Te Kōhanga Reo o Te Whānau Pani ki Wharekāhika - 15/09/2015

1. Te Horopaki

E tū ana Te Kōhanga Reo o Te Whānau Pani ki Wharekahika. Kei te taha raki o te rohe o Ngāti Porou. He hōhonu ngā hītori o tēnei tāone tahamoana, ā, e karapotia ana e ngā ngahere, te moana, me te whenua. Ka ahu mai ngā tamariki me te whānau i Wharekahika, i ngā wāhi rānei e pā tata atu ana, ā, he hononga ā-whakapapa tō rātou ki tēnei rohe.

I tīmata te kōhanga reo, mai i ngā ratonga motuhake e rua. I te tau 2012, i hono tahi ngā kōhanga reo, engari i whakahaere tonuhia ki ngā wāhi e rua. Ko te whare mō ngā tamariki tēina kei ngā whenua o te iwi, ā, he tata tonu ngā tamariki tuākana, ki te marae e mōhio whānuitia ana, arā, ki Hinemaurea. I tēnei tau i whakarite te whānau ki te whakahono i ngā kōhanga reo e rua.

Ko ngā pūrongo e rua o mua a Te Tari Arotake Mātauranga, i te tau 2012, i tāutu i te maha o ngā whakawhanaketanga papai. Ko ētahi o aua āhuatanga ko te reo Māori, ko te whanaungatanga, ko te tūhura haere i a rātou e tākaro ana, ko te whakahaeretanga a te whānau, ko te whakamahere hōtaka, me te aromatawai. I taunakihia ko te aromātai hōtaka tētahi āhuatanga hei whakawhanake ake.

2. Ngā Whakaaturanga o te Arotake

He pēhea rawa te mōhio o ngā tamariki ki a rātou anō, ki tō rātou tūrangawaewae hoki?

Kei te whanake haere te mōhiotanga o ngā tamariki ki a rātou anō, ki tō rātou tūrangawaewae hoki.

Ngā Taumata Whakahirahira

He kaha te aronga toi whenuatanga me te tuakiri o ngā tamariki. Haereere ai rātou ki ngā wāhi whakahirahira puta noa i te rohe o Wharekahika, ā, ka kite, ka ako hoki rātou i ngā taiao māoriori, tūturu hoki. Ka ako ngā tamariki i ō rātou pepeha me ō rātou hononga ki a Ngāti Porou. He tau ngā tamariki ki tō rātou taiao.

Ka wheako ngā tamariki i ngā taunekeneke me ngā hononga e atawhai ana, e aroha ana hoki i a rātou. Whakapā atu ai rātou ki te tokomaha o ngā tāngata i ia te wā ki te marae me te hapori whānui. He pakari te taunekeneke a ngā tamariki ki waenga i a rātou anō, ki te hapori whānui hoki. Ka kitea te aroha, te manaaki, me te āwhina o ngā tamariki.

E wātea ana ki ngā tamariki te whānuitanga o ngā tūmomo rauemi ako whakahihiri. Ka hāngai aua rauemi ki te ao Māori, ā, e tika ana hoki mō te whānuitanga o ngā reanga me ngā āheinga. Kei te tupu haere te ngākau nui o ngā tamariki ki ngā pukapuka, ā, he pārekareka ki a rātou ngā wā ka pānui pukapuka ngā kaimahi ki a rātou. He whai wāhitanga, he rauemi hoki e whakatairanga ana i te kori tinana me te tākaro ki te waho. Ka ū pūmau ngā tamariki ki te whai wāhi atu ki ngā wā tākaro me ngā wā tūhura mō te wā roa.

Ka rumakina ngā tamariki ki te reo Māori. Ka whakamahi te nuinga o ngā kaimahi me te whānau i te reo Māori ki te taha o ngā tamariki, ki waenga i a rātou anō hoki. Ka rongo ngā tamariki i te reo Māori i ngā wā waiata, i ngā wā pakiwaitara, me ngā karakia, ngā hīmene, ngā pepeha me te kori tinana. Ka rongo rātou i te reo e hāngai pū ana ki tō rātou hapū me tō rātou iwi. Ka kōrero ngā tamariki i ō rātou ngākau nuitanga ki ngā kaimahi. E tīmata ana te mōhiotanga, te whakamahinga hoki a ngā tamariki i ngā tūmomo hanganga reo māmā e mōhiotia ana.

