State Highway 1, Manakau-Palmerston North
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Kotahitanga ki ngā papa o te marae o Wehiwehi, ki Manakau. Ka hautū, ka ārahi te kuia i ngā kaimahi e kawe ana i te hōtaka akoranga o ia rā. E tino tautokona ana te whānau e te hapū, ā, ka ū tahi ki te whakarato i ngā wheako ako papai mō ngā mokopuna.
Ka kitea ki ngā mokopuna tō rātou māramatanga ki te whanaungatanga nā ngā taunekeneke papai me ngā hononga whai pūtake ki ētahi atu.
E ako ana ngā mokopuna ki tētahi taiao e poipoi ana, e whāngai ana hoki i te whanaungatanga. Ka whakatakoto ngā kaimahi i te āhua o ngā wāhi ako mā ngā aronga mārie me ngā aronga ngāwari. Ka manaaki ngā mokopuna tuākana, ā, kei te mōhio rātou ki ō rātou tūranga i a rātou e taunekeneke ana me ngā tēina. Kua taunga ki ngā mokopuna ngā tikanga e āta whakapuaki ana i te whanaungatanga. Ka taki rātou i ngā karakia, ka waiata i ngā wai, ā, ka whakamihi hoki i ō rātou hoa i te hōtaka o te ata. Ka whakamahi ngā kaimahi i te whānuitanga o ngā tūmomo rautaki e whakapakari ana i te māramatanga o ngā mokopuna ki te reo Māori mā te tangongitanga o ngā wheako ako. Ko ētahi o aua rautaki, ko ngā whakawhitinga kōrero, te patapatai, te whāngai kupu, te tohutohu, me te whakamihi. He ngākau titikaha ō ngā tuākana ki te kōkiri i ngā whakawhitinga kōrero, me te whakapuaki whakaaro ki ngā kaimahi me ngā hoa mā ngā rerenga kōrero māmā o te reo Māori. Ka whakawhitiwhiti whakaaro ngā tēina mā te reo ā-tinana. He atawhai, he māramatanga hoki tō te aro atu a ngā kaimahi ki ngā mokopuna. Kei te whanake ngā mokopuna i te manaaki, te aroha, me te tiaki mō rātou anō, ā, mō ētahi atu hoki.
Kua taunga ngā mokopuna ki ngā akoranga, ā, he ngākau titikaha hoki ō rātou. Ka hāpai ngā kaimahi i ngā mokopuna ki te ako me te tākaro ki te taha o ō rātou hoa. E wātea ana ngā wāhi ako katoa me ngā papa tākaro o waho ki ngā mokopuna. Ka whakarato ngā kaimahi i ngā whai wāhitanga ako me ngā wheako, ā, he ngahau, he pārekareka hoki. Kua whakaritea ētahi wāhi mō ngā tuākana, ngā tēina, me ngā pēpi, ā, ka hāpai i a rātou ki te tūhura haere i tētahi wāhi e hāngai ana ki ō rātou rōpū reanga. Kua whakaritea ngā wāhi ako o roto, ā, ka whakatairanga i te tākaro, te mahi auaha, me te tūhura haere. He ngāwari ngā whakawhitinga puta noa i te hōtaka akoranga. Ka ako ngā mokopuna i ngā pānga whai hua o ō rātou hononga ki ētahi atu tāngata, ki tō rātou taiao hoki.
E whakatutukihia ana, e aroturukitia ana, e pūrongohia ana hoki ngā matea ako o ngā mokopuna. Ka mahi ngātahi ngā kaimahi ki te whakamahere mō ngā matea ako o ngā mokopuna. Ka whai wāhi ki ngā mahere, ko ngā kaupapa whānui, ngā kaupapa whāiti, me ngā whāinga hei ārahi i te whakatinanatanga o te hōtaka akoranga. Ka aroturuki ngā kaimahi i te ako me te ahu whakamua. Ka kapohia aua tūāhuatanga ki te kōnae a ia mokopuna. Ka whakamahi hoki rātou i ngā mātai mokopuna hei whakamōhio i ngā whānau mō te ako me te ahu whakamua a ngā mokopuna i roto i te roanga o te wā. Kua tuituia e ngā kaimahi te aromātai hōtaka ki tā rātou huringa taiāwhio e pā ana ki te whakamahere me te aromatawai. Ka whakamahi rātou i ngā pātai i te otinga o ia kaupapa ako, hei aromātai i te whai huatanga o te hōtaka akoranga. Ka whakamahi ngā kaimahi i aua mōhiohio ki te panoni haere i ētahi tūāhuatanga, hei whakatairanga i te kounga o te ako a ngā mokopuna. Ka whai wāhi atu ngā mokopuna ki ngā akoranga i āta whakamaheretia ai, i āta whakahaerehia ai hoki.
