Te Kōhanga Reo o Te Whakatupuranga ki Ōtara

1 Te Horopaki

E tū ana Te Kōhanga Reo o Te Whakatupuranga ki Ōtara ki te hapori o Ōtara, ki Tāmaki-makau-rau ki te tonga. Whai muri i te arotake o mua a Te Tari Arotake Mātauranga, kua panoni ngā tūranga kaimahi. He mātātoa tonu te tautoko mai o ngā kuia e mahi tūao ana ki te whakahaere i te tari me ngā āhuatanga o ia rā. He pai te tūnga o ngā mātua ki te āta whakarite i te tau o ngā mahi whakahaere mō te pae tawhiti tonu o te kōhanga reo.

2 Ngā Whakaaturanga o te Aromātai

He pēhea rawa ngā tamariki e whakaatu i ō rātou ngākau titikaha hei ākonga?

Ka kitea ki ngā tamariki te whanake haere o ō rātou ngākau titikaha me ō rātou āheinga hei ākonga, puta noa i te whānuitanga o ngā tūmomo wheako ako.

Ngā Taumata Whakahirahira

E hāpaitia ana ngā tamariki kia whakapuaki rātou i ō rātou whakaaro mā te reo Māori. Rongo ai i ngā whakawhitinga kōrero e whai pūtake ana, e whai manaakitanga ana hoki puta noa i te rā, ki waenga i ngā pakeke me ngā tamariki tuākana. He pakari ngā tamariki tēina ki te whakapuaki i ō rātou matea me ō rātou māramatanga mā ngā tūmomo oro me te kori o ō rātou tinana. Ka whakamahi ngā kaimahi i te whānuitanga o ngā tūmomo rautaki e hāpai ai i te whakawhanaketanga reo o ngā tamariki. Ko ētahi o aua āhuatanga, ko te tāruarua, te kōrero mō ngā kaupapa o mua, te whakapūmau i ngā tikanga, ngā waiata, me ngā tohutohu i ngā taunekeneke. Kei te tino mōhio ngā kaimahi ki ngā pūmanawa reo me ngā ngākau nuitanga o ngā tamariki. He pakari ngā tamariki tuākana ki te kōkiri me te ārahi i ngā mihi, ngā pepeha, ngā waiata tautoko, ngā karakia, me te kapa haka. E whanake ana te ngākau titikaha o ngā tamariki ki te kōrero i te reo Māori.

Ka whai wāhi atu ngā tamariki ki ngā akoranga e poipoi ana i ō rātou tuakiri. Ka whakarato ngā kaimahi i ngā whai wāhitanga mō ngā tamariki ki te taki i ō rātou pepeha me ā rātou mihimihi i ngā wāhanga ōkawa o te hōtaka. Ka whai wāhi mai hoki ngā kuia me ngā mema o te whānau ki taua wāhanga ōkawa. Ka rongo ngā tamariki i ngā tātai whakapapa ki waenga i a rātou anō, ā, ki ētahi atu hoki. Ka kōkiri ngā kaimahi i ngā whakawhitinga kōrero mō ngā hononga o ngā tamariki ki ētahi atu. He tino hononga tō ngā tamariki ki te kōhanga reo. He tino tūmāia rātou i a rātou e nekeneke haere ana ki ngā tūmomo wāhi. Ka akiaki ngā kaimahi i ngā tamariki ki te manaaki i tō rātou taiao. He ngāwari te whakawhiti haere a ngā tamariki ki waenga i ngā akoranga me ngā mahinga. Ka āta whakarite ngā kaimahi kia riterite, kia tau hoki ngā mahinga o ia rā ki ngā tamariki. E whakawhanake ana te māramatanga o ngā tamariki ki tō rātou whai wāhi nui ki tō rātou iwi, tō rātou whānau, me tō rātou kōhanga reo.

