4 Dunlop Road, Te Puke
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
‘Ko te kōhanga reo te poutokomanawa o te whare e pupū ake ai te mana, te ihi, te wehi, me te wairua o te Māori.’
E tū ana Te Kōhanga Reo o Te Tīmatanga Hou ki Te Puke. Nō te tau 1992 te kōhanga reo i whakatūngia ai e ngā mema o tētahi hāhi o te hapori nei. Kua raihanatia te kōhanga reo mō ngā mokopuna 20, me te tekau o rātou ki raro iho i te rua o ngā tau te pakeke, i te wā kotahi. Nō nā noa nei Te Kōhanga Reo o Ngā Mokomoko i whakakotahi ai me Te Kōhanga Reo o Te Tīmatanga Hou, i tō rātou whare e whakahoungia ana.
I kitea ki te aromātai Mana Whakahaere a Te Tari Arotake Mātauranga i te Pipiri o te tau 2022, i te whakaratohia e te whānau tētahi taiao e whakatairanga ana, e poipoi ana hoki i te reo Māori mō ngā mokopuna.
Ka kitea ki ngā mokopuna tō rātou harikoa me tō rātou mauritau hei ākonga.
He mauritau ngā mokopuna, ā, ka ako ki tētahi taiao e mau ana i ngā hononga whai pūtake. Ka rongo rātou i te aroha me te manaaki o ngā kaimahi me te whānau. Ka poipoi, ka whai pūtake hoki ngā taunekeneke a ngā kaimahi ki ngā mokopuna. Kua whakapūmautia te tū riterite o ngā wheako i ngā mahinga. Ka whakaongaonga ngā taumahi ako i ngā ngākau nuitanga o ngā mokopuna, ā, ka ako rātou ki te taha o ō rātou hoa. Whakakoia ai ngā kaimahi i ia te wā i ngā whakatutukitanga a ngā mokopuna. Ka rongo ngā mokopuna i te whanaungatanga i roto i ā rātou akoranga. He pārekareka ki a rātou te noho tahi, ā, ka harikoa, ka tākare hoki hei ākonga.
Ka whakapūmau ngā kaimahi me te whānau i tētahi taiao ako papai e tautoko ana i ngā mokopuna. Ka whai wāhi harikoakoa atu ngā mokopuna ki ngā akoranga, ā, e noho mātua ana te reo Māori. Ka whakamahi ngā kaimahi i ngā rautaki whai hua e hāpai ana i te whakawhanaketanga o te reo Māori mā te whāngai kupu, te patapatai, te tāruarua, me te rotarota. Ka whakaratohia ngā whai wāhitanga mō ngā mokopuna ki te whakarongo ki te reo kōrerorero, me te ako i ngā karakia me ngā waiata. Ka aro tika atu ngā pēpi ki te reo Māori mā ā rātou nekehanga me te āhua o ō rātou kanohi. E whakawhanake ana ngā mokopuna i ngā pūkenga ki te whakapuaki i te reo Māori.
E ako ana ngā mokopuna ki tētahi taiao e poipoi ana i tō rātou tuakiri. Kei te tino mōhio ngā kaimahi ki ngā mokopuna, ā, ka hāpai i a rātou ki te ako i ō rātou pepeha, ō rātou maunga, ō rātou awa, me ō rātou iwi. Ka whakapūmau ngā waiata me ngā pūrākau o te takiwā nei i ngā akoranga e pā ana ki ō rātou tuakiri me ō rātou tūrangawaewae. He putuputu ngā whai wāhitanga mō ngā mokopuna ki te whai wāhi atu ki te wā whāriki, me te kawe i ā rātou ake akoranga. Ko tētahi āhuatanga motuhake o tēnei kōhanga reo, ko te kaha whai wāhi mai o ngā kuia. Ka kite ngā mokopuna i ngā tikanga me ngā kawa ki te whānuitanga tonu o ngā horopaki tūturu. E whakawhanake ana ngā mokopuna i tō rātou māramatanga ki tō rātou tuakiri me tō rātou hononga ki a Tapuika.
