Te Wharekura o Mauao - 08/12/2015

 

1. Te Horopaki

E tū ana Te Wharekura o Mauao ki Peterehema, ki Tauranga. Kua rima tau te kura e whakahaerehia ana i nāianei.

Ko Mauao te maunga, ko Tauranga te moana! Ko Ngāti Ranginui, ko Ngāi Te Rangi, ko Ngāti Pūkenga ngā iwi! Ko te reo, ngā tikanga me ngā āhuatanga o ō tātou tūpuna hei tāhuhu mō te whakairi i ngā mātauranga whānui tonu o te ao!

Ka arotahi ngā tauira ki ō rātou ake huarahi ako, ā, ka eke angitu. Nō Tauranga ngā pouako, ā, e noho ngākau nui ana rātou ki ngā tauira me te hapori. He kaha te whanaungatanga, te manaakitanga hoki i konei, ā, ka kōkiri aua uaratanga i te manaaki me te whai whakaaro nui hoki ki ētahi atu.

He pēhea rawa ngā mokopuna e whakaatu mai i tō rātou mana motuhake ā-ahurea, i tā rātou eke angitu hoki i roto i te mātauranga?

Kei te whakaaraara ngā tauira ki te ahurea, he pakari tō rātou mana motuhake, ā, ka pā ki a rātou te eke angitu i roto i te mātauranga.

2. Ngā Putanga ki ngā Tauira

Ka whakapuaki ngā tauira i te whakahirahiratanga o tō rātou ūkaipō. Ka ahu mai te marautanga i ngā mōhiotanga o ngā iwi me ngā hapū, ā, kua āta whakatōngia ngā kōrero tuku iho, ngā tikanga, me ngā kawa. He tino whānui ngā tūmomo whai wāhitanga e āta whakamaheretia ai hei whakatairanga ake i ngā akoranga. He hōhonu te mōhiotanga o ngā tauira ki te ūkaipōtanga, ā, ka noho pūmau ki te hāpai i ngā hapū me ngā iwi o Tauranga Moana. He manawa whakahī tō rātou, nā tō rātou nei mōhio ko wai rātou, nō hea rātou. He pakari, he whakaaweawe hoki te ahurea o ngā tauira.

Ka tūhura, ka whakawhānui ake hoki ngā tauira i tā rātou whakamahinga i te reo Māori. Kua toro atu te Poumarumaru ki te aromātai o roto, hei whakaraupapa ake anō, hei whakahāngai ake hoki i te tirohanga ki te kounga o te reo Māori. Kua whakaritea e te wharekura ngā hōtaka akoranga puta noa i te kura, tae atu hoki ki ngā akoranga kōkiri, me ngā hui rumaki. Ka tino whakatauira ngā kaiako i te reo Māori me ngā tikanga ki ngā tauira, ā, ka poipoi hoki i te whānuitanga o te matatau ki te reo. E ako ana ngā tauira i te reo Māori ki tētahi taiao e tino hāpai ana i a rātou. He maha ngā whai wāhitanga mō ngā tauira ki te whakamahi i te reo Māori ki ngā horopaki ōkawa, ōpaki hoki. E ako ana rātou i ngā tini āhuatanga katoa o te reo, tae atu ki ngā kīwaha, ngā whakataukī, ngā rerenga me ngā rotarota. He tino mauritau ngā tauira ki te ako me te kōrero i te reo Māori.

Kei te mārama ki ngā tauira ngā tirohanga tuku iho, ngā tirohanga o tēnei wā hoki o te ao Māori. He tau rātou, puta noa i te whānuitanga o ngā tūmomo horopaki. Ka arotahi te kura ki te pakari o ngā tauira ki te whai wāhi atu ki te ao Māori me te ao whānui. Kua whakaritea e ngā kaiako ngā tino mahinga, ngā tūmanako mārama, me te whanonga e hiahiatia ana. He tauutuutu ngā hononga ki waenga i te kura, te hapori, me te hapori whānui, ā, ka whakatairanga ake i ngā mahi. Kei te mārama ngā tauira ki tō rātou āheinga ki te whai wāhi atu ki ō rātou iwi. Ka whai wāhi rātou ki te whānuitanga o ngā tūmomo horopaki, tae atu ki ngā hākinakina, ngā kapa haka, ngā manu kōrero, me ngā hui a ngā iwi. He pai te aro nui o ngā tauira, me tā rātou kawe ake i ā rātou mahi.

