TKKM o Ngati Rangi

Ngā Whakaaturanga

E tū ana Te Kura Kaupapa Māori o Ngāti Rangi ki Ōhakune. He tino māramatanga tō ngā ākonga ki tō rātou taiao tuku iho. Ka kitea tō rātou ngākau nui, tō rātou tākare anō hoki ki te ako, ā, he pakari tā rātou kawe ake i ngā mahi. Ka whakanui rātou i tō rātou tūnga ki te ao Māori me te ao whānui. Ka kitea te whai pūtaketanga o ngā hononga o ngā ākonga ki ētahi atu.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ngāti Rangi i roto i te kotahi ki te rua o ngā tau, arā, ko Te Pupuketanga. 

1 Te Horopaki

E tū ana Te Kura Kaupapa Māori o Ngāti Rangi ki Ōhakune, ki te pūtake o te maunga o Ruapehu. He kura Te Aho Matua tēnei e whakarato ana i te mātauranga ki ngā ākonga o ngā tau 1 ki te 8.

E tū ana te kura ki te taha o te marae o Maungārongo me Te Kōhanga Reo o Manu Kōrero. He nui ngā rerekētanga kua pā ki te kura, whai muri i te arotake o mua a Te Tari Arotake Mātauranga i te tau 2015. Nō te Pipiri o 2016 tētahi Kaiwhakahaere Manatū ā-wā i whakatūngia ai e Te Tāhuhu o te Mātauranga, hei hāpai i te kāwanatanga i te kura. He pai te aro nui o te poari me te tumuaki ki te tautoko me te āwhina o waho i whakaratohia ai. He hou te tumuaki ki te tūranga o te tumuaki. He hou anō hoki te nuinga o ngā kaitiaki i te poari. E wawata ana te whānau ki te whakatū i tētahi wharekura, hei whakawhānui tonu i te huarahi mātauranga rumaki reo Māori o ā rātou tamariki.

2 Te Tino Uaratanga

He pēhea rawa ngā ākonga e whakaatu i tō rātou māramatanga ki te taiao tuku iho o Ngāti Rangi?

He tino māramatanga tō ngā ākonga ki te taiao tuku iho o Ngāti Rangi.

Te Ira Tangata

Ka kawe ake ngā ākonga i ā rātou akoranga me ā rātou taunekeneke i te kura. Ka kitea ngā tikanga o Ngāti Rangi ki te hōtaka akoranga, ngā mahinga o ia rā, ngā hononga ā-whānau, me ngā tūmanako o te kura. E whakahaerehia ana te āhua o ngā akomanga hei hāpai ake i te whai wāhi, te aro nui, me te kōkiri ake a te ākonga i āna akoranga. He manaaki, he tautoko hoki tō ngā hononga, ā, e whakamanahia ana te āhua ake me te kanorau. Ko ngā ākonga e mau ana i ngā matea ake, e uru atu ana ki ngā whai wāhitanga e āta whakarato ai i te tautoko me ngā wero e tika ana mō rātou. Kua āta whakaritea ngā tūmanako me ngā mahinga, ā, ka kitea te noho mōhio o ngā ākonga ki aua tūāhuatanga. Ka whakamihi, ka akiaki hoki ngā kaiako i ngā ākonga mō ā rātou whakamātau me tā rātou whai wāhi atu. Ka āta whakarite rātou kia rongo ai ngā ākonga katoa i te kotahitanga. E whai wāhi atu ana ngā ākonga ki tētahi taiao e whakatairanga ana i ngā ariā o te wairua, te mauri, te tapu, te ihomatua, me te mana. Ka whai wāhi, ka aro nui hoki ngā ākonga ki te whānuitanga o ngā tūmomo taiao.

