Te Kura Kaupapa o Te Pūaha o Waikato - 30/06/2015

Ngā Whakaaturanga

E tū ana Te Kura Kaupapa Māori o Te Pūaha o Waikato ki Te Pūaha o Waikato, ki te rohe o Tainui. E pakari haere ana ngā tamariki hei ākonga ka whakawhiti whakaaro mā te reo Māori, ā, ka taunekeneke pai hoki ki ētahi atu. Kua tāutuhia e te tumuaki me te poari ngā wāhanga matua hei whakapai ake anō, ā, ka hāngai aua āhuatanga ki te kāwanatanga, te whakahaeretanga, me te whakatinanatanga, te whakahaeretanga hoki o te marautanga. E whakaae ana Te Tari Arotake Mātauranga ki aua wāhanga hei whakapai ake.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Pūaha o Waikato, i roto i kotahi ki te rua o ngā tau – arā Te Rākeitanga.

1 Te Horopaki

E tū ana Te Kura Kaupapa Māori o Te Pūaha o Waikato ki Te Pūaha o Waikato i te rohe o Waikato-Tainui.

Kei tēnei kura kaupapa Māori Te Aho Matua tētahi aronga nui i te marautanga ki te tautoko i te ako o ngā ākonga i te Kīngitanga. Haere ai ngā ākonga ki ngā poukai, ki te Koroneihana, ki ngā kaupapa o hoki o te Kīngitanga ia tau. Ka whai wāhi ngā ākonga ki te whānuitanga o ngā tūmomo whakanuitanga, rā whakamaumahara hoki o Waikato-Tainui. He maha ngā wā ka karangahia te whānau me ngā ākonga e ngā kaiārahi o Waikato-Tainui ki te āwhina i ngā whakanuitanga me ngā huihuinga o te Kīngitanga.

Ko te arotake o mua a Te Tari Arotake Mātauranga i te Haratua o 2013, i taunaki kia whakarite Te Tāhuhu o te Mātauranga i tētahi wawaotanga hei tautoko i te poari, i te tumuaki i ngā kaiako hoki ki te whakatutuki i ngā āwangawanga i hāngai ai ki te kāwanatanga, te whakahaeretanga me ngā take marautanga. Kāhore anō tēnei āhuatanga kia whakatutukihia. Waihoki, ahakoa e mahi tahi ana Te Tāhuhu o te Mātauranga me te poari ki te hūnuku me te whakatū anō i te kura ki wāhi kē atu, kāhore anō tēnei āhuatanga kia whakataungia. He taretare tonu ngā whare, ā, ka turuturu i te wā ua. Me whakatika i tēnei āhuatanga, nō te mea e piki ake ana te tatauranga ākonga.

Koia nei te tūnga tuatahi a te tumuaki, hei tumuaki. Kei te whai wāhi atu ia ki ngā hōtaka mō ngā tumuaki tuatahi, hei hāpai ake i tōna māramatanga ki ōna tūranga me āna kawenga mahi. Kua whai wāhi atu ngā kaiako ki te whakawhanaketanga ngaio e pā ana ki Ngā Whanaketanga Rūmaki Māori. E whakawhanake ana rātou i te māramatanga pai ki te ahu whakamua me te eke angitū o ngā ākonga i roto i te pāngarau me te reo matatini. Kua tino piki ake te tatauranga ākonga ki te kura, whai muri i te arotake o mua. He tokomaha o rātou ngā ākonga hou e tīmata noa ana ki te ako i te reo Māori. Kua whakaritea tētahi akomanga whakawhitiwhiti hei hāpai i tā rātou ako wawe i roto i te rumaki reo Māori.

2 Te Tino Uaratanga

E whakawhanake ana ngā tamariki hei ākonga ka whakawhiti whakaaro mā te reo Māori, ā, ka taunekeneke pai hoki ki ētahi atu.

Te Ira Tangata

He tākare te ako a ngā ākonga ki tētahi taiao e poipoi ana i a rātou, ā, e ahu mai ana i ngā uaratanga Māori tuku iho.

