Te Kōhanga Reo o Marotiri

1  Te Horopaki

Ko Marotiri te maunga
Ko Mangahauini te awa
Ko Pākirikiri te marae
Ko Ngāti Porou te iwi
Ko Te Whānau-a-Ruataupare te hapū 

E tū ana Te Kōhanga Reo o Marotiri ki ngā papa whenua o te marae o Pākirikiri, ki te whanga o Tokomaru. E tohu ana te pepeha i ngā tātai whakapapa o ngā tamariki ki ngā tino pouwhenua o Tokomaru, tae atu hoki ki te marae, te hapū, me te iwi.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou māramatanga ki tō rātou tū hei kaitiaki o te Ruatauparetanga?

E whakawhanake ana ngā tamariki tuākana i tō rātou ngākau titikaha me tō rātou māramatanga anō hoki ki tō rātou tū hei kaitiaki o te Ruatauparetanga. E whakawhanake haere ana te aronga toi whenuatanga o ngā pēpi ki a Ruataupare.

Ngā Taumata Whakahirahira  

E whakawhanake ana ngā tamariki i tō rātou tino māramatanga ki a rātou anō me tō rātou tūrangawaewae. E arotahi ana ngā whāinga o te whānau ki te ako a ngā tamariki i ō rātou hononga ki a Ruataupare, ki a rātou anō, tae atu hoki ki te marae me te whenua. Ka akiaki rātou i te whai wāhi mātātoa a ngā tamariki ki ngā huihuinga i ngā marae o te rohe nei, kia waia ai rātou ki ngā kawa me ngā tikanga o tō rātou marae. Ko te marae anō hoki he wāhi tākaro mo ngā tamariki. Ka hāpai ngā kaimahi i ngā tamariki ki te tāutu, te whakahuahua, me te kōrero i ō rātou tūpuna i roto i te wharenui, hei whakapūmau i ngā tātai whakapapa. Ka hāpai rātou i ia tamaiti ki te tū pakari i a ia e taki ana i tōna pepeha. Ko te Hāhi Ringatū tētahi o ngā hāhi matua i te kōhanga reo. Ka hāpai ngā kaimahi i ngā tamariki ki te ako i ngā karakia me ngā whakaritenga hei tūhonohono i a rātou ki ō rātou tūpuna. He aronga toi whenuatanga tō ngā tamariki.

E whakawhanake ana ngā tamariki i tō rātou māramatanga ki te rangatiratanga o te moana me te whenua ki te iwi. Ka whakarato ngā kaimahi i ngā whai wāhitanga mō ngā tamariki ki te whakatau haere i a rātou anō ki te marae, me te tūhura i te moana, te onepū, me te karekare o ngā ngaru i Tokomaru. Nā te aronga nui i te hōtaka akoranga, kua whakapiki ake rātou i te māramatanga o ngā tamariki ki te āhua o te noho haumaru ki te wai, ki raro hoki i ngā hihi o Tama-nui-te-rā. Ka whakapuaki ngā kaimahi i ngā kōrero tuku iho e pā ana ki ngā tūpuna rongonui me ngā tino pouwhenua o te iwi, hei āhuatanga matua o ngā akoranga a ngā tamariki. Ka ngākau nui ngā tamariki ki te whakapuaki i ā rātou akoranga mō tō rātou tūrangawaewae, ki te taha o ētahi atu.

E whakawhanake ana ngā tamariki i ngā pūkenga ki te whakapuaki i ō rātou whakaaro mā te reo Māori. Ka whakatauira ngā kaimahi i te reo o Ngāti Porou mā ngā waiata, mā te āhua o te tū ki te haka, me ngā pepeha. Ka whakatairanga anō hoki aua tūāhuatanga i te manawa whakahī mō tō rātou tuakiri me tō rātou tūrangawaewae. E hiahia ana te whānau kia mōhiotia e ngā tamariki ngā tino kaitito waiata, me te āta whakarite i aua pūkenga hei āhuatanga anō tonu o te hōtaka akoranga. He pai ki ngā tamariki te whakapuaki i ā rātou akoranga ki ētahi atu.

