Te Wharekura o Nga Purapura o Te Aroha

1 Te Horopaki

E tū ana Te Wharekura o Ngā Purapura o Te Aroha ki Te Awamutu, ki te papa akoranga o Te Wānanga o Aotearoa. E whakarato ana te kura i ngā whakaakoranga mō ngā ākonga o te tau 1 ki te 13. Whai muri i te arotake o mua a Te Tari Arotake Mātauranga i te tau 2015 kua tāparatia te tatauranga tamariki, heoi, kua eke i nāianei ki te 92 o ngā ākonga. Kua tino ahu whakamua ngā whanaketanga i te wharekura. I whakaaetia ngā mahi aromatawai a te kura e Te Mana Tohu Mātauranga o Aotearoa i te tau 2017. Nō te tau 2013 te kura i whakaaetia ai kia hanga i ngā whare o te kura ki tētahi papa tūturu mō rātou. Ahakoa kua whakataungia tētahi wāhi tūturu hou mō rātou ki tua i te papa akoranga o Apakura i Te Wānanga o Aotearoa, e haere tonu ana te pupū ake o ngā take e takaroa ai i te tīmatanga o te mahi hanganga.

E ai ki te tauāki taketake a te kura, ‘He taonga te tamaiti.’ E whakapūmautia ana tēnei e te whānau, te poari, me ngā kaimahi mā te āhua o ā rātou mahi ki te whakahaere me te arotake i ngā whakaritenga i te kura. E noho ngākau nui ana rātou ki te whakarato i te mātauranga kua whakahāngaitia, mā te aronga matua anō hoki ki Ngā Pou Tikanga, otirā, e whakarite ai i ngā tawhā ako ki ngā pou e whā o roto i tētahi whare tupuna. Ko aua pou, ko:

• Poumua – e hāpai ana i ngā ākonga kia rongo ai rātou i te angitu i ō rātou huarahi ako me tō rātou ao
• Poutokomanawa – e whakatō ana i ngā uara matua puta noa i te kura
• Poutuarongo – kia noho te reo Māori ki te pūtahi tonu o ngā whakaakoranga me ngā akoranga
• Poutāhuhu – e whakanui ana i te whai wāhi matua o te whānau me ngā tāngata ki te kura.

Ka kitea ki ngā ākonga tō rātou manawa whakahī mō ō rātou tuakiri, ā, he kaha anō hoki tō rātou aronga toi whenuatanga.

2 Te Tino Uaratanga

He pēhea rawa ngā ākonga e whakaatu i ō rātou ake tū takitahi, i ō rātou pūmanawa anō hoki hei ākonga?

E tino puāwai ana ngā ākonga ki te taiao nei e poipoi ana i ō rātou ake tū takitahi me ō rātou pūmanawa hei ākonga.

Poumua – Te Ao Hurihuri

Ka rongo ngā ākonga i te eke angitu me ngā whakatutukitanga i tō rātou taiao ako. Ka whakatauira ngā kaimahi i te ngākau nui me te tākare ki te taha o ngā ākonga me te whānau. He aronga riterite, aronga nahanaha anō hoki ki te whakamahere i te marautanga. Ka whakawhanakehia te hōtaka akoranga ake a ia ākonga e ngā ākonga, te whānau, me ngā kaiako. Ka tāutu rātou i ngā pūmanawa me ngā matea ako, ka whakatakoto i ngā whāinga, ā, ka whakamahere i ngā rautaki ako me ngā taumahi e aro matua ana ki a rātou ake. Ko ngā ākonga e mau ana i ngā matea ako ake, ka whai wāhi atu ki ngā kaupapa e āta whakawero ana, e āta hāpai ana hoki i a rātou. He pai te whakaritenga o ngā taiao ako, ā, ka whakaongaonga hoki. E whakawhanake ana ngā ākonga i ngā pūkenga ki te tū takitahi me te kōkiri i a rātou anō i roto i ā rātou akoranga.

Ka whakaratohia mā ngā ākonga o te wharekura ngā whai wāhitanga ki te eke angitu i te Taumata 1, te Taumata 2, me te Taumata 3 o Te Taumata Mātauranga ā-Motu kua Taea, ā, i te Tohu Whakauru Whare Wānanga hoki. Kei te mārama ki ngā ākonga tēnā e tūmanakohia ana i roto i ā rātou akoranga, me ā rātou whakatutukitanga. Ka whakarato i ngā pūrongo ahu whakamua ki ngā whānau i ia te wā, ā, ka aroturuki ngā kaiako i te ahu whakamua me ngā whakatutukitanga o ngā ākonga, puta noa i ia wāhanga. Ka kitea ki ngā ākonga tuākana tā rātou kōkiri, te ngākau nui, me tō rātou tākare i ā rātou akoranga.

