Te Kōhanga Reo o Wharehoa

1 Te Horopaki

I ahu mai te Whakarehu Te tū ai ko hea

E tū ana Te Kōhanga Reo o Wharehoa ki te taha o te tari ā-rohe o te Poari Matua o Ngā Kōhanga Reo ki Waiwhetū, i Te Whanganui-a-Tara. Ko te whāinga, ko te whakatakahanga hoki o te kōhanga reo, ko te whakapuaki i ngā uaratanga Māori tuku iho o te manawa whakahī ki te ahurea, o te aronga toi whenuatanga anō hoki ki te whānau me ngā tamariki. He pai te tiaki i te kōhanga reo mō ngā tamariki. Ka whakamahi te whānau i He Rākau, i Pūrākau rānei me Te Whāriki, hei angamahi e whakamōhio ana, e ārahi ana, e āta hāpai ana hoki i te nuinga o ngā āhuatanga ki te whakahaeretanga o te kōhanga reo me te hōtaka akoranga.

2 Ngā Whakaaturanga o te Arotake

He pēhea rawa ngā tamariki e whakaatu i te whanaungatanga?

Ka kitea te whanaungatanga o ngā tamariki mā te pai o ngā taunekeneke me ngā hononga.

Ngā Taumata Whakahirahira

Ka rumakina ngā tamariki ki tētahi taiao o te reo Māori. Ka rongo rātou i te reo Māori e kōrerohia ana puta noa i te rā. Ka mārama ngā tuākana i ngā tohutohu i roto i te reo Māori. Ka whakawhiti kōrero ngā kuia ki ia tamaiti, puta noa i te rā, hei hāpai i te whakawhanaketanga o tō rātou reo Māori. Kei te waia haere ngā tamariki ki te reo Māori.

Ka ako ngā tamariki i ngā uaratanga o te whanaungatanga, puta noa i te hōtaka akoranga. Ka whiwhi rātou i ngā whai wāhitanga papai ki te ako takitahi me te ako takirōpū. Ka ako rātou ki te hīraurau hopanga, ki te mahi auaha, ā, ki te whakamahi anō hoki i ō rātou whakaaro pohewa hei whakawhānui ake i ā rātou akoranga. Ka whai wāhi atu ngā kuia ki ngā tamariki, ā, ka whakapūmau rātou i te mahi ngahau me te katakata i roto i ā rātou tākaro. Ka ako ngā tamariki i te manaaki, te whakahoahoa, te ngākau nui, te harikoa, te pārekareka me te aroha, mai i ō rātou kuia. Ka ngākau nui ngā tamariki ki ngā whai wāhitanga ki te taunekeneke me te kai tahi ki te taha o te whānau. Ka whakatauira ngā pākeke i ngā tikanga e pā ana ki ngā wā kai, pērā i ngā karakia. He ākonga mauritau, he ākonga harikoa hoki ngā tamariki.

He pai te whakamahinga a ngā tamariki i tō rātou wāhi ako. E wātea ana ki a rātou ngā rauemi o te kounga kairangi, ā, ka kōkiri rātou i ā rātou ake taumahi, ka kawe ake hoki rātou i ā rātou ake akoranga. Tākaro ai ngā tamariki ki waho i ia te wā, puta noa i te rā. He pai te mātakitaki i a rātou. He pai te whai wāhi atu a ngā tamariki ki ngā taunekeneke me ngā hononga whakahoahoa. He pārekareka ki ngā tamariki tō rātou noho ki te kōhanga reo.

Te Whakamahere me te Aromātai

Kei ngā mahere hōtaka me ngā aromatawai ngā mōhiohio e pā ana ki te hōtaka akoranga. Kei te hōtaka o ia rā te hanganga me te ngohengohe. E whakarato ana ngā kaupapa mahi i te whānuitanga o ngā tūmomo wheako akoranga mō ngā tamariki. He mārama ngā hononga ki Te Whāriki, ki Ngā Taumata Whakahirahira, ā, ki te angamahi Rākau o te kōhanga reo. Ka whakatakotohia ki te hōtaka te tino ārahitanga mā ngā kaimahi ki te whakapuaki i te hōtaka akoranga. Ka whakamahi ngā kaimahi i ngā pūkete me ngā pūrongo ahu whakamua e arotahi ana ki te reo Māori, ki ngā puka kitenga, ā, ki ngā putanga ako o Te Whāriki hei aroturuki i ngā akoranga a ngā tamariki. E tino tautokona ana te ako a ngā tamariki.

