Te Kōhanga Reo Tuatahi o Tokoroa - 28/11/2017

1 Te Horopaki

E tū ana Te Kōhanga Reo Tuatahi o Tokoroa ki te tāone o Tokoroa. He hononga anō hoki ōna ki ngā rohe o Te Waiariki me Raukawa. He hononga ā-hapū, ā-iwi hoki ō te whānau, puta noa i Aotearoa. Ko te kōhanga reo tētahi wāhi e whakakoi ana i te tuakiri, te reo, me ngā tikanga tuku iho o te whānau. He pai ngā pūrongo o mua i whiwhia ai e te whānau.

2 Ngā Whakaaturanga o te Aromātai

He pēhea rawa te kite i te ngākau nuitanga o ngā tamariki ki te ako i te reo Māori, i tō rātou tuakiri, me tō rātou ahurea?

E whakawhanake ana ngā tamariki i ngā pūkenga ki te kōrero i te reo Māori, ā, ka kitea tō rātou pārekareka i roto i ngā akoranga e pā ana ki tō rātou tuakiri me tō rātou ahurea.

Ngā Taumata Whakahirahira

E tino tautokona ana te ako a ngā tamariki i te reo Māori. Ka whakamahi ngā kaimahi i te whānuitanga o ngā tūmomo rautaki e whakapakari ana i te reo o ngā tamariki. Ka whakatauira rātou i te reo Māori, mā te tohutohu, te ārahi i te whai whakaaro nui ki ētahi atu, me te whakamihi i ngā whakamātau a ngā tamariki. He nui ngā whakawhitinga kōrero ki waenga i ngā kaimahi me ngā tamariki i a rātou e whai wāhi atu ana ki ngā taumahi ako. Ko ngā patapatai, ngā mahi ā-ringa, me ngā tohu ā-kanohi hoki, e hāpai ana i te pārekareka o te ako a ngā tamariki i te reo Māori. Ka aro nui ngā kaimahi ki ngā tamariki hei āta hāpai ake ki te kōrero mā te reo Māori ki ētahi atu. E whakawhanake ana ngā tamariki i ngā pūkenga ki te kōrero i te reo Māori.

E ako ana ngā tamariki ki tētahi taiao e poipoi ana i a rātou mā te manaaki me te whakaute. Ko te whakawhanaungatanga tētahi āhuatanga matua ki te kōhanga reo. Ko te whai wāhi nui mai o ngā kuia ki te kōhanga reo, e āta poipoi ana i ngā hononga ā-whakatupuranga o ngā tamariki. Ka poipoi ngā kaimahi i te noho o te tuakana me te teina ki waenga i ngā tamariki. Ka ako ngā tamariki tuākana ki te manaaki me te hāpai i ngā tēina. Ka kōkiri ngā kaimahi i te whai wāhi mātātoa o ngā tamariki ki ngā kaupapa i te hapori, mā te whakawhanake i ngā hononga ki tua atu i te whānau o te kōhanga reo. Ko te whanaungatanga kei te pūtake o ngā taunekeneke katoa. He whakaute ngā tamariki i roto i ō rātou hononga ki ētahi atu.

E whanake ana ngā tamariki hei ākonga tūmāia. Ka arotahi ngā akoranga ki tō rātou hapori whānui me ngā āhuatanga e whai pānga nui ana ki Waikato. Ko ngā hītori me ngā kōrero tuku iho, tae atu hoki ki Te Kīngitanga, e tuitui katoatia ana i te hōtaka akoranga. Ka whakarato ngā kaimahi i ngā whai wāhitanga mō ngā tamariki ki te whakatewhatewha me te tūhura i tō rātou taiao whānui. He wāhi ki te kōhanga reo - ki tua atu hoki i te kōhanga reo - hei tirohanga mā ngā tamariki, ā, hei wāhi tākaro anō hoki mō te takitahi, mō te takitini rānei. E wātea ana ngā tamariki ki te mahi auaha mā ngā taputapu, me te whakaatu anō hoki i ō rātou pūmanawa toi. Ka āta whakarite te whānau i te maha o ngā rauemi i roto i ngā akoranga a ngā tamariki, ā, e hāpaitia ana tēnei āhuatanga i ngā tūmomo whiringa i ngā taumahi. Ka kitea te ngākau nui o ngā tamariki ki te taiao o tō rātou hapori, o te rohe whānui hoki.

Te Whakamahere me te Aromātai

Ka whai ngā kaimahi i ngā tino tukanga whakamahere. He aronga ki te whai pūtaketanga o ngā akoranga ki ngā tamariki. Ka whakamahere ngā kaimahi mō ngā tūmomo rōpū reanga, ā, e ārahi ana hoki tēnei i tā rātou whakapuakitanga. Ka whakaatuhia ngā mahere kia noho mōhio ai ngā mātua ki te hōtaka akoranga. E whai kiko ana ngā mahere ā-wāhanga, hei whakarato i te angamahi ki te whakawhanake i ngā taumahi o ia wiki me ia rā. E whiwhi ana ngā tamariki i ngā hua ka puta i te pai o ngā mahere.

E aroturukitia ana, e tino tuhia ana hoki te ako a ngā tamariki. Kei ngā pūkete a ia tamaiti te pai o ngā mōhiohio mā te whānau, tae atu ki ngā rārangi arowhai whakawhanaketanga, me te kiko o ngā aroturukitanga e pā ana ki te ahu whakamua me ngā whakatutukitanga o ngā tamariki. Ko te reo Māori tētahi aronga matua o ngā aromatawai.

