Te Kōhanga Reo o Kauriki

1 Te Horopaki

E tū ana Te Kōhanga Reo o Kauriki ki te marae o Kauriki. E pā tata mai ana Te Kura o Ngāpuke ki te kōhanga reo, ā, he māmā noa te tae atu mā raro. He maha ngā wero ā-kaimahi, ā-pūtea hoki hei whakatutukitanga mā te whānau i roto i te tau kua pahure ake nei. Kua whai wāhi atu ngā kaimahi ā-rohe o te Poari Matua o Ngā Kōhanga Reo ki te hāpai atu. Nā aua take, kīhai te kōhanga reo i whakahaere mō ngā marama e ono i te tīmatanga o tēnei tau. I te marama o Hōngongoi te kōhanga reo i whakapuare anō ai, ā, he hou te kaiako me te whānau. E mahi ana rātou ki te taha o te Poari Matua o Ngā Kōhanga Reo ki te whakapakari ake i te āheinga o te whānau ki te ahu whakamua.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou mauritau ki tō rātou kōhanga reo?

Kei te mauritau ngā tamariki, ā, ka tākaro harikoakoa rātou ki tō rātou kōhanga reo.

Ngā Taumata Whakahirahira

E whakawhanake ana ngā tamariki i ngā hononga papai. E arahina ana te hōtaka akoranga ki ngā mahinga o ia rā. Ka whai wāhi atu ngā tamariki ki ngā wāhanga ōkawa o te rā e mau nei i ngā karakia me ngā hīmene. Kei te hāneanea tō rātou noho ki tō rātou taiao e tino mōhiotia ana e rātou, arā, ko te marae me te kōhanga reo. Mā te reo Māori ngā tohutohu ki ngā tamariki. Ka kitea tō rātou māramatanga ki aua tohutohu mā te āhua o ā rātou mahi ki tēnā e pātaihia ana. He iti noa te reo Māori a te whānau, engari ka whakamahi tonu rātou i tēnā e mōhiotia ana e rātou. Ka āta whakamātau rātou ki te whakaongaonga i ngā tamariki ahakoa te iti noa o ngā rauemi. I te nuinga o te wā e whai wāhi atu ana ngā tamariki ki te tākaro māhorahora.

Ngā Whakaritenga Matua ka Whai Ake

Kāhore te hōtaka akoranga e tino whakawero ana i ngā whakaaro o ngā tamariki, kāhore rānei e āta whakatutuki i ō rātou matea ako. Ka aro matua te nuinga o te hōtaka ki te tākaro. E whakawhāitihia ana te ako a ngā tamariki nā te kore whai aronga. Ka whakapau kaha te kaiāwhina ki te kōrero i te reo Māori e mōhiotia ana e ia, engari ko te nuinga o ngā whakawhitinga kōrero kei roto kē i te reo Pākehā. E whakamahi ana i ngā tohu māmā. Kei te mārama ngā tamariki ki tēnā e pātaihia ana. Kia whanake ai te ngākau titikaha o ngā tamariki ki te kōrero i te reo Māori, me whakapakari ake ngā kaimahi me te whānau i tō rātou tū, i tō rātou āheinga anō hoki ki te whakapuaki i te katoa o te hōtaka akoranga mā te reo Māori.

Te Whakamahere me te Aromātai

Ngā Whakaritenga Matua ka Whai Ake

I tēnei wā, e ako ana te whānau i ō rātou tūranga me ā rātou kawenga, ā, i tēnā anō hoki e tika ana mō te whakahaeretanga o tō rātou kōhanga reo. He hou te kaiwhakahaere me te kaiako. E mōhio ana rāua, he nui tonu ngā mahi kei mua i a rāua. He maha tonu ngā take e tāwēwē tonu ana hei whakatika ake kia pakari ake ai te arotake whaiaro. E mōhio ana te whānau ki ngā āhuatanga e whai ake nei, hei whakatutuki tonu:

Kāhore he tukanga mō te whakamahere hōtaka me te aromātai. Hei whakarato i te hanganga me te riterite anō hoki mā ngā tamariki, ka whakatakoto tētahi hōtaka akoranga i āta whakamaheretia ai i ngā aratohu mārama ki te whakahaere me te whakarite i te hōtaka akoranga. I tēnei wā, kāhore ngā akoranga a ngā tamariki e whai aronga ana

