Te Wharekura o Te Rau Aroha - 24/06/2016

Ngā Whakaaturanga

E tū ana Te Wharekura o Te Rau Aroha ki Matamata, i Waikato. Ko ngā uaratanga o Te Kīngitanga te tūāpapa o ngā mātāpono me ngā whakapono e whakatinanahia ana ki te kura. He pakari te aronga o te whānau me ngā ākonga. Ka whakahonohono atu ngā ākonga ki a rātou anō. E tino poipoia ana ngā ākonga ki tētahi taiao e akiaki ana, e hāpai ana hoki i a rātou ki te eke angitu.

Tērā ka whakahaeretia e Te Tari Arotake Mātauranga te arotake whai muri o Te Wharekura o Te Rau Aroha i roto i ngā tau e toru, arā, he arotake o Te Rākeitanga. 

1 Te Horopaki

Kua pūrena tonu ngā ngākau e ngā tumu kōrero o Te Aho Matua, hei huarahi e aupiki ake ngēnei Māhuri o Ngāti Haua, ki ngā kōtihitihitanga e tika ana mō rātou.

Ko Te Wharekura o Te Rau Aroha tētahi kura hiato (Tau 1-13) ki Matamata, ki te rohe o Waikato. E poipoia ana ngā ākonga me te whānau ki ngā uaratanga me ngā whakapono Karaitiana, Māori hoki. He tino tūāpapa aua mātāpono mō te tūtohinga me te aronga rautaki o te kura. Ka tuituia hoki ngā mātāpono me ngā whāinga o Te Kīngitanga me te Tumuakitanga, hei āhuatanga tonu o te tikanga whakaaro me ngā whakapono e ārahi ana i te kura, me ngā hōtaka akoranga. Ka noho whakahihiri ngā ākonga ki te kōkiri i ā rātou huarahi angitu mō rātou anō, mō ō rātou whānau hoki.

2 Te Tino Uaratanga

He pēhea rawa te whakaatu a ngā ākonga i te pakari o tō rātou kiritau, tō rātou tūmāia, tō rātou kiritoa, me ō rātou pūmanawa ki te ārahi?

He pakari te aronga kiritau me te tūmāia o ngā ākonga, ā, ka whakaatuhia e rātou ngā pūmanawa o te ārahi.

Te Ira Tangata

Ka tino poipoia, ka tino manaakitia hoki ngā ākonga.

He pai, he whakakoia hoki ngā hononga ki waenga i ngā ākonga, ngā kaimahi, me te whānau, ā, he nui hoki te whakaute. Ka whai pānga nui ngā uaratanga me ngā whakapono ki Te Kīngitanga me te Tumuakitanga, ā, he tino tūāpapa ēnei mō ngā akoranga. Ka whai pānga nui ngā whakapono me ngā tikanga o te iwi ki te āhua o ngā mahi ki te kura. Ka hāpaitia, ka whakamanahia hoki te whai wāhi mai o ngā kaumātua me ngā kuia. Ka tautāwhi te taiao ako i ngā mātāpono o Ngāti Haua, pērā i te whai koha, te manaakitanga, te ururoa, me te reo hei reo rangatira. Nā tēnei, he manawa whakahī tō ngā ākonga mō rātou anō, mō tō rātou tuakiri hei uri o Haua. He tākare ngā ākonga.

Te Reo

Ka whakaaro, ka kōrero hoki ngā ākonga mā te reo Māori.

Ka kōrero ngā ākonga me ngā kaimahi i te reo Māori anake. Ka whakapuaki ngā ākonga i ō rātou whakaaro mā te reo Māori, ā, he pakari, he whakakatakata, he māhorahora anō hoki te whakaputa mai. Ka mārama rātou i te whai pānga me te whai wāhi nui o te reo Māori ki te kura me tō rātou iwi. He pakari te kōrero i te reo Māori i ngā wā katoa, ā, he matatau hoki tā rātou whakamahinga. Nā te taki i ia rā i ngā karakia, ngā hīmene me ngā mōteatea, ka tau mai te rangimārie, te mauritau anō hoki ki te kura me te taiao akoranga o ngā ākonga. He mātau te kōrero a ngā ākonga i te reo Māori.

