Te Kōhanga Reo o Te Reo

1 Te Horopaki

E tū ana Te Kōhanga Reo o Te Reo ki te hapori o Ōtāngarei, ki Whangārei. Nō ngā hau e whā ngā tamariki me ngā whānau o tēnei kōhanga reo, ā, nō ngā iwi whānui anō hoki o te Tai Tokerau. He aronga ngātahi ki te whakarato ki ngā tamariki, ko ngā wheako akoranga e āta whakatō ai i te reo Māori me ngā tikanga, inarā i te tino aronga toi whenuatanga me te whanaungatanga.

2 Ngā Whakaaturanga o te Aromātai

He pēhea rawa ngā tamariki e whakatinana ana i te whanaungatanga?

Ka whakatinanahia e ngā tamariki te whanaungatanga ki te pai o ā rātou taunekeneke, me te whai pūtaketanga anō hoki o ngā hononga.

Ngā Taumata Whakahirahira

E ako ana ngā tamariki ki te kōrero i te reo Māori. Ka whakamahi ngā kaimahi i te whānuitanga o ngā tūmomo rautaki e hāpai ana i te whakawhanaketanga reo o ngā tamariki. Ka whakarato rātou i ngā whai wāhitanga mō ngā tamariki ki te rongo i ngā tauira reo ōkawa i roto i ngā whakatau, ngā karakia, ngā pepeha, ngā hīmene, me ngā mihimihi. Ka whakamahi ngā kaimahi i ngā patapatai, ngā kupu akiaki, ngā tohu ā-ringa hoki ki te whakawhitiwhiti whakaaro ki ngā tamariki i a rātou e tākaro ana. He pārekareka ki ngā tamariki te waiata ki te taha o te whānau me ngā kaimahi, ā, e whakapūmau ana aua waiata i tā rātou ako i ngā tūāhua, ngā oro puare, me te whānuitanga anō hoki o ngā tūmomo kaupapa. Ka tohu ā-ringa, ā-kanohi hoki ngā pēpi, hei whakapuaki i tō rātou māramatanga ki te reo Māori. E whakawhanake ana ngā tamariki i ngā pūkenga me te ngākau titikaha ki te taunekeneke mā te reo Māori i roto i ngā horopaki ōkawa, me ngā horopaki whakahoahoa hoki.

Ka rumakina ngā tamariki ki te whanaungatanga. E whai wāhi nui ana rātou ki ngā taunekeneke ki te taha o ētahi atu tamariki me ngā pākeke. Ka whakatauira ngā kaimahi i te noho whakaute o te tangata mōna ake, ā, mō ētahi atu hoki. Ka akiaki rātou ki waenga i ngā tamariki, ko ngā taunekeneke e poipoi ana i te noho ngātahi, te manaaki, me te aroha. He taumahi e hāngai ana ki te korikori tinana me ngā puoro, ā, e whakatairanga i ngā tini āhuatanga papai o ngā taunekeneke whakahoahoa. He whai wāhitanga anō hoki mō ngā tamariki ki te tū hei kaiārahi, ā, ka hāpai tēnei i ō rātou kiritau, ka ako anō hoki rātou ki te āta mahi ki te taha o ētahi atu tamariki me ngā pākeke. He pārekareka anō hoki ki ngā tamariki ngā wā ka ako rātou ki te taha o ō rātou mātua. He pai te noho ngātahi o ngā tamariki.

E ako ana ngā tamariki ki tētahi taiao e poipoi ana i a rātou. Ka rongo rātou i te aroha, te manaaki, te atawhai, te ngākau nui, te harikoa, me ngā menemene, puta noa i ā rātou taunekeneke ki ētahi atu. I ngā wā o ngā mihi whakatau ka kitea te whakaute o ngā tamariki mō ngā manuhiri, ngā koroua, ngā kuia, me te whānau. Ka kite hoki rātou i ngā kawa me ngā tikanga i ngā mahinga, ā, ka hāpai tēnei i te ngāwari o ngā whakawhitinga i roto i te hōtaka akoranga. Ka whakatauira ngā kaimahi i te tino tākare, ā, ka aro nui ngā tamariki ki a rātou. Ka whakanui ngā kaimahi i ngā whakamātau a ngā tamariki. E mōhio ana ngā kaimahi ki te tuakiri ake o ia tamaiti me ngā huarahi e tika ana ki te whakahaere i ā rātou akoranga. Kei te harikoa, kei te mauritau hoki ngā tamariki ki te taha o ētahi atu.

