Te Kōhanga Reo o Rangiamokura

1 Te Horopaki

E tū ana Te Kōhanga Reo o Rangiamokura ki Mangakino. He hononga tō te kōhanga reo ki te marae o Pouākani. Ka whai wāhi atu te whānau ki ngā whakangungu a te purapura. Whai muri i te pūrongo o mua a Te Tari Arotake Mātauranga i te tau 2014, he tokomaha ngā whānau kua hoki mai ki te ako i te reo Māori, ā, i ngā mātauranga anō hoki e whai pānga ana ki tō rātou tuakiri me tō rātou tūrangawaewae. E whakatupu ana ngā mema o te whānau i ō rātou āheinga me ō rātou pūkenga hei kaimahi hou, mā te whai wāhi atu ki ngā hōtaka whakangungu o te Poari Matua o Ngā Kōhanga Reo.

2 Ngā Whakaaturanga o te Aromātai

He pēhea rawa ngā tamariki e whakawhanake ana i tō rātou māramatanga ki tō rātou whai wāhi ki te whānau o te kōhanga reo?

Ka kitea te whakamahinga o ngā tamariki i te reo Māori i a rātou e poipoia ana ki roto i te whānau.

Ngā Taumata Whakahirahira

E ako ana ngā tamariki ki te whakamahi i te reo Māori. Ka whakamahi ngā kaimahi i te whānuitanga o ngā tūmomo rautaki e hāpai ana i te whakawhanaketanga reo o ngā tamariki. Ka whakarato rātou i ngā whai wāhitanga mō ngā tamariki ki te whakarongo ki ngā tauira o te reo ōkawa ka pupū ake i ngā whakatau, ngā karakia, ngā pepeha, ngā hīmene me ngā mihimihi. Ka patapatai, ka mahi ā-ringa, ka waiata hoki ngā kaimahi hei rautaki whakawhitiwhiti reo ki ngā tamariki i a rātou e tākaro ana. Ka tohu ā-kanohi, ā-tinana hoki ngā pēpi hei whakapuaki i tō rātou māramatanga ki te reo Māori. Ka whakamihi i ngā whakamātau o ia tamaiti ki te kōrero i te reo Māori i te hōtaka akoranga. E whakawhanake ana ngā tamariki i ngā pūkenga me te ngākau titikaha ki te kōrero i te reo Māori.

E ako ana ngā tamariki ki te āta whakawhanaunga hei tuakana, hei teina. Ka awhi, ka tautoko, ka aroha, ka manaaki, ka harikoa anō hoki ngā kaimahi i roto i ā rātou taunekeneke ki ngā tamariki. E ākina ana te manaaki o ngā tuākana i ngā tēina. Kua whakaritea ngā mahinga hei hāpai i ngā tamariki ki te whakawhiti atu i ngā akoranga ā-rōpū ki ngā taumahi takitahi. E hāpaitia ana te tū o ngā tuākana ki te ārahi i ngā taumahi ā-rōpū mō ngā tēina, pērā i ngā karakia, ngā mihimihi, me ngā waiata. Nā ngā kēmu, e ako ana ngā tamariki ki te ako ngātahi, te mahi ngātahi, me te ngahau i a rātou e ako ana. He mātātoa te whai wāhi atu a ngā kuia ki ngā akoranga a ngā tamariki, hei whakatauira i te āhua o te taunekeneke hei tuakana, hei teina. He mauritau te āhua o ngā tamariki.

E ako ana ngā tamariki ki te tūhura haere. Ka whakamahere ngā kaimahi i tētahi hōtaka e mau ana i ngā wheako akoranga ōkawa me ngā wheako akoranga ōpaki mō ngā tamariki. Ka whai wāhi hoki te waiata me te korikori tinana ki ngā mahinga o ia rā. Ka whakarite te whānau i ngā haerenga ki te marae, kia kite ai, kia rongo ai hoki ngā tamariki i ngā whai kōrero, ngā mihimihi, me ngā pepeha e whakapuakihia ana e ngā kaumātua. Ka tino hāpai tēnei i te āhua o te whai wāhi nui o ngā tamariki ki te kōhanga reo i te taenga mai o te manuhiri. E whanake ana te ngākau titikaha o ngā tamariki i roto i ā rātou akoranga, mā tā rātou whai wāhi atu ki ngā taumahi e kōkirihia ai, e ākona ai rānei e rātou.

