Te Kura Kaupapa Māori o Hoani Waititi - 01/06/2013

1 Ko ngā Whakamāramatanga me te Horopaki

Ko Te Kura Kaupapa Māori o Hoani Waititi Marae te tuatahi o ngā Kura Kaupapa Māori Te Aho Matua i whakatūngia ai. Kei Glen Eden tēnei kura, ki te hauāuru o Tāmaki-makau-rau, ā, e whakarato ana i te mātauranga rumaki o Te Aho Matua ki ngā ākonga o ngā Tau 1 ki te 15. Ka tautuhi te tauāki taketake i te wawata o te whānau, arā,

‘Kia whakapuakihia te hiranga o te mātauranga Māori mā te reo Māori me ngā tikanga, mā Te Aho Matua hoki, hei āta whakarite i te tino kounga o te mātauranga mō ia tamaiti, mō ia whānau.’

Ko ngā pūrongo o mua a Te Kura Kaupapa Māori o Hoani Waititi Marae, i tohu i ngā take i hāngai ai ki te kāwanatanga, te ārahitanga, te whakahaeretanga, me te kounga o te whakaako me te ako. I te tau 2010, he nui te ahunga whakamua ki te whakatutuki haere i aua take. Engari, i tohu te pūrongo o te tau 2010, kia tautoko tonu te Kaiwhakahaere Manatū ā-wā. I tāutu hoki, me arohaehae i ngā kaiwhakahaere matua, ngā kaupapa here me te whakatinanatanga o te hauora me te noho haumaru, te whakaako, te ako, te aromatawai, me te pūrongo hoki i ngā mōhiohio e pā ana ki ngā paetae ākonga.

Mai i taua wā, kua whakatūngia e te poari tētahi tumuaki hou. He mātanga te tumuaki hou, he kaiārahi ngaio hoki i roto i ngā Kura Kaupapa Māori o Te Aho Matua. He kaiwhakahaere pakari, mātau hoki ia, e arotahi ana ki ngā putanga ka whai hua ki ngā ākonga. Ahakoa kua whakatūngia tētahi Kaiwhakahaere Manatū ā-wā hou, e kawe katoa ana te tumuaki i te whakahaeretanga, te ārahitanga hoki o te kura.

2 Te Whanaketanga

He pēhea rawa te tautoko i ngā ākonga kia angitu ai i roto i te taiao akoranga rumaki o Te Aho Matua?

E tino tautokona ana ngā ākonga ki Te Kura Kaupapa Māori o Hoani Waititi Marae kia eke angitu ai i te taiao akoranga o Te Aho Matua. He whānui ngā tūmomo whai wāhitanga ako papai e whakatutuki ana i ngā tūmomo matea, ngā tūmomo huarahi ako hoki o ngā ākonga, mai i te tau 1 ki te 15. Ka whakamanatia ngā ākonga, he pakari tā rātou ake kōkiri, ā, he mātātoa tā rātou whai wāhi ki ā rātou akoranga.

Te Ira Tangata

Te ahurea ngaio. He hakune te poari me te tumuaki i roto i ā rātou mahi ki te whakatairanga i te ahurea ngaio. Kua tāutuhia e te tumuaki ngā tino tūmanako ngaio mō ngā kaimahi katoa, mō ngā ākonga hoki. Kei te pūtake o te aronga hou, ko te hoki anō ki Te Aho Matua, puta noa i te kura. Ko ngā wānanga o Te Aho Matua he whai wāhitanga ki te arotahi anō ki ngā tino mātāpono e whakatakoto ana i te aronga ki te mātauranga.

Te māramatanga o ngā whakawhitinga kōrero. He mārama ngā whakawhitinga kōrero a te tumuaki me te poari ki ngā kaimahi me te whānau. Ko te arotahi anō ki te whakawhānui ake i ngā mōhiotanga me te whakapuakitanga o Te Aho Matua, ki ngā ariā e pā ana ki te tino ārahitanga a te whānau, ki te reo Māori, ā, ki te whai pānga ki te angitu ā-tinana, ā-wairua, ā-whatumanawa, ā-hinengaro hoki o ngā ākonga, e whakatakoto ana i te tino pūtake, te whai huatanga hoki o ngā whakawhitinga whakaaro ngaio. Nā tēnei, ka whakatinanahia te māramatanga, te koi hoki o ngā whakawhitinga kōrero ki ngā kaupapa e whai pānga nui ana ki Te Kura Kaupapa Māori o Hoani Waititi Marae.