E ākina ana te tūhura haere a ngā tamariki i tō rātou taiao ake me te ao tūroa. Ka whakamahere ngā kaimahi hei āta whakarite i te whai wāhi atu a ngā tamariki ki te whānuitanga o ngā tūmomo wheako ako. Ka whakarato rātou i te whānuitanga o ngā tūmomo taumahi e arotahi ana ki te whakahirahiratanga o te whenua me āna taonga tuku iho. Ko ngā wheako ā-ringa nei e hāpai ana i ngā tamariki ki te pā, te hongihongi, me te rongo ā-arero i ngā hua o te taiao. Ko Matariki te kaupapa o te wā nei. E ako ana ngā tamariki i ngā kupu e whai pānga ana ki a Matariki. Kua tito ngā kaimahi me ngā tamariki i ngā waiata e whakawhānui ana i tō rātou mōhiotanga me tō rātou māramatanga ki te kaupapa. E whakawhanake ana te mōhiotanga me te māramatanga o ngā tamariki ki te ao tūroa me te ao hurihuri nei.

Ngā Whakaritenga Matua ka Whai Ake

Kua tae ki te wā kia whai whakaaro te whānau ki ngā huarahi ka hāpai ai i ngā mahi a ngā kaimahi ki te taha o ngā tamariki. Ko ngā mahi pērā i ērā i te kīhini, me te whakapaipai e pā tōraro ana ki te taumata o ā rātou mahi ake. Ahakoa te tau o ngā mahi whakahaere a ngā kuia ki te tari, me whai āwhina ki te hāpai i ngā whakaritenga a ngā kaimahi. E taunaki ana Te Tari Arotake Mātauranga kia mahi ngātahi te whānau me ngā kaiako ki te whai huarahi e hāpai ai i ngā kaimahi ki te arotahi pū ki ā rātou mahi ki te taha o ngā tamariki, me tā rātou whakapūmau i te kounga kairangi o ngā wheako ako a ngā tamariki.

Te Whakamahere me te Aromātai

E noho matua ana ko te manaaki i ngā tamariki, me tō rātou waiora, tō rātou aronga toi whenuatanga hoki. He pai te whakahaere a te whānau i te kōhanga reo, mā te tautoko nui o ngā kuia. E tino whakanuia ana te whai wāhi mai a te whānau ki ngā whakataunga me ngā mahi whakamahere mō meāke nei. E pou here ana ngā uaratanga o te whanaungatanga i te āhua o ngā mahi ki te whakahaere i te kōhanga reo me te tari, ā, i te akiaki hoki i ngā mātua ki te whai wāhi mātātoa ki ngā akoranga a ā rātou tamariki. Aroturukitia ai te ako i te reo Māori me te whakawhanaketanga reo Māori hoki o ngā tamariki ki ngā hui ā-whānau o ia marama. Kua āta tuhia ngā meneti, ā, he tino tūāpapa tēnei mō te tupu tonu me te whakawhanake tonu.

He tukanga ā ngā kaimahi mō te whakamahere i te hōtaka, te aromatawai, me te aromātai hōtaka. E whiwhi ana ngā tamariki i ngā wheako ako i āta whakamaheretia ai, ā, e āta whai pānga ana hoki. Ko ngā mahi a ngā tamariki e whakaatuhia ana mō tēnei tau, e āta tohu ana i te whai kiko me te whakahāngaitanga o ngā mahere ki ngā tamariki. Ko ngā whakaahua o ā rātou mahere me ngā mahi a ngā tamariki, e tāpirihia ana ki ngā pūrongo. He pūkete tā ia tamaiti e whakapuaki ana i ētahi āhuatanga o tā rātou ako, i runga anō i te āhua o ngā kaupapa i whakamaheretia ai. E whai kiko ana, he auau hoki ngā tuhinga e pā ana ki ngā hui, ā, e tohu ana i te aromātai a ngā kaimahi i te hōtaka me ngā whakaritenga i ia te wā. Ka whakamahia ngā mahere, te aromatawai, me te aromātai hōtaka ki te āta whakatau i ngā huarahi matua pea ka whāia kia haere tonu ai te ako a ngā tamariki.