He pai te whakahaeretanga i te nuinga o ngā wāhanga i te kōhanga reo. E whakatakoto ana te tūtohinga i te hītori o te kōhanga reo, ā, ka ārahi hoki i te whānau. Kua whakatūngia e te whānau tētahi Ohu Whakahaere, hei hāpai i ngā whānau me ngā kaimahi. Hui ai te whānau i ia ono wiki, ā, ka whakatau ngātahi i ngā whakaritenga, ka pūrongo hoki i ngā wāhanga katoa o ngā whakahaeretanga. Kua whakawhanakehia e rātou tētahi mahere rautaki mō ngā tau e rima, ā, ka hāngai tēnei ki ngā whakawhanaketanga o te kōhanga reo mō meāke nei. Ka whakamahi Te Ara Tūāpae hei whakamōhio i ngā whāinga, hei tautoko hoki i te tirohanga me ngā wawata o te whānau mō te kōhanga reo. Aroturukitia ai e te Ohu Whakahaere te ahu whakamua me ngā putanga o te mahere rautaki i ia te wā. E whakatakoto ana te mahere ā-tau i ngā mahi whakahaere whānui i te tari, ā, i te wā hoki e tika ana kia whakatutukihia. E tautoko ana ngā whakaritenga whakahaere kaimahi i te tupu me te whakawhanaketanga o ngā kaimahi. Ka āta whakamāramahia ngā kawenga a ngā kaimahi ki ngā kirimina mahi me ngā tuhinga tūranga mahi a ngā kaimahi. Kua whakatakotohia ngā tukanga arohaehae. Ka whai wāhi ki ērā ko ngā arohaehae whaiaro me ngā arohaehae āhua mahi e arotahi ana ki te whakapai tonutanga. Ka tautokona e Ohu Whakahaere te whakatutukitanga o ngā arohaehae a ngā kaimahi. Ko ngā mokopuna kei te pūtake o ngā mahi a te whānau ki te whakatau ngātahi i ngā whakaritenga.
Me titiro ki ngā kaupapa here me ngā tukanga e pā ana ki te hauora me te haumaru. Ahakoa he kaupapa here, he tukanga hoki ā te whānau, mai i Te Poari Matua o Ngā Kōhanga Reo, kua tae ki te wā kia whakarite te whānau i tētahi tukanga urutau, e whakahāngaitia ai aua tuhinga ki ngā herenga ā-ture. E whakamōreatia ana te hauora, te haumaru, me te waiora o ngā mokopuna.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
Hei whakatutuki i ngā herenga ā-ture, me tahuri rātou ki te:
whakarite i tētahi tukanga o te arotake whaiaro, o te aromātai o roto rānei e whakahaerehia ana i ngā wā katoa, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai.
[R46 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
E taunaki ana Te Tari Arotake Mātauranga me te whānau o te kōhanga reo, kia mahi te whānau ki te taha o te tari ā-rohe o Te Poari Matua o Ngā Kōhanga Reo, ki te whakatutuki i ngā take i whakaraupapahia ai ki tēnei pūrongo.
Rita Walker
Toka ā Nuku Whakakapi
Te Uepū-a-Motu – Māori Services
09 Haratua, 2023
|
Te tūwāhi |
Kei Manakau |
|
Te tau a te Tāhuhu o te Mātauranga |
64048 |
|
Te tau tohu o Te Kōhanga Reo |
09D071 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
16, kia tokowhā ki raro i te rua o ngā tau |
|
Te tokomaha kei runga i te rārangi ingoa |
14, tokowhā kei raro i te rua o ngā tau |
|
Ngā hononga ā-iwi |
Māori 14 |
|
Te wā i te kōhanga reo te rōpū arotake |
Poutū-te-rangi 2023 |
|
Te wā o tēnei pūrongo |
9 Haratua 2023 |
|
Ngā pūrongo o mua a |
Arotake Mātauranga, Hakihea 2019; Arotake Mātauranga, Mahuru 2016; Arotake Mātauranga, Mahuru 2013 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.
Te Kōhanga Reo o Kotahitanga is situated on the grounds of Wehiwehi marae, Manakau. The kuia provides leadership and guidance to kaimahi who are responsible for the day-to-day learning programme. Whānau are well supported by the hapū and share a commitment to providing positive learning experiences for mokopuna.
Mokopuna demonstrate their understanding of whanaungatanga through positive interactions and meaningful relationships with others.
Mokopuna learn in a nurturing environment that fosters and nurtures whanaungatanga. Kaimahi set the tone of the learning spaces using calm and gentle approaches. Older mokopuna are caring and know their roles when interacting with teina. Mokopuna are familiar with tikanga that reflects whanaungatanga. They recite karakia, sing waiata and greet their peers during the morning programme. Kaimahi use a range of strategies to build mokopuna understanding of te reo Māori through a range of learning experiences. Strategies include conversations, questions, prompts, instructions and praise. Tuākana are confident to initiate conversations and communicate with kaimahi and peers using simple sentence structures in te reo Māori. Teina communicate their understanding with body gestures. Kaimahi respond to mokopuna with warmth and understanding. Mokopuna are developing values of manaaki, aroha and tiaki for self and others.
Mokopuna engage in learning with familiarity and confidence. Kaimahi support mokopuna to learn and play alongside each other. Mokopuna have access to all learning spaces and outside playgrounds. Kaimahi provide learning opportunities and experiences that are fun and enjoyable. Designated areas for tuākana, teina and pēpi enable them to explore in a space that is relevant for their age groups. The indoor learning spaces are organised and promote play, creativity, and exploration. Transitions throughout the learning programme are smooth. Mokopuna learn about positive effects of relationships with people and their taiao.