He pai te whakahaeretanga i ētahi āhuatanga o ngā whakaritenga ki te kōhanga reo. Arotakehia ai ngā kaupapa here i ia te wā. Kua whakaritea, kua whakahāngaitia hoki ngā kaupapa here matua, ngā tukanga matua, ngā whakaritenga me ngā rehita e pā ana ki te hauora me te haumaru. Ka whakatutukihia te aromātai o roto i te nuinga o ngā wāhanga o te kōhanga reo. I tēnei wā e whakahoungia ana e te whānau tā rātou pūnaha arohaehae me tā rātou mahere ā-tau, i runga anō i te āhua o tā rātou angamahi Rākau. Ka whakaarohia ngā tamariki i roto i ngā whakataunga.

Ngā Whakaritenga Matua ka Whai Ake

Kāhore ngā kaimahi e aromātai ana i te whai huatanga o te hōtaka akoranga. Kāhore e taea e rātou te pūtake o te aromātai te āta whakapuaki. E mōhio ana ngā kaimahi, ko te aromātai i te hōtaka i ia te wā ka āta whakarite i te whakaaro nui ki ngā matea matua o ngā tamariki hei ākonga. Kāhore ngā tamariki e whiwhi ana i ngā hua ka puta i tētahi hōtaka e aroturukitia ana, e aromātaitia ana hoki i ia te wā.

Kāhore i te rawaka te whakahaere i ngā kaimahi. He ngoikore te whakariterite i ngā tino tuhinga, ā, he uaua anō hoki ki te rapu. Kāhore anō kia oti ngā tuhinga e pā ana ki ngā tūranga mahi a ngā kaimahi, tae atu hoki ki te arowhai a ngā pirihimana i ngā kaimahi.

Kāhore i oti te Tauāki Kupu Tūturu a te Whānau o Te Kōhanga Reo, me ngā Rārangi Tātari Whaiaro mā te Tari Arotake Mātauranga, hei wāhanga tonu o te arotake. Nā tēnei, kāhore te whānau i oati, kei te whāia e rātou ngā huarahi whai take ki te whakatutuki i ngā herenga ā-ture e pā ana ki te ako me te atawhai o ngā tamariki.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ngā wāhanga kāhore e tutukihia ana e ai ki te ture. Kia tutukihia e te whānau o te kōhanga reo āna herenga ā-ture, me tahuri rātou ki te:

• whakarite i te whakatinanatanga o ngā mahi whakahaere kaimahi e tika ana, tae atu ki te arohaehae i ngā kaimahi
  [R 47 Ture Mātauranga (Kōhungahunga) 2008; Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008 GMAS 7]
• āta whakarite, kia arowhaingia e ngā pirihimana ngā tāngata katoa e mahi ana ki te taha o ngā tamariki i te kōhanga reo
  [s319D Te Ture Mātauranga 1989]
• āta whakarite i te whakatutukitanga a te kaiwhakahaere ratonga i ngā tikanga herenga ā-ture, ā, kia waitohungia tētahi tauāki kupu tūturu mō te whānau, hei tohu i te whakatutukitanga o ngā herenga ā-ture.
  [Ture Mātauranga (Kōhungahunga) 2008; Ngā Aratohu mō ngā Tauāki Kupu Tūturu a te Whānau o Te Kōhanga Reo, me ngā Rārangi Tātari Whaiaro]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakawhanakehia, kia whakatinanahia hoki ngā kirimana tūranga mahi, mā ngā kaimahi katoa
• whakaotia ngā tuhinga mōhiohio a te kaituitui
• whakaotia te arowhai a ngā pirihimana i ngā kaimahi
• whakapakarihia te aromātai hōtaka.

Kia tahuri te Poari Matua o Ngā Kōhanga Reo ki te hāpai i te whānau o te kōhanga reo ki te whakatutuki i ngā herenga ā-ture kāhore anō kia whakatutukihia.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Wharehoa i roto ngā tau e rua.

