Te Kōhanga Reo o Te Puaha

1 He Whakamārama

He Kupu Whakataki

Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

• Ngā Taumata Whakahirahira, me te aronga matua ki te whakatairangatanga ake o te whakawhanaketanga reo o ngā tamariki 
• te whakamahere me te aromātai, tae atu ki te whakamahere, te aromatawai, me te aromātai; te whakawhanaketanga ngaio o ngā kaimahi; te arotake whaiaro, te whakamahere rautaki, me ngā take kaimahi 
• ngā wāhanga kāhore e tutuki ana e ai ki te ture, tae atu ki te whakamahere, te whakapuakitanga, me te aromātai o te hōtaka akoranga, ngā mahi whakahaere a te whānau, te arowhai i ngā āhuatanga mōrearea, me ngā tukanga e pā ana ki te tīni kope 
• ētahi atu take i tāutuhia ai whai muri i te arotake o mua a Te Tari Arotake Mātauranga.

2 Te Horopaki

E tū ana Te Kōhanga Reo o Te Pūaha o Waikato ki te marae o Ōraeroa, ki Te Pūaha o Waikato.

I te wā o te arotake o mua a Te Tari Arotake Mātauranga, tokorua ngā kaimahi tūao i te mahi ki te kōhanga reo, ā, he whāiti noa ā rāua whakangungu me ō rāua mōhiotanga ki te mahi a te kaimahi. He ōpaki ngā hui ā-whānau i aua wā, ā, kāhore rānei i te tū auau. I whakarewahia hoki e Te Tari Arotake Mātauranga ō rātou āwangawanga mō te whakahaeretanga o te kōhanga reo. I taua wā, he maha ngā āhuatanga matua o te whakahaeretanga me ngā whakaritenga hei tirohanga wawe.

Whai muri i te arotake o mua a Te Tari Arotake Mātauranga i te tau 2016, kua whakatūngia e te whānau tētahi kaiwhakahaere me tētahi kaiako ki ngā tūranga tūturu. E noho pūmau ana te heamana o tēnei wā ki te mahi ki te taha o te whānau ki te whakapai ake i ngā whakaritenga e pā ana ki te whakahaeretanga o te kōhanga reo. Kei te tīmatanga noa tonu te whānau ki te whakatutuki haere i ngā wāhanga i te tāutuhia ai ki te pūrongo o mua, hei wāhanga e āwangawangatia ana.

3 Ngā Whakaaturanga

E hāpaitia ana te ako a ngā tamariki i te reo Māori. Ahakoa e kōrero ana ngā tamariki i te reo Pākehā i te nuinga o te wā, e whakamahi ana te kaiako i ngā tino rautaki ka hāpai i te whakawhanaketanga reo o ngā tamariki. Ko ētahi o aua rautaki, ko te tāruarua, ko te whakatauira i ngā hanganga reo e tika ana, ā, ko te whakarato i ngā tohutohu, ngā pātai, me ngā kupu whakamihi e tino mārama ana. Kei te wāhanga ōkawa o te rā ngā whai wāhitanga mō ngā tamariki ki te mārama haere ki ngā tauira reo o ngā karakia, ngā mihimihi, me ngā pepeha. E tīmata noa ana ngā tamariki ki te mārama, me te whakamahi i te reo Māori.

Kua whakaritea e te kaiako tētahi tukanga whakamahere. E whakaraupapa ana ngā tuhinga whakamahere i ngā tirohanga, ngā wawata, ngā putanga mō ngā akoranga a ngā tamariki, me ngā whakamārama e pā ana ki Ngā Taumata Whakahirahira. Kua whakatakotohia anō hoki tētahi wātaka hei ārahi i ngā mahinga. He whāiti noa ngā mōhiohio i roto i ngā mahere mō te kiko o te hōtaka, ngā rautaki, me ngā tūmomo rauemi ka whai pānga ki ngā mahi. E tīmata ana te kaiako ki te ako i ngā āhuatanga e pā ana ki te aromatawai me te aromātai i te hōtaka. Ka whakapakarihia te ako a ngā tamariki mā te āta whakatakoto i ngā hononga ki waenga i ngā mahere, te aromatawai, me te aromātai anō hoki i te hōtaka.

