Te Kōhanga Reo o Te Whānau Tahi

1 Te Horopaki

E tū ana Te Kōhanga Reo o Te Whānau Tahi ki Ōtautahi. I tēnei wā, e tū ana te kōhanga reo ki tōna whare i noho tahi ai rātou me Te Kura Kaupapa Māori o Te Whānau Tahi. Ahakoa nō te tau 2000 kē te kura kaupapa Māori i wehe atu ai, kua whakatakotohia ngā whakaritenga kia hūnuku hoki te kōhanga reo ki tōna taha.

2 Ngā Whakaaturanga o te Aromātai

He pēhea rawa te tū o ngā tamariki hei mokopuna a Te Whānau Tahi?

Kei te tino pakari te whakapuakitanga mai o ngā tamariki i roto i ā rātou akoranga, ko Te Whānau Tahi tō rātou tūrangawaewae.

Ngā Taumata Whakahirahira  

E tino tautokona ana ngā tamariki kia whanake ai tō rātou māramatanga ki ngā tikanga Māori. Kua tāutuhia e te whānau ngā tikanga e poipoi ana i ngā tūmanako kia kōkiri tika ngā tamariki i a rātou anō i roto i te kōhanga reo. He whai wāhitanga mō ngā tamariki ki te ārahi me te whai wāhi atu ki ngā karakia o ia rā me ngā taumahi katoa i te kōhanga reo. Ki tā te whānau kōrero, kua āta whakatōngia anō hoki aua tikanga ki ngā kāinga. Kei te hōtaka akoranga te aronga ki ngā tikanga tuku iho a ngā atua Māori, me tō rātou whai pānga nui tonu ki ngā horopaki o te ao hurihuri nei. Ka kitea ki ngā tamariki i tō rātou mōhio, i tō rātou whakaute anō hoki ki ngā tikanga Māori.

Kei te whai wāhi mātātoa ngā tamariki ki te manaaki i ngā taonga māoriori i te kōhanga reo. Ka akiaki, ka hāpai hoki te whānau i ngā tamariki ki te tiaki i ngā wāhi o roto, o waho hoki. He māmā noa ki ngā tamariki i roto i te whare te whakapā atu ki ngā rauemi e hiahiatia ana e rātou, me te whakahoki anō hoki i aua rauemi. Ko te manaaki i a Papatūānuku te aronga ako matua i te kōhanga reo. Ka tūhura ngā tamariki i te māra o waho, ā, e hāngai ana tēnei ki te wawata kia ako ngā tamariki me pēhea te tupu kai, me te whakahoki i ngā otaota kai kia huri ki te wairākau. He māra motuhake ā ngā tamariki mō tā rātou māra noke, ā, he wāhi e ngākau nuitia ana, e whakapūmau ana hoki i ngā ariā o te tiaki me te manaaki. E ako ana ngā tamariki ki te whai kawenga hei kaitiaki.

He whakaute ngā taunekeneke a ngā tamariki ki waenga i a rātou anō, ki ngā pakeke hoki. Ka whakarite te whānau me ngā kaimahi kia whai wā ai ngā tamariki katoa ki te tākaro ngātahi me te ako ngātahi. He pai te mahi ngātahi a ngā tuākana me ngā tēina, tae atu hoki ki ngā pēpi, heoi, ka whai wā, ka whai wāhi anō hoki tēnā me tēnā ki te ako. Kua tāutuhia e ngā kaimahi ka whai hua ake ngā rōpū ako iti mō te whakapuaki i ngā whakaaro, te whakawhānui ake i ngā whakawhitinga kōrero, me te wero anō hoki i ngā whakaaro o ngā tamariki. He hua, he manaakitanga hoki tō ngā hononga me ngā taunekeneke, ā, e poipoi ana hoki ēnei i ngā tamariki. Ka whakamahi ngā kaimahi i te whānuitanga o ngā tūmomo huarahi mahi ki te akiaki i te mahi ngātahi a ngā tamariki, tae atu ki te whakatauira, ki te toro ki ētahi atu ki te whai wāhi mai, ki te tuku haere kia whai wā tēnā me tēnā, me te tohatoha. Kei te harikoa ngā tamariki ki te ako ki te taha o ō rātou hoa me ngā pakeke ki te kōhanga reo.

