Marae Road, Hicks Bay
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
Ko Pātangata te maunga
Ko Wharekāhika te awa
Ko Tūwhakairiora te hapū
Ko Te Aotaki te whare tupuna
E tū ana Te Kōhanga Reo o Te Whānau Pani ki Wharekāhika, ki te marae o Hinemaurea i Wharekāhika, i te Tai Rāwhiti. Ko te whakatōpūtanga o Te Whānau Pani me Te Aotaki i whakatū ai i te kōhanga reo nei i te tau 2016. Kua tautoko ā-pūtea te marae i te kōhanga reo, mō te whakahou ake o tō rātou whare. Ko tō te whānau wawata, kia ako ā rātou mokopuna ki tētahi taiao e tautāwhi ana i ō rātou tātai hono ā-hapū, ā-iwi hoki.
Ka whakatinanahia e ngā mokopuna tō rātou māramatanga ki a rātou anō, ki ō rātou tātai hono hoki mā roto mai i ā rātou wheako i te ao Māori.
Ka ako ngā mokopuna ki tētahi taiao e poipoi ana i tō rātou tuakiri. He tino hononga ā-whakapapa ki waenga i ngā whānau me ngā mokopuna, tae atu hoki ki te marae me te kōhanga reo. He matatau ngā kaimahi ki te kōrero i te reo Māori, ā, he pouārahi rātou o te reo. Ka āta whakapuaki kōrero rātou mā te whāngai kupu, te tāruarua, me te tohutohu, hei whakapiki ake i te whakawhanaketanga reo o ngā mokopuna. Ka poipoia ngā hononga ā-wairua, ā-ahurea hoki o ngā mokopuna, mā ngā karakia me ngā hīmene. Ka āta whakarite ngā kaimahi i te whai wāhi atu a ngā mokopuna ki ngā whakatau, ā, i reira rātou ako ai i tō rātou tū hei tangata whenua. Mā tēnā, ka ako hoki ngā mokopuna i ngā tikanga me ngā kawa o tō rātou marae. Ka akiaki, ka tautoko hoki ngā kaimahi i ngā mokopuna ki te whakapuaki i ō rātou pepeha. Ka whai wāhi taua tūāhuatanga ki te whakapūmau i ngā hononga o ngā mokopuna hei uri o Te Whānau a Te Aotaki me Te Whānau a Tūwhakairiora. He manawa whakahī ō ngā mokopuna mō ō rātou whakapapa.
Ka whakaongaongatia ngā mokopuna kia tūhura haere rātou, kia whai māramatanga hoki rātou ki ngā horopaki o tō rātou ao Māori. Ka whai wāhi ki aua tūāhuatanga, ko ngā waiata pāhekoheko, me te poi, te tītī tōrea, me ngā taonga puoro. Ka tautoko ngā kaimahi i ngā mokopuna kia whai wāhi atu ai rātou ki te tohatoha haere i ngā rauemi ki waenga i a rātou anō, ā, ki te tiaki hoki i ā rātou taonga. He nui ngā rauemi ki te kōhanga reo, ā, ka akiaki ngā taumahi i te whai takitahi a te mokopuna i ōna ake ngākau nuitanga. Kua waia ngā mokopuna ki ngā mahinga, ā, he pai tā rātou whakawhitiwhiti haere, puta noa i tō rātou taiao. Ka ngana ngā mokopuna hei ākonga.
Ko te whanaungatanga kei te pūtake o ngā mahi a ngā kaimahi, i a rātou e whakamahere ana i te hōtaka akoranga, ā, e aroturuki ana hoki i te ako a ngā mokopuna. Kua āta whakaritea e ngā kaimahi ngā mahere ā-tau, ā-wāhanga, ā-wiki hoki. Ka whai wāhi ki ērā ko ngā putanga ako, ngā rautaki, me ngā rauemi e hāpai ai i te whakatinanatanga. Ko tētahi āhuatanga whakaharahara, ko te poipoi i ngā mātauranga e pā ana ki te mana whenua me te tūrangawaewae. Ka kapohia atu ngā akoranga me te ahu whakamua a ngā mokopuna ki a rātou ake kōnae, ā, ka whai wāhi hoki ki ērā, ko ngā whakaaro huritao me ngā kitenga. He tino mōhiohio o roto i ngā mātai mokopuna, tae atu ki ngā kōrero mō ngā mahi, ki ngā hononga ki te kaupapa, me ngā kōrero mō ngā hua o te ako. Ko ngā matea o ngā mokopuna te aronga matua o ngā mahere me te aromatawai.