Te Whānau. He pai ki te whānau ngā whakawhanaketanga puta noa i te kura. He tākare rātou mō ngā wānanga o Te Aho Matua, me te whakahou ake o te aronga ki ngā ākonga me ā rātou ekenga angitu. He pai ā rātou kōrero e pā ana ki te mauritau o te kura, me te whakarerekētanga o ngā tūmanako me te āhua mahi. He takatika te whānau mō te āhua o Te Kura Kaupapa Māori o Hoani Waititi Marae hei ngā tau kei te heke mai.

Ngā Ākonga. Ka kitea te pai o ngā whaiaro o ngā ākonga ki te whānuitanga o ngā tūmomo horopaki. I te wā o te arotake, ka kitea ngā ākonga hei tangata whenua e noho whakaute ana ki ngā manuhiri, ā, e taunekeneke pai ana hoki ki ō rātou hoa i ngā wā whakatā. Ko te hononga o te tuakana me te teina he whai wāhitanga mō ngā tuākana ki te tū hei tino tauira. He harikoa te āhua o ngā ākonga.

Te Reo

Te reo Māori. E arotahi ana te tumuaki me ngā kaimahi ki te mātauranga rumaki mō ngā ākonga o te wharekura. Nā tēnei, e piki ake ana ngā whiringa kaupapa e whakaakona ana mā te reo Māori. Ko te tino hua ka āta kitea, ko te piki ake anō i te whakamahinga o te reo Māori puta noa i te wharekura, ā, kua piki ake ngā taumata o te reo Māori e whakamahia ana e ngā ākonga, ki te whānuitanga anō hoki o ngā tūmomo horopaki.

Āhuatanga Ako

Ngā whakahaeretanga a te wharekura mō te tau 2012. Nā te hiranga mō te whakarerekētanga me te whakapaitanga o ngā tūmanako e pā ana ki ngā paetae ākonga, ka whai pānga ki te whakahaeretanga whānui anō hoki o te wharekura. He tino wero ngaio tēnei mā ngā kaimahi. Nā tēnei, kua tāutuhia ake te tūmanako kia ārahi, kia whakatauira hoki ngā ākonga hei tuakana. Nā ngā whakawhitinga kōrero ki te whānau me ngā kaimahi, kua whakaritea tētahi whāinga ki te whakatakoto haere i tētahi pūkete e pā ana ki te ākonga i tōna putanga i Te Kura Kaupapa Māori o Hoani Waititi Marae. Ko te whakamahere i te marautanga me te aronga o te hōtaka ētahi atu āhuatanga whakamahine i whakamaheretia ai. Tāpiri atu ki tēnei, he aronga anō hoki ki te whakahaeretanga o ngā hōtaka o Te Taumata Mātauranga ā-Motu Kua Taea, hei āta whakarite i te māramatanga o te aroturuki o te ahunga whakamua me ngā paetae ākonga, puta noa i te hōtaka mahi.

Te angitu o ngā ākonga. Ka tahuri ngā ākonga ki ngā akoranga, ā, ka arotahi ki ngā putanga ka whai hua. Nā te arotahi anō ki te mātauranga, i rerekē anō hoki te ahurea e whai pānga ana ki te kounga o ngā whakaakoranga me ngā akoranga. E mōhio ana ngā ākonga ki ngā tūmanako, ā, he tākare ake tā rātou whai wāhi atu.

Te ārahitanga, te whakahaeretanga

Te ārahitanga ngaio. Kua whakatūngia tētahi tumuaki hou ki te ārahi i Te Kura Kaupapa Māori o Hoani Waititi Marae. Ko te tino ngaio o tana aronga, ōna mātanga hoki ka whakanuia ā-motu, puta noa hoki i ngā Kura Kaupapa Māori o Te Aho Matua. Nā tana whakatūnga, he wawe te Tāhuhu o te Mātauranga ki te whakaiti haere i te whai wāhitanga me ngā mahi a te Kaiwhakahaere Manatū ā-wā, ā, i pakari ake anō hoki ngā hononga ki ngā ratonga mātauranga. Ka tino taunaki ia i te arotake whaiaro, ā, i tīmata wawe ia ki te mahi ki te taha o ngā kaimahi me te whānau ki te whakahāngai i te aronga ki ngā matea o ngā ākonga.

