Te Kōhanga Reo o Te Raungaiti

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E tū ana Te Kōhanga Reo o Te Raungaiti ki te marae o Whakaaratamaiti, e pā tata atu ana i Putāruru. He hononga ā-whakapapa ki waenga i te nuinga o te whānau. Kua whakatūngia e te whānau ētahi kaimahi hou, whai muri i te arotake o mua a Te Tari Arotake Mātauranga.

3 Te Aronga o te Aromātai

He pēhea rawa te aro atu a ngā mokopuna ki ētahi atu mā te reo Māori?

E wātea ana ki ngā mokopuna te whānuitanga o ngā tūmomo wheako ako e hāpai ana i tō rātou mōhiotanga me tā rātou whakamahinga i te reo Māori. E whanake ana rātou ki te kōrero i te reo Māori.

4 Ngā Whakaaturanga

E hāpaitia ana te taunekeneke a ngā mokopuna ki ētahi atu mā te reo Māori. Ka whakatauira ngā kaimahi i ngā hanganga rerenga kōrero e tika ana, ka pātai, ka whakarato hoki i ngā tohutohu e hāpai ai i te whakawhanaketanga reo o ngā mokopuna. He whai wāhitanga mō ngā mokopuna ki te rongo i te reo Māori e kōrerohia ana i ngā wā ōkawa me ngā wā ōpaki. Nā ngā kaupapa pērā i ngā pōhiri me ngā whakatau, ka rongo ngā mokopuna i te reo Māori e whakamahia ana ki ētahi tino horopaki. Ka whakatauira ngā kaumātua me ngā kuia i te reo Māori tūturu i a rātou e whakawhiti kōrero ana ki waenga i a rātou anō, ā, ki ētahi atu tāngata kōrero Māori hoki.

Kei te hōtaka akoranga ngā whai wāhitanga maha mō ngā mokopuna me ngā pakeke ki te taunekeneke tahi mā te reo Māori. Ka whakamahi ngā kaimahi i te whānuitanga o ngā tūmomo rautaki, kia nui ai ake ngā puna kupu a ngā mokopuna. Ka whai wāhi atu ki tēnei, ko ngā karakia, ngā hīmene, ngā waiata, te kanikani, me te kori tinana. E hāpai ana ngā hononga ā-whakapapa i ngā mokopuna ki te ako i ngā hanganga reo, i a rātou e taki ana i ō rātou pepeha me ngā karakia. Ko ētahi atu taumahi, pērā i te tūhura i ngā tūāhua, i ngā tae, ā, i ngā tūmomo kakano hoki, he whai wāhitanga katoa mō ngā mokopuna ki te ako i te tangongitanga o ngā kupu hou, me te ako tāruarua. Ka māoriori ngā kaimahi i te whakamahinga o ngā kīwaha i roto i ngā taunekeneke ki te taha o ngā mokopuna. Ko te aro nui a ngā mokopuna e tohu ana i tō rātou noho mārama ki te reo Māori. He pakari ētahi ki te whakautu kōrero, ā, ka whakapuaki ētahi atu i te reo ā-tinana hei tohu i tō rātou māramatanga.

He pai tonu te whakahaeretanga o te whānau i te kōhanga reo. Hui ai rātou i ia te wā ki te whakawhiti kōrero mō ngā take e whai pānga ana, me te whakatau hoki i ngā whakaritenga hei whakapai ake. Ka whai wāhi atu ngā kaumātua me ngā kuia ki ngā whakataunga, ki te ārahitanga hoki o ngā whakahaeretanga katoa. Kei te tūtohinga ngā wawata o te whānau, ā, e whakaraupapa ana hoki i ngā uara matua me ngā mātāpono whakahirahira e pā ana ki te ako a ngā mokopuna. Kua whakatakotohia ngā tuhinga e pā ana ki ngā kaimahi, hei ārahi i ngā kaimahi i roto i ō rātou tūranga. Kua whakaritea hoki ngā tukanga e pā ana ki te whakamahere, te aromatawai, me te aromātai hōtaka, hei hāpai i te ahu whakamua me ngā whakapaitanga i roto i ngā akoranga a ngā mokopuna. He whai wāhitanga mō te whānau ki te hāpai me te whai wāhi atu ki aua taumahi. E arotahi ana ngā kaimahi ki te whakapai tonutanga. E whakamātau ana rātou i ngā poutama o te reo Māori, hei aromatawai i te ako a ngā mokopuna.

