Te Kōhanga Reo o Tararua ki Paraparaumu

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Tararua ki Paraparaumu, ki te tāone o Paraparaumu. Kua tata ki te 30 tau te kōhanga reo e whakahaerehia ana, ā, ko tēnei anake te kōhanga reo ki Paraparaumu. E hāpai tonuhia ana te kōhanga reo e te ārahitanga o ngā kuia me ngā kaumātua. E ahu whakamua ana te whānau ki te whakapakari i te tōpūtanga o ō rātou āheinga, hei whakatairanga ake i ngā tino putanga e whai hua ai ki ngā tamariki.

I kitea ki te aromātai Mana Whakahaere a Te Tari Arotake Mātauranga i te Hui-tanguru o te tau 2022, ko ngā uara o te whanaungatanga, ka tautoko, ka whai pānga nui hoki ki ngā mahi whakahaere a te whānau i te kōhanga reo. E tino tautokona ana te kawe a ngā kaimahi i ō rātou tūranga. Ko te waiora o ngā mokopuna, ā rātou akoranga, me tā rātou whakatupu tonu, tā rātou whakatairanga tonu, kei te pūtake o ngā whakataunga.

3 Te Aronga o te Aromātai

He pēhea rawa te whakatinana o ngā mokopuna i te papai o ngā taunekeneke me ngā hononga ki ētahi atu?

Ka kitea te tino māramatanga o ngā mokopuna ki te whanaungatanga mā roto mai i ā rātou taunekeneke ki ngā pakeke me ō rātou hoa.  

4 Ngā Whakaaturanga – Mana Mokopuna

Kua pou herea ngā taunekeneke katoa ki te whanaungatanga, te manaakitanga, me te aroha. Ka poipoi, ka manaaki hoki ngā hononga o ngā kaimahi ki ētahi atu pakeke me ngā mokopuna. E ākina ana te whai whakaaro nui o ngā tuākana, i a rātou e taunekeneke ana ki ngā tēina. Ka whakatauira rātou i te whanonga e tika ana, i a rātou e noho tahi ana me ngā pēpi. He atawhai, he aroha hoki tō te reo kōrero a ngā kaimahi ki ngā mokopuna. I ngā wā katoa, ka āta whakamihia e ngā kaimahi ngā whakamātau me ngā whakatutukitanga a ngā mokopuna. He whakaute ngā mokopuna, i a rātou e taunekeneke ana ki ngā kaimahi, te whānau, me ō rātou hoa.

Ka ngākau nui ngā mokopuna ki ngā akoranga, ā, kua waia ki te riterite o te hōtaka me ngā mahinga. Nā taua tūāhuatanga, he tau, he ngāwari hoki ngā whakawhitinga. Ka whakarato ngā kaimahi i ngā taumahi ako e poipoi ana i te mahi ngātahi me te tū takitahi. Ka ākina te toro atu a ngā mokopuna ki ngā taonga māoriori me ngā rauemi, hei whakaongaonga i ō rātou whakaaro, me ō rātou taha pākiki, taha auaha hoki. Ka hāpai ngā kaimahi i te ako a ngā mokopuna i ngā ao o ngā atua Māori, ā, ka whakahāngai ngā āhuatanga me ngā pūmanawa o ngā atua ki ērā o ngā tamariki. Ko te whakamahinga o te wāhi o waho, he whai wāhitanga anō mō ngā tuākana me ngā tēina ki te ako me te tākaro ki te taha o ō rātou hoa. Kei te harikoa ngā mokopuna hei ākonga.