E whakawhanake ana ngā tamariki i ō rātou ngākau titikaha ki te tūhura haere i tō rātou taiao ako. Ka whakarato ngā kaimahi i ngā wheako akoranga me ngā whai wāhitanga ki ngā tamariki i roto i tō rātou taiao ake. He pārekareka ki ngā tamariki te korikori tinana ki te taha o ō rātou hoa me te whānau. Ka whai wāhi atu rātou ki te whānuitanga o ngā tūmomo kaupapa kori tinana ki te papa tākaro ki taha o ō rātou hoa, ā, e hāpai ana aua kaupapa i te whakawhanaketanga o ō rātou pūkenga ā-tinana. Ka ārahi ngā kaimahi i te whakawhanaketanga o ngā tamariki kōhungahunga. Kei ngā pēpi anō hoki ētahi taputapu hei raweke, hei ako. He pārekareka ki ngā tamariki te tākaro ki te taha o ō rātou hoa.

Te Whakamahere me te Aromātai

Ka whai hua ngā tamariki nā ngā wheako akoranga i whakamaheretia ai. Ka mahi ngātahi ngā kaimahi ki te whakawhanake i ngā mahere hōtaka e tuitui ana i ngā kaupapa ako me ngā taumahi i tāutuhia ai. Ka āta whakaatuhia ngā mahere i roto i te kōhanga reo, ā, e whakatakoto ana i te huarahi mō ngā pākeke e ako ana ki te taha o ngā tamariki. Ka mahi ngātahi ngā kaimahi me te whānau ki te kōhanga reo. Kua whakawhanakehia e rātou ā rātou ake taumahi, ā rātou ake rauemi hoki hei hāpai i te ako a ngā tamariki. He pārekareka ki ngā tamariki ngā taumahi e whakawhānui ana i ō rātou wheako ako.

E whanake ana ngā mahi whakahaere a te whānau. Kua whakaritea te nuinga o ngā pūnaha e pā ana ki ngā kaimahi, tae atu ki ngā tuhinga tūranga mahi, ngā kirimana, me te arowhai a ngā pirihimana i ngā kaimahi. E mōhio ana te whānau ki ngā whakahaeretanga o ia rā ki te kōhanga reo, ā, ka whakatutuki haere rātou i ngā take me ngā āwangawanga ka pupū ake. E mōhio ana te whānau, tērā anō ētahi āhuatanga o ngā mahi whakahaere hei whakapai ake ki te kōhanga reo, kia āta tau ai ngā painga mō ngā tamariki, nā te kounga kairangi tonu o ngā pūnaha me ngā tukanga.

Ngā Whakaritenga Matua ka Whai Ake

Tērā ētahi wāhanga matua o ngā whakahaeretanga ki te kōhanga reo i tāutuhia ai e te whānau, e ngā kaimahi o te Poari Matua o Ngā Kōhanga Reo, e Te Tari Arotake Mātauranga hoki hei whakatutuki. Ko ētahi o aua tūāhuatanga, ko ngā mahi ka āta whakarite i te whakatutukitanga me te tuhi haere o ngā aromatawai e pā ana ki ngā akoranga a ngā tamariki me ngā aromātai hōtaka, ko te whakatinana i ngā mahi ki te arohaehae i ngā kaimahi, ko te arotake i te tūtohinga, ko te arotake nahanaha i ngā kaupapa here me ngā tukanga e pā ana ki te hauora me te haumaru, ā, ko te whakawhanake anō hoki i tētahi mahere ā-tau. Waihoki, me āta whakarite te whānau kia whakahaerehia te kōhanga reo mā te tatauranga anake i tohua ai ki te raihana.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I te wā o te arotake, i tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutukihia ai e te whānau o te kōhanga reo ngā herenga ā-ture, me tahuri rātou ki te:

• whakatinana i tētahi tukanga aromatawai ka aroturuki, ka whakatakoto ā-tuhi hoki i te ako a ngā tamariki, ā, me whakarite hoki i tētahi tukanga ka aromātai i te whai huatanga o te hōtaka akoranga
  [R43 Ture Mātauranga (Kōhungahunga) 2008; C1 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite i te arotakenga me te whakatinanatanga o ngā kaupapa here me ngā tukanga katoa e whai pānga ana ki te haumaru ā-tinana, ā-whatumanawa hoki o ngā tamariki
  [R46 Ture Mātauranga (Kōhungahunga) 2008; GMA4 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• arotake me te whakahou i ngā kaupapa here me ngā whakaritenga hauora, haumaru hoki, kia tau tika ai mō ngā haerenga ā-waho mō nga tamariki
  [R46 Ture Mātauranga (Kōhungahunga) 2008; HS 17 Paerau Raihana mō ngā Kōhanga Reo kei raro i te maru mō Te Poari Matua o ngā Kōhanga Reo 2008]
• arotake me te whakahou ake i te tūtohinga, hei āta whakatakoto i te aronga mō te whānau ki te whakahaere i te kōhanga reo
  [R47 Ture Mātauranga (Kōhungahunga) 2008; GMA4 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakatinana i tētahi pūnaha ki te arohaehae i ngā kaimahi i ia te wā, me te whakarato i te whakawhanaketanga ngaio e āta tāutuhia ai, e āta whakahāngaitia ai
  [R47 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakawhanake, te whakatinana, me te aroturuki i tētahi mahere ā-tau ka hāpai i ngā whakahaeretanga o te kōhanga reo
  [R47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite i te ū pūmau o te kōhanga reo ki ngā tatauranga tamariki e tika ana i ngā wā katoa, ā, kia kaua e piki ake i tēnā i whakatakotohia ai ki te raihana.
  [R 26 (4)(a) Ture Mātauranga (Kōhungahunga) 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• toro atu ki te tautoko o te Poari Matua o Ngā Kōhanga Reo ki te whakatutuki i ngā wāhanga i tāutuhia ai ki tēnei pūrongo, kia pai ake ai te kounga tonu o ngā whakahaeretanga a te whānau.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Reo i roto ngā tau e rua.

Lynda Pura-Watson

Kaiurungi Whakaturuki Arotake Māori

14 Haratua, 2018

Ngā kōrero e pā ana ki te kōhanga reo

1 Context

Te Kōhanga Reo o Te Reo is located in the suburb of Ōtangarei, Whangarei. Children and whānau in the kōhanga reo have affiliations to many different iwi including those in the Taitokerau region. There is a shared commitment to providing learning experiences for children that instils te reo Māori and tikanga Māori, in particular a strong sense of connection and whanaungatanga.

2 The Evaluation Findings

How well do children demonstrate whanaungatanga?

Children demonstrate whanaungatanga through positive interactions and meaningful relationships.

Ngā Taumata Whakahirahira

Children are learning to speak te reo Māori. Kaimahi use a range of strategies to support children’s language development. They provide children with opportunities to hear formal language patterns in whakatau, karakia, pepeha, hīmene and mihimihi. Kaimahi use questions, prompts, and hand actions to communicate with children as they play. Children enjoy singing waiata, alongside whānau and kaimahi, that reinforce their learning of shapes, vowels and various kaupapa. Babies use non-verbal gestures to express their understanding of te reo Māori. Children are developing skills and confidence to interact using te reo Māori in formal and social situations.

Children are immersed in whanaungatanga. They enjoy positive interactions with other children and adults. Kaimahi model respect of self and others. They encourage interactions between children that foster sharing, caring and aroha. Activities involving movement and music promote healthy, social interactions. Children experience leadership opportunities where their self-esteem is enhanced and they learn to work positively with other children and adults. Children enjoy the times where they learn alongside their parents. Children get on well with each other.