Mokopuna learning needs are well catered for, monitored and reported. Kaimahi work collaboratively to plan for mokopuna learning needs. Planning includes kaupapa whānui, kaupapa whāiti and whāinga to guide the implementation of the learning programme. Kaimahi monitor learning and progress. This is captured in mokopuna individual konae. They also use mātai mokopuna to inform whānau of mokopuna learning and progress over time. Kaimahi have integrated programme evaluation into their their planning and assessment cycle. They use questions at the completion of each kaupapa ako to evaluate the effectiveness of the learning programme. Kaimahi use this information to make changes to enhance the quality of mokopuna learning. Mokopuna experience learning that is well planned and managed.
Most aspects of the kōhanga reo are managed well. The tūtohinga documents the history of the kōhanga reo and provides guidance for whānau. Whānau have appointed an Ohu Whakahaere to support whānau and kaimahi. Whānau hui every six weeks, where they share in decision making and report across all areas of operation. They have developed a five-year strategic plan that reflects future developments of the kōhanga reo. Te Ara Tūāpae is used to inform goals and support the vision and aspirations whānau hold for the kōhanga reo. The progress and outcomes of the strategic plan is regularly monitored by the Ohu Whakahaere. An annual plan sets out the overall administrative tasks and when these are to be completed. Personnel management practices support kaimahi growth and development. Kaimahi employment agreements and job descriptions provide clarity for kaimahi responsibilities. Appraisal processes are in place. These include competency self-appraisals and performance appraisals that are improvement focussed. The Ohu Whakahaere provide ongoing support with kaimahi appraisal completion. Mokopuna are the centre of collective whānau decision making.
Health and safety policies and procedures require attention. Whilst whānau have policies and procedures from the Te Kōhanga Reo National Trust, its time for whanau to establish a process to adapt them to ensure they align to legislative requirements. Health, safety and wellbeing of mokopuna is compromised.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
To meet compliance requirements they must:
ensure there is an ongoing process of self-review or internal evaluation to help the kōhanga maintain and improve the quality of its education and care.
[Regulation 46 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
ERO and the Kōhanga reo whānau recommends whānau work alongside the district office to address the issues outlined in this report.
Rita Walker
Acting Toka-ā-Nuku – Director
Te Uepū ā-Motu – Māori Review Services
9 May 2023
|
Location |
Manakau |
|
Ministry of Education profile number |
64048 |
|
Kōhanga Reo Identification Number |
09D071 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
16 children, including up to 4 aged under 2 |
|
Service roll |
14 children, including up to 4 aged under 2 |
|
Ethnic composition |
Māori 14 |
|
Review team on site |
March 2023 |
|
Date of this report |
9 May 2023 |
|
Most recent ERO report(s) |
Education Review, December 2019; Education Review, September 2016; Education Review, September 2013 |
E tū ana Te Kōhanga Reo o Kotahitanga ki te marae o Ngāti Wehiwehi. Kei Manakau te kōhanga reo, he wāhi ki waenganui i ngā tāone o Taitoko me Ōtaki. E whakarato ana te marae i te whānuitanga o ngā tūmomo whai wāhitanga ako ā-ahurea nei mō ngā tamariki. E whakapūmau ngātahi ana te whānau ki te whakatairanga ake i te whakawhanaketanga o te reo Māori ki te kōhanga reo me te hapori whānui.
Ka tūmāia ngā tamariki ki te whakatinana i te tupu haere o tō rātou mōhiotanga me tō rātou māramatanga ki te tuakiri me te aronga toi whenuatanga.
E whai wāhi atu ana ngā tamariki ki te taiao e manaakitia ana, e āhurutia ana rātou. Ka whakarato ngā kaimahi i tētahi taiao atawhai e mau pūmau ana i ā rātou uara. He manaakitanga, he aroha, he awhi hoki i roto i ngā taunekeneke katoa. Ka awhiawhi hei whakatakoto i ngā tūmanako mō te whanonga e tika ana. Ka tāwhai ngā tamariki i ngā uara ki ētahi atu. Ka aroha ngā tuākana i ō rātou tēina i a rātou e tohatoha ana i ngā taonga tākaro me ngā kēmu. Ka ako ngā tēina ki te awhi nā te āhua o te whakawhanaungatanga o ō rātou tuākana. He whakaute ngā taunekeneke. He pakari ngā tamariki ki te toro atu ki te āwhina me te tautoko o ngā pakeke. He tau ngā tamariki ki te whakapuaki i te aroha ki waenga i a rātou anō, ā, ki ētahi atu hoki.
Ka whai wāhi atu ngā tamariki ki ngā huihuinga a te marae me te iwi. Ka āta whakanuia e ngā kaimahi te wāhi noho o te kōhanga reo, ā, ka toro atu i ngā tamariki ki ngā whakanuitanga me ngā kaupapa i te marae. Ka whakawhānui rātou i te māramatanga o ngā tamariki ki ngā kawa me ngā tikanga a te iwi. Ka haere ngā tamariki ki ngā tangihanga, ā, he wā tēnei mō ngā tamariki ki te taunekeneke ki ngā kaumātua me ngā kuia, ki te whakarongo ki ngā whakapapa, ā, ki te kite i ngā tikanga ki ngā horopaki tūturu. Ka whakapūmau ngā kaimahi i te māramatanga o ngā tamariki ki ō rātou tūnga hei tangata whenua. He tūmāia ngā tamariki ki te harirū, te awhi, te kihi, me te whakamihi i ngā manuhiri. E whanake ana ngā tamariki i tō rātou māramatanga ki tō rātou tū hei tangata whenua. Ka kitea te aronga toi whenuatanga o ngā tamariki.