Kua āta whakaritea ngā rautaki ka whakatairanga ake i te reo Māori ki te hapori whānui. Ka whakarato ngā kaimahi me ngā mema o te whānau i ngā taumahi i ia te wā ka whakawhanake, ka whakawhānui hoki i te mātau o ngā ākonga ki te reo. Ka whakapuaki te whānau i tō rātou mōhiotanga, tō rātou mātanga hoki hei hāpai i te whakawhanaketanga reo o ngā ākonga me ā rātou whakatutukitanga. He mātātoa tā rātou whai wāhi atu ki te taha o ā rātou tamariki, hei whakarauora anō, hei kōkiri anō hoki i te reo Māori ki te motu, ki tāwāhi hoki.

Ka aroturuki, ka aromatawai hoki ngā kaiako i ngā pūkenga reo me ngā whakawhanaketanga reo o ngā ākonga. He pai te whakarite i ngā ākonga hei tino puna reo, hei tino puna ahurea hoki mō ō rātou whānau, ō rātou hapū, ō rātou iwi, me tō rātou hapori. Ka tū pakari ngā ākonga i roto i tō rātou reo me tō rātou ahurea.

Ngā Iwi

Ka rongo, ka whakaatu hoki ngā ākonga i te manawa whakahī, i tā rātou kawenga ake anō hoki hei uri o tō rātou iwi.

Ka mārama, ka whakatutuki hoki i ngā ākonga i ia te wā, i ā rātou takohanga, ā rātou kawenga anō hoki ki tō rātou marae o Ngāti Haua. Ka whakarato te kura i ngā whai wāhitanga mō ngā ākonga ki te taunekeneke me te whai wāhi atu ki ngā manuhiri nō tāwāhi, nō ratonga kē atu, nō ētahi atu, ā, nō ētahi atu iwi hoki o te rohe me te motu whānui. Nā aua wheako ka whakawhānui ake te noho maioha o ngā ākonga ki ō rātou hononga ā-whakapapa, ō rātou hononga ki ētahi atu, me te whai whakaaro hoki ki ngā tūmomo rerekētanga o ngā ahurea. Kua hoki mai ētahi o ngā raukura o te kura hei kaiako, hei kaimahi hoki, ā, ka tino whakaaweawe rātou i ā rātou ākonga. Ka kitea te whakaute, te aroha, me te manaaki o ngā ākonga mō ētahi atu.

Ka whakatauira, ka whakatinana hoki ngā kaimahi me te whānau i te whakahirahiratanga o te whanaungatanga me te aroha. Ka hāngai ngā whakaritenga i ngā akomanga ki te kawa me ngā tikanga o te iwi, ā, ka whai pānga nui ki Te Kīngitanga. Ka mārama te whānau i te pūmautanga e tika ana hei mema o te whānau kura, hei āta tautoko anō hoki i ngā ākonga me ngā kaimahi i roto i ā rātou whakaakoranga, ā rātou akoranga, me tō rātou atawhai. Ko te waiora o ngā ākonga te tino tūāpapa mō te whakawhanaketanga pai o te whānau me te hapori. He nui ngā tūmanako o te kura mō ā rātou ākonga katoa, ā, ka noho pūmau ki tō rātou āheinga ki te whai wāhi mātātoa atu ki te whakatau i tā rātou kōkiri whakamua hei uri o Ngāti Haua.

Te Ao

Ka rumakina ngā ākonga ki tētahi taiao e hāngai ana, e whakapūmau ana hoki i tō rātou tirohanga motuhake, tirohanga Ngāti Haua ki te ao.