Lynda Pura-Watson

Kaiurungi Whakaturuki Arotake Māori

28 Pipiri, 2017

Ngā kōrero e pā ana ki te kōhanga reo 

1 Context

I ahu mai te Whakarehu Te tū ai ko hea

Te Kōhanga Reo o Wharehoa is next to Te Kōhanga Reo National Trust(TKRNT) district office in Waiwhetū, Welington. The aim and mission of the kōhanga reo is to share traditional Māori values of pride of culture and belonging with whānau and children. The kōhanga reo is well maintained for children. The whānau use he Rakau or Pūrākau also known as the Knowledge Tree, together with Te Whariki, as the framework used to inform, guide and influence most aspects of kōhanga reo operations and the learning programme.

2 The Evaluation Findings

How well do children demonstrate whanaungatanga?

Children demonstrate whanaungatanga through positive interactions and relationships.

Ngā Taumata Whakahirahira

Children are immersed in a te reo Māori environment. They hear te reo Māori spoken throughout the day. Tuakana understand instructions in te reo Māori. Kuia have conversations with each child during the day to support their te reo Māori development. Children are becoming familiar with te reo Māori.

Children learn the values of whanaungatanga throughout the learning programme. They experience positive opportunities for learning on their own and with others. They learn to solve problems, to be creative and to use their imagination to extend their learning. Kuia engage with children and reinforce fun and humour in their play. They learn from their kuia about manaaki, whakahoahoa, ngākau nui, harikoa, pārekakeka and aroha. Children enjoy opportunities to interact and share meals with whānau. Adults model tikanga for meal times including karakia. Children are settled and happy learners.

Children use their learning environment well. They have access to high quality resources where they initiate their own activities and take responsibility for their learning. Children regularly play outdoors during the day. They are well supervised. Children participate positively in social and physical interactions and relationships. Children enjoy their time at kōhanga reo. 

Planning and Evaluation

Programme planning and assessment provides information for the learning programme. The daily programme includes structure and flexibility. Kaupapa mahi provide a range of learning experiences for children. There are clear links to Te Whāriki, Ngā Taumata Whakahirahira and the kōhanga reo Rākau framework. The programme provides a clear guide to kaimahi in the delivery of the learning programme. Kaimahi use profiles, progression reports that focus on te reo Māori, observations journals, and Te Whariki learning outcomes to monitor children’s learning. Children’s learning is well supported.

Some aspects of kōhanga reo operations are well managed. Policy reviews are regular. Core health and safety and wellbeing and care policies, procedures, practices and registers are in place and aligned. Internal evaluation is carried out across most areas of the kōhanga reo. Whānau are currently reframing their appraisal system and their annual plan according to their Rākau framework. Children are considered in decision making.

Key Next Steps

Kaimahi do not evaluate the effectiveness of the learning programme. They are unable to articulate clearly the purpose of evaluation. Kaimahi acknowledge that ongoing evaluation of the programme will ensure that children’s priorities as learners are considered. Children do not benefit from a programme that is regularly monitored and evaluated.

Personnel management is inadequate. Important documents are poorly organised and difficult to locate. Kaimahi employment documentation is incomplete including police vetting.

As a part of the review process a Kōhanga Whānau Assurance Statement and Self-Audit Checklists were not completed. The whānau has not attested to ERO that they are taking all reasonable steps to meet legal requirements regarding the learning and care of children.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

• ensure suitable personnel management practices including staff appraisals are implemented
  [R47, Early Childhood Education and Care Centres 2008, Licensing Criteria, GMAS 7]
• ensure all those working with children at kōhanga reo are police vetted
  [S319D Education Act 1989]
• ensure that the service provider/management is complying with regulatory requirements and a signed assurance statement on behalf of whanau provides evidence of compliance with regulatory requirements.
  [Education (Early Childhood Services) Regulations 2008, Guidelines for Licensed Kōhanga Whānau Assurance Statement and Self-Audit Checklists]

4 Recommendations

ERO and the Kōhanga Reo whānau developed the following recommendations:

• develop and implement employment contracts for all kaimahi
• complete co-ordinators information sheet
• complete police vetting of kaimahi
• strengthen programme evaluation.

The National Trust support the kōhanga whānau to attend to matters of non-compliance.

When is ERO likely to evaluate the kōhanga reo again?

The next ERO evaluation of Te Kōhanga Reo o Wharehoa will be within two years.

Lynda Pura-Watson

Deputy Chief Review Officer Māori

28 June 2017

Information about the Kōhanga Reo