Te ārahitanga a te poari. Ka noho pūmau te heamana o te poari ki Te Kura Kaupapa Māori o Hoani Waititi Marae, ki te eke angitu o ngā ākonga, me tōna tūnga hei heamana o te poari. Nā tōna aronga ki te ngaiotanga, ka whai hua i a ia e mahi ngātahi ana me te poari. Ka whakamana tōna aronga i ngā kaitiaki o te poari, ā, he tākare rātou ki te whakatakoto i te pūmautanga ki Te Kura Kaupapa Māori o Hoani Waititi Marae.

Te whakapakaritanga ake o te ārahitanga mātauranga. E noho pūmau ana te kāhui amorangi ki te whakarato i te ārahitanga mātauranga e whakamahia ana te ngātahi o ō rātou pūmanawa. Ka whakatauira rātou i ngā tūmanako nui ki ngā kaimahi, ā, ka whakarato i te tautoko tonutanga i ngā wā e tika ana. Kua whakaritea te ahurea ngaio, ā, he tino huarahi pai tēnei mō rātou ngā kaimahi ki te whakawhānui ake i te ngaio ki te kura. Ka tino whakapuaki ngā kaiako i tō rātou ngākau nui ki te whakaako me te ako.

Te kāwanatanga

Te Kaiwhakahaere Manatū ā-wā. I whai tēnei tūranga i tēnā i whakaritea ai, ā, i nāianei kua oti āna whakahaeretanga. Kua ū te heamana me te tumuaki ki te āta whakawhiti kōrero ki te Kaiwhakahaere Manatū ā-wā hei āhuatanga tonu o ngā whakawhitinga ngaio. Engari, he pai tonu ngā mahi whakahaere a te poari, te tumuaki, te whānau, me ngā kaimahi, me te kore whai wāhi mai o taua ratonga o waho.

Te Tāhuhu o te Mātauranga. He nui ngā whakarerekētanga ki te Tāhuhu o te Mātauranga ki te rohe o Tāmaki-makau-rau. I taua wā, he iti noa ngā whakawhitinga kōrero ki waenga i Te Kura Kaupapa Māori o Hoani Waititi Marae me ngā māngai o te Tāhuhu o te Mātauranga. I te marama o Pipiri, i te tau , i whiwhi ai te heamana o te poari i tētahi reta e whakaraupapa ana i te āhua tonu o ngā mahi a te Kaiwhakahaere Manatū ā-wā. I tautuhi te reta, ka aroturukihia, ka arotakengia hoki te tūnga o te Kaiwhakahaere Manatū ā-wā hei te wāhanga tuatoru o 2012, hei tātari i te whakakorenga pea o taua whai wāhi ki te kura. Kāhore te aroturuki, te arotake rānei i whakatutukihia. Heoi anō, me whakakore te tūnga, nā te tino ahunga whakamua o Te Kura Kaupapa Māori o Hoani Waititi Marae, me te pai ake anō hoki o te kura ki te kōkiri i a ia anō.

Whakaritenga Whaimuri

He pai te tūnga o te poari, te tumuaki, te whānau me ngā kaimahi ki te tāutu i ā rātou mahi ka whai ake. Kua whakaritea e rātou te māramatanga o ngā whakaritenga, ā, he pai te whakamahi ngātahi o ēnei me te arotake whaiaro, te haere tonutanga o te whakamahinetanga, me te whakataunga o ngā whakaritenga.

3 Te Marautanga

He pēhea te whānuitanga o te arotake whaiaro ki te whakamōhio i ngā whakataunga e whai hua ana, me te whakarite i te whānau ki te rōnaki tonu i ngā mahi?

Nā te nahanaha me te putanga mai o te arotake whaiaro i ia te wā, e āhei ana te whānau whakahaere, te whānau, ngā kaiako, me ngā ākonga ki te whakatau whakaritenga i runga i te noho mōhio, ā, mō ā rātou mahi ka whai ake.

