Te Kōhanga Reo o Tutereinga

1 Te Horopaki

Ko Tūtereinga te marae
Ko Tauranga te moana
Ko Mauao te maunga
Ko Pirirākau te hapū
Ko Ngāti Ranginui te iwi
Ko Tākitimu te waka

E tū ana Te Kōhanga Reo o Tūtereinga ki te marae o Tūtereinga, ki Te Puna i te rohe o Tauranga. He hononga ā-whakapapa tō te whānau, ngā kaimahi, me ngā tamariki, ā, nō Ngāti Ranginui, nō te waka o Tākitimu hoki rātou.

2 Ngā Whakaaturanga o te Aromātai

He pēhea rawa ngā tamariki e whakapuaki i ō rātou tuakiri?

E whakawhanake ana ngā tamariki i tō rātou māramatanga ki ō rātou tuakiri.

Ngā Taumata Whakahirahira

E ako ana ngā tamariki i te reo Māori ki te marae. Ka whakamahi ngā kaimahi i te whānuitanga o ngā tūmomo rautaki e hāpai ana i ngā tamariki ki te whakapakari me te whakawhānui i ō rātou mōhiotanga ki te reo Māori, me tā rātou whakamahinga i te reo. Ko ētahi o aua rautaki, ko te tāruarua, te tāwhai, ngā mahi ā-ringa, me te whāngai kupu. Ka tūmāia ngā tamariki ki te whakapuaki i ngā karakia, ngā waiata, me ngā mihi e mōhiotia ana e rātou. Ka whakarato ngā kaimahi i ngā wheako ki ngā tamariki, hei whakawhānui tonu i ō rātou reo me ā rātou puna kupu. E ākina ana, e hāpaitia ana hoki te whānau, kia pakari ake ai tō rātou mōhio ki te reo Māori, me tā rātou whakamahi i te reo. Ka whakapuakihia ngā rauemi hei hāpai i te whakamahinga o te reo Māori ki te kāinga. E whanake ana te ngākau titikaha o ngā tamariki i roto i te reo Māori.

E poipoia ana te tuakiri o ngā tamariki. Ka whai wāhi nui te marae hei taiao ako. E hāpai ana te marae i te ako a ngā tamariki i tō rātou tūrangawaewae. Ka whakatauira ngā kaumātua me te whānau i te reo me ngā tikanga o te marae. Ka ārahi ngā kaimahi i te whakamātau a ngā tamariki i tō rātou tū hei tangata whenua. He whai wāhitanga anō hoki e whakaratohia ana i ia te wā kia uru ai ngā tamariki ki ngā kaupapa a te hapū, te iwi, me te purapura. Ko ngā pātere, ngā waiata, me ngā haka o te takiwā nei e hāpai ana i te ako a ngā tamariki i ngā marae, ngā hapū, me ngā iwi o te rohe. Ko te taetae atu, me te whai wāhi nui anō hoki ki ngā wāhi me ngā kaupapa whakahirahira e hāpai ana i te ako a ngā tamariki i tō rātou tuakiri. Kei te mātau haere ngā tamariki ki tō rātou whai wāhi nui ki te kōhanga reo, ki tō rātou marae hoki.

Ko te waiora o ngā tamariki e whai pānga matua ana ki ā rātou akoranga. Ka rongo rātou i te manaaki, te aroha, me te awhi o te whānau me ngā kaimahi. Ka kitea te ngākau nui me te tākare o te whānau me ngā kaimahi. Ka whai wāhi atu ngā tamariki ki ngā taunekeneke papai me ngā hononga e whai pūtake ana ki te taha o ētahi atu. E ākina ana te tautoko o ngā tuākana i ngā tēina, i roto i ā rātou akoranga me ā rātou tākaro. Kei te harikoa, kei te mauritau hoki ngā tamariki.

He ākonga pākiki ngā tamariki. Ka ākina tā rātou tūhura haere i te taiao māoriori, tūturu hoki. Ka waihanga ngā kaimahi i ngā whai wāhitanga mō ngā tamariki ki te pakirehua me te whakatupu i tō rātou māramatanga ki tō rātou tūnga me tō rātou whai hononga ki te rohe nei. He pārekareka ki ngā tamariki te kanikani ki ngā waiata me te kori tinana. Ka whakarato te whānau i ngā rauemi mō aua taumahi e whai pānga ana ki ngā tamariki. Ka whakarato ngā kaimahi i ngā wheako ako e whakapūmau ana i te tuakiri o ngā tamariki hei uri Māori, ā, hei mokopuna hoki o te marae o Tūtereinga. Ka kitea te tūmāia o ngā tamariki ki tō rātou ao.

