Fifth Avenue, Fairfield, Hamilton
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Whakapiripiri ki te Iwi ki ngā papa o Te Wharekura o Kirikiriroa. He hononga ā-whakapono ō ngā mokopuna me ngā whānau. E mahi ngātahi ana ngā whānau ki te whakapiki ake i tō rātou māramatanga ki ngā kawenga whakahaere me ngā whakaritenga whakahaere a te whānau.
Ka kitea ki ngā mokopuna tō rātou māramatanga ki te whanaungatanga mā roto mai i ō rātou hononga ki ētahi atu.
Kei te mauritau ngā mokopuna, ā, ka ako ki tētahi taiao e mau ana i ngā hononga whai pūtake. Ko ngā taunekeneke katoa ki waenga i ngā pakeke me ngā mokopuna, kua pai herea ki ngā uara o te aroha, te tiaki, me te manaaki, ā, ka poipoi, ka atawhai hoki i ngā mokopuna. Nā ngā mahinga, he riterite, he tau hoki te āhua o ngā mahi mā rātou. Kei te tino mōhio ngā kaimahi ki ngā mokopuna, ā, ka whakakoro ki te poipoi i ō rātou matea ake. Ka toro atu ngā kaimahi ki te whānuitanga o ngā tūmomo rautaki hei hāpai i te whanaketanga reo o ngā mokopuna, pērā i te waiata, te whāngai kupu, te tāruarua, me te tohutohu. He ngākau titikaha ō ngā mokopuna ki te whakapuaki i tēnā e mōhiotia ana e rātou.
Ko te whanaungatanga te tūāpapa o ngā akoranga. E mōhio ana ngā mokopuna ki ngā ingoa o ngā awa, ngā maunga me ngā tīpuna o te wāhi nei. Ka āta whakatau ngā kaiako i te noho mōhio o ngā mokopuna ki ngā hononga ā-whakapapa ki waenga i a rātou anō, ki tō rātou whenua hoki. He ngahau, he auaha, he pārekareka hoki ngā taumahi ako e whiwhi ana ngā mokopuna. Ka whai whakaaro nui ngā tuākana i a rātou e taunekeneke ana ki ō rātou tēina. Kua tautāwhitia ngā mokopuna ki te whanaungatanga.
He tukanga ā ngā kaimahi mō te whakamahere me te aromatawai. E whai kiko ana ngā mahere, ā, e hāngai ana ki Te Whāriki a Te Kōhanga Reo. Ka whai wāhi ki aua mahere, ko ngā mahere ā-tau, ā-wāhanga, ā-wiki hoki, hei āta whakatau i te whai aronga me te whai pūtaketanga o te hōtaka akoranga. Ko tā ngā huarahi aromatawai, he kapo atu i ngā akoranga me te ahu whakamua a ngā mokopuna. Ka whai hua ngā mokopuna nā te tōpūtanga o ngā whakaritenga kua pou herea ki te whanaungatanga.
Ka hāpai, ka whai pānga anō hoki ngā uara o te whanaungatanga ki te āhua o ngā mahi whakahaere a te whānau i ngā whakaritenga o te kōhanga reo. Tū ai ngā hui ā-whānau i ia te wā, he kaha te taetae atu, ā, he whai wāhitanga mō ngā whānau ki te whakaputa i ā rātou tāpaetanga. Ko ngā pūrongo ka whakatakotohia ki ngā hui o ia marama, ka hāngai ki ngā pūtea, ngā kaimahi, ngā herenga e pā ana ki te tuku mahi, me te pūmautanga o te whānau ki te kaupapa. Ka hāngai ngā tuhinga mahi ki ngā kirimana, ngā tuhinga tūranga mahi, me ngā arowhai e pā ana ki te haumaru o ngā kaimahi. Kua whakatinanahia te mahere rautaki ki Te Ara Tūāpae, ā, ka whai wāhi hoki te tirohanga me ngā wawata o te whānau mō ngā mokopuna. He mārama ki te whānau te ārahitanga me te aronga e whakatakotohia ana ki te tūtohinga. Ko ngā mokopuna kei te pūtake o te whakatau ngātahi a te whānau i ngā whakaritenga.