Ka tūhura ngā ākonga i te ao Māori mā te whai wāhi atu ki ngā karakia, ngā mihimihi, ngā waiata, ngā pepehā me ētahi atu tūmomo kōrero tuku iho. Ka ako rātou i te hītori o Te Kīngitanga, te Tumuakitanga, me ētahi atu wāhi whakahirahira, tāngata whakahirahira hoki e whakahono ana i a rātou ki tō rātou iwi, ā, ki ētahi atu. Ko ētahi kaupapa ā-tau, pērā i Te Wiki Hākinakina, e hāpai ana i te ako a ngā ākonga i ō rātou tūranga, ā rātou kawenga mahi hoki ki ngā horopaki tuku iho me ngā horopaki o te ao hou nei, ki te hapori me te motu. Ka whakatairangatia te ako a ngā ākonga nā ngā whai wāhitanga ki te haereere ki ngā wāhi e noho whakahirahira ana ki tō rātou iwi. Ko ētahi o aua haerenga ka whai pānga ki te tūhura, te whakatewhatewha anō hoki i ngā pou whenua motuhake me ngā wāhi ka whakahua nuitia ki ngā kōrero tuku iho o Ngāti Haua me te waka o Tainui. Ka whakarato ngā kaimahi i ngā whai wāhitanga mō ngā ākonga ki te haere ki tāwāhi, ki te ako me te āta tūhonohono ki ētahi atu iwi taketake o te ao. Ka whakanui, ka whakamana hoki ngā ākonga i tō rātou whai wāhi nui ki te ao Māori me te ao whānui.

Āhuatanga Ako

Ka whakanuia ngā mahi angitu a ngā ākonga.

Ka aro nui ngā hōtaka ki ngā matea ako o ngā ākonga. He ātaahua ngā taiao akoranga, ā, ka āta whakaatuhia, ka whakanuia hoki ngā mahi a ngā ākonga. Ka whai wāhi nui ngā kaiāwhina ki te rōpū whakaako, ā, ka hāpai rātou i ngā kaiako me ngā ākonga. Ka whakamahi ngā kaimahi i te whānuitanga o ngā tūmomo rautaki papai ka whakakipakipa, ka whakaongaonga hoki i ngā akoranga. He māhorahora te whakapuaki a ngā ākonga i ō rātou whakaaro me tō rātou toro atu ki te āwhina o te kaiako. He pai ngā hononga o ngā kaimahi me ngā ākonga ki ētahi atu.

Ka tāutu ngā kitenga ōkawa me ngā kitenga ōpaki i ngā matea ako me ngā ngākau nuitanga o ngā ākonga. Ka ārahi aua mōhiohio i ngā mahere. Kei te whanake ake te aromātai hōtaka. Ka whakamahi ngā kaimahi i te whānuitanga o ngā tūmomo rautaki aromatawai hei tāutu i te ahu whakamua o ia ākonga i roto i āna akoranga. He mātātoa te whai wāhi atu a ngā ākonga ki ā rātou akoranga.

Ngā Wāhanga i tāutuhia ai e te kura hei whakawhanake ake

Ahakoa kua aro atu ki ngā whāinga paetae a ngā ākonga, kāhore anō ngā ākonga kia whakaoti i ngā aromatawai, puta noa i ngā rōpū ā-tau, i ngā ākonga rānei e mau nei i ētahi tino matea akoranga. Nā tēnei, kāhore e taea e te whānau te āta whakatau ngā whakatutukitanga o ngā ākonga katoa ki te taumata e tika ana, te tino rawaka rānei o te tautoko mō ngā ākonga e mau nei i ngā matea akoranga.

Me tātari ake, me whakamārama ake hoki i ngā paetae ākonga, inā koa, ki te reo matatini me te pāngarau. He auau te pūrongo i ngā paetae ākonga, engari kāhore i te rawaka te kiko o ētahi o ngā pūrongo, ā, kāhore hoki i te rawaka ngā mōhiohio e whakaratohia ana mā te poari mō ngā paetae ākonga.