Te Whakamahere me te Aromātai

Ko ngā matea ako me ngā ngākau nuitanga o ngā tamariki e ārahi ana i te whakamaheretanga o te hōtaka. He mārama ngā hononga ki Te Whāriki, ki ngā atua Māori, ā, ki ngā kaupeka hoki o te tau. E whakarato ana ngā kaimahi i te whānuitanga o ngā tūmomo wheako akoranga e tika ana mō ngā tuākana me ngā tēina. Ka whakapuakihia ngā pūkete ki ngā mātua, ā, ka whakaatu ēnei i ngā akoranga a ia tamaiti, a ia rōpū tamariki hoki, puta noa i te tau. E ākina ana te whakapuaki mai o ngā kōrero urupare a ngā whānau mō te ahu whakamua o ā rātou ake tamariki. E whai hua ana ngā tamariki nā tētahi hōtaka akoranga e whakatutuki ana i ō rātou matea.

E ārahi ana ngā ngākau nuitanga o ngā tamariki i ngā mahi whakahaere a te whānau. Ka whakamahi te whānau i tētahi tūtohinga hei hāpai i te whakahaeretanga o te kōhanga reo. Kua oti te arotake i ngā kaupapa here e pā ana ki te hauora me te haumaru, te Ture Oranga Tamariki, me ngā tuhinga e pā ana ki ngā kaimahi. Kua oti te huringa o ngā mahi arohaehae. He auau te pūrongo i ngā whakahaeretanga o te kōhanga reo ki ngā hui ā-whānau.

He rawaka te aromātai o roto. E whakamōhio ana Te Ara Tūāpae i ngā mahi ki te whakamahere rautaki i te kōhanga reo. Kua tāutuhia e te whānau ā rātou whāinga me ā rātou kaupapa matua, ā, e arotahi ana ēnei ki te whakapai tonutanga. Ko te pūrongo i ngā mōhiohio e hāpai ana ki te whakarerekē haere i runga anō i te āhua o ngā matea me ngā whai wāhitanga i tāutuhia ai. Ka taea e ngā tamariki me ō rātou whānau te whakatau, he pūmau te tūnga o tō rātou kōhanga reo mō ngā tau kei te heke mai.

Ngā Whakaritenga Matua ka Whai Ake

Kāhore ngā kaimahi e whakamahi ana i te aromātai hōtaka hei whakamōhio i te kounga o ngā whakapuakitanga. E mōhio ana rātou, ka hāpai taua whakaritenga i tā rātou arotahi ki ngā mahi ka whakapai ake i ngā akoranga a ngā tamariki. Kāhore te ako a ngā tamariki e aromātaihia ana i ia te wā.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga te wāhanga e whai ake nei, kāhore e tutuki ana e ai ki te ture. Kia tutukihia ai e te whānau o te kōhanga reo ā rātou herenga ā-ture, me tahuri rātou ki te:

• aromātai i ia te wā i te kounga o ngā whakapuakitanga, hei poipoi i te ako a ngā tamariki me tō rātou whakawhanaketanga
  [R 43 Ture Mātauranga (Kōhungahunga) 2008; C1 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakawhanake i tētahi mahere ā-tau e ārahi ai i ngā whakahaeretanga o te kōhanga reo.
  [R 47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakamahi te whānau me ngā kaimahi i te aromātai o roto, hei whakapai i te kounga o ngā akoranga a ngā tamariki, ā, hei whakamōhio anō hoki i te aronga rautaki o te kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Rangiamokura i roto i te toru o ngā tau.

Lynda Pura-Watson

Kaiurungi Whakaturuki Arotake Māori

03 Whiringa ā-rangi, 2017

Ngā kōrero e pā ana ki te kōhanga reo

Te tūwāhi	Kei Mangakino
Te tau a te Tāhuhu o te Mātauranga	35082
Te tau tohu o Te Kōhanga Reo	04E057
Te tūmomo raihana	He Kōhanga Reo
Kua raihanatia ki te ture	Ngā Ture Mātauranga (Ratonga Kōhungahunga) 2008
Te tokomaha mō te raihana	38, kia 12 ki raro i te rua o ngā tau
Te tokomaha kei te rārangi ingoa	15, tokorua kei raro i te rua o ngā tau
Te ira tangata	Kōtiro 7 Tama tāne 8
Ngā hononga ā-iwi	Māori	100%
Te wā i te kōhanga reo te rōpū arotake	Mahuru 2017
Te wā o tēnei pūrongo	03 Whiringa ā-rangi, 2017
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga Arotake Tāpiri	Whiringa-ā-rangi 2014 Mahuru 2011 Poutū-te-rangi 2008

