Te Kōhanga Reo o Te Tihi O Tītīrangi

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Te Tihi o Titirangi ki te marae o Te Poho o Rāwiri, ki Kāiti, i Tūranga-nui-a-Kiwa. Ka ahu mai tōna ingoa i te maunga e tū ana ki muri i te kōhanga reo. Ko te aronga mātuatua ki te whānau, kia mōhio ngā mokopuna e arohaina ana rātou. Ka noho mātua tonu ngā hononga o tētahi ki tētahi, me te hononga ki te marae. Kua raihanatia te kōhanga reo mō ngā mokopuna 30, ā, mō te 10 o rātou ki raro i te rua o ngā tau te pakeke i te wā kotahi.

I te Hui-tanguru o te tau 2022 Te Tari Arotake Mātauranga i aromātai ai i te kounga o ngā whakaritenga Mana Whakahaere. I kitea e Te Tari Arotake Mātauranga, he whakaritenga whai hua ā te whānau me ngā kaimahi e whakatairanga ake ai i te hauora, i te haumaru, me te waiora o ngā mokopuna. Ko tā te whānau, te taiao o te kōhanga reo, me te marautanga, he rumaki i te mokopuna ki ngā wheako me ngā hononga aroha e poipoi ai i te reo me ngā tikanga Māori. I whakawhanakehia e te whānau me Te Tari Arotake Mātauranga te taunakitanga kia whakatairanga tonu te whānau i tō rātou āheinga ngātahi, hei whakarahi ake tonu i ngā putanga e whai hua ai ki ngā mokopuna.

3 Te Aronga o te Aromātai

He pēhea rawa te whakawhanake haere o ngā mokopuna i tō rātou mōhiotanga ki tō rātou tuakiri, mā te reo me ngā tikanga Māori?

E ako ana ngā mokopuna i tō rātou tuakiri mā ngā hononga e mau ana i te aroha, mā te reo me ngā tikanga Māori, ā, mā ngā wheako tūturu hoki i te pā.

4 Ngā Whakaaturanga – Mana Mokopuna

E rumakina ana ngā mokopuna ki te taiao e whakanui ana i te reo Māori. Ka whakamahi ngā kaimahi i te whānuitanga o ngā tūmomo rautaki hei hāpai i te whakawhanaketanga reo. Ko ētahi o aua rautaki, ko ngā mōteatea, ngā waiata, ngā rotarota, te tāruarua, te tohutohu, te kori tinana me ngā nekehanga ā-ringa, te whakatauira, me te patapatai. Ka whakangahau rātou me te reo, i a rātou e taunekeneke ana ki ngā mokopuna. Ka whai wāhi atu, ka whakawhiti kōrero hoki mā te ngākau hihiri me te tākare. He raukura ngā kaimahi katoa nō te mātauranga o te kōhanga reo, o te kura kaupapa Māori, o te rumaki reo Māori hoki, nō reira, he tino mātau rātou ki te reo. Ka kitea te māramatanga o ngā pēpi mā te āhua o tā rātou aro atu. E tupu ana te ngākau titikaha me te mōhiotanga o ngā mokopuna ki te whakawhitiwhiti whakaaro mā te reo o Ngāti Porou.

Ka whakaaro nui te whānau ki te whakawhanaketanga o ngā mokopuna i tō rātou tino tuakiri, me tō rātou aronga toi whenuatanga. E pou here ana ngā tikanga o Ngāti Porou i te hōtaka o ia rā me te whakawhanaungatanga. He hononga ā-whakapapa tō ngā kaimahi katoa ki te takiwā nei, ā, ki ngā mokopuna hoki. Ka tūmāia ngā mokopuna tuākana ki te taki i ō rātou pepeha. Ka hāpaitia ngā mokopuna nohinohi me ngā pēpi mā te whāngai kupu, mā ngā tohu ā-ringa, me ngā kōrero akiaki. E āta tohu ana te marae me te maunga i te pūtake i neke ai te kōhanga reo ki te marae. Ka whakawhānui aua wāhi i te taiao ako, ā, ka kōrerohia ngā mokopuna hei pēpi nō te marae. He maha ngā whai wāhitanga i ia te wā kia noho ngā mokopuna ki te marae, ā, ka uru atu rātou ki ngā pōwhiri me ngā kaupapa i reira. He whai wāhitanga o ngā mokopuna i ia rā ki te ako i ō rātou whakapapa me ō rātou tātai hono.

