6 Te Teko Road, Te Teko
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
“Ki a koutou e ngā tamariki, mokopuna, tangihia, waiatatia, kōrerotia tō koutou reo Rangatira”
E tū ana Te Kōhanga Reo o Te Teko ki ngā papa whenua o Te Kura o Te Teko, ko te tāone iti, tāone tuawhenua hoki o Te Teko. He Māori te nuinga o ngā tāngata e noho ana ki te hapori o Te Teko, ā, e waru ōna hapū, e whitu hoki ōna marae, kei te rohe o Ngāti Awa ki Rangitāiki.
He tino ngākau titikaha ō ngā mokopuna ki te whakapuaki i a rātou anō, ā, ka kitea hoki tō rātou māramatanga i ngā horopaki o te reo Māori me ngā tikanga Māori.
E rumakina ana ngā mokopuna ki tētahi taiao e whakapūmau ana i te reo Māori, ā, ko te reo Māori anake te reo whakawhitiwhiti kōrero. Ka whakaaweawe ngā kaimahi me ngā kaiārahi, i tā rātou oke ki te hiranga. He hihiri, he matatau hoki tā rātou kōrero i te reo Māori. He tākare te whai wāhi atu a ngā mokopuna ki ngā taumahi ako reo ngahau, ā, he auaha, he pārekareka hoki. Ko tā te mahinga o ia rā, he whakarato i ngā whai wāhitanga mō ngā mokopuna ki te ārahi i ngā karakia, ngā mihimihi, me ngā waiata, ā, ka pakirehua hoki. Ka tāwhai ngā tēina me ngā pēpi, ā, ka tohu ā-ringa i roto i ā rātou taunekeneke ki ngā kaimahi, hei whakawhitiwhiti whakaaro, hei tohu hoki i tō rātou māramatanga. Ka whakamahi ngā kaimahi i te whānuitanga o ngā tūmomo rautaki, tae atu hoki ki te reo rotarota Makaton, me te kōrerorero, hei akiaki i ngā mokopuna ki te tūhura me te whakapuaki i te reo, me te whakatika i a rātou anō. Ka āta whai pūtake te tuku pātai a ngā kaimahi, hei whakapiki ake i te mātau o ngā mokopuna ki te reo. Ka kitea te ngākau titikaha o ngā mokopuna ki te whakawhitiwhiti whakaaro, ki te whakaputa kōrero anō hoki mā te reo Māori.
Ka whai wāhi atu ngā mokopuna ki ngā tikanga Māori mā te horopaki tūturu. He mātau ngā kaimahi ki te ārahi, ki te hautū, ki te whakatauira hoki i ngā tikanga me ngā kawa puta noa i te kōhanga reo. Ka ako ngā mokopuna i ngā tikanga, puta noa i te whānuitanga o ngā tūmomo horopaki, pērā i ngā karakia, i ngā mihimihi, me ngā mōteatea i tuku iho ai. Kua waihangatia e te whānau me ngā kaimahi tētahi taiao ako e whakatairanga ana i te manaaki, te aroha, me te tiaki. Ka whakatauira ngā kaimahi i ngā hononga papai, ā, ka wāhi atu i ērā, ko ngā taunekeneke e tino whakaongaonga ana. Ka riro i ngā mokopuna te manaakitanga o ngā kuia, ngā kaimahi, me ō rātou hoa.
Ka mahi ngātahi ngā kaimahi ki te waihanga i tētahi taiao ako e whakatairanga ana i te pākiki, i te whakatewhatewha, me te taha auaha. Ka hāpai aua tūāhuatanga i ngā mokopuna ki te whakamātau me te whakawhanake i ō rātou pūkenga auaha. He pai te whakatakotoranga, he hihiri hoki ngā wāhi ako o roto, o waho, ā, ka whakatairanga i te ako takirōpū me te ako takitahi. Kua āta whakaritea ngā mahinga me ngā kawatau, ā, he taunga hoki ki ngā mokopuna. Ko ngā matea ake o ia pēpi me ia teina e whakaaweawe ana i te āhua o te tautoko e whakaratohia ana e ngā kaimahi, i a rātou e ako ana, e tupu ana. Ka kitea te ngākau titikaha ō ngā mokopuna ki ō rātou horopaki i te ao Māori.
