Te Kōhanga Reo o Tahuri Mai

1 Te Horopaki

E tū ana Te Kōhanga Reo o Tahuri Mai ki Manurewa, ki Tāmaki-makau-rau. E 63 ngā tamariki ki te rārangi ingoa o te kōhanga reo. Kei te ū te whānau ki te whakapiki ake i te tatauranga o ngā tāngata kōrero Māori i tō rātou hapori. E hiahia ana rātou kia mōhio ā rātou tamariki ki te kōrero i te reo Māori. Tae atu ai ngā mema o te whānau ki ngā hui a te purapura i ia te wā.

2 Ngā Whakaaturanga o te Aromātai

He pēhea rawa ngā tamariki e whakapuaki i te aroha me te manaaki ki ētahi atu?

Ka whakapuaki ngā tamariki i te aroha me te manaaki mā ā rātou taunekeneke ki ētahi atu.

Ngā Taumata Whakahirahira

E rumakina ana ngā tamariki ki tētahi taiao o te reo Māori. He nui ngā tūmanako o te whānau mō te whakamahinga a ngā tamariki, ngā kaimahi, me te whānau i te reo Māori. Ka whakamahi ngā kaimahi i te whānuitanga o ngā tūmomo rautaki ako reo, pērā i te waiata, te reo rotarota, ngā patapatai i āta whakahāngaitia ai, me ngā whakawhitinga kōrero. He māhorahora te whakawhitiwhiti kōrero a ngā tamariki tuākana mā te reo Māori. Ka aro atu ngā pēpi ki ngā pātai me ngā tohutohu a ngā kaimahi mā te reo ā-tinana me te āhua hoki o ō rātou kanohi. He reo ngāwari, he reo aroha hoki ō ngā kaimahi i a rātou e kōrero ana ki ngā tamariki. Ka aro nui mai ngā tamariki ki a rātou. E whanake ana ngā tamariki ki te kōrero i te reo Māori.

Kei te harikoa, kei te mauritau hoki ngā tamariki ki ētahi atu. Kua whakaritea e te whānau me ngā kaimahi tētahi taiao e āhuru ana, e tautāwhi ana hoki i ngā tamariki. Ka whakatauira ngā kaimahi i ngā ariā o te aroha, te manaaki, me te āwhina i roto i ā rātou taunekeneke ki ngā tamariki. Nā taua tūāhuatanga ka whakapuaki anō hoki ngā tamariki i te manaakitanga me te whai whakaaro nui ki ētahi atu. Ka akiaki ngā kaimahi i ngā tamariki tuākana ki te whai whakaaro nui ki ngā pēpi. Nā reira, e arohaina ana, e manaakitia ana hoki ngā pēpi e ō rātou tuākana. Ka toro atu ngā tamariki ki te āhuru me te whakamanawa o ngā pakeke. He pai ki a rātou ngā hononga whai pūtake nei, ā, ka whakapūmautia e rātou. Kei te harikoa, kei te mauritau hoki ngā tamariki.

E tautāwhitia ana ngā tamariki ki te whanaungatanga, ā, koia nei te tūāpapa whakaioio o ā rātou akoranga. Ka whakarite ngā kaimahi i ngā whai wāhitanga mō ngā tamariki ki te ako i ō rātou whakapapa. Ka tūmāia ngā tamariki tuākana ki te whakapuaki i ō rātou pepeha ki ētahi atu. Ka whakariterite ngā kaimahi i ngā tamariki kia mahi ā-rōpū reanga rātou. Nā reira, e whakaarohia ana ngā matea whakahoahoa o ngā tamariki. Kei te pakari te āhua o ngā tamariki hei ākonga.

Ka whakanui, ka tūhura hoki ngā tamariki i ngā taiao māoriori, tūturu hoki. He tini ngā rauemi ki te taiao o te kōhanga reo, hei whakatutuki i ngā matea o ngā tamariki. Kei te manahua te takotoranga o ngā wāhi o roto, o waho hoki. Ka whakatewhatewha, ka whakahura ngā tamariki i ngā taonga me ngā rauemi i a rātou e ako ana, ā, e tākaro ana hoki. Ko ngā mahere a ngā kaimahi e āta whakarite ana i te ako a ngā tamariki i ngā atua Māori. Ka ako ngā tamariki i te whai pānga o ngā atua Māori ki te taiao māoriori. He nui ngā tohu ahurea huri noa i te taiao ako o ngā tamariki. He ngākau titikaha ō ngā tamariki ki te ako.