Kei waenga i te whānau tētahi rōpū iti e noho ngākau nui ana ki te whakarite i ngā tukanga ka whakahaere i ngā whakaritenga o tō rātou kōhanga reo. E noho pūmau ana te komiti hou ki te whakapai ake i ngā whakaritenga o te whakahaeretanga. E arotakengia ana te tūtohinga, ngā kaupapa here, me ngā tukanga. Engari, he mea nui kia noho mārama te whānau ki ngā herenga ā-ture o te wā, hei āta whakarite i te whai pānga o ēnei ki ngā kaupapa here me ngā tukanga. Me whakarite i ngā pūnaha tari nahanaha, kia āhei ai te kaiwhakahaere ki te whakatutuki i ngā kawenga e pā ana ki te whakahaeretanga o te tari. I tēnei wā, e aro matua ana ia ki te whakatutuki i ngā take whakahaere tari – tae atu ki te whakahaeretanga o ngā pūtea – me te mahi anō hoki ki te taha o ngā tamariki. Nā tēnei tūāhuatanga, kāhore ngā mahi matua, ngā pūnaha matua hoki e whakatutukihia ana i te wā e tika ana, mā te huarahi rānei e whai hua ake ai.

Kāhore te whānau e mōhio ana ki ō rātou tūranga, ki ā rātou kawenga mahi rānei ki te kōhanga reo. Kāhore he tukanga nahanaha mō te whakaurutanga mai o ngā whānau hou. Hei whakapakari ake i te noho pūmau o te whānau, e tika ana kia whakaotihia te mahere rautaki. I tēnei wā, e whakaraupapa ana te mahere i te tirohanga, ngā whāinga, me ngā kaupapa matua mō meāke nei. Engari, kāhore e whakatakotohia ana hei aronga matua, ko te whakapakari ake i te āheinga o te whānau ki te whakamahi i te reo Māori, me te whai wāhi mai anō hoki o te whānau ki te kaupapa o te kōhanga reo. Hei whakapakari ake i te āheinga o te whānau, me whakawhanake i tētahi mahere mahi hei ārahi i te whakatinanatanga o te mahere rautaki. Mā tēnā, ka whakatūturuhia te rōnakitanga o te kōhanga reo mō meāke nei, hei painga mō ngā tamariki.

4 Ngā wāhanga kāhore e tutuki ana e ai ki te ture

Ngā Tirohanga Whānui

I tāutuhia e Te Tari Arotake Mātauranga ētahi wāhanga kāhore e tutuki ana e ai ki te ture. Kia tutukihia ai e te whānau o te kōhanga reo ā rātou herenga ā-ture, me tahuri rātou ki te:

• whakarite i whakamaheretanga, te whakatinanatanga, me te aromātai anō hoki a ngā kaimahi i te marautanga, hei whakatairanga i te ako a ngā tamariki me ō rātou whakawhanaketanga, mā te whakarato i ngā wheako akoranga ka aro nui ki ngā ngākau nuitanga ako, ngā pūmanawa, me ngā āheinga anō hoki o ngā tamariki katoa 
  [R43 Ture Mātauranga (Kōhungahunga) 2008; C1-13 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

• arotake me te whakahou ake i ngā kaupapa here me ngā tukanga katoa e pā ana ki te hauora me te haumaru, hei āta whakarite i te whakatutukitanga me te whakapūmautanga o ngā herenga ā-ture katoa e pā ana ki te akoako hōneatanga ohorere, te whakamoe, ngā aituā me ngā maiki, ngā āhuatanga mōrearea, te ārai i ngā tamariki, me te whakahaeretanga i te whanonga, hei painga mō ngā tamariki. 
  [R 46 Ture Mātauranga (Kōhungahunga) 2008; HS1-33 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008 HS8] 

5 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakapakarihia te whakamahere hōtaka, ā, kia whakaritea hoki ngā tukanga mō te aromātai i te hōtaka akoranga me te aromatawai hoki i te ako me te ahu whakamua a ngā tamariki  
• arotakengia te katoa o ngā kaupapa here me ngā tukanga e pā ana ki te hauora me te haumaru, me te whakahāngai i ngā kaupapa here matua me ngā tukanga matua ki ngā herenga ā-ture o tēnei wā
• whakaoti, kia whakatinana hoki i te mahere rautaki, hei whakapakari i te ngākau nuitanga me ngā pūmanawa o te whānau ki te poipoi i te kaupapa o te kōhanga reo
• whakaritea ngā pūnaha me ngā tukanga e whai hua ai ki te whakahaere i te tari.

Hei ā hea Te Tari Arotake Mātauranga aromātai anō ai i te kōhanga reo?

Ka whakahaere anō Te Tari Arotake Mātauranga i te aromātai whai muri o Te Kōhanga Reo o Te Pūaha o Waikato i roto ngā tau e rua.

