Te Kura Kaupapa Māori o Hurungaterangi - 25/07/2017

Ngā Whakaaturanga

E tū ana Te Kura Kaupapa Māori o Hurungaterangi ki Rotorua. Ka kitea ki ngā ākonga tō rātou oranga ā-tinana, ā-wairua, ā-whatumanawa hoki, tō rātou māramatanga ki ō rātou mana āhua ake, me te mōhio, te whakaute hoki mō rātou anō, ā, mō ētahi atu hoki. He pakari tō rātou reo Māori, ā, e whakamana ana rātou i ngā akoranga tuku iho e whakatinanahia ana i te ao hurihuri nei.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Hurungaterangi i roto i ngā tau e toru, arā, ko Te Rākeitanga. 

1 Te Horopaki

E tū ana Te Kura Kaupapa Māori o Hurungaterangi ki Rotorua. Ka whakarato te whānau i te mātauranga mō ngā tau 1 ki te 13. E whakahaere ana mā ngā mātāpono o Te Aho Matua, ā, e whai pānga matua ana hoki Te Aho Matua ki te mātauranga e whāngaihia ana.

I whiriwhirihia e te whānau, ko Rongomātāne me te māra te aronga o tēnei arotake. I arotahi taua kaupapa ki ngā tikanga tuku iho e whakamahia ana i tēnei ao hurihuri, me ngā hononga ki waenga i te tangata me te taiao māoriori, tūturu hoki.

2  Te Tino Uaratanga

He pēhea rawa ngā ākonga e whakatinana ana i ō rātou pūmanawa ake, kia puāwai ai ō rātou tino pitomata?

Ka kitea ki ngā ākonga tō rātou oranga ā-tinana, ā-wairua, ā-whatumanawa hoki, tō rātou māramatanga ki ō rātou mana āhua ake, me te mōhio, te whakaute hoki mō rātou anō, ā, mō ētahi atu hoki.

Te Ira Tangata

Ka kitea te tākare o ngā ākonga ki te ako. E pou here ana Te Aho Matua i ngā hononga i ngā akoranga. Ka whai wāhi matua te whānau ki tētahi taiao i waihangatia ai ki ngā uaratanga, ngā whakapono, me ngā tikanga anō hoki o Te Aho Matua. Ko Rongomātāne me te māra te kaupapa ako puta noa i te kura, ā, nā tēnei i tūhonohono haere ngā ākonga i ngā tikanga tuku iho i te ao hurihuri, i manaaki hoki rātou i te whenua, ā, i whakamana hoki rātou i ngā mōhiotanga me ngā pūkenga o ngā atua Māori. Ka toro atu anō hoki aua hononga ki te āhua o te manaakitanga o ngā ākonga ki waenga i a rātou anō, tae atu hoki ki ngā kaiako, ngā mātua, me ngā tūmomo rōpū hapori. Nā ngā hōtaka akoranga ka whai wāhi ngā ākonga ki te whakatinana i aua mōhiotanga ki ngā tikanga e whakatairanga ana i te whakaaro whānui ki te whānuitanga o ngā tūmomo horopaki. Ka akiaki te whānau i ngā ākonga ki te whakamahi i aua uaratanga, whakapono, mōhiotanga, tikanga hoki i a rātou e taunekeneke ana ki ētahi atu i ngā tūmomo horopaki. Ka kōkiri te ākonga i a ia anō, ka tū takitahi, ā, ka ngana hoki ki te ako.