Ngā Whakaritenga Matua ka whai ake

Me hāngai te titiro ki te arotake whaiaro. Kua tae ki te wā kia whakaarohia e te whānau tētahi tukanga ka hāpai i a rātou ki te aroturuki i te whakahaeretanga o ngā whakaritenga. I tēnei wā, kāhore e tino kitea ana te aronga nui o ngā whakaaro ki te whakapai tonutanga.

Ahakoa kua arotakengia ētahi o ngā kaupapa here me ngā tukanga, kāhore ētahi o ngā kaupapa here o te hauora me te haumaru e tohu ana i te wā i arotakengia ai. Ko te whakahou ake i ngā kaupapa here me ngā tukanga, me te tuhi haere i te whakatutukitanga o aua mahi ka hāpai i ngā whānau ka whai ake ki te whakahaere i te hauora me te haumaru o ngā mokopuna.

E mōhio ana te whānau, kāhore i a rātou ngā tukanga ki te aroturuki i tā rātou mahere rautaki. Kua tae ki te wā kia whakawhanakehia e te whānau tētahi mahere mahi e hāpai ana i te whakatinanatanga o ā rātou whāinga o te paetawhiti, me te aroturukitanga, te pūrongo atu hoki i te ahu whakamua ki te whakatutuki i aua tūāhuatanga.

Ahakoa he mahere ā-tau tā te whānau, kāhore e tohu ana i ngā rārangi wā e tika ana mō te whakatutukitanga o ngā āhuatanga whakahaere. Kua tae ki te wā kia arotakengia e te whānau te mahere ā-tau. Ka whai hua ngā mokopuna mā te pakari o ngā pūnaha e pā ana ki ngā mahi whakahaere a te whānau me ngā mahi aroturuki.

Kāhore anō kia whakatutukihia ngā mahi e arohaehae ana i ngā kaimahi. He mea nui kia arotakengia e te whānau tā rātou tukanga arohaehae. Ko te whakarato i ngā whai wāhitanga ako ngaio ki ngā kaimahi, e noho mātua ana ki te whakatinanatanga o ngā akoranga e whai kounga ai ki ngā mokopuna.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Kia tutuki i a rātou ngā herenga ā-ture, me tahuri te whānau ki te:

• whakarite i tētahi tukanga o te arotake whaiaro e whakahaerehia ana i ngā wā katoa, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai e whakaratohia ana

[R46 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]  

• arotake me te whakahou ake i te katoa o ngā kaupapa here me ngā tukanga e pā ana ki te hauora me te haumaru, hei āta whakarite i te whakatutukitanga me te whakapūmautanga o te katoa o ngā herenga hauora me ngā herenga haumaru mō ngā akoako hōneatanga ohotata, te moe, ngā aituā me ngā maiki, ngā āhuatanga mōrearea, te ārai tamariki, me te whakahaere i te whanonga, hei painga mō ngā mokopuna.

[R46 Ture Mātauranga (Kōhungahunga) 2008; HS1-33 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakawhanakehia e te whānau – mā te tautoko hoki o te tari ā-rohe o te Poari Matua o Ngā Kōhanga Reo – tētahi mahere mahi ka whakatutuki i ngā wāhanga i tāutuhia ai ki tēnei pūrongo hei take āwangawanga.

Darcy Te Hau
Toka-ā-Nuku
Te Uepū ā-Motu - Māori Review Services

24 Haratua, 2021

7 Ngā kōrero e pā ana ki te kōhanga reo

Te tūwāhi	Kei Waiariki
Te tau a te Tāhuhu o te Mātauranga	35044
Te tau tohu o Te Kōhanga Reo	05D031
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	25, tokowhā ki raro i te rua o ngā tau
Te tokomaha kei runga i te rārangi ingoa	13, tokowhā kei raro i te rua o ngā tau
Te ira tangata	Kōtiro    8 Tama     5
Ngā hononga ā-iwi	Māori	100%
Te wā i te kōhanga reo te rōpū arotake	Poutū-te-rangi 2021
Te wā o tēnei pūrongo	24 Haratua 2021
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga Arotake Mātauranga	Whiringa-ā-rangi 2016 Hakihea 2013 Whiringa-ā-nuku 2010

1 Introduction

The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.

