Te Kōhanga Reo o Taihoa

1 Te Horopaki

E tū ana Te Kōhanga Reo o Taihoa ki te marae o Taihoa, ki Wairoa. E noho pūmau ana te whānau ki te whakamahi i te reo o tō rātou marae, hei wāhanga tonu o ngā akoranga a ngā tamariki i te kōhanga reo. He tokomaha ngā whānau o te kōhanga reo e whakapapa ana ki te marae nei. Whai muri i te arotake o mua a Te Tari Arotake Mātauranga, kua whakatūngia tētahi kaiwhakahaere hou. E whakahaerehia ana te kōhanga reo mā te tatauranga rahi o te raihana, arā, mā ngā tamariki toru tekau.

2 Ngā Whakaaturanga o te Aromātai

He pēhea rawa te kite i te tūmāia o ngā tamariki hei ākonga o te reo Māori?

Me tautoko ake i ngā tamariki kia pakari ake ai tō rātou tūmāia ki te ako me te kōrero i te reo Māori.

Ngā Taumata Whakahirahira

E rumakina ana ngā tamariki ki ngā whakaakoranga o te marae o Taihoa. Whai wāhi atu ai rātou i ia te wā ki ngā kaupapa i te marae, ā, ka kite hoki rātou i ngā kawa me ngā tikanga o te marae e whakatutukihia ana. Ka kite rātou i te āhua o te paepae, ka tū hoki rātou ki te waiata i ngā waiata koroua ki te taha o ō rātou kaumātua me ō rātou whānau. E ako ana ngā tamariki i tō rātou tū hei tangata whenua. Ka āta whakarite ngā kaimahi kia wātea ai te marae ki ngā tamariki hei āhuatanga kua āta tuituia ki ā rātou akoranga. Ka whakapuaki ngā kaimahi i ngā karakia e whai pānga ana ki te takiwā nei, ā, ka hāpai hoki rātou i ngā tamariki ki te taki i ō rātou pepeha. E whakawhanake ana ngā tamariki i ō rātou mōhiotanga me ō rātou ngākau titikaha ki te tūhonohono ki ō rātou whakapapa. E mōhio ana ngā tamariki ki ō rātou tuakiri ā-tangata, ki ō rātou tūrangawaewae hoki.

Ngā Whakaritenga Matua ka Whai Ake

Me whakapakari ake i te reo Māori, puta noa i ngā wāhanga katoa o te kōhanga reo. Me whakatairanga ake ngā kaimahi i te kounga o te whakawhitinga kōrero me ngā taunekeneke ki ngā tamariki katoa, hei hāpai ake, hei whakawhānui ake hoki i te whakawhanaketanga reo o ngā tamariki. Me whai whakaaro rātou ki te whānuitanga o ngā tūmomo rautaki papai ka hāpai i ngā mōhiotanga o ngā tamariki ki te reo Māori, me tā rātou whakamahinga i te reo. Me whakatauira ngā kaimahi katoa i ngā hanganga reo papai ki ngā tamariki. Ka whai hua ngā tamariki mā ngā rautaki papai e hāpai ai i te tupu o tō rātou reo.

E ako tonu ana ngā kaimahi i ngā huarahi ki te whakahaere me te whakarite i te hōtaka akoranga mō ngā tamariki. He iti noa ngā whai wāhitanga mō ngā tamariki ki te whai i ō rātou ake ngākau nuitanga. He mea nui kia āta whai hua ngā mahi a ngā kaimahi ki te taha o ia tamaiti, o ngā rōpū tamariki hoki kia pārekareka ai ngā wheako akoranga ki a rātou. Me toro atu te whānau ki te tautoko me te ārahitanga mō ngā kaimahi, kia āhei ai rātou ki te āta aro nui ki ngā matea ako o ia tamaiti. Ko ngā tamariki e mau ana i matea ako ake, kāhore e āta poipoia ana.