Ngā Whakaritenga Matua ka Whai Ake

Kua aro matua i te nuinga o te tau kua pahure ake nei, ki te whakahaere i ngā panonitanga. Me arotahi te whānau i nāianei ki te arotake me te whakahou ake i ā rātou kaupapa here me ā rātou tukanga. Me hāngai anō hoki aua tūāhuatanga ki ngā paearu raihana e whai pānga ana, me ngā herenga ā-ture anō hoki o te wā. He mea nui, kia noho mārama te katoa o te whānau me ngā kaimahi ki ō rātou tūranga me ā rātou kawenga ki te whakatinana i aua whakaritenga. Mā tēnei, he wāhi hauora, he wāhi haumaru anō hoki tēnei mō ngā tamariki.

Me whai whakaaro te whānau i nāianei ki ā rātou kaupapa matua o te pae tawhiti. He mea nui kia arotahi ngā whāinga rautaki, ngā tūmanako, me te whakatinanatanga ki ngā wawata mō te kōhanga reo me ngā tamariki mō meāke nei. Ka hāngai aua tūāhuatanga ki te whakahou ake i te whāriki tākaro o waho, ki tētahi heketua hou mō ngā tamariki, me tētahi wāhi whakaputu o roto mō ngā rauemi ako. E taunaki ana Te Tari Arotake Mātauranga, kia tuhia, kia whakaritea hoki e te whānau ā rātou kaupapa rautaki matua mō ia tau, me te pūrongo anō hoki i te ahu whakamua i ia te wā, hei painga mō ngā tamariki.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• mahi te whānau ki te taha o tō rātou kaimahi ā-rohe o te Poari Matua o Ngā Kōhanga Reo, kia whai ārahitanga, kia whai tautoko anō hoki rātou i ngā wā e tika ana, otirā, ki te whakatutuki i ngā whakaritenga matua i tāutuhia ai ki tēnei pūrongo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Whakatupuranga ki Ōtara i roto i te toru o ngā tau.

Lynda Pura-Watson

Kaiurungi Whakaturuki Arotake Māori

03 Hereturikōkā, 2018

Ngā kōrero e pā ana ki te kōhanga reo

1 Context

Te Kōhanga Reo o Te Whakatupuranga ki Ōtara is located in Ōtara, South Auckland. Since the previous ERO review, there has been a change in kaimahi. Kuia continue as active voluntary supporters for whānau in the areas of administration and daily operations. Parents are well positioned to ensure stable management practice for the long-term future of the kōhanga reo.

2 The Evaluation Findings

How well do children express their confidence as learners?

Children express a growing confidence and abilities as learners across a range of learning experiences.

Ngā Taumata Whakahirahira

Children are supported to express themselves in te reo Māori. Meaningful and caring conversations are heard throughout the day between adults and older children. Younger children confidently express their needs and understandings through the sounds they make and their body movement. Kaimahi use a range of strategies to support children’s language development. These include repetition, talking about prior kaupapa, reinforcing tikanga, waiata and instructions during physical interactions. Kaimahi know children’s language potential and interests very well. Older children are confident to initiate and lead mihi, pepeha, waiata tautoko, karakia and kapa haka. Children are developing as confident speakers of te reo Māori.

Children participate in learning where their identity is nurtured. Kaimahi provide children with opportunity to recite their pepeha and mihimihi during the formal part of the programme. Kuia and whānau members take part in this formality as well. Children hear about the whakapapa links between themselves and others. Kaimahi initiate conversations about how children are related to others. Children have a strong connection to the kōhanga reo. They are very confident as they move in and around the different spaces. Kaimahi encourage children to care for their environment. Children transition between learning and routines smoothly. Kaimahi ensure that the daily routines are consistent and familiar. Children are developing an understanding of their place in their iwi, whānau and kōhanga reo.

