TKKM o Takapau

Ngā Whakaaturanga

E tū ana Te Kura Kaupapa Māori o Takapau ki te hapori iti, tuawhenua hoki o Takapau e noho whakatetonga noa ana i Waipukurau. Kei te mārama ngā ākonga i te whai pānga nui o te oranga ā-tinana, ā-wairua hoki ki a rātou anō, ā, ki ētahi atu. Ka whakaongaongatia rātou hei ākonga, ā, ka rongo hoki rātou i te angitu. Kātahi anō te poari hou ka whakatūngia, ā, he pai tā rātou mahi ngātahi ki te tumuaki me ngā kaiako, hei whakatairanga ake i ngā putanga ako o ngā ākonga.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Takapau i roto i ngā tau e toru, arā, ko Te Rākeitanga. 

1 Te Horopaki

E tū ana Te Kura Kaupapa Māori o Takapau ki te hapori iti, tuawhenua hoki o Takapau, e noho whakatetonga noa ana i Waipukurau. Nō Ngāti Kahungunu te whānau me ngā ākonga. E tū pā tata atu ana ki ngā pae maunga o Ruahine, hei tohu i te hītori me ngā hononga ā-iwi, ā-tangata hoki o te whānau, ngā hapū, me te iwi ki te whenua. Ko tā te kura whāinga, he whakarato i te mātauranga rumaki e pou here ana i ngā mātāpono me ngā uaratanga o Te Aho Matua, e te reo Māori, ā, e ngā tikanga Māori hoki.

‘Kāinga rua Pou waru E Raukura ai au.’

Whai muri i te arotake o mua a Te Tari Arotake Mātauranga, kua whakapau kaha te whānau ki te whakatutuki haere i ngā tino take i whai pānga ai ki te kāwana i te kura me ngā kaimahi. Kua tautoko hoki Te Rūnanga Nui o Ngā Kura Kaupapa Māori o Aotearoa i a rātou. Kātahi anō tētahi poari hou i whakatūngia, ā, nō tata tonu nei i hoki te tumuaki i hoki mai ai.

2 Te Tino Uaratanga

He pēhea rawa ngā ākonga e whakaatu i tō rātou mōhiotanga ki te oranga ā-tinana me te oranga ā-wairua?

Kei te mārama ngā ākonga ki te whai pānga nui o te oranga ā-tinana me te oranga ā-wairua ki a rātou anō, ā, ki ētahi atu hoki.

Te Ira Tangata

He pakari, he tākare hoki ngā ākonga ki te ako. Ka ako rātou i rot oi tētahi taiao e hāngai nui ana ki ngā uaratanga, ngā whakapono, me ngā ariā tuku iho o te ao Māori. Ka poipoi te whānau i ngā hononga e ahu mai ana i ngā mātāpono o Te Aho Matua, ā, e whakatairanga ana hoki i te waiora me te eke angitu. He aronga nui tā rātou ki ngā akoranga e whai pānga ana, ā, e whai pūtake ana hoki. Ka whakarato ngā kaiako i te whānuitanga o ngā taumahi e hāpai ana i ngā ākonga ki te whakawhanake i ngā pūkenga ki te ārahi, tae atu ki te whakahaeretanga me te ārahitanga o ngā karakia i ia rā. Ka ako ngā ākonga i ō rātou tātai hononga ki a Ngāti Kahungunu. Ka whakatairangatia ō rātou mōhiotanga ki te taha wairua, i a rātou e tūhura ana i te hōhonutanga o ngā mātauranga e pā ana ki ngā hapū, te iwi, ngā karakia, ngā waiata, me ngā mōteatea. Ka whai wāhi te whānau me ētahi atu o te hapori ki ngā akoranga a ngā ākonga. E mōhio ana ngā ākonga, ka whakamanahia, ka whai wāhi nui hoki rātou hei uri o Ngāti Kahungunu.

Te Reo

E rumakina ana ngā ākonga ki te reo Māori me ōna tikanga. Ka rere te reo o Ngāti Kahungunu, puta noa i te kura. Kōrero Māori ai te whānau i ngā wā katoa, ā, ka ū ngā taunekeneke katoa o te kura ki te reo Māori. Ka whai wāhi nui, ka aro nui hoki ngā ākonga ki te ako i te reo. E tino tautokona ana rātou mā te pai o ngā whakaakoranga, ki te kōkiri i tō rātou mōhiotanga ki te reo me ō rātou pūkenga reo. Ka whakawero ngā kaiako i ngā ākonga ki te whakaaro kaikini, te whakawhitiwhiti whakaaro, te whakamārama, me te patapatai mā te reo Māori, ā, mā te tirohanga Māori anō hoki. He mātātoa te whai wāhi atu a ngā ākonga ki ngā taumahi ako reo ngahau, puta noa i te rā, tae atu hoki ki te tūhura i te taha auaha o te reo. Ko ngā hōtuku a te kura mō ngā paetae reo Māori e tohu ana i te eke angitu o ngā reanga katoa i roto i ngā wāhanga katoa o te reo. He mātau, he pakari hoki te whakamahinga a ngā ākonga katoa i te reo Māori, ki te whānuitanga o ngā tūmomo horopaki.

