā kaimahi mō te whakatutukitanga o ngā herenga ā-ture. He rārangi wā ki te mahere ā-tau, kia tutuki ai ngā mahi whakahaere a te whānau, tae atu hoki ki te whakatutukitanga o ngā arowhai e pā ana ki te hauora me te haumaru, me ngā mahi arowhai a ngā pirihimana. Ka whai hua ngā mokopuna nā te whakatutukitanga o ngā whakataunga i ō rātou matea.
Me whakapakari ake i ngā whakaritenga e tautoko ana i ngā mahi ngaio a ngā kaimahi. Nā ngā wero inātata nei i pā ki ngā tūranga kaimahi, kāhore te arohaehae i āta whakatinanahia i te tau 2023 mō ngā kaimahi katoa. E ai ki te whānau, ko te arohaehae tētahi āhuatanga hei whakapakari ake, ā, e whakatau ana hoki te aromātai a Te Tari Arotake Mātauranga i taua tūāhuatanga. He tukanga arohaehae whakamanawa tā te whānau, ā, e taea ana ngā whakaritenga a ngā kaimahi te āta tautoko. Kua tae ki te wā ki te whakapuaki i taua tukanga. Ka whai hua ngā mokopuna i te wā e whakatairangatia ana ngā pūkenga o ngā kaiako.
E mōhio ana te whānau, ko ngā tukanga aromātai o roto tētahi āhuatanga hei whakapai ake. Nā ngā wero ki ngā tūranga kaimahi i roto i ngā tau kua pahure ake nei, kāhore ngā arotakenga me ngā aromātai i āta whakamaheretia. Me whakapakari ake te whānau whakahaere i taua tūāhuatanga o ā rātou kawenga mahi. Ka whai hua ngā mokopuna i te wā ka āta whakatutukihia e te whānau ō rātou tūranga.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
I whakawhanakehia e Te Tari Arotake Mātauranga te taunakitanga e whai ake nei, arā, kia tahuri te whānau ki te:
Darcy Te Hau
Toka ā Nuku
Te Uepū-a-Motu – Māori Services
10 Paengawhāwhā, 2024
| Te tūwāhi | Kei Waiariki |
| Te tau a te Tāhuhu o te Mātauranga | 30065 |
| Te tau tohu o Te Kōhanga Reo | 05C035 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 35 ngā tamariki, kia 12 ki raro i te rua o ngā tau |
| Te tokomaha kei runga i te rārangi ingoa | 19 ngā tamariki, tokorima kei raro i te rua o ngā tau |
| Ngā hononga ā-iwi | Māori 19 |
| Te wā i te kōhanga reo te rōpū arotake | Hui-tanguru 2024 |
| Te wā o tēnei pūrongo | 10 Paengawhāwhā 2024 |
| Ngā pūrongo o mua a Te Tari Arotake Mātauranga | Arotake Mātauranga, Pipiri 2018; Arotake Mātauranga, Paenga-whāwhā 2015; Arotake Mātauranga, Hui-tanguru 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Rangimārie Kōhanga Reo ki Rotorua is in Fordlands, Rotorua. It is licensed to provide all day education and care to 35 mokopuna, including 12 aged under two years old. Since ERO’s previous review in June 2018, a kaiako who holds Te Tohu Whakapakari has been appointed. Whānau have intergenerational connections to the kōhanga reo and many of the current parents and kaimahi are raukura from te kōhanga reo and kura kaupapa Māori movements.
Mokopuna show they are happy and engaged.
Mokopuna needs and interests are well catered for through an engaging learning programme. Whakapapa is the basis of the positive relationships between mokopuna, kaimahi and whānau. Whanaungatanga connections are strengthened through daily routines where mokopuna engage in karakia, mōteatea and waiata of Te Arawa. Kaimahi provide a range of activities for mokopuna to choose from that foster te reo Māori development and connect them to tikanga Māori. Mokopuna show their understanding of conversations and instructions through facial expressions and verbal responses. Kaimahi also use sign language to promote mokopuna understanding and use of te reo turi. The environment is well prepared, quiet and calm. Mokopuna are content and settled in their kōhanga reo setting.
Mokopuna enjoy a learning programme based on te ao Māori concepts. Kaimahi meet regularly to discuss programme planning, assessment and evaluation. They consider whānau aspirations and include activities and resources that support mokopuna development as speakers of te reo Māori. Planning includes atua Māori, Te Arawa kaupapa and ngā kaupeka o te tau. Links to Te Whāriki, ā Te Kōhanga Reo capture what kaimahi and whānau want mokopuna to learn. Mokopuna milestones, learning and progress is documented in individual profile books and whānau can access this information easily. Evaluation discussions include, what went well with the planned learning experiences and what didn’t go well. This leads to changes and adjustments to the learning programme that focus on enhancing mokopuna engagement and wellbeing. Mokopuna thrive in an environment that connects them to te ao Māori.