E rumakina ana ngā tamariki ki tētahi taiao e akiaki ana i a rātou ki te whakamahi i te reo Māori. He pakari ngā kaimahi ki te kōrero i te reo Māori. Ka whakamahi ngā kaimahi i ngā waiata, ngā kēmu kupu, me ngā pepeha ki te whakawhānui i te reo ā-waha o ngā tamariki, ā, ka whakamahi hoki i tētahi rākau whakapapa hoki ki te whakawhanake i te reo ataata o ngā tamariki. He pakari ngā tamariki ki te whakamahi i te reo Māori ki te whakawero i ētahi atu, ki te mahi ngahau, ki te whakariterite, ā, ki te tono hoki. E whakatutukihia ana te wawata o te whānau kia reo Māori te reo kōrero o ngā tamariki. E whanake ana te mātau o ngā tamariki ki te kōrero i te reo Māori.
E whai wāhi atu ana ngā tamariki ki tētahi hōtaka akoranga e hāpai ana i a rātou ki te tūhonohono. Ka whakamahere ngā kaimahi i ngā haerenga ki ngā ratonga hapori pērā i te whare pukapuka me te puna kaukau, hei whakatairanga i te ako a ngā tamariki. Kōrero ai rātou i te reo Māori ki ngā wāhi katoa, kia māoriori te whakawhitiwhiti kōrero mā te reo Māori i aua horopaki. Ka tūhonohono ngā tamariki ki te reo Māori i te hapori whānui. Ka ako ngā tamariki i ngā kaupapa e whakahono ana i a rātou ki te whenua me te ao Māori. Ko te tuna heke, te tiaki i a Papatūānuku, me te kaupapa o Matariki, he whai wāhitanga katoa mō ngā tamariki ki te tūhonohono ki te ao Māori. He ākonga pākiki ngā tamariki.
Kua whakaritea ngā mahere. Kua whakawhanakehia e te whānau tētahi hanganga whakamahere e arotahi ana ki Te Whāriki. Ka whakamahere, ka arotahi hoki ngā kaimahi ki te whanaketanga reo o ngā tamariki. Ka toro atu ki ngā haerenga me ngā mātanga o waho hei whakatairanga ake i ngā kaupapa ako me te māramatanga ake o ngā tamariki me ngā whānau. He pai te whakawhitiwhiti whakaaro ki waenga i ngā kaimahi me te whānau, ā, e hāpai ana i ngā mātua ki te whai wāhi atu ki te hōtaka akoranga. E tautokona ana ngā matea ako o ngā tamariki.
Ka whakamahi ngā kaimahi i te whānuitanga o ngā tūmomo huarahi aromatawai e whai hua ana ki te tāutu i te ako a ngā tamariki. Ko ētahi o aua rautaki, ko ngā paki ako, ngā whakaahua, ngā mahi toi, ngā whakamātautau reo Māori, me ngā whakarāpopototanga i tuhia ai. Kua āta tuhia te whakawhanaketanga ako o ngā tamariki, me tā rātou ahu whakamua. E whakapuakihia ana aua mōhiohio ki te whānau i ngā pūkete a ngā tamariki. E mōhio ana ngā mātua ki te āhua o te ako a ā rātou tamariki, ā, ki tēnā anō hoki e ākona ana. E aroturukitia ana te ahu whakamua a ngā tamariki.
Ka tino whakaaro huritao ngā kaimahi. Ka tuhi rātou i ngā whakawhitinga kōrero ōkawa e pā ana ki te kounga o ā rātou mahi whakaako, me ngā huarahi anō hoki ka whakatairanga ake i te āhua mahi. Ka tāutu ngā kaimahi i ngā tūmomo āhuatanga hei whakarerekē ki te whakapai ake i ngā mahi whakaako. He auau ngā pūrongo e pā ana ki te aromātai hōtaka, ā, ka whakapuakihia ēnei ki te whānau i ngā hui. Ko te ako a ngā tamariki, ko tō rātou whakawhanaketanga hoki te aronga matua.
Ka whai wāhi atu te whānau ki ngā whakataunga, ki te tiaki rawa, ā, ki te tautoko hoki i ngā kaimahi i ia rā hei whānau awhi. E hāpaitia ana rātou e ngā kaiārahi tautōhito ki te whai wāhi atu ki te whakawhanaketanga o te kōhanga reo. Ka whakamahi rātou i ngā patapatai, ngā huihuinga, me ngā kōrerorero ōpaki ki te whakapuaki i ō rātou whakaaro. E ākina ana te whai wāhi atu ki ngā hui ā-whānau o ia marama, ā, e tohu ana ngā tuhinga meneti i te kaha taetae atu. Ko ngā tuhinga matua, pērā i ngā kaupapa here, e hāngai katoa ana ki te wā, ā, e āta whakahaerehia ana. Ko te kaha ki te pīkau ngātahi i ngā kawenga e poipoi mārika ana i te ngāwari me te uruhau o ngā tamariki. Kei te mauritau ngā tamariki.