Ka tūhura mātātoa atu ngā tamariki i te taiao o tō rātou kōhanga reo, ā, ki tua atu hoki. Ka whakarato te whānau i te whānuitanga o ngā tūmomo rauemi muramura hei whakahihiko, hei whakahihiri anō hoki i ngā tamariki. Ka whakatau ngā tamariki i ā rātou whakaritenga i roto i ngā akoranga, ā, ka tīpako i ngā taumahi e hiahiatia ana e rātou. He maha ngā tūmomo matū e whakaratohia ana hei akiaki i te auaha me ngā whakaaro pohewa o ngā tamariki. He pārekareka ki ngā tamariki tuākana ngā pukapuka i waihangatia ai hei kapo atu i ā rātou akoranga ki te kōhanga reo. Ka toro atu ngā tamariki ki ngā wāhi whakahirahira, ka taetae atu ki ngā kaupapa i tō rātou purapura, ā, ka whai wāhi atu hoki ki ngā huihuinga o te iwi. He ākonga pākiki ngā tamariki.

E whiwhi ana ngā tamariki i ngā akoranga e poipoi ana i tō rātou ngākau nui me tō rātou māramatanga ki te reo Māori. He aronga rautaki ki te whakapakari i ngā āheinga i roto i te reo Māori, ā, ka whakapūmautia ki te kōhanga reo, ko te whakahirahiratanga o te reo Māori. Ka whakamahi ngā kaimahi i te whānuitanga o ngā tūmomo rautaki e whakawhānui ana i te mōhiotanga o ngā tamariki ki te reo Māori, i tā rātou whakamahinga anō hoki i te reo Māori, pērā i te whakapuaki i ngā pātai whānui, i te toro atu ki ngā mōhiotanga kē hei hāpai ake i ngā whakautu kōrero, me te akiaki i ngā tamariki ki te whakawhitiwhiti kōrero. E ako ana ētahi o ngā tamariki i ngā reo e toru, ā, kua whakawhanakehia e ngā kaimahi ngā taumahi e whakapūmau ana i te māramatanga o ngā tamariki ki te reo Māori. Ka kitea te whakawhanaketanga reo ki ngā pūkenga o ngā tuākana ki te whakapuaki i ngā rerenga kōrero whānui ki ngā pēpi, me te kōrerorero anō hoki a ngā pēpi mā te āhua o ō rātou kanohi me tō rātou reo ā-tinana. E whanake ana te pakari o ngā tamariki ki te kōrero i te reo Māori.

Te Whakamahere me te Aromātai 

Kua āta whakaritea ngā mahi whakahaere a te whānau. Kei te mātau, kei te tākare, kei te whai pūkenga hoki te whānau ki te ārahi i te whakahaeretanga me te whakaritenga o te kōhanga reo. Tū ai te aromātai o roto, puta noa i ngā wāhanga katoa o ngā whakahaeretanga. He mārama ngā tūmanako e pā ana ki ngā pūrongo i ngā hui ā-whānau o ia marama. Kua āta tuhia ngā meneti, ā, e hāpai ana ēnei i te wāhi huatanga o ngā mahi whakahaere ki te kōhanga reo. Ka āta aroturukitia, ka māramahia anō hoki e te whānau me ngā kaimahi, ko ngā tikanga e pā ana ki te haumaru me ngā herenga ā-ture. Ka whai pūtake ngā mahere me ngā pūrongo, ā, e hāpai ana i te whānau ki te whakahāngai tonu i tā rātou titiro ki tēnā e whai hua ana, ā, ki ngā wāhanga anō hoki hei whakawhanake tonu.

He iti te rōpū o ngā kaimahi, ā, he pai tā rātou mahi ngātahi ki te whakamahere i ngā hōtaka akoranga whakahihiri mā ngā tamariki. Ka āta kitea ngā hononga i Ngā Taumata Whakahirahira. Ka āta whakamahia ngā whāinga ako hei tohu i te ahu whakamua a ngā tamariki i roto i ā rātou akoranga, ā, i ō rātou whakawhanaketanga anō hoki. He pai te āhua o ngā rauemi i waihangatia ai e ngā kaimahi, ā, ka akiaki ēnei i ngā whakaaro o ngā tamariki, me ō rātou pūkenga hīraurau hopanga. Ka whiwhi ngā kaimahi i ngā kōrero urupare e whai hua ai ki te hāpai i tō rātou māramatanga ki tēnā e whakatutukihia ana e rātou, ā, i ngā āhuatanga anō hoki o ā rātou mahi ka taea e rātou te whakatairanga tonu. Kei te āta whakatutukihia ō rātou matea whakawhanaketanga ngaio.