He kaiārahi ngaio ngā kaimahi. He tino māramatanga hōhonu ō rātou ki te pūtake me te hua o te whakamahere, te aromatawai, me te aromātai. Kei ngā mahere ngā whakaaro me ngā whakapuakitanga kōrero a ngā mema o te whānau. He mātau ngā kaimahi ki te āta tuitui haere i ngā whakaaro ki tētahi angamahi i āta whakatakotohia ai. He ngāwari te whai atu, ā, kei te whakatakoto i ngā wāhanga matua hei hāpai i te ako a ngā mokopuna me tō rātou whakawhanaketanga. Ka kapo atu ngā kaimahi i tēnā e ākona ana e ngā mokopuna. Ka whai wāhi ki tēnā, ko te tuhi i ngā whāinga, ngā putanga ako, me ngā whakarerekētanga i te ako reo, tae atu hoki ki ngā tūmomo taumahi me ngā tūmomo rauemi. Ka whakapūmau ngā kaimahi i ngā tukanga whai hua e arotahi ana ki te kounga me ngā āhuatanga hoki o te hōtaka akoranga hei whakapai ake. Ka whai wāhi ki ngā whakawhitinga kōrero i tuhia ai, ko te whānuitanga o ngā mōhiohio e āta whakatau ai i te whiwhinga o ngā mokopuna i ngā akoranga kua āta whakamaheretia, ā, e āta aro ana hoki ki te whanake haere o ō rātou matea. Kei te whakaongaonga, kei te whai kounga hoki te hōtaka akoranga e whiwhi ana i ngā mokopuna, ā, e poipoi ana, e whāngai ana hoki i te mātauranga Māori.
E tino whai hua ana ngā tukanga a te whānau mō te whakahaeretanga o te kōhanga reo. Ka whakaaweawe, ka whakamōhio hoki te aromātai o roto i ngā whakataunga. Arotakengia ai i ia te wā, ko te katoa o ngā kaupapa here me ngā tukanga e pā ana ki te hauora me te haumaru, ā, ka hāngai hoki ki ngā herenga ā-ture. Kua whakatakotohia tētahi mahere rautaki matawhānui, ā, ka whakamōhiotia ki Te Ara Tūāpae. Kua tautuhia e te whānau ngā rautaki matua hei whakapūmau i te reo Māori, ā, hei whakamana hoki i te whānau ki te whakatairanga me te whakapūmau i te kaupapa o te kōhanga reo. E whai hua ana te whakahaeretanga o ngā take kaimahi. Kua oti te arohaehae, ā, ka arotahi ki te whakawhanaketanga o ngā mōhiotanga me ngā pūkenga o ngā kaimahi, hei mātanga e tautoko ana, e whai hua ana hoki. He pakari te whānau ki te aro atu ki te katoa o ngā mahi whakahaere tari, ā, he pai te whakatutuki haere i ngā kaupapa matua. Kei te tūtohinga te hītori o te kōhanga reo mai i tōna tīmatanga, ā, kua whakapuakihia ki ngā wawata mō ngā mokopuna, ngā whānau, ngā hapū, me te iwi. E whai hua ana, he pakari hoki te aromātai o roto, ā, ka whakamahia i ngā wā katoa hei āta whakatau i te whakapaitanga ake. Ko te ārahitanga ngātahi, ko ngā mahi whakahaere whai hua, e whai wāhi katoa ana ki ngā putanga papai.
Kia whakapiki tonu te whānau i te aromātai o roto, kia āta puta ai ngā tino mōhiohio e whai pānga ana ki ngā whakataunga.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
whakarahi ake tonu te whānau i ngā whakaritenga aromātai o roto e noho pakari ana, hei whakapūmau i ngā putanga e whai kounga ana ki ngā mokopuna.