E ai ki ngā kaimahi, kua tīmata noa tā rātou whai māramatanga ki te aromātai, me tā rātou tuhi i ngā whakataunga, hei whakatairanga ake i te whakapuakitanga o te hōtaka. He mea nui kia whai ngā kaimahi i tētahi aronga nahanaha ki te aromātai hōtaka e whakapakari ai i te kounga o te hōtaka akoranga. Ka whakatairangatia te ako a ngā mokopuna mā te kaha aromātai i te hōtaka.
Ahakoa kua whakamōhiotia te mahere rautaki ki Te Ara Tūāpae, ahakoa ka tautuhi hoki i ngā kaupapa matua mō te whakawhanaketanga tonutanga o te kōhanga reo mō meāke nei, kua tae ki te wā kia whakawhanakehia tētahi mahere mahi, hei aroturuki i te ahu whakamua o ngā whāinga me ngā wawata o te whānau. Ka whai hua ngā mokopuna i te wā e āta whakaaro nuitia ana ō rātou matea mō meāke nei.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
Hei whakatutuki i ngā herenga ā-ture, me tahuri rātou ki te:
āta whakatau kia whakatinanahia, kia whakatakotohia hoki e te whānau tētahi tukanga e aromātai ai i te whai huatanga o te hōtaka akoranga.
[R43 Ture Mātauranga (Kōhungahunga) 2008; C1 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
mahi tonu te whānau ki te taha o te tari ā-rohe o Te Poari Matua o Ngā Kōhanga Reo, kia whai tautoko rātou ki te whakapakari ake i te aromātai hōtaka.
Darcy Te Hau
Toka ā Nuku
Te Uepū-a-Motu – Māori Service
31 Kohitātea, 2023
|
Te tūwāhi |
Kei Kirikiriroa |
|
Te tau a te Tāhuhu o te Mātauranga |
35053 |
|
Te tau tohu o Te Kōhanga Reo |
04C030 |
|
Te tūmomo whare |
He kōhanga reo / he whare kōhungahunga |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
23, kia tokotoru ki raro i te rua o ngā tau |
|
Te tokomaha kei runga i te rārangi ingoa |
18, tokotoru kei raro i te rua o ngā tau |
|
Ngā hononga ā-iwi |
Māori 17; Iwi kē 1 |
|
Te wā i te kōhanga reo te rōpū arotake |
Whiringa-ā-rangi 2022 |
|
Te wā o tēnei pūrongo |
31 Kohitātea 2023 |
|
Ngā pūrongo o mua a |
Arotake Tāpiri, Hakihea 2019; Arotake Tāpiri, Mahuru 2017; Arotake Tāpiri, Here-turi-kōkā 2016 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.
Te Kōhanga Reo o Whakapiripiri ki Te Iwi is situated on the grounds of Te Wharekura o Kirikiriroa. Mokopuna and whānau share whakapapa links to each other. Whānau are working together to increase their understanding of whānau management responsibilities and management practices.
Mokopuna demonstrate their understanding of whanaungatanga through their relationships with others.
Mokopuna are content and learn in an environment where relationships are meaningful. Values of aroha, tiaki and manaaki in all interactions between adults and mokopuna are nurturing and caring. Routines provide them with consistent and predictable practices. Kaimahi know their mokopuna well and endeavour to cater for their specific needs. Kaimahi draw on a range of strategies such as waiata, prompts, repetition, and instruction to support mokopuna language development. Older mokopuna are confident to use what they know.
Whanaungatanga provides the foundation for learning. The names of the local awa, maunga and tīpuna are familiar to mokopuna. Kaiako ensure mokopuna are aware of their whakapapa links to each other and their whenua. Mokopuna experience learning activities that are fun, creative, and enjoyable. Tuakana are considerate when interacting with their tēina. Mokopuna are embraced in whanaungatanga.