Te Reo

E kōrero ana ngā ākonga i te reo Māori. Ka whakarato te whānau i te whānuitanga o ngā tūmomo horopaki ōkawa, ōpaki hoki kia rongo, kia kite, ā, kia whakamahi hoki ngā ākonga i te reo o Ngāti Rangi. Ka whakapuaki rātou i ngā whakataukī me ngā waiata a tō rātou iwi, hei hāpai i tō rātou māramatanga, tā rātou whakamahinga anō hoki i te reo Māori. Ko ngā raukura o te kura e ako ana i nāianei ki te kura tuarua o te hapori nei, ka hokihoki mai ki te kura mō te rā kotahi o ia wiki, ā, he tino pakari tā rātou whakamahinga i te reo Māori o Ngāti Rangi hei reo kōrerorero, tētahi ki tētahi. Ka whakarato ngā kaiako i ngā tohutohu, te ārahitanga, me te tautoko hoki i roto i te reo Māori. E whakapuaki ana rātou i ngā whai wāhitanga maha mō ngā ākonga ki te kōrero me te tuhituhi i te reo Māori. He pai te patapatai a ngā kaiako hei whāngai atu, hei akiaki atu hoki i ngā ākonga ki te whakaaro me te kōrero mā te reo Māori. Ka taea e ngā tuākana te whakawhiti kōrero, te tautohetohe hoki te whānuitanga o ngā tūmomo kaupapa ki ētahi atu, ā, ka tāwhai ngā tēina, ka whakaatu hoki i tō rātou māramatanga ki te reo Māori. E whanake ana ngā ākonga ki te whakawhitiwhiti whakaaro mā te reo Māori.

Ngā Iwi

Ka kitea te whai pūtaketanga o ngā hononga o ngā ākonga ki ētahi atu. Ka whakarato te whānau i ngā whai wāhitanga mō ngā ākonga ki te ako i ō rātou tātai whakapapa e tūhono ana i a rātou ki ētahi atu, ā, ki tō rātou taiao hoki. He mātātoa tā rātou whakatairanga i ngā wawata o te iwi mō te oranga me te manaakitanga o ngā uri o Ngāti Rangi me tō rātou taiao whānui. Ka whakatutuki haere ngā ākonga i te whānuitanga o ngā tūmomo tūranga, ā, kei te noho mārama rātou ki te āhua o tā rātou whai wāhi nui. He mātātoa tā rātou whai wāhi atu ki ngā kaupapa a te iwi, ngā hapū, me ngā whānau. Kei te tino mārama ki a rātou ā rātou kawenga hei tangata whenua, hei kaitiaki hoki, ā, ka tautoko hoki rātou i ngā kura auraki o ngā Kāhui Ako e rua. Ka whakatauira te whānau i te pai o ngā taunekeneke ki waenga i a rātou anō, ā, ki ngā kaumātua hoki. Ka whakatairanga hoki rātou i te āta tūhonohono pai o ngā ākonga ki ētahi atu. Kei te harikoa, kei te mauritau hoki ngā ākonga ki tō rātou taiao ako ā-whānau.

Te Ao

Kei te mōhio ngā ākonga ki tō rātou tūnga ki te ao Māori me te ao whānui. Ka āta whakarite te whānau i te whakapūmautanga o ngā wheako i te whakaute me te whai hononga ki te taiao ake. Ko ngā tikanga tuku iho o te kaitiakitanga ka tuituia ki ngā horopaki o te ao hurihuri nei. Ka arahina, ka hāpaitia hoki ngā ākonga kia pērā tā rātou tirohanga, tā rātou whai wāhi atu ki te ao, me ērā a ō rātou tīpuna. Ka kōrero, ka whakatewhatewha hoki ngā ākonga i ngā take taiao o mua, me ērā hoki o te ao hurihuri nei. Ka whakamahi ngā kaiako i ngā taonga me ngā mātanga o te hapori tonu, ki te whakawhānui ake i ngā wheako akoranga a ngā ākonga. Ka whakapā atu ngā ākonga ki te hapori me ngā mōhiotanga o te ao whānui mā te hangarau. Nā tō rātou noho motuhake ki te taha tonu o Ruapehu, ka pupū ake ngā whai wāhitanga mō ngā ākonga ki te taunekeneke ki ngā tāngata nō te kanorau o ngā ahurea. He manawa whakahī tō ngā ākonga ki te tū hei kanohi mō Ngāti Rangi, i a rātou e taunekeneke ana ki ngā tūruhi nō tāwāhi. He kaitiaki ngā ākonga o tō rātou taiao i tuku iho ai ki a rātou.