He harikoa ngā ākonga, ā, ka whai wāhi nui ki ngā akoranga. Ka whakapau kaha te whānau ki te poipoi i ngā ākonga i roto i te horopaki kaupapa Māori. E mōhio ana ngā ākonga, ka whakaatu hoki rātou i ngā uaratanga matua, tae atu ki te manaakitanga me te kaitiakitanga. Ka whai wāhi atu ngā ākonga i ia te wā ki ngā tikanga Māori me ngā kawa tuku iho o Tainui. Ka whakanui ngā ākonga i aua wheako ako. Ka tino hāpaitia ngā ākonga kia tū ai rātou ki te whakahaere i ngā tikanga. Ko ētahi o aua whakaritenga, ko te ārahi i ngā karakia Pai Mārire, ko te whakatau i ngā manuhiri ki te kura, me te hora i te kai mā rātou. He pakari, he tau hoki ngā ākonga.

Ka whakatinana ngā ākonga i ngā uaratanga o te kura. Ka āta whakaatuhia aua uaratanga hei hāpai i te whakapūmautanga mō ngā ākonga me te whānau. Ka poipoi ngā ākonga i a rātou anō. He pai ngā hononga ki waenga i ngā tuākana me ngā tēina, ā, ka whakahaere ngā ākonga tuākana i ngā hui takawaenga inā ka pupū ake ētahi tautohetohe ki te papa tākaro. Ka ako ngā ākonga i tētahi taiao e poipoi ana i a rātou.

Te Reo

He rerekē te tūmomo āheinga reo o ngā ākonga i roto i te reo Māori.

Ka kitea te tokomaha o ngā ākonga e noho mārama ana ki te reo Māori. He mātau ētahi o ngā ākonga ki te kōrero, ki te pānui, ki te tuhituhi hoki i te reo Māori. Ka rūmakina te nuinga o ngā ākonga ki te reo Māori. Engari, ki tā ngā hotuku o te wā mō te ahu whakamua me ngā whakatutukitanga a ngā ākonga i roto i Ngā Whanaketanga Rūmaki Māori kāhore te nuinga o ngā ākonga e eke ana ki te taumata i hiahiatia ai mō rātou i roto i te reo matatini. Kāhore e āta tātarihia ana, kāhore rānei e tino māramahia ana ngā hotuku paetae ka whakaatuhia ki te poari. Kāhore ngā matea ako, ngā kaupapa matua rānei o ngā ākonga e tino mōhiotia ana, e tino māramahia ana rānei e ngā kaiako, e te poari rānei.

Ka whakarato ki ngā ākonga hou o te reo Māori te tautoko i whakahāngaitia ai mō rātou. Kua whakaritea tētahi akomanga whakawhiti o te reo Māori hei kōkiri i te ako reo a ngā ākonga. Ka hāpai tēnei akomanga reanga tini ki te whakarite i ngā ākonga ki te whakawhiti ana ki ngā horopaki rumaki reo Māori. Ka tautokona ngā ākonga e tīmata ana ki te ako i te reo Māori. Ka riro i ngā ākonga ngā pūkenga ki te whakawhiti whakaaro mā te reo Māori.

Ngā Iwi

Ka whakaatu ngā ākonga i te whai huatanga o ngā hononga ki ētahi atu.

Ka whakawhanake, ka whakapūmau hoki ngā ākonga i ngā hononga e whai take ana. Haere ai rātou ki ngā huihuinga, ā, ka taunekeneke ki ngā kaumātua, ngā kuia, me ngā mema o te hapori i aua wā. He maha ngā whai wāhitanga mō ngā ākonga ki te whai wāhi atu ki ngā huihuinga ā-kura mō ngā kaupapa hākinakina, ahurea hoki. Ka tūmāia, he manawa whakahī hoki tō ngā ākonga i ngā kaupapa o te marae, te hapori me te iwi, ā, ka tū rātou i ia te wā ki te waiata, ka whai wāhi hoki ki te whakahaere me te ārahi i ngā tikanga. He taunekeneke atawhai, manaaki hoki tō ngā ākonga ki waenga i a rātou anō. He pai tā rātou mahi tahi me tā rātou tākaro tahi. He whakaute ngā ākonga, ā, ka whai whakaaro nui mō ētahi atu i roto i te whānuitanga o ngā tūmomo horopaki.

Te Ao

Ka whakanuia e te ākonga tōna whai wāhi atu ki te ao Māori me te ao whānui.

