Te Kōhanga Reo o Rongomai

Te Aromātai

E tū ana Te Kōhanga Reo o Rongomai ki Ōtara, i Tāmaki-makau-rau ki te tonga. Kua ū te titiro o te whānau ki te whakapakari i te mōhiotanga me te āheinga o te whānau, kia whai hua ai te whakahaeretanga o tō rātou kōhanga reo mō te roanga o te wā. Ka whakaongaongatia ngā tamariki hei ākonga e tīmata ana ki te kōrero i te reo Māori.

Ka arotake anō Te Tari Arotake Mātauranga i Te Kōhanga Reo o Rongomai i roto i te toru o ngā tau.

1 Te Horopaki

E tū ana Te Kōhanga Reo o Rongomai ki ngā papa o te kura tuatahi o Rongomai, ki Ōtara i Tāmaki-makau-rau. He whai wāhitanga mō ngā tamariki ki te hono atu ki tō rātou hapori whānui. Ko ngā hononga ki ētahi rōpū o te hapori, i hāpai i ngā whakawhanaketanga ki ngā rawa o waho, tae atu ki te whakatūnga o tētahi māra kai mā ngā tamariki. Kua roa ngā kuia e whai wāhi atu ana ki te kōhanga reo, ā, he mātātoa tonu tā rātou whakatairanga ake i te reo me ngā tikanga Māori. Ka tino tautoko te purapura o tēnei hapori, ā, ka hui tahi ki te whakapuaki ngaio me te whakanui i ētahi kaupapa. Ka hāpai tonu Te Poari Matua o Ngā Kōhanga Reo i te whānau i roto i ētahi o ngā āhuatanga o te whakahaeretanga, tae noa ki te wā e āhei ana te whānau ki te kawe katoa atu i ngā whakahaeretanga a tō rātou kōhanga reo.

2 Ngā Whakaaturanga o te Arotake

He pēhea rawa tā ngā tamariki whakapuaki i ō rātou whakaaro mā te reo me ngā tikanga Māori?

Kei te pakari ake te māia, te hihiri, me te āheinga o ngā tamariki ki te whakapuaki i ō rātou whakaaro mā te reo me ngā tikanga Māori.

Ngā Taumata Whakahirahira

Ka ako ngā tamariki i tētahi taiao reo whakahihiri. Ka whai hua tā ngā kaimahi āta tuitui i te reo ki ngā whakawhitinga kōrero, ngā taumahi, me ngā mahinga, puta noa i te rā. Ko ngā mahi pepehā o ia rā te kaihono i ngā tamariki ki te reo. He pārekareka ki ngā tamariki te ako i te reo mā roto i ngā waiata. Ko ngā karakia me ngā mihimihi he huarahi ōkawa atu anō e ako nei ngā tamariki ki te hono i ngā whakapono me ngā tikanga ki te reo Māori. Ka tūhura ngā tamariki i te reo Māori mā ō rātou ngākaunuitanga, ka whakaratohia tēnei āhuatanga e ngā mahere o ia rā mō Te Whāriki. He pai ngā tamariki ki te whakawhiti kōrero ki ngā kaimahi. He rite tonu te whakamahitanga o rātou mā roto i te kounga o ngā taunekeneke ako e toko ana puta noa i te rā. He tau ngā tamariki, ā, ka whakaongaongatia hoki rātou mā te reo me ngā tikanga Māori.

He pai ki ngā tamariki te whakapuaki ki te whānau i ō rātou mōhiotanga e pā ana ki ō rātou hononga ki te marae me te whānau. Ka ako ngā tamariki i te Mana Whenua, tae atu ki ngā hononga-ā-ahurea me te kaitiakitanga. Kei te hōtaka ako ngā hīkoi rite tonu ki waho, ā, ka tūhura haere ngā tamariki i tō rātou wāhi māoriori, tūturu hoki me te ako mō Papatūānuku rāua ko Ranginui. Kei te tupu te tūmaia i roto i ngā tamariki ki te whakatōmene me te tūhura i tō rātou aotūroa. Kei te ako rātou ki te manaaki i te whenua. He pai te whakawhanaketanga o ngā tamariki i tō rātou mōhiotanga mō ngā atua Māori me ngā kawenga hei kaitiaki.