He tukanga ā te whānau mō te whakahaeretanga o ngā whakaritenga ki te kōhanga reo. Kei te tūtohinga te huarahi me te aronga i whakamaheretia ai hei ārahi i te whānau. Kua whakaritea ngā kaupapa here me ngā tukanga e pā ana ki te hauora, te haumaru, me te whakahaeretanga o ngā kaimahi, hei āta whakatau i te noho mātua tonu o te waiora o ngā mokopuna. Kei te mahere rautaki ngā wawata o te whānau mō ā rātou mokopuna, ā, kua whakamōhiotia ki Te Ara Tūāpae. E whai pānga ana, e whai pūtake ana hoki ngā tuhinga e pā ana ki ngā mahi, tae atu ki ngā tuhinga tūranga mahi me ngā kirimana mahi. Ka arotahi ngā mōhiohio arohaehae ki te whakatairanga ngātahi i ngā whakaritenga a ngā kaimahi. E whakatakoto ana te mahere ā-tau i te whānuitanga o ngā mahi whakahaere i te tari, ā, i ngā wā hoki e tika ana kia whakatutukihia. Ko te tupu tonu me te whakatairanga tonu, te aronga ngātahi a te whānau.
I whakamāramahia e te whānau ki Te Tari Arotake Mātauranga, ahakoa ngā wero - pērā i te noho taratahi me te Kowheori-19 - kua ū tonu te manawaroa o te whānau, me tō rātou tautoko hei whānau whakahaere. Nā te tū o te kōhanga reo ki tō rātou marae, ka noho mātua rā ki te whānau te ako a ā rātou mokopuna ki tētahi taiao e āta hāpai ana i ō rātou hononga ā-iwi.
Me whakapakari ake i te aromātai hōtaka. Ka hui ngā kaimahi ki te whakawhiti kōrero mō tēnā i whakatutukihia ai i ngā wiki kua pahure, engari he ruarua noa ngā tuhinga. Ko ngā whakaritenga matua ka whai ake, kia tuhia e ngā kaimahi ā rātou whakawhitinga kōrero mō ngā āhuatanga i whai hua ai, mō ērā hoki kīhai i whai hua ai, ā, mō ngā mahi e tika ana kia whai ake ki te whakatairanga ake i te kounga o te hōtaka akoranga.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
whakapakari tonu te whānau i te aromātai hōtaka.
Darcy Te Hau
Toka ā Nuku
Te Uepū-a-Motu – Māori Services
09 Whiringa ā-rangi, 2022
|
Te tūwāhi |
Kei Wharekāhika |
|
Te tau a te Tāhuhu o te Mātauranga |
55214 |
|
Te tau tohu o Te Kōhanga Reo |
06D058 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
12, kia tokowaru ki raro i te rua o ngā tau |
|
Te tokomaha kei runga i te rārangi ingoa |
Tokowhitu, tokorua kei raro i te rua o ngā tau |
|
Ngā hononga ā-iwi |
Māori 7 |
|
Te wā i te kōhanga reo te rōpū arotake |
Mahuru 2022 |
|
Te wā o tēnei pūrongo |
09 Whiringa ā-rangi, 2022 |
|
Ngā pūrongo o mua a |
Arotake Mātauranga, Mahuru 2018; Arotake Mātauranga, Mahuru 2015; Arotake Mātauranga, Mahuru 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.
Ko Pātangata te maunga
Ko Wharekāhika te awa
Ko Tūwhakairiora te hapū
Ko Te Aotaki te whare tupuna
Te Kōhanga Reo o Te Whānau Pani ki Wharekāhika is situated at Te Marae o Hinemaurea in Wharekāhika, East Coast. The amalgamation of Te Whānau Pani and Te Aotaki formed the kōhanga reo in 2016. The marae has supported the kōhanga reo with funding to renovate their building. Whānau aspire to have their mokopuna learn in an environment that embraces their hapū and iwi affiliations.
Mokopuna demonstrate their understanding of who they are and how they belong through their te ao Māori experiences.