Te Whakamahere me te Aromātai

He pai te whakahaeretanga a te whānau i te kōhanga reo. Ka āta whakatau te whānau i ngā tino whakaritenga e pā ana ki te whakahaeretanga o te kōhanga reo me tāna ahunga whakamua. He mārama ngā tukanga me ngā pūnaha e pā ana ki ngā whakahaeretanga o ia rā. Ka arotake, ka whakaaro huritao, ka pūrongo hoki i te whakahaeretanga o ngā pūtea, te hauora me te haumaru, te kura reo, ngā kaupapa rautaki matua, me te whakahaere tari. Kua arotakengia te tūtohinga, ā, e hāngai ana ki ngā wawata o tēnei rōpū ā-whānau i whakakotahingia ai. Ka whakarato ki ngā tamariki tētahi kōhanga reo e āta whakahaerehia ana.

Ka ārahi te whakamahere hōtaka i te whakatinanatanga o te hōtaka akoranga. Ka hāngai ngā mahere ki ngā kaupeka o te tau, ā, he aratohu hoki o roto mō te tau, ngā wāhanga, ngā marama, me ngā wiki. Ka whai wāhi hoki ki aua mahere, ko ngā whāinga ako me ngā putanga e tūmanakohia ana mō ngā tamariki. Ko te whakapakari i te tuakiri me te aronga toi whenuatanga o ngā tamariki ka āta kitea ki te whakamahere hōtaka me te whakatinanatanga.

Ngā Whakaritenga Matua ka Whai Ake

Kāhore ngā kaimahi e āta arotake ana i te kounga o te hōtaka akoranga. Kāhore i te rawaka te arotake o ngā taumahi ako me ngā rauemi, te taiao, me te whakahaeretanga o ngā mahinga o ia rā.

Kāhore e āta māramahia ana te pūtake o te aromatawai. Ahakoa ka whakaemi, ka whakaatu hoki ngā kaimahi i te whānuitanga o ngā mōhiohio e pā ana ki te ahunga whakamua a ngā tamariki me ō rātou whakawhanaketanga, kāhore aua mōhiohio e whakamahia ana hei āta whakamahere i ngā akoranga a ia tamaiti.

Me arotake i ētahi āhuatanga o te whakahaere a te whānau. Me arotahi te whānau me ngā kaimahi ki ngā arohaehae me te whakaotinga o ngā toha pūtea. Me noho aua take hei kaupapa matua, nā runga i te whai pānga nui o aua āhuatanga ki te ako a ngā tamariki me tō rātou waiora.

3. Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

Te Whakarāpopototanga

E tū ana Te Kōhanga Reo o Te Whānau Pani ki Wharekahika. Kei te whanake haere te mōhiotanga o ngā tamariki ki a rātou anō, ki tō rātou tūrangawaewae hoki. Ka ako ngā tamariki i ngā āhuatanga e pā ana ki ō rātou whānau, ki tō rātou taiao ake, me tō rātou hapū, tō rātou iwi hoki. He pai te whakahaeretanga a te whānau i te kōhanga reo.

4. Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Whānau Pani i roto i te toru o ngā tau.

Lynda Pura-Watson
Kaiurungi Whakaturuki Arotake Māori

5. Ngā kōrero e pā ana ki te kōhanga reo

Te tūwāhi

Kei Wharekahika

Te tau a te Tāhuhu o te Mātauranga

55214

Te tau tohu o Te Kōhanga Reo

06D011

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

11, kia tokoono ki raro i te rua o ngā tau

Te tokomaha kei runga i te rārangi ingoa

10, tokorua kei raro i te rua o ngā tau

Te ira tangata

Kōtiro 6

Tama tāne 4

Ngā hononga ā-iwi

Māori 10

Te wā i te kōhanga reo te rōpū arotake

Hōngongoi 2015

Te wā o tēnei pūrongo

15 Mahuru 2015

Ngā pūrongo o mua a Te Tari Arotake Mātauranga

Arotake Mātauranga

Arotake Tāpiri

Mahuru 2012

Poutū-te-rangi 2009

1. Context

Te Kōhanga Reo o Te Whānau Pani is in Wharekahika, Hicks Bay. It is located at the northern boundary of Ngāti Porou. This coastal town is rich in history and is surrounded by bush, sea and land. Children and whānau live near or in Wharekahika and have whakapapa connections to this area.