Children are encouraged to explore their immediate environment and the natural world. Kaimahi plan to ensure that children participate in a range of learning experiences. They provide a variety of activities that focus on the prominence of the land and its resources. The hands-on experiences allow children to feel, see, smell and taste the fruits of nature. The current kaupapa is Matariki. Children learn words that are relevant to Matariki. Kaimahi and children have composed waiata to extend their knowledge and understanding of the kaupapa. Children are developing knowledge and understanding of both the natural and contemporary worlds.

Key Next Steps

It is time for the whānau to consider ways to support kaimahi in their work with children. The standard of their work is compromised as they take on duties such as working in the kitchen and cleaning. While the kuia provides stability for office administration, more assistance is required to support kaimahi practice. ERO recommends whānau and the kaiako work collaboratively on ways to enable kaimahi to focus on their work with children and to maintain high quality learning experiences for children.

Planning and Evaluation

Children’s care, wellbeing and sense of belonging is paramount. Whānau whakahaere is managed well with the active support of the kuia. Whānau contributions to decision making and future planning of the kōhanga reo is highly valued. Values of whanaungatanga underpin the way in which the kōhanga reo is managed and administered, and the way parents are encouraged to be actively involved with their children. Te reo Māori learning and development for children is constantly monitored at monthly whānau hui. Well documented minutes provides a strong foundation for further growth and development.

Kaimahi have processes in place for programme planning, assessment and programme evaluation. Children receive well planned and relevant learning experiences. Children’s work displayed for this year is a strong reflection of the detailed and personalised planning that children receive. Photos of their plans and children’s work are attached to these reports. Each child has a portfolio that shares aspects of their learning in relation to planned kaupapa. Detailed and regular hui records show kaimahi consistently evaluate the programme and practices. Planning, assessment and programme evaluation is used to make sense of key possible steps for the ongoing learning for children.

Key Next Steps

Most of the past year has been on managing transitional changes. The whānau must now focus on reviewing and updating their policies and procedures. These must align to relevant licencing criteria and current legislation. It is important that all whānau and kaimahi are clear about their roles and responsibilities in implementing these standards. This will ensure the environment is healthy and safe for the children.

The whānau should now consider their long-term priorities. It is important that strategic objectives, goals and implementation focus on the future aspirations for the kōhanga reo and the children. These include the revamp of the outdoor play matting, a new toilet for children, and indoor storage space for learning resources. ERO recommends the whānau document and organise their strategic priorities across each year, and report regularly on progress for children.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

• the whānau work with their local kaimahi from Te Kōhanga Reo National Trust to guide and support them where needed to address the key next steps identified in this report.

When is ERO likely to evaluate the kōhanga reo again?

The next ERO evaluation of Te Kōhanga Reo o Te Whakatupuranga ki Ōtara will be in three years.

Lynda Pura-Watson

Deputy Chief Review Officer Māori

3 August 2018

Information about the Kōhanga Reo

Te Aromātai

1 Te Horopaki

E tū ana Whakatupuranga ki Otara Te Kōhanga Reo ki te tāone o Ōtara, ki Tāmaki-makau-rau ki te Tonga. Nō te tau 1992 te kōhanga reo i whakatūngia ai. Ka noho pūmau ngā mema o te whānau ki te kaupapa o te kōhanga reo, ā, he mārama ō rātou wawata mō ngā tamariki. Ko te reo Māori tētahi aronga matua.

Ko tētahi āhuatanga pai o te kōhanga reo, ko te whanaungatanga. He tūturu te manaaki o te whānau i a rātou anō, i ngā tamariki, i ngā kaimahi hoki, ā, ka tautoko tētahi i tētahi, he pakari hoki te aronga toi whenuatanga.