Kaimahi have processes in place for planning and assessment. Planning is detailed and aligns to Te Whāriki ā Te Kōhanga Reo. This includes annual, term and weekly plans that ensure the learning programme is focused and purposeful. Assessment methods capture moments of mokopuna learning and progress. Mokopuna benefit from collaborative practices underpinned by whanaungatanga.
Values of whanaungatanga support and reflect how the whānau manage their kōhanga reo operations. Whānau hui are held regularly, are well attended and provide opportunities for whānau to contribute. Reports presented at monthly hui include finances, staffing, employment obligations and whānau commitment to the kaupapa. Employment documentation includes employment contracts, position descriptions and kaimahi safety checks. The strategic plan is informed by Te Ara Tuapae and includes the vision and aspirations whānau hold for mokopuna. The Tūtohinga provides clear guidance and direction for the whānau. Mokopuna are at the centre of collective whanau decision making.
Kaimahi acknowledge they are in the early stages of understanding evaluation and documenting decisions that will enhance programme delivery. It is important that kaimahi take a planned approach to programme evaluation to strengthen the quality of the learning programme. Mokopuna learning is enhanced through sound programme evaluation.
While the strategic plan is informed by Te Ara Tūāpae and identifies priorities for the future development of the kōhanga reo, it is timely that an action plan be developed to monitor the progress of whanau goals and aspirations. Mokopuna benefit when their future needs are well considered.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
Actions for Compliance
To meet compliance requirements, they must:
ensure whānau implement and establish a process to evaluate the effectiveness of the learning programme.
[Regulation 43 Education (Early Childhood Services) Regulations 2008; C1 Licensing Criteria for Kōhanga Reo affiliated with Te Kōhanga Reo National Trust 2008]
ERO and the Kōhanga reo whānau developed the following recommendation:
whānau continue to work alongside Te Kōhanga Reo Regional office for support with strengthening programme evaluation.
Darcy Te Hau
Toka-ā-Nuku – Director
Te Uepū ā-Motu – Māori Review Services
31 January 2023
|
Location |
Hamilton |
|
Ministry of Education profile number |
35053 |
|
Kōhanga Reo Identification Number |
04C030 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
23 children, including up to 3 aged under 2 |
|
Service roll |
18 children, including up to 3 aged under 2 |
|
Ethnic composition |
Māori 17, Other 1 |
|
Review team on site |
November 2022 |
|
Date of this report |
31 January 2023 |
|
Most recent ERO report(s)
|
Supplementary Review, December 2019; Supplementary Review, September 2017; Supplementary Report, August 2016 |
Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.
E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.
Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:
E tū ana Te Kōhanga Reo o Whakapiripiri ki te Iwi ki ngā papa o Te Kura Kaupapa Māori o Te Ara Rima. Kei te whakahaere tonu ngā kaimahi ā-rohe o te Poari Matua o Ngā Kōhanga Reo i ngā pūtea a te whānau me ngā whakaritenga i te tari o te kōhanga reo. Kua roa nei ngā tau e whakaaweawetia ana te kōhanga reo e tō rātou kuia.
E ako ana ngā tamariki ki tētahi taiao e whakatairanga ake ana i tō rātou mana whenua. Tīmata ai tō rātou rā ki ngā karakia o te Pai Mārire, me ngā mōteatea, ngā waiata hoki o Tainui. Ka whai wāhi atu ngā tamariki ki ngā pōwhiri hei tangata whenua. Kei te mōhio ngā kaimahi ki ngā tamariki me ō rātou ake nei ao. Ka hāpai rātou i ngā tamariki ki te tāwhai me te taki i ō rātou pepeha. Ka whakapuaki ngā tamariki i ō rātou pepeha ki ētahi atu. Kua whakatakotohia e ngā kaimahi ngā tikanga ki te hōtaka o ia rā. Kei te mōhio ngā tamariki ki ngā mahinga hei tiaki i a rātou anō. He ngāwari tā rātou whakawhitiwhiti haere i te kōhanga reo. Ka whakamihi, ka whakanui hoki ngā kaimahi i ngā tamariki me ā rātou whai wāhi atu ki ngā kaupapa. Kei te harikoa, kei te mauritau hoki te āhua o ngā tamariki.
