Te Kōhanga Reo o Motutaiko

1 Te Horopaki

E tū ana Te Kōhanga Reo o Motutāiko ki Taupō. E ahu mai ana te ingoa o te kōhanga reo i tētahi motu tapu i te moana o Taupō-nui-a-Tia. He hononga ā-whakapapa ki waenga i ngā kaimahi me te whānau. Neke atu i te 30 tau te kuia e whai wāhi atu ana ki te whānau o te kōhanga reo, ā, ko ia hoki te kaiwhakahaere. Whai muri i te pūrongo o mua a Te Tari Arotake Mātauranga, i te tau 2014, he iti noa te ahu whakamua o te whānau me ngā kaimahi ki te whakapai ake i ngā mahi arotake whaiaro me te aromātai hōtaka.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou mauritau ki te kōhanga reo?

Ka kitea ki ngā tamariki tō rātou harikoa me tō rātou mauritau ki te kōhanga reo.

Ngā Taumata Whakahirahira

E ako ana ngā tamariki ki te whakawhanaunga hei tuakana, hei teina. E ārahi ana ngā uaratanga o te aroha, te manaaki, me te tiaki i ngā hononga i te hōtaka akoranga. Ka whakatauira ngā kaimahi i aua whanonga hei akiaki i te mahi ngātahi o ngā tamariki ki waenga i a rātou anō. Ka whakatauira ngā tuākana mō ngā tēina, mā te ārahi i ngā karakia me ngā waiata, hei wāhanga tonu o te hōtaka o ia āta. Ka awhi, ka tautāwhi hoki ngā kaimahi i ngā pēpi, i a rātou e ako ana ki te taha o ō rātou tuākana. Ka āwhina anō hoki rātou i ia tamaiti ka toro atu ki tō rātou tautoko. He whai wāhitanga mō ngā tuākana ki te ako me pēhea te tiaki i a rātou anō, me te mahi takitahi, takirōpū hoki. Ka ngākau nui ngā tamariki ki te ako ngātahi.

E ako ana ngā tamariki i tō rātou tūnga. Ka whakarato ngā kaimahi i ngā whai wāhitanga mō ngā tamariki ki te tūhonohono ki a rātou anō, ā, ki tō rātou wāhi ako hoki. He hononga ā-whakapapa ki waenga i te nuinga o ngā tamariki, ō rātou whānau, me ngā kaimahi. Ka whakapuaki rātou i ō rātou whakapapa me ō rātou pepeha ki waenga i a rātou anō, i roto i te hōtaka o ia rā. Ko ngā kōrero tuku iho o Ngāti Tūwharetoa e hāpai ana i te ako o ngā tamariki i tō rātou hapori me tō rātou tūnga hei mana whenua. Nā ngā taumahi i whakamaheretia ai ka haere ngā tamariki ki ngā wāhi whakahirahira, ā, ka ako rātou i tō rātou taiao tonu. E poipoia ana te tuakiri o ngā tamariki hei uri o te iwi.

E whai wāhi atu ana ngā tamariki ki tētahi hōtaka akoranga e whakarato ana i te tini o ngā tūmomo āhuatanga me ngā tūmomo whiringa. Kua whakaritea ngā mahinga kia tau ai te aronga toi whenuatanga ki ngā tamariki, i roto i te taiao ako. Ka whakarato ngā kaimahi i te whānuitanga o ngā tūmomo taumahi ki ngā tamariki, ā, e poipoi ana ēnei i ō rātou matea whanaketanga. E arotahi ana te hōtaka akoranga o ngā tuākana ki te whakarite i a rātou mō te kura. Ka whakapuaki ngā kaimahi i ngā pū, ngā nama, ngā tūāhua, me ngā tae. Ka whakaratohia mā ngā tēina ngā rauemi, ā, e wātea ana rātou ki te whiriwhiri haere me te whai i ō rātou ake ngākau nuitanga i ngā tākaro. Ko ngā wā o te pānui ngātahi me te waiata, he wā ki te ako ā-rōpū, ā, he tākare te whai wāhi nui o ngā tamariki ki ngā kaupapa nei, ki waenganui i a rātou anō. He ākonga harikoa ngā tamariki.