Ka tūhura ngā tamariki i te taiao e noho nei tātou. Ka whai pānga ngā kaupapa mahi ki Te Kīngitanga, ki a Matariki, ki a Tangaroa, me te marae. Ka hāpai ngā taumahi ako i ngā tamariki ki te tūhura i aua kaupapa mā te whakaari, ngā toi auaha, ngā pakiwaitara e whakapuakihia ana, me ngā waiata. Ka akiaki ngā kaimahi i ngā tamariki ki te whakamahi i ō rātou tairongo hei whakahihiri, hei whakaongaonga hoki i ngā wheako ako. Ka whakamahia ngā taonga māoriori ki te hōtaka ako. E tautokona ana ngā tamariki kia whānui ake tō rātou mōhiotanga, tō rātou maioha ki te ao e noho nei rātou.

Ka whiwhi ngā tamariki i te maha o ngā wheako ka whakapūmau i tō rātou tuakiritanga, i tō rātou tūrangawaewae, me tō rātou hononga ki te whānau o te kōhanga reo. Kua whakarākeihia e ngā kaimahi tētahi taiao ako e mau nei i te aroha me te rangimārie mō ngā tamariki. He pakari tā rātou nekeneke haere ki te kōhanga reo. Ka akiaki ngā kaimahi i ngā tamariki ki te āta hono atu ki a rātou anō mā ngā hononga pakari, me ngā hononga whakaute. Ka kite i te aroha me te manaaki o ngā tuākana mō ngā tēina. Ka tautokona te āta tūhura haere o ngā pēpi i tō rātou taiao. He tau ngā tamariki ki tō rātou kōhanga reo.

Kei te whakatinana ngā tamariki i tō rātou mātau ki ngā karakia me ngā tikanga e pā ana ki te waiora me te atawhai i a rātou anō, i ētahi atu hoki. E ako ana rātou i ngā karakia mō ngā tūmomo kaupapa. Ka whakapūmau ngā kaimahi i te whakamahinga o ngā karakia hei whakanui i ngā tino hononga ki waenga i te ao wairua me te ao kikokiko, ngā atua Māori, ngā tūpuna, ngā tikanga, ngā whakapono me te whanonga o ngā tamariki. Ka whai hua te whakamahinga a ngā kaimahi i ngā karakia hei whakatau i ngā tamariki, ā, hei whakahāngai anō hoki i tā rātou titiro. Ka whakapūmau ngā kaupapa ako i whakamaheretia ai i te tūnga me te mana o te reo Māori me ngā tikanga Māori. E tautokona ana ngā tamariki i roto i ā rātou akoranga.

Te Whakamahere me te Aromātai

E tino whakatutukihia ana ngā ngākaunuitanga me ngā matea o ngā tamariki mā roto mai i te pai o ngā whakahaeretanga ki te kōhanga reo. He pai te whakatakoto haere i ngā meneti, ā, ka whakaatuhia te pūrongo auau, te aroturuki auau hoki o ngā mema o te whānau, i te nuinga o ngā wāhanga o te kōhanga reo mā ngā tamariki. He tino aronga ki te whakapakari i te āheinga o te whānau ki te whakahaere ake i tō rātou kōhanga reo ā meāke nei. Kua ū te tautoko, te ārahitanga e whakaratohia ana e te whānau o tō rātou purapura, me Te Poari Matua o Ngā Kōhanga Reo. Ko ngā hui ki te taha o ngā whānau, e aro nui ana ki te ako a ngā mokopuna me ngā ratonga mō tō rātou manaakitanga me ō rātou matea ake. He hiahia nui tō ngā mema mātātoa o te whānau ki te whakapakari ake i tō rātou āheinga ki te āta whakahaere i tō rātou kōhanga reo ā meāke nei. Ko te ako a ngā tamariki e ārahi ana i te whakamahere mō te wā kei te heke mai.

He pai te whakamahere i ngā ngākaunuitanga me ngā matea ako o ngā tamariki. Ka whakawhiti kōrero ngā kaimahi ki te whānau, kia whai wāhi ai ō rātou whakaaro ki te waihangatanga o ngā hōtaka ako. He aronga tā ngā mahere ako, puta noa i te tau. Ka whakahaere ngā kaimahi i ngā taumahi, ka whakatairanga i te reo Māori me ngā tikanga mā Te Whāriki, ā, he ngāwari hei āta whakatutuki i te rerekē haere o ngā matea o ā rātou tamariki. He harikoa ngā tamariki ki roto i ā rātou akoranga, he tau hoki, ā, e puāwai mai ana tō rātou āheinga ki te kōkiri me te kawe i ā rātou ake akoranga.