Darcy Te Hau
Toka ā Nuku
Te Uepū-a-Motu – Māori Services
19 Whiringa ā-nuku, 2022
|
Te tūwāhi |
Kei Te Teko |
|
Te tau a te Tāhuhu o te Mātauranga |
40159 |
|
Te tau tohu o Te Kōhanga Reo |
12E0106 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
40, kia tokowaru ki raro i te rua o ngā tau |
|
Te tokomaha kei runga i te rārangi ingoa |
36, tokotoru kei raro i te rua o ngā tau |
|
Ngā hononga ā-iwi |
Māori 36 |
|
Te wā i te kōhanga reo te rōpū arotake |
Mahuru 2022 |
|
Te wā o tēnei pūrongo |
19 Whiringa ā-nuku, 2022 |
|
Ngā pūrongo o mua a |
Arotake Mātauranga, Pipiri 2018; Arotake Mātauranga, Haratua 2015; Arotake Mātauranga, Hui-tanguru 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for whānau, hapū and iwi.
“Ki a koutou e ngā tamariki, mokopuna, tangihia, waiatatia, kōrerotia tō koutou reo Rangatira”
Te Teko Kōhanga Reo is situated on the grounds of Te Kura o Te Teko land in the small rural township of Te Teko. Predominantly Māori, Te Teko is a community made of eight Hapū & seven marae in the Ngāti Awa ki Rangitaiki Rohe.
Mokopuna are highly confident to express themselves and show understanding in te reo Māori and tikanga Māori contexts.
Mokopuna are immersed in an environment where te reo Māori is the only language of communication. Kaimahi and leaders provide inspiration as they strive for excellence. They are energetic and fluent speakers of te reo Māori. Mokopuna enthusiastically participate in language learning activities that are fun, creative, and enjoyable. The daily routine offers regular opportunities for mokopuna to lead karakia, mihimihi, waiata and through open inquiry. Tēina and pēpi mimic and use gestures in their interactions with kaimahi to communicate and show their understanding. Kaimahi use a range of different strategies including makaton sign and speech language to encourage mokopuna to explore, self-correct and express language. Kaimahi are deliberate in their use of questioning to increase mokopuna language proficiency. Mokopuna display confidence to communicate ideas, thoughts and messages in te reo Māori.
Mokopuna experience tikanga Māori in an authentic context. Kaimahi skilfully provide guidance, leadership, and model tikanga and kawa throughout the kōhanga reo. Mokopuna learn about tikanga across a range of contexts such as traditional karakia, mihimihi and mōteatea. Whānau and kaimahi have created a learning environment that promotes manaaki, aroha and tiaki. Kaimahi model positive relationships that lead to highly stimulating interactions. Mokopuna experience manaaki ki te tangata from kuia, kaimahi and their peers.
Kaimahi work collaboratively to design a learning environment that promotes curiosity, investigation, and creativity. This encourages mokopuna to explore and develop their creative skills. Indoor and outdoor learning areas are vibrant and organised which promotes group and individual learning. Routines and expectations are well established and predictable for mokopuna. The individual needs of pēpi and tēina influence the way kaimahi support them as they learn and grow. Mokopuna dispaly confidence in their te ao Māori settings.
Kaimahi are professional leaders. They have a clear in-depth understanding of the purpose and value of planning, assessment and evaluation. Planning includes the ideas and contributions from whānau members. Kaimahi skilfully weave ideas into a well-presented framework that is easy to follow and contains the essential elements to support mokopuna learning and development. Kaimahi capture what mokopuna are learning. These include documenting goals, learning outcomes, variation of language learning, and a range of activities and resources. Kaimahi maintain effective processes that focuses on quality and improvements to be made to the learning programme. Documented discussions include a wide range of information to ensure mokopuna receive well-planned learning that responds to their ever-changing needs. Mokopuna experience quality and stimulating learning programme that foster and nurture mātauranga Māori.