E whakawhanake ana ngā tamariki ki te kōrero i te reo Māori. Ahakoa ka kōrero ngā tamariki i te reo Pākehā, ka whakatauira ngā kaimahi i ngā rerenga kōrero e hāpai ana i te whakawhanaketanga o tō rātou reo. Ka whakapuaki ngā kaimahi i ngā kupu hou, ā, ka patapatai kia piki ake ai ngā pūkenga reo me te ngākau titikaha hoki o ngā tamariki. Ka kitea te māramatanga o ngā tamariki ki tā rātou wāhi i ngā tohutohu. E ākina ana te reo ā-tinana o ngā tamariki hei whakamārama i ō rātou matea. He harikoa te āhua o ngā tamariki ki te ako i te reo Māori.

Te Whakamahere me te Aromātai

He rawaka ngā mahi whakahaere a te whānau. E ārahi ana te tūtohinga o te kōhanga reo i ngā mahi whakahaere. Ahakoa ka whai wāhi atu ngā kaupapa here me ngā tukanga ki tētahi huringa arotake, ka arotake anō hoki te whānau i aua āhuatanga i ngā wā e tika ana. Kei te kaiwhakahaere te kawenga ki te whakahaere i ngā mahi i te tari. E whai kiko ana te mahere rautaki, hei hāpai i te aronga paetawhiti o te kōhanga reo. E whakahaere ana te whānau i ngā whakaritenga o te kōhanga reo hei painga mō ngā tamariki.

Kua whakaritea ngā mahere hōtaka. He matawhānui ngā mahere, ā, e whai kiko ana mō te whakatinanatanga o te hōtaka. Ka tāutu ngā kaimahi i ngā kaupapa ako, ngā taumahi, me ngā rauemi hei hāpai i te whakapuakitanga. E ārahi ana tētahi wātaka o ia rā i te hōtaka akoranga. Ka whakarerekē haere ngā kaimahi i te hōtaka, i runga anō i te āhua o ngā matea me ngā ngākau nuitanga o ngā tamariki. Ka ngākau nui ngā tamariki ki te hōtaka akoranga.

Ngā Whakaritenga Matua ka Whai Ake

Ko te arotake whaiaro tētahi wāhanga hei tirohanga tonu. Kāhore anō ngā kaupapa here matua o te hauora me te haumaru kia whakahoungia, kia whakahāngaitia rānei ki Te Ture Oranga Tamariki. Kua whakapūmautia ngā tuhinga hei aroturuki i ngā arowhai e pā ana ki te haumaru me ngā arowhai i ngā āhuatanga mōrearea. Kāhore ngā whakaritenga ki te whakahaere i ngā kaimahi e whāia ana. Ko ngā tuhinga e pā ana ki ngā tūranga mahi, kāhore e āta tautuhi ana i ngā tūranga me ngā kawenga mahi. Kāhore anō ngā mahi arohaehae kia whakatinanahia hei āta whakarite i te hāngaitanga o te whakawhanaketanga ngaio ki te whakapai ake i te kounga o ngā akoranga a ngā tamariki.

Ko te kounga o te whakapuakitanga tētahi āhuatanga hei whakapai ake. Te āhua nei, he iti noa te māramatanga o ngā kaimahi ki ngā hononga ki waenga i ngā mahi ki te whakamahere i te hōtaka, te aromātai i te hōtaka, me te aromatawai. Ahakoa e āhei ana rātou ki te whakamahere hei whakatutuki i ngā matea o ngā tamariki, ko te whakapakari ake i ngā tukanga ki te aromātai i te hōtaka me ngā aromatawai, ka hāpai i te kounga tonu o ngā akoranga a ngā tamariki.