E mōhio ana ngā ākonga ki a rātou anō, ki ō rātou tūrangawaewae anō hoki. Ka ako rātou i te taiao tonu o Te Pūaha o Waikato, me ngā wāhi whakahirahira o te iwi me ngā hapū o kōnei, tae atu ki ngā marae, ki ngā maunga, me ngā urupā, me ngā kōrero tuku iho hoki e whai pānga nui ana ki ngā tūpuna rangatira, pērā ki a Reitū me Reipae. Kei te mārama ngā ākonga ki ngā āhuatanga motuhake o tō rātou taiao. Ka ako ngā ākonga i te hītori e pā ana ki tō rātou rohe.

Ka ako, ka wheako hoki ngā ākonga i ngā āhuatanga o te ao whānui. Ka whakarato ngā kaiako i ngā whai wāhitanga mō ngā ākonga ki te tūhura i te ao whānui mā ngā haerenga, ngā taunekeneke hoki ki ngā manuhiri nō tāwāhi, me te whakamahinga o ngā tūmomo pāpāho ataata me te hangarau mōhiohio. Ka whakanui ngā ākonga i te whakahirahiratanga o tō rātou mana whenua, i a rātou e toro nui ana ki te ao whānui.

Āhuatanga Ako

He mātātoa te whai wāhi atu a te nuinga o ngā ākonga ki te ako.

He pārekareka te ako ki ngā ākonga, ā, he harikoa rātou i te kura. He pakari, he tau hoki ngā ākonga ki ō rātou taiao ako. He pai te mahi takitahi a ngā ākonga, ā, kei te ngana, kei te whai wāhi atu hoki te nuinga ki ngā taumahi ako me ngā wheako ako e whakaratohia ana mā rātou. Kei te whakatutukihia ngā matea ako o ētahi ākonga takitahi. Ka whakaratohia ki ētahi ākonga te nui o te wero e tika ana mō rātou, ā, ka noho hihiri rātou ki te ako. He tino angamahi tā ngā kaiako mō te whakamahere i ngā hōtaka akoranga me te aromatawai, te aromātai hoki i ngā āhuatanga o te whakaako me te ako. Ka whakamahi ngā kaiako i ngā rautaki e whai hua ana ki te whakanui me te tāutu i ngā whakamātau a ngā ākonga. He pai ngā ākonga ki te mahi takitahi, me te mahi hoki ki roto i ngā rōpū iti.

Ngā whakaritenga whai muri i tāutuhia ai e te whānau

I tāutuhia e te poari me te tumuaki ngā kaupapa matua e whai ake nei, arā, kia:

  • whakawhanake i tētahi kaupapa here e tika ana mō te arohaehae i ngā kaimahi katoa, ā, kia whakatinanahia taua mahi i ia tau
  • whakapai ake i te whakaōrite o roto, o waho hoki i ngā paetae ākonga
  • whakaemi, kia tātari hoki ngā mōhiohio tika e pā ana ki ngā paetae ākonga, hei whakamōhio i ngā kaupapa ā-tau me ngā kaupapa rautaki e tika ana, ā, i te tāutu hoki o ngā taumata e pā ana ki ngā paetae ākonga
  • whakaoti te arotake, te whakamahine hoki o te tūtohinga o te kura, tae atu ki ngā mahere rautaki me ngā mahere ā-tau.

3 Te Arotake Whaiaro me te Ārahitanga

Kua mātau ngā mahi a te poari me te tumuaki ki te toro atu ki te tautoko ngaio e tika ana ki te whakapai ake i te kāwanatanga, te whakahaeretanga, me te waihanga, te whakatinanatanga hoki o te marautanga. Engari, kāhore i te rawaka te tautoko ngaio i whakaratohia ai e Te Tāhuhu o te Mātauranga ki te āta whai pānga nui ki te whakapakari ake i te āheinga o ngā kaiārahi me te whānau.

Kei te whanake tonu ngā whakaritenga e pā ana ki te arotake whaiaro. Kāhore te poari e āta whakamōhiotia ana mō ngā paetae ākonga puta noa i te kura, mō te pānui, te tuhituhi, te kōrero, me te pāngarau. Ka whiwhi rātou i ngā paetae ākonga kāhore i āta tātarihia ai, kāhore rānei i āta whakamāramahia. Kāhore te poari e tino mārama ana i ngā mōhiohio ka whiwhi rātou, ā, kāhore e taea ngā rauemi te tohatoha nahanaha hei whakapai ake i ngā paetae puta noa i te kura.

