Te Kōhanga Reo o Ngāhauranga

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Ngahauranga ki Tawa. Kua raihanatia te kōhanga reo mō ngā mokopuna 20, me te tokowaru o rātou ki raro i te rua o ngā tau te pakeke i te wā kotahi. Nō te Here-turi-kōkā o te tau 1990 te kōhanga reo i whakatuwheratia ai, ā, i te tau 1993 te kōhanga reo i hūnuku ai ki tōna wāhi tū o tēnei wā. Kua whakangungutia ngā kaiako tokorua e kōkiri ana i Te Whāriki. Kua riro i tētahi o ngā kaimahi Te Ara Tuarua. E wawata ana te whānau ki te whakahou ake i tō rātou whare, kia āhei ai rātou ki te whakarahi ake i te raihana, me te whakatutuki i te hiahia whakauru mai o te hunga tokomaha.  

3 Te Aronga o te Aromātai

He pēhea rawa te whakaatu mai o ngā mokopuna i tō rātou māramatanga ki te whanaungatanga?

Ka kitea te tino māramatanga o ngā mokopuna ki te whanaungatanga mā roto mai i ā rātou taunekeneke ki ētahi atu.  

4 Ngā Whakaaturanga – Mana Mokopuna

 Ko te whanaungatanga kei te pūtake o ngā akoranga a ngā mokopuna. Ka whakatauira ngā kaimahi i ngā uara o te aroha, te manaaki, me te tiaki, i a rātou e ārahi ana i ngā taunekeneke a ngā mokopuna. Ka whakawhanake te mokopuna i te ngākau titikaha ki a ia anō, mā ngā whai wāhitanga ki te ārahi i ngā tūmomo āhuatanga o te hōtaka. Ka whakapuaki ngā kaimahi i ngā tino uara me ngā tino mātāpono o te kōhanga reo. Ka ako ngā mokopuna i te kaupapa i a rātou e waiata ana i ngā waiata pērā i a Ngā Pou e Whā. Ka arahina tā rātou whai i ngā ture nui, me te whakapūmau hoki i ngā tikanga. Ka whakarato ngā kaimahi i ngā taumahi pārekareka mā ngā mokopuna. Ka ngahau ngā mokopuna mā te tākaro ki te taha o ētahi atu. Ka katakata, ka tīhohehohe ngā kaimahi me ngā mokopuna, ā, ka ngākau nui ki te noho ngātahi.

Ka rongo ngā mokopuna i te whakaute me te manaakitanga ki ō rātou hononga. He ngākau aroha ō ngā kaimahi, ā, e tino mōhio ana rātou ki ngā āhua ake me ngā matea ake o ngā mokopuna. Ka poipoia ngā mokopuna, ā, he tino piringa ō rātou ki ngā kaimahi e whai whakaaro nui ana ki ngā mokopuna. Ka ako ngā mokopuna me pēhea te taunekeneke ki ō rātou hoa, ā, me pēhea hoki te manaaki me te atawhai i tētahi atu. Ka whakamihi ngā kaimahi i ngā whakamātau a ngā mokopuna. Ka akiaki ngā kaimahi i ngā mokopuna ki te whai kawenga. E ako ana te mokopuna i ētahi whakaritenga kia tiaki ia i a ia anō. E tino tautokona ana ngā pēpi, ā, ka tiakina rātou e ngā kaimahi e aro nui ana ki a rātou.

E hāpaitia ana te whakawhanaketanga reo o ngā mokopuna e te tangongitanga o ngā rautaki whai hua, ki tētahi wāhi whakaongaonga e mau ana i te hōhonutanga o te reo Māori. Rongo ai ngā mokopuna i ngā tino tauira o te reo i ngā kaimahi, puta noa i te rā. Ka akiaki ngā kaimahi i ngā mokopuna ki te whakamahi i ngā kupu e mōhiotia ana e rātou. He ngākau titikaha ō ngā tuākana ki te whakapuaki rerenga kōrero, me te kōkiri i ngā whakawhitinga kōrero ki te taha o ētahi atu. Ka whakapuaki ngā tēina i ngā kīanga. Ka whakamahi ngā pēpi i ngā kupu me te reo ā-tinana ki te whakawhitiwhiti whakaaro ki ētahi atu.