Whānau have highly effective processes in place to manage the kōhanga reo operations. Internal evaluation influences and informs decision making. All health and safety policies and procedures are regularly reviewed and align to legislative requirements. A comprehensive strategic plan is in place and informed by Te Ara Tūāpae. Whānau have identified key strategies to reinforce te reo Māori and to empower whānau to promote and maintain the kaupapa o te kōhanga reo. Personnel matters are managed efficiently. Appraisals are complete and focus on developing kaimahi knowledge and skills to be supportive and effective practitioners. Whānau are attentive to all administrative tasks and priorities are well attended to. The Tūtohinga includes the history of the kōhanga reo since its inception and encapsulates the aspirations for mokopuna, whānau, hapū and iwi. Effective and robust internal evaluation is utilised constantly to ensure improvement. Collective leadership and effective management practices contribute to positive outcomes.
Whānau continue to increase internal evaluation to provide best information for decision making.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
ERO and the kōhanga reo whānau developed the following recommendation that:
whānau continue to increase sound internal evaluation practices to maintain quality outcomes for mokopuna.
Darcy Te Hau
Toka-ā-Nuku – Director
Te Uepū ā-Motu – Māori Review Services
19 October 2022
|
Location |
Te Teko |
|
Ministry of Education profile number |
40159 |
|
Kōhanga Reo Identification Number |
12E0106 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
40 children, including up to 8 aged under 2 |
|
Kōhanga Reo roll |
36 children, including up to 3 aged under 2 |
|
Ethnic composition |
Māori 36 |
|
Review team on site |
September 2022 |
|
Date of this report |
19 October 2022 |
|
Most recent ERO report(s) |
Education Review, June 2018; Education Review, May 2015; Education Review, February, 2012 |
E tū pātata ana Te Kōhanga Reo o Te Teko ki te tāone me te kura o te hapori nei. He rahi te wāhi tū o te kōhanga reo, ā, i te roanga o te wā kua whakawhanakehia kia tū tētahi whare kōhanga nui, ā, kia rahi hoki ngā wāhi tākaro, wāhi māra hoki. Kawea mai ai ngā tamariki tokomaha ki te kōhanga reo, mai i rohe whānui o te wāhi nei. He pakari ngā tukanga ā te whānau ki te āta whakatau i te haumaru me te waiora o ngā tamariki. E whakapuaki ana te tauāki taketake a te whānau i te wawata kia riro i ngā tamariki me te whānau ngā pūmanawa hei wahapū kōrero.
E whai wāhi nui ana ngā tamariki ki tētahi hōtaka akoranga e noho ngangahau ana, ā, e whakahihiri ana hoki.
E whiwhi ana ngā tamariki i te whānuitanga o ngā tūmomo wheako ako e mau ana i te hōhonutanga anō hoki o te reo, ā, e whakapūmau ana i te kaha o ngā tamariki ki te whai wāhi atu, me te noho ngākau nui. Ka whakarato te whānau i te whānuitanga o ngā tūmomo waiata, karakia, mōteatea hoki nō rātou. Ka toro atu ngā kaimahi ki ngā tūmomo rautaki a te whānau e whakaongaonga ana i te maha o ngā whakawhitinga kōrero ki ngā tamariki, puta noa i te rā. Ka rongo ngā tamariki i te reo Māori e whakamahia ana ki te whānuitanga o ngā tūmomo horopaki – arā, ko ngā horopaki tuku iho me ērā o te ao hou nei, te ōkawa me te ōpaki, me te whakapuakitanga mai o te pakirehua. Ka whakaongaongatia, ka whakawerohia hoki tō rātou whakawhanaketanga reo. E whakawhānui ana, e whakatairanga ana hoki ngā haerenga auau i whakamaheretia ai i te ako a ngā tamariki, i a rātou e tūhura ana, ā, e mātakitaki ana hoki i tēnā e whakapuakihia ana ki te ao e noho nei rātou. He nui anō hoki te whai wā o ngā tamariki ki te noho tahi me te kōrerorero ki ngā kaumātua. E whai pūtake ana, he hihiri hoki ngā wheako ako a ngā tamariki.
