Te Kōhanga Reo o Te Kaahu

1 Te Horopaki

E tū ana Te Kōhanga Reo o Te Kaahu ki Ngāruawāhia, e pātata tonu ana ki te marae o Tūrangawaewae. He tino hononga tō te kōhanga reo ki Te Kīngitanga, ā, e whakamanahia taua hononga ki tōna ingoa a Te Kaahu. He hononga ā-whakapapa tō ngā kaimahi ki ngā tamariki me ngā kaumātua i te kōhanga reo. E whakamanahia ana te whai wāhi mai o ngā kaumātua ki te whānau o te kōhanga reo.

2 Ngā Whakaaturanga o te Aromātai

He pēhea rawa ngā tamariki e whakapuaki i te reo Māori?

Kei te tupu ake te tūmāia me te āheinga o ngā tamariki ki te whakapuaki i te reo Māori.

Ngā Taumata Whakahirahira

E whiwhi ana ngā tamariki i te whānuitanga o ngā tūmomo wheako reo Māori e whakapūmau ana i te reo o Tainui. Ka taki rātou i ngā karakia, ngā inoi, ngā mihimihi, me ngā pepeha. Ka whakamahi ngā kaimahi i ngā rautaki e whai hua ana ki te whakatauira me te whakatairanga i te reo ki ngā tamariki. He maha ngā wā ka aro ngā pēpi ki te reo Māori mā ngā oro me te reo ā-tinana. Ka pupū ake ngā akoranga a ngā tamariki ki ngā horopaki tūturu, pērā i te marae, ā, i konei rātou rongo ai i te reo mā te kite i te whakatinanatanga o ngā tikanga me ngā kawa. Ka kitea te māramatanga o ngā tamariki ki te reo Māori.

E ako ana ngā tamariki i te reo Māori mā ngā huarahi e mau nei i te manaakitanga, te whakaute, me te rangimārie. Tīmata ai ia rā mā te taki i ngā karakia o te Pai Mārire. Ka rongo ngā tamariki i te manaakitanga me te harikoa o ngā kaimahi me te whānau, ā, ka whakamihia hoki. He tūmanako ō te whānau me ngā kaimahi kia hāngai ai ngā akoranga a ngā tamariki ki ō rātou uaratanga me ō rātou hononga ki Te Kīngitanga. Ko ngā tūmomo whakawhitinga kōrero i ia te wā e poipoi ana i te ngākau titikaha o ngā tamariki ki te whakamahi i te reo Māori.

E whakapūmautia ana te tuakiri me te tūnga o ngā tamariki ki ā rātou akoranga. Haere ai rātou i ia te wā ki te marae o Tūrangawaewae, ā, ka taetae atu hoki rātou ki ngā kaupapa nui a te iwi ki te taha o ō rātou whānau, pērā i ngā poukai, te rīketa, me te Koroneihana. E whakaratohia ana mā ngā tamariki ko ngā taumahi e whakatairanga ana i ō rātou hononga ki Te Kīngitanga, ki ngā taonga tuku iho, ā, ki te marae hoki. Kua haereere rātou ko te whānau ki ētahi tūmomo wāhi puta noa i Aotearoa, ā, ki tāwāhi hoki. E ako ana ngā tamariki i ō rātou hononga ki Te Kīngitanga me te ao whānui e noho nei rātou.

Ngā Whakaritenga Matua ka Whai Ake

He iti noa ngā whai wāhitanga mō ngā tamariki ki te whiriwhiri i ngā taumahi e ngākau nuitia ana e rātou. He mea nui kia whakarato ngā kaimahi i ngā hōtaka e whakawhānui ake ana i ngā tūmomo whiringa a ngā tamariki, hei whakatairanga, hei whakawero anō hoki i ā rātou akoranga me ō rātou whakawhanaketanga.

Te Whakamahere me te Aromātai

Ko ngā mahi whakahaere a te whānau e whai pānga ana ki te tau o ngā whakahaeretanga ki te kōhanga reo. Kua tautuhitia te aronga a te kōhanga reo ki tētahi mahere rautaki e whakatakoto ana hoki i ngā whai wāhitanga mō ngā wānanga me te whakawhanaketanga ngaio i ia te wā o te whānau me ngā kaimahi. Tū ai ngā hui ā-whānau i ia te wā. Ka whakatutukihia ngā pūrongo mō te nuinga o ngā wāhanga e pā ana ki te whakahaeretanga o te kōhanga reo me te tari. Arotakengia ai ngā kaupapa here me ngā tukanga i ia te wā. E whai hua ana ngā tamariki nā te pakari o ngā mahi whakahaere ki te kōhanga reo.