Āhuatanga Ako

Ka kitea ki ngā ākonga tō rātou ngākau nui, tō rātou tākare hoki ki te ako. E tino hono ana te marau ā-kura ki a Ngāti Rangi, ā, e pou here ana i ngā akoranga katoa a ngā ākonga. Ko ngā putanga me ngā pūmanawa o ngā ākonga i tāutuhia ai ki te marau ā-kura, i āta whakahāngaitia ai ki ngā pūmanawa o ngā maunga e karapoti ana i a rātou. Ko te ako me te tupu o ngā ākonga hei kaitiaki o te taiao, tētahi aronga matua a te whānau. Ka hāpai ngā kaiako i ngā ākonga ki te āta whai wāhi nui ki te whānuitanga o ngā tūmomo wheako ka pupū ake i te maha o ngā taiao ako. Ka whakamanahia ngā ākonga katoa, ā, e whai wāhi atu ana rātou mā ngā taumata e tika ana mō rātou. Ka toro atu ki ngā mātanga me te tautoko o waho mō ngā ākonga e mau ana i ngā matea ako ake i tāutuhia ai.

Ngā wāhanga i tāutuhia ai e te kura hei whakawhanake ake

Ko ngā whakapaitanga hei whai ake e arotahi ana ki te whakatairanga i te kounga o te mātauranga. E mōhio ana te whānau, e tika ana kia tautokona te tumuaki i roto i ōna tūnga ki te ārahi me te whakaako. He rautaki ā rātou i tāutuhia ai hei hāpai i te toro atu a te tumuaki ki te tautoko e tika ana. Kua tāutuhia e te whānau ngā whakaritenga mahi ka whai ake i roto i ngā whakawhanaketanga:

• Me whakapai ake i ngā tuhinga, hei tohu i te āhua o ngā mahi ki te whakatinana i te marau ā-kura, tae atu ki ngā huarahi ka whāia hei whakawhanake i ngā whāinga ako ake ka aro mārika ki ngā matea o ngā ākonga
• Me whakatinana i ngā whakaritenga ka hāpai i ngā kaiako ki te whakaemi me te whakamahi i ngā paetae ākonga, hei whakamōhio anō hoki i ngā mahere me te whānuitanga tonu o ā rātou whakapae
• Me whakapakari i te aromātai o te marau, hei tāutu i ngā mahi matua ka whai ake ki te whakapai i ngā putanga ākonga, ki te aroturuki i ngā mahi e whakatutukihia ana hei whakapai ake, ā, ki te tātari hoki i te whai huatanga o ngā mahi ki te whakapai ake i ngā akoranga a ngā ākonga.

3 Te Arotake Whaiaro me te Ārahitanga

Kua pai ake ngā hononga ā-whānau i te kura, whai muri i tētahi wā tauwhirowhiro. E whakapakari ana te poari i te hononga whakawhirinaki ki te hapori o te kura, hei āta whakapuaki i ngā whakawhitinga whakaaro auau, ā, hei whakatairanga anō hoki i te whai wāhi mātātoa ki te ao o te kura. He pakari te noho pūmau ki te hāpai i te kura me ōna nekehanga i roto i ngā tau kei te heke mai.

E whakawhanake ana te poari i te māramatanga ngātahi ki ō rātou tūranga me ngā ā rātou kawenga mahi ki te kāwana i te kura. Tū ai ngā hui a te poari me te whānau i ia te wā, ā, he aronga nahanaha ki te arotake whaiaro. E whakatakoto ana te tūtohinga me ngā whāinga rautaki i ā rātou whāinga mō te pae tawhiti, ā, e ārahi ana te mahere ā-tau i te aroturukitanga me te aru o aua whāinga. Kua whakatinanahia e te tumuaki, te poari, me te Kaiwhakahaere Manatū ā-wā tētahi mahere ki te whakaheke i te takarepa pūtea. Kua tohaina ki ngā kaitiaki ā rātou pūkete, i runga anō i te āhua o ō rātou mōhiotanga, me tō rātou mātau. E whakawhanake ana ngā kaitiaki i tō rātou āheinga ki te hoki anō ki te kāwana ake i tō rātou kura, me te whakakore i te wawao manatū tonu.