1 Context

Te Kōhanga Reo o Rangiamokura is in Mangakino. The kōhanga reo has links to Pouakani Marae. Whānau attend training with the local purapura. Since the previous ERO report in 2014, many whānau have returned to learn te reo Māori, knowledge about their identity and where they belong. Whānau members are growing their capability and skills as new kaimahi through Te Kōhanga Reo National Trust training programmes.

2 The Evaluation Findings

How well are children developing an understanding of their place in the kōhanga reo whānau?

Children show they use te reo Māori in a nurturing whānau environment.

Ngā Taumata Whakahirahira

Children are learning to use te reo Māori. Kaimahi use a range of strategies to support children’s language development. They provide children with opportunities to hear formal language patterns in whakatau, karakia, pepeha, hīmene and mihimihi. Kaimahi use questions, hand actions and waiata techniques to communicate with others as they play. Babies use non-verbal gestures to express their understanding of te reo Māori. Praise is used to acknowledge individuals efforts to speak te reo Māori in the learning programme. Children are developing skills and confidence to speak te reo Māori.

Children are learning to interact postively as tuakana teina. Kaimahi show awhi, tautoko, aroha, manaaki, and harikoa in their interactions with children. Tuākana are encouraged to care for tēina. Routines are in place to help children move from group learning to independent activities. Tuākana are supported to lead group activities such as karakia, mihimihi and waiata for tēina. Games enable children to learn cooperatively, work with others and have fun as they learn. Kuia actively particpate in children’s learning to model ways of interacting as tuakana and teina. Children appear settled and secure.

Children are learning to be explorers. Kaimahi plan a programme for children that includes both formal and informal learning experiences. Waiata and korikori tinana are also part of the daily routines. Whānau organise marae visits to ensure children are able to see the formal speech making, mihimihi and pepeha presented by kaumātua. This has a positive influence on children’s involvement at the kōhanga reo when manuhiri come to visit. Children are developing confidence in their learning through participating in activities that they can initiate or learn from.

Planning and Evaluation

Children’s learning needs and interests guide programme planning. There are clear links to Te Whāriki, ngā atua Māori and seasons of the year. Kaimahi provide a range of learning experiences appropriate for tuākana and tēina. Profiles are shared with parents and show children’s individual and group learning throughout the year. They are encouraged to provide feedback about their own children’s progress. Children benefit from a learning programme that meets their needs.

Children’s interests guide whānau management practices. The whānau use the charter to support kōhanga reo management. A review of policies related to health and safety, the Vulnerable Children’s Act and personnel documentation has been completed. The cycle of appraisal has been completed. There is regular reporting at whānau hui about the kōhanga reo operations.

Internal evaluation is adequate. Te Ara Tūāpae informs the strategic planning in the kōhanga reo. The whānau have identified their goals and priorities which focus on ongoing improvement. Reporting information helps to make changes based on identified needs and opportunities. Children and their whānau can be assured that the future of their kōhanga reo is secure.

Key Next Steps

Kaimahi do not use programme evaluation to inform the quality of delivery. They acknowledge that this practice will assist them to focus on steps to improve children’s learning. Children’s learning is not regularly evaluated.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements, they need to:

• regularly evaluate the quality of delivery to cater for children’s learning and development [Regulations 43 (Early Childhood Services) Regulations 2008; C1 Licensing Criteria for Kōhanga Reo affiliated with Te Kōhanga Reo National Trust 2008]

• develop an annual plan that guides the operations of the kōhanga reo. [Regulation 47 – Education (Early Childhood Services) Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendation

ERO and the Kōhanga Reo whānau developed the following recommendation:

• the whānau and kaimahi use internal evaluation to improve the quality of children’s learning and inform the strategic direction of the kōhanga reo.

When is ERO likely to evaluate the kōhanga reo again?

The next ERO evaluation of Te Kōhanga Reo o Rangiamokura will be in three years.