Ngā Iwi

Ka kitea te manawa whakahī o ia ākonga, mō ō rātou whānau, ō rātou hapū, me tō rātou iwi. Ka whakanuia e rātou te whakapapa hei āhuatanga matua o ō rātou tuakiri, ō rātou tūranga, me ā rātou kawenga. Kei te mārama rātou i ngā tikanga me ngā kawa o Ngāti Kahungunu. Haere ai ngā ākonga ki ngā tūmomo huihuinga kaupapa Māori, ā, he pakari tā rātou whai wāhi atu. He pai ā rātou taunekeneke ki ētahi atu i runga i te marae, ā, i te hapori hoki.

Ka kitea te tino ngākau nui o ngā ākonga ki te ako i ngā pūmanawa ake o ētahi atu tāngata, o ētahi atu hapori, mā te whakatairanga i aua āhuatanga ki tō rātou tirohanga Māori. Ka kitea te tino aronga toi whenuatanga o ngā ākonga, ā, he manawa whakahī tō rātou ki te whakaatu i tō rātou ahurea ki tua atu i te kura.

Te Ao

E whakawhanake ana ngā ākonga i te māramatanga o ngā tirohanga Māori o te ao hou me ērā i tuku iho ai, me ngā tirohanga anō hoki o te ao whānui. He maha ā rātou taunekeneke i ia te wā ki runga i te marae, ki te taha hoki o ngā kaumātua, ā, ka ako rātou i ō rātou whakapapa me ā rātou taonga tuku iho. Ka whakawhiti kōrero ngā kaiako me ngā ākonga mo ngā kawenga mahi a ngā kuia me ngā koroua i runga i te marae, ā, i te whai pānga nui anō hoki o te taiao ki te Māori. Ka ako ngā ākonga i te whānuitanga o ngā tūmomo whakapono, ngā tūmomo tikanga, me ngā tūmomo mōhiotanga ki te ao whānui tonu. Ka whai wāhi rātou ki ngā kaupapa ki te taha o ētahi atu kura, ki te marae, ā, ki te taha hoki o ētahi atu iwi, ki tāwāhi anō hoki. Ka whakawero ngā kaiako i ngā ākonga kia whakaaro kaikini ai rātou ki te rerekētanga, ngā hononga, te pūtake, me te wāhi. Ka kitea te whakaute me te whakaaro nui o ngā ākonga ki te ao tūturu, te ao māoriori, te ao o mua, te ao hurihuri, me te ao wairua.

Āhuatanga Ako

Ka whakaongaongatia ā-hinengaro ngā ākonga ki tētahi taiao ako i āta whakaritea ai. Ka whakamahi ngā kaiako i te whānuitanga o ngā tūmomo rautaki ako e whai hua ana ki te whakapūmau i te ngākau nui o ngā ākonga me tā rātou whai wāhi mai. Ka whakaritea e rātou ngā tino tūmanako e pā ana ki te whakaako me te ako, ā, e āta māramahia ana, e āta whakanuia ana hoki ēnei e ngā ākonga. Ka kitea ngā mātāpono me ngā uaratanga o Te Aho Matua ki te noho ngātahi, te whai tautoko anō hoki o ngā taunekeneke ako e whiwhi ana ngā ākonga ki ngā akomanga. E wātea ana ki ngā ākonga te whānuitanga o ngā tūmomo rauemi e hāpai ana i ā rātou akoranga. Ka whakaoti takitahi rātou i ā rātou mahi, ā, ka whakariterite anō hoki i ngā taumata ako ka whāia tonuhia. E tohu ana ngā paetae ākonga i te taumata pai o ngā whakatutukitanga, puta noa i ngā reanga katoa, i roto i te reo matatini me te pāngarau. Ka aro nui ngā ākonga, ā, he tākare nō rātou ki te ako i ngā āhuatanga hou, he mātātoa anō hoki tā rātou whai wāhi atu ki ngā akoranga e whai pūtake ana, e ngākau nuitia ana e rātou, ā, e whakawero ana hoki i ō rātou whakaaro. He tau, he pakari, he harikoa anō hoki ngā ākonga ki te taiao o te kura.