He nahanaha, he mahinga ngātahi, he mātātoa hoki te ārahitanga i te kura. Kua whakawhanakehia e te tumuaki ngā hononga ngaio ki te hapori whānui tonu, ā, ka whai wāhi mātātoa anō hoki ia ki ngā Kāhui Ako e rua. Nā tēnei, kua tino pakari ake te tūnga o te kura i te hapori. Ka whakahāngai te whānau i te tirohanga o te kura ki te mahere rautaki a Ngāti Rangi, me ō rātou wawata. Kei te tino mārama ki a rātou te whai wāhi mai o te kura ki ngā whanaketanga o te iwi mō ngā tau kei te heke mai. Kua whakauru ngā kaiārahi i ngā wawata o ngā ākonga, te whānau, te iwi, me ngā hapū ki te tūtohinga me ngā uaratanga o te kura.

Nō te Pipiri o 2016 tētahi Kaiwhakahaere Manatū ā-wā i whakatūngia ai, hei hāpai i ētahi o ngā wāhanga matua o ngā mahi kāwana, tae atu ki te whakahaeretanga o te marau, ngā kaimahi, ngā pūtea, ngā whakawhitinga kōrero, te whakamahere me te pūrongo, te arotake whaiaro puta noa i te kura, ngā tukanga ina he amuamu, me ngā whakaritenga ki ngā hui a te poari. Kua mahi mārohirohi ngā kaitiaki me te tumuaki ki te taha o te Kaiwhakahaere Manatū ā-wā. Kua ahu whakamua i roto i ētahi o aua wāhanga, ā:

• kua whakapai ake i te tūnga pūtea o te kura
• kua whakapakari ake i te māramatanga ngātahi ki ngā tūranga kāwana me ā rātou kawenga mahi
• kua whakapuaki i ngā tino tukanga, whakaritenga anō hoki mō ngā hui a te poari me te kāwanatanga
• kua whakapakari ake i ngā whakawhitinga kōrero, ā, kua āta whakarite anō hoki i ngā hononga papai ki te whānau me te hapori.

Me haere tonu ngā whakawhanaketanga hei āta whakarite i te whakatakotoranga ā-tuhi nei i te whakapuakitanga o te marau ā-kura, ā, hei āta whakatinana hoki i ngā tukanga e pā ana ki te whakahaeretanga o ngā kaimahi – pērā i ngā mahi arohaehae, te arowhai a ngā pirihimana, me ngā rehita a ngā kaiako – ā, hei āta whakatō anō hoki i ngā whakaritenga arotake whaiaro pakari.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura.

Kia tutuki i te whānau ā rātou herenga ā-ture, me tahuri ki te:

• aromatawai i ia te tau i ngā mahi a te tumuaki, i runga anō i te katoa o ngā taumata ngaio o ngā tumuaki e whai pānga ana
  [s77c Te Ture Kaimahi Kāwanatanga 1988]
• whakarite me te whakatinana i ngā tukanga e pā ana ki te arowhai a ngā pirihimana i ngā kaimahi me ngā kaikirimana.
  [s78c-78d Te Ture Kaimahi Kāwanatanga 1988, Te Ture Mātauranga 1989]

5 Ngā Taunakitanga

E taunaki ana Te Tari Arotake Mātauranga kia tahuri te poari kaitiaki me te whānau ki te:

• toro atu ki te tautoko o ngā ratonga o waho, ki te whakapakari i te whakatinanatanga o te marau ā-kura, me te whakawhanake i ngā mahi aromatawai e hāngai pū ana ki te marau ā-kura
• whakapakari tonu i ngā pūmanawa o ngā kaimahi whakaako me te tumuaki
• whakapakari i te whakamahinga o ngā mōhiohio ka puta i te arotake whaiaro, hei āta kōkiri i ngā whakapaitanga.

Te Whakarāpopototanga

E tū ana Te Kura Kaupapa Māori o Ngāti Rangi ki Ōhakune. He tino māramatanga tō ngā ākonga ki tō rātou taiao tuku iho. Ka kitea tō rātou ngākau nui, tō rātou tākare anō hoki ki te ako, ā, he pakari tā rātou kawe ake i ngā mahi. Ka whakanui rātou i tō rātou tūnga ki te ao Māori me te ao whānui. Ka kitea te whai pūtaketanga o ngā hononga o ngā ākonga ki ētahi atu.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ngāti Rangi i roto i te kotahi ki te rua o ngā tau, arā, ko Te Pupuketanga.