2 Context

Te Kōhanga Reo o Te Raungaiti is located on Te Marae o Whakaaratamaiti, near Putaruru. Many of the whānau are connected by whakapapa. Whānau have employed new kaimahi since the 2016 ERO review.

3 Evaluation Focus

How well do mokopuna communicate with others through te reo Māori?

Mokopuna have access to a range of learning experiences to support their knowledge and use of te reo Māori. They are developing as speakers of the Māori language.

4 Findings

Mokopuna are supported to interact with others in te reo Māori. Kaimahi model correct sentence structure, ask questions and provide instructions to support mokopuna language development.  Mokopuna are provided opportunities to hear te reo Māori being spoken both formally and informally. Events such as pōhiri and whakatau enable the mokopuna to hear te reo Māori being used in different contexts. Kaumātua and kuia model authentic use of the Māori language in their exchanges with one another and other speakers of te reo Māori.

The learning programme provides many opportunities for te reo Māori interaction between mokopuna and adults. Kaimahi use a range of strategies to build mokopuna vocabulary. These include karakia and himene, waiata, kanikani and kori tinana. Whakapapa connections allow mokopuna to learn language structures as they recite their pepehā and karakia. Other activities such as exploring shapes, colours and different textures provides mokopuna with new kupu as well as reinforcing learning. Kaimahi regularly use kīwaha in their interactions with mokopuna. Some mokopuna confidently engage in discussions while others use non-verbal language to express their understanding.

The whānau continue to manage the kōhanga reo well. They meet regularly to discuss matters of interest and to make decisions for improvement. Kaumātua and kuia contribute to decision making and help guide all operations. The charter reflects the aspirations of whānau and outlines key values and principles of importance for mokopuna learning. Personnel documentation are in place to guide kaimahi in their roles. Planning, assessment and programme evaluation processes are in place to support progress and improvement in learning for mokopuna. Whānau have opportunities to contribute to these activities. Kaimahi are improvement focused. They are trialling te reo Maori progressions to assess mokopuna learning. 

Key Next Steps

Self-review needs further development. It is time for whānau to consider a process that will enable them to monitor the management of operations. Improved self review practices should lead to better informed decisions that are improvement focused.

While some policies and procedures have been reviewed, other health and safety policies don’t show a date of review. Updating policies and procedures and maintaining a record of this will assist successive whānau to manage mokopuna health and safety more effectively.

Whānau are aware that they do not have processes in place to monitor their strategic plan. It is time for whānau to develop an action plan to support the implementation of their long-term goals as well as monitoring and reporting of progress toward achieving these.

Although whānau have an annual plan in place, it does not show timelines required to attend to key operational matters. It is time for whānau to review the annual plan. Mokopuna benefit from effective whānau management and monitoring systems.

Kaimahi appraisals have not been completed. It is important for whānau to review their appraisal process. Providing kaimahi with professional learning opportunities is necessary to promote quality learning for mokopuna.

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

To meet compliance requirements, the whānau must:

• ensure there is an ongoing process of self-review to help the kōhanga maintain and improve the quality of its education and care
  [R46 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
• review and update all health and safety policies and procedures to ensure all health and safety requirements for emergency evacuation drills, sleeping, accidents and incidents, hazards, child protection and behaviour management are met and maintained for mokopuna.
  [Regulations 46 (Early Childhood Services) Regulations 2008; HS 1-33 Licensing Criteria for Kōhanga Reo affiliated with Te Kōhanga Reo National Trust 2008]

6 Recommendation

ERO and the kōhanga reo whānau developed the following recommendation:

• whānau with the support of the District Office develop an action plan to attend to the areas of concern outlined in this report.

Darcy Te Hau
Toka-ā-Nuku - Director
Te Uepū ā-Motu - Māori Review Services

24 May 2021

7 Information about the Kōhanga Reo

Location	Waiariki
Ministry of Education profile number	35044
Kōhanga Reo Identification Number	05D031
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	25 children, including up to 4 aged under 2
Kōhanga Reo roll	13 children, including up to 4 aged under 2
Gender composition	Girls       8 Boys      5
Ethnic composition	Māori	100%
Review team on site	March 2021
Date of this report	24 May 2021
Most recent ERO report(s)	Education Review Education Review Education Review	November 2016 December 2013 October 2010