Kei te whānau tētahi mahere hei ārahi i ngā taumahi o ia rā. Engari, kāhore anō te aromatawai me te aromātai hōtaka kia whakatinanahia. Kāhore anō ngā huarahi aromatawai kia kapo atu i te ako a ngā mokopuna i roto i te roanga o te wā. Kāhore he whakaritenga ā ngā kaimahi, e arotake ai, e aromātai ai rānei i te whai huatanga o te hōtaka akoranga. Ka whakatairangatia ngā wheako ako a ngā mokopuna, i te wā e mōhio ana ngā kaimahi ki te ahu whakamua a ngā mokopuna, tae atu ki ō rātou ngākau nuitanga, ō rātou pūmanawa, me ō rātou matea, ā, ka whakarato ki a rātou tētahi hōtaka akoranga e whakawhānui ana i ia te wā, i ā rātou akoranga.
Kāhore he tangata whakaora ohotata o te whānau e noho ana ki te kōhanga reo mō te roanga ake o te wā noho o ngā mokopuna. Kei te kaiwhakahaere anake taua tiwhikete, engari kāhore ia i te kōhanga reo mō te katoa o te rā. He āhuatanga tēnei e whakamōrearea ana i te noho haumaru o ngā mokopuna.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
Hei whakatutuki i ngā herenga ā-ture, me tahuri rātou ki te:
whakarite i te noho mai o tētahi tangata whakaora ohotata i ngā wā katoa mō ia 25 tamariki (o taua rahinga tata rānei), ā, kua riro kē i a ia te tiwhikete whakaora ohotata mai i tētahi kaiwhakarato whakangungu whakaora ohotata i whakamanatia ai e Te Mana Tohu Mātauranga o Aotearoa
[R46 Ture Mātauranga (Kōhungahunga) 2008; HS25 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
āta whakarite i te whakatinanatanga o te marau o te kōhanga reo mā ngā mahere, ngā whakapuakitanga, me ngā aromātai e tohu ana i te māramatanga ki te ako a ngā tamariki, tae atu hoki ki ō rātou ngākau nuitanga, ō rātou whānau, me te āhua tonu o ō rātou nā ao.
[R43 Ture Mātauranga (Kōhungahunga) 2008; C2 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
E taunaki ana Te Tari Arotake Mātauranga me te whānau o te kōhanga reo, kia mahi te whānau ki te taha o te tari ā-rohe o Te Poari Matua o Ngā Kōhanga Reo, ki te whakatutuki i ngā herenga ā-ture me ngā whakaritenga matua i tautuhia ai ki tēnei pūrongo kia whāia.
Darcy Te Hau
Toka ā Nuku
Te Uepū-a-Motu – Māori Services
23 Hereturikōkā, 2022
|
Te tūwāhi |
Kei Te Puke |
|
Te tau a te Tāhuhu o te Mātauranga |
44000 |
|
Te tau tohu o Te Kōhanga Reo |
05E028 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
20, kia tekau ki raro i te rua o ngā tau |
|
Te tokomaha kei runga i te rārangi ingoa |
Tokoono, tokorua kei raro i te rua o ngā tau |
|
Ngā hononga ā-iwi |
Māori 6 |
|
Te wā i te kōhanga reo te rōpū arotake |
Pipiri 2022 |
|
Te wā o tēnei pūrongo |
23 Hereturikōkā 2022 |
|
Ngā pūrongo o mua a |
Arotake Mātauranga – Mana Whakahaere, Pipiri 2022; Arotake Mātauranga, Hakihea 2018; Arotake Tāpiri, Whiringa-ā-rangi 2015
|
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.
‘Ko te kōhanga reo te poutokomanawa o te whare e pupu ake ai te mana, te ihi, te wehi, me te wairua o te Māori.’
Te Kōhanga Reo o Te Timatanga Hou is in Te Puke. The kōhanga reo was established in 1992 by members of a local church. The kōhanga reo is licensed to cater for 20 mokopuna including 10 aged less than two years old at any one time. Te Kōhanga Reo o Ngā Mokomoko has recently merged with Te Kōhanga Reo o Te Timatanga Hou while their building is being renovated.
ERO’s June 2022 evaluation of mana whakahaere practices found the whānau provided mokopuna with an environment that promoted and nurtured te reo Māori.
Mokopuna demonstrate they are happy and comfortable learners.
Mokopuna are content and learn in an environment where relationships are meaningful. They experience love and care from kaimahi and whānau. Kaimahi interactions with mokopuna are nurturing and purposeful. Routines provide them with consistent and predictable experiences. Learning activities stimulate mokopuna interest and they learn alongside their peers. Kaimahi constantly affirm mokopuna for their successes. Mokopuna experience whanaungatanga in their learning. They enjoy each other’s company and are happy and keen learners.
