Te Kōhanga Reo o Ngā Mōrehu o Uenuku

1 Te Horopaki

E tū ana Te Kōhanga Reo o Ngā Mōrehu o Uenuku ki Raetihi. Nō nā tata tonu nei te whānau o te kōhanga reo i whakatū ai i tētahi kaiako hou me tētahi kaiwhakahaere tari hou. Ko ngā kaumātua i whai wāhi atu ai ki te whakatūnga o te kōhanga reo i tōna wā, kei te tautoko tonu i te whānau ki te whakatutuki i ā rātou whāinga me ō rātou wawata mō te kōhanga reo. Ko tētahi o aua whāinga, ko te whakapakari ake i te āheinga me te tūmāia o ngā tamariki, o ngā kaimahi, o te whānau ki te kōrero i te reo Māori, puta noa i te rā.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou harikoa?

Ka kitea ki ngā tamariki tō rātou harikoa, i a rātou e taunekeneke ana ki ētahi atu.

Ngā Taumata Whakahirahira

E ako ana ngā tamariki ki te whakawhiti kōrero mā te reo Māori. E hāpai ana ngā kaumātua me ētahi atu tāngata e matatau ana ki te reo Māori, i ngā mahi e whakapiki ake ana i te whakamahinga o te reo Māori ki te kōhanga reo. Ka ako ngā tamariki i ngā karakia, i ngā hīmene, i ngā whakataukī, i ngā pepeha, i ngā whakapapa. Ka whakamahi ngā kaimahi i ngā waiata ki te whakaako i ngā ariā matua, pērā i ngā nama, i ngā tae, i ngā tūāhua, i ngā wāhanga o te tinana, i ngā rā o te wiki, i ngā marama o te tau. Ka whakamahi hoki rātou i te patapatai, i te whāngai kupu, i ngā tohu ā-ringa hei akiaki i ngā tamariki ki te kōrerorero me te whakautu. Ka whai wāhi atu ngā pēpi ki te hōtaka o te ata, ā, he oro, he tohu ā-kanohi hoki ka puta i a rātou, hei whakawhitinga whakaaro. Kei te puāwai te pitomata o ngā tamariki ki te ako i te reo Māori.

He pai te taunekeneke a ngā tamariki ki ētahi atu. Ka whakarato te whānau i tētahi taiao e whakatairanga ake ana i ngā uara ā-ahurea me ngā whakapono e whai pānga nui ana ki a rātou. Ka mahi ngātahi rātou hei painga mō ngā tamariki, ā, ka whakatauira nuitia te aroha, i te manaaki, i te rangimārie. Kei te manawanui, kei te tautoko hoki ngā tamariki i a rātou anō. He pai te taunekeneke me te whakaute o ngā tamariki ki ngā kaumātua me te whānau, ā, ki waenga hoki i a rātou anō. Ka whakanui ngā kaimahi i ngā whakamātau a ngā tamariki, me ā rātou whakapuakitanga, tā rātou whai wāhi mai hoki ki ngā kaupapa. Ka toro atu ngā pēpi kia whakamanawatia rātou e ngā kaimahi, ā, ka aro wawe atu ngā kaimahi ki a rātou. Ka tautāwhitia ngā tamariki ki te whanaungatanga.

Kei te mauritau, kei te tūmāia hoki ngā tamariki ki tō rātou kōhanga reo. Kua waia ngā tamariki ki te taiao o roto. Ka kitea ki ngā tamariki me ngā pēpi tō rātou tūmāia ki te tūhura me te neke haere, puta noa i te kōhanga reo. Ka akiaki ngā kaimahi i a rātou ki te whakamahi i ngā rauemi. Ka hāpaitia te kawe atu a ngā tamariki i ngā tūnga ārahi, hei āhuatanga tonu o ngā whakaritenga ki te kōhanga reo. Ka whakarato anō hoki ngā kaimahi i ngā whai wāhitanga mō ngā tamariki ki te rongo me te kite i ngā nekehanga ki te marae. E mōhio ana ngā tamariki ki tō rātou tū hei tangata whenua.