I kōrerohia, i tāutuhia hoki e te whānau me Te Tari Arotake Mātauranga tētahi whakaritenga matua hei whai ake ki te whakapai atu i ngā mahi. Kua tāutuhia e te whānau tā rātou aronga ki te whakapakari ake i te āheinga o te whānau ki te whakapūmau me te rōnaki hoki i te kounga kairangi o ngā whakaritenga, ā, ki te whai wāhi atu hoki ki ngā tino putanga mō ngā tamariki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
Ka aromātai anō Te Tari Arotake Mātauranga i Te Kōhanga Reo o Kotahitanga i roto i te toru o ngā tau.
Gloria Takuira Toka ā-nuku Whakakapi
Te Uepū-ā-Motu - Māori Review Services
05 Hakihea, 2019
|
Te tūwāhi |
Kei Manakau |
|
|
Te tau a te Tāhuhu o te Mātauranga |
64048 |
|
|
Te tau tohu o Te Kōhanga Reo |
09D071 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
16, kia tokowhā ki raro i te rua o ngā tau |
|
|
Te tokomaha kei runga i te rārangi ingoa |
Tokowaru, tokowhā kei raro i te rua o ngā tau |
|
|
Te ira tangata |
Kōtiro 4 Tama tāne 8 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Whiringa-ā-rangi 2019 |
|
|
Te wā o tēnei pūrongo |
05 Hakihea, 2019 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Mahuru 2016 Mahuru 2013 Paenga-whāwhā 2010 |
Te Kōhanga Reo o Kotahitanga is based on Ngāti Wehiwehi Marae. It is situated in Manakau, between Levin and Ōtaki. The marae provides a range of cultural learning opportunities for children. Whānau share a commitment to promoting the development of te reo Māori in the kōhanga reo and in the wider community.
Children confidently demonstrate a growing awareness and understanding of identity and belonging.
Children experience surroundings where they are cared for and included. Kaimahi provide a warm environment based on their values. They use manaaki, aroha and āwhi in all interactions. Cuddles and hugs are used to set expectations for behaviour. Children mimic values to others. Tuakana show aroha to their teina when they share toys and games. Teina learn āwhi from their tuakana in their friendships. Interactions are respectful. Children confidently seek assistance and support from adults. Children are comfortable to show love to each other and to others.
Children participate in marae and iwi events. Kaimahi take advantage of the location of the kōhanga reo by ensuring children attend marae celebrations and kaupapa. They extend children’s understanding of kawa and iwi appropriate practice. Tangihanga enables children to interact with kaumatua and kuia, listen to whakapapa and observe tikanga in an authentic context. Kaimahi reinforce children’s understanding of their roles as tangata whenua. Children hariru, hug, kihi and greet manuhiri with confidence. Children are developing their understanding of their tangata whenua role. Children show a sense of belonging.
Children are immersed in an environment that encourages the use of te reo Māori. Kaimahi are confident speakers of te reo Māori. They use waiata, word games and pepeha to extend children’s oral language and a whakapapa tree to support children’s developing visual language. Children can use te reo Māori skilfully to challenge others, to have fun, to negotiate and to make requests. Whānau aspirations for children to be speakers of te reo Māori are being met. Children are developing as competent speakers of te reo Māori.
Children experience a learning programme that supports them to make connections. Kaimahi plan haerenga to community facilities such as the library and the local swimming pool to enrich children’s learning. Te reo Māori is spoken in all settings to expose children to it as a natural, normal language of communication. Children make connections with te reo Māori in the wider community. Children learn about kaupapa that connects them to the whenua and to te ao Māori. Tuna heke, caring for Papatūānuku and Matariki give children opportunities to connect with te ao Māori. Children are curious learners.
Planning is in place. Whānau have developed a planning structure that focuses on Te Whāriki. Kaimahi plan and focus on children’s language development. Haerenga and external expertise are used to complement the learning kaupapa and promote greater understanding for children and whānau. Good communication between kaimahi and whānau enables parents to have input into the learning programme. Children’s learning needs are supported.
Kaimahi use a range of effective assessment methods to identify children’s learning. This includes learning stories, photos, art work and te reo Māori tests and written summaries. Children’s learning development and progress is well-documented. This information is shared with whānau in children’s profile books. Whānau know how well and what their children are learning. Children’s progress is monitored.
Kaimahi are highly reflective. They document formal discussions about the quality of their teaching practice and ways to lift performance. Kaimahi identify possible changes to improve teaching practice. Regular reports on programme evaluation are shared with whānau at hui. Children’s learning and development is a priority.
Whānau contribute to decision making, property maintenance and daily support of kaimahi as whānau āwhi. They are supported by experienced leadership to contribute to the development of the kōhanga reo. They use surveys, meetings and informal chats to share their views. Participation at monthly hui whānau is encouraged and this is evident in attendance records. Required documentation including policies are current and well managed. This sharing of responsibility leads to relaxed, content children. Children are settled.