Ngā wāhanga i tāutuhia ai e te kura hei whakawhanake ake

E mōhio ana te whānau, e tika ana kia whakatutukihia ngā whakawhanaketanga i whakaritea ai, ā, e whakaraupapahia ana ki raro iho nei: 

• te arotake i ngā tuhinga e pā ana ki te kāwana me te whakahaere i te kura, kia hāngai ake ai ēnei ki ngā tikanga whakaaro o Te Aho Matua
• te whakapakari i ngā āhuatanga o te aromātai o roto, tae atu ki te pūrongo a te tumuaki i ngā whāinga ā-tau, me te whakamahinga o ngā kitenga i te aromātai o roto hei whakatinana atu i ngā mahere
• te whakahou ake i ngā pūkete katoa a ngā kaimahi, tae atu ki ngā kirimana mahi me ngā tuhinga tūranga mahi
• te whakaoti i te whakawhanaketanga o tētahi marautanga ā-kura, me tētahi pūkete e pā ana ki te āhua o te raukura i tōna putanga i te kura. 

3 Te Arotake Whaiaro me te Ārahitanga

Ko te ako, te whai wāhi nui, me ngā whakatutukitanga a ngā ākonga, e hāpaitia ana ki te aronga nui, te whakaaro huritao anō hoki i roto i te kāwanatanga me te whakahaeretanga. Kātahi anō te poari hou ka whakatūngia, ā, e arotahi ana rātou ko te tumuaki ki te whakapakari ake i te whakawhitiwhiti kōrero me ngā hononga ki te whānau, me tā rātou whai wāhi nui ki ngā whakawhanaketanga katoa i te kura. Ka whakamahia te aromātai o roto hei pūrongo i te ahu whakamua o ngā kaupapa matua. Ka pūrongo te whānau me te tumuaki i ngā paetae ākonga ki Te Rūnanga Nui o Ngā Kura Kaupapa Māori o Aotearoa i ia tau. He aronga nui ki te tupu tonu me te whakapai tonu.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki: 

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga. 

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga: 

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura. 

5 Te Taunakitanga

E whakaae ana Te Tari Arotake Mātauranga me te whānau, kia mahi te whānau ki te taha o Te Rūnanga Nui o Ngā Kura Kaupapa Māori o Aotearoa, ki te whakatutuki i ngā wāhanga i tāutuhia ai ki tēnei pūrongo hei whakawhanake ake.

Te Whakarāpopototanga

E tū ana Te Kura Kaupapa Māori o Takapau ki te hapori iti, tuawhenua hoki o Takapau e noho whakatetonga noa ana i Waipukurau. Kei te mārama ngā ākonga i te whai pānga nui o te oranga ā-tinana, ā-wairua hoki ki a rātou anō, ā, ki ētahi atu. Ka whakaongaongatia rātou hei ākonga, ā, ka rongo hoki rātou i te angitu. Kātahi anō te poari hou ka whakatūngia, ā, he pai tā rātou mahi ngātahi ki te tumuaki me ngā kaiako, hei whakatairanga ake i ngā putanga ako o ngā ākonga.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Takapau i roto i ngā tau e toru, arā, ko Te Rākeitanga.

Lynda Pura-Watson

Kaiurungi Whakaturuki Arotake Māori

01 Huitanguru, 2017 

Ngā Kōrero e pā ana ki te kura 

Findings

ERO and the whānau agree that the whānau work with TRN to address the areas for development identified in this report.

Te Kura Kaupapa Māori o Takapau is in the small rural community of Takapau, a short distance south of Waipukurau. Students understand the importance of physical and spiritual wellness for themselves and others. They are stimulated as learners and experience success. The newly elected board of trustees work well with the tumuaki and kaiako enhance learning outcomes for students. 

1 Context

Te Kura Kaupapa Māori o Takapau is in the small rural community of Takapau, a short distance south of Waipukurau. The whānau and students affiliate to Ngāti Kahungunu. The Ruahine ranges are close by and remind whānau, hapū and iwi of their history, tribal and physical connections to the land. The kura aims to provide an immersion education that is underpinned by the principles and values of Te Aho Matua, te reo Māori and tikanga Māori.

“Kainga ruaPou waru E Raukura ai au.”

Since the previous ERO review, the kura whānau have worked through some significant governance and personnel matters. They have had support from Te Runanga Nui o Ngā Kura Kaupapa Māori (TRN). There is a newly appointed board of trustees and a recently returned tumuaki.

2 Te Tino Uaratanga

To what extent do students demonstrate an awareness of physical and spiritual wellbeing?