Poutokomanawa - Aroha

Ka whakatinana ngā ākonga i ngā uara matua o te kura i roto i ā rātou akoranga me ā rātou taunekeneke ki ētahi atu. Ko te tūhonohono ā-ako nei e whai hua ana ki te āta whakauru mai i ngā whānau. Kua whakatō katoatia puta noa i te kura, ko ngā uara matua o te manaakitanga, te mauri, te āhurutanga, te koha, te whakapono, me te kotahitanga. Ka whakatauirahia aua uara e ngā pakeke, i a rātou e whakawhanaunga ana ki waenga i a rātou anō, ki ngā ākonga hoki. Ka whakaute, ka tautoko hoki ngā ākonga i ō rātou hoa. Ka āta poipoia ngā pūkenga me ngā pūmanawa ki te ārahi, i roto i ngā ākonga katoa, puta noa i ngā reanga. Kei te tūmāia, kei te harikoa hoki ngā ākonga.

Poutuarongo – Te reo Māori me ngā tikanga Māori

E ako ana ngā ākonga ki tētahi taiao e mau ana i te hōhonutanga me te mātotorutanga o te reo. Ko tō te whānau wawata, kia kōrero ā rātou tamariki i te reo Māori. Ka whakatauira ngā kaumātua, te whānau, me ngā kaimahi i te hōhonutanga o te reo Māori. Ka whakarato rātou i te reo ā-iwi me ngā tikanga o Waikato mā ngā karakia, ngā waiata, me ngā haka. Kei te mārama ki ngā ākonga ngā tino tūmanako kia kōrerohia e rātou te reo Māori, puta noa i te rā. He aronga nahanaha, he aronga riterite ki te whakapakari i ngā pūkenga reo o ngā ākonga. Kua whakatakotohia ētahi tino rautaki mō ngā ākonga e tauhou ana ki te mātauranga rumaki, pērā i tētahi hōtaka reo whai kaha, me ngā kaiāwhina e whakarato ana i te tautoko i roto i ngā akomanga. He ngākau titikaha ō ngā ākonga tuākana ki te whakaputa whakaaro, te patapatai, te tautohetohe, me te whai wāhi atu ki ngā whakawhitinga kōrero ki ō rātou hoa me ngā pakeke. E whanake ana te mātau o ngā ākonga ki te reo Māori.

Poutāhuhu – Te Pā Harakeke

He tirohanga ngātahi tō te whānau mō te whakawhanaketanga o te kura. He aronga nui ki ngā whakapaitanga ka whakatairanga ake i ngā paetae ākonga me te eke angitu i roto i ngā akoranga. Ko te oranga torowhānui o ngā kaimahi me ngā ākonga tētahi aronga matua. Ka whakatauirahia, ka whakapūmautia hoki ngā tūmanako teitei. He aronga whakamana, he aronga whakatōpū hoki tō te ārahitanga i te whānau me ngā ākonga. Ka whakanuia te hokihoki mai o ngā raukura ki te kura hei kaimahi. Ka whakamahia te whānuitanga o ngā tūmomo rautaki whakawhiti whakaaro e tika ana, e whai hua ana hoki, kia whai wāhi mai ai te whānau.

He aronga nahanaha, whai pūtake hoki ki ngā mahi arotake whaiaro i te kura. Ko ngā uara o te kura e noho pū ana ki te āhua o ngā mahi a te poari, ngā kaiārahi, ngā kaimahi, me te whānau ki te aromātai i ngā whakahaeretanga me ngā putanga i te kura. Kei ngā tūnga kaitiaki o te poari te whānuitanga o ngā tautōhito, mātanga hoki e hāpai ana i te kāwana i te kura. E tohu ana te tātari o ngā paetae ākonga i te ekenga o te nuinga o ngā ākonga ki ngā taumata e tūmanakohia ana mō rātou, ā, ki tua atu rānei. E āta aroturukitia ana ngā paetae i te reo matatini me te pāngarau, ā, kua tāutu i ngā rōpū matua o ngā ākonga e tika ana, kua tohaina, kua whakaratohia hoki te tautoko me ngā rauemi, ā, kua whakatakotohia ngā tukanga kia haere tonu ai te aroturukitanga i ia te wā.

Ngā Whakaritenga Matua ka whai ake

Kua tāutuhia e ngā kaiako i te kura tuatahi, e tika ana kia aro ake ki te whakawhānui tonu i ngā akoranga o ngā ākonga e eke kē ana ki te taumata e tūmanakohia, ā, o rātou rānei kei tua atu kē o aua taumata. Waihoki, ahakoa kua whakatinanahia ngā rautaki haumanu ako hei hāpai i te hopu reo, he whai wāhitanga anō hoki mō ngā kaiako ki te whai whakaaro ki ētahi atu wāhanga o tā rātou marautanga e whakawhānui ai i ngā ākonga. Ka kitea ki ngā kaiako tō rātou ngākau nui ngātahi ki te kōkiri i ngā painga mō ngā ākonga katoa.