Lynda Pura-Watson

Kaiurungi Whakaturuki Arotake Māori

18 Haratua, 2018

Ngā Kōrero e pā ana ki te kura

Findings

Te Kura Kaupapa Māori o Ngāti Rangi is in Ōhakune. Students have a strong understanding of their customary environment. They show an interest and enthusiasm for learning and they confidently accept responsibility. They acknowledge their place in the Māori world and in the wider world. Students demonstrate meaningful relationships with others.

The next ERO review of Te Kura Kaupapa Māori o Ngāti Rangi will be over the course of one-to-two years - Te Pūpuketanga – Development Evaluation.

1 Context

Te Kura Kaupapa Māori o Ngāti Rangi is in Ōhakune, under Mount Ruapehu. It is a Te Aho Matua kura that provides education for students from Years 1-8.

The kura is positioned next to Maungarongo Marae and Te Kōhanga Reo o Manu Kōrero. Since the previous ERO review in 2015, there have been significant changes in the kura. A limited statutory manager was appointed by the Ministry of Education in June 2016 to support kura governance. The board of trustees and the tumuaki have responded well to external support and advice. The tumuaki is a first-time principal. Most of the board members are new to their role. The whānau aspire to establish a wharekura to extend the Māori medium education pathway for their children.

2 Te Tino Uaratanga

How well do students show an understanding of the customary environment of Ngāti Rangi?

Students have a strong understanding of the customary environment of Ngāti Rangi.

Te Ira Tangata

Students accept responsibility for their learning and interactions within the kura. Ngāti Rangi tikanga is evident in the learning programme, daily routines, whānau relationships and kura expectations. Classroom environments are managed in ways that enable participation, engagement, and agency in learning. Relationships are caring and supportive, and difference and diversity are valued. Students with additional needs participate in learning opportunities that provide appropriate support and challenge. Expectations and routines are established and students show knowledge of these. Kaiako praise and encourage students for their efforts and participation. They ensure that all students are included. Students participate in an environment where concepts of wairua, mauri, tapu, ihomatua and mana are reflected. Students contribute and respond well in a range of different environments.

Te Reo

Students speak te reo Māori. The whānau provide a range of formal and informal contexts where students can hear, see and use the language of Ngāti Rangi. They share iwi-specific proverbs and waiata to support understanding and use of te reo Māori. Kura graduates that now attend the local college spend a day a week in the kura, and provide confident role modelling in the social uses of Ngāti Rangi language. Kaiako provide instruction, guidance and support in te reo Māori. They give students many opportunities to speak and write in te reo Māori. Kaiako use questions well to prompt and encourage students to think and speak in te reo Māori. Tuākana can discuss and debate a range of topics with others, while tēina mimic and show understanding of te reo Māori. Students are developing as communicators of te reo Māori.

Ngā Iwi

Students demonstrate meaningful relationships with others. The whānau provide opportunities for students to learn about their ancestral links to people and to their local environment. They actively promote the iwi aspirations for the wellbeing and care of Ngāti Rangi descendants and their surroundings. Students carry out a range of different roles and understand the contribution they make. They are active participants in iwi, hapū, and whānau events. They have a clear understanding of their responsibilities as tangata whenua and kaitiaki, and support English medium schools within two Kāhui Ako with their learning. The whānau model positive interactions with one another and with kaumātua. They promote students building positive relationships with others. Students are happy and settled in their whānau learning environment.

Te Ao

Students acknowledge their place in the Māori world and in the wider world. The whānau ensure experiences reinforce respect and connection to the immediate environment. Traditional conservation practices are integrated into the contemporary context. Students are guided and supported to view and interact with their surroundings as their tīpuna did. Students discuss and investigate traditional and contemporary environmental issues. Kaiako use local resources and expertise to extend students’ learning experiences. Students access the global community and knowledge through technology. Their unique physical environment near Ruapehu creates opportunities for students to interact with people from a wide range of cultures. Students are proud ambassadors for Ngāti Rangi when interacting with overseas tourists. Students are kaitiaki for their customary environment.