Mokopuna learn in an environment where whanaungatanga is the basis of whānau whakahaere. Whānau are actively involved in decision making through regularly attending hui whānau. The health, safety, wellbeing and learning of mokopuna is the focus of discussions. A policy review schedule linked to Ngā Pou e Whā provides good guidance for kaimahi for when reviews of policies should be undertaken. This ensures whānau and kaiako are accountable for compliance and legislation requirements. The annual plan provides timeframes for completion of whānau whakahaere tasks, including undertaking health and safety checking and police vetting. Mokopuna benefit from decision making that meets their needs.
Practices for supporting kaimahi professional practice require strengthening. Due to recent staffing challenges, appraisal was not fully implemented for all kaimahi in 2023. Whānau acknowledges that appraisal is an area to strengthen and ERO’s evaluation confirms this. The whānau have an encouraging appraisal process that could support kaimahi practice well. It is now timely to put this in place. Mokopuna benefits when kaiako capability is enhanced.
The whānau know that internal evaluation processes can be improved. The staffing challenges experienced in recent years have resulted in reviews and evaluations not being well planned. Whānau whakahaere need to strengthen this aspect of their responsibilities. Mokopuna are advantaged when whānau carry out their role well.
During the evaluation, ERO looked at systems for managing the following areas:
ERO developed the following recommendations, for whānau to:
Darcy Te Hau
Toka-ā-Nuku – Director
Te Uepū ā-Motu – Māori Review Services
10 April 2024
| Location | Rotorua |
| Ministry of Education profile number | 30065 |
| Kōhanga Reo Identification Number | 05C035 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 35 children, including up to 12 aged under 2 |
| Service roll | 19 children, including 5 aged under 2 |
| Ethnic composition | Māori 19 |
| Review team on site | February 2024 |
| Date of this report | 10 April 2024 |
| Most recent ERO report(s) | Education Review, June 2018; Education Review, April 2015; Education Review, February 2012 |
E tū ana Te Kōhanga Reo o Te Rangimārie ki Fordlands, ki Rotorua. Whai muri i te pūrongo o mua a Te Tari Arotake Mātauranga i te tau 2015, kua tīni haere ngā tūnga kaimahi. Kua huri te kuia o te kōhanga reo ki tua o te ārai, ā, ko ia hoki te kaiako i ōna wā. E ako ana ngā kaimahi hou i ō rātou tūranga me ā rātou kawenga mahi. Kua heke iho te tatauranga tamariki o te kōhanga reo, ā, kua heke iho anō hoki ngā pūtea nā te mea kāhore he Tohu Whakapakari ā tētahi i te kōhanga reo. Kua whakawhanakehia ētahi āhuatanga o te whare me ngā rawa i te kōhanga reo.
Ka kitea ki ngā tamariki tō rātou harikoa i roto i ā rātou wheako ako.
E ako ana ngā tamariki ki tētahi taiao e poipoi ana i a rātou. Ka tuituia ngā tikanga ki te hōtaka akoranga ōkawa, mā ngā uaratanga o te whakaute, te manaaki, me te aroha. Ka whakarato ngā kaimahi i ngā whai wāhitanga mō ngā tamariki ki te whakaatu i ō rātou māramatanga mā tā rātou whai wāhi atu ki ngā karakia, ngā hīmene, me ngā mōteatea. Ka whakanuia e rātou ngā whakamātau o ia tamaiti, o ngā tuākana hoki e hāpai ai i ngā pēpi ki te whai wāhi atu ki te hōtaka akoranga me te kōkiri i tō rātou tū takitahi. Kua whakaritea e ngā kaimahi ngā mahinga tiaki, ngā mahinga akuaku, ngā whakaritenga hoki mō te kai, me te whai whakaaro nui o ngā tamariki ki ētahi atu. Ka kitea ki ngā tamariki tuākana tā rātou ako haere ki te tiaki i a rātou anō. Ka tautāwhi, ka whakatau hoki rātou i ētahi atu i ngā wā e tika ana. Ka whakaritea ngā taumahi kia āhei ai ngā tamariki ki te whai wāhi atu me te ako ngātahi ki te taha o ētahi atu. Kei te harikoa te āhua o ngā tamariki i roto i ō rātou hononga ki ētahi atu.