Kaimahi and whānau maintain a positive and supportive learning environment. Mokopuna happily participate in learning where te reo Māori is priority. Kaimahi use effective strategies that support the development of te reo Māori through prompting, questioning, repetition and rotarota. Mokopuna are provided opportunities to listen to the spoken language and learn karakia and waiata. Pēpi respond appropriately to te reo Māori through actions and facial expressions. Mokopuna are developing skills to use te reo Māori.
Mokopuna learn in an environment where their identity is nurtured. Kaimahi know the mokopuna well and support them to learn their pepehā, maunga, awa and iwi. Local waiata and pūrākau reinforce learning about who they are and where they come from. Mokopuna have frequent opportunities to participate in mat time and to lead their own learning. The strong presence of kuia is a feature of the kōhanga reo. Mokopuna observe tikanga and kawa in a range of authentic contexts. Mokopuna are developing an understanding of their identity and connection to Tapuika.
Whānau have a plan in place to guide daily activities. However, assessment and programme evaluation is yet to be implemented. Assessment methods are yet to capture mokopuna learning over time. Kaimahi do not have practices in place to review or evaluate the effectiveness of the learning programme. Learning experiences for mokopuna are enhanced when kaimahi know mokopuna progress, interests, strengths, needs and provide them with a learning programme that continually extends their learning.
Whānau do not have a qualified first aider on the premises for the duration of the time mokopuna are there. The kaiwhakahaere is the only one who holds the qualification but is not on the premises for the duration of the day. This has the potential to place mokopuna safety at risk.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
To meet compliance requirements they must:
ensure there is an adult present at all times for every 25 children attending (or part thereof) that: holds a current First Aid qualification gained from a New Zealand Qualification Authority accredited first aid training provider.
[Regulation 46 Education (Early Childhood Services) Regulations 2008; HS25 Licensing Criteria for Kōhanga Reo affiliated with Te Kōhanga Reo National Trust 2008]
ensure Te Kōhanga Reo curriculum is informed by planning, implementation and evaluation that demonstrates an understanding of children’s learning, their interests, whānau and life contexts.
[Regulation 43 Education (Early Childhood Services) Regulations 2008; C2 Licensing Criteria for Kōhanga Reo affiliated with Te Kōhanga Reo National Trust 2008]
ERO and the kōhanga reo whānau recommends whānau continue to work alongside the district tari to address the non-compliances and key next steps identified in this report.
Darcy Te Hau
Toka-ā-Nuku – Director
Te Uepū ā-Motu – Māori Review Services
23 August 2022
|
Location |
Te Puke |
|
Ministry of Education profile number |
44000 |
|
Kōhanga Reo Identification Number |
05E028 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
20 children, including up to 10 aged under 2 |
|
Kōhanga Reo roll |
6 children, including 2 aged under 2 |
|
Ethnic composition |
Māori 6 |
|
Review team on site |
June 2022 |
|
Date of this report |
23 August 2022 |
|
Most recent ERO report(s) |
Education Review – Mana Whakahaere, June 2022; Education Review, December 2018; Supplementary Review, November 2015 |
E tū ana Te Kōhanga Reo o Te Tīmatatanga Hou ki Te Puke. Nō nā tata tonu nei i pā ai ki te kōhanga reo ētahi whakarerekētanga, ā, kua whakahou ake hoki ngā hanganga o roto, mā te tautoko o tētahi kaiwhakahaere hou. I tēnei wā e rapu ana te whānau i tētahi kaiako hou. E noho pūmau ana te nuinga o te whānau ki te hāpai i ngā kaupapa ki te kōhanga reo, hei painga mō ā rātou tamariki.
Ka whakaatu ngā tamariki i te whanaungatanga mā te pai o ngā taunekeneke, ā, mā te whai pūtaketanga hoki o ō rātou hononga ki ētahi atu.
E hāpaitia ana te ako a ngā tamariki i te reo Māori. Ka whakamahi ngā kaimahi i ngā rautaki reo, pērā i te tāruarua, te whakatauira, me te whāngai kupu, hei poipoi i te whakawhanaketanga reo o ngā tamariki. Ka hāpai hoki rātou i ngā tamariki ki te taki i ō rātou pepeha me ngā karakia. E whakapuaki ana aua aronga i ngā tino hanganga reo, āheinga reo hoki ki ngā tamariki. Ka mātakitaki, ka whakarongo hoki ngā pēpi ki ngā tamariki tuākana e kōrero ana i te reo Māori. Ka kitea tō rātou māramatanga ki tēnā e kōrerohia ana mā te āhua o ō rātou kanohi me ō rātou reo ā-tinana. E whanake ana ngā tamariki ki te kōrero i te reo Māori.