Ka whiwhi te whānau i ngā mōhiohio whai hua mō ngā akoranga a ngā tamariki tuākana, mā ngā pūkete aromatawai e whakatakoto ana i ngā whakaahua me ngā paki ako. I ia wāhanga, ka hui tahi ngā kaimahi ki te taha o ia whānau, ki te whakawhiti kōrero mō te ahu whakamua a ngā tamariki. He wā anō hoki tēnei mō ngā kaimahi ki te whakapakari i ō rātou hononga whakaute ki ngā whānau, me te toro atu anō hoki ki ā rātou kōrero urupare. Tū ai te aromātai hōtaka i ia te wā, ā, ka arotahi ki te whakapai ake i te ako a ngā tamariki me te kounga o ngā whakaritenga a ngā kaimahi. Ka tāutuhia ngā mahi ki ngā hui e tū ana i ia te wā, ā, ka whāia aua mahi e ngā kaimahi. Ko ngā hua ka puta ake i aua whakawhitinga kōrero, ka whakapuakihia ki ngā hui ā-whānau.

Ngā Whakaritenga Matua ka Whai Ake

Ka taea te kounga o te hōtaka akoranga o ngā pēpi te whakatairanga tonu. Kua whakaritea tētahi wāhi mō ngā pēpi, kia āhei ai rātou ki te tākaro ki ngā rauemi e hāpai ana i tō rātou whakawhanaketanga ā-tinana, ā-whatumanawa hoki. Me whai whakaaro tonu me pēhea te tāutu, me pēhea hoki te hāpai i ngā ngākau nuitanga ake me ngā matea ake o ia pēpi, i a rātou e noho ana ki te kōhanga reo. Ko ngā āhuatanga o ngā pēpi i kitea ai e ngā kaimahi, ka taea te whakatakoto ā-tuhi, te whakapuaki anō hoki ki te taha o ō rātou mātua, kia taea ai e te whānau me ngā kaimahi te whakawhanake ngātahi ngā whai wāhitanga ako e whakatutuki ai i ngā matea o ia pēpi.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. 

4  Te Taunakitanga

I whakawhanakehia e Te Tari Arotake Mātauranga me te whānau te taunakitanga e whai ake nei, arā, kia:

• ū tonu te whānau me ngā kaimahi ki tā rātou aronga ngātahi ki te whakatairanga tonu, puta noa i ngā wāhanga katoa o tō rātou kōhanga reo. 

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Whānau Tahi i roto i te toru o ngā tau.

Charles Rolleston
Toka ā-nuku 

05 Pipiri, 2019 

Ngā kōrero e pā ana ki te kōhanga reo 

Te tūwāhi	Kei Ōtautahi
Te tau a te Tāhuhu o te Mātauranga	70613
Te tau tohu o Te Kōhanga Reo	10B006
Te tūmomo raihana	He kōhanga reo
Kua raihanatia ki te ture	Ngā Ture Mātauranga (Ratonga Kōhungahunga) 2008
Te tokomaha mō te raihana	25, kia tokoono ki raro i te rua o ngā tau
Te tokomaha kei te rārangi ingoa	22, tokoono kei raro i te rua o ngā tau
Te ira tangata	Kōtiro  7 Tama  15
Ngā hononga ā-iwi	Māori   Pākehā	21 1
Te wā i te kōhanga reo te rōpū arotake	Paenga-whāwhā 2019
Te wā o tēnei pūrongo	05 Pipiri, 2019
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga Arotake Mātauranga		Paenga-whāwhā 2016 Whiringa-ā-rangi 2011 Hui-tanguru 2007

1 Context

Te Kōhanga Reo o Te Whānau Tahi is in Christchurch. The kōhanga reo is currently located on the site it originally shared with Te Kura Kaupapa Māori o Te Whānau Tahi. Although the kura kaupapa Māori moved in 2000, there are plans in place for the kōhanga reo to relocate to the same site.

2 The Evaluation Findings

How effectively do children identify as mokopuna of Te Whānau Tahi?

Children confidently demonstrate in their learning that Te Whānau Tahi is their tūrangawaewae.