Te Whakamahere me te Aromātai

He tau ngā whakaritenga e pā ana ki te arotake whaiaro. Tū ai ngā hui ā-whānau i ia te wā, ā, he pai anō hoki te taetae atu. Ka whai wāhi atu ngā mema o te whānau ki ngā whakataunga. Kua arotakengia te tūtohinga, me te katoa o ngā kaupapa here, ngā tukanga hoki e pā ana ki te hauora me te haumaru. Ka noho matua te hauora me te haumaru o ngā tamariki. He mahere rautaki tā te whānau. E hāngai ana ngā kaupapa matua o te paetawhiti ki ngā whāinga me te ahunga whakamua o te whānau. Pūrongotia ai te ahu whakamua o aua kaupapa matua i ngā hui ā-whānau o ia marama. He pai te takoto ā-tuhi nei i ngā take kaimahi, ā, e hāngai ana hoki ki te wā. Kua oti ngā kaimahi te arohaehae. E whai kawenga ana te whānau hei kaituku mahi.

He tukanga ā ngā kaimahi mō te whakamahere i te hōtaka me ngā aromatawai a ngā tamariki. Ka āta tāutu ngā mahere hōtaka i te kiko o ngā mahi, ngā rautaki hei whakatinana i te hōtaka, me ngā rauemi. E whai wāhi nui ana ngā tamariki ki tētahi hōtaka i āta whakaritea ai, ā, i āta whakahaerehia ai hoki. Ka whakamahi ngā kaimahi i te whānuitanga o ngā tūmomo huarahi aromatawai e whakaemi ai i ngā mōhiohio e pā ana ki tēnā e ākona ana e ngā tamariki, ā, ki tā rātou ahu whakamua hoki. He mana tō te whānau kia kōrero urupare mō ngā aromatawai e pā ana ki ā rātou tamariki. E whakahaere ana te whānau i te kōhanga reo hei painga mō ngā tamariki.

Ngā Whakaritenga Matua ka Whai Ake

Ahakoa kei te rawaka ngā whakaritenga e pā ana ki te arotake whaiaro, tērā anō ētahi āhuatanga hei whakapai ake, tae atu ki te:

• whakamahine i ngā pūrongo a ngā kaiako, kia uru mai ai hoki te aronga ki te whai rauemi o te hōtaka, me ngā take hauora, ngā take haumaru hoki e pā ana ki ngā tamariki, ā, kia whai hononga mārama anō hoki ki ngā mahere me ngā mahi aromātai
• whakapakari i te aromātai hōtaka kia tāutuhia ai ngā āhuatanga o te hōtaka akoranga hei whakapai ake, ā, kia kaha ake ai te āta aroturuki i te kounga o te hōtaka akoranga
• whakatakoto haere i te katoa o ngā mahi matua ki roto i tā rātou mahere ā-tau.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakapakarihia te pūrongo atu a te kaiako ki te whānau
• whakamahia te aromātai hōtaka hei whakapai ake i ngā putanga ki ngā tamariki
• whakawhanakehia tētahi mahere ā-tau hei ārahi i te whakahaeretanga me ngā whakaritenga katoa o te kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Tahuri Mai i roto i te toru o ngā tau.

Charles Rolleston Toka ā-nuku

21 Hakihea, 2018

Ngā kōrero e pā ana ki te kōhanga reo

1 Context

Te Kōhanga Reo o Tahuri Mai is in Manurewa, Auckland. The kōhanga reo has 63 children on the roll. The whānau have a commitment to increasing the number of Māori speakers in their community. They want their children to be able to speak te reo Māori. Whānau members regularly attend their purapura hui.

2 The Evaluation Findings

How well do children express love and care with others?

