14 Beach Road, Waimamaku
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū me ngā iwi.
E tū ana Te Kōhanga Reo o Waimamaku ki te taha o te marae o Whakamaharatanga, ki Waimamaku. I whakatuwhera anō te kōhanga reo i te Mahuru o te tau 2020, ā, i mua i tēnā, kua koni atu i te tekau tau te kōhanga reo i te hīkina. Kua mahi ngātahi te whānau whakahaere ki te whakarato i tētahi kōhanga reo mō te hapori. Mai i te whakatuwheratanga, kua arotahi te rōpū kaimahi hou ki te whakawhanake i te marautanga.
He pēhea rawa te tautoko i ngā mokopuna, kia māramahia, kia rangona, kia whakapuakihia e rātou te whanaungatanga?
He maha ngā whai wāhitanga mō ngā mokopuna ki te ako me te rongo i te whanaungatanga, mā te marautanga me te taiao ako i āta whakamaheretia ai.
Ka whakamahere ngā kaimahi i tētahi marautanga e whakatairanga ana i te whai wāhi mai o te whakawhanaungatanga, hei āhuatanga matua o ngā wheako a ngā mokopuna i ia rā. Ka whai atu te marautanga i Ngā Wāhanga o te Tau me te maramataka, ā, he akoranga anō hoki e pā ana ki ngā atua Māori. E tohu ana i te aronga poipoi i whakamaheretia ai hei hāpai i te whakawhanaketanga torowhānui o ngā mokopuna. Kei roto i ngā mahere, ko te reo me ngā tikanga Māori, ko ngā mahinga o ia rā, me ngā taumahi e poipoi ana i ngā tūmomo rōpū reanga o ngā mokopuna. Ka whai wāhi ki ngā wheako, ko ngā kupu hou, ko te tākaro kēmu, ko ngā waiata, me ngā rauemi, kia whai aro nui ai ngā mokopuna ki ngā akoranga. Ka toro atu te whanaungatanga ki tua atu i ngā kēti o te kōhanga reo. He whai wāhitanga mō ngā mokopuna ki te uru atu ki te hōhonutanga o ngā wheako ako i te marae, ki te taha o ngā kaumātua me ngā kuia. Ka poipoi ngā mahere i ngā hononga papai e arotahi ana ki te tākaro me te ako a ngā mokopuna ki te taha o ō rātou hoa.
Ko te waiora o ngā mokopuna, ko tā rātou ako hoki te aronga o ngā hui kaimahi. Ka whakaaro huritao ngā kaimahi, ā, ka hui tahi i ia te wā ki te whakawhiti kōrero mō tēnā e whai hua ana, me ngā tūāhuatanga anō hoki o te taiao me ngā mahere hei whakapai ake. Ka whakaaro nui ngā kaimahi ki ō rātou tūmanako mō te āhua o ngā taunekeneke a ngā pakeke, kia poipoia, kia whakahōnoretia hoki te mana mokopuna.
Kua waihanga te whānau i tētahi taiao ako papai e whakamana ana, e hāpai ana hoki i te whanaungatanga. Ka āta kitea te whai wāhi atu a ngā whānau ki te kōhanga reo, me tō rātou ngākau nuitanga ki te whakatairanga i te waiora torowhānui me te whakawhanaketanga o ngā mokopuna. E hāngai ana ngā mahere rautaki ki ngā putanga i wawatatia ai ki Te Korowai, me te aronga o tēnā ki te whanaungatanga me ngā wawata o te whānau. E ārahi ana te mahere ā-tau me te mahere mahi i te whakatutukitanga a te whānau i ā rātou herenga ā-ture, ā, ka whakatairanga hoki i te noho haumaru – ā-tinana, ā-whatumanawa hoki – o te taiao ako. Ka whai wāhi aua tūāhuatanga ki te rere pai o ngā whakahaeretanga o ia rā ki te kōhanga reo. Whakapuakihia ai ki ngā hui o ia te wā, ko ngā mōhiohio e pā ana ki ngā whakahaeretanga. E kawea ana te arotake whaiaro o ngā kaupapa here me ngā tukanga. Ko te kaha o te whakawhitiwhiti kōrero me te pūrongo, e hāpai ana, e whakamana ana hoki i te whai wāhi mai a te whānau.
E hāpaitia ana te tupu ngaio o ngā kaimahi mā ngā whai wāhitanga ki te whakangungu, mā te tukanga arohaehae hoki. I te tau 2021, i arotahi ngā kaimahi ki te whakapakari haere i tō rātou mōhiotanga ki Ngā Kaupapa Whakahaere o Te Whāriki, ki ngā mātāpono o te kōhanga reo, me ngā huarahi ka whāia e ngā kaimahi i roto i ā rātou mahi ki te taha o ngā mokopuna. Ko te waiora o ngā mokopuna, ko tā rātou ako hoki, kei te pūtake o ngā whakawhanaketanga ngaio o ngā kaimahi.