Te Whakamahere me te Aromātai 

Ko te ako a ngā tamariki me tō rātou waiora e noho matua ana. E whakahaere ana te whānau i te kōhanga reo hei hāpai i te waiora o ngā tamariki me ngā kaimahi. Kua āta tuhia ngā mauhanga o ngā hui auau, tae atu hoki ki ngā pūrongo e pā ana ki te whakahaeretanga o ngā pūtea, ngā rawa, me te ako a ngā tamariki. E hono ana ngā mahere o te paetawhiti ki ngā whāinga rautaki a te Poari Matua o Ngā Kōhanga Reo. He pai te whakamōhio i te whānau mō tō rātou kōhanga reo, ā, ka ākina hoki rātou kia whai wāhi mai ki ngā hui i te kōhanga reo me te hōtaka akoranga.

Ko te pai o ngā mahere e āta hāpaitia ana te ako a ngā tamariki. He tino hononga o roto ki te hītori me ngā kōrero tuku iho a te iwi e whakapakarihia ai te mōhiotanga o ngā tamariki ki ngā whakapapa me te tuakiri. Ka arotahi ngā kupu hou me ngā putanga ako ki ngā matea me ngā ngākau nuitanga ake o ia tamaiti. E waihanga ana ngā kaimahi i ngā rauemi e whakatairanga ana i te ako a ngā tamariki. Ka whakaarohia ngā matea ako me ngā ngākau nuitanga o ngā tamariki.

Aromatawaihia ai, aroturukitia ai hoki te ahu whakamua a te ako a ngā tamariki i ia te wā. Ka tuhi haere te kaiako i ngā mōhiohio aromatawai e whai pānga ana ki ia tamaiti, hei tohu i te ako a ngā tamariki i roto i tētahi taiao ako Māori. E ako ana ngā kaimahi i te aromatawai hei huarahi ki te kapo ake i te āhua o te ahu whakamua o ngā tamariki. E mōhio ana ngā kaimahi ki te whai huatanga o te hōtaka akoranga ki te whakatutuki i ngā matea o ngā tamariki, mā te tū auau o ngā mahi ki te aromātai i te hōtaka. Ka arotahi rātou ki tēnā e whai hua ana, me tēnā anō hoki ka whāia e rātou, ki te whakapai ake i ā rātou whakaritenga.

Ngā Whakaritenga Matua ka Whai Ake

Ahakoa kua whakawhanakehia e te whānau tētahi mahere rautaki e tāutu ana i ngā kaupapa matua mō ngā tau e toru kei te heke mai, kāhore anō kia whakaritea tētahi mahere ā-tau, hei hāpai i tā rātou aronga.

He āhuatanga nui te ako a ngā tamariki. Engari, kāhore anō kia whakatinanahia ngā mahi arohaehae mō ngā kaimahi kātahi anō ka whakatūngia. Ko te whakatinana i taua tukanga ka hāpai i ngā mahi ki te tāutu i ngā matea ako o ngā kaimahi, ā, ki te whakawhanaketanga anō hoki o te hōtaka whakawhanaketanga ngaio. He mea nui, kia whāia e te whānau te kaupapa here me ngā tukanga e pā ana ki te arohaehae, hei whakatutuki i ngā matea o ngā kaiako me ngā kaimahi. 

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. 

I tāutuhia e Te Tari Arotake Mātauranga te wāhanga e whai ake nei, kāhore e tutuki ana e ai ki te ture. Hei whakapai ake i āna whakaritenga, me tahuri te whānau o te kōhanga reo ki te:

• āta whakarite i te whakatinanatanga o ngā mahi ki te arohaehae i ngā kaimahi katoa.
  [R47 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]  

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• toro atu ki te tautoko o waho i ngā wā e tika ana, ki te whakapai ake i te kounga o ngā akoranga a ngā tamariki.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Marotiri i roto i te toru o ngā tau.