Lynda Pura-Watson

Deputy Chief Review Officer Māori

3 November 2017

Information about the Kōhanga Reo

Location	Mangakino
Ministry of Education profile number	35082
Kōhanga Reo Identification Number	04E057
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	38 children, including up to 12 aged under 2
Kōhanga Reo roll	15 children, including up to 2 aged under 2
Gender composition	Girls 7 Boys 8
Ethnic composition	Māori		100%
Review team on site	September 2017
Date of this report	3 November 2017
Most recent ERO report(s)	Education Review Education Review Supplementary Review	November 2014 September 2011 March 2008

1 Te Aromātai a te Tari Arotake Mātauranga

Ko Titiraupenga te maunga

Ko Waikato te awa

Ko Pouakani te marae

Ko Rangiamokura te kōhanga reo.

E tū ana Te Kōhanga Reo o Rangiamokura ki roto o tētahi taone iti o Waikato, ā, ko Mangakino tērā. He maha ngā rerekētanga ki te ingoa o te kōhanga reo i roto i te roanga o te wā, ā, ko ētahi o aua ingoa ko Te Kōhanga Reo o Mareikura, me Te Kōhanga Reo Tuarua o Mangakino. I taua wā, i te whakahaerehia te kōhanga reo ki tētahi whare i whakaratohia ai e te Hāhi Katorika. I hokona e te whānau ētahi whare o te kura tuatahi, i te katinga o taua kura i te tau 1994, ā, i noho tonu rātou ki te whenua o te kura tawhito. I tōna whakatūnga, i whakaingoa anōtia te kōhanga reo ki Rangiamokura. He ingoa whakamaumahara tēnei e whakahōnore ana i ō rātou kuia tokorua i whai wāhi matua ki te whakatūnga o te kōhanga reo. Mō ngā iwi katoa tēnei kōhanga reo, ā, e poipoi ana i ngā tamariki o te hapori.

E whakapono ana te whānau, ko tā rātou kawenga he whakamana, he whakapūmau anō hoki i te tūnga o te reo Māori, me te whakarato i te tino mātauranga mō ā rātou tamariki.

Ko te aromātai a te Tari Arotake Mātauranga i aua wāhanga i arahina ai e te pātai aromātai a te whānau, arā:

‘He pēhea te whai hua o ā tātou tamariki ki te ako i te reo me ngā tikanga Māori?’

E tino hāpaitia ana ngā tamariki ki te ako i te reo me ngā tikanga Māori. E whakawhanake ana ngā tamariki ki te kōrero i te reo Māori. E whai hua ana te whakakoia i tō rātou tuakiri, ngā taonga tuku iho, me tō rātou aronga toi whenuatanga hoki. Ka tino whakatauira ngā kaimahi i te reo Māori, ā, ka whakamahi rātou i ngā rautaki hopu reo e whai hua ana.

Ka ngākau nui ngā tamariki ki te whai wāhi atu ki te hōtaka. E wātea ana ki a rātou te whānuitanga o ngā wheako akoranga me ngā rauemi. Ka whiriwhiri, ka kōkiri hoki ngā tamariki i ā rātou ake akoranga. He wāteatea, he hihiri hoki te taiao akoranga o roto, ā, ka hāpai i ngā āhuatanga katoa o ngā akoranga a ngā tamariki.

He pai te whakahaere a te whānau i te kōhanga reo hei painga mō ā rātou tamariki. Ka noho pūmau rātou ki te kōhanga reo me te mātauranga o ā rātou tamariki. He whakaute ngā hononga ki waenga i ngā pākeke, ā, ka whai pūtake hoki. He tino tūāpapa tēnei mō ngā akoranga a ngā tamariki.

2 Ngā Kaupapa Motuhake o te Arotake

Te Arotahi o te Arotake

I mua o te arotake, i īnoitia te whānau kia whai whakaaro ki ā rātou kaupapa motuhake mō te arotake.

Kātahi ka whakaritea ngā tino kaupapa motuhake mō te arotake, whai muri o te whakawhitinga kōrero i waenga o te rōpū arotake o te Tari Arotake Mātauranga Māori me te whānau.