Ka aro te whānau ki te aroha, te manaaki, me te tiaki. Whakamihi ai, whakakoia ai hoki ngā kaimahi i ia te wā i ngā mokopuna, puta noa i te rā. He pakari ngā hononga ki waenga i te tuakana me te teina. Ka whakapuakihia e ngā mokopuna ngā pūmanawa ki te ārahi, i a rātou e manaaki ana, e tiaki ana hoki i ngā pēpi. Ka whakamihi, ka whakatau, ka arataki hoki i ngā mokopuna mā te aroha me te atawhai. E poipoia ana te waiora o ngā mokopuna mā te ahurea o te manaakitanga me te aroha.

Ko te tautoko o te whānau i ngā kaimahi me ngā mokopuna, kua pou herea ki te whanaungatanga me te aroha. Ka aro nui, ka atawhai hoki te heamana o te poari me te kaiako matua, ā, ka āta ārahi i te tīma whitawhita. Ko ngā whakaritenga e whakapakari ai i te āheinga o ngā kaimahi – tae atu ki te arohaehae me ngā whai wāhitanga ako ngaio – ka hāpai ake i ngā whakapaitanga ki te hōtaka akoranga. E poipoia ana te tuakiri me te waiora o ngā mokopuna ki tētahi taiao ako e whai hua ana.  

Ngā Whakaritenga Matua ka whai ake 

Kua tautuhia e te whānau ō rātou wawata mō te pae tawhiti. He tirohanga ngātahi tā rātou ko te marae, ko te hapū, ki te whakatū i tētahi kura ka tahi, ka rua, i tētahi whare wānanga e hono pū ana ki te marae. I tēnei wā, kei te whakariterite haere ngā māngai o te marae me te hapū kia tīmatahia te whakatūnga o te kura. Ka hāpai tēnei i ngā wawata me ngā tūmanako o te marae e pā ana ki te mātauranga Poutama o ngā uri whakaheke. Ka hāpai hoki tēnei i te āta whakatau a te whānau, kia kaha te tuakiri o ngā mokopuna, me tō rātou āheinga ki te whakapuaki i tō rātou tū pakari mā te reo me ngā tikanga Māori, mō te roanga ake o tō rātou huarahi mātauranga i te kura. Ka puāwai ngā mokopuna ki tētahi wāhi e aro nui ana ki a rātou.

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• mahi ngātahi tonu te whānau ki te whakatutuki i ō rātou wawata.  

Darcy Te Hau
Toka ā Nuku
Te Uepū-a-Motu – Māori Services

 

27 Haratua, 2022

 

7 Ngā kōrero e pā ana ki te Kōhanga Reo

Te tūwāhi	Kei Kāiti, ki Tūranga-nui-a-Kiwa
Te tau a te Tāhuhu o te Mātauranga	55174
Te tau tohu o Te Kōhanga Reo	06F065
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	30, kia tekau ki raro i te rua o ngā tau
Te tokomaha kei runga i te rārangi ingoa	25, tokoiwa kei raro i te rua o ngā tau
Ngā hononga ā-iwi	Māori 25
Te wā i te kōhanga reo te rōpū arotake	Hui-tanguru 2022
Te wā o tēnei pūrongo	27 Haratua 2022
Ngā pūrongo o mua a Te Tari Arotake Mātauranga	Arotake Mātauranga – Mana Whakahaere, Hui-tanguru 2022; Arotake Mātauranga, Whiringa-ā-rangi 2019; Arotake Mātauranga,   Mahuru 2016

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provides important information for hapū and iwi.