E ako ana ngā tamariki i ō rātou tuakiri me ō rātou tūrangawaewae. Ka whakarato ngā kaimahi i te whānuitanga o ngā tūmomo whai wāhitanga kia ako ai ngā tamariki i ō rātou tātai hono ki Te Arawa, mā ngā mōteatea, ngā karakia, ngā waiata, me ngā pepeha. Ka tū pakari ngā tamariki tuākana ki te whakapuaki i ō rātou pepeha me ō rātou whakapapa ki ētahi atu. E tautokona ana te ako a ngā tamariki tēina me ngā pēpi mā tā rātou tāwhai i ngā kaimahi. E whakawhanake ana ngā tamariki i tō rātou māramatanga ki ō rātou tūnga me ā rātou kawenga mahi hei tangata whenua. He mātātoa tā rātou whai wāhi atu, tā rātou arataki anō hoki i ētahi tūāhuatanga o ngā pōwhiri ki ngā manuhiri. He aronga toi whenuatanga tō ngā tamariki.
E whakawhanake ana ngā tamariki i ngā pūkenga ki te whakawhitiwhiti whakaaro mā te reo Māori. Ka hāpai ngā kaimahi i ngā tamariki tuākana ki te whakapuaki i ō rātou whakaaro mā ngā rerenga kōrero māmā. E ākina ana te whakaatu a ngā pēpi i tō rātou māramatanga mā ō rātou kanohi me te reo ā-tinana. He tika te aro atu a ngā tamariki ki ngā tohutohu a ngā kaimahi. Ka whakamahi hoki ngā kaimahi i ngā waiata, hei hāpai i ngā tamariki ki te whakapakari ake i ō rātou pūkenga i roto i te reo Māori, ā, ka tāwhai anō hoki ngā tamariki i te reo ka rangona e rātou. Kua whakapuakihia e rātou te pānui me te patapatai i ngā pakiwaitara, hei whakawhānui i ngā pūkenga reo Māori o ngā tamariki. Ka whakatika haere ngā kaimahi i te reo o ngā tamariki i ngā wā e tika ana. He pārekareka ki ngā tamariki te ako i te reo Māori.
E ako ana ngā tamariki ki te tūhura i te taiao tūturu. Ka whakarato ngā kaimahi i te whānuitanga o ngā tūmomo taumahi ki ngā tamariki, hei whakatairanga ake i te pākiki, te whakatewhatewha, me te mahi auaha. E tino wātea ana ngā rauemi ako ki ngā tamariki, kia āhei ai rātou ki te whakatau haere i ā rātou whiringa tākaro, me te whai anō hoki i ō rātou ake ngākau nuitanga. Ka akiaki ngā kaimahi i ngā tamariki ki te waihanga i ētahi taumahi mō ngā rōpū iti, ki te tākaro takitahi rānei. Ka kitea ki ngā tamariki tō rātou ngākau titikaha i roto i ā rātou tākaro.
Ko ngā putanga ako a ngā tamariki e ārahi ana i te aronga rautaki a te whānau. Kua tāutuhia e te whānau ngā kaupapa matua e ahu mai ana i ngā mahere ā-rohe o Te Ara Tūāpae. E hono ana aua kaupapa matua ki ngā mahi e tohaina ana ki waenga i ngā mātua me ngā kaimahi. Kua whakatinanahia e te whānau ngā tukanga aroturuki mō ngā āhuatanga kua whakatutukihia e rātou. E arotahi ana rātou ki te whakapai tonu me te rōnaki tonu, hei whakapūmau i te kaupapa mō ngā whakatupuranga kei te heke mai. Ko te kounga o ngā akoranga a ngā tamariki e noho matua ana.
E hāpai ana ngā wheako ako a ngā tamariki i ngā mahi whakahaere a te whānau. Pūrongo ai ngā kaimahi i ia te wā, i te hōtaka akoranga. Ka whai wāhi aua pūrongo ki ngā whakataunga a te whānau i roto i ngā mahi ki te tohatoha rauemi, te whakawhanake rawa, te hōtaka whakawhanaketanga a ngā kaimahi, me te noho haumaru ā-tinana, ā-whatumanawa hoki o ngā tamariki. E hāpai ana te mahere ā-tau i te whakatutukitanga o te whānau i ngā kaupapa i ngā wā e tika ana.