I whakaritea e te whānau ko tāna kaupapa arotahi mō tēnei arotake, ko:

• Ngā Taumata Whakahirahira

Ko te katoa o ngā arotake mātauranga ā te Tari Arotake Mātauranga Māori i roto i ngā kōhanga reo e arotahi ana ki te kounga o te mātauranga. Ki tā te Tari Arotake Mātauranga Māori, kei roto i tēnei ko te kounga o te:

• arotake whaiaro a te whānau me te whakamahere rautaki
• whakamahere hōtaka, te aromatawai, me te aromātai.

Ko ngā kitenga ā te Tari Arotake Mātauranga Māori i roto i ēnei wāhanga, kei raro iho nei.

3 Ngā Whakaaturanga

Ngā Taumata Whakahirahira

He whakamārama

‘He pēhea te whai hua o ā tātou tamariki ki te ako i te reo me ngā tikanga Māori?’

E tino tautokona ana ngā tamariki ki te ako i te reo me ngā tikanga Māori.

Ngā wāhanga e pai ana te whakahaere

E whakawhanake ana te pakari o ngā tamariki ki te kōrero i te reo Māori. Ka whakamahia ngā kaiako i ngā rautaki reo ōkawa me te reo ōpaki hoki hei hāpai i ngā tamariki. Ko ētahi o aua rātou ko ngā mihimihi, ngā karakia, ngā waiata me ngā pepeha. Ka whakamahi ngā kaimahi i ngā kēmu hei whakawhānui i ngā kupu kōrero a ngā tamariki, hei whakawhānui i ngā rerenga kōrero, hei whakangahau hoki i te ako reo mā ngā tamariki. Kōrero Māori ai ngā kaimahi me te whānau i te reo Māori puta noa i te rā. Ka whakarato ngā kaimahi me te whānau i tētahi taiao e hāpai ana i ngā tamariki ki te ako i te reo Māori.

He pakari ngā tamariki ki te whānuitanga o ngā tūmomo horopaki. He māro te hononga tō ngā tamariki ki ētahi atu o ō rātou hoa, o ngā pākeke hoki. Ka ārahi rātou i te karakia, ā, ka whakanui i ā rātou mātau me ā rātou whakatutukitanga hoki. I ngā wā e tika ana, ka haere ngā tamariki ki ngā tangihanga me ētahi atu tūmomo huihuinga ki te marae, ki te hapori hoki. Ka ako rātou i te taiao māori, tae atu ki te moana, te whenua, te hau, me te whai pānga o ēnei ki ngā atua Māori.

He tau, he harikoa hoki ngā tamariki. Ka whakarato ngā kaimahi i ngā whai wāhitanga mā ngā tamariki ki te ako i tō rātou whai wāhi atu ki te ao whānui. Ka ako ngā tamariki i te whakahirahiratanga ki te manaaki i te whenua. He hononga ā-whakapapa tō ngā tamariki ki waenga i a rātou anō, ā, ka whakapūmautia tēnei nā ngā huarahi papai mō ngā tamariki. E pou here ana te whanaungatanga i te katoa o ngā hononga me ngā taunekeneke, ā, e whai pūtake ana, e whai aroha ana hoki aua hononga. Ka whai hua ngā tamariki nā ngā hononga ā-whakatupuranga, me te whai wāhi mai o ngā kuia ki te kōhanga reo.

He pārekareka ki ngā tamariki te tūhura i tō rātou taiao. He tata te kōhanga reo ki te moana, te awa, me te ngahere. Ka whakarato ngā kaimahi i ngā whai wāhitanga maha mā ngā tamariki ki te tūhura i tō rātou ao māori. Ka tiaki ngā tamariki i ngā māra, ā, ka whakatewhatewha i te ao o ngā ngāngara. Ka whakamanatia te taiao hei taonga, hei tino āhuatanga nui anō hoki o te tuakiri me ngā taonga tuku iho o ia tamaiti.

He tau, he harikoa hoki ngā pēpi. He pārekareka ki a rātou ngā hononga manaaki ki waenga i a rātou ko ngā kaimahi e aro nui ana ki ō rātou ngākau nuitanga, ō rātou matea hoki. He hihiri te taiao ako, ā, he nui hoki ngā rauemi. Ka whai wāhi atu ngā pēpi ki ngā kaupapa, ki te taha o ngā tamariki tuākana, tae atu ki ngā karakia. He ngāwari ngā mahinga, ā, ka whakatutuki pai i ngā matea ā-tinana, ā-whatumanawa hoki o ngā pēpi.