Children express love and care through their interactions with others.

Ngā Taumata Whakahirahira

Children are immersed in a te reo Māori environment. Whānau have high expectations for the use of te reo Māori by children, kaimahi, and whānau. Kaimahi use a variety of language learning strategies such as waiata, sign language, focused questions and conversations. Older children communicate naturally in te reo Māori. Babies respond to kaimahi questions and instructions using their body language and facial expressions. Kaimahi speak gently and lovingly to children. Children respond positively. Children are developing as speakers of te reo Māori.

Children are happy and positive towards others. Whānau and kaimahi have established a warm and secure environment for children. Kaimahi model concepts of aroha, manaaki and āwhina in their interactions with children. In return children display care and concern for others. Kaimahi encourage older children to be considerate of the babies. As a result, the babies are loved and cared for by their tuākana. Children look for comfort and reassurance from adults. They enjoy and maintain meaningful relationships. Children are happy and settled.

Children are embraced by whanaungatanga which provides a firm foundation for their learning. Kaimahi create opportunities for children to learn about their whakapapa. Older children are confident to share their pepeha with others. Kaimahi organise children to work in groups according to their ages. This ensures that children’s social needs are considered. Children appear to be secure as learners.

Children acknowledge and explore the natural and physical environments. The kōhanga reo environment is well resourced to meet children’s needs. There is a natural flow between the indoor and outdoor environments. Children investigate and discover natural and physical resources in their learning and play. Kaimahi planning ensures children are exposed to atua Māori. Children learn about the impact of atua Māori on the natural environment. Children learn in an environment where cultural icons are prevalent. Children are confident learners.

Planning and Evaluation

Self review practices are sound. Whānau hui are held regularly and well attended. Whānau members are involved in decision making. The charter and all health and safety policies and procedures have been reviewed. Children’s health and safety is a priority. The whānau have a strategic plan in place. Long term priorities align with the goals and future direction of the whānau. Progress towards these priorities are reported at monthly whānau hui. Personnel matters are well documented and up to date. Kaimahi appraisals have been completed. The whānau are responsible employers.

Kaimahi have processes in place for programme planning and children’s assessments. Programme planning clearly identifies content, strategies for implementing the programme and resources. Children enjoy a programme that is well organised and managed. Kaimahi use a range of assessment methods to gather information that reflects what children are learning and their progress. The whānau have opportunities to comment on their children’s assessment. The whānau manage the kōhanga reo in the best interests of the children.

Key Next Steps

While self review practices are adequate, there are aspects that can be improved, including:

• refining kaiako reports to include a focus on programme resourcing and health and safety issues relating to children, with clear links to planning and evaluation

• strengthening programme evaluation to identify improvements that can be made to the learning programme and more closely monitor the quality of the learning programme

• documenting all key tasks in their annual plan.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendations

ERO and the Kōhanga Reo whānau developed the following recommendations to strengthen self review:

• strengthen kaiako reporting to whānau
• use programme evaluation to improve outcomes for children
• develop an annual plan to guide all kōhanga reo management and operations.

When is ERO likely to evaluate the kōhanga reo again?

The next ERO evaluation of Te Kōhanga Reo o Tahuri Mai will be in three years.

Charles Rolleston Toka ā-nuku

21 December 2018

Information about the Kōhanga Reo

1 Te Horopaki

E tū ana Te Kōhanga Reo o Tahuri Mai ki Manurewa, ki Tāmaki-makau-rau ki te Tonga, ā, nō te tau 1995 i whakatūwheratia ai.

Ka mahi ngātahi te whānau me ngā kaimahi ki te noho pūmau ki ngā taumata teitei o ngā whakaritenga, hei painga mō ngā tamariki. Ko ētahi whāinga mō meāke nei, ko te whakawhānui ake i te whare, me te whakapūmau i te noho o ngā kaimahi e mau ana i ngā tohu mātauranga.

Ka arotahi te whānau ki te atawhai, te tiaki me te kounga o te mātauranga o ngā tamariki ki te horopaki o te ao Māori.