Te Whakamahere me te Aromātai

Ko ngā matea ako o ngā tamariki e whai wāhi atu ana ki ngā mahi ki te whakamahere i te hōtaka me te aromatawai. Ka whai ngā kaimahi i ngā tukanga mārama hei whakamahere ngātahi mō ngā tamariki. Ka whakamahia tētahi tirohanga whānui o te wāhanga hei arahi i te hōtaka o ia wiki. He aronga ki te whakapakari i te māramatanga o ngā tamariki ki tō rātou hononga ki te marae. Ka whakawhanake ngā kaimahi i ngā taumahi me ngā rauemi e hāpai ana i te ako a ngā tamariki. Ka whakamahia ngā pūkete hei whakatakoto haere i te ako me te ahu whakamua a ngā tamariki. Whakapuakihia ai e rātou aua mōhiohio ki te whānau i ia te wā. Ka whakamaheretia, ka aroturukitia hoki te ahu whakamua a ngā tamariki i roto i ngā akoranga.

E whanake ana te aromātai i te hōtaka akoranga. Kua tīmata te kaiako ki te whakatakoto haere i tēnā i whai hua ai, me tēnā i uaua ai. Ko aua mahi ngātahi, aua whakawhitinga kōrero ngātahi hoki e whakapuaki ana i ētahi atu mōhiohio ki ngā kaimahi, hei hāpai ake anō i te whakapuakitanga. Ka pūrongo ngā kaimahi ki te whānau, ko ngā painga ka puta ki ngā tamariki. Ka whai hua ngā tamariki nā ngā whakaritenga i āta whakataungia ai mō te hōtaka akoranga.

Ko te waiora o ngā tamariki tētahi kaupapa matua. Ka āta whakatakoto te tūtohinga i te aronga me ngā tūmanako o te whānau. E tino hāngai ana tēnei ki te kaupapa o te kōhanga reo me ā rātou whai kawenga ki tō rātou marae. Tū ai ngā hui ā-whānau i ia te wā, ā, he pai te taetae atu. Ka whakawhiti kōrero te whānau mō te whakahaeretanga o te kōhanga reo, ā, ko ngā tamariki kei te pūtake o ngā whakataunga. Kua whakatakotohia te katoa o ngā kaupapa here me ngā tukanga e pā ana ki te hauora me te haumaru. E tāutu ana te mahere rautaki i ngā whāinga me ngā kaupapa matua a te whānau. Kei te noho haumaru ngā tamariki, ā, e tino tiakina ana hoki.

Kua pai ake te arotake whaiaro, whai muri i te arotake o mua a Te Tari Arotake Mātauranga. Kua kōrerohia ngā wāhanga matua o ngā mahi whakahaere a te whānau. Kua whakaritea tētahi mahere ā-tau hei ārahi i ngā whakamahinga. Whiwhi ai te whānau i ngā pūrongo o ia marama, ā, e whakahāngai ana aua pūrongo ki te whakapaitanga ake, puta noa i te nuinga o ngā wāhanga whakahaere. Ka whakarerekē haere i runga anō i te āhua o ngā matea me ngā whai wāhitanga ka pupū ake. Kua whakatakotohia e te whānau ngā tino tukanga ki te whakahaere i ngā pūtea. Nā tēnei, kua whakapūranga rātou i tētahi tino pūtea penapena. Ko ngā tino painga ki ngā tamariki e whakamōhio ana i te aronga o te kōhanga reo.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

Kua whakawhanakehia e Te Tari Arotake Mātauranga te taunakitanga e whai ake nei:

• kia whakatōpū haere i ngā whakapaitanga kua tutuki whai muri i te arotake o mua a Te Tari Arotake Mātauranga, inarā, ki ngā wāhanga e pā ana ki te aromātai hōtaka me te arotake whaiaro.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Tūtereinga i roto i te toru o ngā tau.