Ka kōkiri ngā tauira i tā rātou ake pakirehua, tā rātou hīraurau hopanga. He whai wāhitanga mō rātou ki te tiaki me te whakarauora anō hoki i tō rātou taiao. Kei te mārama ki ngā tauira, he mea nui te manaaki i te taiao, ā, ka noho ngākau nui rātou ki tēnei āhuatanga. Ka whakamahere ngā pouako i ngā tino kaupapa tūturu e whai pūtake ana, ā, e whakatairanga ana hoki i te kaitiakitanga hei painga mō te whānau, ngā hapū, ngā iwi me te katoa. He kaitiaki ngā tauira, ā, ka tiaki, ka whakarauora hoki rātou i tō rātou taiao.

Ka tautokona, ka manaakitia ngā tauira. Ka noho pūmau te whānau me ngā pouako ki te whakarato i ngā tūmomo tautoko ka hāpai i te katoa o te tauira, i roto i ngā tini āhuatanga katoa. I te wā e tika ana, e wātea ana hoki ngā mātanga ki te āwhina i ngā tauira. E mōhio ana ngā tauira, me pēhea te rapu tautoko, me pēhea te toro atu ki te āwhina, ā, ka tiaki hoki tētahi i tētahi. Kei te mārama ki ngā pouako te whakahirahiratanga o ngā hononga tūturu, whakawhirinaki hoki, i a rātou e tautoko ana i ngā tauira ki te ako. I ia rā, ka whakatīmata, ka whakamutu hoki ngā mahi a ngā pouako me ngā tauira ki ngā karakia. Ko ngā taunekeneke a ngā pouako e tohu ana i tō rātou tino aroha mō ngā tauira. He whakaute ngā tauira, ka whai hononga hoki.

He ngana ngā tauira ki te ako. He nui ngā tūmanako o ngā kaiārahi me ngā pouako mō rātou anō hei mātanga mātauranga. Ka noho ngākau nui ngā pouako ki te ako, ā, he pai tā rātou mahi ngātahi, he tākare hoki tā rātou whakapuaki i ō rātou mōhiotanga, ō rātou pūkenga hoki ki waenga i a rātou anō me ngā tauira. Kei te mārama ki ngā pouako, he mea nui te whakapakari i ngā tino tūāpapa ako ki ngā tau 7 me te 8. I te tauira e whai ana i tōna huarahi mātauranga i te kura, kei te tautokona e ia kia piki ake ai tōna āheinga ki te kōkiri i a ia anō. Ka kitea ki ngā hōtuku o Te Taumata Mātauranga ā-Motu kua Taea, kua tino ahu whakamua i roto i ngā tau e toru kua pahure ake nei. He manawa whakahī tō ngā tauira mō ā rātou whakatutukitanga, ā, ka ū tonu te titiro ki te eke angitu tonu.

3. Te ārahitanga me te aromātai o roto

Ka whakaaweawe, ka whakamana hoki te ārahitanga. Ko te aronga a ngā mahi ārahi a te tumuaki ko te tirohanga, te manapori, me te akiaki. Kua hāpai tēnei i ngā pākeke me ngā tauira puta noa i te kura ki te āta kite i te nui o ō rātou pūmanawa hei whakarato, i a rātou e whakapakari anō hoki i ā rātou ake aronga ki te ārahi. Ki ngā reanga katoa o te katoa, ka whakanuia, ka whakamahia hoki ngā pūmanawa me ngā pūkenga hei whakapakari ake hoki i ngā mōhiotanga, ā, hei whakapuaki hoki i ngā whai wāhitanga ki te ārahi me te tautoko i ētahi atu. Ka whakawhānui ake tēnei i te ako ki te hapori tonu me te hapori whānui, ā, i konei ka kawe ake ngā pouako, ngā tauira, me te whānau i ngā whai wāhitanga ki te ārahi. He tino aronga ki te hāpai i te tū rangatira, me te whakamana i ētahi atu. Ka ārahi, ka whai wāhi nui hoki ngā pouako, te whānau, me ngā tauira.