Ngā Whakaritenga Matua ka Whai Ake

I tāutuhia ki te pūrongo o mua a Te Tari Arotake Mātauranga i te tau 2016, ehara te reo Māori i te reo matua o ngā whakawhitinga kōrero ki te kōhanga reo. Kua whai wāhi ake te reo Māori ki te kōhanga reo i nāianei, engari kāhore ngā tamariki me ngā kaimahi e ū ana ki te reo Māori i ngā wā katoa. Ka kōrero ngā kaimahi i te reo Māori me te reo Pākehā i a rātou e taunekeneke ana ki ngā tamariki. Ahakoa e rangona ana te reo Māori ki te kōhanga reo, ka aro kē atu ngā tamariki ki te kōrero i te reo Pākehā.

Kāhore ngā tamariki e āta werohia ana, e āta whakamātauhia ana rānei ki tēnā i whakamaheretia ai, ā, he kaha rawa tā rātou āmio haere me te tahuri atu i ngā kaupapa. Me whai whakaaro ngā kaimahi ki te āhua o tā rātou whakamahere i te hōtaka akoranga kia whai hua ake ai, ā, me panoni haere anō hoki i ngā mahinga hei whakatutuki ake i ngā matea o ngā tamariki.

Te Whakamahere me te Aromātai

Kei ngā mahere hōtaka te tirohanga ā-tau me ngā mahere ā-wāhanga, ā-wiki hoki hei ārahi i te hōtaka o ia ata. Ka aroturuki, ka tuhi haere hoki ngā kaimahi i te ahu whakamua a ngā tamariki. Ka whakaemihia, ka whakaputua hoki ngā mōhiohio aromatawai ki te pūkete a ia tamaiti, ā, ka whakaatuhia aua pūkete ki ia whānau.

Hui ai te whānau ki te whakawhiti kōrero mō ngā whakahaeretanga o te kōhanga reo o ia rā. He pakari tā rātou whakatutuki haere i ētahi āhuatanga o te kōhanga reo, tae atu ki ā rātou tukanga ā-ipurangi e pā ana ki ngā whakaritenga i te tari, me te whakahaeretanga o te pūtea. Kua whakatakotohia te nuinga o ngā tukanga e pā ana ki te hauora me te haumaru o te tinana me te whatumanawa. Ka whakarato ngā kaimahi o te Poari Matua o Ngā Kōhanga Reo i ngā whakangungu, me te ārahitanga, te tautoko hoki ki te whānau, hei whakapakari ake i tā rātou whai wāhi atu ki te whakahaeretanga o te kōhanga reo.

Ngā Whakaritenga Matua ka Whai Ake

Tērā ētahi wāhanga matua o ngā mahi whakahaere a te whānau me ngā whakaritenga o te kōhanga reo, kāhore e āta whakatinanahia ana. E hāngai ana aua wāhanga ki:

• Ngā Pou e Whā- me whakarite kia whai whakaaro ai te whānau me ngā kaimahi ki te āhua o tā rātou whakamahinga i Ngā Pou e Whā, kia riterite te aronga nui tonu ki te katoa o ngā pou i roto i ā rātou mahere rautaki me te arotake whaiaro
• ngā whakaritenga e pā ana ki te arotake whaiaro – me arotake i ngā kaupapa here i ia te wā hei āta whakarite i te whakatutukitanga o ngā herenga ā-ture, me whakahou ake i te tūtohinga, ā, me pūrongo hoki i ngā whakahaeretanga o te kōhanga reo ki ngā hui ā-whānau
• te aromātai i te hōtaka – me āta whakarite kia whakawhiti kōrero ngā kaimahi i ia te wā, i ngā āhuatanga o tā rātou hōtaka e whai hua ana, ā, i ngā huarahi anō hoki ka whāia e rātou ki te whakatairanga i te kounga o ngā akoranga a ngā tamariki
• te whakahaere i ngā kaimahi – me whakahou ake i ngā tuhinga e pā ana ki ngā kaimahi, me whakaoti i ngā mahi kia arowhaingia ngā kaimahi e ngā pirihimana, ā, me whakatutuki hoki i te arohaehae o ngā kaimahi
• te hauora me te haumaru – me whakarite i ngā rawa mō ngā maiki ohorere, ā, me whakapakari ake i ngā tukanga e arowhai ana i ngā āhuatanga mōrearea.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:

• whakarite i ngā rawa me ngā rauemi inā he maiki ohorere, ā, kia rawaka ēnei mō ngā tū reanga me te tatauranga o ngā tamariki me ngā pakeke ki te kōhanga reo
  [R46 Ture Mātauranga (Kōhungahunga) 2008; HS7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• arotake me te whakatinana i te pūnaha me ngā tukanga e pā ana ki te whakahaeretanga o ngā āhuatanga mōrearea, hei hāpai i te noho haumaru me te tiaki o ngā tamariki
  [R46 Ture Mātauranga (Kōhungahunga) 2008; HS12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite kia whakamahere, kia whakatinana, kia aromātai hoki ngā kaimahi i te marautanga o Te Kōhanga Reo, hei whakarato i te pai o ngā wheako ako mā ngā tamariki
  [R43 Ture Mātauranga (Kōhungahunga) 2008; C1-13 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakarite i te tukanga o te arotake whaiaro e haere tonu ana i ia te wā, hei whakapūmau, hei whakapai ake hoki i te kounga o ngā whakaritenga mā ngā tamariki
  [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakapau kaha ki te whakarato ki ngā kaimahi katoa e mahi ana, e whai wāhi atu ana rānei ki te kōhanga reo, te rawaka me te tika o ngā tuhinga tūranga mahi, ngā kirimana mahi takitahi, me te tautoko ngaio, ngā whai wāhitanga whakawhanaketanga ngaio, me ngā rauemi
  [R47 Ture Mātauranga (Kōhungahunga) 2008; GMA7-7A Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakatakoto i tētahi mahere ā-tau e ārahi ai i ngā whakahaeretanga ki te kōhanga reo.
  [R47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• toro atu te whānau me ngā kaimahi ki te tautoko o te Poari Matua o Ngā Kōhanga Reo ki te whakatutuki i ngā whakaritenga matua me ngā herenga ā-ture i tāutuhia ai ki tēnei pūrongo hei whai atu.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Ngā Mōrehu o Uenuku i roto ngā tau e rua.

Charles Rolleston

Toka ā-nuku

13 Pipiri, 2019

Ngā kōrero e pā ana ki te kōhanga reo

1 Context

Te Kōhanga Reo o Ngā Mōrehu o Uenuku is located in Raetihi. The kōhanga reo whānau recently appointed a new kaiako and administrator. Kaumātua who were part of the establishment of the kōhanga reo are supporting the whānau to achieve their goals and aspirations for the kōhanga reo. These goals include strengthening the ability and confidence of children, staff and whānau to speak te reo Māori more throughout the day.

2 The Evaluation Findings

To what extent do children show that they are happy?

Children show that they are happy in their interactions with others.

Ngā Taumata Whakahirahira

Children are learning to communicate in te reo Māori. Kaumātua and other fluent speakers of te reo Māori are supporting efforts to increase the use of te reo Māori in the kōhanga reo. Children learn karakia, hīmene, whakataukī, pepeha and whakapapa. Kaimahi use waiata to teach basic concepts like numbers, colours, shapes, parts of the body, days of the week and months of the year. They also use questions, prompts and hand signals to encourage children to talk and respond. Babies are involved in the morning programme and make sounds and facial expressions to communicate. Children are early learners of te reo Māori.

Children interact positively with others. The whānau provide an environment that reflects the cultural values and beliefs that are important to them. They work together in the interests of the children by modelling aroha, manaaki and rangimārie. Children are patient and supportive of each other. Children interact well and show respect for kaumātua, whānau and each other. Kaimahi praise children’s efforts, contributions and participation. Babies seek reassurance from kaimahi who respond accordingly. Children are embraced by whanaungatanga.