Lynda Pura-Watson

Kaiurungi Whakaturuki Arotake Māori

05 Mahuru, 2018

Ngā kōrero e pā ana ki te kōhanga reo

1 Context

Ko Tūtereinga te marae
Ko Tauranga te moana
Ko Mauao te maunga
Ko Pirirākau te hapū
Ko Ngāti Ranginui te iwi
Ko Tākitimu te waka

Te Kōhanga Reo o Tūtereinga is based on Tūtereinga Marae in Te Puna, Tauranga. Whānau, kaimahi and children are related to each other, and are affiliated to Ngāti Ranginui and the Tākitimu waka.

2 The Evaluation Findings

How well do children express their identity?

Children are developing their understanding of their identity.

Ngā Taumata Whakahirahira

Children learn te reo Māori in a marae environment. Kaimahi use a range of strategies to support children to build on and extend their knowledge and use of te reo Māori. This includes repetition, mimicking, hand gestures and verbal prompting. Children use familiar karakia, waiata and mihi with confidence. Kaimahi provide experiences for children to extend their language and vocabulary. Whānau are encouraged and supported to strengthen their knowledge and use of te reo Māori. Resources are made available to support te reo Māori being used at home. Children are developing confidence in te reo Māori.

Children’s identity is nurtured. The marae is an integral part of the learning environment. This supports children to learn about their tūrangawaewae. Kaumātua and whānau model the language and tikanga of the marae. Kaimahi provide guidance for children to practise their roles as tangata whenua. Regular opportunities are provided for the children to participate in hapū, iwi and purapura events. Local pātere, waiata and haka help children learn the marae, hapū and iwi of the area. Visiting and enjoying places of significance and interest supports children to learn about their identity. Children are becoming more knowledgeable of their place in the kōhanga reo and their marae.

Children’s wellbeing is integral to their learning. They experience manaaki, aroha and awhi from whānau and kaimahi. Whānau and kaimahi show passion and enthusiasm. Children have positive interactions and meaningful relationships with others. Older children are encouraged to support teina in their learning and in play. Children are happy and settled.

Children are inquisitive learners. They are encouraged to explore the natural and physical environment. Kaimahi create opportunities for children to inquire and grow their understanding of their place and connection to the area. Children enjoy movement to music and kori tinana. Whānau provide resources for these activities that have relevance for the children. Kaimahi provide children with learning experiences that reinforce their identity as Māori and as mokopuna of Tūtereinga marae. Children display confidence in their world.

Planning and Evaluation

Children’s learning needs influence programme planning and assessment practices. Kaimahi follow clear and collaborative processes to plan for children. A term overview is used to guide the weekly programme. There is a focus on building children’s understanding of their connection to the marae. Kaimahi develop activities and resources to support children’s learning. Profile books are used to record children’s learning and progress. They use this information to regularly share with whānau. Children’s progress in learning is planned and monitored.

Evaluation of the learning programme is developing. Kaiako has begun to record what has worked well and what has been difficult. These shared practices and discussions provide kaimahi with additional information to improve delivery. Kaimahi report to whānau on the positive outcomes for children. Children benefit from well considered decisions about the learning programme.

Children’s well-being is a priority. The charter clearly sets out the direction and expectations of whānau. This is strongly based on the kaupapa of kōhanga reo and their obligations to their marae. Regular whānau meetings are well attended. Whānau discuss the management of the kōhanga reo with children at the centre of decision making. All health and safety policies and procedures are in place. The strategic plan identifies whānau goals and priorities. Children are safe and well cared for.

Self review has improved since the last review. Key sections of whānau management have been discussed. An annual plan is in place to guide operations. Whānau receive regular monthly reports that focus on improvements across most operational areas. Changes are made in response to needs and opportunities that arise. The whānau have established sound financial management processes. This has enabled them to accumulate a healthy cash reserve. Positive outcomes for children inform the kōhanga reo direction.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO has developed the following recommendation:

• to consolidate improvements since the previous ERO review, in particular to the areas relating to programme evaluation and self review.

When is ERO likely to evaluate the kōhanga reo again?

The next ERO evaluation of Te Kōhanga Reo o Tūtereinga will be in three years.

Lynda Pura-Watson

Deputy Chief Review Officer Māori

5 September 2018

Information about the Kōhanga Reo

1 Te Aromātai a te Tari Arotake Mātauranga

E tū ana te kōhanga reo ki te taha o te marae o Tutereinga ki Te Puna, ki Tauranga Moana. He hononga ā-whakapapa tō te whānau, ngā kaimahi, me ngā tamariki, ā, nō Ngāti Ranginui me te waka o Tākitimu.

