Te Kōhanga Reo O Tika Tonu

1 Te Horopaki

E tū ana Te Kōhanga Reo o Tika Tonu ki te taha o te marae o Matahiwi, ki Heretaunga. Nō te tau 2015 ā rātou whakahaeretanga i tīmata ai. Koia nei te arotake mātauranga tuatahi o tēnei kōhanga reo. He nui ngā wero hei whakatutukihia e te komiti me te whānau i roto i ngā tau e toru nei o tāna nei tīmatanga. Ko tā te whānau aronga, ko te whakatupu me te whakatōpū hoki i tō rātou āheinga ki te whakahaere i ngā whakaritenga o te kōhanga reo kia whai hua ai.

2 Ngā Whakaaturanga o te Aromātai

He pēhea rawa ngā tamariki e whakapuaki i te whanaungatanga ki tō rātou kōhanga reo?

E whakaatu ana ngā tamariki i te harikoa me te mauritau ki tō rātou kōhanga reo.

Ngā Taumata Whakahirahira

He pārekareka ki ngā tamariki te tākaro me te ako me ā rātou rauemi hou. He nui te pūtea nō nā tata tonu nei te whānau i whakapau ai, hei hoko i ngā rauemi whai kounga mā ā rātou tamariki. E noho wātea ana ngā rauemi ki ngā tamariki. E āhei ana rātou ki te tīpako i ā rātou ake taonga tākaro me ā rātou ake kēmu. He hihiri, he pāhekoheko hoki te āhua o ngā rauemi reo matatini me ngā rauemi pāngarau ki ngā tamariki. He pārekareka ki ngā tamariki tuākana te pānui takitahi me te pānui anō hoki ki te taha o ētahi atu. Kei te whanake haere ngā ngākau titikaha o ngā tamariki hei ākonga.

E ngākau nui ana ngā tamariki ki ō rātou tino hononga ki ō rātou hoa me ngā pakeke. Ka manaaki, ka aroha hoki te whānau i ngā tamariki. Ka ārahi ngā tuākana i ngā karakia, ngā waiata, me ngā mihi. E mōhio ana ngā tamariki ki ngā mahinga. Ka aro atu ngā kaimahi ki ngā matea o ngā tamariki, ā, ka āta whai wāhi atu ki te mahi ki te taha o ngā tamariki. He tino ratarata ngā tuākana, ā, ka ata mānawatia e rātou ngā manuhiri, ka kōrero anō hoki ki a rātou. Kei te harikoa, kei te mauritau hoki ngā tamariki ki tō rātou taiao.

Te Whakamahere me te Aromātai

He māmā, he mārama hoki ngā mahere. Kei te whakaraupapa tētahi mahere ā-tau i te kaupapa whānui. Ka āta hāngai atu ngā mahere ā-wāhanga, ā-wiki hoki ki te mahere ā-tau. Ka tāutuhia tētahi whāinga matua mā ngā tamariki katoa. Ka tāutu ngā kaimahi i te whānuitanga o ngā tūmomo taumahi ako, wheako ako hoki. He pārekareka ki ngā tamariki ā rātou taumahi.

Tū ai ngā hui kaimahi, hui ā-whānau hoki i ia te wā. Ka whai wāhi nui atu rātou ki ngā whakawhitinga kōrero tōtika, kōrero pakari hoki. Kua rite katoa ngā rēhita e pā ana ki te hauora me te haumaru. I te mutunga o te tau 2017, i tutuki i te whānau ā rātou mahi whakahaere, me he pūtea tuwhene tā rātou. I riro i te whānau te pūtea SELO, ā, i hāpai tēnei i a rātou ki te mahi ki te taha o tētahi atu kōhanga reo, me te whakapai ake i ā rātou whakaritenga. He pai ki a rātou te tautoko me ngā ārahitanga i riro ai i a rātou.

Ngā Whakaritenga Matua ka Whai Ake

E whanake ana ngā mahi aromatawai. Ahakoa kei ia pūkete ngā tauira mahi, ngā whakaahua, me ngā paki ako a te tamaiti, kāhore i te riterite te āhua o te aromatawai. Kua tautokona ngā kaimahi hei whakapai ake i ā rātou tukanga aromatawai. Kāhore i te riterite ngā mahi hei aroturuki i te ako a ngā tamariki.

Kei te whakawhanake ngā kaimahi i tō rātou māramatanga ki te aromātai hōtaka. Ka whai wā rātou i ia hui kaimahi ki te whakawhiti kōrero mō ō rātou whakaaro huritao e pā ana ki te ahu whakamua a ngā tamariki me ngā whakaritenga ka whai ake. Kei te tākare ngā kaimahi ki te whakarerekē haere i ngā whakaritenga mā ngā tamariki. E tīmata ana ngā kaimahi ki te aroturuki i ngā whakarerekētanga, hei whakapai ake i ā rātou mahi whakaako.