Te Reo

He pakari ngā ākonga ki te whakawhitiwhiti kōrero mā te reo Māori. E noho pūmau ana te whānau ki ngā whāinga rautaki e whakapakari ana i te reo. Ko te whānuitanga o ngā tūmomo hōtaka akoranga ngaio mā ngā kaiako me ngā mātua, e hāpai ana ki te whakapakari ake i te āheinga reo. Ka whakaemi, ka tātari hoki ngā kaiako i ngā hōtuku reo matatini hei tāutu i ngā matea o ia ākonga. Ka whakamahi rātou i aua hōtuku ki te whakahāngai i ngā rautaki ako ki te whakawhānui i te matatau o ngā ākonga ki te kōrero, te pānui, te whakarongo, me te tuhituhi i roto i te reo. He pūnaha aroturuki, he whakaritenga anō hoki e ārahi ana i ngā mahi a ngā kaiako ki te aru i te ahu whakamua o ia ākonga i roto i te reo Māori, ā, ki te whakatutuki anō hoki i ō rātou matea i roto i te hōtaka akoranga. E ākina ana te tūhura o ngā ākonga i te reo mā ngā kīwaha, ngā mōteatea, me ngā whakataukī. Ka whakahāngai ngā kaiako i ngā hōtaka ki ngā hanganga reo e tika ana mō ia rōpū reanga, ka akiaki rātou i ngā ākonga ki te tūhura i ngā tūmomo taera, ā, ka whakapuakihia ki a rātou te reo Māori e kōrerohia ana ki te whānuitanga o ngā tūmomo horopaki. Ka whakatairanga ngā kaiako i te hīraurau hopanga o ngā ākonga, mā te āta akiaki i tā rātou aro nui ki ngā hua o ngā rapanga e whāia ana e rātou i roto i ā rātou akoranga. Ka rumakina ngā ākonga ki te hōhonutanga o ngā tūmomo horopaki ako reo.

Ngā Iwi

He manawa whakahī tō ngā ākonga mō ō rātou tātai whakapapa, tātai hononga anō hoki ki te whānau, te hapū, me te iwi. Ka whakanuia te whanaungatanga mā te whakamana i te whakapapa o Hurungaterangi, i ngā hononga ki a Te Arawa, ā, i ngā tūmomo hononga ā-hapū, ā-iwi anō hoki o ngā ākonga me te whānau. Ka whai pānga matua te manaakitanga ki te āhua o te tū o ngā ākonga hei tangata whenua, me ā rātou kawenga mahi puta noa i te kura. Ka ārahi, ka hāpai aua tūmanako i ngā tikanga whakaaro ako o te whānau me ngā ākonga. E whakarato ana ngā wheako ako i ngā whai wāhitanga mō ngā ākonga ki te whakahonohono i roto i te hapori whānui tonu. Tū ai ngā kaupapa i ia te wā kia taunekeneke ngā ākonga ki ētahi atu i roto i ngā hākinakina, ngā kaupapa ahurea, ā, ka whakawhanaunga atu hoki hei tangata whenua ki ngā manuhiri nō tāwāhi, ka whai wāhi atu hoki ki ngā hōtaka ā-hapori. E hāpai ana aua taumahi ki te poipoi i te whanaungatanga ki ngā hapori whānui, ā, ka kitea ā-kanohi hoki rātou i ngā huihuinga Māori. E tū pakari ana ngā ākonga nā tō rātou mōhiotanga ki tō rātou reo, tō rātou tuakiri, me tō rātou ahurea.

Te Ao

Ka kitea ki ngā ākonga ngā tino pūkenga ki te āta whakatewhatewha me te āta tūhura haere i te ao Māori me te ao whānui. Ko te aronga ako a te whānau, ko te whakarato i ngā mōhiotanga, ngā pūkenga, me ngā whakaritenga tuku iho ki ngā ākonga i roto i tētahi wāhi ako moroki. Ka hāpai ngā atua Māori i te whakatinanatanga o te whānau i ngā whakaritenga ki te manaaki, te whakaute, me te aroha hei kaitiaki. Ko ngā tūranga me ngā kawenga mahi a ngā ākonga me te whānau e poipoi ana i aua whakaritenga ki te whānuitanga o ngā tūmomo horopaki, puta noa i te kura. Ko te pākiki tētahi āhuatanga e whai pānga nui ana ki te hōtaka akoranga. E ākina ana ngā ākonga ki te whakatewhatewha, te tūhura, me te rangahau anō hoki i ngā tūhonohono ki roto i te taiao māoriori, tūturu hoki. E āhei ana rātou ki te whakatewhatewha i ngā whakaritenga ake a te iwi me te whai pānga nui o ēnei ki te ahurea. Nā te hangarau mōhiohio ka whakapā atu ngā ākonga ki te ao whānui, ā, ka whai wāhi atu hoki ki te tūhura i ētahi atu taiao. Ka whakawero aua rautaki i ngā ākonga ki te tūhonohono, me te whakamahi i ō rātou pūkenga ki te whānuitanga o ngā tūmomo horopaki e whakawhānui ana i tō rātou tirohanga ki te ao. Ka āta aro nui ngā ākonga ki ngā tikanga o te ao Māori e whakatinanahia ana i te ao hurihuri nei.