I tāutu te pūrongo o mua a Te Tari Arotake Mātauranga i te maha o ngā whakawhanaketanga papai, tae atu ki te hōtaka akoranga a ngā tamariki, te reo Māori, te mahi ngātahi a ngā kaimahi, me te taiao ako. Ko te whakahaeretanga me te whai wāhi atu a te whānau, te whakamahere rautaki, me te whakamahere hōtaka ētahi atu āhuatanga pakari. I tāutuhia te aromatawai, te aromātai, me te arotake whaiaro hei wāhanga ki te whakapai ake tonu.

2 Ngā Whakaaturanga o te Arotake

He pēhea rawa te ako a ngā tamariki i te ao māoriori me te ao tūturu?

Kei te tipu haere te mātauranga o ngā tamariki ki tō rātou ao māoriori, ao tūturu hoki mā ngā huarahi papai.

Mana Aotūroa

He pai ngā wheako a ngā tamariki i a rātou e tūhura ana, e hono ana ki te ao māoriori, tūturu hoki. I te wā o Matariki, i ako ngā tamariki i aua kāhui whetū, arā, ko Waitī, ko Waitā, Ko Waipuna-ā-Rangi, ko Tupu-ā-Nuku, ko Tupu-ā-Rangi, ko Ururangi hoki. Ka whakamahi ngā kaimahi i ngā whakataukī me ngā waiata hei whakawhānui i ngā mōhiotanga o ngā tamariki ki a Matariki. He pākiki, he whakahihiri hoki ngā tamariki nā te ao māoriori, tūturu hoki me ngā atua e whai pānga ana ki aua āhuatanga.

Ka rumakina ngā tamariki ki te reo Māori. Ka rongo, ka whakamahi hoki ngā tamariki i te reo Māori ki ngā horopaki ōkawa me ngā horopaki ōpaki. Ka whakamahi ngā kaimahi i te whānuitanga o ngā tūmomo taumahi hihiri, rautaki hihiri anō hoki, hei kapo atu, hei whakaongaonga hoki i te whakawhanaketanga o te reo Māori o ngā tamariki. Ka whai hua te whakamahinga o ngā waiata me ngā waiata ā-ringa hei whakaongaonga i ngā ngākau nuitanga o ngā tamariki, me te whakatairanga hoki i te whakawhanaketanga o tō rātou reo. He māhorahora te rere o te reo Māori ki waenga i ngā pākeke me ngā tamariki. E whanake ana te pakari o ngā tamariki ki te kōrero i te reo Māori.

Ka ako, ka whakawhanake hoki ngā tamariki ki tētahi taiao e manaaki ana, e tautoko ana hoki i a rātou. Ka whakamahi ngā kaimahi me te whānau i ngā rautaki papai ki te whakahaere i ngā tamariki. Ka whakamihi rātou i ngā whakamātau me ngā whakatutukitanga a ngā tamariki. Ka whai whakaaro ngā tamariki tuākana i roto i ā rātou mahi, ā, ka āwhina rātou i a rātou anō ki te whakatutuki haere i ngā mahinga me ngā tikanga. He hāneanea, he harikoa, he tau hoki ngā tamariki ki tō rātou taiao. He pakari tō rātou waiora, ā, he mauritau rātou nā te whakawhanaungatanga e whakatinanahia ana ki tēnei taiao.

Ka ngākau nui ngā tamariki ki te wāhi tākaro wāteatea o waho i āta waihangatia ai. He pārekareka ki ngā tamariki te whai wāhi atu ki te wāhi tākaro o waho, me te kori tinana i roto i ā rātou kēmu, tae atu hoki ki ngā hākinakina. He whai wāhitanga mā rātou ki te tūhura me te mātakitaki hoki i a Rangi rāua ko Papatūānuku i a rātou e tākaro ana ki waho. Ka ako ngā tamariki ki tētahi taiao mā i āta whakatakotohia ai, e āta tiakina ana, ā, e noho haumaru ana hoki mō rātou.

