Te Kōhanga Reo o Waikare

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Waikare ki tētahi hapori tuawhenua ki te rāwhiti o Kawakawa, i te Tai Tokerau. Kua raihanatia te kōhanga reo mō ngā mokopuna 30, me te tekau o rātou ki raro i te rua o ngā tau te pakeke i te wā kotahi. He whānau, he hononga ā-whānau rānei tō te nuinga o ngā kaimahi. Mō te nuinga o ngā mokopuna, ka haere tonu tō rātou huarahi ako ki Te Kura ā-Iwi o Waikare.

I kitea ki te aromātai Mana Whakahaere a Te Tari Arotake Mātauranga i te Hui-tanguru o te tau 2022, tērā te aromātai hōtaka hei whakapakari ake, kia mōhio ai ngā kaimahi ki te whai huatanga o te hōtaka ki te whakatutuki i ngā ngākau nuitanga, ngā pūmanawa, me ngā matea o ngā mokopuna katoa.  

3 Te Aronga o te Aromātai

He pēhea rawa te whakaatu mai o ngā mokopuna i te whanaungatanga?

Ka āta whakaatuhia e ngā mokopuna te whanaungatanga mā ō rātou hononga ā-ahurea, me ngā taunekeneke whai pūtake ki te taha o ētahi atu.  

4 Ngā Whakaaturanga – Mana Mokopuna

E rumakina ana ngā mokopuna ki tētahi taiao e ahu mai ana i Te Kapotai, ā, i ngā uara ā-hapū tonu o te manaaki me te aroha. Ka whakatauirahia e ngā kaumātua me ngā kuia ngā tūranga me ngā kawenga mahi hei tangata whenua. E āta whakatau ana taua tūāhuatanga i te whakariterite o ngā mokopuna ki te tū ā tōna wā hei kaitiaki o te marae o Waikare, ā, o ētahi atu marae hoki huri noa i te takiwā. Ka whai wāhi mātātoa atu ngā mokopuna ki ngā karakia me ngā hīmene, ā, ka kitea ō rātou hononga ā-wairua ki ngā atua. Nā te whai wāhi nui mai o ngā kaumātua ka rongo i te mita o te iwi, i ngā mōhiotanga, ā, i ngā pūrākau hoki. Ka whakatairanga taua tūāhuatanga i te tukuihotanga o ngā kōrero a Te Kapotai me te reo ā-iwi ki ngā mokopuna. Ka tuitui ngā kaimahi i ngā pepeha ki ngā akoranga a ngā mokopuna mā ngā waiata, ngā rauemi, me te tākaro. Ka whakakoia tēnei i ngā hononga o ngā mokopuna ki ngā tohu ahurea e whakahirahira ana. Ka ārahi ngā tikanga me ngā kawa i ngā taunekeneke ki te whānau, te hapū, me te iwi. E whakawhanake ana ngā mokopuna i te māramatanga ki ngā hononga ā-whakapapa.

Ka whanake, ka rongo hoki ngā mokopuna i ngā hononga whai pūtake ki te taha o ētahi atu. E arohaina ana ngā mokopuna, ā, ka whakamihia ā rātou whakamātau me ā rātou whakatutukitanga. Ka whakapakari taua tūāhuatanga i tō rātou tūmāia. Ka whakaaro nui ngā mokopuna ki ngā manuhiri, ā, ka āta taunekeneke atu ki a rātou. Ka manaaki, ka atawhai hoki rātou i ētahi atu. Ka akiaki ngā kaimahi i ngā mokopuna ki te mahi ngātahi. He ngāwari te āhua o ngā taunekeneke a ngā mokopuna ki ō rātou hoa. Ka whakapuaki māhorahora ngā mokopuna i ō rātou whakaaro. E ako ana rātou ki te whakawhiti kōrero mā te whakapuaki i ō rātou whakaaro ki te taha o ētahi atu, ā, ka taunekeneke mā te whakawhiti kōrero, mā te reo ā-tinana, ā-kanohi hoki, me te tākaro pohewa.