2 Context

Te Kōhanga reo o Te Tihi o Titirangi is at Te Poho o Rawiri marae, Kaiti, Gisborne. It is named after the mountain that sits behind them. The most important focus for the whānau is that mokopuna know that they are loved. Connections to one another and to the marae are a priority. The kōhanga is licensed to cater for 30 mokopuna including 10 aged under two years of age at any one time.

ERO evaluated the quality of Mana Whakahaere practice in February 2022. ERO found the whānau and kaimahi had effective practices in place that promoted mokopuna health, safety, and wellbeing. The whānau, kōhanga environment and curriculum immersed mokopuna in experiences and loving relationships that nurtured te reo and tikanga Māori. The whānau and ERO developed a recommendation that the whānau continue to enhance their collective capability to further increase positive outcomes for mokopuna.

3 Evaluation Focus

How well are mokopuna developing an awareness of their identity through te reo and tikanga Māori?

Mokopuna learn about their identity through loving relationships, te reo, tikanga Māori and lived experiences on the pā. 

4 Findings - Mana Mokopuna

Mokopuna are immersed in an environment where te reo Māori is a priority. Kaimahi use a range of strategies to support language development. These include mōteatea, waiata, rotarota, repetition, instruction, body movement and hand gestures, modelling and questioning. They have fun with the language when interacting with the mokopuna. They engage and communicate with excitement and enthusiasm. All kaimahi are raukura of kōhanga reo, kura kaupapa Māori and rumaki education and therefore have a high level of competence in te reo. Pēpi show understanding by the way they respond. Mokopuna are growing confidence and knowledge to communicate in te reo o Ngāti Porou.

Whānau value mokopuna developing a strong sense of identity and belonging. Ngati Porou tikanga underpins the daily programme and relationships. All kaimahi have whakapapa links to the area and to the mokopuna. Older mokopuna recite their pepehā with confidence. Younger mokopuna and pēpi are supported through prompting, hand signals and encouragement. The marae and maunga are the epitome of why the kōhanga reo moved to the marae. These places are an extension of the learning environment and mokopuna are referred to as marae babies. They have regular opportunities to be at the marae and participate in pōwhiri and marae events. Mokopuna have opportunities to learn about their whakapapa and connections on a daily basis.

Whānau focus on aroha, manaaki and tiaki. Kaimahi consistently praise and affirm mokopuna throughout the day. Tuakana and teina relationships are strong. Mokopuna show leadership qualities as they manaaki and tiaki the pēpi. Love and affection are used to greet, settle and redirect mokopuna. Mokopuna wellbeing is nurtured through a culture of care and love.

Whanaungatanga and aroha underpin how the whānau support staff and mokopuna. The responsive and caring board chair and matua kaiako lead the vibrant team well. Practices for building kaimahi capability, including appraisal and professional learning opportunities lead to improvements to the learning programme. Mokopuna identity and wellbeing are nurtured in a positive learning environment.

Key Next Steps

Whānau have identified their aspirations for the future. They have a shared vision with the marae and hapū to build a kura and then a whare wananga connected to the marae. Marae and hapū representatives are currently in negotiations to begin the kura build. This will support the marae matauranga Poutama dreams and aspirations for uri. It further supports whānau to ensure that mokopuna have strong identity and can express this through te reo and tikanga Māori for the duration of their schooling life. Mokopuna thrive in an environment where they are the focus.   

5 Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau, developed the following recommendation: 

• that the whānau continue to work collaboratively to achieve their aspirations.

Darcy Te Hau
Toka-ā-Nuku – Director
Te Uepū ā-Motu – Māori Review Services

27 May 2022

7 Information about the Kōhanga Reo

Location	Kaiti, Gisborne
Ministry of Education profile number	55174/06F065
Kōhanga Reo Identification Number	06F065
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	30 children, including up to 10 aged under 2
Kōhanga Reo roll	25 children, including 9 aged under 2
Ethnic composition	Māori 25
Review team on site	February 2022
Date of this report	27 May 2022
Most recent ERO report(s)	Education Review – Mana Whakahaere, February 2022; Education Review, November 2019; Education Review, September 2016;