Te Kōhanga Reo o Tātou Katoa Rā

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

Ko te awa ko au, ko au te awa

He tino hononga tō Te Kōhanga Reo o Tātou Katoa Rā ki te marae o Ngāpūwaiwaha, i Taumarunui. E hāngai ana ngā whakaakoranga o te kōhanga reo ki ngā whakapono me ngā tikanga whakaaro o Te Kotahitanga.  

3 Te Aronga o te Aromātai

He pēhea rawa te whakapuaki mai o ngā mokopuna i tō rātou tuakiri?

E whakarato ana Te Kōhanga Reo o Tātou Katoa Rā i tētahi taiao e whāngai ana i te tuakiri o ngā mokopuna, ā, e poipoi ana i te aronga toi whenuatanga.  

4 Ngā Whakaaturanga – Mana Whakahaere

E noho mātua ana te whanaungatanga ki te whānau, i roto i ā rātou mahi ki te whakahaere i te kōhanga reo. Hui ai te whānau i ia te wā, ā, ka whakatau i ngā whakaritenga hei tino painga mō ngā mokopuna. He tukanga, he whakaritenga hoki ā rātou e whai hua ana mō te aroturuki me te pūrongo i ngā āhuatanga matua o ngā whakahaeretanga ki te kōhanga reo. He mōhiohio, he matawhānui hoki ngā meneti o ngā hui ā-whānau. He kaha te taetae atu ki ngā hui. Kua whakaritea ngā kaupapa here matua me ngā tukanga matua e pā ana ki te hauora me te haumaru. Ka ū ki ngā taumata papai i roto i te whakahaeretanga o ngā pūtea. Ka aroturuki te whānau i ngā whakaritenga e ata whakatau ai i te noho mātua o te waiora o ngā mokopuna.

Kua whakamōhiotia te mahere rautaki ki Te Ara Tūāpae, ā, ka whai wāhi hoki ki taua tuhinga, ko te tirohanga a te whānau, me ō rātou wawata. Ka arotahi ngā whāinga rautaki ki te tiaki rawa, ki ngā whakahaeretanga, ki te whai wāhi mai, me te whakapakari ake i te āheinga i roto i te reo Māori. E hāngai ana ngā tuhinga kaimahi ki te wā. Ka whai wāhi ki aua tuhinga, ko ngā kirimini whiwhi mahi a ia kaimahi, me ngā tuhinga tūranga mahi. Ka arotahi ngā arohaehae i whakatutukihia ai ki te whakawhanaketanga o ngā mōhiotanga me ngā pūkenga o ngā kaimahi. Ka whai hua ngā mokopuna nā ngā whakataunga whai mōhiotanga o te whānau, me te aronga anō hoki ki te rōnaki tonutanga mō meāke nei.

Ka mahi ngātahi ngā kaimahi ki te whakamahere i te hōtaka akoranga, ki te aroturuki i te ako a ngā mokopuna, me te aromātai i te kounga o te hōtaka akoranga. Kua whakatakotohia ngā mahere ā-tau, ā-wāhanga, ā-marama, ā-wiki, a, ka whai wāhi ki aua mahere, ko ngā putanga ako, ngā rautaki, me ngā rauemi e hāpai ai i te whakatinanatanga. Ka mahi ngātahi ngā kaimahi ki te āta whakarite i te whai wāhi mai o ngā whakapapa me ngā kōrero tuku iho e pā ana ki tō rātou hapū me tō rātou iwi. Kua āta tuhia ngā mātai mokopuna me ngā kōnae, ā, ka whai wāhi ki aua tuhinga, ko ngā wā whakahirahira o te ako me te ahu whakamua a ngā mokopuna. Whakaaro huritao ai ngā kaimahi ki ā rātou whakaritenga, kia whai hua ai ngā whakarerekētanga me ngā whakapuakitanga ako. Ka aromātai rātou i te hōtaka ki te aroturuki i te kounga o te hōtaka akoranga. Ka whai hua ngā mokopuna nā tētahi hōtaka e whakahono ana i a rātou ki te whānau, te hapū, me te iwi.  

Ngā Whakaritenga Matua ka whai ake 

Kia whakapakari tonuhia e te whānau te aromātai o roto, hei whakatairanga tonu ake i ngā painga ki ngā mokopuna.  

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti  

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakatairanga tonu i te pūmanawa ngātahi o te whānau, hei whakapiki ake i ngā putanga e whai hua ai ki ngā mokopuna.  

Darcy Te Hau
Toka ā Nuku
Te Uepū-a-Motu – Māori Services

04 Haratua, 2022

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Ko te awa ko au, ko au ko te awa

Te Kōhanga Reo ō Tātou Katoa Rā has close links to Ngāpūwaiwaha marae in Taumarunui. The teachings of the kōhanga reo are based on the beliefs and philosophy of Te Kōtahitanga.

3 Evaluation Focus

How well do mokopuna express their identity?

Te Kōhanga Reo o Tātou Katoa Rā provides an environment that nurtures mokopuna identity and fosters a sense of belonging.

4 Findings - Mana Whakahaere

Whanaungatanga is central to whānau for managing the operations of the kōhanga reo. Whānau meet regularly and make decisions in the best interests of mokopuna. They have effective processes and procedures for monitoring and reporting on key aspects of the kōhanga reo operations. Whānau hui minutes are informative and detailed. Hui are well attended. Core health and safety policies and procedures are present. Good financial management standards are kept. Whānau monitor practices to ensure mokopuna wellbeing is prioritised.

The strategic plan is informed by Te Ara Tuapae and includes the vision and aspirations of the whānau.  Strategic goals are focused on property maintenance, operations, participation and building te reo Māori capacity. Kaimahi personnel documentation is current. These include individual employment agreements and job descriptions. Appraisals focus on developing kaimahi knowledge and skills. Mokopuna benefit from informed whānau decisions that reflects sustainability for the future.

Kaimahi work collectively as they plan the learning programme. Mokopuna learning is carefully monitored and the quality of the learning programme is regularly evaluated. Year, term, monthly and weekly plans are in place and identify learning outcomes, strategies and resources to support implementation. Kaimahi work together to ensure whakapapa and ancestral stories relevant to their hapū and iwi are included. Mātai mokopuna and kōnae are well documented and include highlights of individual mokopuna learning and progress. Kaimahi regularly reflect on their practices to make positive changes and contributions. They use programme evaluation to monitor the quality of the learning programme. Mokopuna benefit from a programme that connects them to whānau, hapū and iwi.    

Key Next Steps

Whānau continue to strengthen internal evaluation to further increase positive outcomes for mokopuna.

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau, developed the following recommendation:

• continue to enhance the collective strength of the whānau to increase positive outcomes for mokopuna.

Darcy Te Hau
Toka-ā-Nuku – Director
Te Uepū ā-Motu – Māori Review Services

4 May 2022

7 Information about the Kōhanga Reo