The whānau and ERO discussed and identified a key next step for improving practice. Whānau have identified their focus on building capability within the whānau to maintain and sustain high quality practice and to contribute to positive outcomes for children.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
The next ERO evaluation of Te Kōhanga Reo o Kotahitanga will be in three years.
Gloria Takuira Acting Toka ā-nuku
Te Uepū-ā-Motu - Māori Review Services
5 December 2019
|
Location |
Manakau |
|
|
Ministry of Education profile number |
64048 |
|
|
Kōhanga Reo Identification Number |
09D071 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
16 children, including up to 4 aged under 2 |
|
|
Kōhanga Reo roll |
8 children, including up to 4 aged under 2 |
|
|
Gender composition |
Girls 4 Boys 8 |
|
|
Ethnic composition |
Māori |
100% |
|
Review team on site |
November 2019 |
|
|
Date of this report |
5 December 2019 |
|
|
Most recent ERO report(s) |
Education Review Education Review Supplementary Review |
September 2016 September 2013 April 2010 |
E tū ana Te Kōhanga Reo o Kotahitanga ki runga i te marae o Ngāti Wehiwehi ki Manakau. Ka whai pānga pai te marae ki ngā akoranga a ngā tamariki, ā, ko te reo Māori tētahi kaupapa matua. He ngātahi tō ngā kaimahi me te whānau wawata kia tupu tonu tō rātou kōhanga reo. He pakari, he harikoa hoki ngā tamariki ki tētahi taiao e āta poipoi ana i a rātou.
Ka arotake anō Te Tari Arotake Mātauranga i Te Kōhanga Reo o Kotahitanga i roto i te toru o ngā tau.
E tū ana a Te Kōhanga Reo o Kotahitanga ki runga i te marae o Ngāti Wehiwehi ki Manakau, i waenga i a Taitoko me Ōtaki. Ko te noho marae e whakarato ana i te whānuitanga o ngā tūmomo whai wāhitanga ako mō ngā tamariki. Kua riro i te kōhanga reo ngā pūtea ki te whakawhānui ake i ō rātou whare, ā, mā tēnei ka rawaka ake ngā rauhanga mō ngā tamariki. E noho pūmau ana te whānau ki te hāpai i te whakawhanaketanga o te reo Māori ki te kōhanga reo, ā, ki tua atu hoki.
Ka kitea te āta poipoi, te āta atawhai anō hoki i ngā tamariki mā te whānuitanga o ngā tūmomo huarahi.
Ka ako ngā tamariki ki tētahi taiao e whakapūmau ana i te reo Māori hei kaupapa matua. Ka whakamahi ngā kaimahi i ngā tūmomo rautaki maha ki te poipoi i te whakawhanaketanga reo o ngā tamariki. Ko ētahi o ēnei, ko ngā whakawhitinga kōrero, ngā pātai whānui, me ngā kupu akiaki. Ka rongo ngā tamariki i te āhua o te reo ōkawa, pērā i ngā mihimihi, ngā karakia, me ngā pepeha. He pārekareka ki a rātou te whakapuaki i tēnā e mōhiotia ana e rātou ki te taha o ō rātou hoa me ngā pakeke. Ka whakapūmau ngā whānau i ngā akoranga ki te kāinga, ā, he tokomaha hoki o rātou e ako ana i te reo Māori ki te taha o ā rātou tamariki. Kei te pakari haere ngā tamariki ki te whakamahi i te reo Māori.
E ako ana ngā tamariki mō rātou anō, hei whakapakari ake anō hoki i tō rātou tuakiri. He whai wāhitanga mō rātou i ia rā ki te whakanui i ō rātou tūpuna me ngā tino pou whenua o te rohe. Ka whakamahi ngā tamariki i ngā karakia, ngā waiata, me ngā hīmene hei whakatairanga ake i tō rātou mōhiotanga ki a rātou anō. Ka hāpai ngā kaimahi i te ako a ngā tamariki mā te akiaki me ngā taunekeneke papai. Kei te pakari haere te mōhiotanga ō ngā tamariki ki a rātou anō.
Ka rongo ngā tamariki i te kaha o te aronga toi whenuatanga ki tō rātou kōhanga reo. Ka kitea te whakaute o ō rātou hononga ki ō rātou hoa, ki tō rātou whānau, me ngā kaimahi. Kua waia rātou ki ngā mahinga o ia rā ki te kōhanga reo, me ngā tūmanako. Ka kitea te whakaaro nui o ngā tuākana mō ō rātou teina, ā, ka whakatauira rātou i ngā taumahi o ia rā, kia whai ai hoki rātou. Kei ngā tamariki tēina tō rātou ake wāhi, kia āhei ai rātou ki te whai i ō rātou ake ngākau nuitanga. He pakari, he harikoa hoki ngā tamariki i roto i ō rātou hononga ki ētahi atu.