Whai muri i ngā whakawhitinga kōrero ki te whānau me ngā kaimahi, i whakawhanakehia e Te Tari Arotake Mātauranga te pātai aromātai e whai ake nei, ā, e hāngai ana ki te kaupapa o te Mana Whenua, arā:

‘He pēhea te kaha o ngā tamariki hei ākonga pakari, hei ākonga tākare hoki e kōkiri ana i ā rātou ake akoranga ki te taiao o tō rātou kōhanga reo?’

He pai te whakawhanaketanga o ngā tamariki hei ākonga pakari, hei ākonga tākare e kōkiri ana i ā rātou akoranga ki te taiao o tō rātou kōhanga reo.

E kōkiri ana ngā tamariki i ā rātou ake akoranga ki te taiao o te kōhanga reo. He maha ā rātou whai wāhitanga ki te ako i te mana whenua, mā tā rātou whai wāhi atu ki te marae me ngā kaupapa i te hapori. Ko ngā pou whenua matua me ngā wāhi puri mahara ngā wāhi hei torotoro haere. Ka whai pānga ngā pikitia e mau kōrerorero ana ki ngā wheako akoranga a ngā tamariki ki te kōhanga reo, te marae, me tō rātou hapori whānui. Ka kitea te kaha o te tuakiri me te aronga toi whenuatanga o ngā tamariki.

Nō te hapū o Pirirākau ngā kaimahi, nō tēnei hapori hoki. Ko ngā painga nui e wawatatia ana e ngā kaimahi mō ngā tamariki e tiaki ana rātou. Ka whakawhirinaki atu ngā kaimahi ki ō rātou kaumātua, me ngā mema mātanga o te whānau mō te tautoko, me te ārahi i ngā wā katoa. He hihiri, he tākare hoki tō ngā kaimahi, ā, ko ngā painga mō ngā tamariki kei te pūtake o ā rātou mahi katoa.

2 Ngā Kaupapa Motuhake o te Arotake

Te Arotahi o te Arotake

I mua o te arotake, i īnoitia te whānau kia whai whakaaro ki ā rātou kaupapa motuhake mō te arotake.

Kātahi ka whakaritea ngā tino kaupapa motuhake mō te arotake, whai muri o te whakawhitinga kōrero i waenga o te rōpū arotake o te Tari Arotake Mātauranga Māori me te whānau.

I whakaritea e te whānau ko tāna kaupapa arotahi mō tēnei arotake, ko:

• Mana Whenua.

Ko te katoa o ngā arotake mātauranga ā te Tari Arotake Mātauranga Māori i roto i ngā kōhanga reo e arotahi ana ki te kounga o te mātauranga. Ki tā te Tari Arotake Mātauranga Māori, kei roto i tēnei ko te kounga o te:

• arotake whaiaro a te whānau me te whakamahere rautaki
• whakamahere hōtaka, te aromatawai, me te aromātai.

Ko ngā kitenga ā te Tari Arotake Mātauranga Māori i roto i ēnei wāhanga, kei raro iho nei.

3 Ngā Whakaaturanga

Mana Whenua

He whakamārama

‘He pēhea te kaha o ngā tamariki hei ākonga pakari, hei ākonga tākare hoki e kōkiri ana i ā rātou ake akoranga ki te taiao o tō rātou kōhanga reo?’

He pai te whakawhanaketanga o ngā tamariki hei ākonga pakari, hei ākonga tākare e kōkiri ana i ā rātou akoranga ki te taiao o tō rātou kōhanga reo.

Ngā wāhanga e pai ana te whakahaere

He tau ngā tamariki ki te kōhanga reo me te marae. Kei roto i a rātou te ako takitahi. E mōhio ana ngā tamariki ki ngā tikanga me ngā kawa o ngā kaupapa whakahirahira pērā i te pōwhiri. Nā te whai wāhi a ngā tamariki ki ngā kaupapa i te marae ka ako ngā tamariki ko wai rātou, nō hea rātou, me tō rātou tūrangawaewae. He mātātoa te whai wāhi atu a ngā tamariki.