Te Wharekura

E noho pūmau ana ngā kaimahi o te wharekura kia eke angitu ai ngā ākonga. E ako ana ngā ākonga o te wharekura i Te Wānanga o Raukawa, ā, kua riro i ngā ākonga tokowaru ā rātou Heke Mātauranga Māori, ā, tokorua anō hoki i riro ā rāua Poutuarongo Mātauranga Māori. Kei te whakawhanake tonu ngā kaimahi i tō rātou āheinga ā-kura ki te whakarato i te marautanga whānui me ngā ara umanga hoki mō ngā tuākana o te kura.

Ngā Wāhanga i tāutuhia ai e te kura hei whakawhanake ake

I tāutuhia e te whānau o te kura, e tika ana kia whakawhanake ake te aromatawai i ngā kaupapa o Te Taumata Mātauranga ā-Motu kua Taea, tae atu ki te pāngarau me te pūtaiao. Kua tāutuhia hoki e rātou, me hāpai ake i ngā ākonga o te Tau 9 me te Tau 10, kia rite ake ai rātou ki te whakatutuki i te Taumata 1 o te Pāngarau o Te Taumata Mātauranga ā-Motu kua Taea. Ko ngā ākonga kāhore e whiriwhiri ana i te mātauranga o te wānanga, ka whai hua hoki mā te whakarite tonu i ngā ara umanga ka whakatutuki i ō rātou ake matea ako.

3 Te Arotake Whaiaro me te Ārahitanga

Ka whakakotahi te ārahitanga. He tino tauira ngā kaiārahi o te kura mō te whānau kura me te hapori whānui. Ka whakatairanga rātou i te reo Māori. Ka āta whakatauira te tumuaki me ngā kaiwhakahaere matua i tētahi rōpū e noho ngākau nui ana, e noho pūmau ana hoki, ā, e mau ana i ngā ākonga kei te pūtake o ngā whakataunga. He kaha te whakawhirinaki, te tū pakari hoki o te rōpū ārahi, ā, ka akiaki rātou i ngā kaimahi ki te whai wāhi atu ki ngā tūnga ārahi me ngā kawenga mahi, hei painga mō ā rātou ākonga.

He matawhānui te mahere rautaki me te mahere ā-tau. Ka whakanuia te whai wāhi a te whānau, puta noa i te kura. Kua whakaritea tētahi tino mahere tauatanga, ā, he tokomaha ngā raukura kua hoki mai ki te kura hei kaiako, hei kaiāwhina hoki. He pakari ngā tukanga e hāpai ana i te whānau me ngā kaimahi ki te whakarite i te noho matua o te waiora o ngā ākonga. Ka ū te kura ki ngā hononga pakari, ngā hononga hāpai hoki ki te whānau me te hapori whānui.

Te wāhanga i tāutuhia ai e te kura hei whakawhanake ake

Me koke tonu ngā kaiārahi o te kura ki te whakawhanake i te marau a te kura kia hāngai ai, kia whai raupapa ai hoki ngā akoranga mai i te tau 1 ki te tau 13. Mā tēnei aro e whai wāhi ai ngā kaiako me ngā kaiāwhina ki te kawe ake i tētahi hōtaka whakawhanaketanga ngaio e hāngai pū ana ki ngā mahere rautaki, ki ngā whakaritenga o te marau, me ngā mahere aromatawai.

E whanake ana te kounga o te arotake whaiaro. Kāhore i te rawaka ngā whakaaturanga me ngā mōhiohio ki ngā meneti a te whānau me te poari, mō ngā taumata rautaki, te ahu whakamua, me ngā putanga ki ngā ākonga katoa. He mea nui kia arotake, kia pūrongo hoki ngā kaiārahi o te kura i ngā wāhanga matua e hāngai ana ki te āhua o ngā mahi ki te kura i ia te wā.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

Me tahuri te poari me te whānau ki te whakarite i:

  • te hāngaitanga o te arohaehae a te kaiārahi ngaio o te kura i ngā kaimahi whakaako ki Ngā Paearu Mō Ngā Pouako Kua Rehitatia i whakatakotohia ai e te Matatū Aotearoa mō te tuku me te whakahou ake anō i ngā tiwhikete whakaako
    [Wāhanga 31, Te Ture Mātauranga 1989]
  • te whakatutukitanga o te mahi arohaehae kaiako i ngā taumata ngaio.
    [s77c Te Ture Kaimahi Kāwanatanga 1998; Te Kahiti o Aotearoa me ngā Kirimini ā-tōpū mō te Whiwhi Mahi e whai pānga ana]

5 Ngā Taunakitanga

E taunaki ana Te Tari Arotake Mātauranga kia tahuri te poari me te whānau ki te:

  • whakawhanake me te whakatinana tonu i ngā mahere mō te marau a te kura kia whai wāhi atu a Te Aho Matua mō ngā ākonga o ngā tau 1 ki te 13
  • whakapūmau i tētahi taumata o te tautoko ka whai hua ki te hāpai i te whakatutukitanga a te rōpū ārahitanga me ngā kaimahi i ō rātou tūranga ngaio me ā rātou kawenga ngaio, ā, me hāngai pū ki te aromatawai me te pūrongo i ngā paetae ākonga.

Te Whakarāpopototanga

E tū ana Te Wharekura o Te Rau Aroha ki Matamata, i Waikato. Ko ngā uaratanga o Te Kīngitanga te tūāpapa o ngā mātāpono me ngā whakapono e whakatinanahia ana ki te kura. He pakari te aronga o te whānau me ngā ākonga. Ka whakahonohono atu ngā ākonga ki a rātou anō. E tino poipoia ana ngā ākonga ki tētahi taiao e akiaki ana, e hāpai ana hoki i a rātou ki te eke angitu.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Wharekura o Te Rau Aroha i roto i ngā tau e toru, arā, he arotake o Te Rākeitanga.

Lynda Pura-Watson

Kaiurungi Whakaturuki Arotake Māori

24 Pipiri, 2016

Ngā Kōrero e pā ana ki te kura

Te tūwāhi

Kei Matamata

Te tau a te Tāhuhu o te Mātauranga

3115

Te tūmomo kura

He kura hiato (Tau 1 ki te 13)

Te tokomaha o ngā ākonga o te kura

132

Te ira tangata

Tama tāne 71

Kōtiro 61

Ngā hononga ā-iwi

Māori

100%

Ngā āhuatanga motuhake

Kura Kaupapa Māori Te Aho Matua

Te wā i te kura te rōpū arotake

9 Haratua 2016

Te rā o tēnei pūrongo

24 Pipiri, 2016

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Motuhake Te Aho Matua

Arotake Motuhake Te Aho Matua

Hui-tanguru 2012

Pipiri 2007

Haratua 2006

Findings

Te Wharekura o Te Rau Aroha is in Matamata, Waikato. Kīngitanga values form the foundation of the kura’s operating principles and beliefs. Whānau and students have a strong sense of purpose. Students experience connections to others. Students are well nurtured in an environment that encourages and supports them to experience success.

The next ERO review of Te Wharekura o Te Rau Aroha will be in three years – Te Rākeitanga – Expansive Evaluation. 

1 Context

Kua pūrena tonu ngā ngākau e ngā tumu kōrero o Te Aho Matua, hei huarahi e aupiki ai ngēnei Māhuri o Ngāti Haua, ki ngā kōtihitihitanga, e tika ana mō rātou.

Te Wharekura o Te Rau Aroha is a composite (Year 1-13) school in Matamata in the Waikato region. Students and whānau are nurtured in both Christian and Māori values and beliefs. These principles provide a strong foundation for the charter and strategic direction of the kura. Kīngitanga and Tumuakitanga principles and goals are also incorporated as part of the guiding philosophy, beliefs and programmes of learning. Students are motivated participants in creating pathways to success for themselves and their whānau.

2 Te Tino Uaratanga

How effectively do students demonstrate self esteem, self confidence, self discipline and qualities of leadership?

