Te Kōhanga Reo Ki Puhinui

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.

2 Te Horopaki

“Kāinga tahi, kāinga rua.”

E tū ana Te Kōhanga Reo ki Puhinui ki Tāmaki-makau-rau ki te tonga. E tū ana ki te taha o Te Tari ā-Rohe o Tāmaki, ā, nō te Hui-tanguru o te tau 2019 i whakatuwheratia ai. I taua wā, 14 ngā mokopuna ki te rārangi ingoa, ā, tokorima ngā kaimahi. Koia nei tā rātou Arotake Mātauranga tuatahi. E ū ana te whānau ki te whakarato i tētahi wāhi e hāpai ai i te tūmāia o ngā mokopuna i roto i ngā horopaki o tō rātou ao Māori.

3 Te Aronga o te Aromātai

He pēhea rawa te whakapuaki mai o ngā mokopuna i tō rātou māramatanga ki te whanaungatanga?

Ka kitea te māramatanga o ngā mokopuna ki te whanaungatanga, mā roto mai i te papai o ā rātou taunekeneke ki ngā pakeke me ō rātou hoa.

4 Ngā Whakaaturanga

E poipoia ana ngā mokopuna ki tētahi taiao ako e tautoko ana i a rātou. Kei te ngāwari, kei te manaaki, kei te whakatauira hoki ngā kaimahi i ngā hononga papai e hāpai ana i ngā taunekeneke whakaongaonga. Ka akiaki rātou i ngā mokopuna ki te ārahi i ngā wāhanga ōkawa, pērā i ngā karakia, ngā waiata, me ngā mihimihi. Ko ngā taumahi pērā i ngā rotarota, ngā kēmu ā-ringa, me te tangongitanga o ngā tūmomo waiata, ka tuituia ki te hōtaka akoranga hei hāpai i te whakawhanaketanga reo o ngā mokopuna. Ka whāngai kupu ngā kaimahi, ka whakamahi hoki i te reo rotarota, hei hāpai i ngā mokopuna ki te taki i ō rātou pepeha. He ngākau titikaha ō ngā tuākana ki te whakamahi i tēnā e mōhiotia ana e rātou. Ka whakapuaki ngā tēina me ngā pēpi i tō rātou māramatanga, mā ngā tohu ā-ringa, mā te āhua o ō rātou kanohi, mā ngā oro, ā, mā te kori hoki o te tinana. I ngā wā katoa ka whakamihi ngā kaimahi i ngā mokopuna mō ā rātou whakatutukitanga me ā rātou mahi angitu. He hihiri ngā wāhi ako o roto, he pai te riterite me ngā rauemi, ā, ka hāpai i ngā mokopuna ki te taunekeneke ki waenga i a rātou anō i roto i te whānuitanga o ngā tūmomo taumahi. Kua āta whakaritea, kua taunga hoki ngā mahinga o ia rā. Kei te harikoa, kei te mauritau hoki ngā mokopuna, ā, ka manaaki tētahi i tētahi.

Ka noho matua te whanaungatanga ki ngā whakaritenga a ngā kaimahi me ngā whānau. Ko ngā taumahi i whakamaheretia ai, ka hāngai ki te ako ā-rōpū me te whakatairanga ake i ngā taunekeneke papai ki waenga i ngā mokopuna. Ka tautuhi te mahere ako i te aronga o te hōtaka, me te āhua o te whakatinanatanga o ngā kaupapa me ngā taumahi. Kei ngā kaimahi ngā rautaki me ngā rauemi e tika ana ki te tautoko me te ārahi i te whakatinanatanga o ngā akoranga. Ka whiriwhirihia ngā taumahi ako hei whakaongaonga, hei wero, hei whakawhānui ake hoki i te ako a ngā mokopuna. Ka kapo atu ngā kaimahi i ngā akoranga me te ahu whakamua a ngā mokopuna ki ngā pūkete me Te Aho Poutama. Kei aua tūmomo aromatawai ngā mōhiohio papai e pā ana ki ngā huarahi ako o ia mokopuna. Whakamārama ai ngā kaimahi i ia te wā, i ngā akoranga a ngā mokopuna me ō rātou whanaketanga ki ngā whānau. He pai te whakamōhio i ngā whānau ki tēnā e mahia ana, e ākona ana hoki e ngā mokopuna.