Me tautoko i ngā kaimahi ki te tāutu me te whakamahi i ngā rautaki e tika ana ki te whakatairanga ake i ngā taunekeneke papai ki waenga i ngā tamariki, ā, ki te āwhina anō hoki i ngā tamariki ki te whakatau i ngā tautohetohe ka pupū ake. I te wā o te arotake, i kitea e Te Tari Arotake Mātauranga te pupū ake o ētahi tautohetohe, te whanonga hoki kāhore i te marutau ki waenga i ngā tamariki, ā, kāhore aua wā i āta whakahaerehia ai, i āta hāpaitia ai rānei e ngā kaimahi kia tau ai. He mea nui kia whakawhanakehia e ngā tamariki ngā pūkenga ki te tūhonohono ki waenga i a rātou anō mā te pai me te manaakitanga. I te hikirangi te āhua o ngā tamariki.

Te Whakamahere me te Aromātai

He pai te whakahaeretanga a te whānau i ētahi āhuatanga whakarite o tō rātou kōhanga reo. He mahere rautaki tā rātou e whakatakoto ana i ngā whāinga me ngā mahi e ārahi ai i tā rātou ahu whakamua ā meāke nei. Arotake ai te whānau i ngā kaupapa here me ngā tukanga i ia te wā. Ka arowhai hoki rātou i ngā whare me ngā āhuatanga mōrearea i ia toru marama, engari me āta whakarite anō hoki rātou ki te whakatutuki haere i ngā āhuatanga o ngā whare me ngā rawa hei whakatikatika, i roto i te wā e tika ana. Tū ai ngā hui ā-whānau i ia te wā, ā, he pai hoki te tuhi haere i ngā meneti o aua hui. Ka tohua ki ngā pūrongo pūtea te pakari o ngā pūnaha ki te pūrongo me te whakahaere i ngā pūtea.

Ko te nui o ngā pūkenga ki waenga i te whānau tētahi tino āhuatanga o tēnei kōhanga reo. He whānui te āhua o ngā tūmomo mōhiohio, tūmomo pūkenga anō hoki ki waenga i te whānau, tae atu hoki ki ngā mōhiotanga ki ngā kawa o te marae, ngā kaitito waiata, ngā kaihaka mātau o Te Matatini, me ngā tino puna kōrero o te reo Māori. E whakatairangatia ana te ako a ngā tamariki, nā te whakapuakitanga o aua mātauranga ki a rātou.

Ngā Whakaritenga Matua ka Whai Ake

Kei te kaiako matua te kawenga hei kaikōrero mō te paepae o te marae, hei kaiako anō hoki ki te kōhanga reo. Kāhore i te mārama ki ngā kaimahi ō rātou tūranga, ā rātou kawenga hoki i roto i te hōtaka akoranga. Ko ngā mahere hōtaka o tēnei wā, kāhore e āta whakatakoto ana i te rawaka o ngā whakamāramatanga, te ārahitanga hoki, hei āta whakarite i te whakatutukitanga o ngā kaimahi i ngā matea me ngā āheinga o ngā tamariki. He mahere tauatanga tā te whānau, ki te whakapakari ake i ngā pūmanawa ārahi i roto i tō rātou kōhanga reo. Kua tae ki te wā, kia kōkiri ake rātou i taua mahere, kia āhei ai ngā kaimahi ki te whanake tonu, ki te kawe ake tonu.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I te wā o te arotake, i tāutuhia e Te Tari Arotake Mātauranga ētahi wāhanga kāhore e tutuki ana e ai ki te ture. Me tahuri te whānau ki te:

• āta whakarite kia hāpai, kia āta ārahi pai te marautanga i te whakaritenga, te whakapūmautanga hoki o ngā tamariki i ngā hononga e tika ana ki ētahi atu tamariki, ā, ki ngā pākeke hoki.
  [R43 (i)(a)(ii) Ture Mātauranga (Kōhungahunga) 2008; C10 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• mahi tonu te Poari Matua o Ngā Kōhanga Reo ki te taha o te whānau, ki te whakapakari tonu i ngā pūmanawa o ngā kaimahi.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Taihoa i roto ngā tau e rua.