Students have a strong sense of self-esteem, self-confidence and demonstrate qualities of leadership.

Te Ira Tangata

Students are well nurtured and cared for.

Relationships amongst students, kaimahi and whānau are positive and affirming and include high levels of respect. Values and beliefs enshrined in Kīngitanga and Tumuakitanga provide strong foundations for learning. Iwi beliefs and practices influence how things are done at the kura. Kaumātua and kuia presence is supported and valued. The learning environment embraces Ngāti Haua tribal ideals such as whai koha, manaakitanga, ururoa and te reo hei reo rangatira. As a result, students are proud of themselves and their identity as ngā uri o Haua. Students are enthusiastic learners.

Te Reo

Students are thinkers and speakers of Te Reo Māori.

Te reo Māori is the only language spoken by students and staff. Students express their ideas in te reo Māori with confidence, humour and spontaneity. They understand the relevance and significance of te reo Māori at kura and to their iwi. Te reo Māori is spoken confidently, consistently and with a high level of proficiency. The daily recitation of karakia, hīmene and mōteatea brings peace and calm to the kura and to the students learning environment. Students are competent speakers of te reo Māori.

Deliberate strategies are in place to promote te reo Māori in the wider community. Kaimahi and whānau members provide regular activities that develop and extend the language competencies of students. Whānau share their knowledge and expertise to support students’ language development and achievements. They are active participants alongside their children in the reclamation and advancement of te reo Māori nationally and internationally.

Teachers monitor and assess student language skills and development. Students are well prepared as cultural language brokers for their whānau, hapū, iwi and community. Students are secure in their language and culture.

Ngā Iwi

Students experience and demonstrate personal pride and responsibility as tribal members.

Students understand and regularly fulfil their obligations and responsibilities on their Ngāti Haua marae. The Kura provides regular opportunity for students to interact and engage with visitors from abroad, different organisations, and other hapū and iwi regionally and nationally. These experiences extends student’s appreciation of their whakapapa connections, relationship to others, and to be cognisant of cultural differences. Former graduates have returned to the kura as kaiako and kaimahi and as inspiring models for their students. Students show respect, aroha and manaaki for others.

Staff and whānau model and demonstrate the importance of whanaungatanga and aroha. Classroom practices reflect tribal kawa and tikanga that are steeped in Kīngitanga. Whānau understand the commitment required to be part of the kura whānau and to ensure students and kaimahi are well supported in their teaching and learning and care. Student wellbeing is a catalyst for positive whānau and community transformation. The kura have high expectations for all their students and believe in their ability to be active participants in determining their collective future as Uri o Ngāti Haua.

Te Ao

Students are immersed in an environment that reflects and reinforces their unique Ngāti Haua world view.

Students explore te ao Māori through participation in karakia, mihimihi, waiata, pepehā and other oral traditions. They learn about the history of the Kīngitanga, Tumuakitanga and significant places and people that connect them to their iwi and to others. Annual events such as Te Wiki Hākinakina support students to learn about their roles and responsibilities in traditional and contemporary settings in both local and national contexts. Student learning is enhanced by opportunities to travel to places that hold particular importance for their Iwi. These include exploring and investigating landmarks and places recounted in the narratives of Ngāti Haua and Tainui waka. Kaimahi provide students with opportunities to travel internationally to learn about and make meaningful connections with other indigenous cultures. Students acknowledge and value their place in the Māori and wider worlds.

Āhuatanga Ako

Student successes are celebrated.

Programmes are responsive to students’ learning needs. Classroom environments are inviting and students’ work is displayed and celebrated. Kaiāwhina are an integral part of the teaching team and provide support to kaiako as well as students. Kaimahi use a range of effective strategies that motivate and stimulate learning. Students willingly share opinions or seek assistance from kaiako. Kaimahi and students experience positive relationships with others.

Formal and informal observations identify student learning needs and interests. This information guides planning. Programme evaluation is developing. Kaimahi use a range of assessment tools to identify individual students learning progress. Students are actively engaged in their learning.