Lynda Pura-Watson

Kaiurungi Whakaturuki Arotake Māori 

03 Paengawhāwhā, 2018

Ngā kōrero e pā ana ki te kōhanga reo 

1 Background

Introduction

A supplementary evaluation is undertaken at the discretion of the Chief Review Officer of the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:

• Ngā Taumata Whakahirahira with a specific focus on the enhancement of children’s language development
• Planning and evaluation including planning, assessment and evaluation; professional development for kaimahi; self-review, strategic planning and personnel matters
• Areas of non-compliance including the planning, delivery and evaluation of the learning programme, whānau management practices, hazard checking, and nappy changing procedures
• Any other issues identified since the previous ERO review.

2 Context

Te Kōhanga Reo o Te Pūaha o Waikato is situated on Ōraeroa Marae, Port Waikato.

At the time of the previous ERO review, the kōhanga reo was staffed by two voluntary kaimahi who had limited training and experience. Whānau hui were informal and irregular. ERO also raised concerns about the management of the kōhanga reo. There were many key areas around operations and practice that required attention.

Since the previous ERO report, 2016, the whānau has appointed a kaiwhakahaere and kaiako to permanent positions. The current chairperson is committed to working with whānau to improve the management practices. The whānau is still in the very early stages of addressing the areas of concerns identified in the previous report. 

3 Findings

Children are supported to learn te reo Māori. While children speak English most of the time, the kaiako uses sound strategies to support children’s language development. These include repetition, modelling correct language structures, providing clear instructions, questions and praise. The formal part of the day provides children with opportunities to understand language patterns associated with karakia, mihimihi and pepeha. Children are in the very early stages of understanding and using te reo Māori.

The kaiako has in place a process for planning. The planning documents outline the visions, aspirations, outcomes for children’s learning, and explanations about Ngā Taumata Whakahirahira. There is a daily timetable to guide routines. There is limited information in planning about programme content, strategies and resource requirements. The kaiako is in the early stages of learning about assessment and programme evaluation. Children’s learning will be strengthened when there are connections are made between planning, assessment and programmer evaluation. 2

A small group of dedicated whānau are establishing processes to manage the operations of their kōhanga reo. The new committee are committed to improving management practices. The charter, policies and procedures are being reviewed.  However, it is important that whānau understand current legislative requirements to ensure these are reflected in policies and procedures. There is a need to establish efficient office systems for the kaiwhakahaere to fulfil administrative responsibilities. Her time is spent attending to administration matters including financial mangement and working with children. As a result, key tasks and systems are not completed in a timely or efficient way.

The whānau is not aware of their roles and responsibility to the kōhanga reo. There is no a clear induction process for new whānau. To strengthen whānau commitment, it is important that the strategic plan is completed. Currently the plan outlines the vision, goals and future priorities. However, growing whānau capacity to use te reo Māori and whānau contribution to the kaupapa of te kōhanga reo do not appear to be priorities. In order to increase whānau capability, an action plan needs to be developed to guide the implementation of the strategic plan. Children can then be assured that the future of the kōhanga reo is sustainable.

4 Actions of non-compliance

Overview

ERO identified areas of non-compliance. In order for the kōhanga reo whānau to meet compliance requirements, they need to:

• ensure kaimahi plan, implement, and evaluate the curriculum to enhance children’s learning and development through the provision of learning experiences that responds to the learning interests, strengths, and capabilities of all children
  [Regulation 43 (Early Childhood Services) Regulations 2008; C1-13 Licensing Criteria for Kōhanga Reo affiliated with Te Kōhanga Reo National Trust 2008]

• review and update all health and safety policies and procedures to ensure all requirements for emergency evacuation drills, sleeping, accidents and incidents, hazards, child protection and behaviour management are met and maintained for children.
  [Regulation 46 (Early Childhood Services) Regulations 2008; HS1-33 Licensing Criteria for Kōhanga Reo affiliated with Te Kōhanga Reo National Trust 2008]

5 Recommendations

ERO and the kōhanga reo whānau developed the following recommendations:

• Strengthen programme planning and establish processes to evaluate the learning programme and assess children’s learning and progress
• Review all health and safety policies and procedures and align key policies and procedures to current legislation
• Complete and implement the strategic plan to strengthen whānau commitment and capabilities to foster the kōhanga reo kaupapa
• Establish effective administration systems and processes.

When is ERO likely to evaluate the kōhanga reo again?

The next ERO evaluation of Te Kōhanga Reo o Te Pūaha o Waikato will be within two years.

Lynda Pura-Watson

Deputy Chief Review Officer Māori 

3 April 2018 

Information about the Kōhanga Reo