Ngā Taumata Whakahirahira

Children are well supported to develop understanding of tikanga Māori. The whānau have identified tikanga that fosters expectations for children to conduct themselves appropriately in the kōhanga reo. Children are provided with opportunities to lead and participate in daily karakia and all activities in the kōhanga reo. The whānau acknowledged these practices have also become firmly embedded at home. The learning programme includes a focus on the traditional roles of atua Māori and their relevance in contemporary settings. Children show awareness and respect for tikanga Māori.

Children are actively involved in the care of the natural resources of the kōhanga reo. The whānau encourage and support children to take responsibility for the indoor and outdoor spaces. Inside the kōhanga reo, children can easily access resources of their choice and return them independently. Caring for Papatūānuku is the key learning focus in the kōhanga reo. Children explore the outdoor garden area which aligns to the aspiration for children to learn how to grow kai and recycle food scraps to make compost. Children have a special plot for their worm garden which is high interest area that reinforces concepts of tiaki and manaaki. Children are learning to be responsible kaitiaki.

Children interact respectfully with each other and with adults. The whānau and kaimahi make time for all children to play and learn together. Tuākana, tēina and pēpi work well together and also give each other time and space to learn. Kaimahi have identified that small group learning is much more beneficial for sharing ideas, building on discussions, and challenging children’s thinking. Relationships and interactions are positive, caring and nurturing. Kaimahi use a range of methods to encourage children to work well together including role modelling, inviting others to join in, turn taking and sharing. Children are happy to learn alongside their friends and adults in the kōhanga reo.

Children actively explore the environment within and beyond the kōhanga reo. The whānau provide a range of exciting, interesting and colourful resources for children. Children make choices with their learning and select activities they would like to play with. Different materials are provided to encourage children’s creativity and imagination. Tuākana enjoy reading the books that have been created about their learning in the kōhanga reo. Children visit places of interest, attend kaupapa within their purapura, and participate in iwi events. Children are curious learners.

Children experience learning that fosters their interest and understanding of te reo Māori. There is a strategic focus to build te reo Māori capability and reinforce the importance of te reo Māori in the kōhanga reo. Kaimahi use a variety of strategies to extend children’s knowledge and use of language including open-ended questions, using prior knowledge to improve responses, and encouraging conversations with children. Some children are learning three languages and kaimahi have developed activities that reinforce children’s understanding in te reo Māori. Language development is evident in the confidence of tuākana to speak full sentences to the pēpi who use facial expressions and body language to communicate. Children are developing as confident speakers of te reo Māori.

Planning and Evaluation

Whānau management practices are well established. The whānau has expertise, enthusiasm and knowledge to guide management and operations of the kōhanga reo. Internal evaluation occurs across all areas of operation. There are clear expectations for reporting at the monthly whānau hui. Well-documented minutes contribute to effective management of the kōhanga reo. Safety and compliance requirements are well monitored and understood by the whānau and kaimahi. Planning and reporting is purposeful and supports the whānau to maintain focus on what is working well and to identify areas that require further development.

The small team of kaimahi work well together to plan exciting and interesting programmes of learning for children. There are visible links made to the Taumata Whakahirahira. Learning goals are used well to show the progress and development of children with their learning. Resources made by kaimahi are well presented and encourage children’s thinking and problem-solving skills. Kaimahi receive useful feedback to assist with understanding what they do well, and how they can continue to improve in their practice. Their professional development needs are well met.

The whānau receive useful information about older children’s learning in assessment portfolios that contain pictures and learning stories. Kaimahi meet with whānau every term to discuss children’s progress. This also provides time for kaimahi to build respectful relationships with whānau and to gather their feedback. Regular programme evaluation is focussed on improving children’s learning and the quality of kaimahi practice. Actions are identified at regular hui and followed up by kaimahi. The outcomes of these discussions are shared at whānau hui.

Key Next Steps

There is potential to enhance the quality of the learning programme for pēpi. There is a dedicated space for pēpi to play with resources that support their physical and emotional development. Further consideration should be given to how the particular interests and needs of each pēpi can be identified and supported while they are in the kōhanga reo. Observations of pēpi by kaimahi can be recorded and shared with their parents, so that together whānau and kaimahi can develop learning opportunities that meet the needs of each pēpi.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the kōhanga reo whānau developed the following recommendation:

• the whānau and kaimahi continue to maintain their shared focus on ongoing improvements across all areas of their kōhanga reo.

When is ERO likely to evaluate the kōhanga reo again?

The next ERO evaluation of Te Kōhanga Reo o Te Whānau Tahi will be in three years.