Me whai hua ake ngā rautaki ki te whakapakari i te reo Māori. Me whakawhanake ngā kaimahi me te whānau i tētahi mahere mahi ka whakapiki ake i te whakamahinga a ngā tamariki me ngā pākeke i te reo Māori ki te kōhanga reo.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga te wāhanga e whai ake nei, kāhore e tutuki ana e ai ki te ture. Hei whakapai ake i āna whakaritenga, me tahuri te whānau ki te:

• āta whakarite i te whai wāhi mai o te whānau ki ngā mahi ki te aromātai me te arotake i ngā whakahaeretanga me ngā whakaritenga
  [R 47 Ture Mātauranga (Kōhungahunga) 2008; GMA46 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakahāngai i te katoa o ngā kaupapa here me ngā tukanga e pā ana ki te ārai tamariki ki Te Ture Oranga Tamariki 2014
  [R 46 Ture Mātauranga (Kōhungahunga) 2008; HS31-33 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite i te whakatutukitanga o ngā tikanga katoa ki te arowhai i ngā āhuatanga mōrearea, me te tuhi, te pūrongo hoki i aua āhuatanga, hei āta whakatau i te noho haumaru o ngā tamariki
  [R 46 Ture Mātauranga (Kōhungahunga) 2008; HS12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite i te whakatinanatanga i ia te wā te arohaehae i ngā kaimahi katoa
  [R 46 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite i te waihanga o te marautanga mā ngā mahere, te whakatinanatanga, me te aromātai e whakaatu ai i te māramatanga ki ngā akoranga a ngā tamariki, ō rātou ngākau nuitanga, me ngā horopaki anō hoki o ō rātou whānau me tō rātou ao.
  [R 43 Ture Mātauranga (Kōhungahunga) 2008; C2 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakamahi te whānau me ngā kaimahi i te aromātai o roto hei whakapakari ake i te kaupapa o te kōhanga reo, hei whakapai ake i te kounga o te whakapuakitanga me te whakahaeretanga o ngā kaimahi, ā, hei whakatutuki anō hoki i ngā tūmanako e pā ana ki te whakahaeretanga i te kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Motutāiko i roto ngā tau e rua.

Lynda Pura-Watson

Kaiurungi Whakaturuki Arotake Māori

06 Whiringa ā-rangi, 2017

Ngā kōrero e pā ana ki te kōhanga reo

1 Context

Te Kōhanga Reo o Motutaiko is in Taupō. The name is from a sacred island on Lake Taupō. Kaimahi and whānau whakapapa to each other. The kuia has been a part of the kōhanga reo whānau for over 30 years and is also the kaiwhakahaere. Since the previous ERO report in 2014, the whānau and kaimahi have made limited progress to improve self-review practices and programme evaluation.

2 The Evaluation Findings

How well do children show they are settled at kōhanga reo?

Children show they are happy and settled at kōhanga reo.

Ngā Taumata Whakahirahira

Children are learning to interact positively as tuakana/teina. The values of aroha, manaaki and tiaki guide relationships in the learning programme. Kaimahi model these behaviours to encourage children to work cooperatively with each other. Tuākana model for tēina by leading karakia and waiata as part of the morning programme. Kaimahi hold and comfort babies to learn alongside their tuākana. They help individual children who seek support. There are opportunities for tuākana to learn how to manage aspects of their own care, to work independently and in groups. Children enjoy learning together.

Children are learning about their place. Kaimahi provide children with opportunities to make connections with each other and their place. Many of the children, their whānau and kaimahi are related by whakapapa. They share their whakapapa and pepeha to each other in the daily programme. Stories about Ngāti Tūwharetoa help children to learn about the local area and their place as mana whenua. Planned activities enable children to visit places of importance and learn about their local environment. Children’s identity in relation to their iwi is nurtured.