Ka riro i ngā tamariki ngā hononga e hāpai ana i a rātou. Ka whakatō ngā kaimahi i ngā uara o te aroha, te manaakitanga, te atawhai, me te āwhina ki ngā tamariki. He ngāwari ā rātou mahi me ō rātou reo kōrero. Ka whakatauira anō hoki ngā tamariki i ngā whanonga a ngā pakeke. Kei te harikoa rātou, ā, he pai ā rātou taunekeneke ki ō rātou hoa. Ka whakamihi ngā kaimahi i ngā tamariki mō tā rātou whai wāhi mātātoa ki ngā āhuatanga puta noa i te kōhanga reo. Ka whakamahi ngā kaimahi i ngā karakia hei whakatau i ngā tamariki i a rātou e whakareri ana mō te rā. Ka taea e ngā tamariki ngā mahinga te whai atu, me te iti noa o te whakatōhenehene i ētahi atu. Kei te mauritau, kei te pakari hoki ngā tamariki.
E whai wāhi atu ana ngā tamariki ki ngā akoranga e poipoi ana i ō rātou tuakiri. Ka whakarite ngā kaimahi i ngā tamariki ki te whai wāhi atu ki ngā whakatau. He pai, he pakari hoki te taunekeneke a ngā tamariki ki ngā manuhiri. Ka kitea ki ngā tamariki tō rātou māramatanga ki tō rātou tū hei tangata whenua. He hononga ā-whakapapa ki waenga i te katoa o ngā kaimahi me ngā tamariki. He pai te whakawhanaunga atu, te noho whakaute anō hoki o ngā tamariki ki ngā kaumātua me ngā kuia. Kei te mōhio ngā tamariki ki te taiao o tō rātou kōhanga reo. Ka tiaki rātou i ā rātou rauemi. Ka kawe atu ngā tamariki tuākana i ngā mahi ki te whakapaipai i tō rātou kōhanga reo. Ka kitea te whanonga pai a ngā tamariki ki te whānuitanga o ngā horopaki.
E ākina ana te tūhura haere o ngā tamariki i ō rātou taiao ako. Ka whakarite ngā kaimahi i te hōtaka kia āhei ai ngā tamariki ki te āta whakamahi i te katoa o ngā wāhi e noho wātea ana ki a rātou. He whai wāhitanga mō ngā tamariki ki te whai wāhi atu ki ngā akoranga e whai pūtake ana ki a rātou. Ka āta whakarite ngā kaimahi, kia māmā ai te whakapā atu a ngā tamariki ki ngā rauemi. E āhei ana ngā tamariki ki te kōkiri i ā rātou ake akoranga. Ka whai wāhi atu rātou ki ngā taumahi pērā i te hangahanga, ngā mahi toi, me te korikori tinana. Ka whakamahere ngā kaimahi i ngā haerenga mō ngā tamariki. E āta whakarite ana taua tūāhuatanga i te toro atu o ngā tamariki ki ngā tūmomo akoranga kei tua atu i te whare o te kōhanga reo. He ngākau titikaha ō ngā tamariki ki te ako.
Kua tae ki te wā kia whakamahere ngā kaimahi i te whānuitanga ake o ngā wheako ako, ā, kia whakarato hoki i ngā whai wāhitanga mō ngā tamariki ki te whakatairanga ake me te whakahōhonu ake i ō rātou mōhiotanga me ō rātou whakaaro mā te reo Māori. Koia nei tētahi āhuatanga i tāutuhia ai e te whānau hei āhuatanga ki te whakawhanake ake.