Āhuatanga Ako

E tino aro nui ana ngā ākonga ki ngā whai wāhitanga ako. Ka arotahi te kounga o te mātauranga ki ngā painga mō ngā ākonga. Ko Te Aho Matua me Ngā Hua o te Ako ētahi tuhinga matua e whakarato ana ki ngā kaiako me te whānau te tino aronga me te ārahitanga ki te whakatutuki i ngā tūmanako, puta noa i te kura. Ka kawe ngātahi ngā kaiako me te whānau i ngā mahi ki te aroturuki i te ahu whakamua o ngā ākonga i ia rā, ki te whānuitanga o ngā tūmomo horopaki ako. Ka whai wāhi nui, ka whai pānga nui anō hoki te whānau ki te tāutu i ngā whāinga ako a ā rātou tamariki. Ka whakamahi ngā kaiako i aua whāinga ki te whakatinana haere i ngā mahere hōtaka me ngā whakaritenga aromātai, ā, ki te aroturuki anō hoki i te ahu whakamua o ngā ākonga i roto i ngā akoranga. Ka whakaemi ngātahi te whānau me ngā kaiako i ngā hōtuku e pā ana ki te ako a ngā ākonga. Ka whai wāhi atu te whānau ki ngā tirohanga ki te ngana o ngā ākonga i te kāinga me te hapori whānui. Ka whakamahi ngā kaiako i te whānuitanga o ngā tūmomo taputapu aromatawai whānui o te reo matatini me te pāngarau, ā, i ngā tūmanako ako hoki o te kura, ki te aroturuki i te ahu whakamua o ngā ākonga me ā rātou whakatutukitanga. Ka hāpai te whakapuakitanga o ngā taumahi ako i te whai wāhi atu o ngā ākonga ki ngā wheako e whai pūtake ana, e whai kiko ana. He ngana, he pākiki hoki ngā ākonga ki te ako.

Te Mātauranga i te Wharekura

He aronga tuitui tā ngā kaiako ki te marautanga i te wharekura. Ka whakahāngai rātou i ngā akoranga a ngā ākonga ki Te Taumata Mātauranga ā-Motu kua Taea. E wātea ana ki ngā ākonga te katoa o te marautanga, ā, e whakarato ana i ngā huarahi mō ngā akoranga me ngā tohu mātauranga ka whai ake. Ka āta aroturukitia te ahu whakamua me ngā whakatutukitanga o ia ākonga. Ka arotahi ngā ākonga ki te ako.

Ngā wāhanga i tāutuhia ai e te kura hei whakawhanake ake

Kāhore anō kia oti ngā tuhinga e pā ana ki te arohaehae i te tumuaki. Me mahi te whānau ki te taha o Te Rūnanga Nui o Ngā Kura Kaupapa Māori o Aotearoa ki te whakapakari ake i te tukanga nei.