Kura-identified areas of development

Whilst student achievement targets have been highlighted kaimahi have not completed assessments across all year groups or identified students with specific learning needs. As a result the whānau cannot be assured that all students are achieving to the required standard and that students with specific learning needs are being adequately supported.

Further analysis and interpretation of student achievement data is required, particularly in literacy and numeracy. Student reporting is regular, however some reports lack sufficient detail and do not provide adequate information about student achievement to the board.

Wharekura

Wharekura kaimahi are committed to ensuring student success. Wharekura students are studying at Te Wānanga o Raukawa with 8 students gaining a diploma of Mātauranga Māori and 2 students achieving a degree in Mātauranga Māori. Kaimahi in the wharekura continue to develop their internal capability to provide a broad curriculum and vocational pathways for senior students.

Kura-identified areas of development

The kura whānau identified that further development of assessment in NCEA subjects including pāngarau and pūtaiao is required. They have also identified that additional support is required for Year 9 and 10 students so they are better prepared to undertake NCEA Level 1 Maths. Students who do not opt for tertiary education could also benefit from planned vocational pathways that meet their respective needs.

3 Leadership and Internal review

Leadership is inclusive. Kura leaders are exemplary role models for the kura whānau and wider community. They are advocates for te reo Māori. The principal and senior managers epitomise a committed and dedicated team with students at the heart of decision making. High levels of trust and confidence amongst the leadership team is evident as they encourage staff to take on leadership roles and responsibilities towards providing positive outcomes for their students.

Strategic and annual planning is comprehensive. Whānau contribution across the kura is valued. A sound succession plan is in place as a number of graduates have returned to the kura as both kaiako and kaiāwhina. There are sound processes in place that support the whānau and kaimahi to ensure students wellbeing is a priority. The kura maintains strong and supportive relationships with the whānau and the wider community.

Kura-identified areas of development

Kura leaders should continue to develop the school wide curriculum to align and scaffold learning for years 1 – 13. This approach will enable kaiako and kaiāwhina to undertake a focused professional development programme aligned to the strategic, curriculum and assessment plans.

The quality of internal review is developing. Whānau and board minutes do not provide sufficient evidence and information about strategic targets, progress and outcomes for all students. It is important that Kura leadership regularly reviews and reports on key areas of kura performance.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

The board and whānau must ensure that;

  • the appraisal of teaching staff by the professional leader of the school is based on the Practising Teacher Criteria established by the Education Council for the issue and renewal of practising certificates
    [Ref: Part 31 Education Act 1989]
  • the assessment of teachers is against the professional standards.
    [Good practice re s 77c State Sector Act 1988: NZ Gazette and relevant Collective Employment Agreement]

5 Recommendations

ERO recommends that the board and whānau:

  • continue to develop and implement the kura curriculum planning incorporating Te Aho Matua for years 1 – 13 students
  • maintain an effective level of support for the leadership team and kaimahi to carry out their professional roles and responsibilities with specific focus on assessment and reporting of student achievement.

Conclusion

Te Wharekura o Te Rau Aroha is in Matamata, Waikato. Kīngitanga values form the foundation of the kura’s operating principles and beliefs. Whānau and students have a strong sense of purpose. Students experience connections to others. Students are well nurtured in an environment that encourages and supports them to experience success.

When is ERO likely to review the Kura again?

The next ERO review of Te Wharekura o Te Rau Aroha will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

24 June 2016 

Information about the Kura

Location

Matamata

Ministry of Education profile number

3115

Kura type

Composite Area School (Years 1 – 13)

Kura roll

132

Gender composition

Boys 71

Girls 61

Ethnic composition

Māori

100%

Special features

Te Aho Matua

Review team on site

9 May 2016

Date of this report

24 June 2016

Most recent ERO report(s)

Te Aho Matua Education Review

Te Aho Matua Special Review

Te Aho Matua Special Review

February 2012

June 2007

May 2006