He ihupuku ngā kaiārahi i te kura. Koia nei te tūnga tuatahi o te tumuaki hei tumuaki, ā, e ako tonu ana ia i tōna tūranga. He mātātoa tana toro atu ki ngā whakawhanaketanga ngaio mō ngā kaiako katoa me te poari. Kua tīmata ia ki te whakawhanake i te ahurea ngaio e arotahi ana ki te whakapai tonutanga me te whakaaro huritao. Ahakoa he nui te ahunga whakamua a te tumuaki ki te whakapai ake i ngā whakahaeretanga i te kura, he maha tonu ngā āhuatanga matua o te whakahaeretanga o te kura hei whakapai ake tonu.

Kua kitea i ngā kaitiaki i te poari - tae atu hoki ki te heamana – te tino ngākau nui ki te whakapai ake i ngā whakahaeretanga o te kura. He mātātoa tā rātou toro atu, tā rātou haere atu hoki ki ngā whakawhanaketanga ngaio o Te Rūnanga Nui o Ngā Kura Kaupapa Māori o Aotearoa me Te Whakarōpūtanga Kaitiaki Kura o Aotearoa, hei hāpai i tō rātou māramatanga ki ō rātou tūranga me ā rātou kawenga mahi. He pūkeke te poari ki te whakarato i te tautoko me ngā rauemi e tika ana, hei hāpai i ngā kaiako ki te whakatairanga ake i ngā paetae ākonga, puta noa i te kura.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

Hei whakapai ake i āna whakaritenga, me tahuri te whānau ki te:

  • whakawhanake me te whakatinana i ngā kaupapa here me ngā tukanga e pā ana ki te arohaehae i ngā kaimahi katoa i ia tau [s77c Te Ture Kaimahi Kāwanatanga 1988, Te Kahiti o Aotearoa me ngā Kirimini ā-tōpū mō te Whiwhi Mahi e whai pānga ana]
  • whakapūmau i tētahi hōtaka e haere tonu ana ki te arotake whaiaro, ā, kia whai pānga ki ngā kaupapa here, ngā mahere, me ngā hōtaka o runga ake nei, tae atu ki te aromātai i ngā mōhiohio e pā ana ki ngā paetae ākonga. [Ngā Aratohu Whakahaere Mātauranga ā-Motu 2 (b)]

5 Te Taunakitanga

E taunaki ana Te Tari Arotake Mātauranga kia:

  • tautoko Te Rūnanga Nui o Ngā Kura Kaupapa Māori o Aotearoa i te poari me te tumuaki ki te whakatutuki i ngā wāhanga i tāutuhia ai e te kura hei whakapai ake
  • rite tonu tā Te Tāhuhu o te Mātauranga arotake me te pūrongo ki te poari mō te āhua o ngā whare o te kura, hei āta whakarite i te haumaru o te wāhi mō ngā ākonga.

Te Whakarāpopototanga

E tū ana Te Kura Kaupapa Māori o Te Pūaha o Waikato ki Te Pūaha o Waikato, ki te rohe o Tainui. E pakari haere ana ngā tamariki hei ākonga ka whakawhiti whakaaro mā te reo Māori, ā, ka taunekeneke pai hoki ki ētahi atu. Kua tāutuhia e te tumuaki me te poari ngā wāhanga matua hei whakapai ake anō, ā, ka hāngai aua āhuatanga ki te kāwanatanga, te whakahaeretanga, me te whakatinanatanga, te whakahaeretanga hoki o te marautanga. E whakaae ana Te Tari Arotake Mātauranga ki aua wāhanga hei whakapai ake.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Pūaha o Waikato, i roto i kotahi ki te rua o ngā tau – arā Te Rākeitanga.

Lynda Pura-Watson

Kaiurungi Whakaturuki Arotake Māori

30 Pipiri, 2015

Ngā Kōrero e pā ana ki te kura

Te tūwāhi

Kei Te Pūaha o Waikato

Te tau a te Tāhuhu o te Mātauranga

1151

Te tūmomo kura

He kura kaupapa Māori (Tau 1 -8)

Te tokomaha o ngā ākonga o te kura

57

Te ira tangata

Kōtiro 28

Tama tāne 29

Ngā hononga ā-iwi

Māori

Niue

Pākehā

53

2

2

Ngā āhuatanga motuhake

Te Aho Matua

Te wā i te kura te rōpū arotake

19 Haratua 2015

Te rā o tēnei pūrongo

30 Pipiri 2015

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Motuhake

Arotake Tāpiri

Haratua 2013

Paenga-whāwhā 2009

Paenga-whāwhā 2007

Findings

Te Kura Kaupapa Māori o Te Puaha o Waikato is located at Port Waikato in the Tainui area. Students are developing as learners who communicate in te reo Māori and interact positively with others. The tumuaki and board members have identified significant areas for further improvement in governance, management and curriculum management and implementation. ERO agrees with these areas for improvement.