Mokopuna learn in an environment where their identity is nurtured. Whānau and mokopuna have strong whakapapa links to each other, the marae and the kōhanga reo. Kaimahi are fluent speakers and te reo Māori language models. They are deliberate in their use of prompts, repetition and instruction to increase mokopuna language development. Spiritual and cultural connections are fostered amongst mokopuna through karakia and himene. Kaimahi ensure mokopuna are included in whakatau where they learn about their role as tangata whenua. Through this, mokopuna also learn ngā tikanga and kawa of their marae. Kaimahi encourage and support mokopuna to share their pepehā. This helps reinforce mokopuna connections as uri of Te Whānau ā Te Aotaki and Te Whānau ā Tūwhakairiora. Mokopuna are proud of their whakapapa.
Mokopuna are stimulated to explore and make sense of their te ao Māori settings. These include interactive waiata, poi, tītītōrea and tāonga pūoro. Kaimahi support mokopuna to assist in distributing resources to each other and care for their taonga. The kōhanga reo is well resourced, activities provided encourage mokopuna to independently follow their own interests. Mokopuna are familiar with routines and transition well throughout their environment. Mokopuna are engaged learners.
Kaimahi work from a basis of whanaungatanga as they plan the learning programme and monitor mokopuna learning. Kaimahi have established annual, term and weekly plans. These include learning outcomes, strategies and resources to support implementation. A prominent feature fosters knowledge of mana whenua and turangawaewae. Mokopuna learning and progress is captured in individual konae, this includes reflections, and observations. Matai mokopuna are informative including kōrero mo nga mahi, hononga ki te kapapa and kōrero mo nga hua o te ako. Mokopuna needs are the focus of planning and assessment.
Whānau have processes in place to manage the kōhanga reo operations. The tūtohinga provides direction and a planned approach to guide whanau. Health, safety and personnel management policies and procedures are in place to ensure mokopuna wellness is a priority. The strategic plan includes the aspirations the whānau hold for their mokopuna and is informed by Te Ara Tūāpae. Employment documentation is relevant and purposeful and includes job descriptions and employment contracts. Appraisal information is focussed on collectively enhancing kaimahi practice. The annual plan sets out overall administrative tasks and when these are to be attended to. Continual growth and improvement is a shared focus for whānau.
Whānau shared with ERO that despite challenges such as being in an isolated area and COVID-19, the whanau has remained resilient and supportive in their role as whanau whakahaere. With the kōhanga reo situated on their marae it is the upmost importance for whanau to have their mokopuna learn in an environment that supports their iwi affiliations.
Programme evaluation requires strengthening. Kaimahi meet to discuss what has happened over previous weeks but there is limited documentation. The next steps for kaimahi are to document their discussions about what the successes were, what didn’t work and what needs to happen to improve the quality of the learning programme.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
ERO and the kōhanga reo whānau developed the following recommendation is that:
whānau continue to strengthen programme evaluation.
Darcy Te Hau
Toka-ā-Nuku – Director
Te Uepū ā-Motu – Māori Review Services
9 November 2022
|
Location |
Wharekāhika |
|
Ministry of Education profile number |
55214 |
|
Kōhanga Reo Identification Number |
06D058 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
12 children, including up to 8 aged under 2 |
|
Kōhanga Reo roll |
7 children, including up to 2 aged under 2 |
|
Ethnic composition |
Māori 7 |
|
Review team on site |
September 2022 |
|
Date of this report |
9 November 2022 |
|
Most recent ERO report(s) |
Education Review, September 2018; Education Review, September 2015; Education Review, September 2012 |
Ko Te Kōhanga Reo o Te Whānau Pani ki Wharekāhika e tū ana te Tai Rāwhiti, ki te hapori tonu o Wharekāhika. Whai muri i te whakakotahitanga o ngā kōhanga reo e rua i te tau 2015, i whakatū ngātahi ngā whānau i tō rātou kōhanga reo ki te marae o Hinemaurea. Tokotoru ngā mema o te whānau e mau ana i te Tohu Whakapakari, ā, he tino pakari anō hoki te tautoko mai o ngā kuia. Ko te reo me ngā tikanga Māori te aronga matua o te whānau.
Kei te tū māia ngā tamariki, ā, he pai anō hoki ō rātou hononga ki ō rātou hoa me te whānau whānui.
He ao ako e angiangi ki ngā pakitara o te whare.