E whanake ana te whakamahere i ngā huarahi mō ngā ākonga i te wharekura. Nā te tupu haere o te ratonga mātauranga wharekura i ngā tau tata kua pahure ake nei, kua mahi ngā kaiārahi me ngā kaiako i te wharekura ki te whakatōpū i ngā huarahi ako, ki te whakatinana i ngā tino tukanga, ā, ki te whakapakari anō hoki i ngā pūmanawa o ngā kaimahi me te ārahitanga. He mātātoa tā rātou tūhura ngātahi i ngā tūmomo aronga e whakatairanga ana i te whakapuakitanga o ngā akoranga i te wharekura. Ko ētahi o aua mahi, ko te whakatewhatewha me te whakapakari i te aronga ki te whakamahere i ngā huarahi mātauranga ake o tēnā me tēnā, ki te taha o ngā ākonga me ō rātou whānau.

Ētahi atu tino take

E noho tonu ana te whakawhanaketanga rawa hei kaupapa matua mō ngā kaimahi me te whānau. I tāutuhia ki te pūrongo o mua a Te Tari Arotake Mātauranga, ngā tino take i hāngai ai ki te whakawhāititanga o te wāhi o te kura i tēnei wā, me te uaua ki te whakapā atu ki ngā rauhanga matua. Mai i te arotake o mua, kua tāparatia te tatauranga o ngā ākonga, ā, e āta whakahaerehia ana ngā whakaurutanga ki te kura mō meāke nei. Ko te whakawhāititanga o ngā rauhanga i tēnei wā he aronga anō hoki hei whakaarotanga mō ngā kaimahi me te poari, i a rātou e rapu ana i ngā huarahi auaha ki te āta whakamahi i ngā wāhi e wātea ana, me te whakaheke i ngā āhuatanga ka pā tōraro pea ki te hauora me te haumaru o ngā ākonga me ngā pakeke i te wāhi nei. Ko te whakaroa tonutanga i ngā mahi ki te hanga i ngā whare me ngā rauhanga hou ki tētahi wāhi tūturu e pā tōraro ana anō hoki ki te tupu tonu me te whānuitanga o ngā mahi e whakatairanga ana i ngā whai wāhitanga ako o ngā ākonga, mā te huarahi tirohanga tonu ō te kura. E whakawhiti kōrero tonu ana Te Tāhuhu o te Mātauranga me te poari.

3 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Poari mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura
• te whakatutuki i ngā herenga ā-ture e pā ana ki Te Ture Oranga Tamariki 2014.

4 Te Taunakitanga

E taunaki ana Te Tari Arotake Mātauranga kia:

• whakawhiti kōrero tonu te poari ki Te Tāhuhu o te Mātauranga mō te whakawhanaketanga o ngā rawa.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Wharekura o Ngā Purapura o Te Aroha i roto i ngā tau e toru.

Lynda Pura-Watson

Kaiurungi Whakaturuki Arotake Māori

24 Hereturikōkā, 2018

Ngā Kōrero e pā ana ki te kura

1 Context

Te Wharekura o Ngā Purapura o Te Aroha is in Te Awamutu and is situated on the site of Te Wānanga o Aotearoa. The kura provides learning for Year 1 to 13 students. Since the previous ERO review in 2015, the roll has doubled and is now at 92 students. There has also been significant progress in the development of the wharekura. The kura was granted consent to assess by NZQA in 2017. Approval was granted in 2013 for the construction of kura buildings on a new permanent site. Although a new site adjacent to the Apakura campus of Te Wānanga o Aotearoa has been identified, there have been ongoing delays to the start of construction.

The kura mission statement is He taonga te tamaiti. The whānau, board of trustees and staff uphold this through the way they manage and review kura operations. They are committed to providing tailored education with an emphasis on Ngā Pou Tikanga which liken the parameters for learning to the four pou within a tūpuna whare. These pou include:

• Poumua – supporting students to experience success in their learning and the world
• Poutokomanawa – embedding core values throughout the kura
• Poutuarongo – placing te reo Māori at the heart of teaching and learning
• Poutāhuhu – recognising the central role of whānau and people within the kura.

Students show pride in their identity and have a strong sense of belonging.

2 Student Outcomes

How well do students show individuality and potential as learners?

Students thrive in an environment that fosters their individuality and potential as learners.