The next ERO review of Te Kura Kaupapa Māori o Te Pūaha o Waikato will be over the course of one-to-two years - Te Pūpuketanga – Development Evaluation.

1 Context

Te Kura Kaupapa Māori o Te Puaha o Waikato is located at Port Waikato in the Waikato-Tainui area.

This Te Aho Matua Kura Kaupapa Māori has a strong curriculum emphasis on supporting students to learn about Kingitanga. Students attend poukai, the koroneihana and Kingitanga events annually. Students participate in numerous Waikato-Tainui celebrations and days of remembrance. The whānau and students are often called on by Waikato-Tainui leaders to help with Kingitanga celebrations and events.

The previous ERO review of May 2013 recommended that the Ministry of Education establish an intervention to provide support to the board of trustees (board), tumuaki and teachers to help them address the concerns raised about governance, management and curriculum matters. This has not occurred. In addition although the Ministry of Education and the board are working together to relocate and rebuild the kura on a new site this situation has not been resolved. The buildings remain in a poor state and leak when it rains. This situation needs resolution as the school roll is increasing.

The tumuaki is a first time principal. She is participating in a first time principals programme to support her to better understand her roles and responsibilities. Teachers have participated in professional development about Ngā Whanaketanga Rūmaki Māori. They are developing a good understanding of student progress and achievement in numeracy and literacy. The kura has had significant roll growth since the previous review. Many of the new students are early learners of te reo Māori. A transition class has been established to help accelerate their learning in a Māori medium context.

2 Te Tino Uaratanga

Students are developing as learners who communicate in te reo Māori and interact positively with others.

Te Ira Tangata

Students are enthusiastic about learning in a nurturing environment based on traditional Māori values.

Students are happy and are engaged in learning. The whānau makes every effort to nurture students in a kaupapa Māori setting. Students know and demonstrate key Māori values including manaakitanga and kaitiakitanga. Students participate regularly in tikanga Māori and Tainui cultural practices. Students’ value these learning experiences. Students are well supported to take lead roles in managing tikanga. These include leading paimarire karakia, welcoming visitors to kura and providing kai for them. Students are confident and comfortable.

Students practice the kura values. These are prominently displayed to help reinforce these for students and the whānau. Students are nurturing towards each other. There are positive tuakana taina relationships and senior students manage peer mediation for disputes in the playground. Students learn in a nurturing environment.

Te Reo

Students are at varying levels of te reo Māori competence.

Many students demonstrate that they comprehend te reo Māori. Some students are competent speakers, readers and writers of te reo Māori. Most students are immersed in a te reo Māori environment. However, current data about student progress and achievement in Ngā Whanaketanga Rūmaki Māori shows that the vast majority of students do not achieve at their expected level of achievement in literacy. Achievement data that is presented to the board is not well analysed or understood. Student learning needs and priorities are not well known or understood by teachers or the board.

New learners of te reo Māori are provided with targeted support. A te reo Māori transition class has been established to accelerate students language learning. This multi level class helps to prepare students to move into total te reo Māori immersion settings. Emergent learners of te reo Māori are supported. Students acquire skills for communicating in te reo Māori.

Ngā Iwi

Students demonstrate effective relationships with others.

Students develop and maintain meaningful relationships. They attend events where they interact with kaumātua, kuia and community members. There are many opportunities for students to participate in inter-kura exchanges for sport and cultural events. Students participate with confidence and pride in marae, community and iwi events where they regularly perform waiata and help manage and lead tikanga practices. Students have warm and caring interactions with each other. They work and play well together. Students are respectful and courteous in a range of diverse contexts.

Te Ao

The student acknowledges his or her place in the Māori world and the wider world.

Students know who they are and where they come from. They learn about the local environment of Te Puaha o Waikato, local iwi and hapū places of significance, including marae, maunga and urupa; and stories about important iwi and hapū ancestors including Reitū and Reipae. Students understand the unique characteristics of their local environment. Students learn about their local history.