Charles Rolleston

Toka ā-nuku

5 June 2019

Information about the Kōhanga Reo

Location	Christchurch
Ministry of Education profile number	70613
Kōhanga Reo Identification Number	10B006
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	25 children, including up to 6 aged under 2
Kōhanga Reo roll	22 children, including 6 aged under 2
Gender composition	Girls 7 Boys 15
Ethnic composition	Māori Pākehā		21 1
Review team on site	April 2019
Date of this report	5 June 2019
Most recent ERO report(s)	Education Review Education Review Education Review	April 2016 November 2011 February 2007

Te Aromātai

E tū ana Te Kōhanga Reo o Te Whānau Tahi ki Ōtautahi. Ka rumakina ngā tamariki ki tētahi taiao e whakanui ana i te whanaungatanga. E tupu ana te pakari o ngā tamariki ki te whakamahi i te reo Māori. He pai te whakahaeretanga a te whānau i te kōhanga reo.

Ka arotake anō Te Tari Arotake Mātauranga i Te Kōhanga Reo o Te Whānau Tahi i roto i te toru o ngā tau.

1 Te Horopaki

E tū ana Te Kōhanga Reo o Te Whānau Tahi ki Ōtautahi. Ka whakarato te whānau i tētahi taiao atawhai mō ngā tamariki. He hononga tō te whānau ki a Kāi Tahu, ā, ki ētahi atu iwi hoki o Aotearoa. Kua roa nei ngā koroua me ngā kuia kua whai wāhi atu ki te kōhanga reo, ā, kei te hāpai tonu rātou i te whānau.

2  Ngā Whakaaturanga o te Arotake

He pēhea rawa te kite ki ngā tamariki te kaha o te poipoi me te manaaki i a rātou?

Kei te manaakitia ngā tamariki, ā, he harikoa, he māia hoki rātou ki tō rātou kōhanga reo.

Te Mana Atua me te Mana Tangata 

Ka rumakina ngā tamariki ki ngā manaakitanga o tētahi taiao e āta whakatinana ana i te ao Māori. He mārie, he tau hoki rātou i te wā karakia. Ka ako, ka rongo hoki ngā tamariki i te rangimārie, te whakapono, te koa me te pārekareka. Ka whakanui rātou i ngā atua Māori i ia rā. Kua waia ngā tamariki ki ā rātou mahinga. He harikoa, he tau hoki rātou.

He mauritau ngā tamariki i a rātou e whakatutuki haere ana i ā rātou mahi me ā rātou tākaro. He maha ngā tūmomo rauemi e noho wātea ana ki a rātou, ā, e āhei ana hoki rātou ki te whai i ō rātou ake ngākau nuitanga. He pārekareka hoki ki a rātou te kori tinana, hei wāhanga tonu o te hōtaka. Ka ngākau nui ngā tamariki ki te noho ki te kōhanga reo.

Ka rongo, ka whakamahi hoki ngā tamariki i te reo Māori mā ngā huarahi ōkawa me ngā huarahi ōpaki. Ka whai wāhi rātou ki ngā waiata taunekeneke e whakapakari ana i tō rātou āheinga reo i te wā ōkawa o te hōtaka. Ka whakarato ki ngā tamariki ngā whai wāhitanga ki te ārahi, hei whakawhanake i tō rātou tūmāia. Whakamahia ai e ngā kaimahi i te reo Māori puta noa i te rā. E tupu ana te māia o ngā kaimahi ki te whakamahi i te auaha ake o ngā rautaki hopu reo ki te taha o ngā tamariki. Kei te pakari haere te whakamahinga o ngā tamariki i te reo Māori.

Ka rongo ngā tamariki i te whanaungatanga i a rātou e noho ana ki te kōhanga reo. Ka whai wāhi atu ngā tamariki ki ngā taunekeneke e tino whai hua ana i te nuinga o te wā, ki te taha o ngā pākeke me ō rātou hoa. He maha ngā whai wāhitanga mō ngā tamariki ki te kōkiri i ā rātou ake tākaro me te tākaro ā-rōpū hoki. He pārekareka ki a rātou te ako ki te taha o ō rātou mātua. He pai te noho tahi a ngā tamariki.