2 Ngā Whakaaturanga o te Arotake

He pēhea rawa te pakari o ngā tamariki ki te whai wāhi atu ki te ao Māori?

He pakari te whai wāhi a ngā tamariki ki te ao Māori.

Mana Atua

Ka tino poipoia te oranga o ngā tamariki ā-wairua, ā-tinana, ā-whatumanawa hoki. Ka whai wāhi ngā tamariki ki te whānuitanga o ngā tūmomo tino uaratanga, ariā hoki o te ao Māori. Ka whai wāhi nui te whakawhanaungatanga ki ia rā, ā, ka whakatau tēnei i te tīmatanga pai o te rā, ka hāpai anō hoki i ngā hononga ki waenga i te whānau. Ka whakanuia, ka whakamihia hoki ngā mema o te whānau. Ka rumakina ngā tamariki ki te reo Māori, puta noa i te rā. He pakari, he mātātoa hoki te whai wāhi a ngā tamariki, ā, ka tautokona rātou ki te hāpai i ngā tikanga Māori.

Ka whakaongaongatia ngā tamariki hei ākonga ki tētahi wāhi akoranga Māori i āta waihangatia ai. Kua waihangatia te kōhanga reo kia whai wāhi nui ai ngā tamariki ki te ao Māori. He rite te waharoa ki tētahi marae, ā, he mahana, he wāhi whakatau hoki. Kua waihangatia te kīhini me te wāhi kai kia āhei ai ngā tamariki ki te whakatinana i ō rātou tūranga, ā rātou kawenga mahi hoki hei tangata whenua. He manawanui tō ngā kaimahi, ā, ka tautoko rātou i ngā tamariki i roto i ā rātou mahinga. He wāhi mahana, ā, ka huihui tahi ai rātou i konei i te tīmatanga me te mutunga o te rā. Kua āta whakamahia ngā wāhi kia whai wāhi ai te maha o ngā tūmomo taumahi. He kaha te aronga toi whenuatanga o ngā tamariki ki tō rātou kōhanga reo.

Ka whakaratohia ki ngā tamariki ngā wero, ngā whiringa, me ngā whai wāhitanga ki tō rātou wāhi tākaro o waho. He taonga māoriori ki te wāhi tākaro. Ka ngākau nui ngā tamariki ki ngā wero ā-tinana me ngā tūmomo mahi māhaki hoki o waho. Ko ētahi o ngā rauemi, he paoro, he pīrori, he paraka hoki, hei hāpai i ngā tākaro auaha. He kākahu hoki hei hāpai i te tākaro whakaari. E wātea ana ngā tamariki ki te tākaro takitahi, takirōpū rānei. E āta mātakina ana ngā tamariki. Ka whai wāhi atu ngā kaiako ki ngā tamariki i a rātou e tākaro ana. He pakari, he tākare hoki te tūhura haere o ngā tamariki i te wāhi o waho.

He pai te whakamahere me te whakariterite i ngā kaupapa ako a ngā tamariki. Kua āta whakaritea ngā mahinga. Ka whakamahere ngā kaiako i ngā taumahi hei whakatutuki i ngā ngākau nuitanga me ngā matea o ā rātou rōpū. Ko ētahi o ngā taumahi mahi ka whakaritea ka hāngai ki te wai, te peita, te kōwaiwai toirau, te rawekeweke, te waihanga auaha, me te parāoa pokepoke, ā, ka hono katoatia ēnei ki ngā kaupapa mahi. Ka kōrero ngā kaiako ki ngā tamariki mō ā rātou mahi. Ka ngākau nui ngā tamariki, ā, he mātātoa tā rātou whai wāhi atu ki ngā taumahi. Ka whakanuia, ka whakamanahia hoki te whai wāhi atu a ngā tamariki ki te ao Māori.