Āhuatanga Ako

Students show an interest and enthusiasm for learning. The marau ā-kura is strongly linked to Ngāti Rangi and underpins all student learning. Student outcomes and attributes defined in the marau ā-kura are aligned to the attributes of their surrounding mountains. Students learning and growing as kaitiaki for the environment is a priority for the whānau. Kaiako support students to confidently participate in a range of experiences in different learning environments. All students are valued and are able to participate at their appropriate levels. External expertise and support is engaged for students identified as having additional learning needs.

Kura-identified areas of development

The improvements required focus on lifting the quality of education. The whānau is aware of the need to support the tumuaki in his dual role of leadership and teaching. They have identified strategies that will allow the tumuaki to seek relevant support. The whānau have identified their next steps for development:

• improve the documentation to show how the marau ā-kura should be implemented, including the how to develop specific learning objectives to respond to student’s needs.
• implement practices that support kaiako to collect and use student achievement data to inform planning and their overall judgements
• strengthen the evaluation of the curriculum to identify key actions to improve student outcomes, monitor the actions taken for improvement, and determine how well the actions have improved students’ learning.

3 Self Review and leadership

Whānau relationships within the kura have improved following a period of change. The board of trustees is building relational trust with the school community to ensure regular and open communication, and promote active participation in the life of the kura. There is a strong, positive commitment to the kura and its future.

The board of trustees is developing a shared understanding of their governance roles and responsibilities. Board and whānau meetings are held regularly, and there is a planned approach to self review. The charter and strategic aims set out their long-term goals, and the annual plan guides the monitoring and tracking of these goals. The tumuaki, board of trustees and limited statutory manager have implemented a plan to reduce the financial deficit. Trustees have delegated portfolios based on their expertise and experience. Trustees are developing their capacity to return to self-governance without the need for ongoing statutory intervention.

Leadership in the kura is strategic, collaborative and active. The tumuaki has developed professional relationships with the local and wider community, including actively participating in two Kāhui Ako. Consequently, the positive profile of the kura has increased significantly within the local community. The whānau align the vision for the kura to the Ngāti Rangi strategic plan and aspirations. They have a clear understanding of the contribution that the kura makes to the future of their iwi. Leadership has included the aspirations of students, whānau, iwi and hapū in the kura charter and values.

A limited statutory manager was appointed in June 2016 to provide support several key governance functions including curriculum management, personnel, finance, communication, planning and reporting, school-wide self review, complaints processes, and board meeting procedures. Trustees and the tumuaki have worked constructively with the limited statutory manager. Progress has been made in some of these areas, such as:

• improving the financial position of the kura
• strengthening the collective understanding of governance roles and responsibilities
• introducing sound processes procedures for board meetings and governance
• improving communication and establishing positive whānau and community relationships.

Ongoing development is required to ensure the implementation of the marau ā-kura is documented, personnel management processes including appraisal, police vetting and teacher registration are implemented well, and robust self-review practices are embedded.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

In order for the whānau to meet compliance requirements, they must:

• annually assess the tumuaki against all the relevant professional standards for principals
  [Section 77C State Sector Act 1988]
• establish and implement procedures for the police vetting of employees and contractors.
  [Section 78C-78D Education Act 1989]

5 Recommendations

ERO recommends the board of trustees and whānau:

• seek support from external providers to strengthen the implementation of the marau ā-kura and to develop assessment practices that align to the marau ā-kura
• continue to build the capability of teaching staff and tumuaki
• strengthen the use of self review information to drive improvement.

Conclusion

Te Kura Kaupapa Māori o Ngāti Rangi is in Ōhakune. Students have a strong understanding of their customary environment. They show an interest and enthusiasm for learning and they confidently accept responsibility. They acknowledge their place in the Māori world and in the wider world. Students demonstrate meaningful relationships with others.

When is ERO likely to review the kura again?

The next ERO review of Te Kura Kaupapa Māori o Ngāti Rangi will be over the course of one-to-two years - Te Pūpuketanga – Development Evaluation.

Lynda Pura-Watson

Deputy Chief Review Officer Māori

18 May 2018

Information about the Kura