Te Kōhanga Reo o Ōrongomai Marae

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

Nō te marama o Whiringa-ā-rangi, i te tau 1982 Te Kōhanga Reo o Ōrongomai Marae i whakatuwheratia ai i te marae o Ōrongomai, i Whakatiki. Ko tā te tauaki taketake a te whānau, kia rumakina ngā mokopuna i ia rā ki te reo Māori, ā, kia whakariterite mātou i a rātou mō tō rātou huarahi ako ka whai ake ki te kura kaupapa Māori.

3 Te Aronga o te Aromātai

He pēhea rawa te whakaatu mai o ngā mokopuna i tā rātou pārekareka ki te ako?

Ko te pārekareka a ngā mokopuna ki te ako, e hāpaitia ana ki ngā whakaritenga a ngā kaimahi.

4 Ngā Whakaaturanga – Mana Whakahaere

 E whakahaere ana te whānau me te komiti o te marae i te kōhanga reo, hei hāpai i te ngākau nuitanga o ngā mokopuna ki te ako. E tāutu ana te mahere ā-tau i ngā mahi whakahaere o te tau katoa, ā, ka whai wāhi hoki ki tēnei, ko ngā mahi e whakariterite ana i ngā kaupapa whakangahau mā ngā mokopuna. Ka whakarato te whānau me ngā kaimahi i tētahi taiao e poipoi tika ana i te taha whatumanawa, hei hāpai i te waiora o ngā mokopuna. Kua whakaritea te nuinga o ngā take kaimahi. E hāngai ana ngā tuhinga tūranga mahi katoa o ngā kaimahi ki te wā, ā, ka kawea e te komiti o te marae te whakatutukitanga o ngā mahi arowhai a ngā pirihimana.

Kua whakaritea ngā tukanga e pā ana ki ngā mahi whakamahere me te aromatawai. Ko te whakamahere mā ngā mokopuna e hāngai ana ki ngā kaupeka o te tau me ngā atua Māori e whai wāhi ai. Whakamahia ai e ngā kaimahi i ia te wā, ko ngā mātai mokopuna me ngā kōnae, hei whakatakoto haere i te ngākau nuitanga o ngā mokopuna ki te ako.

Ngā Whakaritenga Matua ka whai ake 

E kawe ngātahi ana te komiti o te marae me te whānau i ngā tūmomo wāhanga o ngā whakahaeretanga. Engari, kua tautuhia e te whānau kāhore i te tino mārama aua wāhanga, ā, me arotake wawe. Whāia nei, kua tae ki te whānau tētahi reta nā te komiti o te marae, e meatia ana ka whano te hiki i te kōhanga reo hei te Paenga-whāwhā o te tau 2022. Me mātua whai māramatanga ki ngā tūranga me ngā kawenga hei āta whakatau i te mahi whakahaere e whai hua ana. Kei te whakamōrearea aua tūāhuatanga i te ako a ngā mokopuna me te pae tawhiti o te kōhanga reo.

Ahakoa he mahere rautaki tā te whānau e whakamārama ana i ā rātou whāinga, kāhore he mahere mahi hei hāpai i te whakatutukitanga o ā rātou kaupapa matua o te pae tawhiti. Me whakatinana i tētahi mahere mahi ka ārahi i ngā whakawhanaketanga mō meāke nei, kia noho pūmau ai te kōhanga reo hei te pae tata, hei te pae tawhiti.

Me whakapakari i te aromātai o roto. Kāhore ngā meneti o ngā hui ā-whānau i whakaratohia ai hei whakatūturu i te kounga o ngā whakataunga, o ngā tukanga rānei, o ngā whakaritenga rānei a te whānau. E mōhio ana te whānau, e tika ana kia whakapakarihia ngā whakaritenga o te arotake whaiaro, inarā, i ērā e whai pānga ana ki te whai wāhi mai o te whānau me te tautoko.

Ko tētahi aronga matua, ko te whakaritenga o te pūnaha whakahaere tari e whai hua ai. Me aroturuki ake i ngā āhuatanga matua o ngā whakahaeretanga me ngā rārangi wā, hei āta whakatau i te whakatutukitanga o aua tūāhuatanga. Kāhore anō kia oti te arohaehae kaimahi. Kua tautuhia e te whānau, me whai tautoko ake anō rātou, ā, me whakapā atu hoki ki te whakawhanaketanga ngaio e whakatairanga ake ai i te kounga o ngā akoranga mā ngā mokopuna.

Me whai tautoko ki te whakapakari i te aromātai hōtaka. Hui ai ngā kaimahi i ia te wā, ā, ka whakawhiti kōrero mō tēnā e whai hua ana, engari he ōpaki kē te nuinga o aua kōrerotanga. Ko te whakawhanake me te whakatinana i ngā whakaritenga aromātai e hāpai ai i te aroturukitanga o ngā kaimahi i te whai huatanga, ā, ki te whakapai anō hoki i te hōtaka mā ngā mokopuna.