Te Whakamahere me te Aromātai

He pai te whakahaeretanga a te whānau i te kōhanga reo hei painga mō ā rātou tamariki. Ka whakatakoto te mahere rautaki i te aronga mārama e whakapakari ana i ngā āhuatanga o mua, ā, e arotahi ana ki ngā whakapai tonutanga. Ko ētahi o ngā whakatutukitanga o tēnei wā, ko te whakawhanaketanga o ngā wāhi o waho, ko te whakatūturu i ngā tūranga kaimahi, ko te tupu tonu o te tūnga pūtea, ko te tauatanga me te ārahi o te whānau ki ngā tūranga matua. E mōhiotia ana, e whakapūmautia ana hoki e te whānau o te kōhanga reo ā rātou herenga ki te tūtohinga o tō rātou kōhanga reo, ā, he nui te kawenga takohanga, te māramatanga, te whai oranga me te reo Māori. Ko te kaha whai wāhi mātātoa mai o te whānau, me tō rātou ngākau nuitanga anō hoki e āta whakarite ana i te kounga o ngā painga mō ngā tamariki.

Kua tino whakawhanakehia te arotake whaiaro a te whānau, puta noa i ngā wāhanga katoa o te kōhanga reo. Kua āta whakawhanakehia, kua āta whakapūmautia hoki ngā whakaritenga e pā ana ki te whakatakoto ā-tuhi me te pūrongo. Ka whakamahia aua mōhiohio i ngā hui ā-whānau, hei aroturuki i te āhua o ngā mahi ki te kōhanga reo, i runga anō i te tūtohinga, ā, hei tāutu hoki i ngā taumata whakawhanaketanga ka whai ake. He kaha te whakaaro huritao kia haere tonu ai ngā whakapaitanga. Ka āta kitea tēnei ki Te Whāriki, ā, ka tātari ngā kaiako i ngā tauira me te ia o ngā akoranga a ngā tamariki. Ka whakamōhio te arotake whaiaro i ngā mahi whakamahere, mahi whakataunga hoki a te whānau, me te ahunga whakamua o te kōhanga reo.

Ka tino whai hua ngā mahere e pā ana ki ngā akoranga a ngā tamariki, ā, e tino tautokona ana hoki e te whānau. Ka hāpai ngā tirohanga ā-tau, ā-wāhanga hoki i te whakawhanaketanga o ngā kaupapa. Ka tino mōhio ngā kaiako ki ā rātou tamariki. Ka whakamahia ngā rātaka mātakitaki o ia rā me ngā rārangi arowhai whakawhanaketanga hei aroturuki i ia tamaiti. Ka whakapuakihia te ahunga whakamua me ngā whakatutukitanga ki te taha o ngā mātua. Ka whakaaro huritao ngā kaiako, ā, ka aromātai, ka arotake i ā rātou hōtaka ako i ngā wā katoa. He tino nui ngā tūmanako o ngā kaiako mō ngā tamariki. E tino tautokona ana te whakawhanaketanga o ngā tamariki kia pakari ai, kia mātātoa ai hoki tā rātou whai wāhi atu ki te ao Māori.

Ngā Whakaritenga Matua ka Whai Ake

Ka whai hua tonu inā ka tuhi, ka pupuri hoki te whānau me ngā kaiako i ngā tauira motuhake, kounga kairangi hoki o te kōhanga reo i roto i ngā whakaritenga e pā ana ki ngā mahere, te aromatawai, me te aromātai. Ko te pupuri tonu i aua tuhinga hei tino tauira ka whai hua ki te whakapūmau i ngā whakaritenga o te kounga kairangi mō meāke nei.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

Te Whakarāpopototanga

E tū ana Te Kōhanga Reo o Tahuri Mai ki Manurewa, ki Tāmaki-makau-rau ki te Tonga. He tino aronga ki te reo me te ao Māori ki ngā akoranga a ngā tamariki me tō rātou whakawhanaketanga. He ākonga pakari, he ākonga mātātoa hoki ngā tamariki. Ko te kounga o ngā kaimahi me te whai huatanga anō hoki o ngā whakahaeretanga ētahi āhuatanga motuhake ki tēnei kōhanga reo. Ka whiwhi ngā tamariki i te kounga o te atawhai me te mātauranga.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Tahuri Mai i roto i te toru o ngā tau.