Kei te hāngai ake ngā taumata whakahaere a te whānau ki ngā herenga ā-ture o te wā me ngā paearu raihana mō te tiaki tamariki. Kua mahi te Poari Matua o Ngā Kōhanga Reo ki te taha o ngā kaimahi ki te whakahou ake i ngā kaupapa here me ngā tukanga o te tūtohinga, me te whakahāngai ake i ērā ki ngā herenga ā-ture o te wā. Kua kaha ake te aronga atu ki ngā tamariki.
Kāhore i te rawaka ngā taipitopito kōrero ki ngā mahere o te hōtaka. Kei te tāutu ngā mahere o te hōtaka akoranga i ngā taumahi ā-rōpū, engari kāhore e whakatutuki ana i ngā matea o ngā ākonga katoa. Kāhore e āta kitea ana te rerekētanga o ngā tūmomo akoranga me ngā tūmomo taumahi ako mō ngā pēpi, ngā tēina, me ngā tuākana. Kāhore anō ngā tamariki kia whiwhi i ngā painga ka ahu mai i ngā mahere e āta whakahāngaitia ana ki a rātou anō.
Me whakapakari ake i ngā mahi aromatawai. He pūkete ā ngā kaimahi e tohu ana i ngā mahi me ngā tūmomo tākaro a ngā tamariki. E noho wātea ana ēnei ki te whānau me ngā tamariki. E tohu ana ngā pūkete i ngā whakaahua o ngā tamariki me ā rātou mahi toi. Kāhore te ako a ngā tamariki e āta aroturukitia ana.
Kāhore te hōtaka akoranga e aromātaihia ana i ia te wā. He iti noa ngā tuhinga e pā ana ki ngā whakawhitinga kōrero aromātai a ngā kaiako. He uaua ki te kite atu, i pēhea ngā whakarerekētanga ki te hōtaka akoranga e āta whakamahia ana hei hāpai ake i te whakapuakitanga ako o ngā kaiako. Kāhore anō ngā tamariki kia whiwhi i ngā painga ka ahu mai i tētahi hōtaka akoranga e aro pū ana ki a rātou.
Ka whai hua ngā mahi whakahaere a te whānau, mā te whai wāhi mai a te whānau. Kāhore i te rawaka te whai wāhi atu a te whānau ki ngā whakataunga. Ahakoa kei te tākare ētahi o te whānau ki te whakatutuki i ō rātou tūranga me ā rātou kawenga mahi, kāhore anō te huarahi kia parangia kia āhei ai rātou ki te āta whakapuaki mai i ō rātou pūmanawa. Kei te rangirua te āhua o te tauatanga me te whai wāhi mai a te whānau.
I tāutuhia e Te Tari Arotake Mātauranga ētahi wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka whakahaere anō Te Tari Arotake Mātauranga i te aromātai whai muri o Te Kōhanga Reo o Whakapiripiri ki te iwi i roto ngā tau e rua.
Gloria Takuira
Acting Toka ā-nuku
04 Hakihea, 2019
|
Te tūwāhi |
Kei Kukutāruhe, ki Kirikiriroa |
||
|
Te tau a te Tāhuhu o te Mātauranga |
35053 |
||
|
Te tau tohu o te kōhanga reo |
04C030 |
||
|
Te tūmomo raihana |
Te Kōhanga Reo |
||
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
||
|
Te tokomaha mō te raihana |
23 ngā tamariki, kia tokotoru ki raro i te rua o ngā tau |
||
|
Te tokomaha kei te rārangi ingoa |
16 ngā tamariki, tokotoru kei raro i te rua o ngā tau |
||
|
Te ira tangata |
Kōtiro 7 Tama 9 |
||
|
Ngā hononga ā-iwi |
Māori |
100% |
|
|
Te wā i te kōhanga reo te rōpū arotake |
Whiringa-ā-nuku 2019 |
||
|
Te wā o tēnei pūrongo |
04 Hakihea, 2019 |
||
|
Ngā pūrongo o mua a Te Tari Arotake Mātauranga |
Arotake Tāpiri Arotake Tāpiri Arotake Tāpiri |
Mahuru 2017 Here-turi-kōkā 2016 Whiringa-ā-nuku 2013 |
|
A supplementary evaluation is undertaken at the discretion of the Chief Review Officer of the Education Review Office (ERO).
ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.
This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:
Te Kōhanga Reo o Whakapiripiri ki Te Iwi is situated on the grounds of Te Kura Kaupapa Māori o Te Ara Rima. District representatives from Te Kōhanga Reo National Trust (TKRNT) continue to manage whānau finances and administration. The kuia has been a steady influence in the kōhanga reo over several years.
Children learn in an environment that supports their mana whenua. They start the day with karakia of Pai Mārire and sing mōteatea and waiata from Tainui. Children participate in pōwhiri as tangata whenua. Kaimahi know their children and their backgrounds. They support children to repeat and recite their pepeha. Children share their pepeha with others. Kaimahi have established tikanga within the daily programme. Children are familiar with self-care routines. They move around their kōhanga reo with ease. Kaimahi praise and acknowledge children for their contribution. Children appear happy and settled.
Management practices have improved. Current practices are aligned to regulations and licensing criteria. The charter, policies and procedures have been updated. Children’s learning and wellbeing is better prioritised.
Kaimahi quality of learning practices needs attention. Kaimahi do not show understanding of the links between programme planning, assessment and evaluation. It is timely to seek appropriate support to strengthen kaimahi knowledge and practice.
Whānau management is inadequate. Whilst some whānau are enthusiastic about their roles and responsibilities, they have not yet been given the chance to show their capabilities. It is imperative that a strategy is put in place to encourage whānau participation in decision making. In addition, whānau and kaimahi need to work together to follow policies and procedures to strengthen management practices.
ERO identified areas of non-compliance. In order for the kōhanga reo whānau to meet compliance requirements they need to:
ERO and the kōhanga reo whānau developed the following recommendations:
The next ERO evaluation of Te Kōhanga Reo o Whakapiripiri ki te iwi will be within two years.
Gloria Takuira
Acting Toka ā-nuku
4 December 2019
|
Location |
Fairfield, Hamilton |
||
|
Ministry of Education profile number |
35053 |
||
|
Kōhanga Reo Identification Number |
04C030 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
23 children, including up to 3 aged under 2 |
||
|
Kōhanga Reo roll |
16 children, including up to 3 aged under 2 |
||
|
Gender composition |
Girls 7 Boys 9 |
||
|
Ethnic composition |
Māori |
100% |
|
|
Review team on site |
October 2019 |
||
|
Date of this report |
4 December 2019 |
||
|
Most recent ERO report(s) |
Supplementary Report Supplementary Report Supplementary Report |
September 2017 August 2016 October 2013 |
|
Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.
E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.
Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:
E tū ana Te Kōhanga Reo o Whakapiripiri ki te Iwi, ki te hapori o Enderley, i Kirikiriroa. He tokomaha ngā tamariki me ngā whānau o te kōhanga reo nei e hono ā-whakapapa ana ki a Tainui. Whai muri i te pūrongo o mua a Te Tari Arotake Mātauranga i te tau 2016, kua mahi te whānau ki te taha o te Poari Matua o Ngā Kōhanga Reo ki te whakatutuki i ngā take i hāngai ai ki ngā tūranga whakahaere o te whānau, ā rātou kawenga whakahaere anō hoki, ngā mahi whakahaere me ngā mahere rautaki. E whakahaere tonu ana te Poari Matua o Ngā Kōhanga Reo i ngā take pūtea e whai pānga ana ki ngā rauemi me ngā whakawhanaketanga ako. Nō te Haratua o te tau 2017 tētahi whakaratonga SELO i whakatūngia ai, ā, kua mahi ki te taha o te whānau me ngā kaimahi ki te whakapai ake i te kounga o ngā akoranga a ngā tamariki.