He hihiri te tūhura haere o ngā mokopuna i tō rātou taiao, ki te taha tonu o ētahi atu. Kua waihangatia e te whānau me ngā kaimahi tētahi wāhi tākaro o waho e rite ana ki te marae. Ka akiaki ngā kaimahi i te tino korikori tinana, mā te whakaatu i te haereere i ngā ara rākau, ngā rōnaki, me ngā arawhata. Ka whai wāhi atu ngā mokopuna, ka whakataetae ki te taha o ētahi atu, a, ka whai wāhi mātātoa atu ki te korikori tinana. Ka whakapakari aua tūāhuatanga i te oranga tinana o ngā mokopuna, me ō rātou pūkenga ā-tinana. He nui ngā rauemi i ngā wāhi o roto, o waho hoki, ā, ka wero, ka whakaongaonga hoki i te taha pākiki o ngā mokopuna.

E ākina ana te tūhura haere me te whai aronga o ngā mokopuna ki tō rātou taiao. Ka whakatōmene ngā mokopuna i te whānuitanga o ngā tūmomo koringa me ngā tauhohe i te ao tūroa, tae atu ki te peinga o te wai me te tō ā-papa, i a rātou e whakaoti rapanga ana mā ngā taputapu me ngā rauemi. Ka tūhura ngā pēpi mā te toro atu ki ō rātou tairongo ki te whakamātau i ō rātou whakaaro. Kua waihangatia ngā akoranga hei akiaki i ngā whakaaro ki te whānuitanga tonu o ngā horopaki. Kei te mauritau ngā mokopuna, ā, ka ngākau nui ki te tūhonohono ki ētahi atu.

Ko ngā take katoa i tautuhia ai ki te pūrongo Mana Whakahaere a Te Tari Arotake Mātauranga i te Hui-tanguru o te tau 2022, kua whakatūturuhia i te haerenga ki te kōhanga reo. He pai ngā tukanga whakahaere ā te whānau.

Ngā Whakaritenga Matua ka whai ake 

Kua tautuhia e te whānau, ko tā rātou whakaritenga matua ka whai ake, ko te whakapakari i te Pou Tuatoru e meatia ana, “Kia tika, kia pono”. Kei te tōkeke rātou ki te whakapakari tonu i tō rātou māramatanga ki te kaupapa, ki ō rātou tūranga me ā rātou kawenga, me te huarahi ka whāia e rātou ki te whakatairanga ake anō i ngā mokopuna me te kōhanga reo ki taumata kē. E tautoko ana te aromātai a Te Tari Arotake Mātauranga i taua tūāhuatanga hei whakaritenga whakawhanaketanga kia whāia.

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

 I whakawhanakehia e Te Tari Arotake Mātauranga me te whānau o te kōhanga reo te taunakitanga kia whakapakarihia te Pou Tuatoru e meatia ana, “Kia tika, kia pono”.

Darcy Te Hau
Toka ā Nuku
Te Uepū-a-Motu – Māori Services

02 Pipiri, 2022

7 Ngā kōrero e pā ana ki te Kōhanga Reo

Te tūwāhi	Kei Tawa
Te tau a te Tāhuhu o te Mātauranga	64039
Te tau tohu o Te Kōhanga Reo	09C043
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	20, kia tokowaru ki raro i te rua o ngā tau
Te tokomaha kei runga i te rārangi ingoa	18, tokorima kei raro i te rua o ngā tau
Ngā hononga ā-iwi	Māori 18
Te wā i te kōhanga reo te rōpū arotake	Paenga-whāwhā 2022
Te wā o tēnei pūrongo	2 Piripi 2022
Ngā pūrongo o mua a Te Tari Arotake Mātauranga	Arotake Mātauranga – Mana Whakahaere, Hui-tanguru 2022; Arotake Mātauranga, Here-turi-kōkā 2018; Arotake Mātauranga, Here-turi-kōkā 2016

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provides important information for hapū and iwi.