Students learn about and experience aspects of the wider world. Teachers provide opportunities for students to explore the wider world through excursions, interactions with international visitors and through the use of visual media and information communication technologies (ICT). Students value the importance of their mana whenua as they are exposure to the wider world.

Āhuatanga Ako

Most students are actively engaged in learning.

Students enjoy learning and are happy at kura. Students are confident and comfortable in their learning environments. Students work well independently and most are on task and participate in the learning activities and experiences provided for them. Some student’s individual learning needs are catered for. Some students are provided with suitable challenge and they are motivated to learn. Teachers have a sound framework for planning programmes of learning and for assessing and evaluating aspects of teaching and learning. Teachers use effective strategies to praise and recognise learner’s efforts. Students work well independently and in small groups.

Kura-identified areas of development

The board and tumuaki have identified the following priorities to:

  • develop and implement annually a suitable policy for appraisal for all staff
  • improve internal and external moderation of student achievement information
  • gather and analyse accurate student achievement information to inform suitable annual and strategic priorities and the identification of student achievement targets
  • complete the review and refinement of the kura charter, including the strategic and annual plans.

3 Self Review and leadership

The board and tumuaki have diligently sought suitable professional support to improve governance, management, curriculum design and implementation. However, professional support offered by the Ministry of Education has been insufficient to make any positive impact on building the capability of leaders and the whānau.

Self review practice is still developing. The board is not well informed about student achievement across the kura for pānui, tuhituhi, kōrero or pāngarau. They receive student achievement information that has not been well analysed or interpreted. The board does not fully understand the information they receive and are not able to allocate resources strategically to improve achievement across the kura.

Leaders in the kura are inexperienced. The tumuaki is a first time principal who is still learning about her role. She has been proactive in seeking professional development for all teachers and for the board. She has begun to develop a professional culture focussed on continual improvement and reflection. While the tumuaki has made significant progress to improve kura operations there remain many key aspects of kura operations that require further improvement.

Members of the board, including the chair, have demonstrated a clear commitment to improving kura operations. They actively seek out and attend professional development from both Te Runanga Nui o Ngā Kura Kaupapa Māori o Aotearoa and from the New Zealand School Trustees Association to help them to understand their roles and responsibilities. The board is determined to provide the necessary support and resourcing to teachers to help them to raise student achievement across the kura.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration

  • curriculum

  • management of health, safety and welfare

  • personnel management

  • financial management

  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)

  • physical safety of students

  • teacher registration

  • processes for appointing staff

  • stand-downs, suspensions, expulsions and exclusions

  • attendance.

In order for the Whānau to meet compliance requirements they must:

  • develop and implement policies and procedures for the appraisal of all staff annually [S77c State Sector Act 1988, NZ Gazette and relevant Collective Employment Agreement]
  • maintain an on-going programme of self-review in relation to the above policies, plans and programmes, including evaluation of information on student achievement. [NAG 2 (b)].

5 Recommendation

ERO recommends that:

  • Te Runanga Nui o Ngā Kura Kaupapa Māori support the board and tumuaki to address the kura identified areas for improvement

  • The Ministry of Education regularly review and report to the board of trustees about the state of the school buildings to ensure that the physical environment is safe for students.

Conclusion

Te Kura Kaupapa Māori o Te Puaha o Waikato is located at Port Waikato in the Tainui area. Students are developing as learners who communicate in te reo Māori and interact positively with others. The tumuaki and board members have identified significant areas for further improvement in governance, management and curriculum management and implementation. ERO agrees with these areas for improvement.

When is ERO likely to review the kura again?

The next ERO review of Te Kura Kaupapa Māori o Te Pūaha o Waikato will be over the course of one-to-two years - Te Pūpuketanga – Development Evaluation.

Lynda Pura-Watson

Deputy Chief Review Officer Māori

30 June 2015

Information about the Kura

Location

Port Waikato

Ministry of Education profile number

1151

Kura type

Kura Kaupapa Māori (Years 1-8)

Kura roll

57

Gender composition

Girls 28

Boys 29

Ethnic composition

Māori

Niuean

Pakeha

53

2

2

Special features

Te Aho Matua

Review team on site

19 May 2015

Date of this report

30 June 2015

Most recent ERO report(s)

Te Aho Matua Review

Special Review

Supplementary Review

May 2013

April 2009

April 2007