E ako ana ngā tamariki i tō rātou tū hei tangata whenua. Ka āta whakarite ngā kaimahi i tā rātou whai wāhi atu ki ngā hui katoa i te marae. Ka kite ngā tamariki i ngā tikanga o Ngāti Porou i aua wā. Taetae mai ai ngā kuia me ngā kaumātua ki te kōhanga reo. He pai te māramatanga o ngā tamariki ki ō rātou hononga ā-whakapapa ki ō rātou kaumātua. E hāpaitia ana te whakapuaki a ngā tamariki i ō rātou pepeha. Ka ako rātou i ngā waiata o tō rātou iwi me ō rātou hapū. Ka whakamahi te kaiako i ngā taonga o te taiao hei whakawhanake i te māramatanga o ngā tamariki ki ō rātou whenua, ki tō rātou moana, ki ō rātou ngahere. E hāpai ana ngā whakaaturanga kei ngā pakitara i te ako a ngā tamariki i ngā ingoa o ngā tāngata rongonui o tō rātou hapū, me ngā wāhi hoki e whai pānga nui ana ki tō rātou ahurea. Kei te mārama haere ngā tamariki i ō rātou tuakiri me ō rātou tūrangawaewae.
Ko te mokopuna te rangatira mō āpōpō.
He pai te whakawhanaunga o ngā tamariki ki ētahi atu. Ka kitea i te kaiako tōna ngākau nui ki te whakaako i ngā tamariki. He ngāwari, he mārie hoki tōna reo. E whai wāhi atu ana ngā tamariki ki tētahi taiao e āta whakapūmau ai i te ngākau māhaki me te manaakitanga ki te ao o te kōhanga reo. Ka whakatauira te whānau i ngā hononga manaaki ki ētahi atu, ā, ka kitea anō hoki tō rātou tino aroha ki ngā tamariki. He pai ngā huarahi e whāia ana e te kaiako hei whakahaere i te whanonga o ngā tamariki. Ka whakamahi ia i te whānuitanga o ngā momo rautaki e akiaki ana i ngā tamariki ki te mahi ngātahi, tētahi ki tētahi. Ko tētahi atu āhuatanga e whai wāhi ana, ko te poipoi i ngā tino hononga ki waenga i te tuakana me te teina. Ka aro nui ngā tamariki ki taua tū āhuatanga. He pai te taunekeneke a ngā tamariki tuākana ki ō rātou tēina. E ako ana ngā tamariki ki tō rātou tū hei mokopuna i te kōhanga reo. E whakawhanake ana ngā tamariki i ngā hononga papai ki ētahi atu.
Koni ahi, noninoni
He pai te whakawhiti kōrero a ngā tamariki ki ētahi atu. Ka rongo rātou i te reo o Ngāti Porou, puta noa i ngā wāhanga katoa o te hōtaka akoranga. Ka whakapuaki, ka whakatauira hoki ngā kuia, ngā kaumātua, ngā kaimahi i te tika o te reo ā-iwi, hei whakapakari ake i te māramatanga me ngā mōhiotanga o ngā tamariki ki te reo o te haukāinga. Ka whakamahi ngā kaimahi i ngā rautaki māmā e hāpai ai i te whakawhanaketanga o te reo. Ko ētahi o aua rautaki, ko ngā waiata, ko te pānui pukapuka, ko te patapatai, ko ngā karakia, ko ngā hīmene, ko ngā tohutohu, ko ngā momo kupu tūāhua. E ākina ana ngā tamariki i ngā wā katoa kia kōrero ai rātou i te reo Māori. I te nuinga o te wā, ka kōrero ngā tamariki tuākana i te reo Māori mā te whakamahi i te kupu kotahi me ngā kīanga popoto. Ka kitea te māramatanga o ngā pēpi ki ngā kōrero i te āhua o ō rātou kanohi me tō rātou reo ā-tinana. E tīmata ana te ako a ngā tamariki i te reo Māori.
He reo ngao, he reo ū, he reo kia ora.
He pai te taunekeneke haere a ngā tamariki me tō rātou taiao ako. E toro atu ana te whānuitanga o tō rātou taiao ako ki te marae, ki te tahatai, ki te whenua, ki ngā ngahere o tō rātou hapori. Ka rongo rātou i te ngākau nui i roto i ngā akoranga me ngā taumahi hoki kua whakamaheretia. Ka whakarato te whānau i ngā rauemi me ngā taputapu tākaro e maha atu ai ngā huarahi ako. Kei te harikoa te āhua o te tūhura māhorahora o ngā tamariki i tō rātou taiao, ā, ka whakapā wawe atu hoki ki ngā momo rauemi ako. E ākina ana tā rātou kia whai i ngā mea e ngākau nui ana. Ka ngākau nui anō hoki ngā tamariki ki te taunekeneke ki ētahi atu i a rātou e ako ana. Ka tū māia ngā tamariki ki te tūhura haere ki te taha o ētahi atu.