Ko te ako a ngā tamariki i te reo Māori mā ngā wheako o Te Whāriki e āta tuhia ana, e āta pūrongotia ana hoki ki te whānau. Ka whakamahia e ngā kaimahi te whānuitanga o ngā tūmomo rautaki hei aru i ngā whakatutukitanga a ngā tamariki, ō rātou ake āhuatanga tupu, wheako anō hoki ki te kōhanga reo. Ka ū ngā kaimahi ki ngā taumata papai o ngā tuhinga e arotahi ana ki ngā kaupapa matua o te kōhanga reo me ngā putanga mō ngā tamariki.

Ngā Whakaritenga Matua ka Whai Ake

E tino tautokona ana ngā akoranga a ngā tamariki e ngā mātanga ngaio i āta whakangungutia ai, ā, e noho ngākaunui ana hoki. E mōhio ana te whānau ki te whakapūmautanga o ngā kaimahi, tae atu ki te taumata o ngā tohu mātauranga kua riro i a rātou, whai muri i te arotake o mua a Te Tari Arotake Mātauranga, me te tupu o te reo Māori o ngā kaimahi. Engari, me whakawhanake ngā wāhanga o te whakahaere kaimahi, tae atu ki ngā tuhinga tūranga mahi. He tuhinga tūranga kaiāwhina kē tā te kaiako o tēnei wā. Me arotake ngā tuhinga tūranga mahi ā ētahi atu o ngā kaimahi, ā, me āta whakahāngai atu ki te tūranga e whakatutukihia ana e rātou i tēnei wā tonu. Kua tāutuhia hoki e Te Tari Arotake Mātauranga, e tika ana kia arotakengia ngā tauira arohaehae e whakamahia ana hei whakapai ake i te āhua me te whakahaeretanga. E whakaae ngātahi ana Te Poari Matua o Ngā Kōhanga Reo, te whānau, me ngā kaimahi ki aua whakaritenga matua hei whakawhanake ake. Me noho pūmau ngā tamariki me ā rātou putanga ki te pūtake o te whakahaeretanga o ngā kaimahi.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

Ngā wāhanga kāhore e tutuki ana e ai ki te ture

I tāutuhia e Te Tari Arotake Mātauranga ētahi wāhanga kāhore e tutuki ana e ai ki te ture, ā, e hāngai ana ki te arowhai a ngā pirihimana. Hei whakatutuki i aua herenga, me whakapai ake e te ratonga āna mahi i roto i ngā wāhanga e whai ake nei, arā:

3.1 me whakarite te whakatutukitanga o ngā mahi arowhai a ngā pirihimana, ā, me whakapūmau ēnei mō ngā tamariki.[319D ki 319FA me 319FE o te Ture Mātauranga 1989]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

whakapiki ake i te taumata o te aromātai o roto me te arotake whaiaro ki te arotake rautaki, me rite tonu te pūrongo i te āhua o tā te whānau koke i roto i ngā kaupapa rautaki matua i whakamaheretia ai.

Te Whakarāpopototanga

E tū ana Te Kōhanga Reo o Rongomai ki Ōtara, i Tāmaki-makau-rau ki te tonga. Kua ū te titiro o te whānau ki te whakapakari i te mōhiotanga me te āheinga o te whānau, kia whai hua ai te whakahaeretanga o tō rātou kōhanga reo mō te roanga o te wā. Ka whakaongaongatia ngā tamariki hei ākonga e tīmata ana ki te kōrero i te reo Māori.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Rongomai i roto i te toru o ngā tau.

Lynda Pura-Watson

Kaiurungi Whakaturuki Arotake Māori

12 Hōngongoi, 2016

Ngā kōrero e pā ana ki te kōhanga reo

Evaluation

Te Kōhanga Reo o Rongomai is in Otara, South Auckland. The whānau has a sustained focus on building whānau knowledge and capability for the long term effective management of their kōhanga reo. Children are stimulated as early learners of Te reo Māori.

The next ERO review of Te Kōhanga Reo o Rongomai will be in three years.

1 Context

Te Kōhanga Reo o Rongomai is on the grounds of Rongomai School, Otara in Auckand. Children have opportunities to connect to their wider community. Partnerships with local groups have contributed to outdoor property developments, including the building of a maara kai for children. Long standing kuia of the kōhanga reo continue to play an active role in promoting te reo and tikanga Māori. The local purapura is highly supportive and comes together for professional sharing and celebrations. TKRNT continue to assist whānau with specific areas of management until such time that whānau are confident they can manage their kōhanga reo on their own.

2 The Review Findings

How well do our children express themselves through te reo and tīkanga Māori?

Children express themselves through te reo and tīkanga Māori with growing confidence, excitement and ability.