2 Context

Te Kōhanga Reo o Ngahauranga is located in Tawa. It is licensed to cater for 20 mokopuna, including eight under two years of age at any one time. The kōhanga opened in August 1990 and moved to its present site in 1993. Two fully trained kaiako lead Te Whāriki. One kaimahi has recently graduated with Te Ara Tuarua. Whānau aspire to remodel their whare to increase the licence to meet the demand for enrolments. 

3 Evaluation Focus

How well do mokopuna show their understanding of whanaungatanga?

Mokopuna show their understanding of whanaungatanga well through their interactions with others.

4 Findings - Mana Mokopuna

Whanaungatanga is central to mokopuna learning. Kaimahi model the values of aroha, manaaki and tiaki as they guide mokopuna interactions. Mokopuna develop self-confidence through opportunities to lead different aspects of the programme. Kaimahi share important values and principles of the kōhanga reo. Mokopuna learn about the kaupapa when they sing waiata such as Ngā Pou e whā. They are guided to follow important ture and uphold tikanga. Kaimahi provide enjoyable activities for mokopuna. Mokopuna have fun playing alongside others. Kaimahi and mokopuna laugh, giggle and enjoy each other’s company.

Mokopuna experience respectful, caring relationships. Compassionate kaimahi know the mokopuna personalities and their specific needs well. Mokopuna are nurtured and have close intimate interactions with attentive kaimahi. Mokopuna learn how to interact with their peers and how to be caring and kind to one another. Kaimahi praise mokopuna for their efforts. Kaimahi encourage the mokopuna to be responsible. Mokopuna are learning some personal self-care practices. Babies are well supported and cared for by dedicated kaimahi.

A range of useful strategies support mokopuna language development in a rich and stimulating te reo Māori environment. Mokopuna hear consistent kaimahi language models throughout the day. Kaimahi encourage mokopuna to use the kupu that they know. Tuakana confidently use sentences and initiate kōrero with others. Teina use phrases. Babies use kupu and non-verbal language to communicate with others.

Mokopuna energetically explore their environment alongside others. Whānau and kaimahi have created an outdoor play area to reflect a marae setting. Kaimahi encourage vigorous exercise through demonstration along the timber paths, ramps and steps. Mokopuna join in, compete with others and participate actively in physical movement. This strengthens mokopuna fitness and physical abilities. The indoor and outdoor spaces are well resourced, they provide challenge and stimulate mokopuna curiosity.

Mokopuna are encouraged to explore and make sense of their taiao. Mokopuna discover a range of natural environmental actions and reactions, including water displacement and gravity as they problem solve using tools and equipment. Babies explore by testing their ideas using their senses. Learning is designed to encourage thinking across a wide range of contexts. Mokopuna are settled and enjoy connecting with others.

All matters identified in ERO’s February 2022 Mana Whakahaere report have been verified during this onsite visit. Whānau have good whakahaere processes in place.

Key Next Steps

Whānau identify strengthening Pou Tuatoru, “Kia tika, kia pono” as their key next step. They are determined to continue building their understanding of the kaupapa, their roles and responsibilities and how they can take the mokopuna and the kōhanga reo to the next level. ERO’s evaluation supports this as a next step for development.

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau developed the recommendation to strengthen Pou Tuatoru, “Kia tika, kia pono”.

Darcy Te Hau
Toka-ā-Nuku – Director
Te Uepū ā-Motu – Māori Review Services

2 June 2022

7 Information about the Kōhanga Reo

Location	Tawa
Ministry of Education profile number	64039
Kōhanga Reo Identification Number	09C043
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	20 children, including up to 8 aged under 2
Kōhanga Reo roll	18 children, including 5 aged under 2
Ethnic composition	Māori 18
Review team on site	April 2022
Date of this report	2 June 2022
Most recent ERO report(s)	Education Review – Mana Whakahaere, February 2022;  Education Review, August 2018; Education Review, August 2016