Te Whakamahere me te Aromātai 

Kei te whai hua ngā tamariki nā te whai pūtaketanga o ngā mahere. Ka whai pānga ngā mahere ki ngā tamariki me ō rātou ngākau nuitanga. Ka whakamahere ngātahi ngā kaimahi, ā, ka kawe rātou i ētahi tino mahi puta noa i te hōtaka akoranga. Kei ngā mahere o ia rā, o ia wiki, o ia wāhanga hoki te tino ārahitanga mō te whakapuakitanga o te hōtaka. Ka ngākau nui ngā tamariki ki ngā wheako akoranga e whakaratohia ana mā rātou.

He mārama ngā tukanga a ngā kaimahi mō te aromatawai i te ako a ngā tamariki. Ka aromātai te kaiako i te whai huatanga o te hōtaka akoranga mā te āwhina hoki o ngā kaimahi. Ka whakamahi te kaiako i tana mahere ako ki te whakaaro huritao me te pūrongo hoki i te whai huatanga o te hōtaka. Ka hāngai nui aua mōhiohio ki ngā wāhanga ka whakapai ake i te kounga o te hōtaka akoranga mō ngā tamariki.

He pai te whakahaeretanga a te whānau i te kōhanga reo. Kua tāutuhia e rātou ngā whāinga rautaki ka whakatinana i ō rātou wawata mō meāke nei. Kua whakaritea ngā kaupapa here me ngā tukanga matua e pā ana ki te hauora, te haumaru, te waiora, me te atawhai. Ka whai hua ngā tamariki nā te tū o te whānau hei kaituku mahi pai. Kua āta whakaritea ngā tuhinga tūranga mahi a ngā kaimahi, ā, e hāngai ana ki te wā. Kua oti i ngā kaimahi ā rātou arohaehae. He mārama tā rātou pūnaha pūtea. Ka whakapuaki ngātahi te whānau i ō rātou pūkenga ake hei hāpai i te whakahaeretanga o te kōhanga reo.

Ngā Whakaritenga Matua ka Whai Ake

Kāhore ngā taunekeneke a ngā kaimahi ki te taha o ngā tamariki e whakakoia ana i ngā wā katoa. I ētahi wā he roa rawa ētahi o ngā taumahi, ā, kāhore e āta whakawero ana i ngā tamariki. He whāiti noa te whakawhanaketanga ngaio, te ako ngaio hoki a ngā kaimahi hei whakatairanga ake i ngā whakaritenga i a rātou e mahi ana ki te taha o ngā tamariki.

Kāhore he kaupapa here arohaehae ā te whānau. Kāhore he tukanga ā te whānau hei hāpai i te whakapaitanga ake o ngā whakaritenga, hei whakarato rānei i ngā kōrero urupare e pā ana ki te āhua o ā rātou mahi.

Kāhore anō te whānau kia whakawhanake i tētahi mahere ā-tau e hāpai ana i ā rātou whāinga rautaki, ō rātou wawata rautaki rānei.

3  Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. 

4  Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia tahuri te whānau me ngā kaimahi ki te:

• whakawhanake i ngā aratohu e pā ana ki ngā kaupapa here me ngā tukanga mō te arohaehae
• tāutu i te whakawhanaketanga ngaio me te ako ngaio ka whakatairanga ake i ā rātou mahi ki te taha o ngā tamariki
• whakawhanake me te aroturuki i tā rātou mahere ā-tau.

Te Whakarāpopototanga

E tū ana Te Kōhanga Reo o Te Whānau Tahi ki Ōtautahi. Ka rumakina ngā tamariki ki tētahi taiao e whakanui ana i te whanaungatanga. E tupu ana te pakari o ngā tamariki ki te whakamahi i te reo Māori. He pai te whakahaeretanga a te whānau i te kōhanga reo.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Whānau Tahi i roto i te toru o ngā tau. 

Lynda Pura-Watson

Kaiurungi Whakaturuki Arotake Māori 

12 Paenga-whāwhā, 2016 

Ngā kōrero e pā ana ki te kōhanga reo 

Te tūwāhi	Kei Ōtautahi
Te tau a te Tāhuhu o te Mātauranga	70613
Te tau tohu o Te Kōhanga Reo	10B006
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	25, kia tokoono ki raro i te rua o ngā tau
Te tokomaha kei runga i te rārangi ingoa	22, tokotoru kei raro i te rua o ngā tau
Te ira tangata	Kōtiro  11 Tama tāne  11
Ngā hononga ā-iwi	Māori		100%
Te wā i te kōhanga reo te rōpū arotake	Hui-tanguru 2016
Te wā o tēnei pūrongo	12 Paenga-whāwhā, 2016
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga	Whiringa-ā-rangi 2011 Hui-tanguru 2007

Evaluation

Te Kōhanga Reo o Te Whānau Tahi is in Christchurch. Children are immersed in an environment that promotes whanaungatanga. Children are growing in confidence in their use of te reo Māori. Whānau manage the kōhanga reo well.