He rawaka ngā mahi whakahaere a te whānau i te kōhanga reo. Ka whakamahere ngātahi te kaiako me te whānau i te hōtaka akoranga. E ārahi ana aua mahere i te whakapuakitanga o te hōtaka akoranga. E whai wāhi nui ana ngā tamariki ki tētahi hōtaka akoranga i āta whakamaheretia ai, i āta whakahaerehia ai hoki. He pai te taetae atu ki ngā hui ā-whānau. Ka ū ngā mahi pūrongo i ngā pūtea. Nā te aronga nahanaha ki te whakamahere mō te tauatanga, kua oti i ngā mema tokotoru o te whānau ā rātou whakangungu mō te Tohu Whakapakari. Kua whakatakotohia ngā tuhinga e pā ana ki ngā tūranga kaimahi, ā, e whakapututia ana. He rārangi wātaka mahi ā te whānau mō te tiaki i te kōhanga reo, hei āta whakarite i te noho haumaru o ngā tamariki. Kua whakaritea ngā mahere rautaki me ngā mahere ā-tau. Ka tāutu aua mahere i ngā kaupapa matua o te pae tawhiti me ngā wāhanga matua o ngā whakahaeretanga hei tirohanga ake. Ka whai hua ngā whakataunga e whakatutukihia ana e te whānau hei painga mō ngā tamariki.
Me whakapakari ake i te arotake whaiaro. Kāhore anō te whānau kia arotake i te tūtohinga, i ngā kaupapa here rānei, whai muri mai i te whakakotahitanga o ngā kōhanga reo e rua. Kāhore ngā tuhinga o tēnei wā e hāngai pū ana ki ngā āhuatanga o ngā herenga ā-ture nō nā noa nei i whakarerekēhia ai. Kāhore ētahi o ngā whānau e tino mārama ana i ō rātou tūranga me ā rātou kawenga mahi. Kua tae ki te wā kia whakaarohia e te whānau ngā huarahi ka hiki ake i ō rātou māramatanga ki ngā mahi e whai hua ai hei hāpai i te whakahaeretanga o te kōhanga reo. Ko te aroturuki i te ako me te ahu whakamua o ngā tamariki tētahi āhuatanga hei tirohanga ake. Ahakoa e whakamahia ana ngā pūkete hei tohu i tēnā i mahia ai e ngā tamariki, kāhore te ahunga whakamua o te ako e tuhia ana. Kei te tīmata noa te whakawhanake i te aromātai hōtaka. He uaua ki te aroturuki i ngā tū whakapaitanga i whakatutukihia ai ki te hōtaka. Ko te tokoiti ki te rārangi ingoa e pā tōraro ana ki ngā pūtea me te rōnaki tonutanga o te kōhanga reo. E pēhi ana te iti o te pūtea i te āheinga o te whānau ki te whakatutuki i ā rātou whāinga me ō rātou wawata. Kāhore anō te whānau kia whakawhanake i ngā rautaki ka whakapiki ake i te tatauranga tamariki o te kōhanga reo.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I te wā o te arotake, kāhore he take i tāutuhia ai e Te Tari Arotake Mātauranga i roto i ngā āhuatanga e whai pānga ana ki ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Te Whānau Pani ki Wharekāhika i roto i te toru o ngā tau.
Lynda Pura-Watson
Kaiurungi Whakaturuki Arotake Māori
07 Whiringa ā-rangi, 2018
|
Te tūwāhi |
Kei Wharekāhika |
|
|
Te tau a te Tāhuhu o te Mātauranga |
55214 |
|
|
Te tau tohu o Te Kōhanga Reo |
06D058 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
12, kia tokorua ki raro i te rua o ngā tau |
|
|
Te tokomaha kei te rārangi ingoa |
Tokorima, kotahi te tamaiti kei raro i te rua o ngā tau |
|
|
Te ira tangata |
Kōtiro 2 Tama 3 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
10 - 11 Mahuru 2018 |
|
|
Te wā o tēnei pūrongo |
07 Whiringa ā-rangi, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Mahuru 2015 Mahuru 2012 Poutū-te-rangi 2009 |
Te Kōhanga Reo o Te Whānau Pani ki Wharekāhika is located in Wharekāhika near the East Cape. After the 2015 amalgamation of the two separate sites, the whānau have established the combined kōhanga reo on Hinemaurea Marae. The whānau have three Tohu Whakapakari holders and strong kuia support. Te reo and tikanga Māori is a whānau priority.