Students understand the importance of physical and spiritual wellness for themselves and others.

Te Ira Tangata

Students are confident and enthusiastic learners. They learn in an environment that is based on traditional Māori values, beliefs and concepts. The whānau foster relationships that are based on the principles of Te Aho Matua and promote wellbeing and success. They emphases the importance of learning that is relevant and meaningful. Kaiako provide a range of activities where students develop leadership skills, including managing and facilitating karakia each day. Students learn about their connections to Ngāti Kahungunu. Their awareness of spirituality is enhanced when they explore deeper understandings of hapū and iwi, karakia, waiata and mōteatea. Whānau and others in the local community contribute to students’ learning. Students know they are valued, and are aware of their place in the wider Ngāti Kahungunu context.

Te Reo

Students are immersed in te reo Māori me ōna tikanga. Te reo o Ngāti Kahungunu permeates the kura environment. Whānau speak te reo Māori at all times and interactions throughout the kura are consistently in te reo Māori. Students are fully engaged and attuned to language learning. They are well supported through effective teaching to advance their language knowledge and skills. Kaiako challenge students to think critically, discuss, interpret and question through te reo Māori, from a Māori perspective. Students are actively engaged in fun language learning activities throughout the day, including exploring the creative use of the language. Kura achievement data on te reo Māori achievement shows all year groups are performing well for all dimensions of language. Students across the kura use te reo Māori competently, with confidence, in a wide range of situations.

Ngā Iwi

Students demonstrate personal pride in their whānau, hapū and iwi. They acknowledge whakapapa as an integral to who they are and their roles and responsibilities. They understand tikanga and kawa specific to Ngāti Kahungunu. Students attend a range of kaupapa Māori events where they participate confidently. They interact well with others on the marae and in the wider community.

Students show a strong interest in learning about the unique characteristics of other groups and communities compared to their view as Māori. Students show a strong sense of belonging and are proud to represent their culture beyond the kura environment.

Te Ao

Students are developing an understanding of contemporary and traditional Māori views and views from the wider world. Students have frequent interactions on marae and with kaumātua where they learn about their whakapapa and ancestral heritage. Kaiako and students discuss the roles and responsibilities of kuia and koroua on the marae and the importance of the natural world to Māori. Students learn about the diverse beliefs, customs and knowledges beyond their immediate world. They participate in experiences in other kura, on marae, amoung other iwi and overseas. Kaiako challenge students to think critically about difference, connections, purpose and place. Students show respect and consideration for the physical, natural, traditional, contemporary and spiritual worlds.

Āhuatanga Ako

Students are intellectually stimulated in a well organised learning environment. Kaiako use a range of effective teaching strategies to sustain student interest and participation. They have established clear expectations for teaching and learning that are well understood and respected by students. The principles and values of Te Aho Matua are reflected in the shared and supportive learning interactions students experience in classrooms. Students have access to a range of resources that supports their learning. They complete tasks independently and negotiate next steps for learning. Achievement data shows good levels of achievement across all year groups for literacy and pangarau. Students are focussed and keen to learn new things and are actively involved in learning that is meaningful, of interest to them and challenges their thinking. Students are settled, confident and happy in the kura environment.

Kura-identified areas of development

The whānau recognise the need to complete the following planned developments:

• the review of kura governance and management documentation to better align to the Te Aho Matua philosophy
• strengthen aspects of internal evaluation, including tumuaki reporting on annual goals, and the use of internal evaluation evidence to inform planning
• update all personnel files, including employment contracts and job descriptions
• complete the development of the kura curriculum and graduate profile.

3 Internal Evaluation and leadership

Student learning, engagement and achievement is supported by focused and reflective governance and management. The newly elected board of trustees and tumuaki are focussed on strengthening whānau communication, relationships and involvement in all kura developments. Internal evaluation information is used to report on progress with key priorities. The whānau and tumuaki report student achievement information to Te Runanga Nui o Ngā Kura Kaupapa Māori, annually. There is a strong focus on ongoing growth and improvement.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

5 Recommendation

ERO and the whānau agree that the whānau work with TRN to address the areas for development identified in this report.

Conclusion

Te Kura Kaupapa Māori o Takapau is in the small rural community of Takapau, a short distance south of Waipukurau. Students understand the importance of physical and spiritual wellness for themselves and others. They are stimulated as learners and experience success. The newly elected board of trustees work well with the tumuaki and kaiako enhance learning outcomes for students. 

When is ERO likely to review the kura again?

The next ERO review of Te Kura Kaupapa Māori o Takapau will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

1 February 2017 

Information about the Kura