Children participate in a learning programme that offers variation and choice. Routines are in place to provide children with a sense of belonging in the learning environment. Kaimahi provide children with a range of activities that cater for their developmental needs. The learning programme for tuākana focuses on preparing them for school. Kamahi introduce them to naming letters, numbers, shapes and colours. Tēina are provided with resources to make choices and follow their interests through play. Shared reading and waiata are times for whole group learning where children participate enthusiastically with each other. Children are happy learners.

Children are developing as speakers of te reo Māori. Although children speak English, kaimahi model sentences to support their language development. Kaimahi introduce new words and use questions to provide children with ways to increase their language skills and confidence. Children show their understanding by following instructions. Younger children are encouraged to use body language to communicate their needs. Children appear happy to learn te reo Māori.

Planning and Evaluation

Whānau management is adequate. The kōhanga reo charter guides management practice. Although policies and procedures are part of a review cycle, whānau also review these as required. The kaiwhakahaere has responsibility for managing administrative tasks. There is a detailed strategic plan to support their future direction of the kōhanga reo. The whānau manage the operations of the kōhanga reo in the best interests of their children.

Programme planning is in place. Planning is comprehensive and provides detailed programme implementation. Kaimahi identify kaupapa ako, activities and resources to support delivery. A daily timetable guides the learning programme. Kaimahi make changes to the programme to accommodate children’s needs and interests. Children enjoy the learning programme.

Key Next Steps

Internal review is still an area that requires attention. Critical policies related to health and safety have not been updated or aligned to the Vulnerable Children’s Act. Records to monitor safety and hazard checks have been maintained. Personnel management practices are not followed. Documentation related to kaimahi job descriptions lack definition about roles and responsibilities. Appraisal has not been implemented to ensure that kaimahi professional development is focussed on improving the quality of children’s learning.

The quality of delivery is an area for improvement. Kaimahi appear to have limited understanding of the links between programme planning, programme evaluation and assessment. While they are able to plan to meet children’s needs, more robust processes for programme evaluation and assessment information will help to improve the overall quality of children’s learning.

Effective strategies to strengthen te reo Māori are needed. Kaimahi and whānau need to develop an action plan to increase the use of te reo Māori by children and adults in the kōhanga reo.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements, they need to:

• ensure whānau are involved in the evaluation and review of operations and practice
  [R47 Education (Early Childhood Services) Regulations 2008, GMA46 Licensing criteria for kōhanga reo affiliated with the Te Kōhanga Reo National Trust 2008]

• align all child protection policies and procedures to the Vulnerable Children’s Act 2014
  [R46 Education (Early Childhood Services) Regulations 2008, HS31-33 Licensing criteria for kōhanga reo affiliated with the Te Kōhanga Reo National Trust 2008]

• ensure that all hazard checking, recording and reporting requirements are carried out to ensure the safety of children
  [R46 Education (Early Childhood Services) Regulations 2008, HS 12 Licensing criteria for kōhanga reo affiliated with the Te Kōhanga Reo National Trust 2008]

• ensure appraisal for all employed staff is regularly implemented
  [R46 Education (Early Childhood Services) Regulations 2008, GMA7 Licensing Criteria for Kōhanga Reo affiliated with Te Kōhanga Reo National Trust 2008]

• ensure the curriculum is informed by planning, implementation and evaluation that demonstrates an understanding of children’s learning, their interests, whānau and life contexts.
  [R43 (Early Childhood Services) Regulations 2008; C2 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendation

ERO and the Kōhanga Reo whānau developed the following recommendation:

• the whānau and kaimahi use internal evaluation to strengthen the kaupapa of kōhanga reo, improve the quality of delivery, improve personnel management systems, and meet management expectations in the kōhanga reo.

When is ERO likely to evaluation the kōhanga reo again?

The next ERO evaluation of Te Kōhanga Reo o Motutāiko will be within two years.

Lynda Pura-Watson

Deputy Chief Review Officer Māori

6 November 2017

Information about the Kōhanga Reo