Kei te tupu tonu te aromātai o roto. Ko ngā whakaritenga aromātai i ia te wā e whakarato ana i ngā mōhiohio papai ki te poari mō ngā mahi e whai hua ana, me ngā āhuatanga hoki hei whakaarotanga ake, ki te hāpai i ngā whakapaitanga. Kua oti i a rātou tētahi aromātai rautaki ki te reo Māori, ngā whāinga i whakatakotohia ai, me ngā mahi i whakatutukihia ai. Mā te aromātai o roto, ka kitea tēnā e whakatutukihia ana, ka whakatewhatewha, ā, ka whakamahi i te whakatau ngātahi hei tāutu i ngā whakaritenga ka whāia tonuhia ā meāke nei. Ka arotahi ngā whakataunga ki te waiora me te angitu o ngā tauira.

Ngā wāhanga i tāutuhia ai e te kura hei whakawhanake ake

Kua tāutuhia e te kura:

  • kei te puāwai tonu te aromātai o roto, ā, kei te arotahi rātou ki te whakawhānui ake i ā rātou mahi kia nahanaha ake ai te huarahi.

4. Te Whakatau a Te Poumarumaru ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a Te Poumarumaru mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

 

  • ngā whakahaere a Te Poumarumaru
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

 

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā pouako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

Te Whakarāpopototanga

E tū ana Te Wharekura o Mauao ki Peterehema, ki Tauranga. Kua rima tau te kura e whakahaerehia ana, ā, koia nei tā rātou arotake mātauranga tuatahi. He hōhonu te mōhiotanga o ngā tauira ki te ūkaipōtanga, ā, ka noho ngākau nui hei kaitiaki o Tauranga Moana, ngā hapū, me ngā iwi. Ka āta whakamahere te kura i te whai pūtaketanga, te tūturutanga hoki o ngā taiao ako, hei whakapakari i te tūmāia o ngā tauira ki te āta whai wāhi atu.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri i roto i ngā tau e toru.

 

Lynda Pura-Watson

Kaiurungi Whakaturuki Arotake Māori

08 Hakihea, 2015

Ngā Kōrero e pā ana ki te kura

Te tūwāhi

Kei Peterehema, ki Tauranga

Te tau a te Tāhuhu o te Mātauranga

6962

Te tūmomo kura

Tau 7 ki te 13

Te tokomaha o ngā ākonga o te kura

193

Te ira tangata

Tama tāne 102

Kōtiro 91

Ngā hononga ā-iwi

Māori

100%

Ngā āhuatanga motuhake

Kura ā Iwi

Te wā i te kura te rōpū arotake

13 Whiringa-ā-nuku 2015

Te rā o tēnei pūrongo

08 Hakihea, 2015

Ngā pūrongo o mua a Te Tari Arotake Mātauranga

   

 

1. Context

Te Wharekura o Mauao is in Bethlehem, Tauranga. It has been operating for five years.

Ko Mauao te maunga, ko Tauranga te moana! Ko Ngāti Ranginui, ko Ngāi Te Rangi, ko Ngāti Pukenga ngā iwi! Ko te reo, ngā tikanga me ngā āhuatanga o ō tātou tūpuna hei tāhūhū mō te whakairi i ngā mātauranga whānui tonu o te ao!

Tauira focus on their individual learning pathways and find success. Pouako are from Tauranga and are committed to tauira and the community. There is a culture of whanaungatanga and manaakitanga that drives the care and consideration shown to others.

How well do tauira show that they are culturally autonomous, academically successful?

Tauira are culturally aware, independent and experience academic success.

2. Tauira Outcomes

Tauira articulate the importance of their ūkaipō. The curriculum is based on iwi and hapū knowledge where traditions, tikanga and kawa are embedded. An extensive range of opportunities are deliberately planned to enrich learning. Tauira have deep knowledge of ūkaipōtanga and are committed to serve hapū and iwi of Tauranga Moana. They are proud of who they are and where they come from. Tauira are culturally capable and influential.