Kāhore anō te tūtohinga kia arotakengia, kia whakahoungia hoki. Mā tēnei, ka puta ki te whānau ngā aratohu mārama e pā ana ki te kaupapa o te kōhanga reo me tēnā e tika ana mō te whakahaeretanga o ngā mahi matua. I tēnei wā, kāhore te whānau e tino mārama ana ki ō rātou tūranga me ā rātou kawenga

Kāhore anō tētahi mahere rautaki kia whakaritea. Ka hāpai tēnei i te whānau ki te whakatutuki haere i ā rātou kaupapa matua o te pae tawhiti, ā, ka whakapūmau anō hoki i te rōnakitanga o te kōhanga reo mō meāke nei. Ka whakatutukihia te pūmanawa me te rōnakitanga o te pae tawhiti o te kōhanga reo mā tētahi aronga e whakamaheretia ai. Mā tēnei, ka tūturuhia te whakaaro o te hapori me ngā tamariki ki te noho pūmau o te kōhanga reo mō ngā whakatupuranga kei te heke tonu mai

Kua roa nei te kore arotakenga o ngā kaupapa here me ngā tukanga. Ko tētahi mea nui i roto i taua mahi arotake, ko te whakahāngai i ngā kaupapa here matua me ngā tukanga matua o te hauora me te haumaru ki ngā herenga ā-ture o tēnei wā, tae atu hoki ki Te Ture Oranga Tamariki o te tau 2014. He mea nui anō hoki te whakakore i ngā āhuatanga e pā tōraro ana ki te haumaru o ngā tamariki

I tēnei wā, he maha ngā rēhita kāhore anō kia whakatakotohia. Ko ētahi o aua rēhita e pā ana ki te whakamoe (arā, kia tirohia te tamaiti i ia 10 meneti), te whāngai i ngā rongoā, te arowhai i ngā āhuatanga mōrearea, me ngā akoako hōneatanga ohorere. Kāhore anō kia whakatakotohia ā-tuhi nei i ngā whakaaturanga me ngā mahere ki te whakahaere i ngā āhuatanga mōrearea. Kei te whakawhara tēnei i te hauora me te haumaru o ngā tamariki

He take kaimahi e pā ana ki te whakatakotoranga o ngā tuhinga e tika ana. Kīhai i taea e Te Tari Arotake Mātauranga te whakapā atu ngā tuhinga tūranga mahi, ngā kirimana mahi rānei o te kaiako hou. Ka whai hua ngā tamariki i te wā e noho mārama ana ngā kaiako ki ō rātou tūranga me ā rātou kawenga mahi

Kāhore he mahere ā-tau hei hāpai i te whakaritenga a te whānau me ngā kaimahi kia tutukihia te katoa o ngā herenga ā-ture me ngā rārangi mahi. Ko ngā mahere i āta whai whakaarohia ai, ka hāpai i te whai huatanga o ngā mahi ki te whakahaere i te katoa o ngā whakaritenga.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia ngā wāhanga e whai ake nei kāhore e tutuki ana e ai ki te ture, ā, me tahuri:

• te whānau ki te whakarite i te haere tonutanga o tētahi tukanga e pā ana ki te arotake whaiaro, hei hāpai i ngā mahi ki te whakapūmau me te whakapai ake i te kounga o ngā whakaritenga mā ngā tamariki
  [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• ngā kaimahi ki te whakamahere, te whakatinana, me te aromātai i te marau a te kōhanga reo, hei whakarato i te pai o ngā wheako akoranga ki ngā tamariki
  [R43 Ture Mātauranga (Kōhungahunga) 2008; C1-13 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• ki te āta whakarato atu i te rawaka me te tika o ngā tuhinga tūranga mahi, o ngā kirimana mahi ake a ia kaimahi, o te tautoko ngaio, o ngā whai wāhitanga ki te whakawhanake ngaio, o ngā rauemi hoki ki ngā kaimahi katoa e whai wāhi mai ana ki te ratonga
  [R47 Ture Mātauranga (Kōhungahunga) 2008; GMA1-12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• ki te whakarite i tētahi mahere ā-tau hei ārahi i ngā whakahaeretanga o te kōhanga reo.
  [R47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• toro atu te whānau ki te tautoko o te tari ā-rohe o te Poari Matua o Ngā Kōhanga Reo me SELO, ki te whakatutuki i ngā wāhanga katoa i whakatakotohia ai ki tēnei pūrongo hei take.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Kauriki i roto i te kotahi tau.

