Te Kōhanga Reo o Raumanga Kōhungahunga

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Raumanga Kōhungahunga ki Whangārei. E rua ngā whare o te kōhanga reo, ko tētahi mō ngā tamariki kei raro i te rua o ngā tau te pakeke, ko tētahi mō ngā tamariki kua pakeke ake i te rua o ngā tau. Nō nā noa nei i hoko ai te whānau i ngā whenua ki tua atu i te rori, nō reira, kua rahi ake te wāhi o te kōhanga reo i nāianei.

3 Te Aronga o te Aromātai

He pēhea rawa te whakaatu mai o ngā mokopuna i tō rātou māramatanga ki te whanaungatanga?

Ka kitea ki ngā mokopuna tō rātou māramatanga ki te whanaungatanga mā roto mai i ā rātou taunekeneke ki ētahi atu.  

4 Ngā Whakaaturanga – Mana Mokopuna

E rumakina ana ngā mokopuna ki te whanaungatanga. Kua pou herea ngā taumahi katoa o te kōhanga reo ki te whanaungatanga, te manaakitanga, me te aroha. Ka poipoi, ka manaaki hoki ngā taunekeneke katoa a ngā kaimahi ki ngā pakeke me ngā mokopuna. Ka kōrero ngā kaimahi ki ngā mokopuna mā te reo ngāwari, mā te reo atawhai. Ka ako ngā mokopuna ki tētahi taiao e whakarangatira ana i te reo Māori. Ka whakatairanga ngā kaupapa ōkawa me ngā kaupapa ōpaki i ngā whai wāhitanga mō ngā mokopuna ki te ako i te reo. He tino tauira mātau ngā kaimahi o te reo Māori, ā, ka whakamahi rātou i ngā kupu ake o te Tai Tokerau. Ka whakakoia taua tūāhuatanga i te aronga toi whenuatanga o ngā mokopuna ki te Tai Tokerau. Ka kawe atu ngā mokopuna i ā rātou haepapa hei tangata whenua, ā, ka ārahi i ngā wāhanga ōkawa o te hōtaka, mā te taunekeneke i ia te wā ki ngā kaumātua me ngā kuia. Mā aua tūāhuatanga, ka ako rātou i ngā tikanga me ngā kawa e whai pānga ana ki tō rātou kōhanga reo. He tākare te whai wāhi atu a ngā mokopuna ki ngā taumahi ako ngahau, ā, he auaha, he pārekareka hoki aua mahi ki a rātou. Ka hāpaitia tā rātou eke angitu ki te ārahi, mā te āta tautoko, te āta whāngai kupu, me te akiaki.

Ka whakamahi ngā kaimahi i te whānuitanga o ngā tūmomo rautaki e whakapakari ana i te whanaungatanga, tae atu ki te whiwhi rawa o te kōhanga reo, me te tuku atu i ngā kaimahi ki ngā tūmomo wāhi, kia tokoiti noa ngā mokopuna ki ia kaimahi. Ka whakamihia te pai o ngā taunekeneke a ngā mokopuna ki ētahi atu. Ka whakapūmau taua tūāhuatanga i ngā uara o te whakaute me te manaaki i ētahi atu. Ka whakapuaki ngā mokopuna i ō rātou whakaaro ki ētahi atu, mā ngā tūmomo huarahi maha. Ka kōkiri ngā tuākana i ngā whakawhitinga kōrero ki ētahi atu. Ka whakapuaki ngā tēina i ngā kupu me ngā kīanga, i ngā pēpi e whakawhiti kōrero ana mā te kūnanunanu, mā te āhua o ngā kanohi, ā, mā te reo ā-tinana hoki. Ka hāpai ngā wāhi o waho i te tūhura haere, ā, ka taunekeneke ngā mokopuna ki waenga i a rātou anō, mā ngā kaupapa maha. Ka akiaki ngā kaimahi i ngā hononga e whai pūtake ana, mā te whai wāhi atu ki ngā mokopuna, i a rātou e tūhura ana i tō rātou taiao, ā, e whai ana hoki i ō rātou ngākau nuitanga.

Ko ngā whakaritenga whakawhiti e āta hāpai ana i te ngāwari o ngā whakarerekētanga ki ngā taumahi me ngā nekehanga. Mā tēnā, he haumaru, he ngāwari hoki te whakawhiti atu o ngā mokopuna ki ngā tūmomo wāhi. Ka toro atu ngā kaimahi ki ngā rautaki whakatau amuamu, ki te hāpai i te hīraurau hopanga a ngā mokopuna. Ka whakamahi ngā kaimahi i te whānuitanga o ngā tūmomo rautaki hei whakaongaonga, hei wero, hei whakawhānui hoki i te ako a ngā mokopuna. Ka ako mā ngā kaupapa, ā, ka whakahou, ka whakapuaki hoki ngā mokopuna i tēnā i ako ai rātou i mua. He whai wāhitanga mō rātou ki te whakamahi i tēnā e mōhiotia ana e rātou, i ngā kaimahi e whāngai ana i te reo e hāpai ai i ā rātou mahi. Kei te mauritau, kei te harikoa hoki ngā mokopuna, ā, ka whai wāhi nui rātou ki ngā hononga papai ki ētahi atu.  