Lynda Pura-Watson

Kaiurungi Whakaturuki Arotake Māori

18 Pipiri, 2018

Ngā kōrero e pā ana ki te kōhanga reo

1 Context

Te Kōhanga Reo o Taihoa is based at Taihoa Marae in Wairoa. The whānau is committed to using the language of their marae as part of children’s learning in the kōhanga reo. Many whānau of the kōhanga reo belong to this marae through their whakapapa. Since the previous ERO review, a new kaiwhakahaere has been appointed. The kōhanga reo is operating at its maximum licence number of 30 children.

2 The Evaluation Findings

How well do children show confidence as learners of te reo Māori?

Children require support to build their confidence as learners and speakers of te reo Māori.

Ngā Taumata Whakahirahira

Children are immersed in the teachings of Taihoa Marae. They regularly participate in marae activities, and see the kawa and tikanga of the marae in action. They observe practices of the paepae, and perform waiata koroua alongside their kaumātua and whānau. Children are learning about their roles as tangata whenua. Kaimahi ensure children have access to the marae as an integrated part of their learning. Kaimahi use karakia that are relevant to the area, and support children to recite their pepeha. Children are developing their knowledge and confidence to connect with their whakapapa. Children know who they are and where they belong.

Key Next Steps

Te reo Māori requires strengthening across all areas of the kōhanga reo. Kaimahi need to lift the quality of conversations and interactions with all children in order to support and extend children’s language development. They should consider a range of effective strategies to support children’s knowledge and use of te reo Māori. All kaimahi need to model good language structures for children. Children will benefit from effective strategies to support their language growth.

Kaimahi are still learning how to manage and organise the learning programme for children. There are few opportunities for children to follow their own interests. It is important that kaimahi work effectively with individual and groups of children to provide enjoyable learning experiences for them. The whānau must seek support and guidance for kaimahi so they are able to respond well to the learning needs of individual children. Children with diverse learning needs are not well catered for.

Kaimahi require support to identify and use appropriate strategies that promote positive interactions amongst children, and help children to resolve conflict. During this review, ERO noticed instances of conflict and unsafe behaviour amongst children which were not well managed or supported to resolution by kaimahi. It is important that children develop skills to form positive and caring relationships with each other. Children appeared unsettled.

Planning and Evaluation

The whānau manage some aspects of the operations of their kōhanga reo well. They have a strategic plan with goals and actions to guide their future direction. The whānau regularly review policies and procedures. They conduct building and hazard checks every three months, however must also ensure any property maintenance and repairs are addressed in a timely manner. There are regular whānau hui, and minutes from those hui are well recorded. Financial reports show there are sound systems in place for the reporting and management of funds.

The level of expertise within the whānau is a strength of this kōhanga reo. There is a wide range of information and skill amongst the whānau including knowledge of marae protocol, as song writers, skilled Te Matatini performers, and competent speakers of te reo Māori. Children’s learning is enriched by the access to this knowledge.

Key Next Steps

The kaiako matua has dual responsibilities to the paepae on the marae and to the kōhanga reo. Kaimahi are not clear about their roles and responsibilities in terms of the learning programme. Current programme planning does not provide sufficient detail and guidance to ensure kaimahi can meet the needs and abilities of children. The whānau has a succession plan in place to build the future leadership capability within their kōhanga reo. It is timely to take action with this plan to enable kaimahi to grow into new roles.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

During the course of the review, ERO identified areas of non-compliance. The whānau must:

• ensure the curriculum supports and positively guides children to establish and maintain appropriate relationships with other children and adults.
  [Regulation 43 (i)(a)(ii) (Early Childhood Services) Regulations 2008; C10 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendation

ERO and the Kōhanga Reo whānau developed the following recommendation:

• The TKRNT to continue to work alongside the whānau to continue to build kaimahi capability.

When is ERO likely to evaluate the kōhanga reo again?

The next ERO evaluation of Te Kōhanga Reo o Taihoa will be within two years.

Lynda Pura-Watson

Deputy Chief Review Officer Māori

18 June 2018

Information about the Kōhanga Reo