Kei te tīmatanga tonu te āhua o ngā mahi whakahaere a te whānau. He hou te kaiwhakahaere, te heamana, te kaitiaki pūtea, me te kaiako ki ō rātou tūranga. E mōhio ana te kaiwhakahaere, kei te ako tonu ia i ngā āhuatanga tini ki te whakahaere i te tari. Ko te hāpai i ngā whānau e whai kawenga ana tētahi aronga matua hei whakapakari ake i te āheinga me ngā pūmanawa o te whānau.

Kāhore te arotake whaiaro e tino māramahia ana. Me whakarite te whānau i tētahi tukanga mō te arotake whaiaro, hei āta whakarite i te whakatutukitanga o ngā herenga matua e pā ana ki ngā mahi whakahaere me ngā mahi kāwana. Kāhore he tukanga e tohu ana i ngā whakatutukitanga me ngā whakapaitanga mā te whānau.

Kua tāutuhia e te whānau ā rātou whāinga mō meāke nei. Kāhore anō kia oti i a rātou tētahi mahere rautaki e whakaraupapa ana i tā rātou aronga mō meāke nei. Ko ngā whāinga rautaki a te whānau he mea kano kē mō te rohe. Kua tae ki te wā kia whakatakotohia e te whānau ā rātou ake whāinga ki te mahere rautaki a te kōhanga reo.

I tēnei wā kāhore he mahere ā-tau hei ārahi i ngā mahi ki te whakahaere i te tari. E whai pānga ana taua tūāhuatanga ki te aronga kore ki te whakatutuki i aua mahi. He iti noa te māramatanga o te whānau ki ngā mahi matua, ki a rātou e kawe ake ai i aua mahi, ā, hei āhea hoki aua mahi e whakatutukihia ai.

Ko ngā take me ngā tuhinga e pā ana ki ngā kaimahi tētahi āhuatanga hei tirohanga ake. I tēnei wā, kāhore i ngā kaimahi ngā tuhinga tūranga mahi. E arotakengia ana ngā kirimana a ngā kaimahi. Kāhore anō te whānau kia whakahaere i ngā mahi arohaehae. Ahakoa kua uru atu ngā kaimahi ki ngā kaupapa whakangungu a te Poari Matua o Ngā Kōhanga Reo, kāhore rātou e āta tautokona ana i te kōhanga reo, ki te tātari i ngā huarahi ka whakapai ake i ā rātou whakaritenga mā ngā tamariki.

Kāhore anō ngā kaimahi me te whānau kia whakangungutia ngā herenga ā-ture e pā ana ki Te Ture Oranga Tamariki. Ahakoa he kaupapa here, he tukanga anō hoki ā rātou e whai pānga ana ki taua ture, kāhore ngā kaimahi me te whānau e noho mōhio ana ki te kiko o ngā kōrero i te kaupapa here. Kāhore anō kia oti ngā mahi kia arowhaingia e ngā pirihimana ngā kaimahi me rātou o te whānau e mahi ana ki te taha o ngā tamariki.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I te wā o te arotake, i tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Me tahuri te whānau ki te:

• whakarite i tētahi mahere ā-tau e ārahi ai i ngā whakahaeretanga o te kōhanga reo
  [R47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakarite i te whakatinanatanga o ngā mahi whakahaere katoa e pā ana ki ngā pūmanawa tangata
  [R47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakarite kia arowhaingia e ngā pirihimana rātou katoa e mahi ana ki te taha o ngā tamariki
  [s319D Ture Mātauranga 1989]
• whakarite i te whakapūmautanga o ngā kawenga katoa a te kaituku mahi pai, tae atu ki te whakatinanatanga o tētahi tino pūnaha arohaehae e hāpai ai i te tupu ngaio tonu o ngā kaimahi hei painga mā ngā tamariki.
  [R47 Ture Mātauranga (Kōhungahunga) 2008; GMA5-7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakawhanakehia ngā pūkenga me ngā māramatanga ka āta whakahaere i ngā whakaritenga o te kōhanga reo kia whai hua ai
• whakatakotohia tētahi tukanga arotake whaiaro hei āta whakatau i te whakatutukitanga o ngā herenga katoa e pā ana ki ngā whakaritenga me ngā mahi whakahaere
• whakawhanakehia, kia whakatinanahia hoki tētahi mahere ā-tau e ārahi ai i ngā mahi ki te whakahaere i te tari
• whakatakoto i te aronga me ngā whāinga a te whānau ki te mahere rautaki
• whakaoti i ngā tuhinga katoa e whai pānga ana ki ngā kaimahi
• whakatinanahia te tukanga arohaehae, hei hāpai i te whakawhanake tonutanga o ngā kaimahi
• hāpai i ngā kaimahi ki te whakapakari ake i te aromatawai me te aromātai.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Tika Tonu i roto i te kotahi tau.