He tukanga ā ngā kaimahi mō te whakamahere hōtaka, te aromatawai i ngā tamariki, me te aromātai i ngā hōtaka. Ka mahi ngātahi ngā kaimahi ki te whakatau i te whānuitanga o ngā tūmomo taumahi e tika ana mō ngā akoranga a ngā tamariki. E whai wāhi atu ana ngā tamariki ki tētahi hōtaka i āta whakamaheretia ai. Whakaemihia ai ngā tino mōhiohio e pā ana ki te ako a ngā tamariki i ia te wā. Ka taea e ngā kaimahi te pūrongo ki ngā mātua mō te ako a ā rātou tamariki, ā, ka whiwhi hoki rātou i ngā kōrero urupare. He rawaka te aromātai i te hōtaka akoranga. Ka whakamahi ngā kaimahi i ngā mahi aromātai hei aroturuki i te kounga o te hōtaka akoranga. Ko ngā pūrongo a ngā kaiako ki ngā hui ā-whānau me ā rātou whakawhitinga kōrero hoki ki ngā hui o ngā kaimahi, e whakamōhio ana i a rātou ki tēnā i whai hua ai, me ngā āhuatanga tonu ka taea te whakapakari ake. Ka whai hua ngā tamariki i te wā e aromātaihia ana ō rātou matea ako.
E whakahaere ana te whānau i ētahi āhuatanga o ngā whakaritenga ki te kōhanga reo, hei painga mō ngā tamariki. He nui ngā tūmanako kia whai wāhi atu te whānau ki te whakahaeretanga o te kōhanga reo. Kei te mārama te tūtohinga, ā, e whakatakoto ana i te aronga mō ngā akoranga a ngā tamariki. Kua arotakengia e te whānau ā rātou kaupapa here. Kei te whakamahia e rātou ngā kaupapa here o Te Ture Oranga Tamariki i whiwhi ai rātou i te Poari Matua o Ngā Kōhanga Reo. E hāngai ana ngā rehita ki ngā kaupapa here me ngā tukanga e pā ana ki te hauora me te haumaru. Ka whai hua ngā tamariki i te wā e whakatakotohia ana ngā kaupapa here e whai wāhi atu ai ki tō rātou waiora.
Ka kitea ki te whānau tā rātou whai kawenga hei kaituku mahi. E hāngai ana ngā pūnaha whakahaere kaimahi ki te wā. Kua whakatakotohia ngā tuhinga tūranga mahi, ngā kirimana mahi, me ngā mahi arowhai anō hoki a ngā pirihimana. Kua oti i ngā kaimahi ā rātou arohaehae. Whiwhi ai te whānau i ngā pūrongo e pā ana ki ngā whakahaeretanga o te kōhanga reo ki ngā hui ā-whānau. Kua oti i te whānau tā rātou mahere rautaki i whakatinanahia ai ki Ngā Pou e Whā me Te Ara Tūāpae. E mōhio ana rātou ki ā whāinga me ā rātou kaupapa matua o te wā, me ērā anō hoki e whai wāhi atu ai ki te hāpai i ngā whakawhanaketanga hei te pae tawhiti. He mahere mahi tā te whānau e aroturuki ana i te ahu whakamua, ā, e pūrongo ana hoki i ngā whakatutukitanga i whakaraupapahia ai ki ngā meneti o ngā hui ā-whānau. Ka whai hua ngā tamariki i te wā e whakatutukihia ana ō rātou matea ako mō te wā tonu kei te heke mai.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Te Tīmatatanga Hou i roto i te toru o ngā tau.
Charles Rolleston Toka ā-nuku
19 Hakihea, 2018
|
Te tūwāhi |
Kei Te Puke |
|
|
Te tau a te Tāhuhu o te Mātauranga |
44000 |
|
|
Te tau tohu o Te Kōhanga Reo |
05E028 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
20, kia 10 ki raro i te rua o ngā tau |
|
|
Te tokomaha kei te rārangi ingoa |
10, tokowhā kei raro i te rua o ngā tau |
|
|
Te ira tangata |
Kōtiro 6 Tama 4 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
29-30 Whiringa-ā-nuku 2018 |
|
|
Te wā o tēnei pūrongo |
19 Hakihea, 2018 |
|
|
Ngā pūrongo o mua a Te Tari Arotake Mātauranga |
Arotake Tāpiri Arotake Mātauranga Arotake Mātauranga |
Whiringa-ā-rangi 2015 Mahuru 2013 Whiringa-ā-nuku 2011 |
Te Kōhanga Reo o Te Tīmatatanga Hou is in Te Puke. The kōhanga reo has undergone recent changes and internal restructuring with the support of a recently appointed kaiwhakahaere. The whanau are currently looking for a new kaiako. The majority of the whānau are committed to supporting the activities of the kōhanga reo for the benefit of their children.