He ngākau titikaha ō ngā tamariki ki te whakamahi i te reo Māori i a rātou e kōrero ana ki ngā pākeke me ō rātou hoa. Ka rumakina ngā pēpi me ngā tamariki ki tētahi taiao e mau nei i te reo Māori anake hei reo whakawhitinga kōrero. E whakawhanake ana tō rātou mōhiotanga me tō rātou māramatanga ki te reo. Ka kitea taua āhuatanga mā te aro nui o ngā pēpi ki te reo Māori, mā ō rātou menemene, mā te pakipaki, ā, mā te korikori harikoa hoki o ō rātou tinana. He kaha ake ngā tamariki tuākana ki te whakamahi i te reo Māori ki te taha o ngā pākeke me ngā hoa, nā ngā tūmanako nui o ngā kaimahi.
E ako ana ngā tamariki i te reo rotarota. E whakarato ana te whānau i tētahi wāhi haumaru, manaaki hoki mō te ako. Kua tāutuhia e rātou, e ākina ana te reo rotarota i te whai wāhi ake o ngā tamariki whaihāpai ki te hōtaka. Ko aua tamariki hei hāpai ake, e whakatutuki ana i ngā taumata ki tua atu i ērā i tūmanakohia ai e ngā mātanga. E whakapūmau ana te whānau i te teitei o ngā tūmanako mō ā rātou tamariki katoa. Ka kitea ki ngā tamariki tō rātou māramatanga ki ngā tūmomo āheinga reo.
E mōhio ana ngā tamariki ki a rātou anō me ō rātou tūrangawaewae hoki. E mōhio ana te whānau, ko te tuakiri tētahi tino pūmanawa ahurea hei poipoi, hei whakawhanake anō hoki i roto i ngā tamariki. Kua āta tuituia te hōtaka ki ngā pepeha, ngā waiata o te hapori, me ngā kōrero tawhito. E whakapiki ana aua tūāhuatanga i ngā māramatanga o ngā tamariki ki ngā pou whenua whakahirahira o te iwi, me ngā tūpuna i whai wāhi nui ai ki ngā kōrero tuku iho a te iwi. Ka āta whakarite te whānau i tā rātou taetae atu ki ngā tangihanga, ā, kei te waia haere ngā tamariki ki ngā tikanga o te marae me te whanonga tika. E mōhio whānuitia ana, e tino kitea ana hoki te kōhanga reo ki ngā huihuinga i ngā marae. Ka rongo ngā tamariki i ngā āhuatanga whakahirahira o ngā whaikōrero, ā, e whakatairanga ana i te whakawhanaketanga o ō rātou pūkenga hei kaiārahi pea o āpōpō.
Ka kitea ki ngā tamariki tō rātou whakaute ā-wairua, ā-ahurea hoki mā tā rātou whakapuaki i ngā karakia, ngā waiata, me ngā mōteatea. Ka āta whakarite te whānau kia māramahia, kia whakaatuhia hoki e ngā tamariki tō rātou whakaute me tō rātou mōhiotanga ki ngā karakia me ngā atua Māori. E whakapuaki ana ngā tamariki i ētahi o aua tikanga ki te kāinga, ā, e akiaki ana hoki i ngā whānau ki te whai atu. E whakatairangatia ana te ārahitanga e ngā kaiako, ā, e tino tautokona ana ngā tamariki ki te whakatutuki i ngā wero e hāngai ana ki te whakapuaki kōrero ki mua i te minenga. Ka noho tata mai ngā pākeke, ā, ka akiaki rātou i ngā tamariki mā te whāngai i ngā paku tīwhiri, mā te whakaāhuru hoki.
Ka whakariterite ngā kaimahi kia whai wāhi mai ngā atua Māori hei tino āhuatanga tonu o ngā akoranga a ngā tamariki. Ka whakapuaki i ngā mōhiotanga ki te whakaute me te tiaki i ngā tini āhuatanga o te taiao whānui. E whakatairanga ana te māra kai i te māramatanga o ngā tamariki ki te whakatō, te hauhake, me te whakapounamu i ngā kai. E whanake ana te whakaute o ngā tamariki ki a Papatūānuku rāua ko Haumietiketike. He ngākau titikaha ō ngā tamariki ki te tū hei kaitiaki o te taiao.