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Hei whakatutuki i ngā herenga ā-ture, me tahuri rātou ki te:

• whakarite i tētahi tukanga o te arotake whaiaro, o te aromātai o roto rānei e whakahaerehia ana i ngā wā katoa, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai  

[R46 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

• āta whakatau i te tukanga e whakatinana ai, e aroturuki ai hoki i te ahu whakamua o ngā wāhanga matua o te mahere ā-tau o ngā whakaritenga.

[R47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

6 Te Taunakitanga

E taunaki ana Te Tari Arotake Mātauranga kia mahi te whānau ki te taha o te tari ā-rohe o Te Poari Matua o Ngā Kōhanga Reo ki te whakawhanake me te whakatinana i tētahi mahere mahi, hei whakatutuki i ngā whakaritenga matua i tautuhia ai ki tēnei pūrongo kia whai ake.  

Darcy Te Hau
Toka ā Nuku
Te Uepū-a-Motu – Māori Services

17 Poutūterangi, 2022

7 Ngā kōrero e pā ana ki te Kōhanga Reo

Te tūwāhi	Kei Whakatiki
Te tau a te Tāhuhu o te Mātauranga	64003
Te tau tohu o Te Kōhanga Reo	09A021
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	18, kia tokowhā ki raro i te rua o ngā tau
Te tokomaha kei runga i te rārangi ingoa	Tokowaru, tokorua kei raro i te rua o ngā tau
Ngā hononga ā-iwi	Māori 6, Iwi kē 2
Te wā i te kōhanga reo te rōpū arotake	Whiringa-ā-rangi 2021
Te wā o tēnei pūrongo	17 Poutūterangi, 2022
Ngā pūrongo o mua a Te Tari Arotake Mātauranga	Arotake Mātauranga, Haratua 2018; Arotake Tāpiri, Kohi-tātea 2015; Arotake Tāpiri, Hōngongoi 2012

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Te Kōhanga Reo o Ōrongomai Marae opened on Ōrongomai Marae in Upper Hutt, in November 1982. The whānau mission is to make sure “mokopuna are immersed in te reo Māori every day and that we prepare them for their next journey of learning into Kura Kaupapa Māori.”

3 Evaluation Focus

How well do mokopuna show that they enjoy their learning?

Mokopuna enjoyment of learning is supported by kaimahi practices.

4 Findings - Mana Whakahaere

Whānau and the marae committee manage the kōhanga reo to support mokopuna enjoyment of learning. An annual plan identifies operational tasks across the year and includes planning fun events for mokopuna. Whānau and kaimahi provide a safe emotional environment to support mokopuna wellbeing. Most personnel matters are in place. All kaimahi job descriptions are current, and police vetting is completed by the marae committee.

Planning and assessment processes are established. Planning for mokopuna is based on seasons and associated atua Māori. Kaimahi consistently use mātai mokopuna and kōnae to document mokopuna enjoyment of learning.   

Key Next Steps

There are shared responsibilities for different aspects of operations between the marae committee and the whānau. However, the whānau have identified that these are not clear and that review is urgently needed. Whānau have unexpectedly received a letter from the marae committee describing the imminent recess of the kōhanga in April 2022. It is vital that clarity is sought regarding roles and responsibilities to ensure effective management is in place. Mokopuna learning and the future of the kōhanga are at risk.

While whānau have a strategic plan that describes their goals, there is no action plan to support the achievement of their long-term priorities. An action plan should be implemented to guide future developments so the kōhanga reo can be sustained into the future and beyond.

Internal evaluation requires strengthening. Minutes of hui whānau were not provided to verify the quality of whānau decision making, processes or practices. Whānau acknowledge the need to strengthen self-review practices, particularly in relation to whānau participation and support.

The establishment of an efficient administration system is a priority. Key aspects of operations and timelines require better monitoring to ensure they are met. Kaimahi appraisal is incomplete. Whānau have identified that additional support is required for this, and to access professional development to raise the quality of learning for mokopuna.

Support is required to strengthen programme evaluation. Kaimahi meet regularly and discuss what is working well, however this is mostly informal. Developing and implementing evaluation practices should assist kaimahi to monitor the effectiveness of and improve the programme for mokopuna.

5 Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

To meet compliance requirements they must: 

• ensure there is an ongoing process of self-review or internal evaluation to help the kōhanga maintain and improve the quality of its education and care

[Regulation 46 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]

• ensure there is a process to implement and monitor the progress of key aspects of the annual plan of operations.

[Regulation 47 Education (Early Childhood Services] Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]

6 Recommendation

ERO recommends that whānau work alongside the district office to develop and implement an action plan to address the key next steps identified in this report.

Darcy Te Hau
Toka-ā-Nuku – Director
Te Uepū ā-Motu – Māori Review Services

17 March 2022

7 Information about the Kōhanga Reo

Location	Upper Hutt
Ministry of Education profile number	64003
Kōhanga Reo Identification Number	09A021
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	18 children, including up to 4 aged under 2
Kōhanga Reo roll	8 children, including 2 aged under 2
Ethnic composition	Māori 6, Others 2
Review team on site	November 2021
Date of this report	17 March 2022
Most recent ERO report(s)	Education Review, May 2018; Supplementary Review, January 2015; Supplementary Review, July 2012