Children are confident and have positive relationships with their peers and wider whānau.
He ao ako e angiangi ki ngā pakitara o te whare.
Children are learning about their role as tangata whenua. Kaimahi ensure they are involved in all hui on the marae. Children observe Ngāti Porou tikanga during these times. Kuia and kaumātua are regular visitors to the kōhanga reo. Children have a good understanding of their whakapapa connections to their old people. Children are supported to share their pepeha. They learn waiata specific to their iwi and hapū. The kaiako use resources from the local environment to develop children’s understanding of their whenua, moana and ngahere. Wall displays support children to learn the names of hapū icons and areas of cultural significance. Children are coming to understand who they are and where they are from.
Ko te mokopuna te rangatira mō te āpōpō.
Children relate well to others. The kaiako displays passion for teaching children. Her voice is gentle and calm. Children experience an environment where humility and manaakitanga are embedded into life at the kōhanga reo. The whānau model caring relationships with others and show a genuine love for the children. The kaiako uses positive ways to manage children’s behaviour. She uses a variety of strategies to encourage children to work with one another. This includes fostering strong tuakana teina relationships. Children respond well to this. The older children interact positively with their teina. Children are learning about their place as mokopuna in the kōhanga reo. Children are developing positive relationships with others.
Koni ahi, noninoni
Children communicate well with others. They hear Ngāti Porou language across all aspects of the learning programme. Kuia, kaumātua and kaimahi model correct dialect to build on children’s understanding and knowledge of the home language. Kaimahi use simple strategies to support language development. These include waiata, reading books, questions, karakia, hīmene, instructions and describing words. Children are continuously encouraged to speak te reo Māori. The use of te reo Māori by older children consists mostly of single words and short phrases. Babies show their understanding of what is being said through their facial expressions and body language. Children are emergent learners of te reo Māori.
He reo ngao, he reo ū, he reo kia ora.
Children interact well with their learning environment. This encompasses the marae, seaside, land and forests of their community. They experience enjoyment in their learning and planned activities. The whānau provides resources and play equipment to foster learning opportunities. Children happily and freely explore their surroundings and readily access learning resources. They are encouraged to pursue their interests. Children love to interact with others as they learn. Children confidently explore alongside others.
Whānau manage the kōhanga reo adequately. The kaiako and whānau plan the learning programme together. These guide the implementation of the learning programme. Children enjoy a learning programme that is well planned and managed. Whānau hui are well attended. Financial reporting is consistent. A deliberate approach to succession planning has resulted in three whānau having completed Whakapakari training. Kaimahi employment documentation is in place and stored on file. Whānau have a planned maintenance schedule to ensure the safety of children is attended to. Strategic and annual plans are in place. These identify both long term priorities and key aspects of operations that require attention. Whānau make good decisions in the interests of the children.
Self-review requires strengthening. Whānau have not reviewed the charter or policies since the amalgamation of the two kōhanga reo. Current documentation does not reflect recent legislation changes. Some whānau do not clearly understand their roles and responsibilities. It is time for whānau to consider ways to improve their understanding of how they can best contribute to the management of the kōhanga reo. Monitoring of children’s learning and progress requires attention. Although profile books are used to show what children have done, progress of learning is not recorded. Programme evaluation is in the early stages of development. It is difficult to monitor any improvements that have been made to the programme. Low roll numbers have put pressure on the kōhanga reo finances and future viability. Limited finance hinders the ability of the whānau to achieve their goals and aspirations. Whānau have not developed strategies to increase the roll.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO did not identify any areas of non-compliance during the review.
ERO and the Kōhanga Reo whānau developed the following recommendations:
The next ERO evaluation of Te Kōhanga Reo o Te Whānau Pani ki Wharekāhika will be in three years.
Lynda Pura-Watson
Deputy Chief Review Officer Māori
7 November 2018
|
Location |
Wharekāhika |
||
|
Ministry of Education profile number |
55214 |
||
|
Kōhanga Reo Identification Number |
06D058 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
12 children, including up to 2 aged under 2 |
||
|
Kōhanga Reo roll |
5 children, including 1 aged under 2 |
||
|
Gender composition |
Girls 2 Boys 3 |
||
|
Ethnic composition |
Māori |
100% |
|
|
Review team on site |
10 - 11 September 2018 |
||
|
Date of this report |
7 November 2018 |
||
|
Most recent ERO report(s) |
Education Review Education Review Supplementary Review |
September 2015 September 2012 March 2009 |
|