Ka whai wāhi ngā tamariki ki te whānuitanga o ngā tūmomo wheako akoranga o waho. He wāhi tākaro moroki o waho ki te kōhanga reo. Ka whai pānga nui ngā māra kai ki ngā mahi tūhura o waho, ā, ka hāpai hoki i te ako i te kaitiakitanga me te manaakitanga. Ka whakatupu ngā tamariki i ngā kamokamo, mai i te kākano ki tō rātou whare manga i te kōhanga reo, kātahi rātou ka whakatō anō ki tētahi atu marae e pātata ana ki a rātou. Ka haereere ngā tamariki ki ngā wāhi me ngā tāngata o te hapori, pērā i ngā pāmu me te whare pukapuka, hei whakapakari i ngā hononga, hei tūhonohono anō hoki ki tō rātou hapori. He pārekareka ki ngā tamariki te tūhura i tō rātou taiao māoriori, tūturu hoki.
Ka whai kiko ngā mahere, ā, he pai te āta tuhituhi mai hoki. Ka whakarite ngā kaimahi i ngā mahere ā-wāhanga, ā-wiki, o ia rā hoki. Ka whai hua ngā mahere i āta whakawhanakehia ai, ā, ka ārahi i ngā whakaritenga a ngā kaimahi. Hui ai ngā kaimahi i ia te wā ki te aromātai i te kounga o te hōtaka akoranga. Ka whiwhi ngā tamariki i te kounga o ngā whai wāhitanga ako e aro nui ana ki ō rātou matea.
He pai te āta aroturuki i te ako a ngā tamariki. Ka whakamahi ngā kaimahi i ngā kitenga me ngā rārangi arowhai hei aromatawai i te ako a ngā tamariki i ia te wā. Ka whakarato rātou i ngā mōhiohio ki te whānau, mō tēnā e ākona ana ngā tamariki, me te āhua o tā rātou ahu whakamua. Ka whakamahia ngā mōhiohio aromatawai hei whakamōhio i ngā mahere me ngā whāinga ako o ia tamaiti. Ka whai painga ngā tamariki nā te whai hua o ngā tikanga aromatawai.
Ka aromātai ōkawa nei ngā kaimahi i te whai huatanga o te hōtaka akoranga mō ngā tamariki. Ka whakaoti i te whānau ngā patapātai hei kōrero urupare mō te ako a ā rātou tamariki. Ka whakaatu ngā pūrongo i ngā āhuatanga o te whakaritenga papai me ngā wāhanga hei whakapai ake, hei ārahi i tā rātou whakapuakitanga i te kounga o tētahi hōtaka akoranga mā ngā tamariki. Ka whai wāhi ngā tamariki ki ngā hōtaka akoranga i whakatinanahia nā te whai huatanga o te aromātai o roto.
Kei te waia haere te whānau ki ō rātou tūranga whakahaere me ā rātou kawenga whakahaere. I mua, he maha ngā kawenga whakahaere i whakaotihia e te kaiwhakahaere me te kaiako. He auau te pūrongo i ngā whāinga rautaki, ngā pūtea o te kōhanga reo, ngā whakawhanaketanga rawa, me ngā take haumaru. Ko te eke angitu o ngā whakatupuranga katoa tētahi kaupapa matua ki te whānau. He wawata ō rātou ki te riro ā rātou tohu mātauranga ki te taha o ā rātou mokopuna, ā rātou tamariki hoki. E noho pūmau ana te whānau ki te whakapai tonutanga o tō rātou kōhanga reo.
Me whakapakari ake i te pūrongo auau ki te whānau mō ngā āhuatanga e pā ana ki te whakamahere, te aromatawai, me te aromātai hōtaka. E mōhio ana te whānau, ko tētahi mahere ā-tau mō te whakatutukitanga o ngā whāinga rautaki, ka hāpai anō hoki i te ārahitanga me te whakaotinga o aua mahi. Ka whai painga ngā tamariki i te whānau kua whakatōkia nei tētehi pūnaha whakahaere whai hua.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
E tū ana Te Kōhanga Reo o Kotahitanga ki runga i te marae o Ngāti Wehiwehi ki Manakau. Ka whai pānga pai te marae ki ngā akoranga a ngā tamariki, ā, ko te reo Māori tētahi kaupapa matua. He ngātahi tō ngā kaimahi me te whānau wawata kia tupu tonu tō rātou kōhanga reo. He pakari, he harikoa hoki ngā tamariki ki tētahi taiao e āta poipoi ana i a rātou.
Ka arotake anō Te Tari Arotake Mātauranga i Te Kōhanga Reo o Kotahitanga i roto i te toru o ngā tau.
Lynda Pura-Watson
Kaiurungi Whakaturuki Arotake Māori
08 Mahuru, 2016
|
Te tūwāhi |
Kei Manakau |
||
|
Te tau a te Tāhuhu o te Mātauranga |
64048 |
||
|
Te tau tohu o Te Kōhanga Reo |
09D071 |
||
|
Te tūmomo whare |
He kōhanga reo |
||
|
Te raihana |
Ngā Ture Mātauranga (Ratonga Kōhungahunga) 2008 |
||
|
Te tokomaha mō te raihana |
20, kia tokowhā ki raro i te rua o ngā tau |
||
|
Te tokomaha kei runga i te rārangi ingoa |
12, tokowhā kei raro i te rua o ngā tau |
||
|
Te ira tangata |
Kōtiro 7 Tama tāne 5 |
||
|
Ngā hononga ā-iwi |
Māori |
100% |
|
|
Te wā i te kōhanga reo te rōpū arotake |
Pipiri 2016 |
||
|
Te wā o tēnei pūrongo |
08 Mahuru, 2016 |
||
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpiri Arotake Mātauranga |
Haratua 2013 Whiringa-ā-rangi 2009 Pipiri 2008 |
|
E tū ana Te Kōhanga Reo o Kotahitanga ki runga i te marae o Ngāti Wehiwehi ki Manakau. Ka whai pānga pai te marae ki ngā akoranga a ngā tamariki, ā, ko te reo Māori tētahi kaupapa matua. He ngātahi tō ngā kaimahi me te whānau wawata kia tupu tonu tō rātou kōhanga reo. He pakari, he harikoa hoki ngā tamariki ki tētahi taiao e āta poipoi ana i a rātou.