3 Te Arotake Whaiaro me te Ārahitanga

Ko te kounga o te arotake o roto tētahi tino āhuatanga e whai hua ana. E arotahi ana ngā mahi aromātai o roto ki ngā whakapaitanga, ā, e hono ana ki Te Aho Matua me Ngā Hua o te Ako. Pūrongotia ai ngā putanga i te mutunga o ia tau. E hāngai ana ngā pūrongo ki ngā kaupapa matua a te whānau i roto i ia mātāpono o Te Aho Matua, ā, ka whakamahia hei whakamōhio i te aronga rautaki a te whānau.

Kua whakatinanahia te aronga ki te ārahi ngātahi. Ka whai wāhi nui te whānau, ngā kaiako, me ngā kaimahi ki te ārahitanga. E arotahi ana rātou ki ngā tino painga mō ngā ākonga, i runga anō i te āhua o ngā uaratanga, ngā whakapono, me ngā tikanga o Te Aho Matua. E poipoi ana taua aronga i te kawe ngātahi i ngā whakaritenga me te whai wāhi atu ki ngā whakataunga. Ka whakapuaki ngātahitia ngā tūranga ārahi me ngā kawenga mahi, ki waenga i ngā ākonga, te whānau, ngā kaiako, me ngā kaimahi. 

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

Ki tā Te Rūnanga Nui o Ngā Kura Kaupapa Māori o Aotearoa titiro, kāhore Ngā Whanaketanga Rumaki Māori e āta whakatutuki ana i ngā tini āhuatanga katoa o Te Aho Matua. Kāhore te kura e pūrongo ana i ngā paetae ākonga mā Ngā Whanaketanga Rumaki Māori.

Kia tutukihia ai e te whānau āna herenga ā-ture, me tahuri rātou ki te:

  • arohaehae i te tumuaki me te tuhi haere i aua mahi i ia tau, hei whakatutuki i ngā whakaritenga i whakatakotohia ai ki ngā kaupapa here me ngā tukanga o te kura
    [Te Kahiti o Aotearoa me ngā Kirimini ā-tōpū mō te Whiwhi Mahi e whai pānga ana]
  • whakamahi i Ngā Whanaketanga Rumaki Māori, hei whakatutuki i ngā whakaritenga herenga ā-ture a te Hekeretari o te Mātauranga, mō ngā mahi pūrongo. 
    [Ngā Aratohu Whakahaere Mātauranga ā-Motu 1, Ngā Aratohu Whakahaere Mātauranga ā-Motu 2A(b), (c), me (d)] 

5 Te Taunakitanga

Kia toro atu te whānau ki te āwhina o Te Rūnanga Nui o Ngā Kura Kaupapa Māori o Aotearoa, ā, kia mahi ngātahi hoki rātou ki Te Rūnanga Nui ki te whakatutuki i ngā herenga ā-ture.

Te Whakarāpopototanga

E tū ana Te Kura Kaupapa Māori o Hurungaterangi ki Rotorua. Ka kitea ki ngā ākonga tō rātou oranga ā-tinana, ā-wairua, ā-whatumanawa hoki, tō rātou māramatanga ki ō rātou mana āhua ake, me te mōhio, te whakaute hoki mō rātou anō, ā, mō ētahi atu hoki. He pakari tō rātou reo Māori, ā, e whakamana ana rātou i ngā akoranga tuku iho e whakatinanahia ana i te ao hurihuri nei.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Hurungaterangi i roto i ngā tau e toru, arā, ko Te Rākeitanga. 

Lynda Pura-Watson

Kaiurungi Whakaturuki Arotake Māori 

25 Hōngongoi, 2017 

Ngā kōrero e pā ana ki te kura 

Te tūwāhi

Kei Rotorua

Te tau a te Tāhuhu o te Mātauranga

3103

Te tūmomo kura

Tau 0 - 13

Te tokomaha o ngā ākonga o te kura

88

Te ira tangata

Kōtiro 48

Tama tāne 40

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

19 Pipiri 2017

Te wā o tēnei pūrongo

25 Hōngongoi, 2017

Ngā pūrongo o mua a Te Tari Arotake Mātauranga 

Arotake Mātauranga Te Aho Matua

Arotake Mātauranga Te Aho Matua  

Haratua 2013

Whiringa-ā-nuku 2009

Findings

Te Kura Kaupapa Māori o Hurungaterangi is in Rotorua. Students demonstrate physical, spiritual and emotional wellbeing, an awareness of their uniqueness and knowledge and respect for themselves and others. They are confident speakers of te reo Māori and value the traditional learning to apply in a contemporary setting.