E whakatau tahi ana ngā whānau, e tika ana kia whakatōpū haere ngā kaimahi i ngā whakaritenga aromatawai me ngā mahi e aromātai ana i te whakatinanatanga o ngā mātāpono o te kōhanga reo ki roto i ngā whakaritenga, hei āhuatanga tonu o tā rātou aronga whakatairanga o te tau 2023. He mea nui kia mātātoa te rapu tautoko a te whānau mō te whakatupu tonu o ngā kaimahi i ō rātou mōhiotanga me ō rātou pūkenga i roto i aua wāhanga matua.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
E taunaki ana Te Tari Arotake Mātauranga kia whakawhanake tonu, kia whakamahi tonu te whānau whakahaere me ngā kaimahi i te aromātai o roto e whai hua ana, hei whakatairanga tonu i ngā putanga ki ngā mokopuna me ō rātou whānau.
Darcy Te Hau
Toka ā Nuku
Te Uepū-a-Motu – Māori Services
13 Whiringa ā-nuku, 2023
|
Te tūwāhi |
Kei Waimamaku |
|
Te tau a te Tāhuhu o te Mātauranga |
47913 |
|
Te tau tohu o Te Kōhanga Reo |
01E047 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
25, kia tokoono ki raro i te rua o ngā tau |
|
Te tokomaha kei runga i te rārangi ingoa |
25, tokoono kei raro i te rua o ngā tau |
|
Ngā hononga ā-iwi |
Māori 21, Pākehā 4 |
|
Te wā arotake i mua i te taenga atu ki te kōhanga reo |
Hōngongoi 2023 |
|
Te wā o tēnei pūrongo |
13 Whiringa-ā-nuku 2023 |
|
Ngā pūrongo o mua a |
Koia nei te Arotake Mātauranga tuatahi, whai muri i te whakatuwheratanga anō i te Mahuru o te tau 202 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.
Te Kōhanga Reo o Waimamaku is located next to Te Marae o Whakamaharatanga in Waimamaku. The kōhanga reo reopened in September 2020 after over ten years in recess. Whānau whakahaere have worked collaboratively to provide a sustainable kōhanga reo for the community. Since opening, the new kaimahi team have focused on developing the curriculum.
Mokopuna have many opportunities to learn about and experience whanaungatanga through a
well-planned curriculum and learning environment.
Kaimahi plan a curriculum that promotes the inclusion of whanaungatanga practices and experiences as an integral part of mokopuna daily experience. The curriculum follows Ngā Wahanga o te Tau, the maramatanga and includes learning about ngā Atua Māori. This demonstrates a nurturing and planned approach to catering for the holistic development of the mokopuna. Planning includes te reo and tikanga Māori, daily routines, and activities that cater for the different age groups of mokopuna. Experiences include kupu hou, playing kēmu, waiata and rauemi to engage mokopuna in learning. Whanaungatanga extends beyond the kōhanga reo gates. Mokopuna have opportunities to engage in rich learning experiences at the marae alongside kaumatua and kuia. Planning fosters positive relationships that focus on mokopuna playing and learning alongside one and other.
Mokopuna wellbeing and learning is the focus of kaimahi hui. Kaimahi are reflective practitioners who come together regularly to discuss what is working well and where improvements might be made to the environment and planning. Kaimahi are considered in the way they expect adult interactions will nurture and honour mana mokopuna.
Whānau create a positive learning environment where whanaungatanga is valued and encouraged. Whānau participation in the kōhanga reo is highly evident. As is their commitment to promoting the holistic wellbeing and development of mokopuna. Strategic planning aligns to the desired outcomes of Te Korowai which focus on whanaungatanga and whānau aspirations. The annual plan and action plans guide whānau to meet their legislative requirements, and to promote a safe physical and emotional learning environment. This contributes to the smooth day-to-day operation of the kōhanga reo. Information about operations is shared through regular hui. Self-review of policies and procedures is underway. Open communication and reporting support and empower whānau engagement.
Kaimahi professional growth is supported through training opportunities and the appraisal process. During 2021 kaimahi focused on building their knowledge of Ngā Kaupapa Whakahaere o Te Whāriki, the kōhanga reo mātāpono and how kaimahi would work with mokopuna. Mokopuna wellbeing and learning are at the centre of kaimahi professional development.
Whānau agree that kaimahi must work on consolidating assessment practices and evaluating how well the kōhanga reo mātāpono are reflected in practice as their improvement focus for 2023. It is important that whānau actively seek support for kaimahi to grow their knowledge and skills in these key areas.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
ERO recommends that whānau whakahaere and kaimahi should continue to develop and use effective internal evaluation to further improve outcomes for mokopuna and their whānau.
Darcy Te Hau
Toka-ā-Nuku – Director
Te Uepū ā-Motu – Māori Review Services
13 October 2023
|
Location |
Waimamaku |
|
Ministry of Education profile number |
47913 |
|
Kōhanga Reo Identification Number |
01E047 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
25 children, including up to 6 aged under 2 |
|
Kōhanga Reo roll |
25 children, including 6 aged under 2 |
|
Ethnic composition |
Māori 21, NZ European/Pākehā 4 |
|
Review team pre on site |
July 2023 |
|
Date of this report |
13 October 2023 |
|
Most recent ERO report |
First Education Review Report since re-opening in September 2020 |