Ka arotake anō Te Tari Arotake Mātauranga i Te Kōhanga Reo o Kotahitanga i roto i te toru o ngā tau.
Te Kōhanga Reo o Kotahitanga is based on Ngāti Wehiwehi marae in Manakau between Levin and Ōtaki. The marae based setting provides a range of learning opportunities for children. The kōhanga reo has sought funding to extend their buildings which will provide more adequate facilities for the children. Whānau are committed to supporting te reo Māori development through and beyond the kōhanga reo.
Children show that they are well nurtured and cared in a variety of ways.
Children learn in an environment where te reo Maori is priority. Kaimahi use a range of strategies to foster children’s language development. These include conversations, open ended questions and prompts. Children are exposed to examples of formal language patterns such as mihimihi, karakia and pepeha. They enjoy sharing what they know with their peers and adults. Whānau reinforce learning at home and many are learning te reo Māori alongside their tamariki. Children are growing in confidence in their use of te reo Māori.
Children are learning about who they are to strengthen their sense of identity. They have daily opportunities to acknowledge their tupuna and significant landmarks. Children use karakia, waiata and himene to enhance their knowledge of themselves. Kaimahi support children in their learning by prompting and interacting positively. Children are developing confidence in who they are.
Children experience a strong sense of belonging to their kōhanga reo. They demonstrate respectful relationships with their peers, whānau and kaimahi. They are familiar with daily kōhanga reo routines and expectations. Tuakana show compassion to their teina and model daily activities for them to follow. Younger children have their own dedicated space to follow their own interests. Children are confident and happy in their relationships with others.
Children participate in a variety of outdoor learning experiences. There is a modern outdoor play area at the kōhanga reo. Maara kai is a prominent feature of outdoor exploration to support learning about kaitiakitanga and manaakitanga. Children grow kamokamo from seeds in their greenhouse at their kōhanga reo then plant at another marae nearby. Children visit local places and people such as farms and the community library to build relationships and make connections with their community. Children enjoy exploring their natural and physical environment.
Planning is detailed and well documented. Kaimahi prepare term, weekly and daily plans. Plans are effective, well developed and useful for guiding kaimahi practice. Kaimahi meet regularly to evaluate the quality of the learning programme. Children receive quality learning opportunities that are responsive to their needs.
Children’s learning is well monitored. Kaimahi use observations and checklists to assess children’s learning on a regular basis. They provide whānau with information about what children are learning and how they are progressing. Assessment information is used to inform planning and individual learning goals. Children benefit from effective assessment practices.
Kaimahi formally evaluate the effectiveness of the learning programme for children. Whānau complete surveys to provide feedback on their children’s learning. Reports show areas of both good practice and improvements to guide them in delivery of a quality learning programme for children. Children participate in learning programmes influenced by effective internal evaluation.
Whānau are becoming more familiar with their management roles and responsibilities. In the past, many of the whānau management responsibilities were completed by the kaiwhakahaere and kaiako. There is regular reporting about the strategic goals, kōhanga reo finances, property developments and safety matters. Intergenerational success in education is a priority to the whānau. They have aspirations to ‘walk across the stage’, graduating with their mokopuna and tamariki. Whānau are committed to continuous improvement of their kōhanga reo.
Regular reporting to the whanau on planning, assessment and programme evaluation requires strengthening. Whānau acknowledge that an annual plan to meet strategic goals will also provide guidance and reassurance for completion. Children benefit from whānau that have effective management systems in place.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
Te Kōhanga Reo o Kotahitanga is based on Ngāti Wehiwehi marae in Manakau. The marae has a positive impact on children’s learning and te reo Māori is a high priority. Kaimahi and whānau share similar aspirations for their kōhanga reo to grow. Children are confident and happy in an environment that is nurturing.
The next ERO review of Te Kōhanga Reo o Kotahitanga will be in three years.
Lynda Pura-Watson
Deputy Chief Review Officer Māori
8 September 2016
|
Location |
Manakau |
||
|
Ministry of Education profile number |
64048 |
||
|
Kōhanga Reo Identification Number |
09D071 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
20 children, including up to 4 aged under 2 |
||
|
Kōhanga Reo roll |
12 children, including up to 4 aged under 2 |
||
|
Gender composition |
Girls 7 Boys 5 |
||
|
Ethnic composition |
Māori |
100% |
|
|
Review team on site |
June 2016 |
||
|
Date of this report |
8 September 2016 |
||
|
Most recent ERO report(s) |
Education Review Supplementary Review Education Review |
May 2013 November 2009 June 2008 |
|