The next ERO review of Te Kura Kaupapa Māori o Hurungaterangi will be in three years – Te Rākeitanga – Expansive Evaluation. 

1  Context

Te Kura Kaupapa Māori o Hurungaterangi is in Rotorua. The whānau provide an education for Years 1 – 13. They operate in accordance with the principles of Te Aho Matua, which is an integral part of the education provision.

The whānau selected Rongomātane and the maara as the focus for the review. This kaupapa focussed on traditional practices in a contemporary setting and the interrelationships of people with the natural and physical environment.

2  Te Tino Uaratanga

How well do students demonstrate individual talents to achieve their potential?

Students demonstrate physical, spiritual and emotional wellbeing, an awareness of their uniqueness and knowledge and respect for themselves and others.

Te Ira Tangata

Students show they are enthusiastic learners. Te Aho Matua underpins relationships in learning. The whānau are an integral part of creating an environment based on values, beliefs and practices of Te Aho Matua. The school wide learning themes of Rongomātane and the maara enable students to make connections with traditional practices in a contemporary setting, care for the whenua and respect for atua Māori knowledge and skills. These connections are transferred into caring relationships students have with each other, kaiako, parents and community groups. Learning programmes provide students with opportunities to apply this knowledge into tikanga that promotes diverse thinking in a range of contexts. The whānau encourage students to use these values, beliefs knowledge and practices when they interact with others in different contexts. Students are self-motivated and independent engaged learners.

Te Reo

Students are confident communicators in te reo Māori. The whānau are committed to the strategic goals to strengthen the language. A range of professional learning programmes for kaiako and parents help with building language capability. Kaiako gather and analyse literacy data to identify individual’s needs. They use this data to focus learning strategies on extending students language proficiency in speaking, reading, listening and writing. Monitoring systems and practices guide kaiako tracking of individuals’ progress with te reo Māori and responding to their needs in learning programme. Students are encouraged to explore language through kīwaha, mōteatea and whakataukī. Kaiako focus the programmes on language structures appropriate to age groups, encourage students to explore different genre and expose them to speakers of te reo Māori in a range of settings. Kaiako promote challenge with student’s thinking by encouraging them to be solution focussed to overcome problems in their learning. Students are immersed in rich language learning contexts.

Ngā Iwi

Students are proud of their ancestral links and connections to whānau, hapū and iwi. Whanaungatanga is emphasised from acknowledging the whakapapa of Hurungaterangi, the connections to Te Arawa and links students and whānau have in relation to their place in the hapū and iwi. Manaaki is an integral part of school wide tangata whenua roles and responsibilities. These expectations guide and support whānau and student learning philosophies. Learning experiences provide students with opportunities to establishing relationships in the local and wider communities. There are regular events for students to engage with peers in sporting and cultural activities, interacting with overseas visitors as tangata whenua and participating in local community programmes.  These activities help to foster positive relationships in diverse communities and contributes to their visibility in Māori settings. Students are secure in their language, identity and culture.

Te Ao

Students display the skills to confidently investigate and explore te ao Māori and te ao whānui. The whanau learning focus is to provide students with the traditional knowledge, skills and practices to apply in a modern learning setting. Ngā atua Māori helps whānau to implement practices of care, respect and aroha as kaitiaki.  Roles and responsibilities for students and whānau foster these practices in a range of school wide contexts. Curiosity is an integral part of the learning programme. Students are encouraged to investigate, explore and research interrelationships of the natural and physical environments. They are able to investigate iwi specific practices of cultural significance. Information communication technology give students access to the wider world and opportunity to explore other environments. These strategies challenge students to make connections, use their skills in a range of contexts to extend their world view. Students respond positively to the traditions of te ao Māori in a contemporary setting.