Children learn in a nurturing environment. They experience aroha, manaaki, atawhai, ngākaunui, harikoa, and menemene through interactions with others. During mihi whakatau, children show respect for manuhiri, koroua, kuia and whānau. They also observe kawa and tikanga during routines which assists the smooth transitions in the learning programme. Kaimahi model high levels of enthusiasm, and children respond positively to them. Kaimahi praise the efforts of children. Kaimahi know the individual personalities of children and how to manage their learning. Children are happy and positive towards others.

Children are developing confidence to explore their learning environment. Kaimahi provide children with learning experiences and opportunities in their immediate environment. Children enjoy korikori tinana with their peers and whānau. They engage in a wide range of physical activities in the papa takaro with their friends that support the development of physical skills. Kaimahi guide young children’s development. Babies have equipment that they can manipulate and learn about. Children have fun playing alongside each other.

Planning and Evaluation

Children benefit from planned learning experiences. Kaimahi work together to develop programme plans that incorporate identified kaupapa ako and activities. Planning is displayed prominently within the kōhanga reo and provides direction for adults working alongside children. Kaimahi and whānau work collaboratively in the kōhanga reo. They have developed their own activities and resources to support children’s learning. Children enjoy activities that extend their learning experiences.

Whānau management practices are developing. Most personnel systems are in place including job descriptions, employment contracts and police vetting. The whānau know the day to day operations of the kōhanga reo, and address emergent issues and concerns when they arise. The whānau acknowledge there are aspects of kōhanga reo management that can be improved to ensure children benefit from high quality systems and processes.

Key Next Steps

There are key areas of kōhanga reo operations identified by the whānau, kaimahi from Te Kōhanga Reo National Trust and ERO that require attention. These include to ensure assessment of children’s learning and programme evaluation are carried out and documented, implement kaimahi appraisals, review the charter, systematically review health and safety policies and procedures, and develop an annual plan. Furthermore, the whānau must ensure they are operating within the maximum licenced roll numbers.

3 Whānau Management Assurance on Compliance Areas

During the evaluate, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements, they need to:

• implement a process of assessment to monitor and record children’s learning, and establish a process to evaluate the effectiveness of the learning programme
  [Regulation 43 Education (Early Childhood Services) Regulations 2008; C1 Licensing Criteria for Kōhanga Reo affiliated with Te Kōhanga Reo National Trust 2008]
• ensure all policies and procedures related to children’s physical and emotional safety are reviewed and implemented
  [Regulation 46 Education (Early Childhood Services) Regulations 2008; HS Licensing Criteria for Kōhanga Reo affiliated with Te Kōhanga Reo National Trust 2008]
• review and update all health and safety policies and procedures to ensure requirements for excursions is met and maintained for children [Regulation 46 Education
  (Early Childhood Services) Regulations 2008; HS17 Licensing Criteria for Kōhanga Reo affiliated with Te Kōhanga Reo National Trust 2008]
• review and update the charter to provide clear direction for the whānau in relation to the management of the kōhanga reo
  [Regulation 47 Education (Early Childhood Services) Regulations 2008; GMA4 Licensing Criteria for Kōhanga Reo affiliated with Te Kōhanga Reo National Trust 2008]
• implement a system of regular appraisal of kaimahi, and provide well defined and targeted professional development
  [Regulation 47 Education (Early Childhood Services) Regulations 2008; GMA7 Licensing Criteria for Kōhanga Reo affiliated with Te Kōhanga Reo National Trust 2008]
• develop, implement and monitor an annual plan to support kōhanga reo operations
  [Regulation 47 Education (Early Childhood Services) Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]
• ensure that the kōhanga reo at all times complies with the maximum numbers stated in its licence.
  [Regulation 26 (4)(a) Education (Early Childhood Services) Regulations 2008]

4 Recommendation

ERO and the Kōhanga Reo whānau developed the following recommendations:

• Seek support from Te Kōhanga Reo National Trust to address the areas identified in this report in order to improve the overall quality of whānau management.

When is ERO likely to evaluate the kōhanga reo again?

The next ERO evaluation of Te Kōhanga Reo o Te Reo will be within two years.

Lynda Pura-Watson

Deputy Chief Review Officer Māori

14 May 2018

Information about the Kōhanga Reo