I ngā wā katoa e tuhi haere ana ngā kaimahi i te whai huatanga o ā rātou hōtaka akoranga. E tū auau ana ngā hui, ā, e whai wāhi ana ki te ahu whakamua o ngā akoranga a ngā tamariki. Tuhia ai ngā tauāki aromātai ia wiki. Ka whakaemihia ēnei ki ngā pūrongo a ngā kaimahi, ā, ka whakatakotohia ki ngā hui ā-whānau. E whiwhi ana ngā tamariki i ngā painga e ahu mai ana i ngā mahi whakamahere, te aromatawai, me te aromātai hōtaka.

Kua whakaritea e te whānau tētahi mahere rautaki, me ngā kaupapa here, ngā tukanga hoki. Arotakengia ai ēnei i ia tau. E whai kawenga ana rātou hei kaituku mahi, ā, ka āta whakarite rātou, kia arohaehaengia ngā kaimahi i ia tau. E whakamōhio ana ngā arohaehae i ngā whāinga ako ngaio o ia kaimahi.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

  • whakawhanake tonuhia e te whānau ō rātou pūkenga me ō rātou mātau, hei whakatairanga tonu i te kaupapa o te kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo Tuatahi o Tokoroa i roto i te toru o ngā tau.

Lynda Pura-Watson

Kaiurungi Whakaturuki Arotake Māori

28 Whiringa ā-rangi, 2017

Ngā kōrero e pā ana ki te kōhanga reo

Te tūwāhi

Kei Tokoroa

Te tau a te Tāhuhu o te Mātauranga

35040

Te tau tohu o Te Kōhanga Reo

05D009

Te tūmomo raihana

He Kōhanga Reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

40, kia tokowaru ki raro i te rua o ngā tau

Te tokomaha kei te rārangi ingoa

13, tokotoru kei raro i te rua o ngā tau

Te ira tangata

Kōtiro 5

Tama 8

Ngā hononga ā-iwi

Māori

100%

Te wā i te kōhanga reo te rōpū arotake

Whiringa-ā-nuku 2017

Te wā o tēnei pūrongo

28 Whiringa ā-rangi, 2017

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Mātauranga

Mahuru 2014

Poutū-te-rangi 2011

Kohi-tātea 2007

1 Context

Te Kōhanga Reo Tuatahi o Tokoroa is located in the Tokoroa township. It has links to the Waiariki and Raukawa regions. The whānau have links to hapū and iwi across Aotearoa. The kōhanga reo is a place for whānau to affirm their identity, language and traditions. The whānau have a positive reporting history.

2 The Evaluation Findings

How well do children show interest in learning about te reo Māori, their identity and culture?

Children are developing the skills to speak te reo Māori and show enjoyment in learning about their identity and culture.

Ngā Taumata Whakahirahira

Children are well supported to learn te reo Māori. Kaimahi use a range of strategies to strengthen children’s language. They model te reo Māori through giving directions, advice of being thoughtful towards others and praising children’s efforts. There are lots of conversations between kaimahi and children as they participate in learning activities. Questions, hand actions and facial expressions support children to have fun with learning te reo Māori. Kaimahi give attention to some children who need more support to talk with others in te reo Māori. Children are developing skills to be speakers of te reo Māori.

Children learn in an environment where they are treated with care and respect. Relationships are a key feature of the kōhanga reo. The presence of kuia preserves intergenerational connections for the children. Kaimahi foster tuakana teina relationships amongst children. The older children learn to care and support tēina. Kaimahi plan for children to be an active part in community events by developing relationships beyond the kōhanga reo whānau. Whanaungatanga is the basis for all interactions. Children are respectful in their relationships with others.

Children are developing as confident learners. Learning focuses on their local surroundings and what is important to Waikato. Local history and stories including Kīngitanga are integrated into the learning programme. Kaimahi provide children with opportunities to investigate and explore their surroundings. There are places in and around the kōhanga reo where children can investigate and play on their own or with others. Children have the freedom to be creative with equipment and show their artistic talents. Whānau ensure children’s learning is well resourced to support choices of activities. Children show interest in the local and wider environments.

Planning and Evaluation

Kaimahi follow sound planning processes. There is a focus purposeful and meaningful learning for children. Kaimahi plan for different age groups that guides them with delivery. This is displayed to keep parents informed about the learning programme. Term plans are detailed to provide a framework to develop the weekly and daily activities. Children benefit from good planning.

Children’s learning is monitored and well documented. Individual profile books contain good information for whānau including developmental checklists and detailed monitoring of children’s progress and achievement. Te reo Māori is a strong focus for assessment.

Kaimahi consistently note the effectiveness of their learning programmes. Regular meetings contribute to progressing children’s learning. Evaluative statements are documented weekly. These are collated into kaimahi reports that are tabled at hui whānau. Children benefit from planning, assessment and programme evaluation.

Whānau have in place a strategic plan and policies and procedures. These are reviewed annually. They are responsible employers ensuring that kaimahi are appraised annually. Appraisals inform professional learning goals for respective kaimahi.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

  • The whānau continue to develop their skills and expertise to further promote the kaupapa of kōhanga reo.

When is ERO likely to evaluate the kōhanga reo again?

The next ERO evaluation of Te Kōhanga Reo Tuatahi o Tokoroa will be in three years.

Lynda Pura-Watson

Deputy Chief Review Officer Māori

28 November 2017

Information about the Kōhanga Reo

Location

Tokoroa

Ministry of Education profile number

35040

Kōhanga Reo Identification Number

05D009

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

40 children, including up to 8 aged under 2

Kōhanga Reo roll

13 children, including up to 3 aged under 2

Gender composition

Girls 5

Boys 8

Ethnic composition

Māori

100%

Review team on site

October 2017

Date of this report

28 November 2017

Most recent ERO report(s)

Education review

Education review

Education review

September, 2014

March, 2011

January, 2007