Children are settled and confident in their kōhanga reo. Children are familiar with the indoor environment. Children and babies show confidence to explore and move around the kōhanga reo. Kaimahi encourage them to use of physical resources. Children are supported to take on leadership roles as part of what happens in the kōhanga reo. Kaimahi also provide opportunities for the children to experience and see what happens on the marae. Children are aware of their role as tangata whenua.

Key Next Steps

The previous ERO report in 2016 identified that te reo Māori was not the main language of communication in the kōhanga reo. Te reo Māori is a priority in the kōhanga reo, however the consistent use of te reo Māori by children and kaimahi is limited. Kaimahi speak te reo Māori and English when interacting with children. Although te reo Māori is heard in the kōhanga reo, children prefer to speak English.

Children do not appear to be sufficiently challenged or extended by what is planned, and tend to wander off and lose interest. Kaimahi must consider how they plan the learning programme more effectively and adapt routines to better meet children’s needs.

Planning and Evaluation

Programme planning includes an annual overview, term plans and weekly plans to guide the morning programme. Kaimahi monitor and record children’s progress. Assessment information is gathered and filed in individual profile books which are shared with whānau.

The whānau meet regularly to discuss the daily operations of the kōhanga reo. They capably attend to some aspects of the kōhanga reo including their online administration processes and financial management. Most physical and emotional health and safety procedures are in place. Kaimahi from Te Kōhanga Reo National Trust provide training, guidance and support for the whānau to strengthen their involvement in the management of the kōhanga reo.

Key Next Steps

There are key areas of whānau management and kōhanga reo operations that are not well implemented. These areas include:

• Ngā Pou e Whā – ensuring the whānau and kaimahi consider how they use Ngā Pou e Whā to ensure there is balance and focus given to all of the pou in their strategic planning and self review
• self-review practices – regularly reviewing policies to ensure these meet legislative requirements, updating the charter, and reporting about kōhanga reo operations at whānau hui
• programme evaluation – ensuring kaimahi regularly discuss the aspects of their programme that are working well and how they can improve the quality of children’s learning
• personnel management - updating kaimahi records, completing police vetting, and carrying out the appraisal of kaimahi
• health and safety – ensuring there are emergency supplies in place and implementing more robust hazard checking processes.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements, they need to:

• have emergency supplies/resources sufficient for the age and number of children/adults at the kōhanga reo
  [Regulations 46 (Early Childhood Services) Regulations 2008; HS7 Licensing Criteria for Kōhanga Reo affiliated with Te Kōhanga Reo National Trust 2008]
• review and implement a hazard management system and procedures that support the safety and protection of children
  [Regulations 46 (Early Childhood Services) Regulations 2008; HS12 Licensing Criteria for Kōhanga Reo affiliated with Te Kōhanga Reo National Trust 2008]
• ensure kaimahi plan, implement, and evaluate the Te Kōhanga Reo curriculum to provide positive learning experiences for children
  [Regulations 43 (Early Childhood Services) Regulations 2008; C1-13 Licensing Criteria for Kōhanga Reo affiliated with Te Kōhanga Reo National Trust 2008]
• establish an ongoing process of self-review to help maintain and improve the quality of practice for children
  [Regulations 47 (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
• ensure all reasonable steps are taken to provide staff employed or engaged in the service with adequate and relevant job descriptions, Individual Employment Contracts and professional support, professional development opportunities, and resources
  [Regulation 47 (Early Childhood Services) Regulations 2008; GMA7-7ALicensing Criteria for Kōhanga Reo affiliated with Te Kōhanga Reo National Trust 2008]
• establish an annual plan to guide the operations of the kōhanga reo.
  [Regulation 47 (Early Childhood Services) Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendation

ERO and the kōhanga reo whānau developed the following recommendation:

• that the whānau and kaimahi seek support from Te Kōhanga Reo National Trust to address the key next steps and areas for compliance identified in this report.

When is ERO likely to evaluate the kōhanga reo again?

The next ERO evaluation of Te Kōhanga Reo o Ngā Mōrehu o Uenuku will be within two years.

Charles Rolleston Toka ā-nuku

13 June 2019

Information about the Kōhanga Reo