Ngā Taumata Whakahirahira

Children learn in a vibrant language environment. Kaimahi effectively integrate language in conversations, activities and routines throughout the day. Children learn to associate beliefs and tikanga through karakia, mihimihi, pepeha and waiata. Children explore te reo Māori through their interests. Children communicate well with kaimahi. They enjoy regular quality learning interactions. Children are settled and stimulated through te reo and tikanga Māori.

Children like to share with whānau what they know about their marae and whānau links. Children learn about Mana Whenua including cultural connections and kaitiakitanga. The learning programme provides regular outdoor hikoi where children explore their natural and physical surroundings and learn about Papatuanuku and Ranginui. Kaimahi provide opportunities for children to care for the whenua. Children are developing well in their knowledge of Te Ao Māori.

Children explore the environment around them. Kaupapa mahi include the Kingitanga, Matariki, Tangaroa, and marae. Learning activities enable children to explore these kaupapa through drama, creative arts, shared stories and music. Kaimahi encourage children to use their senses to motivate and stimulate learning experiences. Natural resources are used in the learning programme. Children are supported to broaden their knowledge and appreciation of the world around them.

Children receive lots of experiences that affirm who they are, where they come from and their belonging to the kōhanga reo whānau. Kaimahi have created a loving and peaceful learning environment for children. They confidently move around the kōhanga reo. Kaimahi encourage children to form strong and respectful bonds with each other. Tuakana show love and care for teina. Babies are supported to explore safely in their environment. Children are comfortable in their kōhanga reo.

Children show an awareness of karakia and tikanga for wellness and care of self and others. They are learning karakia for different purposes. Kaimahi reinforce the use of karakia to highlight the close links between the spiritual and physical worlds, atua Māori, tupuna, tīkanga, beliefs and behaviour for children. Karakia is used effectively by kaimahi to settle and focus children. Planned kaupapa learning reinforces the place and value of te reo Māori and tīkanga Māori. Children are supported in their learning.

Planning and Evaluation

Children’s interests and needs are well served through good management of the kōhanga reo. Minutes are well kept and show that whānau members regularly report and monitor on most areas of the kōhanga reo for children. There is a strong focus on building whānau capability to independently manage their kōhanga reo in the near future. Constant support and guidance has been provided through their purapura whānau and TKRNT. Hui with whānau give emphasis to mokopuna learning and provisions for their care and specific needs. Active members of the whānau are keen to build their capacity and capability to effectively manage their kōhanga reo into the future. Children’s learning guides forward planning.

Children’s interests and needs for learning are well planned. Kaimahi consult with whānau to include their ideas in the design of learning programmes. Learning plans provide direction throughout the year. Kaimahi manage activities that promote te reo Māori me ngā tīkanga through Te Whāriki in flexible and adaptive ways to best meet the changing needs of their children. Children are happy in their learning, settled and emerging as independent and responsible learners.

Children’s learning of te reo Māori through Te Whāriki based experiences are recorded and reported well to whānau. A range of meaningful methods are used by kaimahi to track children’s achievements, their unique areas of growth and experiences they have had in the kōhanga reo. Kaimahi maintain good standards of recording that focus on kōhanga reo learning priorities and outcomes for children.

Key Next Steps

Children are very well supported in their learning by well trained and dedicated professional practitioners. Whānau recognise the commitment shown by their kaimahi, including the levels of qualifications attained since the last ERO review and the growth of kaimahi te reo Māori. However areas of personnel management including job descriptions require development. The current kaiako has a kaiāwhina job description. Other kaimahi appointed also require their respective job descriptions reviewed and aligned appropriately to the role they currently undertake. ERO has also identified that appraisal templates used can be reviewed for improvement and manageability. TKRNT, whānau and kaimahi agree to these key next steps for development. Children and their outcomes should always be at the centre of personnel management.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

Actions for compliance

ERO identified areas of non-compliance relating to police vetting. To meet requirements the service needs to improve its performance in the following areas:

3.1 ensure police vetting requirements are carried out and maintained for children.[319D to 319FA and 319FE of the Education Act 1989]

4 Recommendation

ERO and the Kōhanga Reo whānau developed the following recommendation:

Heighten the level of internal evaluation and review to strategic review, and report regularly on how well whānau are progressing with planned strategic priorities.

Conclusion

Te Kōhanga Reo o Rongomai is in Otara, South Auckland. The whānau has a sustained focus on building whānau knowledge and capability for the long term effective management of their kōhanga reo. Children are stimulated as early learners of Te reo Māori.

When is ERO likely to review the kōhanga reo again?

The next ERO review of Te Kōhanga Reo o Rongomai will be in three years.

Lynda Pura-Watson

Deputy Chief Review Officer Māori

12 July 2016 

Information about the Kōhanga Reo