Lynda Pura-Watson

Kaiurungi Whakaturuki Arotake Māori

01 Hui-tanguru, 2016

Ngā kōrero e pā ana ki te kōhanga reo

1 Context

Te Kōhanga Reo o Tahuri Mai is in Manurewa, South Auckland and was established in 1995.

Whānau and kaimahi work together to maintain high standards of practice for children. Future goals include expanding the building, and retaining qualified staff.

Whānau focus on the care, protection and quality education for children in a te ao Māori context.

2 The Review Findings

How confidently do children participate in te ao Māori?

Children are confident participants in te ao Māori.

Mana Atua

Children’s spiritual, physical, social and emotional wellbeing is nurtured well. Children experience a range of important values and concepts in te ao Māori. The daily routine of whakawhanaungatanga sets a positive start to the day and supports relationships across the whānau. Whānau members feel valued and acknowledged. Children are immersed in te reo Māori throughout the day. Children are confident, active participants and are supported to observe tikanga Māori.

Children are stimulated as learners in a well-designed Māori learning environment. The kōhanga reo has been designed for children to experience te ao Māori. The marae style entrance is warm and welcoming. The kitchen and dining area is designed so children can practise their roles and responsibilities as tangata whenua. Kaiako are patient and support children in their routines. There is a warm gathering place to begin and end the day together. Spaces have been maximised to include several activities. Children have a strong sense of belonging to their kōhanga reo.

Children are provided with challenge, choice and opportunity in their outdoor play area. Natural resources feature in the play area. Children enjoy physical challenges and quiet activity outdoors. Resources include balls, hoops, and blocks for creative play. Dress up is available for dramatic play. Children have the freedom to play alone or with others. Children are well supervised. Kaiako engage with children as they play. Children confidently explore their outdoors with enthusiasm.

Children’s kaupapa learning is planned and organised well. Routines are well established. Kaiako plan activities to meet the interests and needs of their groups. Numerous prepared activities including water, paint, collage, manipulation, creative design and play dough are all linked to kaupapa mahi. Kaiako talk with children about their work. Children are interested and actively participate in activities. Children’s contribution to te ao Māori is celebrated and valued.

Planning and Evaluation

Whānau manage the kōhanga reo well for their children. The strategic plan sets out a clear direction that builds on the past and focusses on improvement. Recent successes include development of the outdoor areas, consolidation of staffing, continual growth of the financial position, succession and mentoring of whānau in key roles. The kōhanga reo whānau are aware of and uphold their obligations to their kōhanga reo charter with high levels of accountability, transparency, whai oranga and te reo Māori. A highly active and dedicated whānau ensure quality outcomes for children.

Whānau self-review is well developed across all areas of the kōhanga reo. Recording and reporting practices are highly developed and maintained. This information is used at whānau hui to monitor the performance of the kōhanga reo in line with the charter, and to identify next steps for development. There is a strong culture of reflection for continued improvement. This is evidenced well at Te Whāriki level where kaiako analyse the patterns and trends in learning for children. Self-review informs whānau planning, decision making and its future direction.

Planning for children’s learning is highly effective and well supported by the whānau. Annual and term overviews support kaupapa development. Kaiako know their children well. Daily observational diaries and developmental checklists are used to monitor individual children. Progress and achievement information is shared with parents. Kaiako are reflective practitioners and consistently evaluate and review their programmes of learning. Kaiako have very high expectations for the children. Children’s development as confident and active participants in te ao Māori is well supported.

Key Next Steps

There is potential for whānau and kaiako to document and preserve samples of the high quality planning, assessment and evaluation practices that are unique to the kōhanga reo. Archiving these as exemplars are a useful way to sustain high quality practice in the future.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

Conclusion

Te Kōhanga Reo o Tahuri Mai is in Manurewa, South Auckland. There is a strong focus on te reo and te ao Māori in children’s learning and development. Children are confident, active learners. Quality staff and effective management are features of this kōhanga reo. Children receive quality care and education.

When is ERO likely to review the kōhanga reo again?

The next ERO review of Te Kōhanga Reo o Tahuri Mai will be in three years.

Lynda Pura-Watson

Deputy Chief Review Officer Māori

1 February 2016

Information about the Kōhanga Reo