Āhuatanga Ako

Students are highly responsive to learning opportunities. The quality of education is focussed on outcomes for students. Te Aho Matua and Ngā Hua o te Ako are key documents that provide kaiako and whānau with clear direction and guidance to fulfil school wide expectations. Kaiako and whānau share responsibility for monitoring student progress daily in a range of learning contexts. Whānau play and important role in identifying their children’s learning goals. Kaiako use these goals to inform programme planning, evaluation practices and monitoring students’ progress in learning. Whānau and kaiako collectively gather data about students’ learning. The whānau contribute observations of student engagement at home and wider community. Kaiako use a range standardised literacy and numeracy assessment tools and school wide learning objectives to monitor students’ progress and achievement. The delivery of learning activities supports students to engage in purposeful and meaningful experiences. Students are engaged inquisitive learners.

Wharekura Education

Kaiako follow an integrated approach in the wharekura curriculum. They align student’s learning to the National Certificates of Achievement (NCEA).  Students have access a full curriculum that provides pathways for future learning and achievement of qualifications. Individual progress and achievement is carefully monitored. Students are focussed learners.

Kura-identified areas of development

Documentation for appraisal of the tumuaki is incomplete. The whānau must work with Te Runanganui o Ngā Kura Kaupapa Māori (TRN) to strengthen the process.

3 Self Review and leadership

The quality of internal review is a strength. Internal evaluation practices are improvement focussed linked to Te Aho Matua, Ngā Hua o te Ako. Outcomes are reported annually at the close of the year. Reporting is based on whānau priorities for each of the mātāpono of Te Aho Matua that are used to inform the whānau strategic direction.

A collaborative model of leadership is in place. Whānau, kaiako and kaimahi are an integral part of leadership. They are focussed on positive outcomes for students based on the values, beliefs and practices of Te Aho Matua. This approach fosters sharing of responsibilities and contribution to decision making. Leadership roles and responsibilities are shared amongst students, whānau, kaiako and kaimahi.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

It is the view of Te Rūnanga Nui o Ngā Kura Kaupapa Māori o Aotearoa that Ngā Whanaketanga Rumaki Māori do not adequately reflect the dimensions of Te Aho Matua. The kura has not reported student achievement in relation to Ngā Whanaketanga Rumaki Māori.

In order for the Whānau to meet compliance requirements they must:

  • Implement  the school policy and procedures of appraisal for the principal annually
    [NZ Ed Gazette: and relevant employment agreement]
  • Use Ngā Whanaketanga Rūmaki Māori to fulfil legislative reporting expectations to the Secretary of Education.

[NAG 1,NAG 2A (b),(c) and (d)]

5 Recommendation

The whānau seek assistance and work with the TRN to meet legislative requirements.

Conclusion

Te Kura Kaupapa Māori o Hurungaterangi is in Rotorua. Students demonstrate physical, spiritual and emotional wellbeing, an awareness of their uniqueness and knowledge and respect for themselves and others. They are confident speakers of te reo Māori and value the traditional learning to apply in a contemporary setting.

When is ERO likely to review the kura again?

The next ERO review of Te Kura Kaupapa Māori o Hurungaterangi will be in three years – Te Rākeitanga – Expansive Evaluation. 

Lynda Pura-Watson

Deputy Chief Review Officer Māori 

25 July 2017 

Information about the Kura 

Location

Rotorua

Ministry of Education profile number

3103

Kura type

Year 0 - 13

Kura roll

88

Gender composition

Girls 48

Boys 40

Ethnic composition

Māori

100%

Special features

Te Aho Matua

Review team on site

19 June 2017

Date of this report

25 July 2017

Most recent ERO report(s)

Te Aho Matua Review

Te Aho Matua Review

May 2013

October 2009