Kāhore anō kia whakaritea ngā mahi ki te arotake i te hōtaka. Ahakoa e hui ana ngā kaimahi i ia te wā ki te whakawhiti kōrero mō te hōtaka akoranga, kāhore anō kia āta whakaarohia e rātou me pēhea te whakamahi i aua whakawhitinga kōrero hei whakapai ake i ngā whakapuakitanga mā ngā tamariki.
Kāhore anō ngā kaimahi kia arohaehaengia. E mōhio ana te whānau ki ā rātou kawenga hei kaituku mahi, me te aronga o tēnā ki te whakatinana i ngā mahi e arohaehae ai i ngā kaimahi katoa.
Ka taea ngā mahi aromātai o roto te whakawhānui ake. Ahakoa e arotake ana te whānau i ngā kaupapa here me ngā tukanga i ia te wā, ā, e pūrongo ana hoki i te ahu whakamua ki te whakatutuki haere i ā rātou kaupapa matua ā-tau, me whai whakaaro anō hoki ki tētahi aronga nahanaha ka whakatakoto haere i ngā mahi ki te whakapai ake i ngā putanga mō ngā tamariki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia ngā wāhanga e whai ake nei, kāhore e tutuki ana e ai ki te ture. Me tahuri te whānau ki te:
Ka aromātai anō Te Tari Arotake Mātauranga i Te Kōhanga Reo o Te Rangimārie i roto i te toru o ngā tau.
Lynda Pura-Watson
Kaiurungi Whakaturuki Arotake Māori
19 Pipiri, 2018
|
Te tūwāhi |
Kei Rotorua |
|
|
Te tau a te Tāhuhu o te Mātauranga |
30065 |
|
|
Te tau tohu o Te Kōhanga Reo |
05C035 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
35, kia 12 ki raro i te rua o ngā tau |
|
|
Te tokomaha kei te rārangi ingoa |
15, tokotoru kei raro i te rua o ngā tau |
|
|
Te ira tangata |
Kōtiro 8 Tama 7 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Paenga-whāwhā 2018 |
|
|
Te wā o tēnei pūrongo |
19 Pipiri, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Paenga-whāwhā 2015 Hui-tanguru 2012 Haratua 2009 |
Te Kōhanga Reo o Te Rangimārie is in Fordlands, Rotorua. Since the last ERO report in 2015, there have been staff changes. The previous kaiako, who was also the kuia in the kōhanga reo, passed away. Newly appointed kaimahi are learning their roles and responsibilities. The whānau has experienced a decrease in their roll numbers, and a decrease in funding as there is no one with Te Tohu Whakapakari. Property development changes have been made on the current site.
Children show happiness in their learning experiences.
Children learn in a nurturing environment. Respect, care and aroha are used to integrate tikanga into the formal learning programme. Kaimahi provide children with opportunities to show their understanding by participating in karakia, hīmene and mōteatea. They acknowledge the efforts of the individuals and tuakana who support babies to participate in the learning programme to develop independence. Kaimahi have established routines of care and hygiene, practices for kai and showing positive behaviours towards others. Older children show they are learning to manage aspects of their own care. They give individuals comfort and assurance as needed. Activities are organised for children to participate and learn cooperatively with others. Children appear happy in their relationships with others.
Children are learning about who they are and where they come from. Kaimahi provide a range of opportunities to learn about their connections to Te Arawa through mōteatea, karakia, waiata and pepeha. Older children confidently share their pepeha and whakapapa with others. Young children and babies are supported to learn by mimicking kaimahi. Children are developing an understanding about their roles and responsibilities as tangata whenua. They actively participate and lead parts of pōwhiri for manuhiri. Children have a sense of belonging.
Children are developing the skills of communicating in te reo Māori. Kaimahi support older children to express themselves using simple sentences. Babies are encouraged to show their understanding through their facial expressions and body language. Children respond appropriately to kaimahi instructions. Kaimahi use waiata to help children to build their skills in te reo Māori and mimic the language they hear. They have introduced reading and questioning about stories to extend children’s te reo Māori skills. Kaimahi correct children’s language as needed. Children enjoy learning te reo Māori.
Children are learning to explore the physical environment. Kaimahi provide children with a range of activities that promote curiosity, investigation and creativity. Learning resources are easily accessible for children to make decisions about play and follow their interests. Kaimahi encourage children to create activities for small groups or play independently. Children show they are confident in their play.
Children’s learning outcomes guide the whānau strategic direction. The whānau has identified priorities based on Te Ara Tūāpae regional planning. These priorities are linked to actions that are shared amongst parents and kaimahi. The whānau has implemented monitoring processes to assist them with progress achieved. They are focussed on improvement and sustainability to maintain the kaupapa for future generations. Children’s quality of learning is important.