Ngā Whakaritenga Matua ka whai ake 

Kua whakapuakihia e te whānau tā rātou takune ki te whai whakaaro ki ngā whakawhanaketanga e āta whai hua ai ki tō rātou whenua, kia mau tonu ai tō rātou tino rangatiratanga ki tēnei ao hurihuri. Kua hokona e te whānau ngā whenua ki tua atu i te kōhanga reo, ā, kua taiapatia. He whai wāhitanga i nāianei ki te whakatairanga ake anō hei tūrangawaewae mō rātou. E tautoko ana Te Tari Arotake Mātauranga i tēnei tūāhuatanga hei whakaritenga matua ka whai ake, nā te aronga nui ki ngā hua o te pae tawhiti ka puta ki ngā mokopuna.  

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga kia whai whakaaro tonu te whānau ki ngā huarahi ka whāia ki te whakatairanga ake i tō rātou tino rangatiratanga i runga i tō rātou whenua.

Darcy Te Hau
Toka ā Nuku
Te Uepū-a-Motu – Māori Services

03 Pipiri, 2022

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provides important information for hapū and iwi.

2 Context

Te Kōhanga Reo o Raumanga Kōhungahunga is located in Whangārei. The kōhanga reo has two whare which operate as an under-two’s whare and an over two’s whare. Whānau have recently acquired the land adjacent to the road which has increased the space that the kōhanga reo occupies. 

3 Evaluation Focus

How well do mokopuna demonstrate their understanding of whanaungatanga?

Mokopuna demonstrate their understanding of whanaungatanga through their interactions with others.

4 Findings - Mana Mokopuna

Mokopuna are immersed in whanaungatanga. Whanaungatanga, manaakitanga and aroha underpin all activities in the kōhanga reo. All kaimahi interactions between adults and mokopuna are nurturing and caring. The tone and way kaimahi talk with mokopuna is gentle and affectionate. Mokopuna learn in an environment where te reo Māori is prioritised. Formal and informal situations promote language learning opportunities for mokopuna. Kaimahi are strong te reo Māori models and use te kupu particular to the far north. This affirms mokopuna belonging to Te Tai Tokerau. Mokopuna practice their tangata whenua responsibilities and lead formal aspects of the programme where they regularly interact with kaumātua and kuia. Through this they learn tikanga and kawa for their kōhanga reo. Mokopuna enthusiastically participate in learning activities that are fun, creative and enjoyable. They are supported to succeed in leadership roles with gentle support, prompts and encouragement.

Kaimahi use a variety of strategies that strengthen whanaungatanga including resourcing the kōhanga reo well and distributing staff across the different spaces to ensure low ratios between kaimahi and mokopuna. Mokopuna are praised for positive interactions with others. This reinforces the values of respect and care for others. Mokopuna express themselves in different ways to others. Tuakana initiate conversations with others. Tēina use kupu and phrases while babies communicate by babbling sounds, using facial expressions and body language. The outdoor spaces enable exploration that allow mokopuna to interact with each other in multiple ways. Kaimahi encourage meaningful relationships through engaging with mokopuna as they explore their taiao and pursue their interests.

Transition practices ensure there are smooth changes in activities and movements. This ensures that mokopuna can move safely and easily across different spaces. Kaimahi use conflict resolution strategies to support mokopuna to problem solve. Kaimahi use a variety of strategies to stimulate, challenge and extend mokopuna learning. Learning is kaupapa based where mokopuna revise and share what they have learnt earlier. They have opportunities to use what they know whilst kaimahi provide language that supports what they are doing. Mokopuna are settled, happy and enjoy positive relationships with others. 

Key Next Steps

Whānau have shared their intention to consider ways to best develop their whenua to maintain their tino rangatiratanga in this changing world. Whānau have purchased adjacent land and have fenced the area. Now  there is an opportunity to further enhance how they make it their turangawaewae. ERO supports this key next step as the focus is on long term benefits for mokopuna.

5 Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau developed the recommendation that whānau continue to consider how they can enhance their tino rangatiratanga over their whenua.

Darcy Te Hau
Toka-ā-Nuku – Director
Te Uepū ā-Motu – Māori Review Services

3 June 2022

7 Information about the Kōhanga Reo