Te Whakamahere me te Aromātai

Ka whiwhi ngā tamariki i te whānuitanga o ngā tūmomo wheako akoranga i āta whakamaheretia ai. Ka mahi ngātahi ngā kaimahi ki te whakarite i ngā mahere ā-wāhanga, ā-wiki, o ia rā hoki. Ko ngā mahere hōtaka e whakamōhio ana i te whānau i tēnā ka wheakohia e ā rātou tamariki ki te kōhanga reo. Ka whai hua ngā mahere ki te ārahi i ngā whakaritenga a ngā kaimahi. He auau te aromātai hōtaka, ā, ka arotahi, ka whai pānga anō hoki ki ngā tino painga mō ngā tamariki.

E mōhio ana te whānau ki ngā whakahaeretanga o ia rā ki te kōhanga reo. Ka tahuri atu rātou ki ngā take me ngā āwangawanga i te wā ka pupū ake. Ka whiwhi te whānau i ngā pūrongo e pā ana ki te whakatutukitanga o ētahi o ngā whāinga rautaki me ngā mahi. Kua whakaritea ngā tuhinga tūranga mahi me ngā kirimana. Arotake ai te whānau i ia te wā i ā rātou kaupapa here, tukanga hoki e pā ana ki te hauora me te haumaru.

Ngā Whakaritenga Matua ka Whai Ake

Ahakoa ka whakamahi ngā kaimahi i te whānuitanga o ngā tūmomo aromatawai, kāhore aua huarahi e tāutu ana i ngā wā katoa, i tēnā e ākona ana e ngā tamariki, i ngā taumata rānei ka whāia tonuhia e rātou. Kāhore i te rawaka te ārahi, te whakamōhio hoki o ngā aromatawai i ngā kaimahi, hei hāpai i ngā ngākau nuitanga, i te ahu whakamua hoki o ia tamaiti.

Kāhore anō kia oti ngā arohaehae e pā ana ki ngā kaimahi. E tika ana kia whakaoti ngā kaimahi i ngā arohaehae hei whakapai ake i ā rātou whakaritenga, ā, hei whakamōhio hoki i ā rātou whāinga whakawhanaketanga ngaio mō meāke nei. Me tahuri atu ki aua whakaritenga, nā te whai pānga nui o ēnei ki ngā akoranga a ngā tamariki.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga tēnei wāhanga e whai ake nei, kāhore e whakatutuki ana i ngā herenga ā-ture:

• me whakarite i te whakatinanatanga o tētahi pūnaha arohaehae auau.
  [R47 Ture Mātauranga (Kōhungahunga) 2008; GMA7]

4 Te Taunakitanga

E taunaki ana Te Tari Arotake Mātauranga, kia tahuri te whānau ki te:

• toro atu ki te tautoko ka hāpai i ngā kaimahi ki te whakawhanake i tō rātou māramatanga, tō rātou mōhiotanga anō hoki ki te aromatawai
• whakaoti te arohaehae i ngā kaimahi
• whakaoti te mahere ā-tau, ā, me whakahāngai tēnei ki ngā tūmanako rautaki me ngā whāinga rautaki.

Te Whakarāpopototanga

E tū ana Whakatupuranga ki Otara Te Kōhanga Reo, ki te tāone o Ōtara, ki Tāmaki-makau-rau ki te tonga. Ka whakamahi ngā kaimahi me te whānau i te whānuitanga o ngā tūmomo taumahi, rautaki hoki ka hāpai i te ako a ngā tamariki i te ao māoriori, tūturu hoki. He kaha te whakawhanaungatanga ki waenga i ngā tamariki, te whānau, me ngā kaimahi.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Whakatupuranga ki Otara Te Kōhanga Reo i roto i te toru o ngā tau.

Lynda Pura-Watson

Kaiurungi Whakaturuki Arotake Māori

24 Here-turi-kōkā, 2015

Ngā kōrero e pā ana ki te kōhanga reo

Evaluation

1 Context

Whakatupuranga ki Otara Te Kōhanga Reo is in Otara, South Auckland. The kōhanga reo was established in 1992. Whānau members are committed to the kaupapa of the kōhanga reo and are clear about their aspirations for children. Te reo Māori is a priority.