Te arotake whaiaro rautaki. Nā te arotake whaiaro rautaki ka whai kiko ngā whai wāhitanga mō te whānau ki te arotahi ki ngā mahi i whakatutukihia ai, ō rātou mōhiotanga ki aua āhuatanga, me ngā mahi ka whai ake tonu mā rātou. E arotahi ana te poari me te whānau ki te whakapai haere, me tā rātou whāinga, arā, ‘Kia whakapuakihia te hiranga o te mātauranga Māori mā te reo Māori me ngā tikanga, mā Te Aho Matua hoki, hei āta whakarite i te tino kounga o te mātauranga mō ia tamaiti, mō ia whānau.’ Kua whai pānga nui tēnei puta noa i ngā wāhanga katoa o te whakaako, te ako, te whakahaeretanga, te ārahitanga, me te kāwanatanga.

Te arotake whaiaro i ia te wā. He ohu ā te poari, ā, e kawe matua ana ēnei i ngā tūmomo āhuatanga e pā ana ki te kāwanatanga. Ka hui tahi rātou, ā, ka whakarato i ngā pūrongo ōkawa e pā ana ki ā rātou ake kaupapa arotahi. Kei ngā pūrongo a te tumuaki te koi o ngā mōhiohio e pā ana ki ngā take mātauranga me ngā paetae ākonga. Nā ngā arohaehae kaimahi, ka whiwhi ngā kaimahi i ngā kōrero urupare i ia te wā. Ka whakatōpūngia ngā aromātai hōtaka a ngā kaiako, me ā rātou tuhinga kōrerorero ki ngā mōhiohio aromatawai, hei whakamōhio i te whakamahere hōtaka, hei whakahāngai hoki i ngā akoranga a ngā ākonga.

Ngā putanga Te Taumata Mātauranga ā-Motu Kua Taea. Nā te pakari, te tūturu hoki o te tātari i ngā paetae ākonga o Te Taumata Mātauranga ā-Motu Kua Taea i roto i te reo matatini me te pāngarau, ka pupū ake te hiranga ki te whakahāngai anō i ngā whakaakoranga me ngā akoranga ki te wharekura. I roto i te tātari, i tāutuhia e te tumuaki ngā taumata ka whai ake, ā, ka whakarato hoki i te aronga nahanaha i whai pānga ai ki te whānuitanga o ngā āhuatanga i hāngai ki ngā paetae ākonga. Nā tēnei, he aronga tō te ahunga whakamua, ā, he nui hoki ngā tūmanako, me te tautoko. E arotahi ana te Kāhui Amorangi ki ngā whakapaitanga ka whai wāhi nui hei painga ake ki ngā ākonga.

Te arotake whaiaro whakatinana. Ko te arotake whaiaro whakatinana he whai wāhitanga mō te poari, te whānau, te tumuaki me ngā kaimahi ki te whakapuaki whakaaro e pā ana ki te whakamahine tonutanga, puta noa i te kura. Ka tino taunaki te tumuaki i te whai wāhitanga nui o ngā take ka pupū ake, me te whai pānga o ēnei ki te whai huatanga o ngā rerekētanga puta noa i te kura.

Te Whakatau a te Poari ki ngā Wāhanga Tautukunga

I mua o te arotake i whakatutukitia e te poari whakahaere me te tumuaki te Tauāki Kupu Tūturu a Te Poari mā te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ō rātou herenga ā-ture e pā ana ki:

  • ngā whakahaerenga ā te poari
  • te marautanga
  • ngā whakahaerenga e pā ana ki te hauora, te haumaru me te oranga tinana
  • ngā whakahaerenga e pā ana ki ngā kaimahi
  • ngā whakahaerenga pūtea
  • ngā whakahaerenga e pā ana ki ngā rawa.

I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tikanga whakauru kaimahi hou
  • te whakaunu, te aukati, te pana me te whakarerenga
  • te tae ā-tinana atu o ngā ākonga ki te kura.

4 Te Rōnakitanga o ngā Mahi a te Kura

Ngā taunakitanga, tae atu ki ērā ka pā ki ētahi atu umanga, kia whai tautoko tonu ai te kura.

Kia whakakore te Tāhuhu o te Mātauranga i te whai wāhi o te Kaiwhakahaere Manatū ā-wā.