Ka whakarato ngā kaimahi i ngā whai wāhitanga mō ngā mokopuna ki te kite i ngā kawa me ngā tikanga e pā ana ki te whakatau. He tika te whanonga a ngā mokopuna i aua wā, ā, ka whai whakaaro nui ki ngā tikanga. Ka hāpai ngā kaimahi i ngā mokopuna i ngā wā o ngā waiata tautoko, ngā hīmene, me ngā karakia. Nā te noho tahi mai o ngā kaumātua me ngā kuia, ka rangona e ngā mokopuna ngā tino puna reo matatau. Ka whai wāhi atu ngā mokopuna ki ngā kaupapa e āta whakapuaki ana i te reo ōkawa me te reo ōpaki ki a rātou. Kei te whakapakari rātou i tō rātou māramatanga ki ngā tikanga me ngā kawa, mā te hōtaka e whakaratohia ana e ngā kaimahi.

Ngā Whakaritenga Matua ka whai ake 

Ko ngā take i tautuhia ai ki te pūrongo o mua a Te Tari Arotake Mātauranga, i whakatūturuhia i te haerenga ki te kōhanga reo. He pūnaha whai hua ā te whānau mō te whakahaeretanga o ngā whakaritenga ki te kōhanga reo.  

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia whakatairanga tonuhia e te whānau ngā whakaritenga, hei whakarahi ake i ngā putanga e whai hua ana ki ngā mokopuna.  

Darcy Te Hau
Toka ā Nuku
Te Uepū-a-Motu – Māori Services

15 Pipiri, 2022

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Te Kōhanga Reo o Tararua ki Paraparaumu is in Paraparaumu. The kōhanga has been operating for nearly 30 years and is the only one in Paraparaumu. It continues to be supported by kuia and kaumatua who provide leadership. The whānau are working towards building their collective capability in order to promote positive outcomes for children.

The ERO February 2022 evaluation of Mana Whakahaere practices found the values of whanaungatanga supported and reflected how the whānau managed the operations of the kōhanga reo. Kaimahi are well supported to carry out their roles. Mokopuna wellbeing, learning and continual growth and improvement is the focus of decision making.

3 Evaluation Focus

How well do mokopuna demonstrate positive interactions and relationships with others?

Mokopuna show they understand whanaungatanga through their interactions with adults and their peers.

4 Findings - Mana Mokopuna

Whanaungatanga, manaakitanga and aroha underpin all interactions. Kaimahi relationships with other adults and mokopuna are nurturing and caring. Tuākana are encouraged to be considerate when interacting with teina. They role model appropriate behaviour when around the pēpi. The tone and way kaimahi talk with mokopuna is kind and affectionate. Kaimahi consistently use positive affirmation to acknowledge mokopuna efforts and achievements. Mokopuna are respectful in their interactions with kaimahi, whānau and their peers.

Mokopuna enjoy learning where the programme and routines are consistent and familiar. This leads to transitions that are relaxed and smooth. Kaimahi provide learning activities that foster co-operation and independence. Mokopuna are encouraged to interact with both natural and physical resources to stimulate their thinking, curiosity and creativity. Kaimahi support mokopuna to learn about the domains of atua Māori who are often associated with the traits and characteristics of certain atua. The use of the outdoor environment also provides opportunities a lot of space for tuākana and teina to learn and play alongside each other. Mokopuna are happy learners.

Kaimahi provide opportunities for mokopuna to observe kawa and tikanga associated with whakatau. Mokopuna demonstrate appropriate behaviour during this time and are respectful of the protocols in place. Kaimahi support the mokopuna through waiata tautoko, himene, karakia. The presence of kaumātua and kuia provide crucial, fluent language models. Mokopuna experience situations where they are exposed to te reo ōkawa and te reo ōpaki. They are building their understanding of tikanga and kawa through the programme provided by the kaimahi.  

Key Next Steps

Matters identified in ERO’s previous report were verified during the onsite visit. Whānau have efficient systems in place to manage the kōhanga reo operations. 

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau developed the following recommendation that whānau continue to enhance practices to further increase positive outcomes for mokopuna.

Darcy Te Hau
Toka-ā-Nuku – Director
Te Uepū ā-Motu – Māori Review Services

15 June 2022

7 Information about the Kōhanga Reo