E pou here ana ngā uara o te manaakitanga i te āhua o ngā mahi whakahaere a te whānau ki tō rātou kōhanga reo. He pai te taetae atu ki ngā hui ā-whānau, ā, he matawhānui ngā mōhiohio e whakaputaina ana. E hāngai ana ngā tukanga me ngā huarahi whai hua ki te ahurea o te kōhanga reo. Ka āta aroturukitia, ka pūrongohia hoki aua tūāhuatanga ki te whānau. Kua whakatakotohia ngā whakaritenga papai mō te whakahaere pūtea. Arotake ai te whānau i ia te wā, i ngā kaupapa here me ngā tukanga kia noho mātua rā te aronga ki te hauora, te haumaru, me te waiora o ngā mokopuna. He matawhānui ngā mahere rautaki, ā, ko te tirohanga me ngā wawata o te whānau mō ngā mokopuna kei roto hoki i taua rautaki. Ko ngā kaupapa matua o te pae tawhiti me te pae tata e āta whakapūmau ana i te rōnakitanga o ngā whakahaeretanga ki te kōhanga reo. Ka ārahi te mahere ā-tau i ngā mahi i te tari me ngā haepapa e kawe ngātahitia ana. He pai te whakahaeretanga o ngā take kaimahi. Kei ngā tuhinga whiwhi mahi, ko ngā tuhinga tūranga mahi, ngā arowhai kaimahi i whakatutukihia ai, me ngā kirimana whiwhi mahi. Kua whakatutukihia ngā arohaehae kaimahi, ā, he aronga ki te whakapakari ake i ngā pūkenga o ngā kaimahi, me te āheinga ki te tū hei kaiārahi whai hua ā meāke nei. Kei te tūtohinga te hītori o te kōhanga reo, ā, e whakatakoto ana i te ārahitanga me te aronga mā te whānau. Ko ngā mokopuna kei te pūtake o ngā mahi whakahaere ngātahi a te whānau.

Ngā Whakaritenga Matua ka whai ake 

Me whakapakari ake i te aromātai hōtaka. Kua tīmatahia e ngā kaimahi te aroturuki i te whai huatanga o te hōtaka akoranga. Ka whai painga ngā mokopuna nā ngā aronga i āta whakahāngaitia ai.

5 Te Whakatau a te Whānau o te Kōhanga Reo ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia whakapakari tonuhia e te whānau ngā whakaritenga e pā ana ki te aromātai hōtaka.

Darcy Te Hau
Toka ā Nuku
Te Uepū-a-Motu – Māori Services
28 Pipiri, 2023

7 Ngā kōrero e pā ana ki te Kōhanga

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.

2 Context

“Kainga tahi, kainga rua”

Te Kōhanga Reo ki Puhinui is located in South Auckland. It is situated adjacent to Te Tari ā Rohe o Tamaki and officially opened in February 2019 with a roll of 14 mokopuna and five kaimahi. This is their first Education Review. Whānau are committed to providing an environment for mokopuna to be confident within their te ao Māori settings. 

3 Evaluation Focus

How well do mokopuna express their understanding of whanaungatanga?

Mokopuna show their understanding of whanaungatanga through their positive interactions with adults and their peers.

4 Findings

Mokopuna are nurtured in a supportive learning environment. Kaimahi are gentle, caring and model positive relationships that lead to stimulating interactions. They encourage mokopuna to lead formal activities such as karakia, waiata and mihimihi. Activities such as rotarota, hand games and a variety of waiata are integrated into the learning programme to support mokopuna language development. Kaimahi use prompts and sign language to support mokopuna to recite their pepehā. Tuakana are confident to use what they know. Teina and pēpi express their understanding through hand actions, facial expressions, sounds and body movements. Kaimahi constantly praise mokopuna for their achievements and successes. The indoor learning spaces are vibrant, organised, resourced and allow mokopuna to interact with each other in a range of activities. Daily routines are well established and predictable. Mokopuna are happy, settled and caring towards others.

Whanaungatanga is integral to kaimahi and whānau practices. Planned activities are focused on group learning and promoting positive interactions among mokopuna. The mahere ako identifies the focus for the programme and how content and activities are to be implemented. Kaimahi have appropriate strategies, and resources to support and guide implementation. Learning activities are selected to stimulate, challenge, and extend mokopuna learning. Kaimahi capture mokopuna learning and progress in profile books and Te Aho Poutama. These assessment methods contain good information about individual mokopuna learning journeys. Kaimahi regularly share with whānau mokopuna learning and development.  Whānau are well informed of what mokopuna are doing and learning. 

Shared values of manaakitanga underpins how whānau manage their kōhanga reo operations. Whānau hui are well attended and information is detailed and shared. Effective processes and procedures reflect the culture of the kōhanga reo. These are well monitored and reported to whānau. Good financial management practices are in place. The whānau regularly review policies and procedures to ensure mokopuna health, safety and wellbeing is prioritised. Strategic planning is comprehensive and includes the vision and aspirations whānau hold for mokopuna. Long and short term priorities ensure future sustainability of kōhanga reo operations. An annual plan guides administrative duties and shared responsibilities. Personnel matters are well managed. Employment documentation includes position descriptions, completed kaimahi safety checks and employment contracts. Kaimahi appraisals are complete with a focus on building kaimahi skill and capability to become effective, future leaders. The Tūtohinga includes the history of the kōhanga reo and provides clear guidance and direction for the whānau.  Mokopuna are at the centre of collective whānau whakahaere.

Key Next Steps

Programme evaluation requires strengthening. Kaimahi are in the early stages of monitoring the effectiveness of the learning programme. Mokopuna benefit from focussed approaches. 

5 Kōhanga Whānau Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

6 Recommendation

ERO and the Kōhanga reo whānau developed the following recommendation that whānau continue to strengthen programme evaluation practices. 

Darcy Te Hau
Toka-ā-Nuku – Director
Te Uepū ā-Motu – Māori Review Services

28 June 2023

7 Information about the Kōhanga Reo