Children’s learning experiences assist whānau management practices. Kaimahi regularly report about the learning programme. These reports contribute to whānau decision making in relation to resourcing, property development, the programme of development for kaimahi including the physical and emotional safety of children. An annual plan helps whānau with meeting yearly deadlines.
Programme evaluation practices are not in place. Although kaimahi meet regularly to discuss the learning programme, they have yet to consider how they use their discussions to improve delivery for children.
Kaimahi have not been appraised. The whānau are aware of their responsibilities as an employer to implement appraisal of all kaimahi.
Internal evaluation practices can be extended. While the whānau regularly review policies and procedures and report about progress towards achieving their annual priorities, a planned approach about what more can be done to improve outcomes for children should be considered.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
The following areas of non-compliance have been identified:
ensure appraisal for all employed staff is regularly implemented.
[R46 Education (Early Childhood Services) Regulations 2008, GMA7 Licensing Criteria for Kōhanga Reo affiliated with Te Kōhanga Reo National Trust 2008]
The next ERO evaluation of Te Kōhanga Reo o Te Rangimārie will be in three years.
Lynda Pura-Watson
Deputy Chief Review Officer Māori
19 June 2018
|
Location |
Rotorua |
||
|
Ministry of Education profile number |
30065 |
||
|
Kōhanga Reo Identification Number |
05C035 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
35 children, including up to 12 aged under 2 |
||
|
Kōhanga Reo roll |
15 children, including up to 3 aged under 2 |
||
|
Gender composition |
Girls 8 Boys 7 |
||
|
Ethnic composition |
Māori |
100% |
|
|
Review team on site |
April 2018 |
||
|
Date of this report |
19 June 2018 |
||
|
Most recent ERO report(s) |
Education Review Education Review Education Review |
April 2015 February 2012 May 2009 |
|
E tū ana Te Kōhanga Reo o Te Rangimārie ki Rotorua. He pai te whakawhanake haere o ngā tamariki i tō rātou māramatanga ki te whanaungatanga, me tōna whakahirahiratanga. Ka whiwhi rātou i te hōhonutanga o ngā wheako akoranga. Ka whai wheako ngā tamariki i ngā uaratanga o te whānau, te iwi, me ngā hapū, ā, kua ahu mārika mai ēnei i te whanaungatanga.
Ka arotake anō Te Tari Arotake Mātauranga i Te Kōhanga Reo o Te Kōhanga Reo o Te Rangimārie i roto i te toru o ngā tau.
E tū ana Te Kōhanga Reo o Te Rangimārie ki Rotorua, ki te rohe o Te Arawa. Ka whakapūmau ngā tino hononga ā-whakapapa i waenga i ngā hapū maha i te whanaungatanga me te pūtake ngātahi. He nui ngā wawata me ngā tūmanako o te whānau me ngā kaimahi mō ā rātou tamariki. Ka noho ngākau nui rātou ki te whakarato i ngā tino whai wāhitanga ako mā ngā tamariki. He pai ngā hononga o te whānau ki Te Poari Matua o Ngā Kōhanga Reo, te purapura, me te hapori. Ka mutu ngā tamariki, ka whakawhiti atu rātou ki Te Kura Kaupapa Māori o Te Koutū.
He pēhea rawa te kite i te māramatanga o ngā tamariki ki te whanaungatanga?
Ka kitea te māramatanga pai o ngā tamariki ki te whanaungatanga, me tōna whakahirahiratanga.
Ka rumakina ngā tamariki ki ngā wheako e whakahono ana i a rātou ki ō rātou whānau, ō rātou hapū, me ō rātou iwi. Taki ai ngā tamariki i ia te wā, i ngā karakia, ngā mihimihi me ngā pepeha, ā, he maha hoki ngā wā ka waiata hoki rātou i ngā mōteatea o Te Arawa. Ka whakanuia ngā whakamātau a ngā tamariki i aua wheako. He whai wāhitanga mō ngā tamariki ki te waiata ngātahi me te haka ngātahi. Ka ako rātou i ngā pou whenua o Te Arawa, i ō rātou tūpuna rongonui, me ō rātou hononga ā-whānau. He tau, he māia hoki ngā tamariki i tō rātou taiao.