Kua whakaritea ngā mahi ki te whakamahere i te hōtaka. E whakatakoto ana Te Korowai i te tūāpapa o ngā hōtaka akoranga i te kōhanga reo. He marama ngā hononga ki Te Whāriki, ā, e āta whakarite ana i te whai wāhi mai anō hoki o Ngā Taumata Whakahirahira. E arahina ana te ako a ngā tamariki e ngā mahi whakamahere a ngā kaimahi.

Ngā Whakaritenga Matua ka Whai Ake

Me whakamahine ake i ngā whakaritenga e pā ana ki te aromatawai me te aromātai. Ahakoa he tukanga e pā ana ki te aroturuki i te ako a ngā tamariki, kāhore tēnei e āta tuhia ana, e tino wātea ana rānei hei pānuitanga ake. Me whai whakaaro anō hoki ngā kaimahi ki ngā huarahi ki te whakapai ake i te aromātai hōtaka, ki te whakatakoto haere i tēnā i whai hua ai, ā, i tēnā anō hoki hei whakapai ake, hei painga tonu mō te ako a ngā tamariki. Kāhore te ako me te whakawhanaketanga o ngā tamariki e āta aroturukitia ana, e āta tuhia ana hoki.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakapā atu ngā kaimahi me te whānau ki te tautoko me te ārahitanga o tō rātou tari ā-rohe o te Poari Matua o Ngā Kōhanga Reo, ki te whakapai ake i ngā mahi aromatawai, aromātai hoki.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Kaahu i roto i te toru o ngā tau.

Lynda Pura-Watson

Kaiurungi Whakaturuki Arotake Māori

28 Pipiri, 2018

Ngā kōrero e pā ana ki te kōhanga reo

1 Context

Te Kōhanga Reo o Te Kaahu is in Ngāruāwahia, a short distance from Tūrangawaewae Marae. The kōhanga reo has a very close association to Te Kīngitanga which is acknowledged through its name, Te Kaahu. Kaimahi have close whakapapa connections to the children and kaumātua in the kōhanga reo. Kaumātua are valued members of the whānau.

2 The Evaluation Findings

How well do children express te reo Māori?

Children express te reo Māori with increased confidence and ability.

Ngā Taumata Whakahirahira

Children receive a wide range of te reo Māori experiences that reinforce the language of Tainui. They recite karakia, inoi, mihimihi and pepeha. Kaimahi use effective strategies to model and promote the language to children. Babies often respond to te reo Māori through sounds and body language. Learning for children occurs in authentic settings such as the marae, where they hear the language through observing tikanga and kawa in action. Children show an understanding of te reo Māori.

Children learn te reo Māori in ways that are caring, respectful and peaceful. They start their day reciting Pai Mārire karakia. Children experience manaakitanga, harikoa, and receive praise from kaimahi and whanau. The whānau and kaimahi have expectations for children’s learning which are based on their values and connections to Te Kīngitanga. Regular language interactions foster the confidence of children to use te reo Māori.

Children’s identity and place is reinforced in their learning. They visit Tūrangawaewae Marae often, and attend important iwi events alongside their whānau including poukai, regatta and Koroneihana celebrations. Activities provided to children promote links to Te Kīngitanga, ancestral heritage and marae. They have been on excursions with whānau to different places around New Zealand and overseas. Children learn about their links to Te Kīngitanga and the wider world around them.

Key Next Steps

There are limited opportunities for children to choose activities that are of interest to them. It is important for kaimahi to provide programmes that give children a wider range of choice to extend and challenge their learning and development.

Planning and Evaluation

Whānau management contributes to the stable operation of the kōhanga reo. The direction of the kōhanga reo is defined in a strategic plan that also includes opportunities for regular wānanga and professional development for whānau and kaimahi. Whānau hui are held regularly. There is reporting across most areas of management and administration. Policies and procedures are regularly reviewed. Children benefit from sound kōhanga reo management practices.

Programme planning practices are in place. Te Korowai sets out the foundation for learning programmes in kōhanga reo. There are clear links to Te Whāriki and ensuring coverage of Ngā Taumata Whakahirahira. Children’s learning is guided by kaimahi planning.

Key Next Steps

Assessment and evaluation practices require further refinement. While there is a process in place to monitor children’s learning, this is not documented well or easily accessible. Kaimahi should also consider how to improve programme evaluation, how to record what has worked well, and what can be improved for the benefit of children’s learning. Children’s learning and development is not monitored and recorded well.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendations:

• the kaimahi and whānau seek support and guidance from their local TKRNT to improve assessment and evaluation practices.

When is ERO likely to evaluate the kōhanga reo again?

The next ERO evaluation of Te Kōhanga Reo o Te Kaahu will be in three years.

Lynda Pura-Watson

Deputy Chief Review Officer Māori

28 June 2018

Information about the Kōhanga Reo