Kia whakamahi tonu te poari, te whānau, te tumuaki, me ngā kaimahi i te pakari o te arotake whaiaro me te aronga ki te tirohanga o Te Kura Kaupapa Māori o Hoani Waititi Marae, hei ārahi tonu i tā rātou aronga ā meāke nei.

Hei ā hea te Tari Arotake Mātauranga arotake anō ai i te kura?

Tērā ka whakahaeretia e te Tari Arotake Mātauranga te arotake whai muri, i roto i ngā tau e toru.

1 Background and Context

Te Kura Kaupapa Māori o Hoani Waititi Marae is the first established Te Aho Matua Kura Kaupapa Māori. It is located in Glen Eden, West Auckland and provides Te Aho Matua, immersion education for Year 1 to 15 students. The mission statement defines the whānau aspiration,

‘To deliver excellence in Māori education through te reo Māori and tikanga, based on Te Aho Matua that ensures quality education for each child and whānau’.

Hoani Waititi has had consecutive reviews that highlighted concerns with governance, leadership, management and the quality of teaching and learning. In 2010, a lot of progress had been made to address these concerns. However, the 2010 review highlighted the need for continued support from the Limited Statutory Manager (LSM). It also identified a need for the appraisal of senior management, health and safety policies and implementation, and teaching, learning, assessment and reporting of student achievement information.

Since that time, the board appointed a new principal. The new principal is an experienced, Te Aho Matua Kura Kaupapa Māori professional leader. He is a confident, competent practitioner focused on positive outcomes for students. Although a new LSM has been appointed, the principal has taken full responsibility for the leadership and guidance of the school.

2 Learning

How well are students supported to be successful in a Te Aho Matua immersion learning environment?

Students at Hoani Waititi are well supported to be successful in a Te Aho Matua learning environment. A range of positive learning opportunities respond to the different needs and learning pathways of students from year 1- 15. Students are valued, independent and actively engaged in their learning.

Te Ira Tangata

Professional culture. The board and principal are deliberate in their actions to promote a professional culture. The principal has defined high professional expectations of all staff and of students. At the core of the new direction is a refocus on Te Aho Matua throughout the school. The Te Aho Matua wananga provide opportunity to refocus on a strongly principled approach to education.

Open and transparent communication. The principal and board have open and transparent communications with staff and whānau. The refocus on expanding knowledge and practical use of Te Aho Matua, the concepts of strong whānau leadership, te reo Māori and the impact on student success across the physical, spiritual, emotional and intellectual dimensions provides a strong purpose and an effective base for professional discussions. This manifests as clear and concise communication on what matters most at Hoani Waititi.

Whānau. The whānau are positive about developments across the kura. They are enthusiastic about the Te Aho Matua wānanga and the renewed focus on students and their success. They talk positively about the calm across the kura and the general change with expectations and performance. Whānau are positive about the future of Hoani Waititi.

Students. Students display positive attitudes in a range of situations. During the review students were observed as tangata whenua respectful of manuhiri and interacting positively with peers during breaks. Tuakana teina relationships provide opportunity for tuakana to be positive role models. Students appear happy.

Te Reo

Te Reo Māori. The principal and staff are focused on immersion education for wharekura students. This has seen a change with secondary options that are increasingly taught in te reo Māori. The most obvious impact has been the increased use of te reo Māori across the wharekura, with students using te reo Māori at higher levels and across a range of situations.

Āhuatanga Ako

Wharekura operations 2012. The impetus for change and improved student achievement expectations led to a focus on wharekura operation generally. This provides a strong professional challenge for staff. This has also seen a more defined expectation for students about leadership and their modelling as tuakana. Through discussions with whānau and staff, a goal for producing an ideal graduate profile of Waititi has been set. Curriculum planning and programme responsiveness is another feature of planned refinement. In addition it has there is a focus on the management of NCEA programmes to ensure clear monitoring of student progress and achievement throughout the programme of study.

Student success. Students are engaged in learning and focused on positive outcomes. The educational refocus has seen a change in culture that influences the quality of teaching and learning. Students are aware of expectations and engage with increased enthusiasm.