E pihi ana te ako a ngā tamariki kōhungahunga nei i te reo Māori. Ka whakamahi ngā kaimahi i te whānuitanga o ngā tūmomo taumahi reo hei whakawhanake i te reo o ngā tamariki. Ka whakamahi ngā kaimahi i ngā karakia, ngā waiata, me ngā pepeha hei whakatakoto haere i ngā hanganga reo papai mā ngā tamariki. He whai wāhitanga kei ngā kēmu kia kōrerorero ngā kaimahi ki ngā tamariki mā te reo Māori, mō te āhua o ā rātou akoranga. Ka akiaki ngā kaimahi i ngā tamariki ki te whakapuaki i ngā karakia e mōhiotia ana e rātou, ki te waiata, ā, ki te pānui pukapuka hoki ki te taha o te whānau, i a rātou e whanake haere ana i tō rātou māramatanga, tā rātou whakamahinga anō hoki i te reo Māori. Ka kohe ngā tamariki nohinohi, ka whakamahi hoki i te reo tinana hei whakapuaki i ō rātou whakaaro ki ētahi atu. Ka taea e ētahi o ngā tamariki te whakawhiti kōrero mā te reo Māori.
E ārahi ana ngā matea whanaketanga o ngā tamariki i te hōtaka akoranga. Kua mahi tētahi ratonga SELO ki te taha o ngā kaimahi, ki te whakapai ake i ngā whakaritenga e pā ana ki te whakamahere hōtaka, te aromātai, me te aromatawai. Ka tāutu ngā mahere i ngā whāinga o te pae tata me te pae tawhiti, i te whānuitanga o ngā tūmomo taumahi, ā, i ngā kupu hou, ngā hanganga reo anō hoki. E hono ana aua mahere ki Te Whāriki, ā, e whakamahia ana hei whakatinana haere i ngā hōtaka akoranga. Kua tīmata ngā kaimahi ki te whakaemi i ngā whakaahua me te whakatau haere i ngā kitenga e pā ana ki ia tamaiti, i a rātou e whakawhanake ana i ngā whakaritenga ka whakapai ake anō hoki i ā rātou mahi aromatawai. He aronga ki te whakarato i ngā hōtaka akoranga e poipoi ana i ngā tamariki nohinohi me ngā tamariki kōhungahunga. Ahakoa he ngohengohe te whakapuakitanga o ngā kaimahi i ngā kaupapa mahi, he whāiti noa ngā whai wāhitanga mō ngā tamariki nohinohi ki te whakawhānui ake i ā rātou wheako ako. Ka whai whakaarohia ngā matea ako o ētahi o ngā tamariki.
Ko tētahi āhuatanga e noho matua ana ki te whānau, ko te waiora o ngā tamariki. Kua tīmata te whānau ki te whakawhanake i ngā kaupapa here me ngā tukanga ka whakapūmau i te noho haumaru me te waiora o ngā tamariki, engari me whakawhanake tonu hei whakatutuki i ngā herenga ā-ture. Ahakoa kua ahu whakamua te whānau i roto i te whakahaeretanga o ngā kaimahi – tae atu ki ngā tuhinga tūranga mahi me te arowhai a ngā pirihimana i ngā kaimahi – kāhore anō te arohaehae kaimahi kia oti. E whai whakaaro ana ki te noho haumaru o ngā tamariki.
Ka whakamanahia ngā tamariki ki te aronga rautaki a te kōhanga reo. Nā te arotake i te tūtohinga, he tuhinga tā te whānau e whakaraupapa ana i ngā uaratanga me ngā tikanga Māori e hāpai ana i ngā whakahaeretanga o te kōhanga reo. Kua whakaritea Te Ara Tūāpae me ngā mahere ā-tau. E tāutu ana te mahere ā-tau i ngā whāinga me ngā kaupapa matua ka whai ake ā meāke nei. Ko te aronga o ngā akoranga a ngā tamariki ā meāke nei, e noho matua ana.