Ka whiwhi ngā tamariki i te hōhonutanga o ngā wheako reo Māori. Kōrero Māori ai ngā kaimahi ki ngā tamariki, puta noa i te rā. Ka rongo ngā tamariki i te reo Māori e kawea ana ngā tikanga me ngā tūmomo nekehanga o te rā, i a rātou e noho tahi ana ki ngā kuia, ngā kaumātua, me te whānau. Ka whakamahi ngā kaimahi i te whānuitanga o ngā tūmomo taumahi hihiri, rautaki hoki hei kapo atu, hei whakaongaonga hoki i te whakawhanaketanga o te reo Māori o ngā tamariki. Ka whai hua rātou ki te whakamahi i ngā waiata me ngā waiata ā-ringa hei hāpai i te whakawhānui ake, te whakatairanga ake hoki o ngā tamariki i ō rātou pūkenga reo. He pai te aro atu a ngā tamariki ki te reo Māori i a rātou e hāpaitia ana e ngā kaimahi me te whānau. He pai te whakawhanaketanga o te reo Māori o ngā tamariki.
He pai te whakawhanake haere o te taha whakahoahoa o ngā tamariki i a rātou e ako ana. Ka whai pūtake ngā hononga ki waenga i a rātou anō, ki ngā pākeke hoki, tae atu ki ngā kaumātua me ngā kuia. He tino whakaute ngā tamariki ki ō rātou hoa, ā, he pai tā rātou aro atu, mā te whakarongo, me te noho manawanui i a rātou e tākaro ana. Ka manaaki ngā tuākana i ngā tēina, ā, ka whakauru i a rātou ki ā rātou tākaro. Ka whakatauira ngā kaimahi i ngā uaratanga o te kōhanga reo i a rātou e taunekeneke ana me ngā tamariki. He pārekareka ki ngā tamariki te haere ki te kōhanga reo, ā, he māhorahora tā rātou taunekeneke haere ki waenga i a rātou anō, ā, ki ngā kaimahi me te whānau hoki.
Ka ako ngā tamariki i te whai pānga nui o te hauora me te haumaru ki a rātou anō. Ka ākina rātou ki te panipani ō rātou kanohi ki te kirīmi ārai rā, me te whai i ngā mahinga e pā ana ki te horoi ringa. Ka ako ngā tamariki i ngā kai hauora i ngā wā kai. Kua whakaritea e te whānau ngā arowhai hauora, haumaru hoki i ia te wā hei ārai i ngā aituā, me te toro atu o ngā māuiui. Ka tiaki rātou i ngā whare, ngā rawa, me ngā taputapu, hei whakakoro atu i ngā āhuatanga mōrearea. He tukanga ā te whānau mō te ahi, ngā rū whenua, me ngā āhuatanga ohorere. He harikoa ngā tamariki, ā, he kaha hoki tō rātou aronga toi whenuatanga.
He tākare te tūhura haere o ngā tamariki i tō rātou taiao o waho, me ngā akoranga e pā ana ki a Papatūānuku, a Tāwhirimātea, a Ranginui, me Tama-nui-te-rā. He pārekareka ki a rātou te tākaro ki te papa tākaro, ki te taha o ō rātou hoa. He pai te aro atu a ngā tamariki ki ngā wero ā-tinana, ā-hinengaro hoki ki te papa tākaro o waho.
Ka whiwhi ngā tamariki i ngā wheako akoranga whakaongaonga e whakatairanga ana i te ao Māori me te ao whānui. Ka poipoi te hōtaka o ia rā i te mahi tahi, te whakaute, me te whanaungatanga. E wātea ana ki ngā tamariki ngā rauemi e whai pānga ana ki ngā tohu me ngā ariā Māori. He whai wāhitanga mō ngā tamariki ki te tākaro takitahi, ki te tākaro ā-rōpū rānei hei whānau. Ka ākina ngā tamariki ki te mahi auaha, te whakaaro pohewa, me te kōrero i ngā āhuatanga e whai pānga nui ana ki a rātou. Ka puāwai ngā tamariki ki tētahi taiao e whakakotahi ana i a rātou, ā, e whakamana ana hoki i ō rātou uaratanga, ō rātou tikanga tuku iho hoki.
Ka whiwhi ngā tamariki i te whānuitanga o ngā wheako akoranga i āta whakamaheretia ai. Ka arotahi ngā kaupapa ako ki ngā kaupeka o te tau. Ka whakarite ngā kaimahi i ngā mahere ā-wāhanga, ā-wiki, o ia rā hoki. Ka whakamōhio ngā mahere hōtaka i te whānau, mō te āhua o ngā tūmomo kaupapa e whakatutuki ana ā rātou tamariki ki te kōhanga reo. E whai hua ana mahere, ka āta whakawhanakehia, ā, ka whai hua ki te ārahi i ngā whakaritenga a ngā kaimahi.