E poipoia ana ngā mokopuna ki tētahi taiao e whakatairanga ana i te taha pākiki me te tūhuratanga. Ka whāngai kupu ngā kaimahi hei whakawhānui ake i ngā whakaaro me te māramatanga o ngā mokopuna. I ngā wā katoa, ka whakatauira ngā kaimahi i te aroha, te manaaki, me te tiaki. Ka kitea te kakama o ngā tuākana ki te whakatutuki i ā rātou kawenga, mā te poipoi me te manaaki i ō rātou tēina. Ka akiaki taua tūāhuatanga i te whai kawenga a ngā tēina, me te manaaki, te atawhai hoki o ngā tuākana i ētahi atu. Ka whakarato ngā kaimahi i te whānuitanga o ngā tūmomo rauemi e whakaongaonga ana i te ngākau nuitanga o ngā mokopuna me tā rātou tūhura haere. E arohaina ana ngā mokopuna, ā, he ngākau titikaha hoki ō rātou hei ākonga.

Kua whakapakarihia ngā tukanga aromātai hōtaka, whai muri i te whakamanatanga o te pūrongo Mana Whakahaere. Ka whakawhiti kōrero ngā kaimahi mō te hōtaka akoranga i roto i ā rātou hui, ā, ko te whakapai tonu te whāinga. Ka tuhia ngā whakawhitinga kōrero aromātai. Ka ui, ka whakautu hoki ngā kaimahi i ngā pātai aromātai e whai pānga atu ai ki te whakarerekē haere o te hōtaka. I nāianei, kei te whiwhi ngā mokopuna i tētahi hōtaka akoranga e arotahi ana ki te whakapai tonutanga.  

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

E taunaki ana Te Tari Arotake Mātauranga kia whakapakari tonu te whānau i ā rātou tukanga e pā ana ki te aromātai o roto.   

Darcy Te Hau
Toka ā Nuku
Te Uepū-a-Motu – Māori Services

22 Pipiri, 2022

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Te Kōhanga Reo o Waikare is in a rural community east of Kawakawa in the Far north. It is licensed to cater for 30 mokopuna including 10 under two years of age at any one time. Most kaimahi are whānau or are related to whānau. Most mokopuna continue their learning journey at Te Kura-a-Iwi o Waikare.

ERO’s February 2022 evaluation of whakahaere practises found programme evaluation required strengthening for kaimahi to know how well the programme responded to all mokopuna’s interests, strengths and needs.

3 Evaluation Focus

How well do mokopuna demonstrate whanaungatanga?

Mokopuna show whanaungatanga well through their cultural connections and meaningful interactions with others.

4 Findings - Mana Mokopuna

Mokopuna are immersed in an environment based on Te Kapotai and hapū values of manaaki and aroha. Tangata whenua roles and responsibilities are modelled by kaumātua and kuia. This ensures that mokopuna are being prepared for their eventual roles as kaitiaki o Te Marae o Waikare and other surrounding marae. Mokopuna actively participate in and demonstrate spiritual connections to atua through karakia and hīmene. Kaumatua presence enables exposure to te mita o te iwi, knowledge and pūrākau. This promotes stories from Te Kapotai and local language being passed down to mokopuna. Kaimahi incorporate pepehā into mokopuna learning through waiata, resources and play. This affirms mokopuna connections to significant cultural icons. Tikanga and kawa guide interactions with whānau, hapū and iwi. Mokopuna are developing an understanding of whakapapa connections.

Mokopuna develop and experience meaningful relationships with others. Mokopuna are loved and praised for their efforts and achievements. This builds their confidence. Mokopuna are aware of manuhiri presence and interact positively with them. They are caring and kind to others. Kaimahi encourage mokopuna to work collaboratively. Mokopuna interact in gentle ways towards their peers. Mokopuna openly express their whakaaro. They are learning to communicate by sharing their thoughts with others through whakawhiti kōrero, body language, facial expressions and imaginative play.

Mokopuna are nurtured in an environment that promotes curiosity and exploration. Kaimahi use prompts to extend mokopuna thinking and understanding. Kaimahi consistently model aroha, manaaki and tiaki.  Tuakana show initiative in their responsibilities by nurturing and caring for their teina. This encourages teina to be responsible and tuakana to show care and affection to others. Kaimahi provide a variety of resources that stimulate mokopuna interest and exploration. Mokopuna are loved, confident learners.

Programme evaluation processes have been strengthened since the Mana Whakahaere report was confirmed. Kaimahi discuss the learning programme during their hui with a view to improving it. Evaluative discussions are documented. Kaimahi ask and answer evaluative questions that lead to changes to the programme. Mokopuna now experience an improvement focused learning programme. 

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

6 Recommendation

ERO recommends that whānau continue to strengthen their internal evaluation processes.

Darcy Te Hau
Toka-ā-Nuku – Director
Te Uepū ā-Motu – Māori Review Services

22 June 2022

7 Information about the Kōhanga Reo