Children demonstrate whanaungatanga through positive interactions and meaningful relationships with others.
Children are supported to learn te reo Māori. Kaimahi use language strategies such as repetition, modelling and prompting to foster children’s language development. They also support children to recite their pepeha and karakia. These approaches introduce children to important language structures and functions. Babies observe and listen to the older children speaking te reo Māori. They display their understanding of what is being said through their facial reactions and body language. Children are developing as speakers of te reo Māori.
Children experience supportive relationships. Kaimahi instil values of aroha, manaakitanga, atawhai and āwhina in children. They are gentle and softly spoken. Children mirror the behaviours of the adults. They are happy and interact positively with their peers. Kaimahi praise children for their active participation across aspects of the kōhanga reo. Kaimahi use karakia time as a way of settling children as they prepare for the day. Children are able to follow routines with very little disruptions to others. Children are settled and secure.
Children participate in learning where their identity is nurtured. Kaimahi prepare children to take part in whakatau. Children interact positively and confidently with manuhiri. Children demonstrate an understanding of their role as tangata whenua. All kaimahi and children are connected through whakapapa. Children relate well and with respect to kaumātua and kuia. Children are familiar with their kōhanga reo environment. They treat their resources with respect. The older children take responsibility for tidying up their kōhanga reo. Children show positive behaviour in different settings.
Children are encouraged to explore their learning environments. Kaimahi organise the programme so that children are able to get optimum use of the spaces available to them. Children have opportunities to engage in learning that is meaningful to them. Kaimahi ensure resources are available for children to access. Children are able to initiate their own learning. They engaged in activities such as construction, art and physical development. Kaimahi plan trips for children. This ensures that children access learning that extends beyond the confines of the kōhanga reo. Children are confident learners.
It is time for kaimahi to plan more extensive learning experiences and provide children with opportunities to extend and enrich their knowledge and thinking through te reo Māori. The whānau have identified this is an area for development.
Kaimahi have processes in place for programme planning, children’s assessments and programme evaluation. Kaimahi work together to decide on a range of activities appropriate to children’s learning. Children access a programme that is well planned. Valuable information is collected about children’s learning on a regular basis. Kaimahi are able to report to parents about their children’s learning and receive feedback. Evaluation of learning programme is adequate. Kaimahi use evaluation to monitor the quality of the learning programme. Kaiako reporting to whanau hui and discussions at kaimahi hui meetings inform them of what went well and what could have been done better. Children benefit when their learning needs are evaluated.
Whānau manage aspects of kōhanga reo operations in the best interests of the children. There are high expectations that whanau will contribute to the management of the kōhanga reo. The charter is clear and provides direction for children’s learning. Whānau have reviewed their policies. They have adopted Vulnerable Children’s Act policies received from Te Kōhanga Reo National Trust. Registers align with health and safety policies and procedures. Children benefit when policies are in place that contribute to their well-being.
The whānau show they are responsible employers. Personnel management systems are current. Job descriptions, employment contracts and police vetting are in place. Kaimahi have completed their appraisals. Whānau receive regular reporting of kōhanga reo operations at whanau hui. Whānau have completed their strategic plan which is informed by Ngā Pou e Whā and Te Ara Tūāpae. They know their current goals and priorities and those that will support their future development. Whānau have an action plan that monitors progress and reports achievements that is recorded in whānau hui minutes. Children benefit when their future learning needs are met.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendations:
Whānau to seek external support to enable kaimahi to develop, plan and implement te reo Māori language learning opportunities for children
Whānau to seek support from their local Te Kōhanga National Trust for Te Whāriki training for kaimahi to strengthen their practices.
The next ERO evaluation of Te Kōhanga Reo o Te Tīmatatanga Hou will be in three years.
Charles Rolleston Toka ā-nuku
19 December 2018
|
Location |
Te Puke |
||
|
Ministry of Education profile number |
44000 |
||
|
Kōhanga Reo Identification Number |
05E028 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
20 children, including up to 10 aged under 2 |
||
|
Kōhanga Reo roll |
10 children, including 4 aged under 2 |
||
|
Gender composition |
Girls 6 Boys 4 |
||
|
Ethnic composition |
Māori |
100% |
|
|
Review team on site |
29-30 October 2018 |
||
|
Date of this report |
19 December 2018 |
||
|
Most recent ERO report(s) |
Supplementary Review Education Review Education Review |
November 2015 September 2013 October 2011 |
|