Tauira explore and expand their use of te reo Māori. The Poumarumaru has used internal evaluation to reprioritise and focus on the quality of te reo Māori. The wharekura has established kura wide learning programmes which includes accelerated learning and hui rumaki. Kaiako are strong models of te reo Māori me ngā tikanga for tauira and cater for the different levels of proficiency. Tauira are learning in a supported te reo Māori environment. There are regular opportunities for tauira to use te reo Māori in formal and informal contexts. They are learning the dimensions of the language including kīwaha, whakataukī, rerenga, and rotarota. Tauira are comfortable learners and speakers of te reo Māori.

Tauira understand traditional and contemporary views of te ao Māori. They are at ease across a wide range of contexts. The kura focuses on tauira as confident participants in Māori and non-Māori worlds. Kaiako have established sound routines, clear expectations and boundaries. The relationships between the kura, the local community and wider community are reciprocal and enhancing. Tauira understand how they can contribute as members of their iwi. They are involved in a wide range of contexts including sports, kapa haka, manu kōrero and iwi events. Tauira respond well and are responsible.

Tauira are independent investigators and problem solvers. They are provided with opportunities to protect and restore their environment. Tauira understand the importance of and are committed to caring for the environment. Pouako plan meaningful authentic projects to promote kaitiakitanga for the benefit of whānau, hapū, iwi and others. Tauira are kaitiaki who protect and restore their environment.

Tauira are supported and cared for. The whānau and pouako are committed to providing wrap around support for their tauira in all settings. Where and as necessary additional people with specialist skills are available to help tauira. Tauira know how to seek support, ask for help and look after others. Pouako understand the importance of genuine and trusting relationships as they support tauira as learners. Each day pouako and tauira begin and end with karakia. Pouako interactions reflect their depth of aroha for tauira. Tauira are respectful and connected.

Tauira are engaged learners. Leaders and pouako have high expectations of themselves as education professionals. Pouako are passionate teachers who work well as a team and eagerly share their knowledge and skills with each other and tauira. Pouako understand the importance of building strong learning foundations in years 7 and 8. As tauira move through the kura they are well supported to increase their level of independence. The NCEA data shows considerable progression over the last 3 years. Tauira are proud of their achievements and determined to succeed.

3. Internal Review and Leadership

Leadership is influential and empowering. The principal’s approach combines visionary, democratic and coaching leadership styles. This has supported adults and tauira across the school to understand that they have a lot to contribute, as they build their own approach to leadership. At all levels of the school, strengths and skills are acknowledged and used to build knowledge, create opportunities for leadership and support for others. This expands to the wider learning, local and international communities where pouako, tauira and whānau take leadership opportunities. There is a strong focus on creating leaders and empowering others. Pouako, whānau and tauira lead and contribute.

Internal evaluation is continuing to evolve. Regular evaluation practise provides good information to the board about how they are doing, and what they need to consider to support improvement. They have completed a strategic evaluation looking at te reo Māori, the goals set and actions taken. Internal evaluation creates a space to notice what is happening, investigate and use collaborative sense making to determine next steps. Decision making focuses on the wellbeing and success of tauira.

Kura-identified areas of development

The kura identified that:

  • Internal evaluation continues to evolve and they are focused on expanding what they do in a more systematic way.

4. Te Poumarumaru assurance on legal requirements

Before the review, the board of trustees and principal completed the Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • Te Poumarumaru administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

Conclusion

Te Wharekura o Mauao is based in Bethlehem, in Tauranga. The kura has been operating for five years and this is their first education review. Tauira have deep knowledge of ūkaipōtanga and are committed to be kaitiaki of Tauranga Moana, hapū and iwi. The wharekura purposely plan meaningful authentic learning environments to build tauira confidence to be better contributors.

When is ERO likely to review the school again?

ERO is likely to carry out the next review in three years.

 

Lynda Pura-Watson

Deputy Chief Review Officer Māori

8 December 2015

 

Information about the Kura

Location

Bethlehem, Tauranga

Ministry of Education profile number

6962

Kura type

Year 7 - 13

Kura roll

193

Gender composition

Boys 102

Girls 91

Ethnic composition

Māori

100%

Special features

Designated Character – Kura-ā-iwi

Review team on site

13 October 2015

Date of this report

8 December 2015

Most recent ERO report(s)