Charles Rolleston Toka ā-nuku

13 Hakihea, 2018

Ngā kōrero e pā ana ki te kōhanga reo

1 Context

Te Kōhanga Reo o Tika Tonu is situated next to Matahiwi marae in Hastings. They have been operating since 2015. This is the first education review of this kōhanga reo. There have been significant challenges for the committee and whānau to overcome in its first three years of operation. The priority for the whānau is to grow and consolidate their capability to efficiently manage the operations of the kōhanga reo.

2 The Evaluation Findings

How well do children show whanaungatanga in their kōhanga reo?

Children show they are happy and settled in their kōhanga reo.

Ngā Taumata Whakahirahira

Children enjoy playing and learning with their new resources. Whānau have recently spent a considerable amount of money on quality resources for their children. Resources are accessible to children. They are able to choose their own toys and games. Literacy and numeracy resources are interesting and engaging for children. Older children enjoy reading by themselves and with others. Children are developing confidence as learners.

Children enjoy positive relationships with their peers and adults. Whānau are caring and loving with children. Tuākana lead karakia, waiata and mihi. Children know the routines. Kaimahi are responsive to children’s needs and work closely with children. Tuākana are very friendly and warmly greet and talk with manuhiri. Children are happy and content in their environment.

Planning and Evaluation

Planning is simple and clear. A year plan outlines the overall kaupapa. Term and weekly plans align well with the year plan. A collective goal is identified for all children. Kaimahi identify a range of learning activities and experiences. Children enjoy their activities.

Whānau have regular staff and whānau hui. They engage in honest and robust discussions. All health and safety registers are in place. Whānau managed to maintain operations with a financial surplus at the end of 2017. Kōhanga reo pānui are informative and filled with photos of their children. Whānau have received SELO funding that enabled them to work alongside another kōhanga reo and improve their practice. They are positive about the support and guidance they have received.

Key Next Steps

Assessment practices are developing. While individual files contain samples of children’s work, photos and learning stories, there is no consistency in assessment. Kaimahi have received support to improve their assessment processes. Children’s learning is not consistently monitored.

Kaimahi are developing their understanding of programme evaluation. They make time at staff hui to discuss their reflections about children’s progress and next steps. Kaimahi are enthusiastic about making changes for children. Kaimahi are beginning to monitor changes to improve their teaching practices.

Whānau management is at the early stages. The kaiwhakahaere, chairperson, treasurer and kaiako are new to their roles. The kaiwhakahaere acknowledges that she is still learning many aspects of the administration role. Support for whānau with responsibilities is a priority to build whānau capacity and capability.

Self review is not well understood. Whānau need to establish a process for self-review to ensure key management and governance obligations are met. There is no process to acknowledge successes and improvements for whānau.

Whānau have acknowledged their goals for the future. Currently they have not completed a strategic plan that outlines their future direction. The strategic goals of the whānau are generic to the region. It is now timely for the whānau to include their own goals in the strategic plan for the kōhanga reo.

There is presently no annual plan to guide administration tasks. This contributes to the lack of attention given to completing these tasks. Whānau have limited understanding of what key tasks are, who is responsible for the tasks, and when each task will be addressed.

Personal matters and documentation need attention. Kaimahi currently have no job descriptions. Contracts for kaimahi are being reviewed. Whānau have yet to conduct appraisals. Although kaimahi are enrolled on Te Kōhanga Reo National Trust courses, they are not well supported within the kōhanga reo to examine how to improve their practice for children.

Kaimahi and whānau have had no training in the requirements of the Vulnerable Children’s Act. While they have a policy and procedures in place that reflect the Act, kaimahi and whānau are not familiar with the contents of the policy. Police vetting of kaimahi and whānau working with children is yet to be completed.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

• ensure there is an annual plan to guide kōhanga reo operation
  [R47 Education (Early Childhood Services) Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]
• ensure that all human resources management practices are implemented
  [R47 Education (Early Childhood Services) Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]
• ensure all those working with children at kōhanga reo are police vetted
  [S319D Education Act 1989]
• ensure all good employer responsibilities are upheld, including implementing a robust appraisal system to support employees continued professional growth for children.
  [R47 Education (Early Childhood Services) Regulations 2008; GMA5-7 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendations

ERO and the Kōhanga Reo whānau developed the following recommendations:

• develop skills and understanding to effectively manage kōhanga reo operations
• establish a process for self-review to ensure the all operational and managerial requirements are being address
• develop and implement an annual plan to guide administration duties
• include whānau direction and goals in the strategic plan
• complete all personnel documents for kaimahi
• implement the appraisal process to support the ongoing development of kaimahi
• support kaimahi to strengthen assessment and evaluation.

When is ERO likely to evaluate the kōhanga reo again?

The next ERO evaluation of Te Kōhanga Reo o Tika Tonu will be within one year.

Charles Rolleston Toka ā-nuku

13 December 2018

Information about the Kōhanga Reo