Ka tino hāpaitia ngā tamariki e tō rātou whānau. Ka whai wāhi te whānau ki ngā akoranga o te reo Māori hei hāpai i a rātou ki te tautoko i te whakawhanaketanga reo o ā rātou tamariki. He pai te noho ngātahi o te whānau, ā, he mātātoa tā rātou whai wāhi ki ngā whakahaeretanga o te kōhanga reo. Ka noho ngākau nui te whānau ki te kaupapa o te kōhanga reo. Ka ako ngā tamariki ki tētahi taiao e whakanui ana i ngā mahi ngātahi a te whānau.
Ka whai hua ngā tamariki nā te māramatanga o ngā mahi whakahaere, ngā tukanga whakahaere hoki a te whānau. Nō nā tata tonu nei te whānau i arotake ai i tā rātou tūtohinga, ā rātou kaupapa mahi, ā, kua whakaritea ngā kaupapa here matua e pā ana ki te hauora me te haumaru. Ko ngā tuhinga tūranga mahi a ngā kaimahi e hāngai ana ki te rā. Ka whakamahia tētahi mahere ā-tau i ia marama hei pūrongo, hei aroturuki, hei whakatakoto haere hoki i te ahunga whakamua. Nā te pūrongo i te ahunga whakamua me ngā mahi angitu o ngā kaupapa matua o ia tau, kua tau te aronga o te whānau mō te ahunga whakamua o te whānau me ngā painga mō ngā tamariki. He pai te noho mōhio o te whānau mō ngā whakahaeretanga o te kōhanga reo i ia te rā. He pai ngā pūnaha whakahaere pūtea ā te whānau. Ka hāpaitia ngā tamariki e te māramatanga o ngā whakataunga me te whakariterite.
Ahakoa ka whakamahi ngā kaimahi i te whānuitanga o ngā tūmomo rautaki ki te aromatawai i ngā akoranga a ngā tamariki, kāhore ngā mōhiohio i whakaemihia ai e hāngai ana i ngā wā katoa ki tēnā e ākona ana e ngā tamariki. Kāhore aua mōhiohio e tino whakamahia ana hei pūrongo i te ahunga whakamua o ia tamaiti, me ngā akoranga ka whāia tonuhia e ia.
Kāhore i te auau te aromātai hōtaka. He iti noa te aronga, ngā whakawhitinga kōrero rānei mō ngā āhuatanga e tika ana hei whakapakari ake i te hōtaka akoranga mō ngā tamariki.
Kāhore ngā mahere whakawhanaketanga ngaio e hāngai ana ki te pūnaha arohaehae, ki ngā tuhinga tūranga mahi rānei a ngā kaimahi.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
E tū ana Te Kōhanga Reo o Te Rangimārie ki Rotorua. He pai te whakawhanake haere o ngā tamariki i tō rātou māramatanga ki te whanaungatanga, me tōna whakahirahiratanga. Ka whiwhi rātou i te hōhonutanga o ngā wheako akoranga. Ka whai wheako ngā tamariki i ngā uaratanga o te whānau, te iwi, me ngā hapū, ā, kua ahu mārika mai ēnei i te whanaungatanga.
Ka arotake anō Te Tari Arotake Mātauranga i Te Kōhanga Reo o Te Kōhanga Reo o Te Rangimāriei roto i te toru o ngā tau.
Lynda Pura-Watson
Kaiurungi Whakaturuki Arotake Māori
13 Paenga-whāwhā, 2015
Te Kōhanga Reo o Te Rangimārie is in Rotorua. Children are developing well in their understanding of whanaungatanga and the importance of positive relationships. They receive rich learning experiences. Children experience whānau, iwi and hapu values embraced by whānaungatanga.
The next ERO review of Te Kōhanga Reo o Te Rangimārie will be in three years.
Te Kōhanga Reo o Te Rangimārie is in Rotorua, in the Te Arawa region. The strong whakapapa ties within the various hapū reinforce a strong sense of whanaungatanga and shared purpose. Whānau and kaimahi have high aspirations and expectations for their children. They are committed to providing the best possible learning opportunities for them. Whānau have positive relationships with Te Kōhanga Reo National Trust, purapura and the local community. Children go on to attend Te Kura Kaupapa Māori o Te Koutū.
Children show they have a good understanding of whanaungatanga and the importance of relationships.