He mauritau, he manaakitanga hoki tō ngā hononga me ngā taunekeneke o ngā tamariki. Ko ngā mahinga i whakaritea ai e te whānau e āta hāpai mārika ana i ngā tamariki ki te whakawhanake i ō rātou āheinga ki te tiaki i a rātou anō, ā, i ētahi atu hoki. Ka whakatauira te whānau i te whakaute, te manaaki, me te whakaaro nui o ngā tamariki ki ētahi atu. Ka rongo ngā tamariki i te aroha, te manaaki, me te āwhina. He tino tauira ngā tuākana mō ō rātou tēina, ā, ka āta whai wāhi atu ki te tautoko i ngā wā e tika ana. Ka whakamihi ngā kaimahi i te atawhai o ngā tamariki, ā, ka whāngai anō hoki i ngā rautaki mō te whanonga pai. He koanga ngākau tō ngā tamariki i a rātou e taunekeneke ana ki ngā pākeke me ō rātou hoa. Kei te harikoa, kei te mauritau hoki ngā tamariki.
Ka tūmāia ngā tamariki ki te tūhura me te whakatewhatewha i te ao whānui kei tua atu i Te Teko. Ko tētahi āhuatanga motuhake o te hōtaka akoranga, ko te aronga ki te whakarato i ngā wheako ako tūturu e whai pūtake ana ki ngā tamariki. Ka āta whakamaheretia, ka āta tautokona hoki e te whānau ngā haerenga i ia te wā ki ngā wāhi whakahirahira. Ka whakarato te whānau i ngā kākahu me ngā taputapu e tika ana, hei āta whakatau i te noho haumaru me te ngākau nuitanga o ngā tamariki i a rātou e whai wāhi atu ana ki ngā wheako hou. Ko ngā tirohanga me ngā whakaaro o ngā tamariki ki te ao e noho nei rātou, e āta whakawhānuihia ana ki ngā wheako e whakapuakihia ana mā te kaupapa tonu o te kōhanga reo.
Ko te waiora me te haumaru o ngā tamariki e noho matua ana ki te whānau. He tino pūkenga, he tino mātau hoki ō te whānau ki te whakahaere i te kōhanga reo me te āta whakarite i te whai wāhi mai o te whānau. He kaha te whai wāhi mai o ngā whānau ki ngā hui o ia marama, ā, e ākina ana ngā mātua rangatahi tonu ki te whakapuaki i ō rātou whakaaro. E whai hua ana ngā pūrongo o ngā hui ā-whānau o ia marama, ā, ka hāpai i te whānau ki te whakatau i tēnā hei whakapai ake mā ngā tamariki, mā ngā mōhiohio tonu e whakapuakihia ana. He pai te tuhi haere i ngā meneti a te whānau.
Kei te whānau te whānuitanga o ngā tūmomo mahi arotake whaiaro hei hāpai, hei whakapūmau hoki i te pai o ngā mahi whakahaere i tō rātou kōhanga reo. Tū ai te arotake i ngā kaupapa here ki ngā hui o ia marama. E hāngai ana ngā kaupapa here ki te wā, ā, e whakatutuki ana hoki i ngā herenga ā-ture. I tēnei wā e arotakengia ana ngā mahere rautaki me ngā mahere ā-tau, ā, ka whakamanahia e te whānau ā tōna wā. E hāpai ana ngā aromātai i tuhia ai i te aru a te whānau i te ahu whakamua ki te whakatutuki haere i ngā mahi mō te tau nei. E tāutu ana te tukanga arohaehae i ngā pūkenga me ngā whakaritenga o te kaiako e hāpai ana i te whakahaeretanga o te kōhanga reo kia whai hua ai. E tino tautokona ana ngā kaiako me ngā kaimahi e te whānau ki te whakatairanga i te ako o ngā tamariki ki te kōhanga reo.