Charles Rolleston Toka ā-nuku

19 Hakihea, 2018

Ngā kōrero e pā ana ki te kōhanga reo

1 Context

Te Kōhanga Reo o Kauriki is based on Kauriki marae. Te Kura o Ngāpuke is within walking distance. The whānau has had to deal with significant personnel and financial challenges in the past year. Support has been provided by Te Kōhanga Reo National Trust (TKRNT) kaimahi. Due to these issues the kōhanga reo did not operate for the first 6 months of this year. In July it restarted with a new kaiako and new whānau. They are working with TKRNT to build whānau capability to move forward.

2 The Evaluation Findings

To what extent do children show they are settled in their kōhanga reo?

Children are settled and play happily in their kōhanga reo.

Ngā Taumata Whakahirahira

Children are developing positive relationships. The learning programme is guided by daily routines. Children participate in the formal part of the day which consists of karakia and hīmene. They are comfortable and familiar with their environment, which is the local marae and kōhanga reo. Children receive instructions in te reo Māori. They display an understanding of these instructions through their reactions to what is being asked. Whānau have limited te reo Māori but use what they have. They also try to keep children occupied with limited resources. Children spend most of the time in unstructured play.

Key Next Steps

The learning programme does very little to challenge children’s thinking or meet their learning needs. The majority of the programme is play based. Children’s learning is restricted because of the lack of direction. The kaiāwhina speaks Māori to the best of her ability, however the majority of communication is in English. Basic commands and instruction are used. Children understand what is being asked. For children to develop as confident speakers of te reo Māori, kaimahi and whānau need to build their confidence and capacity to deliver an entire learning programme in te reo Māori.

Planning and Evaluation

Key Next Steps

The whānau are currently learning about their roles and responsibilities and what is required to manage the operations of their kōhanga reo. The kaiwhakahaere and Kaiako are both new. They are aware that they have a lot of work ahead of them. There are several outstanding issues that require attention to strengthen self -review. Whānau acknowledge the following need to be addressed;

• There is no programme planning and evaluation processes in place. In order to provide structure and consistency for children, a well-planned learning programme will ensure that there are clear guidelines in place to manage and organise the learning programme. Children’s learning currently has little direction

• The charter is yet to be reviewed and updated. This will provide whānau with clear guidelines about the kaupapa of the kōhanga reo and what is required to manage the administration of key tasks. Whānau are currently not clear about their roles and responsibilities

• A strategic plan is yet to be established. This will support whānau to work toward their long-term priorities and ensure the future of their kōhanga reo is secure. The long-term potential and sustainability of the kōhanga reo will be realised through a planned approach. The community and children can be assured that the kōhanga reo will endure for future generations

• Policies and procedures are well overdue for review. It is important that during this process, critical health and safety policies and procedures align to current legislation such as the Vulnerable Children’s Act 2014. It is important to remove potential risks to children’s safety

• Currently there are a number of registers that are not in place. This includes sleeping (10min checks), the administration of medicines, hazard checks and emergency evacuation drills. Documented evidence and Risk Management plans for outings are yet to be established. Children’s health and safety is compromised

• Personnel matters relating to the establishment of relevant documentation. ERO were not able to access job descriptions or an employment contract for the newly appointed kaiako. Children would benefit when kaiako are clear about their roles and responsibilities

• There is no annual plan to support whānau and kaimahi to ensure all legal requirements and timelines are met. Well considered planning will support efficient management of all operations.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

The following areas of non-compliance have been identified and must be addressed:

• Whānau establish an ongoing process of self- review to help maintain and improve the quality of practice for children
  [Regulation 47 (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]

• Kaimahi plan, implement, and evaluate the Te Kōhanga Reo curriculum to provide positive learning experiences for children
  [Regulations 43 (Early Childhood Services) Regulations 2008; C1-13 Licensing Criteria for Kōhanga Reo affiliated with Te Kōhanga Reo National Trust 2008]

• Ensure all reasonable steps are taken to provide staff employed or engaged in the service with adequate and relevant job descriptions, Individual Employment Contracts and professional support, professional development opportunities, and resources
  (Regulation 47 (Early Childhood Services) Regulations 2008; GMA1-12 Licensing Criteria for Kōhanga Reo affiliated with Te Kōhanga Reo National Trust 2008

• Whānau establish an annual plan to guide the operations of the kōhanga reo.
  [Regulation 47 (Early Childhood Services) Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendation

ERO and the Kōhanga Reo whānau developed the following recommendation:

• That whānau seek support from the District Office and SELO to address all areas of concern raised in this report.

When is ERO likely to evaluate the kōhanga reo again?

The next ERO evaluation of Te Kōhanga Reo o Kauriki will be within one year.

Charles Rolleston Toka ā-nuku

19 December 2018

Information about the Kōhanga Reo