Children are immersed in experiences that connect them to their whānau, hapū and iwi. Children regularly recite karakia, mihimihi, pepeha and often chant Te Arawa mōteatea. During these experiences children’s efforts are celebrated. Children have opportunities to sing or perform haka together. They learn about their Te Arawa landmarks, ancestors of significance and their whānau connections. Children are comfortable and confident in their surroundings.
Children receive rich te reo Māori language experiences. Kaimahi speak te reo Māori to children throughout the day. Children hear te reo Māori being used in traditional and contemporary forms when they are among kuia, kaumātua and whānau. Kaimahi use a range of exciting activities and strategies to captivate and stimulate children’s te reo Māori development. They effectively use waiata and waiata-ā-ringa to help children extend and enrich their language skills. Children respond well in te reo Māori when supported by kaimahi and whānau. Children are developing well as emerging speakers of te reo Māori.
Children are developing well as socially competent learners. They have meaningful relationships with each another and adults including kaumātua and kuia. Children are very respectful towards each other and respond well by listening and waiting patiently for their turn. Tuakana are caring towards teina and include them in their play. Kaimahi model kōhanga reo values when they interact with children. Children enjoy going to kōhanga reo where they to interact positively with each other, kaimahi and whānau.
Children learn about the importance of personal health and safety. They are encouraged to apply sun block to their faces and to follow routines for hand washing. Children learn about healthy eating at meal times. Whānau have regular health and safety checks in place to prevent accidents and the spread of infection. They keep the premises, facilities and equipment in good repair and free from hazards. Whānau have procedures to deal with fire, earthquakes and emergencies. Children are happy and have a strong sense of wellbeing.
Children eagerly explore their outdoor environment and learn about Papatūānuku, Tawhirimatea, Ranginui and Tama-nui-te-rā. They enjoy playing on the adventure playground with their friends. Children respond well to physical and mental challenges in the outside playground.
Children receive stimulating learning experiences that promotes te ao Māori and wider world. The daily programme fosters cooperation, respect and whanaungatanga. Children have access to resources that reflect Māori symbols and concepts. There are opportunities for children to play independently or as a whānau group. Children are encouraged to be creative, imaginative and talk about things that are important to them. Children thrive in an environment that is inclusive and acknowledges their cultural values and traditions.
Children receive a variety of well planned learning experiences. Kaupapa learning focuses on the seasons of the year. Kaimahi prepare term, weekly and daily plans. Programme plans inform whānau about what their child is experiencing at kōhanga reo. Plans are effective, well developed and useful for guiding kaimahi practice.
Children receive valuable support from their whānau. Whānau participate in te reo Māori classes to assist them to support their children’s language development. Whānau get on well together and take an active role in the kōhanga reo operations. Whanau are committed to the kaupapa of kōhanga reo. Children learn in an environment which values the collective efforts of whānau.
Children benefit from clear whānau management practices and processes. Whānau have recently reviewed their charter and policies and have core health and safety policies in place. Kaimahi employment documents are up to date. There is an annual plan which is used each month to report against, monitor and record progress. Reporting on the progress and successes of annual priorities has provided the whānau with direction for the future of the kōhanga reo and children’s interests. Whānau are informed well about the day to day operations of the kōhanga reo. The whānau has good financial management systems. Children are supported by clear decision making and planning.
Although kaimahi use a range of methods to assess children’s learning, information gathered is not always focused on what children are learning. This information is not used well to report on each child’s progress and their next steps in learning.
Programme evaluation is irregular. There is very little emphasis or discussion about what is required to strengthen the learning programme for children.
Professional development planning is not aligned to the appraisal system or kaimahi job descriptions.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
Te Kōhanga Reo o Te Rangimārie is in Rotorua. Children are developing well in their understanding of whanaungatanga and the importance of positive relationships. They receive rich learning experiences. Children experience whānau, iwi and hapu values embraced by whānaungatanga.
The next ERO review of Te Kōhanga Reo o Te Rangimārie will be in three years.
Lynda Pura-Watson
Deputy Chief Review Officer Māori
13 April 2015
|
Location |
Rotorua |
|
|
Ministry of Education profile number |
30065 |
|
|
Kōhanga Reo Identification Number |
05C035 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
35 children, including up to 12 aged under 2 |
|
|
Kōhanga Reo roll |
25 children, including up to 7 aged under 2 |
|
|
Gender composition |
Girls 14 Boys 11 |
|
|
Ethnic composition |
Māori 25 |
|
|
Review team on site |
February 2015 |
|
|
Date of this report |
13 April 2015 |
|
|
Most recent ERO report(s) |
Education Review Education Review Education Review |
February 2012 October 2005 May 2000 |