Te Whakamahere me te Aromātai

Ngā wāhanga e pai ana te whakahaere

Ka whai hua ngā tamariki nā tētahi hōtaka e āta whakamaheretia ana hei whakaongaonga i ngā whakaaro, te tūhura, me te mahi auaha. Ka whai pūtake te whakamahere hōtaka, he matawhānui, ā, ka whai kiko hoki. Kei ngā mahere te kiko, ngā rautaki ki te whakatinana i te kiko, ngā kupu reo Māori, me ngā rauemi e tika ana hei hāpai i ngā ako me te whakaako. Ka hāngai ngā mahere ki Te Whāriki, ki te ao Māori, me te ao whānui. Ko ngā whakaaturanga o ngā mahi a ngā tamariki e whakaatu i te kiko o te hōtaka.

Ka āta aroturukitia, ka āta pūrongotia hoki ngā aromatawai e pā ana ki ngā akoranga a ngā tamariki. He pūkete tā ia tamaiti. E mau ana te nuinga o aua pūkete i te whānuitanga o ngā mōhiohio aromatawai, ā, he ātaahua te whakatakoto haere. He whānuitanga ngā tūmomo huarahi aromatawai e whakamahia ana e ngā kaimahi hei aru i te ahu whakamua a ngā tamariki i roto i te roanga o te wā. E mōhio ana ngā kaimahi ki ngā ngākau nuitanga, ngā pūmanawa hoki o ia tamaiti e atawhaitia ana e rātou. E noho wātea ana ngā mōhiohio hei tirohanga mā te whānau.

Aromātai ai ngā kaimahi i ia te wā, i te kounga o ā rātou mahi. Ko ngā whakawhitinga kōrero ōkawa e pā ana ki te whai huatanga o ngā hōtaka akoranga ki te poipoi i ngā tamariki e tuhia ana e ngā kaimahi. Ka aromātai ngā kaimahi i ngā āhuatanga o te hauora me te haumaru, ngā akoako hōneatanga inā he ahi, he rū whenua rānei, ngā taumahi a ngā tamariki, ngā haerenga, me ngā kaupapa o te rā. Ka whai pūtake ngā mahi a ngā kaimahi ki te whakapai tonu i ngā wheako akoranga a ngā tamariki ki te kōhanga reo.

Ko ngā matea o ngā tamariki me ngā wawata o te whānau kei te pūtake o ngā whakaritenga me ngā whakataunga a te whānau. He rawaka te whakahaere a te whānau i te kōhanga reo hei painga mō ā rātou tamariki. Ka ārahi ngā kaupapa here me ngā tukanga i ngā mahi, ā, ka arotakengia i ia te wā. Ko ngā kaupapa here e pā ana ki te hauora me te haumaru e tautokona e ngā tuhinga e tika ana.

He kirimana tuku mahi, he tuhinga whakaatu tūranga mahi hoki tā ngā kaimahi katoa. E mōhio ana rātou ki ō rātou tūranga, ā rātou kawenga hei kaituku mahi.

He mārama te tirohanga a te whānau mō te kōhanga reo ā ngā tau kei te heke mai. Ka hāngai ā rātou whāinga ki te akiaki i te hauora o ngā tamariki, te whānau, me te hapori o te kōhanga reo. Ko ētahi atu whāinga e pā ana ki te whakawhānui i te whare, me te whakarerekē haere i ngā papa. Ka noho pūmau te whānau ki te hāpai i te waiora o ō rātou tamariki me ā rātou akoranga.

He pai te māramatanga o ngā kaimahi me te whānau ki te arotake whaiaro. Ka whakaoti i a rātou ngā arotake nahanaha o ngā whakahaeretanga o te kōhanga reo. Kia tāutuhia ngā take, he wawe tā rātou whakatutuki. Ka whakarite te whānau i te whakapai tonutanga he painga mō ngā tamariki.

4 Te Whakatau a te Whānau ki ngā Wāhanga Tautukunga

Te Tirohanga Whānui

I mua o te arotake, i whakakīia e te kaipupuri raihana, te whānau, me ngā kaimahi o te kōhanga reo tētahi Tauāki Kupu Tūturu a te Kōhanga Reo kua Raihanatia, o Pipiri 2013, me tētahi Rārangi Tātari Whaiaro mā te Tari Arotake Mātauranga. I roto i ēnei tuhinga i oati rātou, i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaeretanga ā te whānau
• te hauora, te waiora, me te whai oranga
• ngā whakahaerenga kaimahi
• ngā whakahaerenga pūtea me ngā whakahaerenga rawa.