Ka ākina ngā tamariki kia whakatau whiringa, kia kōkiri hoki rātou i ā rātou ake tākaro. Ka whiriwhiri rātou, mai i te whānuitanga o ngā tūmomo taumahi o roto, o waho hoki. He whai wāhitanga mā rātou ki te whai i ō rātou ake ngākau nuitanga. E ako ana rātou ki te mahi ngātahi, me te tākaro ngātahi.

Rongo ai ngā tamariki i ngā kaimahi me te whānau e whakamahi ana i te reo Māori puta noa i te rā. Ahakoa ka mārama rātou i te reo Māori, ā, ka whakautu i ngā kīanga me ngā kupu māmā, he kaha hoki rātou ki te kōrero i te reo Pākehā ki waenga i a rātou, ki ngā kaimahi, te whānau, me ētahi atu. Koia rā te whakawhanaketanga o te ako reo.

Ka whakaatu ngā tamariki i te tino hononga ki tō rātou hapū, tō rātou iwi, tō rātou marae hoki. Ko te tūrangawaewae, te ūkaipō, te whakatipuranga, me te whanaungatanga ētahi o ngā ariā whakahirahira e pou here ana i te kaupapa o Te Kōhanga Reo o Tūtereinga. He kaha ngā hononga ā-iwi, tātai whakapapa hoki tō te whānau, ngā kaimahi, me ngā tamariki. He pai te mahi ngātahi a ngā kaimahi, te kawe ngātahi i ngā kawenga mahi mō te whakahaeretanga o te kōhanga reo i ia rā. He rangatahi, he hihiri, he tākare hoki rātou ki te ako i tēnā ka whakapai ake rātou ki te kōhanga reo. Ka whakarato te kuia, te koroua, me ia mema o te whānau i te haere tonutanga o te tautoko me te ārahi.

He maha ngā whai wāhitanga mō ngā tamariki ki te rongo i ngā tauira o te reo Māori matatau ki te kōhanga reo, te marae, me te hapori whānui. He kaha ngā tāngata o te kōhanga reo ki te kōrero i te reo Māori. He hōhonu ō rātou mōhiotanga ki ngā tikanga, ngā uaratanga, me ngā whakapono o te iwi me ngā hapū. E mōhio ana te whānau me āta whai atu rātou i tēnei pūmanawa.

Ngā wāhanga hei whakawhanake

I te nuinga o te wā ka kōrero ngā tamariki i te reo Pākehā i a rātou e taunekeneke ana, e mahi ana, e tākaro ana hoki. He pai te noho o te kōhanga reo ki waenga i te marae, te hapū me te iwi, ā, he nui te tirohanga, te tauāki taketake hoki kia tupu tonu te reo Māori ki Tauranga Moana. Ko te whāinga ki te tūtohinga e hāngai pū ana ki tēnei, arā:ko te whāngai i te reo Māori ki ngā mokopuna, kia kōrerohia te reo Māori i ngā wā katoa, kia kore ai e mate.

E whakaae ana te whānau me ngā kaimahi, e tika ana kia āta arotahi nahanaha ki te poipoi me te whakatō i ngā tino uaratanga me ngā tikanga puta noa i te hōtaka akoranga. Ka hāngai hoki tēnei ki te whakatairanga i ngā taunekeneke o te tuakana me te teina, i te whanaungatanga hoki, me te whakakoia, te whakapūmau hoki i ia te wā i te whanonga pai. Ka ū ngā kaimahi ki te āta whakatakoto i ngā tuhinga e pā ana ki ngā aituā me ngā maiki e whai pānga ana ki ngā tamariki, engari kāhore anō rātou kia whakamahi i aua mōhiohio hei arotake i te hauora me te haumaru o ngā tamariki.

Te Whakamahere me te Aromātai

Ngā wāhanga e pai ana te whakahaere

Ka aroturuki te whānau i ngā whakahaeretanga o te kōhanga reo. Ka kitea ki ngā meneti te pūrongo i ia te wā me ngā tino whakawhitinga kōrero, te whakatau whakaritenga anō hoki e pā ana ki ngā whāinga o te wā poto me te wā roa. Kua whakaemihia e te whānau me ngā kaimahi ngā tino urupare e pā ana ki ā rātou whāinga rautaki. E mārama kehokeho ana ko ngā āhuatanga e whai hua ana, me ērā hoki kāhore e whai hua ana.