The next ERO review of Te Kōhanga Reo o Te Whānau Tahi will be in three years.

1  Context

Te Kōhanga Reo o Te Whānau Tahi is located in Christchurch. The whānau provide a caring environment for children. Whānau have links to Kāi Tahu and also to other tribes in Aotearoa. Koroua and kuia who have been involved in the kōhanga reo for a long time continue to support the whānau.

2  The Review Findings

How well do children show they are nurtured and well cared for?

Children are cared for happy and confident in their kōhanga reo.

Mana Atua and Mana Tangata

Children are immersed in a caring environment that reflects te ao Māori. They are calm and settled during karakia. Children learn and hear about rangimārie, whakapono, koa and pārekareka. They acknowledge ngā atua Māori every day. Children are familiar with their routines. They are happy and settled.

Children are calm as they go about their work and play. They have a number of resources available to them and they are able to follow their interest. They enjoy regular exercise as part of the programme. Children enjoy being at kōhanga reo.

Children hear and use te reo Māori in both formal and informal ways. They participate in interactive waiata that builds their language capacity during the formal programme. Children are provided leadership opportunities to develop their confidence. Kaimahi use te reo Māori throughout the day. Kaimahi are growing in confidence to use more creative language acquisition techniques with children. Children are growing in confidence in their use of te reo Māori.

Children experience whanaungatanga while at kōhanga reo. Children enjoy positive interactions with adults and their peers. Children have many opportunities for independent play and playing in groups. They enjoy learning alongside their parents. Children get on well with each other.

Planning and Evaluation

Children benefit from purposeful planning. Children and their interest are considered in the planning. Kaimahi collectively plan and take on specific roles throughout the learning programme. Daily, weekly and termly planning provides clear guidance for programme delivery. Children enjoy the learning experiences that are provided for them.

Kaimahi have clear processes to assess children’s learning. The kaiako assisted by kaimahi evaluate the effectiveness of the learning programme. The kaiako uses her learning plan to reflect and report on the effectiveness of the programme. This information highlights areas for improving the quality of the learning programme for children.

Whānau manage the kōhanga reo well. They have identified strategic goals to realise their future aspirations. Core health and safety, wellbeing and care policies and procedures in place. Children benefit from whānau who are responsible employers. Kaimahi employee documentation is current and in place. Kaimahi have completed their appraisals. They have a transparent financial system. Whānau share their individual skills to support the management of the kōhanga reo. 

Key Next Steps

Kaimahi interactions with children are not always affirming. At times some activities are prolonged and do not provide sufficient challenges for children. Kaimahi have had limited professional development and learning to enhance their practices when working alongside children.

Whānau do not have an appraisal policy. Kaimahi do not have a process that supports improved practice or provides feedback about their performance.

Whānau have not developed an annual plan that supports their strategic goals and aspirations.

3  Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4  Recommendation

ERO and the Kōhanga Reo whānau developed the following recommendations that the whānau and kaimahi:

• develop an appraisal policy and procedure guidelines
• identify professional development and learning to enhance their practices when working alongside children
• develop and monitor their annual plan.

Conclusion

Te Kōhanga Reo o Te Whānau Tahi is in Christchurch. Children are immersed in an environment that promotes whanaungatanga. Children are growing in confidence in their use of te reo Māori. Whānau manage the kōhanga reo well.

When is ERO likely to review the kōhanga reo again?

The next ERO review of Te Kōhanga Reo o Te Whānau Tahi will be in three years. 

Lynda Pura-Watson

Deputy Chief Review Officer Māori 

12 April 2016 

Information about the Kōhanga Reo 

Location	Christchurch
Ministry of Education profile number	70613
Kōhanga Reo Identification Number	10B006
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	25 children, including up to 6 aged under 2
Kōhanga Reo roll	22 children, including up to 3 aged under 2
Gender composition	Girls 11 Boys 11
Ethnic composition	Māori		100%
Review team on site	February 2016
Date of this report	12 April 2016
Most recent ERO report(s)	Education Review Education Review	November 2011 February 2007