The kōhanga reo began as two separate services. In 2012, the kōhanga reo joined but continued to operate from two sites. The building for the younger children is on iwi land and the older children are close by at the well known, Hinemaurea Marae. This year, the whānau decided to combine the two kōhanga reo.

The two previous ERO reports of 2012 identified several positive developments. These included te reo Māori, whanaungatanga, exploratory play, whānau management, programme planning and assessment. Programme evaluation was suggested as an area for development.

2. The Review Findings

How well do children know about who they are and where they are from?

Children have a developing knowledge of who they are and where they come from.

Ngā Taumata Whakahirahira

Children have a strong sense of belonging and identity. They visit significant places throughout the Wharekahika area where they observe and learn about the natural and physical environments. Children learn their pepeha and connections to Ngāti Porou. Children are comfortable in their local environment.

Children experience warm and loving interactions and relationships. They have regular encounters with a range of people at the marae and in the wider community. Children interact confidently with each other and the wider community. Children display aroha, manaaki and āwhina.

Children have access to a range of interesting learning resources. These resources reflect te ao Māori, are suitable for a range of ages and abilities. Children have a growing interest in books and they enjoy being read to. There are opportunities and resources that promote physical play outdoors. Children engage in sustained periods of play and exploration.

Children are immersed in te reo Māori. Most staff and whānau use te reo Māori with children and each other. Children hear te reo Māori during waiata, storytelling, karakia, hīmene, pepeha and kori tinana. They hear te reo specific to their hapū and iwi. Children talk about their interests with staff. Children are beginning to recognise and use basic and familiar language functions.

Planning and Evaluation

The whānau manages the kōhanga reo well. Whānau make sound decisions about the management of the kōhanga reo and its future direction. There are clear processes and systems for day to day operations. Review, reflection and reporting occur for financial management, health and safety, kura reo, strategic priorities and administration. The charter has been reviewed and reflects the aspirations of this combined whānau group. Children are provided with a well managed kōhanga reo.

Programme planning guides the implementation of the learning programme. Plans are based on the seasons of the year and include annual, term, monthly and weekly guidelines. Learning goals and expected outcomes for children are included in these plans. Building children’s identity and sense of belonging is evident in programme planning and implementation.

Key Next Steps

Staff do not regularly review the quality of the learning programme. There is insufficient review of learning activities and resources, the environment, and the management of daily routines.

The purpose of assessment is not well understood. While staff members collect and present a range of information about children’s progress and development this information is not used to plan purposefully for individual learning.

Some aspects of whānau management need to be reviewed. The whānau and staff should focus on appraisals and the completion of the budget. These should become priorities as they have a direct impact on children’s learning and wellbeing.

3. Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

Conclusion

Te Kōhanga Reo o Te Whānau Pani is in Wharekahika, Hicks Bay. Children have a developing knowledge of who they are and where they come from. Children learn about their whānau, local environment and aspects of their hapū and iwi. Whānau manage the kōhanga reo well.

4. When is ERO likely to review the kōhanga reo again?

The next ERO review of Te Kōhanga Reo o Te Whānau Pani will be in three years.

Lynda Pura-Watson
Deputy Chief Review Officer Māori

5. Information about the Kōhanga Reo

Location

Wharekahika

Ministry of Education profile number

55214

Kōhanga Reo Identification Number

06D011

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

11 children, including up to 6 aged under 2

Kōhanga Reo roll

10 children, including up to 2 aged under 2

Gender composition

Girls 6

Boys 4

Ethnic composition

Māori

100%

Review team on site

July 2015

Date of this report

15 September 2015

Most recent ERO report(s)

Education Review
Supplementary Review

September 2012
March 2009