Whanaungatanga is a positive feature of the kōhanga reo. Whānau care for each other, children and kaimahi in genuine, supportive ways and have a strong sense of belonging.

The previous ERO report identified several positive developments including the children’s learning programme, te reo Māori, kaimahi team work and the learning environment. Whānau management and participation, strategic planning and programme planning were additional areas of strength. Assessment, evaluation and self review were identified as areas that needed to be improved.

2 The Review Findings

How well do children learn about the natural and physical world?

Children are developing their knowledge about their natural and physical world in positive ways.

Mana Aoturoa

Children have positive experiences when they explore and connect with the natural and physical world. During the Matariki celebrations, children learnt about the different star clusters of Matariki, namely, Waitī, Waitā, Waipuna-ā-Rangi, Tupu-ā-Nuku, Tupu-ā-Rangi and Ururangi. Kaimahi use whakataukī and waiata to broaden children’s knowledge of Matariki. Children are intrigued and fascinated by the natural and physical worlds and the atua who govern these areas.

Children are immersed in a te reo Māori environment. Children hear and use te reo Māori in formal and informal settings. Kaimahi use a range of exciting activities and strategies to captivate and stimulate children’s te reo Māori development. Waiata and waiata-ā-ringa are successfully used to stimulate children’s interest and enrich their language development. Te reo Māori flows easily between adults and children. Children are developing as confident speakers of te reo Māori.

Children learn and develop in a caring and supportive environment. Kaimahi and whānau use positive strategies to manage children. They use praise to reward children’s’ efforts and successes. The older children act responsibly and assist each other with routines and tikanga. Children are comfortable, happy and settled in their surroundings. They have a strong sense of wellbeing and are comfortable in an environment where whanaungatanga is practiced.

Children enjoy a spacious, well designed outdoor play area. Children enjoy being in the outdoor play area where they participate in active play including sports. They have opportunities to explore and observe Rangi and Papatūānuku when they play outdoors. Children learn in an environment that is clean, orderly, in good repair and free from hazards.

Planning and Evaluation

Children receive a variety of well planned learning experiences. Kaimahi work collaboratively to prepare term, weekly and daily plans. Programme plans inform whānau about what their child will experience at kōhanga reo. Plans are useful for guiding kaimahi practice. Programme evaluation is regular, focussed and leads to significant benefits for children.

Whānau know about the day to day operations of the kōhanga reo. They attend to emergent issues and concerns as they arise. Whānau receive reports of some strategic objectives and actions that are complete. Job descriptions and employment contracts are in place. Whānau regularly review their health and safety policies with procedures.

Key Next Steps

Although kaimahi use a range of assessments, these methods do not always identify what children are learning or their next steps. Children’s assessments do not adequately guide and inform kaimahi about each child’s interests and progress.

Kaimahi appraisals are incomplete. Kaimahi are required to complete appraisals to improve their practice and to inform their future professional development goals. These practices require attention as they have a direct impact on children’s learning.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified the following areas of non-compliance:

• ensure that a system of regular appraisal is implemented.
  [R47 Education (ECS) Regulations 2008 GMA7]

4 Recommendation

ERO recommends that whānau:

• seek support to assist kaimahi to develop their understanding and knowledge of assessment
• complete kaimahi appraisals
• complete the annual plan to align to the strategic objectives and goals.

Conclusion

Whakatupuranga ki Otara Te Kōhanga Reo is in Otara, South Auckland. Kaimahi and whānau use various activities and strategies to support children to learn about the natural and physical world. There is a strong sense of whanaungatanga among children, whānau and kaimahi.

When is ERO likely to review the kōhanga reo again?

The next ERO review of Whakatupuranga ki Otara Te Kōhanga Reo will be in three years.

Lynda Pura-Watson

Deputy Chief Review Officer Māori

24 August 2015

Information about the Kōhanga Reo