Ngā wāhanga hei whakawhanake

Kāhore ngā putanga ki ngā tamariki e āta whakamahia ana hei whakamōhio i ngā whakapaitanga puta noa i te kōhanga reo. He whāiti te aronga o te arotake whaiaro ki ngā whakahaeretanga. Kāhore te tūtohinga, ngā kaupapa here me ngā tukanga, te whakahaere i ngā kaimahi, me ngā tuhinga e pā ana ki te whakamahere hōtaka, e tino ārahi ana i te whānau me ngā kaimahi. E mōhio ana te whānau, kei reira ētahi wāhanga o te aroturuki i te hauora me te haumaru o ngā tamariki hei whakatutuki ake. E tika ana kia tīmatahia ngā arotake whaiaro katoa mā te arotahi ki ngā wawata o te whānau mō ngā tamariki, me te aromātai i te ahu whakamua o ngā tamariki.

4 Te Whakatau a te Whānau ki ngā Wāhanga Tautukunga

Te Tirohanga Whānui

I mua o te arotake, i whakakīia e te kaipupuri raihana, te whānau, me ngā kaimahi o te kōhanga reo tētahi Tauāki Kupu Tūturu a te Kōhanga Reo kua Raihanatia, o Pipiri 2013, me tētahi Rārangi Tātari Whaiaro mā te Tari Arotake Mātauranga. I roto i ēnei tuhinga i oati rātou, i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaeretanga ā te whānau
• te hauora, te waiora, me te whai oranga
• ngā whakahaerenga kaimahi
• ngā whakahaerenga pūtea me ngā whakahaerenga rawa.

I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā hua ka puta ki ngā tamariki:

• te haumaru whatumanawa (tāpiri atu ko te whakatau tamariki, ko te ārai i ngā mahi whakaweti, mahi tūkino)
• te haumaru ā-tinana (tāpiri atu ko te whakatau tamariki; ko ngā whakaritenga whakamoe, tiaki tamariki; ko ngā aituā me te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• ngā tohu mātauranga me ngā whakaritenga kaimahi
• ngā whakaritenga, tikanga hōneatanga e pā ana ki te ahi me te rū whenua.

5 Ngā Taunakitanga

E taunaki ana te Tari Arotake Mātauranga kia āta mahi te whānau me ngā kaimahi ki te taha o Te Poari Matua o Ngā Kōhanga Reo, te purapura o te rohe, me ngā mema o te whānau ki te whakatutuki i ngā wāhanga i tāutuhia ai hei whakapai ake, hei whakawhanake ake hoki.

Hei ā hea te Tari Arotake Mātauranga arotake anō a i te kōhanga reo?

Tērā ka whakahaeretia e te Tari Arotake Mātauranga te arotake whai muri, i roto i ngā tau e toru.

Lynda Pura Watson

Kaiurungi Whakatūruki Arotake Māori Māori (Te Uepū-ā-Motu)

27 Kohi-tātea 2015

1 The Education Review Office (ERO) Evaluation

The kōhanga reo is located next to Tutereinga Marae in Te Puna, Tauranga Moana. Whānau, kaimahi and children are related to each other and are affiliated to Ngāti Ranginui and the Takitimu waka.

After discussions with whānau and kaimahi, ERO developed the following evaluative question relating to the kaupapa of Mana Whenua:

To what extent are children confident, independent and enthusiastic learners in their kōhanga reo environment?

Children are developing well as confident, independent and enthusiastic learners in the kōhanga reo environment.

Children are independent learners in the kōhanga reo environment. They have many opportunities to learn about mana whenua through their involvement in marae and community activities. Visits include trips to significant landmarks and historical places. Pictures with captions highlight children’s learning experiences in the kōhanga reo, at the marae and in their wider community. Children display a sense of identity and belonging.

The kaimahi are members of the Pirirākau hapū and local community. Kaimahi desire the best they can for the children in their care. Kaimahi rely on their elders and experienced whānau members for ongoing support and guidance. Kaimahi have the energy, the enthusiasm and the best interests of the children at heart.

2 The Focus of the Review

Before the review, kaimahi and whānau were invited to consider its priorities for review.

The priorities for review were then determined following a discussion between the ERO review team, kaimahi and whānau.

Kaimahi and whānau chose as their focus area:

• Mana Whenua.

All ERO education reviews in kōhanga reo focus on the quality of education. For ERO this includes the quality of:

• whānau self review and strategic planning
• programme planning, assessment and evaluation.

