Te Kōhanga Reo ki Pukeroa Ōruawhata

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

Kei ngā papa o te kura tuatahi o Rotorua, Te Kōhanga Reo ki Pukeroa Ōruawhata e tū ana. Kua raihanatia te kōhanga reo ki te whakarato i te mātauranga me te atawhai ki ngā mokopuna 34 kua pakeke ake i te rua o ngā tau. Nō te tau 1991 Te Wharau-a-Tahora-Whakarua i whakatūngia ai, ā, nā Tā John Mokonuiarangi Bennett i whakatuwhera i te 10 o Here-turi-kōkā, i te tau 1991.  

3 Te Aronga o te Aromātai

He pēhea rawa te whakaatu mai o ngā mokopuna i te whanaungatanga?

E whakarato ana Te Kōhanga Reo ki Pukeroa Ōruawhata i tētahi taiao e poipoi ana i te whanaungatanga.  

4 Ngā Whakaaturanga – Mana Whakahaere

Ko te whakamahere, te aromatawai, me te aromātai a ngā kaimahi, e pou here katoatia ana ki ngā uara o te whanaungatanga. Kua whakaritea ngā mahere ā-tau, ā-wāhanga, ā-marama, ā-wiki hoki. Ka whai wāhi ki ērā ko ngā putanga ako a ngā mokopuna, hei hāpai i te whakatinanatanga o te hōtaka. Ka whiriwhirihia ngā wheako ako me ngā taumahi ako hei whakaongaonga, hei wero, hei whakawhānui ake hoki i te ako a ngā mokopuna. Ko ngā mōhiohio mātai mokopuna i kapohia ai, e āta tohu ana i te huarahi ako me te ahu whakamua o ia mokopuna. Whakaaro huritao ai ngā kaimahi ki ā rātou whakaritenga, ā, ka panoni haere i te hōtaka hei whakatutuki i ngā matea o ngā mokopuna. E whanake ana te aromātai hōtaka o roto, ā, kei te kaha haere te aro atu a ngā kaimahi ki taua tūāhuatanga. E whai hua ana ngā mokopuna nā ngā whakaritenga whakatōpū i pou herea ai ki te whanaungatanga.

Ka noho mātua rā te whanaungatanga ki ngā whakahaeretanga o ia rā ki te kōhanga reo. He tukanga, he ritenga hoki ā te whānau ki te aroturuki me te pūrongo i ngā āhuatanga matua o ngā whakahaeretanga ki te kōhanga reo. Tū ai ngā hui ā-whānau i ia te wā, he kaha te taetae atu, ā, ka whai wā te whānau ki te whai wāhi nui mai. He mōhiohio o roto i ngā whakataunga ka whakatakotohia ki ngā hui ā-whānau, ā, ka tuhia hoki. Kua whakaritea ngā kaupapa here me ngā tukanga e pā ana ki te hauora me te haumaru, hei āta whakatau i te aronga matua ki te waiora o ngā mokopuna. Ka kawe ngātahi te whānau i ngā haepapa, hei āta whakatau i te whakatutukitanga o ngā take whakahaere. E poipoia ana ngā mokopuna e te whānau me tā rātou aronga nui ki tō rātou atawhai me tā rātou ako.

E tika ana te whai wāhi atu a te tirohanga me ngā wawata o te whānau ki te mahere rautaki, ā, kua whakamōhiotia ki Te Ara Tūāpae. Ka whai wāhi ki ngā rautaki matua me ngā kaupapa matua, ko te reo Māori, ko te whakamanatanga o te whānau me ngā mokopuna, me te whakatairanga ake i te kaupapa o te kōhanga reo. E whakamārama ana te mahere mahi i ngā kaupapa matua me ngā whāinga i tautuhia ai ki te whakatairanga i te rōnakitanga hei te pae tawhiti. Ka whai hua ngā mokopuna nā ngā mōhiohio ki te ārahitanga a te whānau.  

Ngā Whakaritenga Matua ka whai ake 

Kāhore anō ētahi wāhanga o ngā mahi whakahaere a te whānau kia whakatūturuhia. Kua whakaae ngātahi te whānau me Te Tari Arotake Mātauranga, ka whakawāteahia ngā tuhinga e pā ana ki ngā kaimahi, hei te wā o te aromātai ki te kōhanga reo.  

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

E taunaki ana Te Tari Arotake Mātauranga me te whānau o te kōhanga reo kia whakatairanga tonu te whānau i te aromātai o roto, hei whakarahi ake tonu i ngā putanga e whai hua ana ki ngā mokopuna.  

Darcy Te Hau
Toka ā Nuku
Te Uepū-a-Motu – Māori Services

24 Haratua, 2022

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Te Kohanga Reo ki Pukeroa Ōruawhata is on the grounds of the Rotorua Primary School. The kōhanga is licensed to provide education and care for 34 mokopuna aged over two years of age. Te Wharau-a-Tahora-Whakarua was built in 1991 and was opened by Sir John Mokonuiarangi Bennett on 10 August 1991.

3 Evaluation Focus

How well do mokopuna express whanaungatanga?

Te Kōhanga Reo ki Pukeroa Ōruawhata provides an environment that embraces and nurtures whanaungatanga.

4 Findings - Mana Whakahaere

Kaimahi planning, assessment and evaluation is underpinned by values of whanaungatanga. Year, term, monthly and weekly plans are in place. These include learning outcomes for mokopuna to support programme implementation. Learning experiences and activities are selected to stimulate, challenge, and extend mokopuna learning. Matai mokopuna information captured highlights individual mokopuna learning journeys and progress. Kaimahi regularly reflect on their practices and make changes to the programme that respond to the needs of mokopuna. Internal programme evaluation is developing and is an increasing focus for kaimahi. Mokopuna benefit from collaborative practices underpinned by whanaungatanga. 

Whanaungatanga is central to the day to day management the kōhanga reo. Whānau have processes and procedures for monitoring and reporting on key aspects of the kōhanga reo operations. Whānau hui are held regularly, are well attended, and provide opportunities for whānau to contribute. Decision making processes at whānau hui are informed and recorded. Health and safety policies and procedures are in place to ensure mokopuna wellness is a priority. Whānau share responsibilities to ensure operational matters are completed. Mokopuna are nurtured by a whānau focused on their care and learning.

The strategic plan appropriately includes the vision and aspirations of whānau and is informed by Te Ara Tuapae. Key strategies and priorities include te reo Māori, empowering whānau and mokopuna and promoting the kōhanga reo movement. An action plan defines identified priorities and goals to promote sustainability for the future. Mokopuna benefit from informed whānau leadership.    

Key Next Steps

Some aspects of whānau operations are yet to be verified. The whānau and ERO have agreed that personnel documentation will be made available during the upcoming onsite visit.  

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau recommends that whānau continue to enhance internal evaluation to further increase positive outcomes for mokopuna.

Darcy Te Hau
Toka-ā-Nuku – Director
Te Uepū ā-Motu – Māori Review Services

24 May 2022

7 Information about the Kōhanga Reo