Me whakawhanake ake i ngā mahi ki te whakamahere mō ngā matea o ia tamaiti. Kāhore i ngā kaimahi tētahi tino tukanga ki te tāutu i ngā matea ako o ngā tamariki, me te whakawhanake i ngā rautaki me ngā hōtaka ka whakawero, ka whakawhānui ake hoki i ā rātou akoranga. Kāhore anō kia whakaritea te aromātai hōtaka, hei aroturuki, hei arotake hoki i te hōtaka akoranga. Kāhore anō te ako a ngā tamariki e āta aroturukitia ana.
E mōhio ana te whānau, me whakawhanake tonu i ngā whakaritenga whakahaere. Ahakoa ka arotake rātou i ngā kaupapa here, kāhore anō kia whakahāngaitia ēnei ki ngā herenga ā-ture e tika ana. Kāhore anō kia oti te kaupapa here, te whakatinanatanga anō hoki o te arohaehae, ā, kāhore anō hoki kia whakamahia hei whakatakoto haere i tētahi hōtaka whakawhanaketanga ngaio mā ngā kaimahi.
Ngā wāhanga e pai ana te whakahaere
Kua whakatutukihia ngā wāhanga herenga ā-ture i tāutuhia ai ki te pūrongo o mua hei whakapai ake. Kua whakawhanakehia e te whānau tētahi mahere mahi e whakaraupapa ana i ngā mahi me te huarahi ka whai ake i roto i aua āhuatanga. Heoi, kua pupū ake ētahi atu wāhanga kāhore e tutuki ana e ai ki te ture.
I tāutuhia e Te Tari Arotake Mātauranga ngā wāhanga kāhore e tutuki ana e ai ki ngā ture. Kia whakatutukihia e te whānau o te kōhanga reo āna herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā:
Ka whakahaere anō Te Tari Arotake Mātauranga i te aromātai whai muri o Te Kōhanga Reo o Whakapiripiri ki te iwii roto ngā tau e rua.
Lynda Pura-Watson
Kaiurungi Whakaturuki Arotake Māori
28 Mahuru, 2017
|
Te tūwāhi |
Kei Kirikiriroa |
||
|
Te tau a te Tāhuhu o te Mātauranga |
35053 |
||
|
Te tau tohu o te kōhanga reo |
04C030 |
||
|
Te tūmomo raihana |
Te Kōhanga Reo |
||
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
||
|
Te tokomaha mō te raihana |
23 ngā tamariki, kia tokotoru ki raro i te rua o ngā tau |
||
|
Te tokomaha kei te rārangi ingoa |
16 ngā tamariki, tokotoru kei raro i te rua o ngā tau |
||
|
Te ira tangata |
Kōtiro 6 Tama 10 |
||
|
Ngā hononga ā-iwi |
Māori |
100% |
|
|
Te wā i te kōhanga reo te rōpū arotake |
31 Hōngongoi 2017 |
||
|
Te wā o tēnei pūrongo |
28 Mahuru, 2017 |
||
|
Ngā pūrongo o mua a Te Tari Arotake Mātauranga |
Arotake Tāpiri Arotake Tāpiri |
Pipiri 2013 Hōngongoi 2016 |
|
A supplementary evaluation is undertaken at the discretion of the Chief Review Officer of the Education Review Office (ERO).
ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.
This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:
Mana Reo
Planning and Evaluation – including whānau management responsibilities and internal evaluation practices
Te Kōhanga Reo o Whakapiripiri Ki Te Iwi is in Enderley, Hamilton. Many children and whānau have whakapapa links to Tainui. Since the 2016 ERO report, the whānau has been working with Te Kōhanga Reo National Trust (TKRNT) to address the issues related to whānau management roles and responsibilities, management practices and strategic planning. TKRNT continue to manage financial matters related to resources and learning developments. A SELO provider was appointed in May 2017 and has been working with whānau and kaimahi to improve the quality of children’s learning.