Poumua – Te Ao Hurihuri

Students experience success and achievement in their learning environment. Kaimahi model passion and enthusiasm with students and whānau. There is a consistent and deliberate approach to curriculum planning. Individual learning programmes are developed by students, whānau and kaiako. They identify strengths and learning needs, set goals and plan responsive learning strategies and activities. Students with additional learning needs participate in opportunities that provide appropriate challenge and support. Learning environments are well organised and stimulating. Students are developing skills to become independent and self-managing learners.

Students in the wharekura are provided with opportunities to achieve success in NCEA Levels 1, 2 and 3, as well as University Entrance. Students are clear about what is expected in terms of their learning and what they want to achieve. Regular progress reports are given to the whānau, and teachers monitor students’ progress and achievement throughout each term. Senior students show independence, enjoyment and enthusiasm in their learning.

Poutokomanawa – Aroha

Students demonstrate the core values of the kura in their learning and in their interactions with others. Learning centred relationships effectively engage and involve whānau. Core values of manaakitanga, mauri, āhurutanga, koha, whakapono and kotahitanga are embedded throughout the kura. These values are modelled consistently by adults in the ways they relate with one another and with students. Students are respectful and supportive of their peers. Leadership skills and potential are deliberately fostered in students of all ages. Students are confident and happy.

Poutuarongo – Te Reo Māori me ngā Tikanga Māori

Students learn in a language-rich environment. The whānau aspire for their children to speak te reo Māori. Kaumātua, whānau and kaimahi model high language competency. They provide the dialect and tikanga of Waikato through karakia, waiata and haka. Students understand the clear expectations for speaking te reo Māori throughout the day. There is a planned and consistent approach to build the language skills of students. Deliberate strategies are in place for students who are new to immersion education, including an intensive reo programme and the use of kaiāwhina to provide in-class support. Older students confidently converse, question, debate and engage in conversations with peers and adults. Students are developing competency in te reo Māori.

Poutāhuhu – Te Pā Harakeke

The whānau has a shared vision for the development of the kura. There is a strong focus on improvement that promotes student achievement and success in learning. Holistic well-being of staff and students is a priority. High expectations are modelled and maintained. There is an empowering and collaborative approach to leadership with whānau and students. The kura values the return of raukura as kaimahi. A range of appropriate and effective communication strategies are used to engage whānau.

There is a strategic and purposeful approach to self-review in the kura. The values of the kura are central to how the board of trustees, leaders, staff and whānau evaluate operations and outcomes in the kura. The membership of the board of trustees includes a range of experience and expertise to support kura governance. Analysis of student achievement shows most students are already achieving at or above the expected levels. Achievement in te reo matatini and pāngarau is closely monitored with priority groups of students identified, targeted support and resources allocated, and ongoing monitoring processes in place.

Key next steps

Kaiako in the kura tuatahi have identified the need to focus more on extending learning for those students who are already achieving at or above expected levels. Furthermore, while remedial strategies have been implemented to support language acquisition, there are opportunities for kaiako to consider other areas within their curriculum where students can be extended. Kaiako demonstrate a shared commitment to accelerating outcomes for all students.

Pathway planning for students in the wharekura is developing. As the provision of wharekura education has grown over recent years, leaders and kaiako in the wharekura have worked to consolidate learning pathways, implement robust processes, and build staff and leadership capability. Together they are actively exploring different approaches to enhance the delivery of learning in the wharekura. This includes examining and strengthening the approach to planning individual education pathways alongside students and their whānau.

Other significant issue

Property development remains a key priority area for the staff and whānau. The previous ERO report identified significant issues relating to the limited capacity of the current site and access to key facilities. Since the time of the previous review, the number of students has doubled, and future enrolments are being carefully managed. The limited capacity of the current facilities has placed additional pressure on staff and board of trustees to find innovative ways to utilise the available spaces, and to minimise the risks to the safety and wellbeing of students and adults onsite. The ongoing delays to the construction of the new buildings and facilities on a permanent site are hindering the continued growth and the further potential to enhance learning opportunities for students in line with the vision for the kura. The Ministry of Education is continuing discussions with the board of trustees.

3 Board assurance on legal requirements

Before the evaluation, the board of trustees and principal completed the Board Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the evaluation, ERO checked the following items because they have a potentially high impact on student safety and wellbeing:

• emotional safety of students (including prevention of bullying and sexual harassment)
• physical safety of students
• teacher registration and certification
• processes for appointing staff
• stand-downs, suspensions, expulsions and exclusions
• attendance
• compliance with the Vulnerable Children Act 2014.

4 Recommendation

ERO recommends that:

• the board of trustees continue to engage in discussions with the Ministry of Education regarding the property development.

When is ERO likely to review the kura again?

The next ERO review of Te Wharekura o Ngā Purapura o Te Aroha will be in three years.

Lynda Pura-Watson

Deputy Chief Review Officer Māori

24 August 2018

Information about the Kura