Lynda Pura-Watson

Kaiurungi Whakaturuki Arotake Māori 

06 Poutūterangi, 2018 

Ngā kōrero e pā ana ki te kōhanga reo 

1 Context

Ko Marotiri te maunga
Ko Mangahauini te awa
Ko Pākirikiri te marae
Ko Ngāti Porou te iwi
Ko Te Whānau ā Ruataupare te hapū

Te Kōhanga Reo o Marotiri is located on the grounds of Pākirikiri Marae, Tokomaru Bay. The pepeha identifies children’s connections to the significant landmarks in Tokomaru, the marae, hapū and iwi.

2 The Evaluation Findings

How well do children display they are developing an understanding about their role as guardians of Ruatauparetanga?

Older children are developing in confidence and understanding in their role as guardians of Ruatauparetanga. Babies are developing an awareness of belonging to Ruataupare.

Ngā Taumata Whakahirahira

Children are developing a strong understanding about who they are and where they come from. Whānau goals are focussed on children learning about their connections to Ruataupare, each other, the marae and the whenua. They encourage children’s active participation in marae events in the region and to be familiar with kawa and tikanga of their marae. The marae is an extension of the children’s playground. Kaimahi help children to recognise, name and talk about their tūpuna in the wharenui to reinforce whakapapa links. They support individuals to stand tall as they recite their pepeha. Te Hāhi Ringatū is one of the prominent religions in the kōhanga reo. Kaimahi support children to learn the karakia and practices to connect with their tupuna. Children have a sense of belonging.

Children are developing an understanding about value of the sea and land to the iwi. Kaimahi provide opportunities for children to familiarise themselves with the marae and explore the sea, sand and surf in Tokomaru. They have increased children’s understanding of water and sun safety because of the focus in the learning programme. Kaimahi share stories about tupuna rongonui and significant iwi landmarks as an integral part of children’s learning. Children enjoy sharing with others learning about their tūrangawaewae.

Children are developing the skills to express themselves in te reo Māori. Kaimahi model the Ngāti Porou language through waiata, kapa haka style and pepeha. These are used to promote pride in who they are and where they are from. Whānau want children to know about the noted composers of waiata and to ensure these skills are part of the learning programme. Children like to share learning with others.

Planning and Evaluation

Children’s learning and wellbeing is a priority. Whānau manage the kōhanga reo to support the wellbeing of children and kaimahi. There are well documented records of regular hui that include reports about financial management, property and children’s learning. Planning for the future is linked to Te Kōhanga Reo National Trust (TKRNT) strategic goals. Whānau are well informed about their kōhanga reo and are encouraged to participate in the kōhanga reo meetings and the learning programme.

Children’s learning is well supported by good planning. There are strong links to the history and iwi related stories that strengthen children’s knowledge of whakapapa and identity. New vocabulary and learning outcomes focus on the individual needs and interests of each child. Kaimahi create resources that are designed to enhance children’s learning. Children’s learning needs and interests are considered.

Children’s progress in learning is regularly assessed and monitored. The kaiako records individual’s assessment information to show children’s learning in a Māori learning environment. Kaimahi are learning about assessment to capture children’s progress. Kaimahi know how well the learning programme is meeting the needs of children through regular evaluation of the programme. They focus on what is working well and what they need to do to improve their practice.

Key Next Steps

Although the whānau have developed a strategic plan that identifies priorities for the next 3 years, an annual plan to support their direction is not in place.

Children’s learning is important. However, appraisal has not been implemented for newly appointed kaimahi. Implementation of the process will help to identify kaimahi learning needs and develop a professional development programme. It is important that whānau follow the appraisal policy and procedures to meet the needs of the kaiako and kaimahi.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements. 

ERO identified an area of non-compliance. In order for the kōhanga reo whānau to meet compliance requirements they need to:

• ensure appraisal for all employed staff is implemented.
  [R47 Education (Early Childhood Services) Regulations 2008, GMA7 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendation

ERO and the Kōhanga Reo whānau developed the following recommendation:

• seek external support as needed to improve the quality of children’s learning.

When is ERO likely to evaluation the kōhanga reo again?

The next ERO evaluation of Te Kōhanga Reo o Marotiri will be in three years.

Lynda Pura-Watson

Deputy Chief Review Officer Māori 

6 March 2018 

Information about the Kōhanga Reo