Ko te ako a ngā tamariki e whai hua ana nā te hōhonutanga o te hōtaka akoranga i āta whakaritea ai, i āta whakamaheretia ai hoki. Ka whakamahere ngātahi ngā kaimahi me te whānau i ia wāhanga, ā, ka tāutu i ngā wheako ka whakatairanga ake i te ako a ngā tamariki. E hono ana ngā mahere ki Te Whāriki, tae atu hoki ki ngā kaupeka o te tau me ngā atua Māori. Ka kawe ngātahi ngā kaiako i ngā whakaritenga whakamahere, aromatawai hoki i āta whakatakotohia ai. Ka whai wāhi anō hoki ki tēnei, ko ngā kitenga me te pūkete a ia tamaiti. E tino mōhio ana ngā kaiako ki ngā tamariki me ō rātou whaihāpai ako. Ka aroturukitia, ka poipoia hoki ngā ngākau nuitanga me ngā whaihāpai o ngā tamariki. He pakari ngā kaimahi ki te āta whakapuaki i ngā hua mō ngā tamariki, i roto i ngā kaupapa me ngā haerenga i āta tīpakohia ai. He auau, he pakari hoki ngā whakawhitinga kōrero a ngā kaimahi mō te whai huatanga o ā rātou whakaritenga. E tino whakaongaongatia ana ngā hinengaro o ngā tamariki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia whakapūmau tonu te whānau me ngā kaimahi o te kōhanga reo ki te pai o ngā whakaritenga e whai wāhi nui ana ki ngā painga mō ā rātou tamariki.
Ka aromātai anō Te Tari Arotake Mātauranga i Te Kōhanga Reo o Te Teko i roto i te whā o ngā tau.
Lynda Pura-Watson
Kaiurungi Whakaturuki Arotake Māori
29 Pipiri, 2018
|
Te tūwāhi |
Kei Te Teko |
|
|
Te tau a te Tāhuhu o te Mātauranga |
40159 |
|
|
Te tau tohu o Te Kōhanga Reo |
12E016 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
40, kia tokowaru ki raro i te rua o ngā tau |
|
|
Te tokomaha kei te rārangi ingoa |
37, tekau kei raro i te rua o ngā tau |
|
|
Te ira tangata |
Kōtiro 15 Tama 22 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Haratua 2018 |
|
|
Te wā o tēnei pūrongo |
29 Pipiri, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Haratua 2015 Hui-tanguru 2012 Poutū-te-rangi 2009 |
Te Kōhanga Reo o Te Teko is located close to the township and the local kura. The kōhanga reo occupies a large space which has been developed over time to include a substantial building and large play and garden areas. Many of the children are transported from the surrounding region to the kōhanga reo. The whānau has robust systems in place to ensure the safety and wellbeing of the children. The mission statement for the whānau is an appeal to the children and whānau to achieving the chiefly skills of oratory.
Children are highly engaged in a vibrant and exciting learning programme.
Children receive an extensive range of rich language learning experiences that sustain high levels of engagement and enjoyment. The whānau provide children with a wide range of waiata, karakia and mōteatea that belongs to them. Kaimahi draw from a range of whānau strategies that stimulates frequent conversations with children throughout the day. Children hear te reo Māori used across a range of settings – traditional and contemporary, formal and informal, and through open inquiry. They are stimulated and challenged in their language development. Regular and planned excursions extend and enrich children’s learning as they explore and observe what is happening around them. Children have ample time to sit and talk with kaumātua. Language experiences for children is meaningful and exciting.
Children confidently use te reo Māori when speaking with adults and their friends. Pēpi and children immersed in an environment where only te reo Māori is spoken. They are developing an awareness and understanding of the language. This is demonstrated through the ways pēpi react to te reo Māori by smiling, by clapping and moving their bodies with excitement. Older children are more likely to use te reo Māori with adults and friends because of the high expectations of kaimahi.
Children are learning to use sign language. The whānau provide a safe and caring place for learning. They have identified that sign language encourages greater participation in the programme for children with additional needs. Those children requiring extra support are achieving milestones beyond the expectations of specialists. The whānau maintain high expectations for all of their children. Children demonstrate an understanding of the different language functions.
Children know who they are and where they come from. The whānau recognise that identity is an important cultural skill they must nurture and develop in children. Pepeha, local waiata and kōrero tawhito are skilfully woven into the programme. These increase children’s understanding of important landmarks to iwi and about significant tupuna who have contributed to tribal histories. The whānau ensure attendance at tangihanga is an obligation they must meet and children are becoming familiar with marae tikanga and appropriate behaviour. The kōhanga reo is well known and highly visible at marae events. Children are exposed to the more formal aspects of oratory which enhances the development of their skills as potential leaders of the future.