ERO’s findings in these areas are set out below.

3 Findings

Mana Whenua

Background

To what extent are children confident, independent and enthusiastic learners in their kōhanga reo environment?

Children are developing well as confident, independent and enthusiastic learners in the kōhanga reo environment.

Areas of good performance

Children are settled in the kōhanga reo and marae environment. They are independent learners. Children are aware of tikanga and kawa for important occasions like pōwhiri. Taking part in different marae-based kaupapa enables children to learn about who they are, where they come from and where they belong. Children are active participants.

Children are encouraged to make choices and play independently. They choose from a variety of indoor and outdoor activities. They have opportunities to follow their own interests. They are learning to work and play together in positive ways.

Children hear kaimahi and whānau use te reo Māori throughout the day. While they understand te reo Māori and can respond in simple phrases and words, they also readily speak English with each other, kaimahi, whānau and others. This is the development of language learning.

Children display a strong sense of belonging to their hapū, iwi and marae. Tūrangawaewae, ūkaipō, whakatipuranga and whanaungatanga are some of the important cultural concepts that underpin the kaupapa of Tutereinga Kōhanga Reo. Whānau, kaimahi and children have close tribal and ancestral connections. Kaimahi work well together, sharing the responsibilities for the day to day management of the kōhanga reo. They are youthful, energetic and eager to learn about how they can improve what they do in the kōhanga reo. The kuia, korōua and individual whānau members provide ongoing support and guidance.

Children have many opportunities to hear fluent models of te reo Māori within the kōhanga reo, marae complex and the wider community. The kōhanga reo has strong speakers of te reo Māori. They have a deep knowledge of tribal and hapū tikanga, values and beliefs. Whānau acknowledge they should capitalise on this strength.

Areas for development

Children mainly use English in their interactions, work and play. The kōhanga reo is well located within a marae, hapū and iwi context where there is a strong vision and mission for the growth of te reo Māori in Tauranga Moana. The charter goal for te reo Māori is explicit: ko te whāngai i te reo Māori ki ngā mokopuna, kia kōrerohia te reo Māori i ngā wā katoa, kia kore ai e mate.

Whānau and kaimahi agree that there needs to be a deliberate and planned focus on nurturing and embedding important values and practices throughout the learning programme. This includes promoting tuakana teina interactions and whanaungatanga and consistently affirming and reinforcing positive behaviours. Kaimahi maintain a clear record of accidents and incidents involving children but they are yet to use this information to review health and safety for children.

Planning and Evaluation

Areas of good performance

The whānau monitor kōhanga reo operations. The minutes show regular reporting and valuable discussions and decision-making relating to short term and long term goals. The whānau and kaimahi have gathered useful feedback about their strategic goals. This information highlights what is working well and not working well.

Areas for development

Outcomes for children are not used well to inform improvements throughout the kōhanga reo. Self review has a limited focus on operations. The charter, policies and procedures, personnel management and programme planning documents provide limited guidance to the whānau and kaimahi. Whānau acknowledge that there are some aspects of children’s health and safety monitoring needs to be addressed. It is important to begin all self review by focussing on whānau aspirations for children and to evaluate how children are doing.

4 Whānau Management Assurance on Compliance Areas

Overview

Before the review, the licensee, whānau and staff of the kōhanga reo completed an ERO Kōhanga Assurance Statement and Self-Audit Checklist. In these documents they have attested that they had taken all reasonable steps to meet their legislative obligations related to:

• administration
• health, safety and welfare
• personnel management
• financial and property management.

During the review, ERO checked the following items because they have a potentially high impact on outcomes for children:

• emotional safety (including behaviour management, prevention of bullying and abuse)
• physical safety (including behaviour management, sleeping and supervision practices; accidents and medication; hygiene and routines; travel and excursion policies and procedures)
• staff qualifications and organisation
• evacuation procedures and practices for fire and earthquake.

5 Recommendations

ERO recommends that the whānau and kaimahi work closely with the National Te Kōhanga Reo Trust, local purapura and whānau members to address the areas identified for improvement and development.

When is ERO likely to review the kōhanga reo again?

ERO is likely to carry out the next review in three years.

Lynda Pura Watson

Deputy Chief Review Officer Māori (Te Uepū-ā-Motu)

27 January 2015

About the Kōhanga Reo