I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā hua ka puta ki ngā tamariki:

• te haumaru whatumanawa (tāpiri atu ko te whakatau tamariki, ko te ārai i ngā mahi whakaweti, mahi tūkino)
• te haumaru ā-tinana (tāpiri atu ko te whakatau tamariki; ko ngā whakaritenga whakamoe, tiaki tamariki; ko ngā aituā me te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• ngā tohu mātauranga me ngā whakaritenga kaimahi
• ngā whakaritenga, tikanga hōneatanga e pā ana ki te ahi me te rū whenua.

5 Ngā Taunakitanga

E taunaki ana te Tari Arotake Mātauranga kia whakawhanake tonu, kia whakapakari tonu hoki te whānau i ngā āhuatanga katoa e pā ana ki te whakahaeretanga o te kōhanga reo.

Hei ā hea te Tari Arotake Mātauranga arotake anō a i te kōhanga reo?

Tērā ka whakahaeretia e te Tari Arotake Mātauranga te arotake whai muri, i roto i ngā tau e toru.

Lynda Pura Watson

National Manager Review Services Māori (Te Uepū-ā-Motu)

26 Whiringa-ā-Rangi 2014

1 The Education Review Office (ERO) Evaluation

Ko Titiraupenga te maunga

Ko Waikato te awa

Ko Pouakani te marae

Ko Rangiamokura te kōhanga reo.

Te Kōhanga Reo o Rangiamokura is in the small Waikato township of Mangakino. The kōhanga reo has had numerous name changes over time some of which included Mareikura Te Kōhanga Reo and Te Kōhanga Reo Tuarua o Mangakino. At this time the kōhanga reo operated out of a building provided by the catholic church. The whānau purchased some of the local primary school buildings after it closed in 1994 and were able to remain on the old school site. Once established, the kōhanga reo was renamed Rangiamokura. The name honoured the memory of their two kuia who were instrumental in establishing the kōhanga reo. The kōhanga reo is pan-tribal and caters for all children of the community.

Whanau believe it is their responsibility to reinforce and uphold te reo Māori and provide the best possible education for their children.

ERO’s evaluation of these areas has been guided by the whānau evaluation question,

“How well do our children learn about te reo me ngā tikanga Māori?”

Children are well supported to learn about te reo me ngā tikanga Māori. Children are developing as speakers of te reo Māori. Their identity, ancestral heritage and belonging is successfully affirmed. Kaimahi are positive role models of te reo Māori and they use effective language acquisition strategies.

Children are willing participants in the programme. They have access to a range of learning experiences and resources. Children select and initiate their own learning. The indoor learning environment is spacious, vibrant and supports all aspects of children’s learning.

Whānau manage their kōhanga reo in the best interests of their children. They are committed to the kōhanga reo and the education of their children. Relationships between the adults and children are respectful and meaningful. This provides a stable foundation for children’s learning.

2 Review Priorities

The Focus of the Review

Before the review, the whānau were invited to consider its priorities for review.

The priorities for review were then determined following a discussion between the ERO review team and whānau.

The whānau chose as its focus area:

• Ngā Taumata Whakahirahira.

All ERO education reviews in kōhanga reo focus on the quality of education. For ERO this includes the quality of:

• whānau self review and strategic planning
• programme planning, assessment and evaluation.

ERO’s findings in these areas are set out in the report findings.

3 Findings

Ngā Taumata Whakahirahira

Background

How well do children learn about te reo and tikanga Māori?

Children are well supported to learn about te reo and tikanga Māori.

Areas of good performance

Children are developing as confident speakers of te reo Māori. Kaiako use formal and informal language strategies to support children. These include mihimihi, karakia, waiata and pepeha. Kaimahi use games to extend children’s vocabulary, build sentences and to make language learning fun for children. Kaimahi and whānau members speak te reo Māori throughout the day. The kaimahi and whānau provide a supportive environment for children to learn te reo Māori.

Children are confident in a range of settings. Children have respectful relationships with other children and adults. They lead karakia and are affirmed for their efforts and achievements. When appropriate, children attend tangi and other activities on the marae and in the community. They learn about the natural environment including the sea, land, wind and the links these have to atua Māori.