Children demonstrate spiritual and cultural respect through their use of karakia, waiata and mōteatea. The whānau ensure that children understand and demonstrate a respect for and knowledge of karakia and atua Māori. Children are applying some of these practices home and encouraging the whānau to adopt these rituals. Leadership roles are promoted by kaiako and children are well supported to meet the challenges of speaking to the large group. Adults sit close by and give children encouragement by providing simple clues and offering comforting guidance.
Kaimahi make plans to include atua Māori as an important part of children’s learning. They include knowledge about how to show respect and care for many varied elements within the wider environment. The māra kai are promoting children’s understanding of planting, growing, harvesting and preserving kai. The respect shown by children to Papatūānuku and Haumietiketike is developing. Children are confident kaitiaki of the environment.
Children’s relationships and interactions are positive and caring. The routines whānau have established ensure children can develop independence in taking care of themselves and others. The whānau model respect, care and concern for others. Children experience aroha, manaaki and āwhina. Tuakana are good role models for teina and offer suitable support when needed. Kaimahi praise children’s positive display of affection and offer strategies for appropriate behaviour. Children interact happily with adults and each other. Children are happy and settled.
Children confidently explore and investigate the wider world beyond Te Teko. A feature of the learning programme is the focus on providing children with meaningful and authentic experiences for learning. Regular trips to places of interest are well planned and well supported by the whānau. The whānau provide appropriate clothing and equipment to ensure children’s safety and enjoyment when experiencing new challenges. Children’s views and thinking about the world around them is greatly expanded by the experiences provided within the kaupapa of kōhanga reo.
The wellbeing and safety of children is important to the whānau. The whānau is highly skilled and competent at managing the kōhanga reo and ensuring the participation of whānau. Whānau participation at monthly hui is high and the young parents are encouraged to voice their opinions. Reports to the regular monthly whānau hui are helpful and enable whānau to make informed decisions about improving what happens for children. Whānau minutes are well documented.
The whānau has range of self review practices in place to support and sustain good management of their kōhanga reo. Policy review occurs regularly at monthly hui. Policies are current and meet legislative standards. Strategic and annual planning is currently being reviewed, and awaiting endorsement by the whānau. Documented evaluation supports the whānau to track progress towards meeting actions for the year. The appraisal process identifies the skills and practices of kaiako that are contributing to the well managed kōhanga reo. Kaiako and kaimahi are well supported by the whānau to enrich the learning of children in the kōhanga reo.
Children’s learning benefits from a rich, highly-organised and well-planned learning programme. The kaimahi and whānau plan together each term and identify experience that will enrich children’s learning. Planning is linked to Te Whāriki including the seasons and atua Māori. Kaiako share responsibility for the well-established planning and assessment practices. This includes observations and individual profile books. Kaiako know the children and their learning needs well. Children’s interests and needs are monitored and catered for. Kaimahi confidently articulate the benefits for children of the selected kaupapa and related outings. Kaimahi have regular and rigorous discussions on the effectiveness of their practice. Children are highly stimulated.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO recommends the whānau and kaimahi of the kōhanga reo continue to sustain the good practice that is contributing positive outcomes for their children.
The next ERO evaluation of Te Kōhanga Reo o Te Teko will be in four years.
Lynda Pura-Watson
Deputy Chief Review Officer Māori
29 June 2018
|
Location |
Te Teko |
||
|
Ministry of Education profile number |
40159 |
||
|
Kōhanga Reo Identification Number |
12E016 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
40 children, including up to 8 aged under 2 |
||
|
Kōhanga Reo roll |
37 children, including up to 10 aged under 2 |
||
|
Gender composition |
Girls 15 Boys 22 |
||
|
Ethnic composition |
Māori |
100% |
|
|
Review team on site |
May 2018 |
||
|
Date of this report |
29 June 2018 |
||
|
Most recent ERO report(s) |
Education Review Education Review Education Review |
May 2015 February 2012 March 2009 |
|