Children are early learners of te reo Māori. Kaimahi use a variety of language activities to develop children’s language. Kaimahi use karakia, waiata and pepehā to provide children with good language learning structures. Games allow opportunities for kaimahi to talk with children in te reo Māori about their learning. Kaimahi encourage children to share karakia they know, sing waiata and read books with whānau as they develop their language understanding and use. Younger children also babble and use body language to communicate with others. Some children can communicate using te reo Māori.
Children’s developmental needs guide the learning programme. A SELO provider has been working with staff to improve programme planning, evaluation and assessment practices. Planning identifies long term and short term goals, a range of different activities, and new vocabulary and language structures. These plans are linked to Te Whāriki and are used to inform the programmes of learning. Staff have begun to gather photos and make observations about individual children, as they develop practices to improve their assessment practices. There is a focus to provide learning programmes that cater for younger and older children. Although staff are flexible in their delivery, there are limited opportunities for younger children to extend their learning experiences. Some children’s learning needs are considered.
Children’s well-being is important to whānau. The whānau has begun developing policies and procedures related to maintain children’s safety and well-being, however further development is needed to meet legislative requirements. Although the whānau has made progress with personnel management including job descriptions and police vetting, staff appraisal has not been completed. Children’s safety is considered.
Children are acknowledged in the strategic direction for the kōhanga reo. As a result of the charter review, the whānau has a document that outlines values and tikanga Māori to support kōhanga reo operations. Te Ara Tūāpae and annual planning is in place. The annual plan identifies future goals and priorities. The future of children’s learning is important.
Planning for the needs of individual children requires further development. Staff do not have a clear process to identify children’s learning needs, to then develop strategies and programmes to challenge and extend their learning. Programme evaluation is not yet in place to monitor and review the programme of learning. Children’s learning is not yet well monitored.
The whānau acknowledge management practices need further development. While they review policies, these have not been aligned to the relevant regulations. Appraisal policy and implementation has not been completed, and neither has it been used to inform a programme of professional development for staff.
Areas of progress
Areas of non-compliance identified in the previous report have been addressed. The whānau has developed an action plan to show actions and how progress will be made in these areas. Nevertheless there are further matters of non-compliance.
ERO identified areas of non-compliance. In order for the kōhanga reo whānau to meet compliance requirements they need to:
provide guidance and support for staff to regularly evaluate the quality of delivery to cater for children’s learning and development [Regulations 43 (Early Childhood Services) Regulations 2008; C1-13 Licensing Criteria for Kōhanga Reo affiliated with Te Kōhanga Reo National Trust 2008]
ensure that good management practices are focussed on improvement for children. [Regulation 47 (Early Childhood Services) Regulations 2008; C1-2 Licensing Criteria for Kōhanga Reo affiliated with Te Kōhanga Reo National Trust 2008]
ERO and the kōhanga reo whānau developed the following recommendation:
develop and implement internal evaluation practices to improve the quality of programme, in particular programme delivery and whānau management practices for children.
The next ERO evaluation of Te Kōhanga Reo o Whakapiripiri ki te iwi will be within two years.
Lynda Pura-Watson
Deputy Chief Review Officer Māori
28 September 2017
|
Location |
Hamilton |
||
|
Ministry of Education profile number |
35053 |
||
|
Kōhanga Reo Identification Number |
04C030 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
23 children, including up to 3 aged under 2 |
||
|
Kōhanga Reo roll |
16 children, including up to 3 aged under 2 |
||
|
Gender composition |
Girls 6 Boys 10 |
||
|
Ethnic composition |
Māori |
100% |
|
|
Review team on site |
31 July 2017 |
||
|
Date of this report |
28 September 2017 |
||
|
Most recent ERO report(s) |
Supplementary Report Supplementary Report |
June 2013 July 2016 |
|