Leadership and management

Professional leadership. A new principal was appointed to the leadership role at Hoani Waititi. His highly professional approach and experiences are acknowledged nationally and throughout Te Aho Matua Kura Kaupapa Māori. With his appointment, immediate changes occurred with the MoE decision to lessen the LSM role and function and relationships with education agencies improved. He is a strong advocate of self review and began promptly working alongside staff and whānau to focus responsiveness on the needs of students.

Board leadership. The board chairperson has a strong commitment to Hoani Waititi, student success and his role as board chairperson. His focus on professionalism stands him in good stead when working with the board of trustees. His approach is empowering for board members who are keen to see long term sustainability at Hoani Waititi.

Strengthened educational leadership. The kāhui amorangi, senior staff, are committed to providing educational leadership that utilises their collective strengths. They model high expectations for staff and provide ongoing support as required. A professional culture has been established and this provides a positive forum for staff to expand as professionals at the kura. Kaiako clearly articulate their commitment to teaching and learning.

Governance

The Limited Statutory Manager. This role has followed its initial intention and has ceased functioning as a matter of course. The board chairperson and principal have maintained effective communication with the LSM as a part of professional exchange. However the board, principal, whānau and staff function well without this external provision.

The Ministry of Education. The MoE has undergone significant change in the Auckland region. During this time Hoani Waititi has had minimal communication from MoE representatives. In June 2012 the board chairperson received a letter outlining the role of the continued LSM role. The letter defined that the LSM role would be monitored and reviewed in term 3 of 2012 to determine whether the intervention should be revoked. The monitoring and review did not occur. Nevertheless the role should be revoked as Hoani Waititi has made significant progress and is better equipped as a self determining kura.

Next steps

The board, principal, whānau and staff are well positioned to define their next steps. They have established clear plans and use these well alongside self review, ongoing refinement and decision making.

3 Self Review and sustainable performance

To what extent does self review inform effective decision making and position the whānau for sustained performance?

Strategic, regular and emergent self review, enable the whānau whakahaere, whānau, kaiako and students to make informed decisions about what their next steps should be.

Strategic self review. Strategic self review provides realistic opportunities for whānau to focus on what has happened, how they know and the next steps they need to take. The board and whānau are focused on improvement and their goal, ‘To deliver excellence in Māori education through te reo Māori and tikanga, based on Te Aho Matua that ensures quality education for each child and whānau’. This has been instrumental across all areas of teaching and learning, management leadership and governance.

Regular self review. The board has ohu with direct responsibilities for aspects of governance. They meet and provide formal reports about their specific areas of focus. Principal reports provide concise information about education matters and student achievement. Staff appraisal provides regular feedback for staff. Kaiako programme evaluations and anecdotal notes combine with assessment information to inform programme planning and to focus student learning.

NCEA results. A strong and honest analysis of student achievement results for NCEA 1 / 2 literacy and numeracy has provided the impetus to refocus teaching and learning in wharekura. Within the analysis the principal identified next steps and provided a planned approach that acknowledged a range of factors that affect student achievement. Consequently there is a focused pathway forward, with high expectations and support. Te Kāhui Amorangi and staff are focused on improvements that are most likely to benefit students

Emergent self review. Emergent self review provides opportunities for the board, whānau, principal and staff to contribute to ongoing refinement across the school. The principal is a strong advocate for the importance of matters that arise that could influence positive change throughout the school.

Board assurance on legal requirements

Before the review, the board of trustees and principal completed the ERO Board Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

4 Sustainable Performance and Self Review

Recommendations, including any to other agencies for ongoing or additional support.

The Ministry of Education should revoke the Limited Statutory Manager.

The board of trustees, whānau, principal and staff should continue using strong self review and the focus on the vision of Hoani Waititi to guide their future direction.

When is ERO likely to review the kura again?

ERO is likely to carry out the next review in three years.

Makere Smith

National Manager Review Services Māori (Te Uepū-ā-Motu)

1 June 2013

About the Kura

Location

Glen Eden, Auckland

Ministry of Education profile number

279

Kura type

Composite (Year 1-15)

Kura roll

178

Gender composition

Girls 84

Boys 94

Ethnic composition

Māori

100%

Special Features

Te Aho Matua Wharekura

Review team on site

April 2013

Date of this report

1 June 2013

Most recent ERO reports

Te Aho Matua Review

Te Aho Matua Review

Te Aho Matua Special review

November 2010

July 2009

June 2006