Children are settled and happy. Kaimahi provide opportunities for children to learn about their place in the wider world. Children learn the significance of caring for the land. Whānau have whakapapa links to each other and these are reinforced in positive ways with and for children. Whanaungatanga underpins all relationships and interactions which are meaningful and loving. Children benefit from intergenerational relationships with the presence of kuia in the kōhanga reo.

Children enjoy exploring their environment. The kōhanga reo is close to the sea, river and bush. Kaimahi provide children with ample opportunities to explore their natural world. Children care for gardens and they investigate the world of insects. The environment is valued as precious and an essential part of each child’s identity and heritage.

Babies are happy and content. They enjoy positive caring relationships with kaimahi who are responsive to their interests and needs. The learning environment is vibrant and well resourced. Babies join in activities with the older children including karakia. Routines are flexible and cater well for the physical and emotional needs of babies.

Planning and Evaluation

Areas of good performance

Children benefit from a programme that is effectively planned to stimulate thinking, exploration and creativity. Programme planning is purposeful, comprehensive and detailed. The plans include content, strategies for implementing the content, te reo Māori vocabulary and resources required to support learning and teaching. Planning is based onTe Whariki, te ao Māori and the wider world. Displays of children’s work reflect the content of the programme.

Assessment of children’s learning is effectively monitored and reported. All children have profile books. Most of these books contain a range of assessment information and are kept in an attractive manner. A variety of assessment methods are used by the staff to track children’s progress over time. Kaimahi are aware of the individual interests and strengths of the children in their care. Children’s information is readily available for whānau.

Kaimahi regularly evaluate the quality of their work. Formal discussions about how well learning programmes cater for children are documented by kaimahi. Kaimahi evaluate aspects of health and safety, fire and earthquake drills, children’s activities, trips and the kaupapa of the day. The kaimahi work in purposeful ways to continually improve kōhanga children’s learning experiences.

Children’s needs and whānau aspirations is at the heart of whānau practices and decision making. The kōhanga reo is adequately managed by the whānau in the interests of their children. Policies and procedures guide practice and are reviewed regularly. Health and safety policies are supported by appropriate documentation.

All kaimahi have employment agreements and job descriptions. They are know about their roles and responsibilities as employees.

The whānau have a clear vision for the future of the kōhanga reo. Their goals include encouraging healthy living for children, whānau and the kōhanga reo community. Other goals include extensions to the building and modifying the grounds. Whānau are committed to supporting their children’s wellbeing and learning.

.The kaimahi and whānau have a good understanding of self review. They complete systematic review of kōhanga reo operations. When issues are identified, they are dealt with quickly. The whānau ensure there is ongoing improvement that benefits children

4 Whānau Management Assurance on Compliance Areas

Overview

Before the review, the licensee, whānau and staff of the kōhanga reo completed an ERO Kōhanga Assurance Statement and Self-Audit Checklist. In these documents they have attested that they had taken all reasonable steps to meet their legislative obligations related to:

• administration
• health, safety and welfare
• personnel management
• financial and property management.

During the review, ERO checked the following items because they have a potentially high impact on outcomes for children:

• emotional safety (including behaviour management, prevention of bullying and abuse)
• physical safety (including behaviour management, sleeping and supervision practices; accidents and medication; hygiene and routines; travel and excursion policies and procedures)
• staff qualifications and organisation
• evacuation procedures and practices for fire and earthquake.

5 Recommendations

ERO recommends that the whānau continue to develop and strengthen all aspects of kōhanga reo operations.

When is ERO likely to review the kōhanga reo again?

ERO is likely to carry out the next review in three years.

Lynda Pura Watson

National Manager Review Services Māori (Te Uepū-ā-Motu)

26 November 2014

About the Kōhanga Reo

Location	Mangakino
Ministry of Education profile number	35082
Type	Kōhanga Reo
Number licensed for	38 including 8 under 2 years old
Roll number	20 including 8 under 2 years old
Gender composition	Girls 12 Boys 8
Ethnic composition	Māori 20	100%
Review team on site	26 August 2014
Date of this report	26 November 2014
Most recent ERO reports	Education Review Supplementary Review Education Review Discretionary Review	September 2011 March 2008 August 2006 June 2001